الريس
01-07-2007, 03:24 AM
السلام عليكم
كتار من المشاييخ بيوقفوا على المنابر وبيحكولنا انو لازم نخدم الدين وبيضربولنا أمثلة بالصحابة وبعيطوا على المنبر متل كأن احنا ولاد صغار ادامهم ، واسا ولا مرّة حدا منهم حكي شو هي خدمة الدين ، أو عرفلنا ياها .....
يعني كل شي عندهم ياه انو يطلبوا من الشب يوزع مطوية ، أو يعلم قرآن أو يدفع شوية مصاري لحتى يشتروا أشرطة وما بعرف أيش ...........
ولك يا مشاييخ بترجاكم حاج تستخفوا بعقولنا ، ليش مفكرين حالكم أفهم من كل الناس ، متل ما انتو متعلمين غيركم متعلم بس ما كل الناس متعلمة شريعة ، بدكم تقنعوني انو أنا شب في مقتبل العمر وفي أقصى مراحل اعطائي ، بدكم تقنعوني انو أكتر شي قادر اعملوا هو يلي عم تطلبوا انتو مني ؟؟؟؟؟؟
بس أنا ما بيع عقلي ، وما بدي مين يفكر عني أو مين يقللي شو بعمل أو شو ما بعمل ، هذه الحركات الخزعبلية بتصدروها للناس الحزبيين متل حكايتكم ، أنا بخاف ما كون قدام ربنا عز وجل يوم القيامة ويقللي "يا فلان ابن فلانة ، انت عشت على الأرض من هذه السنة إلى هذه السنة ، وفي زمانك حصلت فتن كثيرة و.... شو قدمت انت ؟ وشو صلحت ؟؟؟؟" هل رح جاوب انو المشايخ ما طلبوا مني اشتغل ؟ شو أنا ما لي عقل . أنا بفترة الشباب ، ما بقبل اني كون مختيير حالي أبدا أبدا ، لازم كل واحد يعطي أكتر طاقتوا ، وتذكروا قاعدة مهمة كتيير بالعمل ، بحياتك ما تقول أوف ، وبحياتك ما تمنن حدا ، وبحياتك ما تقصد بشغلك الناس ، يعني والله في شغلات بالقلمون بتقرف ، بكل الدنيا بتشوف الاحتفالات منظمة ومرتبة ما في غير بالقلمون بكون واقف على المسرح شي خمستعشر شب ، هذا عدا عن يلي ورا المسرح ويلي بيوقفوا يصوروا ويلي بتدقهم الزلاقة وقت تظبيط الميكروات أو ..... في ناس ما بحبوا يشتغلوا الا الشغل يلي فيه ظهور ادام الناس .
يا شباب كل واحد يلتزم بدينو متل ما هو ، وهيدي بحد ذاتها أكبر دعوة ، وما حدا يفكر حالوا انو اذا ما وزع مطوية أو ما طول دقنو أو ما شمر البنطلون أو ما عمل سواك ، ما حدا يفكر حالوا انو هو مش داعية ...
أنا بدي من الشباب والصبايا انو كل واحد يعمل الشي يلي بحبوا ، مثلا أنا بحب السياسة والحريم فبطلع على هذه المواضيع وبنصر ديني من خلالها ، يعني بحكي بالسياسة يلي لازم يكونوا عليه المسلمين و... وبحكي عن حقوق المرأة ما هي من دون زيادة ولا نقصان و....... كل هذا منحكية لما منصير بمحلات غير ملتزمة منحكيه بشكل مأصل وموثق ، لأني بحب اطلع على هذه المواضيع وعندي معلومات عنها ، ويمكن واحد تاني يحب التاريخ ، وواحد تالت يحب البرمجة وواحد رابع يحب الرياضة و...... فهل بقول للي بحب التاريخ ما تضييع وقتك بالتاريخ وتعا حكي البنات عن الحجاب ، أو الدخان ، أو السكر أو ..........؟؟؟؟؟؟؟
لأ لأ لأ ، كل واحد يعمل يلي براسو وهو ملتزم بدينو ، وما حدا يرد على المشايخ ، وفي بيت شعر بيعجبني كتيير :
لا يغرنّك اللحى ولا الصور
فتسعة أعشار ما ترى بقر
كتار من المشاييخ بيوقفوا على المنابر وبيحكولنا انو لازم نخدم الدين وبيضربولنا أمثلة بالصحابة وبعيطوا على المنبر متل كأن احنا ولاد صغار ادامهم ، واسا ولا مرّة حدا منهم حكي شو هي خدمة الدين ، أو عرفلنا ياها .....
يعني كل شي عندهم ياه انو يطلبوا من الشب يوزع مطوية ، أو يعلم قرآن أو يدفع شوية مصاري لحتى يشتروا أشرطة وما بعرف أيش ...........
ولك يا مشاييخ بترجاكم حاج تستخفوا بعقولنا ، ليش مفكرين حالكم أفهم من كل الناس ، متل ما انتو متعلمين غيركم متعلم بس ما كل الناس متعلمة شريعة ، بدكم تقنعوني انو أنا شب في مقتبل العمر وفي أقصى مراحل اعطائي ، بدكم تقنعوني انو أكتر شي قادر اعملوا هو يلي عم تطلبوا انتو مني ؟؟؟؟؟؟
بس أنا ما بيع عقلي ، وما بدي مين يفكر عني أو مين يقللي شو بعمل أو شو ما بعمل ، هذه الحركات الخزعبلية بتصدروها للناس الحزبيين متل حكايتكم ، أنا بخاف ما كون قدام ربنا عز وجل يوم القيامة ويقللي "يا فلان ابن فلانة ، انت عشت على الأرض من هذه السنة إلى هذه السنة ، وفي زمانك حصلت فتن كثيرة و.... شو قدمت انت ؟ وشو صلحت ؟؟؟؟" هل رح جاوب انو المشايخ ما طلبوا مني اشتغل ؟ شو أنا ما لي عقل . أنا بفترة الشباب ، ما بقبل اني كون مختيير حالي أبدا أبدا ، لازم كل واحد يعطي أكتر طاقتوا ، وتذكروا قاعدة مهمة كتيير بالعمل ، بحياتك ما تقول أوف ، وبحياتك ما تمنن حدا ، وبحياتك ما تقصد بشغلك الناس ، يعني والله في شغلات بالقلمون بتقرف ، بكل الدنيا بتشوف الاحتفالات منظمة ومرتبة ما في غير بالقلمون بكون واقف على المسرح شي خمستعشر شب ، هذا عدا عن يلي ورا المسرح ويلي بيوقفوا يصوروا ويلي بتدقهم الزلاقة وقت تظبيط الميكروات أو ..... في ناس ما بحبوا يشتغلوا الا الشغل يلي فيه ظهور ادام الناس .
يا شباب كل واحد يلتزم بدينو متل ما هو ، وهيدي بحد ذاتها أكبر دعوة ، وما حدا يفكر حالوا انو اذا ما وزع مطوية أو ما طول دقنو أو ما شمر البنطلون أو ما عمل سواك ، ما حدا يفكر حالوا انو هو مش داعية ...
أنا بدي من الشباب والصبايا انو كل واحد يعمل الشي يلي بحبوا ، مثلا أنا بحب السياسة والحريم فبطلع على هذه المواضيع وبنصر ديني من خلالها ، يعني بحكي بالسياسة يلي لازم يكونوا عليه المسلمين و... وبحكي عن حقوق المرأة ما هي من دون زيادة ولا نقصان و....... كل هذا منحكية لما منصير بمحلات غير ملتزمة منحكيه بشكل مأصل وموثق ، لأني بحب اطلع على هذه المواضيع وعندي معلومات عنها ، ويمكن واحد تاني يحب التاريخ ، وواحد تالت يحب البرمجة وواحد رابع يحب الرياضة و...... فهل بقول للي بحب التاريخ ما تضييع وقتك بالتاريخ وتعا حكي البنات عن الحجاب ، أو الدخان ، أو السكر أو ..........؟؟؟؟؟؟؟
لأ لأ لأ ، كل واحد يعمل يلي براسو وهو ملتزم بدينو ، وما حدا يرد على المشايخ ، وفي بيت شعر بيعجبني كتيير :
لا يغرنّك اللحى ولا الصور
فتسعة أعشار ما ترى بقر