البنت محجوزة. [الأرشيف] - ????? ???? ???? ??????? ?? ?????

مشاهدة النسخة كاملة : البنت محجوزة.

أبو الشوارب

14-01-2010, 12:09 AM

(حيّان) شاب في العشرينات من العمر ،اجتاز المرحلة الجامعية بتفوق.وأكمل الدراسات العليا في بلاد الاغتراب فكان من المتفوقين على سائر من معه من طلاب عرب وأجانب.
كان شغله الشاغل في تلك الفترة من عمره الدرس ثمّ الدرس ثمّ الدرس حتى أصبح مضروب المثل (بيدرس أكتر من حيان).
وبعد أن عاد (حيان) من غربته احتضنته بلدته بأهلها وطرقاتها وأشجارها وبحرها لتعبر له عن مدى الحب والتقدير بشهادة الدكتوراه كما فعلت مع من سبقه وهكذا أضيف إلى سجلّ البلدة العلمي شاب جديد .
كان (حيان) من خيرة الشباب ،بأخلاقه وتهذيبه والتزامه و...

ما إن عاد (حيان) إلى بلده حتى قرر البحث عن عمل فلم يجد صعوبة في ذلك بفضل المولى عز وجلّ ولم يخيب الله رجاءه فوجد عملاً مناسباً له وبمواصفات وراتب يتمناه كل شاب.
فشكر الله تعالى على هذه النعمة.وأيقن أنّ جدّه وبذله لم يضع سدى.

وبعد سنة، وبعد أن أصبح أخونا (حيان) مرتاحاً مادياً قرر أن يكمل نصف دينه. فقال في نفسه:"لقد آن لك الأوان يا حيان أن تتزوج وتفرح أمّك بعروس تزين لك الدار"
وبدأ صاحبنا بالبحث عن الفتاة التي يراها تناسبه وقد جعل من أولويات الاختيار الالتزام والأخلاق لكي يكون ممن طبقوا وصية رسول الله عليه الصلاة و السلام (فاظفر بذات الدين).

كانت في البلدة عدد لابأس به من الملتزمات وتبادر في ذهن (حيان) أنّ الأمر سيكون سهلاً مادام الفتية والفتيات ممن هم من جيله وأصغر يحملون الفكر نفسه وقد تربوا في حلقات الحركة الإسلامية يوماً من الأيام.

صار (حيان) يخرج كل يوم يقصد البلدة ويسأل ويستفسر عسى أن يظفر بمن يريد.
وبعد صولات وجولات أعجب بفتاة من تلك الفتيات وبدأ يسعى للتقرب منها كي يعرف عنها اكثر، وبدأت الأحلام تراوده في يقظته وأصبح كثيرالتفكير بها فقد (خرطت مشطو) كما يقال وصار يهمه أدنى خبر عنها.
كان لـ (حيان) صديق مقرب من الفتاة , فقال حيان في نفسه:"الحمد لله الؤصة ميسرة هلء بحكي معاو وإن شاء الله بيمشي الحال".
اتصل حيان بصديقه وطلب منه اللقاء لأمر ضروري.

لبّى الصديق دعوة حيان وجلسا عند ال famous ودار بينهم الحديث التالي:

حيان: يااااي اديش طيب الكوكتيل من عند الفايمس.
الصديق: اي والله..بدنا محل متلاو بالألمون.
حيان: أول كم يوم بيمشاي بيرجعوا العالم بينزلاو لهوماي، هيك معودين عالشباب.
الصديق: اي و الله معك حء..اي حيّانو خبرني شو الؤصة يلي بدك ياني منشانها.
حيان: (بلش يضوي و يطفي) بس بيناتنا ها..
الصديق: ولك سرك ببير غميء
حيان: يتردد...ولك خلص منأجلها..
الصديق: ولك ؤول ما بتروح من هوماي أبل ما تؤلاي
حيان: (احمرّ) خلص الؤصة و ما فيها إنو أخوك حيان ناوي يكفي نص دينو.
الصديق: اووووو..اي ألف مبروك سلفاً...مين هادي سعيدة الحظّ..
حيان: ما أنا منشان هيك جايبك، فلانة الفلانية ؤرايبتك ..والله عجبتني و يعني بدي ياك توصلا خبر منشان نتعرف أكتر عبعضنا.
الصديق: أيش؟ آه..كويسة هالبنت..وإنت يا حيان شب كويس و منتشرف فيك بالعيلة بس بدي ؤلك شغلة ما تزعل.
حيان: خير شفاي؟ ليش لحتى إزعل؟
الصديق: ولك والله لو كنت أخووا للبنت كنت اعطيتك ياها..بس المشكلة إنو البنت محجوزة.
حيان: أيييييييش؟ (بصوت عالي), ولك كيف يعني محجوزة؟ ما فهمتا عليك..مخطوبة يعني؟ ولا كاتبا كتابا ولا أيش؟ عأساس إساتا ببيت أهلا.
الصديق: ولك سماع وحاجتك تعيط وخليني فهّمك..الؤصة وما فيها إنو فلان الفلاني محكي البنت من أبلك وهوا إساتو صغير ما فاي يخطب فقلها إنو إدامو كذا سنة لحتى يكفي علمو وبعدين بيخطبها وهيك. فهمت ؟
حيان: (مستغرب ومنو مصدق يلي سمعو) اي الله يهنيها ويهنّاي (من برات منافسو)..الظاهر ما في نصيب يا الله في كتير صبايا كوسين بالضيعة.
الصديق:ههههه
حيان: شباك عم تضحك ولا ؟
الصديق: ما تشد ضهرك كتير معظم الصبايا محجوزين.
حيان: ولك إجري فيك، الحق عليي إني نزلت معك عالفايمس وإني فكرت بالزواج.
الصديق: هههههه,هههههه,ولك طول بالك ..ولك الضيعة ما بتخلى من البنات. انت كمانا حجزلك عشي بنت بالثانوية وانطرلك كم سنة.
حيان: ليك موء تسمعني صوتك أحسن ما خليك محجوز هوماي ,بطلعك مشي عالضيعة.
الصديق: هههههه..خلص خلص...ءوم بءا اتأخر الوءت ورح يسكر الفايمس.
حيان: مأبور ؤايم...التوبة بءا إعزمك.

وعاد حيّان الى منزله وظلّ طول الليل يفكّر بما حصل معه ولسان حاله يقول :"يلعن ابو يلي ما بيوخد من برات الألمون, محجوزة قال،لأنو هي سيارة أو غسالة؟"

وانتهت قصة حيان الشبه واقعية.:D

تم التعديل بسبب التعرض بذكر ( الساعة ) بكلمات لاينبغي قولها شرعاً وإن وردت غير مقصودة في سياق السرد.

أخوكم

lionking

14-01-2010, 01:16 AM

السلام عليكم,
أولآ: هو كيف من أول نظرة بلش يبني أحلآم و ما بعرف شو ...
ُثانيا: ليش عم تحكي كأن البنت ولو كانت ما بتعرف حدا تاني, انو لآزم توافق علي كمان هو منو عم يشتري سلعة
ثالثا: اذا كان الشب الي معجبة البنت به, بالجامعة وين المشكلة انو تنطرو

أقول هكذا لان في شي بالقصة ما عجبني, انو دوغري بدو يروح برات الضيعة !!!!!!! ويروح بس أد ما برم ما في متل بنات الضيعة ...

الشامي

14-01-2010, 01:54 AM

أبو الشوارب

14-01-2010, 04:11 PM

HARD

14-01-2010, 04:49 PM

السلام عليكم بارك الله بالمشرف على ما عدل و اقول اني اكره ما اكره ان يؤخذ الكلام المذكور حسب ما يفهمه البعض فيتجه الموضوع في اتجاه غير المطلوب الاخ لايون كينغ تكلم و كأن القصة واقعية ولكن ليعلم الاخوة جميعهم اني والله العظيم لا اعرف اي شاب حصل معه الشيء المذكور وانما وضعت فرضية و اذ افاجأ بردود ليست كما اردت
قرأت ردك يا اخ عبد الله قبل ما يحذف .
اشكر الاخ الشامي على رده الائق فقد فهم الموضوع و اجاب. و في بعض الحالات اوافق على الطريقة التي ذكرتها في الموضوع.
فما رأي بقية الاخوة و الاخوات بالموضوع و يرجى النقاش دون السعي للنيل من بعضنا البعض
والسلام عليكم و رحمة الله و بركاته.

شكرا يا اخي على هذه القصة .

انا برفض انو الشب يحجز بنت "على حد تعبيرك بالقصة" وهو اسا ادامو سنتين تلاته تيكفي جامعة بعدها تيبرم على شغل .....

انا بشوف ان هل شي منو منطقي بالمرة، بهل الطريقة بيكون حط البنت ادام التزام هو بيقدر يتنصل منو متى يريد وبالوقت يلي بناسبو، بس هي ما بتقدر ... يمكن يجي واحد كويس وجاهز من جميعو وعاجبها، معقول ترفضو لانها باتظار شب اسا 3 سنين تيفكر يشتغل ..... بالنهايه ما حدا بياخد الا رزقتو ..................

hadid

15-01-2010, 03:52 AM

(
حيان: يااااي اديش طيب الكوكتيل من عند الفايمس.
الصديق: اي والله..بدنا محل متلاو بالألمون.
[/info]

كوكتيل أتوم أطيب مليون مرة من كوكتيل الفايموس .. أنا طرابلسي وعم قول هيك !

وسيم أحمد الفلو

15-01-2010, 01:22 PM

في القديم كان أخونا (حيان) يفكر بمن خلق السماوات والأرض وبعظمة الخالق (في قصة " قصة حيان بن يقظان" لإبن طفيل) أما الآن فأصبح يفكر إذا البنت محجوزة ولا لأ ...

شو هالتدهور الفكري :) ؟

Nader 3:16

15-01-2010, 03:37 PM

السلام عليكم

يعني القصة في منها بالواقع أكيد ... بس أنا ماني شايف مشكلة وقت بتكون البنت محجوزة وأكيد ان هالشي بعلم أهلها وأهلو ما دام هالشي ضمن المشروع...

ما بعرف ان في مشكلة وضحلنا ...

بالأخير الزواج نصيب ما زبطت مع هالبنت بتزبط مع غيرها ونفس الشي من صوب الشب...

أخوكم:rolleyes:

السلام عليكم ورحمة الله و بركاته.
اولاً اشكر الاخ الصديق الشوارب على القصة واظنّ انّ القضية التي يدور حولها الموضوع مسألة حجز بنت للزواج.
طيب الشب يلي ادامو اسا وءت لحتا يخلص علمو و يلاءي شغل فأي حق بيحجز عالبنت؟
اصلاً حديث الرسول عليه الصلاة و السلام بقول :"يا معشر الشباب من استطاع منكم الباءة فليتزوج"
يعني الشب بهادا العمر لا يملك الباءة للزواج فليش التعجل؟
قد يقول قائل انو البنت عجبتني و ما بدي ياها تطير من ايدي!!
بس هالكلام و هالفعل منو مزبوط...مين بيعرف شبصير معو بالمستقبل انو ليش لحتا علق بنت فيني وانا اسا من مأمن حياتي؟
لذلك انا بعارض رأي الاخ الشامي .. وبشوف انو منا لازمة اصلاً...! وحتى لو بعلم اهل الفتاة و الشب..وانا ما بقبلها لا لأخي و لا لبنتي ولا لحدا من قرايبيني و بالتالي ما بقبلها عن نفسي.
والله اعلم.

أبو حسن

15-01-2010, 10:45 PM

في القديم كان أخونا (حيان) يفكر بمن خلق السماوات والأرض وبعظمة الخالق (في قصة " قصة حيان بن يقظان" لإبن طفيل) أما الآن فأصبح يفكر إذا البنت محجوزة ولا لأ ...

شو هالتدهور الفكري :) ؟

حلوة هذه اللفتة، مع أن الإشارة هي لـ"حي بن يقظان" لا حيان فاقتضى التنبيه...

ولا بأس بالإشارة، باختصار شديد ومن دون استفاضة، إلى أن حقيقة "حي بن يقظان" هي الطعن في النبوة والشريعة من طرف خفي... فهي تصوّر قدرة الإنسان على بلوغ الملكوت الأعلى بالعقل دون استعانة بالنبوة أو الشرع...

لذا ردّ ابن النفيس على "حي بن يقظان" ونقض فلسفته بـ"فاضل بن ناطق"... والله أعلم...

Nader 3:16

16-01-2010, 01:34 AM

السلام عليكم
اول شي بحب رحب بالاخ وسيم غنوم و بحب قلو شغلة انو كيف ما لف ودار بهالضواحي و الجوار فمستقره الى منتداه الاول (القلمون).
يعني حسيتك بردك فزعان وما حددت موقفك بوضوح ابداً....
وانا برجع بكرر انو الفكرة منا منطقية بولا وجه من الوجوه لأنو الواحد ما بيعرف شو بصير معو بالمستقبل...!
وآخر جملة منك ما عجبتني لأنو شكلك عم تسمع حكي...!
ولك دوووووووووووع!

Nader 3:16

16-01-2010, 01:43 AM

شو هي فتوى الزنداني ....حطلنا ياها بالتفصيل الله يرضى عليك...!
بركا ما اقتنعنا فيها..!

وسيم أحمد الفلو

16-01-2010, 01:44 AM

لكي أدلي برأيي بالموضوع فالحجز إذا كان بين الفتاة والشاب بدون موافقة الأهل فهو خطأ كبير من الإثنين، وإذا كان الأهل موافقون فيجب أن يتحول الحجز إلى خطبة رسمية لكي لا يقع أحد في محظور "لا يخطب الرجل على خطبة أخيه". وأما ما غير ذلك فهو باطل شرعاً وعقلاً ويؤدي إلى مشاكل بين الناس، وإلى سوء تقدير من الفتاة والشاب يؤدي في النهاية إلى فشل الحجز من أساسه.

hadid

16-01-2010, 02:20 AM

صايرة الخطبة بهالأيام أضرب من المصاحبة .. شو رأيكم ؟

أيمن غ القلموني

16-01-2010, 03:06 AM

وبأكد على انو فتوى الزنداني هي الحل الأنسب، ولكن في بعض المجتمعات لا يتم تقبل الفكرة...

فتوى زواج فريند يا وسيم :) أكيد بتئتنع فيا إن شاء الله يا نادر ;)

الزاهر

16-01-2010, 03:14 AM

Nader 3:16

17-01-2010, 12:52 AM

طبعا احنا ما عم نقول دون موافقة الأهل، ولكن الفكرة هي انو اذا واحد عجبتو صبية وما قادر يتزوج وما بدو ياها تروح من إيدو، فبروح بحكي أبوها وبخبره انو في قدامه .... سنين وإذا في مجال يحجزلوا ياها...

أما بالنسبة للفرق بينها وبين الخطبة فهو مجرد إسم، فالخطبة والحجز هما مجرد وعد بالزواج، وخلاله يتم التفاهم بين الشاب والفتاة بعلم أهلها وموافقتهم وهذا هو الشي عم نحكي عنه مع تغييرات في الأسماء...

أما فتوى الزنداني، فهي انو اذا واحد بحب واحدة وفي قدامه فترة طويلة يعني مثلا شي سبع سنين، فالحل انو بيعقد عليها وبيكتب كتابو، وهي بتضل ببيت أبوها، وبيتعاملوا مع بعضهم كأنهم فرنيدس، يعني مثلا بالجامعة بمشوروا مع بعضهم وعلى المسنجر مع بعضهم وبمشوروا و... وبخططوا مع بعض لمستقبلهم...

يعني الفكرة باختصار هي كتب كتاب، مع وفق التنفيذ إلى حين...

السلام عليكم.
اخ وسيم فهمت فكرتك تماماً...لكني حتى الآن لم أجد لها مبرر أبداً...فالشاب الذي امامه متسع من الوقت لبناء حياته الاسرية لا ينبغي له التفكير في هذه الامور لأنه اصلاً غير مطالب بها.
(لا يكلف الله نفساً إلا وسعها)
ستقول لي انّه شاب ولا يلام الانسان على ما لا يملكه..لكن أين مجاهدة النفس و غض البصر وشغل الاوقات بالنافع؟

امّا عن فتوى الشيخ الزنداني (حفظه الله) فأنا لم أقتنع بها...ولا ارضاها لمحارمي.
والله تعالى أعلم.

Nader 3:16

17-01-2010, 01:26 AM

(لا يكلف الله نفسا إلا وسعها)

المشكلة انك عم تحكي بدنيا تانية بالمرّة، يعني مين قال انو الشب يلي عم تعجبو بنت عم ينعجب فيها لأنو ربنا مكلفوا بهالشي أو لأنو الشغلة مفروضة عليه أو ؟؟؟

ومن ناحية تانية، فأسهل شي نقعد ونعطي خطب الجمعة الروتينية، مجاهدة النفس وغض البصر والصوم و.... ومع أهمية هذه الأمور كلها إلا أنه ينبغي البحث عن حلول شرعية وهكذا هي عادة الإسلام...

وبالنسبة لكلام الزنداني، فالمشكل انو عم نخلط كتير بين العادات والتقاليد وبين الدين، يعني ما بعرف وين المشكل اذا واحد وواحدة كاتبين كتابهم ومثبتينه بالمحكمة و... مشيو مع بعضهم في الجامعة أو حكيو مع بعضهم على المسنجر أو؟؟؟؟؟؟؟؟

يبدو انك فهمتني غلط بقصة الكلفة....انا اقصد انو يلي منو قادر يتزوج لأسباب مادية فهو غير وارد في دائرة من يقول انّ الزواج فرض.

و تفضل لاقيلنا حلول شرعية...!
حلول روتينية قال...!

وانا يا خيو ما اقتنعت بالفتوى شو هي غصيبة الشغلة..!
اصطفل انت عملها بس انا قلت ما بقبلها عنفسي ولا عمحارمي..!

Nader 3:16

17-01-2010, 01:45 AM

سبق ووضحت رأيي بالأول و فيك ترجع تقرأهم.
وانت كمانا ما ذكرت حجج ؟

أنا برأيي نتفق على صيغة و نبعتها للشيخ احمد لنشوف رأي الشرع الحنيف بقضية حجز الفتاة للزواج.
صيغ السؤال كما تشاء و ابعتلو ياه.

ramo

17-01-2010, 07:13 AM

السلام عليكم
رأي بسيط من أخوكم :
الفتوى غريبة على الشارع الإسلامي , أوّل مرّة منسمع فيها ولكنها عمليّة وتسهّل الكثير على الشباب
ولكن , هل الإخوة والأخوات الملتزمين في القلمون على إستعداد لتطبيقها؟؟

ramo

17-01-2010, 07:14 AM

Moi

17-01-2010, 10:17 AM

الؤصة مثيرة للجدل
يعني اذا بدنا ناخدها بناحية شرعية: الأخ وسيم معه حق فما المانع من أن يكونوا كاتبين كتابهن و الله ييسير أمور الزوج و يرزقه من حيث لا يحتسب لأنه نوى الحلال و سعى اليه :1 (87):
أما من ناحية اجتماعية: اذا الؤصة مدّت سنيييييين و الزلمة ما كان زلمة و غير رأيو أو هي زهقت من الانتظار...مصيبة هيك بينسما عليها طلاق
مشان هيك مش كل مين قال أنا زلمة هو زلمة و مش كل مين وقف أمام الأهل بينعطى البنت:1 (86):
شي مُحيّر بس مش غلط

الزاهر

17-01-2010, 12:23 PM

بالمسبة لموضوع فتوى الشيخ الزنداني:

إما ضعو الفتوى كاملة حتى نطلع عليها كما قالها حفظه الله إما أعتقونا من النقاش في أمر لا يصلح لمجتمعنا ولا يصلح في زماننا ولا ولا ولا ... قسها على فتوى حرمة قيادة السيارة وقسها على الرخص التي تعطى للمسلمين في الغرب ... هي فتاوى خاصة صدرت بناء على حال خاص ...

تقول الحال الخاص عدم مقدرة الشاب على تأمين مقومات الزواج كاملة ... أقول لا يبنى بناء بقليل دعائم أو بنقص في ركائز ... ولو وافق على ذلك أصحاب الشقق لا يصبح الأمر صحيحا.

ثم إن الهدي النبوي يعلمنا بأن من استطاع منكم الباءة فليتزوج ومن لم يستطع فعليه بالصوم فإنه له وجاء

أبو حسن

17-01-2010, 01:02 PM

ثم إن الهدي النبوي يعلمنا بأن من استطاع منكم الباءة فليتزوج ومن لم يستطع فعليه بالصوم فإنه له وجاء

وضعت يدك على الجرح أبو الزوز...

والعجب ممن يقبل "زواج الفريند" ويعارض "زواج المسيار"... (شخصيا أنا ضد كلا الفتويين...)

على كل، في هذا الرابط تفصيل لموضوع زواج فريند بين القبول والرد:

زواج فريند.. لمن أراد الزواج بدون مسؤوليات! (http://www.almoslim.com/node/83389)

Moi

17-01-2010, 01:23 PM

فكرة مهمة بارك الله بك أخي الكريم،
.

أخ وسيم مين أخيك؟؟؟ :1 (66):
أنا أختك :1 (87):

flauritta

17-01-2010, 05:13 PM

Moi

17-01-2010, 05:20 PM

"زواج الفريند" والله صايرين كتير كول بالتسميات..
أنا صراحة بأيّد أخي برأيو..وما اءتنعت بالفكرة أبداً...
بعدين في تناؤض كبير بهل جملة: زواج الفريند لمن أراد الزواج من دون مسؤوليات...لك هو الزواج من اسمو وحدو مسؤولية كبيرة!شبدنا نحكي عل مسؤوليات المتوجبة على الطرفين بعدين؟!
سؤال ليلّي بأيدو الفكرة..ازا تنين بحبّو بعضن الولد عمرو 15 والبنت 14...هل بتنصحوون بهل زواج؟؟؟

يا أخت moi كلّكن مع ه الفكرة؟! ازا هيك ضياااع يعني..

لا يا أختي أنا عم ؤل عن الكتب كتاب انو ما في حرام بالموضوع عادي
اذا طوّل فيه ما المانع
يني اذا أنا شب لا قدّر الله و عجبتيني و أنا بدي كم سنة لأمّن حالي اذا جيت من الباب و خطبتك و عقدت عليكي بكون أجرمت؟؟؟
هلأ أكيد ما حساويها لأن أصلا منعقدة أنا هههه:1 (66)::1 (66)::1 (66):
يلا فلوريتا شو رأيك هلأ؟؟؟؟

flauritta

17-01-2010, 05:25 PM

لا يا أختي أنا عم ؤل عن الكتب كتاب انو ما في حرام بالموضوع عادي
اذا طوّل فيه ما المانع
يني اذا أنا شب لا قدّر الله و عجبتيني و أنا بدي كم سنة لأمّن حالي اذا جيت من الباب و خطبتك و عقدت عليكي بكون أجرمت؟؟؟
هلأ أكيد ما حساويها لأن أصلا منعقدة أنا هههه:1 (66)::1 (66)::1 (66):
يلا فلوريتا شو رأيك هلأ؟؟؟؟

ليكي (منالو) بسرعة ضهري من حياتي..
طيّب جاوبيني ع سؤالي..ازا أخوكي عمرو 15 سنة..حبّ بنت بال 14..أو أنّع حالو انّو بحبّا وما في يعيش بلاها..بتؤوليلو تزوّجا زواج الفريند؟!؟! http://forum.qalamoun.com/images/icons/icon8.gif

Moi

17-01-2010, 05:27 PM

ليكي (منالو) بسرعة ضهري من حياتي..
طيّب جاوبيني ع سؤالي..ازا أخوكي عمرو 15 سنة..حبّ بنت بال 14..أو أنّع حالو انّو بحبّا وما في يعيش بلاها..بتؤوليلو تزوّجا زواج الفريند؟!؟! http://forum.qalamoun.com/images/icons/icon8.gif

لااااااااااااااااااااااااااا فضحتيني يا لوراااااااااااااااااااااااااااااااااااااااا :1 (2)::1 (34):
سبق و قلت مش كل مين قال أنا زلمة بيعطوا الأهل
عم نحكي عن الرجل الملتزم الي عندو مصاعب مش أطفال:1 (87):

flauritta

17-01-2010, 05:38 PM

لااااااااااااااااااااااااااا فضحتيني يا لوراااااااااااااااااااااااااااااااااااااااا :1 (2)::1 (34):
سبق و قلت مش كل مين قال أنا زلمة بيعطوا الأهل
عم نحكي عن الرجل الملتزم الي عندو مصاعب مش أطفال:1 (87):

عطيني عمر معيّن..
لك يا أختي فهميني..في كتير شباب بيكونو طايشين حتّى بأعمار كبيرة ومنن عارفين حالون شبدن يعملو..بس خلص حطّوا براسون بدّن يتزوجوا هادي البنت يعني ما حدا في يغيّرلن رأين..
لك عأولة... الحبّ بيجاي بعد الزواج..و أبل الزواج ما في شي اسمو حبّ..هاد اعجاب واحترام!http://forum.qalamoun.com/images/icons/icon12.gif

ramo

17-01-2010, 05:51 PM

السلام عليكم
مداخلة بسيطة ,الفتوى نافعة للشاب والفتاة الملتزمين الناضجين الواعيين
ممكن بهل إنترفال [20,25]
أمّا الأطفال في ال 14 و15 و16 فلا يصّح تطبيق هذه الفتوى عليهم لصغر سنّهم وعدم وعيهم لتبعات الزواج والله أعلم

Moi

17-01-2010, 05:55 PM

عطيني عمر معيّن..
لك يا أختي فهميني..في كتير شباب بيكونو طايشين حتّى بأعمار كبيرة ومنن عارفين حالون شبدن يعملو..بس خلص حطّوا براسون بدّن يتزوجوا هادي البنت يعني ما حدا في يغيّرلن رأين..
لك عأولة... الحبّ بيجاي بعد الزواج..و أبل الزواج ما في شي اسمو حبّ..هاد اعجاب واحترام!http://forum.qalamoun.com/images/icons/icon12.gif

يا عمي ليش عم ناقش أنا بهالموضوع
أصلا خطبة و انخطبنا , و عقد و انعقد علينا الحمدلله يلّا اصطفلي انت برأيك يا حلوة :1 (48):
by the way
نفرح منّك soon
:1 (37):

Nader 3:16

17-01-2010, 06:04 PM

انا شايف انو هربتو من الموضوع ع موضوع زواج الفرند....!

نقطة البحث: هي ؤصة حجز بنت للزواج ....تفضل جبلنا فتوى بهادا الشي يا سيد وسيم غنوم.

Nader 3:16

17-01-2010, 06:16 PM

طيب ما دامك عم تقول انو نفسها ذاتها الخطبة مع تغيير التسمية ليش ما بيخطب؟
تفضل جاوب.

مايا

17-01-2010, 06:26 PM

السلام عليكم
حجز البنت
احنا عنا ما حدا بيحجز حدا عشان الي ما بيلحق حالوا بخطبة بتروح عليه
عشان البنت عندما تصبح في عمر ال 16 تكون قد حجزت لنفسها على شاب طبعا الا من رحم ربي وما شاء الهل عنا الشباب بعمر ال 15 صار بدون يخطبوا
بالنسبة للأهل فلا مانع لديهم طبعا خوفا من العنوسة لإبنتهم فأصبح الشاب يخطب في عمر العشرين او دون هذا العمر وهو لا يملك تمن المحبس
طبعا هذا حال البلد لذلك الكل يضطر لسكوت والقبول
والله يحسن الأحوال
رأيي الشخصي بفضل احتفظ فاي عشان ما في مرة حكيت شي الا وتبين لي العكس وقد أعمل عكس رأيي لذلك بلاه

Nader 3:16

17-01-2010, 06:38 PM

ولك ما نفسها....

أما ليش سماها هيك وما سماها خطبة، فلإنو المجتمع يلي من حوله معقد وحاصر حاله بعادات وتقاليد ما لها علاقة بالدين، وللأسف في كثير من الأحيان يتم إلباس هذه العادات والتقاليد ثوب الدين وفي بعض الأحيان يتم تقديمها على الدين

اخي شايفك عم تتخبط بالرد.
ولم تجب بوضوح.

نقطة البحث الآن (عأولة العرعور): شو الفرق بين الحجز و الخطبة؟

تفضل جاوب...

Rami Kozayha

17-01-2010, 06:54 PM

مشكلة الزواج عنا معقدينها الاهل بالدرجة الاولى (المهر لازم يكون محرز خوفا من حكي الناس وحتا لاتنظلم البنت ؟؟؟؟؟) وطالما هالتفكير موجود يعني لا فتوى الزنداني ولا غيرها رح تمشي بمجتمعنا ويبقا الاهل يلومون الشباب بينما المشكل منهم اصلا.
يلي بدو ييسر الزواج قادر ويلي بدو يعسرو كمان قادر والله بييسر على عبادوا اذا يسروا على انفسهم اولا!
اما الحجز فاذا كانت المده قصيرة فلا باس واذا كانت طويلة لازم خطبة معلنة او عقد قران! غيرذالك من وجهة نظري بيكون مناوره من الاهل او البنت لعريس افضل وبيكون دولاب السبير موجد اذا ما صرلنن احسن منو

Nader 3:16

17-01-2010, 06:56 PM

فهمت فكرتك يا اخ رامي وانا بوافق عليها.
يعني الحجز بهالحالة بكون بالمصطلح القلموني (حاكيين بالبنت).
بس نحنا عم نحكي عن الحجز سنة و 2 و 3!!!!....
وهادا يلي مني عم اقتنع فيه.

amjad fhayli

17-01-2010, 07:23 PM

انو ما بعرف وصلت القصة انو تدخلو بهل مواضيع

flauritta

17-01-2010, 07:26 PM

حاكيين بالبنت....
نؤطة مهمة...وأنا بأيّد ه الفكرة كمان..هادي فترة أبل الخطبة..وملاحظة انّو في كتير شباب عم يطبؤوا...بيتعرفوا عل بنت فترة..بعدين بيحكوا فيا(انّو خلص يا مرت العمّ أنا وبنتك متفئين ان شاء الله..أنا رح كمّل دراستي وبجي بخطبا)...بعدين فترة الخطبة بيتعرفوا ع بعضن أكتر..وبالأخير بيكتبوا كتابن..
بس برأي انّو الشب لازم يكون مثلاً ب أواخر سنوات الجامعة ورح يخلّص ويشتغل و مستعدّ لفكرة الارتباط..

هادي الطريأة أسهل وأحسن بكتير من فكرة كتب الكتاب فوراً..
بركة الشب و البنت لّي كاتبين كتابن ما ادروا يكفّو سوا؟!..بركة ما تيسّر معو المال و.. و.. و.. ليعيّشا متل م سبء و وعدا...بهل حالة بتتعأد الؤصّة وبلجأوا للطلاء وبدّا محاكم الؤصّة..لك والله صعبة..

flauritta

17-01-2010, 07:32 PM

يا عمي ليش عم ناقش أنا بهالموضوع
أصلا خطبة و انخطبنا , و عقد و انعقد علينا الحمدلله يلّا اصطفلي انت برأيك يا حلوة :1 (48):
by the way
نفرح منّك soon
:1 (37):

هههه
ان شاء الله منفرح بشهادتي وشهادتكhttp://forum.qalamoun.com/images/icons/icon7.gifhttp://forum.qalamoun.com/images/icons/icon12.gif

Moi

17-01-2010, 09:03 PM

هههه
ان شاء الله منفرح بشهادتي وشهادتكhttp://forum.qalamoun.com/images/icons/icon7.gifhttp://forum.qalamoun.com/images/icons/icon12.gif

ameeeeeeeeeen
w kamen il far7a l tenie :1 (66):

أم سفيان

17-01-2010, 11:49 PM

الموضوع حلو بس بالنتيجة بدو يصير جدال بيزنطي ما كنت حابه شارك في بس لأيت انو ما حدا فاهم منكن معنى زواج فريند فاقتضى التنبيه.

بداية زواج فريند هو من الفتاوى التي وضعت للأقليات المسلمة الموجودة في بلاد الغرب وهي فتوى قديمة بعض الشيئ وهي مشتقة عارض ذلك أم لم يعارضه البعض مشتقة من بوي فريند وجيرل فرند.

وخوف الأهل على بناتهم وشبابهم من الزنا ألجأهم الى القبول بهذه الفتوى وهي أن يتزوج الشاب والفتاة وضعوا خطا تحت كلمة يتزوج مع بقاء كل منهما في بيت أهله ، أما ما تناقشنونه فهو بعيد كل البعد عن زواج فريند فأنتم تناقشون عن مرحلة التحضير للزواج ( كتب الكتاب يعني ).

وسأورد مقطعا من كاتب سمع الفتوى من فم الشيخ الزنداني ،يقول الكاتب :

إن الإشكال الأهم الذي قد يترتب على هذا الزواج الميسر إذن ليس فقدان الزوجة حقا تنازلت عنه اختيارا، فليس في ذلك إشكال أصلا، وإنما الإشكال الجوهري هو الأولاد. فماذا لو أنجب الزوجان أولادا في هذه المرحلة ثم تطلقا، فالقوانين الغربية لا تعتبر هؤلاء الأولاد أولادا شرعيين، ولا تجعل الأب ملزما برعايتهم أو الإنفاق عليهم، ما دام الزواج لم يتم في محكمة. وقد يؤدي ذلك إلى تضييع الأب حقوق أولاده، دون أن تطاله يد القانون. وليس من حق الزوجة التنازل عن هذه الحقوق؛ إذ ليست حقوقا شخصية لها.. لكن هذه حالة افتراضية نادرة الوقوع. والسبب هو الذين يلجئون إلى هذا الزواج الميسر هم دائما من المتدينين الذين يخشون ربهم، ولو لم يكونوا كذلك لرتعوا في الرذيلة كما يفعل المجتمع من حولهم، دون إحساس بإثم، أو تأنيب من ضمير، أو بحث عن حل شرعي.. والغالب أن هؤلاء لن يضيعوا أولادهم ولن ينكروا أبوتهم لهم، مهما يكن مصير الزواج.

http://www.islamonline.net/arabic/in_depth/friend_marriage/topic03/2003/12/article01.shtml#ixzz0ctrA3O5f Read more:

وقد استبدل الشيح الزنداني اسم زواج فريند بالزواج الميسر كي يبعد الشبهة عن اتصافه بما يسمى بالبوي فريند والجيرل فريند.

باختصار هذا الزواج هو برأيي كأكل الميتة عند المضطر ولم يفت به الشيخ لعموم المسلمين انما هو لشباب وشابات تربوا في الغرب وشربوا من ثقافته فكانت لهم هذه الفتوى طوق نجاة.