إبنتي رغد والأشباح

[وسيم أحمد الفلو]

في كثير من الأحيان أجد إبنتي رغد (حوالي 3 سنوات) تتحدث إلى أصدقاء وهميين وبأسماء غريبة ("صووايا" و"شوبي") وتطلب منهم القفز أو تصرخ في وجههم.

هل هذا الأمر طبيعي عند الأطفال في هذه السن، أم أنه ينبغي علينا القلق من ذلك؟

وشكراً سلفاً للإجابة

[Nadine]

انا اعتقد انو هالشي اللي عم يصير شي طبيعي لان الولد بحب يلعب , وهالشي بيصير اذا كان الولد وحدو بالبيت ما في معو ولاد من عمرو يلعب معهم, ومعقول هالاسماء تكون سامعة فيهم من كرتون اوشي , بس انا بقول انو افضل طريقة هي انو الام تلعب مع طفلتها وتلهيها بأي شي منشان ما تعمل هالشغلات, لأن منشان يتسلى الولد بدو يخترع اشيا تسلي , افضل شي انو الام او الاب يلعبو معو طفلهم ويحكو معو.
الولد بعمر 3 سنين فيه يحفظ سور من القرءان ,

يعني الام فيها تعملها برنامج للطفلة بشكل انو بتلعب معها بوقت وفي كتير انواع العاب بتقدر تسليها فيهم وبعدين الطفلة بتنسا هالشغلات اللي عم تعملها... وبتحفظها القرءان بوقت تاني,,,,

على حسب اعتقادي انو هالشي اللي عم تعملو شايفتو بالكرتون او من اولاد عم يعملو نفس الشي, وحتى لو كانت هالعادة مكتسبتها وحدها..هالشي بيعني انو عم تحاول تلفت نظر الاهل عليها, بتقدر الام تخليها تتخلص منها بأنها تتضيعلها وقتها بشي بينفع....

لازم الاهل كتير ينتبهو عليها ويشوفو كيف بدن يأسرو عليها, يعني بس تشوفها امها عم تعمل هالشي , تحاول تلهيها بشي تاني...

وكمان كل يوم لازم الام تقريلها المعوذات الثلاث اول ما بتفيق وكمان وقت بدها تنيمها, وافضل طريقة حتى تنام اتضل امها عم تقرألها القرءان حتى تغفا.

الله يحميلكن ياها , ويحفظها ويجعلها من الصالحين....

[محمد أحمد الفلو]

شي طبيعي لأن ما عندا إخوه, شد الهمه بركا الله بيرزقها أخ أو أخت تحكي معن.

[وسيم أحمد الفلو]

شكراً على الإجابات وخصوصاً الأخت نادين

أخي حميطون قال جبلا معك لعبة بتبكي (هيك بدا).

[مصطفى معتوق]

بعد استشارة احد الاطباء النفسيين اشار الى انو هيدا الموضوع طبيعي جدا" للطفل في هذا العمر وهذا يعتبر من علامات الذكاء .
هلق انا بستنتج انو بنتك يا وسيم الله يحميلك ياها بدا تطلع متلي انا ونزيه بتشجع المانيا .
بالمناسبة ازا عندك صورة لعمها هشام خليها تشوفا بتتسلى هي واياه
تحية الى الصديق هشام احمد فلو والى جميع ابناء الاستاذ احمد حفظهم الله اجمعين

[الزاهر]

السلام عليكم......

أخي العزيز وسيم
لحد علمي (بعكس رأي أخونا مصطفى) أنا مما أعلم أن هذه الحالة "غير" طبيعية....و يجب عدم السماح لها بالاستمرار.....لأنها تتطور وتتعقد إن لم يوضع لحا حد
وكما قالت الأخت نادين فإن الأمر عائد للوحدة......فيجب أن توجد لها أوقات أكثر برفقة "البشر" سواء الأهل أو الأصدقاء......وخاصة أنها بنت....فهي لا تخرج من البيت وحدها عادة.....(بعدين عمرها 3 سنوات) ......دبرلها نشاطات مع العالم....مش مع الألعاب....وإن ممكن تزيد الوئت اللي بتأضيه إنت وزوجك معها بيكون كتييييييييير ممتاز!!!!!

منشات تنتقل من حالة "الأصدقاء والأصحاب الوهميين" إلا حالة الصداقة المادية الحقيقية.....بعدين إن كانت الحالة شديدة.....يعني أن تكون كلما جلست وحدها تقوم بهذا الأمر......فابدأ من الآن بتغيير الجو المحيط بها.....جبلها أرايبينها الصغار على البيت إن ما بدك تاخدها لعندهم.....ولك نزلها على الحارة ....كزرها بين الناس.....طلعها عالحديقة العامة عشية.......نزلها تسبح مع الأولاد......خدها مشوار على الكروم مع أمها......عملهم سيران كل أسبوعين مرة.....نزلو مشوار على المينا بليل بشكل منتظم.....مش كل يوم بس خليها تغير جو الوحدة......اشتريلها بسكلة وخليها تركب عليها كل يوم عشية.....

وهيك بضمنلك إنك ما تسمع بـ "شوشو" و "كريكازو" و "طوطووا" وهالأسماء.....وبضمنلك تخسر شي 20 كيلو من وزنك.....عصفورين بحجر.....بس عصفورين دسميييييييييين!!!

يالله خيي......بلش من هلأ......لا تتأخر عليها....جبلها بسكلة وكل يوم خدها على الحديقة عشية!!!

ماشي......بدي روح شوفك بكرة ها!!!.....بعطيك جزا إن ما جبتلها بسكلة....10 فاهيتا مرتين باليوم!!!!

يالله سلام

[وسيم أحمد الفلو]

والله يا أخي معتوق إنو بنتي تطلع ألمانية هيدا مستحيل ... أنا معروف برازيلي بجنون ومرتي أكتر مني .... يعني إذا طلعت بنتي ألمانية بعتقد منكحشا من البيت :):)

يا حبيبي زوزو البنت مابتقعد لوحدا أكتر من خمس دقايق ، مش هوني المشكلة .... حتى هالحكي مبيتكرر معا كتير ... على كلن رح حاول إعمل بنصيحتك.

بالنسبة لوزني لازم حافظ عليي تيكون في توازن بالبلدية :) :)

[هشام الفلو]

سلا م سيد معتوق، السوري القومي الإجتماعي
كتاباتك عما تعجبني، إلى الامام

أن فينا قوة لو فعلت لغيّرت وجه التاريخ

[مصطفى معتوق]

امتلأت مقلتاي بالدموع ورقص قلبي من الشوق اليكم يا شباب الى جلسة على البحر نتجاذب فيها اطراف الحديث
الى مباراة كرة قدم في ملعب ضيق
الى طرائف شادي حبلص وتعليقات هشام فلو الى غلاظة رامي حليحل و(....) ربيع خداج الى رياض حمزة الى سوموزو يربحني على بور سمير الى تميم قزيحة
الى جميع صبايا الضيعة ينادون معتوووووووووووووووووووووووووق بدنا الحسكة
الى شطشط
والعزيز عبدو السمان يجلس يفكر في الحب وربيع الابيض عم يستلمواااا
بتعرفو انو كانت تجي ايام ما يطلعلي دور على ولا حسكة مع العلم انو عندي 2
الله يجازي يلي كان السبب
الله يجازي يلي كان السبب في بعدنا عن وطننا وملاعب صبانا .
كنت كل عمري قول بموت وما بسافر وكنت استلم الشباب يلي كانو يحلمو بفيزا يا سبحان مغير الاحوال .
والله زبال بالقلمون احلالي من مدير شركة بالغربة.

[فيصل]

صلو على النبي
..بعطيك جزا إن ما جبتلها بسكلة....10 فاهيتا مرتين باليوم!!!!
ولك ولييي ولك هو ناقس ماشاء الله ,ولك ألله يحميلك هل البنت ولك ضاربة صيط بالضيعه لأنها مهضومه و مرتبه وحبوبه هي وجدتها ميروح فكرك لبعيد أصدي (مرت عمك ).بس يا أخي الكريم كمان يعد إستشارة الأطباء للأب دور أكبر من دور الأم بالـتربيه.فكيف معاملتك أنت معها أولت ربيع عبيد ;)take care

[وسيم أحمد الفلو]

مشكور خيي فيصل على التعليق اللطيف وشكراً للنصيحة