تسجيل الدخول

مشاهدة النسخة كاملة : طلب من المشرف


الريس
25-06-2007, 11:15 PM
أنا بالأول كنت فاتح موضوع لحتى بس يكون بدي غير صورة ، حطها فيه ، بس مش عم لاقي بقا ليش ، هيأتكم حذفتوه ، على كل مش هذا موضوعي .

أنا بدي غيير الصورة تبعيتي ، فبتمنى عليك انك اتحطلي الصورة المرفقة بالمشاركة ، وبعدين ليش بالرسائل الخاصة ، ما بقدر اعمل ارفاق لملف ، يعني مضطر كل مرّة شرشح حالي واتبهدل لحتى غير الصورة ، شي هالجرصة هذي .
Nader 3:16
26-06-2007, 11:33 AM
اي و الله جرصة.....................
دوووووووووووووووع
أم سفيان
26-06-2007, 05:06 PM
شو هالصورة المعبرة هادي عأي برنامج راسما
كنت بدي إشترك بالمسابقة بس ماني عارفة إذا كان الجهاز بيحمل نزل عليه برامج
الريس
27-06-2007, 11:51 AM
هذه الصورة آخدها عن الانترنت ، بس معدل عليها و......

استخدمت برنامج الفوتوشوب .

فيك تنزليه عندك ، وصي أبو سفيان على كليين رامات ، وربع أوقية cpu وبيمشي الحال ، وما بعتقد انهم بكونوا غاليين عندكم بنوب بنوب .


على كل ، ما بنصحك تقدمي على المسابقة ، بين بعضنا يعني ، مشان ما تتجرصي ، شنو الريس بدو يقدم .
Nadine
27-06-2007, 12:10 PM
بعدو كلكن انا عندي شعار ولا احلى من هيك , هربوا ما حدا يقدم.....
الريس
27-06-2007, 12:19 PM
بعدنا اتفضلي تشوف ، ليش عم ادفشي ، كلو مشان هالتخربش هدا ، منو حلو أبدا أبدا أبدا ، وبطالب الادارة انها ما تقبل فيه بنوب ، لأن بينزع صيت المسابقة .
الزاهر
27-06-2007, 12:39 PM
إنو صحيح المفروض ما يكون بيحألي شارك.......بس خليتوني فكر شارك عنجد.....
إن شاء الله يخلصو الامتحانات أبل ما يخلص التسليم.....
ساعتها.....ما حدا بيضطر يدفش.....لأن الكل رح يغمى عليه!!!!!


بالمناسبة......ما تنسو الشروط ها......كل ما كان الشعار بسيط.....كل ما كانت فرصتكم أكبر....عنجد!!!

المهم الفكرة والبساطة.....وأبل كلشي إنو يكون Vector .......

يالله......دعولي يصير عندي وئت لشارك!!!
أم سفيان
27-06-2007, 05:19 PM
ما حدا ألي وين بلائي البرنامج وأديش حجمو تأعرف إذا فيني نزلو أم لا
وممكن تأجلو وأت المسابقة شي أسبوع أو أسبوعين
Nader 3:16
28-06-2007, 01:03 AM
انا بحب بشّركم انو فرقتنا مقاطعة للمسابقة..............

يعني فيمن تاخدوا مجدكم عالآخر........

يلا موفقين
أم سفيان
28-06-2007, 02:46 AM
غب عألبي كل هاد بدي نزل
المساحة الفاضية عندي ما بتتعدى 800 ميغا
ما في طريقة إقدر شارك بالرسمة من دون تنزيل برامج
الزاهر
28-06-2007, 02:51 AM
غب عألبي كل هاد بدي نزل
المساحة الفاضية عندي ما بتتعدى 800 ميغا
ما في طريقة إقدر شارك بالرسمة من دون تنزيل برامج

إنو أختي......ماني عم افهم.....من كم يوم حبيت فضي الجهاز وريحو....آم محيت ما يتجاوز الـ 50 جيغا من عندي.....على فكرة إذا بتعملي Setup للـ Illustrator CS3 ما بيبئا عندك شي.....ويمكن ما يرضى ينزل معك أساسا

رح دورلك على برنامج صغير ممكن يمشي الحال......ومدام هالأد مهتمة بالرسم والمشاركة.....بيصير ما عندك شي برنامج رسم.....ولالالالالالالاو!!!

بالمناسبة......بما إنو صار الموضوع هون عن الرسم والشعار.....بدي افتح موضوع اعرض فيه أعمالي الفنية (لوووووووول!!!) شو رأيك؟؟

يالله رح برملك عليه......نطريني!!

سلام
أم سفيان
28-06-2007, 03:12 AM
الكمبيوتر عندي من عصر الشامي
لازملنا غيرو بس حاليا إمشيين حالنا فيه لنفضى ندور عغيرو كلو عبعضو ما بيطلع 8 جيغا
الله يبارك فيك عالمساعدة
وبشجعك تحط أعمالك بموضوع ونقدر نعلق عليها ونستفاد منها
الزاهر
28-06-2007, 03:15 AM
هاد أحلى برنامج بلاش للأرابة......تفضلي
بس ماني مجربو......لأن الـ Illustrator أهين بكتيييير بالنسبة لي.....بالنسبة لي أنا وبس.....صرت بشتغل عليه برياحة كأني عم اتنفس....صعب اشتغل على شي تاني


بس هاد مانو مجاني.....Trial.....إلا إن بدك تدفعي مصريات......أيبلي إنتي على شي لنك للـ Illustrator الأديم....هاداك ظغير


جربيه لنشوف
http://www.xara.com/products/xtreme/
خبرينا شو بيصير يا أرايبة
سلام
الزاهر
28-06-2007, 03:16 AM
الكمبيوتر عندي من عصر الشامي
لازملنا غيرو بس حاليا إمشيين حالنا فيه لنفضى ندور عغيرو كلو عبعضو ما بيطلع 8 جيغا
الله يبارك فيك عالمساعدة
وبشجعك تحط أعمالك بموضوع ونقدر نعلق عليها ونستفاد منها


لأ إذا هيك .....أحسن شي تشتغلي على الـ Paint.....ما هيك
الريس
28-06-2007, 08:16 AM
800 ميغا ، منيح بكرا اذا علقت بالقلمون واضطرينا نتهجر منجي نتخبى عندك ، طالما انو عندك هلأد .


ولك 800 ميغا ، نزلي على الدكان وخليه يعطيكي كلينا هارد .