ذاكرتنا القلمونية ... !

[حُسَينْ ... !]

السلام عليكم و رحمة الله


بنعمل المقدمة مبكية استاذنا المُخْرج ؟

طيب !


بسم الله الرحمن الرحيم


قلمون اليوم و قلمون الأمس ، اطفالها اليوم و اطفالها بالأمس ...
بين العفريتة و البي س بي !
بين اللءيطة و الوي !
بين النأيفة و الكونتر سترايك !
من البابول و علكة منطاد الى البابل جام !
من أيام مصروفنا ال250 لي اد الشرشف الى ايام ال10000 و يادوب تكفي !
من عند كريم و البقاع للتبضع من كافة الأنواع ، لحد ما صار ما بينشرى دف البسكوت الا من عند السبنس !


مني ح احكي كلشي انا كمان ... !
بدنا نسمع منكم عن ذكرياتكم القلمونية ...

[Nader 3:16]

اهلين خيّو حسّون.
ويسلمو عهل الموضوع الحلو متلك.
والاهم من ذلك المقدمة .

المهم يا معلم خلينا نبلش نحكي عن اهم اللعب يلي كنا نلعبها بالحارات وهلء شبه انطمست.

منبلش بلعبة الكلال...glel (منشان اللفظ).

كان موسم الكلال يجاي فجأة، يعني تلاقي واحد خطر عبالو يشتري كلال..تلاقي كل الولاد ركدت تشتراي كلال.
كنا نروح فرقة لعند كريم ، كل واحد معو الملحفة (ال 250 الاديمة)، كان كريم يحطون بسطل حليب ابيض.ويبلش يعدلك 15 كلّة...
وتلاقي هادا يلي معجوء لأنو طلعلو زرّوء و خضّور و حلبوني من بين الكلال...والتاني زعلان ما طلعلو غير طبلوج.
وبعدين نروح عالحارة و يبلش التحدي بين الولاد...
كنا نحفر بكل زاوية من الحارة بيش.
ونبلش لعب ، و نبلش عياط ...أخيييييييييييييييييييييير....ابلووووووووو....
ؤلت ابلك ولا ... كزاب منافق...
عن ايش بدنا نلعب عن كوسب ولا عن دود؟

وخلال اللعب...كنا نستخدم المصطلحات التالية و يلي لازم الكل يكون سمع فيا:

-اخييييييييير
-سنكحت
-سدّ اريب
-سد بعيد
-محشور
-كرحش
-بدي زيّح
-ايد واطية
-ايد عالية
-طالعة من اول مرة بطفّش عسيبيريا
-طالعة من 100 مرة
-اجبارك عالصيب
-اجبارك عالبيش
-سيكة
-شبر و 2 و......
-زرّوء-صفّور-سوّود-حمّور-طبلوج-نحلوس-حلبوني-خضّور-حفحوف....!

وهيك كنا نلعب كزا نوع من العاب الكلل...في شي اسمو مور و شي اسمو كشّ.
المور كنا نرسم مثلث عالارض و كل واحد يحط من عندو كلة او 2 او 3 و لاز نصيب الكلل و نطلعون برات المور و ممنوع الكلة تبعيت تستقر بألب المثلث.
والكش اريبة عليا.

وهيك كان موسم الكلل يستمر شي شهر و بعدين نروح نبيع الكلل..كان كريم يشتريون منا ال 10 كلال بمية ليرة.

كان كل واحد يطلعلو شي 500 شي 750 و هادي لأطة..
دغري كنا نروح نفوت نشتري من عند البؤاع.
كيس بطاطا فطّوطة و علبة الشوكولا تبعيت ال مية ليرة يلي اطيب من ال nutella بإيامها، و دفوف شوكولا تبعون المية ليرة وهيك.
كنت تفوت لعند البؤاع معك 500 ليرة يعطيك كيس منشان تحط الشرايات اد ما كان عندو دفوف شوكولا بمية ليرة و بخمسين ليرة...طبعاً من دون ما ننسى بوظاية المية يلي يقال لها انها عشوكولا بس بعتءد معمولة من طراب.

...
...

المرة الجاية منحكاي عن لعبة الءاموع.

[hadid]

حكيلنا يا نادر قصة حسن حسن لما كنتو عم تعجقو بمركز الكمبيوتر ونزل عليكن .. لما فتحلو مازن الكح .. ونزل في ضرب !!

[Nader 3:16]

بدّك ياهون مع الكفريات ولا بلاها؟

المهم نحن عم نحكي عن حقبة ما قبل الكمبيوتر في الضيعة..!

انت بهاك الايام ما كنت تجاي غير بالصيفية...

اساتك ذاكر كيف كنا نلعب آموع جمب بيت مرت الفضل؟

[hadid]

أيشودا آموع ؟

طيب أنا لح إحكي القصة

مرة نادر وبعض أبناء حارتنا المجيدة .. كانو مقفلين الباب على حالهم بمركز الكمبيتر بالحارة .. ونازلين عياط وتعجيق .. فجأة .. ببلش الباب يدق بقوة .. تاري حسن حسن نزل من بيتو وهاجم علين .. دج دج دج على زجاج الباب وعياط ! قام .. مازن الكح ليلي بيعرفو .. قال بدو يفتحلو .. بدو يشوف شو بدو منن !! .. الكل قلو إنو لأ ما تفتح وهوي تيست معو وإلا ما بدو يفتح .. وفعلاً راح وقتح الباب .. طلع بوجو حسن حسن .. قال هاد مازن ما شاء الله طويل .. سالو لحسن شبدك ؟ ألو حسن طب .. قام مازن طب .. وهيداك نزل في ضرب ضرب ضرب .. يومتها محمد الخباز أد منو قد الصوص . هرب من بين إجرا لحسن والباقيين هربو من الباب الخلفي للمركز .. أما الأخ مازن فأكل قتلة عن الكل !!

[محمد الكوسا]

ذاكر يا نادر وقت كبسناكم اتلة بالسماقة؟
هههههههه

[Nader 3:16]

ذاكر يا نادر وقت كبسناكم اتلة بالسماقة؟
هههههههه




لأ مني ذاكر (صدقاً).

بس ذاكر انو فريق العين بكرة القدم للصغار بعد ما كان ربحان على فريقنا 2-0 افتعلنا مشكلة ذهب ضحيتها شيبوب و ابن جلال....!
واستمر طسّ الحجار على فلولكم الهاربة لحديت ابو نبيل.
وخلي الاخ هديد يحكيلك كونو كان مشارك المعركة.

قال كبسونا اتلة...! ولا كانوا رجال السماقة يوكلو الزفيرة بقشرها..!
كانوا ينطو عن حرف السماقة و مغمضين عيونون...
كانوا يتسلقوا الاشجار متل القرود و احسن.
كانوا .....
كانو رهبان ليل في السماقة ادام الأبيلة عروائح البطاطا...!

الله يرحمك يا هودز !

ذاكر يا هديد غزوة الخيمة؟
لما حرقنا الخيمة تبعيت المحتلين يلي جاوو عالسماقة (السيفينكو و اسماعيل زيدان و مصطفى بلوط و...)

[حُسَينْ ... !]

علبة الشوكولا تبعيت ال مية ليرة يلي اطيب من ال nutella بإيامها




ولا ندور ... :) ( من شان نكون عم نحكي متل زمان )
ذكرتني ، هادي كانت شغلة هل الشوكولا ، نصا شكولا سودا و النص التاني شوكولا بيضا :)
كنا نعلق احيان عليون يا نبدل بين بعضنا احيان !
اسا ذاكر كان في نوعية بتجي هيكا متل الكباية فيها بجه شوية شوكولا و من تاني جهة شوية عواد بسكوت ، شيل يا ملعم و غمص !
و الله إيامها كان في شريات لكن متل اليوم !

[hadid]

الله يرحمك يا هودوز يا شهيد السماقة !! كان يعلمنا طس الزفير ... وكيف منصيب بالوصيلة .. كنت أنا من فرقتو .. الله يرحمو ..

[Nader 3:16]

ولا ندور ... :) ( من شان نكون عم نحكي متل زمان )
ذكرتني ، هادي كانت شغلة هل الشوكولا ، نصا شكولا سودا و النص التاني شوكولا بيضا :)
كنا نعلق احيان عليون يا نبدل بين بعضنا احيان !
اسا ذاكر كان في نوعية بتجي هيكا متل الكباية فيها بجه شوية شوكولا و من تاني جهة شوية عواد بسكوت ، شيل يا ملعم و غمص !
و الله إيامها كان في شريات لكن متل اليوم !

مبلا وكان يوطلاع معا معلقة صغيرة لحتى توكل افيا...!

ذاكر كيس البطاطا اصدي شوال البطاطا تبع المتين و خمسين يلي كان يطعمي نص ولاد الالمون...!
كان بكيس شفاف..! و هيك دوّيرات..! يا زلمة اديش كان طيب.

وفاي عندك راس العبد..هادا الوحيد يلي ما اتغير..! اساتو متل ما هو و بنفس الطعمة.

علبة البامبا يلي كنا نربح فيا كنزة ....بتطلع كبيرة عالفيل...xxxxxxxx large ....واحيانا كنا نربح بسكلة BMX ....
هادي ايام يا زلمة...!
كانت الحارات مليانة ولاد...شي عالقاموع شي عالعفريتة شي بالكلال...كلو نشاط.

اما هلء عالطريق الجديدة و مراكز الكمبيوتر..!

[zsamerz]

(مع اني مني بعمر المتحدثين...بس عندي شغلة)
متزكرين شرشبيل ....والزعرور البري
وءتا كنا نشتري الكيس ونرجع نعبي موي ونوقف ع الصفرة ونزتن ع المارقين (ومنن حليمة الله يشفيا)

بعدين قصة حارة العين.....(لازم تتبين الحقيقة)
انتو يا كوسا ما اسمكن حارة العين سمعت
نحنا حارة العين ...وانتو المجاهدون
كل عمركن كنت عايشين ع الحرب
بتحملو عودة وبح بح .... ومن ه الشغلات
وفريق الغول كان ما لو علاءة فكن
ودوووووع

[HARD]

شو بدك تتزكر تتزكر اشياء ما في احلا منها

ايام كانت كل حارة العين كلها صغيرها وكبيرها تلعب بالتطير باليل ، بكير كنا نأضيها اما بالقاموع او بحاروئة الفطبول ، بعد العصر كول بكرم الليمون او على الاوتستراد قبل ما يتزعوه ،

شو بدك تتزكر ايام الجبل والجزر البري والقرص عنه والزعتر والبطاطا المشوية والزعرور البري كنا نطلع على ددة لجلب الزعرو الاحمر لانو بحرش القلمون ما في الا الاصفر

يا عمي الجبال بارمينا كلها مافي مغارة الا داخلينا ، مغارة محمد خوله الله يرحمو وقت برمنا عليها ولقيناها، ايام ............

ايام كان محمود منصور الله يوجله الخير يدربنا ...... اه .....

يا عمي شو بدك تتزكر برك المي بالشتوية والجزمة الطويلة (بدك عامر حبلص - وايمن القص وعبد الحكيم يحكولكم ( الله يوجهلهم الخير ......)

شو بدك تتزكر علقات المدابر والزلاقت ..........

شو بدك تتزكر ايام المخيمات والعلقات بالشنك والزفير والزلخلخت والنفاخ .....

ياعمي بكفيك تتزكر ايام الوصيلات وكيف كنا نبرم بالجبال بالسنديان على احسن وصيلة وبعدين لازم تلاقي جلود حمر منو سود ولسان لسكب طبات ..... اسا في المقلاع

بدك تتزكر ايام البحر والصيد ايام الاخطبوت وعنيقات بعد الصبح كنا نروح قبل ما نروح على المدرسة ............. والله في اشيا كتر لازم الانسان عطول يتزكرها لانها احلا ايام عاشها ....... وايام خلصت وراحت ومارح تتكر ......

[محمد أحمد الفلو]

من البابول !
مبدنا نسمع منكم عن ذكرياتكم القلمونية ...




تكرم، رح نشارك بجمله قالها ضاهر ضاهر عن اسامه زيدان لما كنا تلاميذ بالمنار




أسامه، إزا اشترى دف بابول، بدو يطلعنا نعلكوا عالخزانات

[حُسَينْ ... !]

:)
ذكرتوني بالكعك لي كان يبيعو الخال ع الفرصة بالمنار ، هلأ صحيح مني واعي لهل الحقبة كوني كنت جديد على المنار :) !
كان ايامها يبيع كعك ع شكل سيوف ... و تلاقي هل الولاد راكدين كل الفرصة عم يلعبو بالسيوف و معارك ، و ابل ما يرن الجرص يحاولو يلحقو يكلوهم !

[محمد الكوسا]

مرة من المرات عملنا بالحارة "هيئة الامر بالمعروف والنهي عن المنكر"
بس وقت كبرنا شوية قلبناها "امر بالمنكر والنهي عن المعروف"!!

[محمد أحمد الفلو]

مرة من المرات عملنا بالحارة "هيئة الامر بالمعروف والنهي عن المنكر"
بس وقت كبرنا شوية قلبناها "امر بالمنكر والنهي عن المعروف"!!




وشهد شاهد من أهلها ... قال حارة العين قال

تحياتي لل زر وكل شباب الحاره *

[Amer-ol-tabche]

مؤ بحئلك تتهجم ع حارة العين بشكل عام يا حميطون ... :d

[Nader 3:16]

ذاكرين لما كنا صغار لما يوءع دف الشوكولا او شي خرطة بطاطا عالارض ما كان حدا لوو الب يرجع يلمها ويوكلها لأنو كان ببالنا لنو لسحا الشيطان.

وكمانا كنا نروج لمقولة " من تم لتم بتموت الأمّ" منشان ما حدا يطعمي التاني من الشرايات.

[أسامة دنكر]

السلام عليكم أخي حسون...........
موضوع جميل جداً و الله يبارك فيك بس ..............

1- منك ملاحظ انو كل يلي شاركو بالموضوع هم من فئة الشباب الذين لا تتعدا أعمارهم ال25 سنة تقريباً و كل واحد عم يحكي عن ذكرياتو الشخصية........
بعتقد انو الموضوع كان لو طعم أحلى لو كان سرد قصص عن القلمون من جيل جدي و جدك شو كان يصير...................

2- و اذا كان و لا بد أنه سرد لأحداث طفولتنا نحنا الشباب فأقترح انو تفتحلنا موضوع خاص فينا اسمو ( ذاكرتنا السعودية ) :1 (36):

و شكراً

[الزاهر]

حطيتلك شي قصة عن وئت جدك يا اسامة وحدا كحشك ؟

[Nader 3:16]

افادت التحقيقات بأنّ المدعو محمد كوسا الذي نسب نفسه لحارة العين زوراً و بهتاناً قد افترى على شباب حارة العين حيث راح ينسب لنفسه و بإسم حارة العين هجمات على محمية السماقة القلمونية التي كانت كتائب اللجنة العظمى تسيطر عليها.
ونقول للسيد محمد كوسا . بأي صفة تتحدث ؟ عرّف عن نفسك اوّّلاً؟ اين كنت عندما كنا نخوض اشرس المعارك بالزفير و النقيفات مع حارات الجعيدية؟
اين كنت عندما كان فريق حارة السماقة ينافس فريق حارة العين في مباريات ودية على ارض السماقة او على ارض المنار؟ لم يكن يسمع لك حسّ ابداً حتى مع الجمهور.
ودعنا نسألك يا حضرة المدعو محمد كوسا. هل تعلم حقاً اين تقع السماقة؟ هل تعلم حقاً كيف يتم النزول اليها؟
للأسف السيد محمد كوسا يتكلم بإسم حارة العين رغم وجود الاخ الفاضل و الرفيق سامر الظنط حفظه الله تعالى احد اهم كوادر حارة العين و العضو الاصيل في فريق كرة القدم التابع لها.
فحبذا يا سيد محمد كوسا لو تكتفي بمشاهدة الموضوع وانت انت تجلس على كرسيك المريح و بيدك لفلوفة لبنة مع زيتون و بندورة و بيدك الاخرى ادح شاي.
وانصحك بمشاهدة قناة سبيس تون لأنها تناسب تفكيرك واتمنى ان تبعث رسالة sms على القناة تكتب فيها:
"انا محمد كوسا من القلمون احب سبيس تون كثيراً و اتمنى عرض انشودة علكة القمر للمنشد طريزان الجعيدان"

وشكراً.!

[zsamerz]

بيان صادر عن المكتب الإعلامي في حارة العين

---(قل ظهر الحق وزهق الباطل إن الباطل كان زهوقا)---

تتقدم حارة العين الأبية بأسمى آيات الشكر والتقدير للجنرال نادر على إجلاء الحقائق

ويا باش خليك بالزهر أومتل ما ألك الجنرال نادر أحسنلك

وإلا...

[محمد]

افادت التحقيقات بأنّ المدعو محمد كوسا الذي نسب نفسه لحارة العين زوراً و بهتاناً قد افترى على شباب حارة العين حيث راح ينسب لنفسه و بإسم حارة العين هجمات على محمية السماقة القلمونية التي كانت كتائب اللجنة العظمى تسيطر عليها.
ونقول للسيد محمد كوسا . بأي صفة تتحدث ؟ عرّف عن نفسك اوّّلاً؟ اين كنت عندما كنا نخوض اشرس المعارك بالزفير و النقيفات مع حارات الجعيدية؟
اين كنت عندما كان فريق حارة السماقة ينافس فريق حارة العين في مباريات ودية على ارض السماقة او على ارض المنار؟ لم يكن يسمع لك حسّ ابداً حتى مع الجمهور.
ودعنا نسألك يا حضرة المدعو محمد كوسا. هل تعلم حقاً اين تقع السماقة؟ هل تعلم حقاً كيف يتم النزول اليها؟
للأسف السيد محمد كوسا يتكلم بإسم حارة العين رغم وجود الاخ الفاضل و الرفيق سامر الظنط حفظه الله تعالى احد اهم كوادر حارة العين و العضو الاصيل في فريق كرة القدم التابع لها.
فحبذا يا سيد محمد كوسا لو تكتفي بمشاهدة الموضوع وانت انت تجلس على كرسيك المريح و بيدك لفلوفة لبنة مع زيتون و بندورة و بيدك الاخرى ادح شاي.
وانصحك بمشاهدة قناة سبيس تون لأنها تناسب تفكيرك واتمنى ان تبعث رسالة sms على القناة تكتب فيها:
"انا محمد كوسا من القلمون احب سبيس تون كثيراً و اتمنى عرض انشودة علكة القمر للمنشد طريزان الجعيدان"

وشكراً.!



هههههههههههههههههههههه:1 (36):

[Nader 3:16]

شنّ المدعو محمد كوسا هجوماً عنيفاً على أحد قيادات حارة العين الاخ سامر الظنط في المسجد البحري بعد صلاة الجمعة و لكنّ الاخ الجنرال سامر استطاع اسكاته.

ومن هذا المنبر فأننا ندعو السيد محمد الكوسا للمباهلة امام الجميع لكي نفضح تدليسه على حارة العين.

بإنتظار جوابه.

[أسامة طوط]

أعلن تضامني مع القائد محمد كوسا .
أتوجه بالحديث إلى المدعو سامر الظنط - وين كنت ومع مين كنت\ ألا تعلم أن القائد محمد كوسا هو الذي عينك في فريق حارة العين لكرة القدم بعد ألف واسطة من الشباب. والحديث في هذا المجال طويل إلا أنني سأرد على أحد أفراد مستعمرة السماقة- الذي تطاول على مقام القادة ونسب إلى نفسه معارك مزيفة تعرض التاريخ القلموني للخطر-اللبيب من الإشارة يفهم و.
أود أن أنوه بالموقف الرائع الذي صدر عن قائدنا والذي يحمل في طياته الكثير من المعاني

[محمد الكوسا]

أعلن تضامني مع القائد محمد كوسا .
أتوجه بالحديث إلى المدعو سامر الظنط - وين كنت ومع مين كنت\ ألا تعلم أن القائد محمد كوسا هو الذي عينك في فريق حارة العين لكرة القدم بعد ألف واسطة من الشباب. والحديث في هذا المجال طويل إلا أنني سأرد على أحد أفراد مستعمرة السماقة- الذي تطاول على مقام القادة ونسب إلى نفسه معارك مزيفة تعرض التاريخ القلموني للخطر-اللبيب من الإشارة يفهم و.
أود أن أنوه بالموقف الرائع الذي صدر عن قائدنا والذي يحمل في طياته الكثير من المعاني



ما قصرت قائد اسامة
رح نترك الكلام للأفعال

[zsamerz]

أعلن تضامني مع القائد محمد كوسا .
أتوجه بالحديث إلى المدعو سامر الظنط - وين كنت ومع مين كنت\ ألا تعلم أن القائد محمد كوسا هو الذي عينك في فريق حارة العين لكرة القدم بعد ألف واسطة من الشباب. والحديث في هذا المجال طويل إلا أنني سأرد على أحد أفراد مستعمرة السماقة- الذي تطاول على مقام القادة ونسب إلى نفسه معارك مزيفة تعرض التاريخ القلموني للخطر-اللبيب من الإشارة يفهم و.
أود أن أنوه بالموقف الرائع الذي صدر عن قائدنا والذي يحمل في طياته الكثير من المعاني



كوسا ورياضة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كيفففففففففففففففففففففففف؟؟
راجع معلوماتك يا transformer

بعدين يا أسامة انتا كل عمرك مأضية بالأفران...
فما تتفلسف علينا!

وتحية للجنرال المظفر الأخ الكيميائي نادر.

[محمد الكوسا]

شنّ المدعو محمد كوسا هجوماً عنيفاً على أحد قيادات حارة العين الاخ سامر الظنط في المسجد البحري بعد صلاة الجمعة و لكنّ الاخ الجنرال سامر استطاع اسكاته.

ومن هذا المنبر فأننا ندعو السيد محمد الكوسا للمباهلة امام الجميع لكي نفضح تدليسه على حارة العين.

بإنتظار جوابه.




ولا اذا ما ذكرنا اسم مطعم ابوك بموضوع المطاعم بتهاجمنا؟؟
ولا لأنو مامنحب اناشيدك؟
في حرية رأي

[Nader 3:16]

ننتظر ردّ الفاضل محمد كوسا على طلب المباهلة امام شباب حارة العين....على باب المكتبة بحضور كبار اعضاء فريق كرة القدم القدماء لنعرفهم على المدعو محمد كوسا لأنني اظنهم لا يعلمون من هو محمد كوسا.!

لكن ربما كان يجعلونه (سمليحة) عند مروره في الحارة متجهاً الى جدته.

[Nader 3:16]

ولا اذا ما ذكرنا اسم مطعم ابوك بموضوع المطاعم بتهاجمنا؟؟
ولا لأنو مامنحب اناشيدك؟
في حرية رأي



لا تخرج عن نقطة البحث يا فاضل.ولا تتكلم بصيغة الجمع فحارة العين اعلنت برائتها منّك على السنة قادتها الافاضل.

[محمد الكوسا]

ننتظر ردّ الفاضل محمد كوسا على طلب المباهلة امام شباب حارة العين....على باب المكتبة بحضور كبار اعضاء فريق كرة القدم القدماء لنعرفهم على المدعو محمد كوسا لأنني اظنهم لا يعلمون من هو محمد كوسا.!

لكن ربما كان يجعلونه (سمليحة) عند مروره في الحارة متجهاً الى جدته.




انا عندي تحدي تاني...........
انت اذا بتلاقي حيط بالحارة ما علي اسمي خود بالي بدي ياه

[Nader 3:16]

لقد لقد شوّهت حيطان حارة العين بتسطير اسمك. لكن سيبقى مجرد اسم على الحيطان بينما شباب حارة العين الأصليين تشهد لهم ذرات التراب فلا يوجد موضع شبر من حارة العين الا و داستها قدم لاعب كرة قدم من حارة العين.!

[zsamerz]

انا عندي تحدي تاني...........
انت اذا بتلاقي حيط بالحارة ما علي اسمي خود بالي بدي ياه





معليش ....يعني وقعتني بالجورة..

ولا يقطع خملك....انو آل أفحمنا...


طيب ليك هلأ روح ع فرنسا وإزا في منطقة بكل فرنسا منو مكتوب عليا اسمي بقا قابلني....
بس انو ه الشي بيدل انو أصلي فرنسي؟؟؟؟


بعدين هادا الزكا الخارق اللي بتتمتع في ما فينا علي بحارة العين ...

[الشيخ إيفان الظنط]

الله يجزيكم الخير والله لقد أعدتم لي ذكرياتي في أحب بقاع الأرض عندي بعد (مكة والمدينة والقدس ) لقد كانت طفولتكم جميلة وقريبه جدا من طفولتنا فتقريبا نفس الألعاب والمشتريات وكأنا كنا نزيد عليكم أو نسيتم أيام تعفير الزيتون وبيعه عند مرت الحكم قرب كريم ولكن الفلوس غير فأرقامكم كبيرة أما أيامنا فلحقنا الفرنك والفرنكين والربع والليرة ولما أخذ بعض أصحابنا ليرتين كنا ننظر اليه أن أباه من الأغنياء
ذكرتمونا بحروبنا الطاحنه في ساحة المسجد الغربي مع جميع الحارات بلعبة العرجه وكانت أقوى حاره منافسه لنا حارة العين كان نجومها أولاد الأستاذ حسن القص رامي وفادي .