مشروع خطوبة ل Software

[Software]

تم إلغاء هذه الفكرة حاليا لأسباب فنية...

[amer]

رح تضل ناطر العمر كلو بهيدي الشروط

وما بدك انو يكون عندها طيارة خاصة بها لتسافر معها
وتعيش حياة سعيدة في بلاد الاغتراب



الله يرحم الشهيد رامي سمير حمزة

[Software]

والله يا خيي عامر إذا عندها ما في مشكلة بس بوينغ هاه ما هليكوبتر ;) بعدين أنا حاطط بس الشروط الرئيسيّة يعني الكماليات ما كتير بتهمني بس إذا توفر شي أكتر من المطلوب زيادة الخير خير وإنما الأولوية للمعنويات بالأول وبعدين الماديّات ثم الكماليات، وكمان ليه ما عاجبك بدي أسألك ما البنات هنّي يللي بيطلبو كل شي من الشب حتى يرضو في؟؟ ليش ما عاملين لحالكم قيمة أنتو وكأنهن هنّي شي شغلة يعني!! لأ نحنا يللي لازم نطلب، ما هنّي طالبو بحقوقهن و المساواة مع الرجل؟؟ يتفضلو يتساووا معنا بهالشغلة كمان. بعدين شغلة كتير سهلة يللي ما عاجبها شروطي ما تتفضل وتقدّم ما حدا غاصبها أصلا بتكون عارفة حالها أنها ما رح تنقبل. يالله ما فيني أتأخر عندي كم طلب لأميرات من جدّة بدّي أدرسهم ......

[Luna]

... يالله ما فيني أتأخر عندي كم طلب لأميرات من جدّة بدّي أدرسهم ......

طبعا اللي بيتعامل مع أميرات لازم تكون عنده هيك طلبات:p .. ونحنا يا حسرة علينا .. لووووول:D

متل قديم وحلو : القناعة كنز لا يفنى:rolleyes:

[مصطفى معتوق]

ليك دخيلك انا بعدني تحت نصيبي شلّي شي وحدة على جنب

[Nader 3:16]

اي انتظر شي كم سنة و الا ما رب العالمين يستجيب لك....الله يوفقك

[الريس]

ولك أهلين بأبو الشباب ، كيف هالسوفتوار معك ، ابقى اعملك شي برنامج بدورلك على الصبايا العزيبة وبيطلعلك ليستا فيون انت وببيتك ، أكيد مع الصور .

بكل جدّ ، الشروط جيدة ، ولكني لو كنت مكانك لما طلبت من فتاتي لا سيارة ولا طيارة ولا منزل ولا وظيفة ، فقط أريدها وأريد عينيها وقلبها وفكرها . كما أني أحسست بعض الغلو في مسألة الحجاب منذ خمس سنين .......

على فكرة أنا بحبها تكون مهضومة ، وما تكون بتستحي مني بنوب ، شني بحب ألعب تبكيس وأركض وراها ونعلق مع بعضنا ، أكيد عن مزح . -دعولنا نقدر نجي على لبنان لحتى نخد العروس- .

وان شاء الله يا معلم سوفتوار بتلاقي المطلوب ، وما ترد على الشباب ما حدا أحسن منّك ، نقي على ذوقك ، الحريم كتار ، في من كل الأشكال والألوان ، اذا واحدة مش مقتنع فيها ولو بنسبة 0.0000000000001% خليها عند أبوها وما لازمتلك .

[مصطفى معتوق]

تسلملي شو شاعري يا ريس
وشوناعم بمزحك
ولك الصبايا جنس لطيف مش هيك بيعاملوهن

[الريس]

أنا جاد فيما قلت ، بحب امزح معها بالقتال ، بس أكيد ما رح اعلمها بوكس و.... يعني منركض ورا بعضنا ، ومنفشكل بعضنا و....... الله يعجل الفرج على الشباب ، ان شاء الله بتهدى الأوضاع وبصير لبنان فيه شغل .

[Software]

ولك أهلين بأبو الشباب ، كيف هالسوفتوار معك ، ابقى اعملك شي برنامج بدورلك على الصبايا العزيبة وبيطلعلك ليستا فيون انت وببيتك ، أكيد مع الصور .

بكل جدّ ، الشروط جيدة ، ولكني لو كنت مكانك لما طلبت من فتاتي لا سيارة ولا طيارة ولا منزل ولا وظيفة ، فقط أريدها وأريد عينيها وقلبها وفكرها . كما أني أحسست بعض الغلو في مسألة الحجاب منذ خمس سنين .......

على فكرة أنا بحبها تكون مهضومة ، وما تكون بتستحي مني بنوب ، شني بحب ألعب تبكيس وأركض وراها ونعلق مع بعضنا ، أكيد عن مزح . -دعولنا نقدر نجي على لبنان لحتى نخد العروس- .

وان شاء الله يا معلم سوفتوار بتلاقي المطلوب ، وما ترد على الشباب ما حدا أحسن منّك ، نقي على ذوقك ، الحريم كتار ، في من كل الأشكال والألوان ، اذا واحدة مش مقتنع فيها ولو بنسبة 0.0000000000001% خليها عند أبوها وما لازمتلك .

أهلا أبو الريس، ما بدك تعرفنا عحضرتك؟؟ بالأول نصيحة مني ما تتنازل أو تستثني أي شرط من يللي انا كاتبهم مع الملاحظة أني ما ذكرت كل شي في بعد زوائد محبذ تكون موجودة بس يالله هيدول بيمشوا الحال بعدين اصطفلوا إذا أنتو ما ملاقيين حالكم بتستاهلو هالمواصفات أنا والله ملاقيها قليلة فيني ;) بس كمان أنت يا ريس ما دامك بتعرفني معناتو عحجّتي بس بتستاهل توفر نسبة منيحة من الشروط ، المهم هلأ ما في داعي للسوفتوير يللي قلتللي عنو ما بدي أتعب حالي بهالموضوع هنّي لحالهن بيجو لعندي بلا سوفتويرات بس عملت فانكشن صغيرة بعقلي هلق بتكشف من خلال مشاركتك مكان وجودك في العالم وردّتلي فاليو قيمتها "المملكة العربية السعودية" فقلت لحالي بركي منظبّط شي جمعة بيناتنا بس عجّل قبل ما أرجع لأني يمكن ما طوّل هون يعني بين ال 10 أيام و ال 40 يوم حسب ، ف شو رأيك؟؟ يالله راسلني برسائل خاصة تندبرها، ناطرك،سلام.

[omomar]

السلام عليكم يا جماعة،بس عفوا خيينا السوفتوير فينا بس تعطينا شوية عن ميزاتك لحتى طالب كل هالمميزات .يعني اكيد ما بيصير تكون الميزات من جانب واحد.

[Software]

السلام عليكم يا جماعة،بس عفوا خيينا السوفتوير فينا بس تعطينا شوية عن ميزاتك لحتى طالب كل هالمميزات .يعني اكيد ما بيصير تكون الميزات من جانب واحد.

إيه تكرم عينك بعطيكي معلومات بسيطة مانا شخصية وأنت بتعرفي ساعتها إذا بيحقلي أطلب هالمميزات ، أنا محمد أحمد دياب وأمي إلهام حليحل ، بعتقد بيكفوا هالمعلومات وهلق رح تستغربي ليش راضي بس بهالشروط :) بالمناسبة بتعرفيلك شي وحدة فيها المواصفات المطلوبة قوليلها تقرب طلب بركي بيطلع حظها حلو......

[omomar]

السلام عليكم ،يعني انا عرفت امك بس انت ما عرفتك .

[Software]

السلام عليكم ،يعني انا عرفت امك بس انت ما عرفتك .
وعليكم السلام ،ولا أنا ما عرفتك و عذرا يا أخت بس من إسمك يعني ماهو مطلوب تعرفيني لأنو أم عمر يعني عندك عمر الله يخليلك ياه وبالتالي متزوجة وأنا عم دوّر عبنت حلال للمستقبل يعني ما هلّق فبإمكانك مراجعة الشروط وإذا بتعرفي وحدة مناسبة خليها تقدّم ما مشكلة حطيت موظف إضافي لدراسة الطلبات للإستيعاب :) بس ما قلتيلي بعد ما عرفتي أمي الحبيبة الله يحميها ويخلليها فوق راسنا في داعي لعرض مميزاتي والله أفحمتكم ؟ :) سلام لأبو عمر ولو أني ما عرفتو.

[omomar]

السلام عليكم يا جماعة. اه خيي السوفتوير .فيكم البركة ان شاء الله . والله يسلمك من ناحية ابوعمر واذا نازل على المستوصف اكيد بتعرفوا.