[قضية] تلة نفايات في حينا !

[الزاهر]

السلام عليكم......كيف الأحباب؟؟

حبيت اطرح هالموضع اللي ان شاء الله يكون مفيد.......
كل ما في الأمر إنو رح حط كل فترة صورة.....
مع تعليق بسيط.......
وانتظر ارائكم......وتعليقاتكم.......ونشوف شو القضية اللي بتعالجها هالصورة.......وشو ابعادها ومن هالأصص!!!


مممممم.....هلأ كونو ما عندي كاميرة حاليا.......يمكن اضطر حط بعض من صوري القديمة......

رح ابلش اليوم مع صورة اخدتها مبارح......بحارتي.....حارة العين الأبية.....


شوفو:

http://www3.mediafire.com/imgbnc.php/cc41d1e67802df611b990f56ed5669116g.jpg

بكل بساطة.....هاد جبل الزبالة اللي تحت بيتي......هلا صغير والحمد لله....بعد ما شالو أول دفعة عمال البلدية الله يجزيهم الخير........لكن في مشكلة بالحارة.....عمال البلدية بيؤولو الناس عم تحط الكياس هون.....منشان هيك مش عم نطلع عالبنايات.......والناس بتؤول عمال البلدية منها عم تطلع عالبنايات من رمضان.....فصرنا عم نحط الزبالة هون.......وليجيبو بحارتنا مستوعب........نطور يا كديش لينبت الحشيش...الله يستر......فشو الحل!!!!

نأمل مشاركتكم.......واللي عندو صورة حابب يناقشها ويطرح قضيتها.......أهلا وسهلا.....لكن نرجو ان يترك بين الصورة والتي تتلوها 3 ايام على الأقل!!!

بتشكر أخي حسان زيدان اللي سمحلي صور بكاميرتو!!!!

سلام

[Nadine]

مشكور اخ زاهر على الفكرة , كتير حلوة. وان شاء الله منطلع بحل لهل المشكلة.

يحطو مستوعب للنفايات ومستوعب اخر للبلاستيك اذا بيرجعو بيعملو اعادة تصنيع لعبوات المياه بلبنان , والحطب يحرقون. يعني عنجد المنظر كتير بشع, غير عن هيك الريحة بتكون مقرفة . يعني الضيعة منا كبيرة , لازم البلدية تهتم اكتر. وطبعا الناس لازم يساعدو البلدية , وئت البلدية بتحط مستوعبات للنفايات , لازم الناس تحط بقلب المستوعب منو تكب الكيس كيف ما كان اذا نزل بالمستوعب بكون نزل واذا ما نزل منتركو ومنمشي.

[HARD]

تعليق :
اوف اديش زاهر مجوي :) عم امزح ( بس اساتني زعلان :mad: )

ليك جراد قريب منك خود برميل من عندو وما تنطر حدا .

[دوكر]

يا هلا بالمعلم أطر الندى...موضوع حلو ...يعطيك العافية...
اما بالنسبة للصورة...الست نادين حكيت عن المستوعبات...هادا هو الحل برأي كمان...بس البلدية الله يعطين العافية من فترة شي سنتين او اكتر شالت المستوعبات...و ابتكرت طريءة جديدة من شان لم الزبالة...سميتا طريءة الice cream...هادي هل الطريءة لو انو بصير عليا شوية تعديلات بتكون كتير منحا...هل الطريءة هيا انو بتمرأ سيارة البلدية بوءت معين هي عم طلع صوت اريب ع سيارة البوظا...و ساعتا الناس بتنزل كياس الزبالة...او بكونو حاطينو ابل بوءت...
و يا ويلاي ازا استلبصو علي البسينات و بلشو فاي فلش...
التعديل لازم يكون حسب رأي انو يطلع عامل البلدي ع البنايات و ينزل هو الكياس و هدا صعب اولا شغلة لأنو الواحد م فاي يترك احينا كيس الزبالة عندو اكتر من ساعة ...من شان الريحة...بكون عاملو شي اكلة سمك...
و تانيا لأنو بيهلك العامل...وخصوصي بمتل بنايتن لأطر ما شاء الله بدو شي 10 طلعات....و بتوخد وءت كبير...
لكن...فنا نؤل انو الحل هو بمستوعبات...بكون من النو لي بيتسكر من شان الروايح و البسينات...
يعطيكن العافية...
اخوكم دوكر المعوكر...

[الزاهر]

وبعد نص ساعة كتيبة........بتنأطع الكهربا.......وهلأ بدي عيدن!!!.......

المهم......كنت عم أول إنو يا دوكر البلدية .....عمال البلدية......بيطلعو عبنايتنا كانو.....كان بيجي عامل البلدة وبيطلع عالبناية ......وبيدق عالأبواب وهو وطالع.....ولبينما يوصل لفوق.....للسما.......بيكون الكل جهز حالو......وهو ونازل بينزل معو شي 7 أو 8 شوالات زبالة....الله يكون بعونو........لكن منذ رمضان.......بطلو هالعادة......وصار من وئتها.......سكان البناية......بل سكان حارة العين الأبية (فرع الخزانات) كلو هيك يعملو.....بطلت موضة الطلعة عالبنايات شكلها......

هلأ هادي الصورة مو بوئت بيكون الحارة منزلة الزبالة........هلأ نضيف كتير الجبل......صغير......لو كان وئت تجميع الأكياس.......ما كنت لأيت محل بالحارة لئوئف فيه وصور.........

هلأ بالنسبة لأصة المستوعبات يا نادين ويا دوكر........سامع من زمان.....إنو كان جاية مستوعبات من مثل اللي بالمدينة عالقلمون.....لكن بوئتها.....كانت فترة انتخابات....آم الحرامي......عفوا ...كرامي......منع وصولها انتقاما من أهل القلمون لأنن ما كانو مأيدين له سياسيا..........ولك حتى بالزبالة بدن يحصرو راسهم السياسيين!!!.....يطرحلهم البركة بهالحصرة!!!!

هلأ بالنسبة للحل......يمكن المستوعبات تكون حل.......بس هالحل فيه مشكلة.....لأن كل الشوارع عنا بالقلمون هي بالحقيقة أزقة.......وسيارة البلدية الكبيرة المعدة للمستوعبات منها قادرة تفوت بولا زاقوق منهم........فبتنحط المستوعبات بالشارع الرئيسي......ويا محلاها أمي وئت بكون بالجامعة حاملة شوال الزبالة اللي بيطلع شي 10 كيلو وناتعة مشوار شي 300 متر لتوصل للمستوعب........

طيب.....ما طلع حل مناسب يمكن......أو الهيئة بدو شوية تعديل بيصير مناسب.......وما باعتقادي أصة المستوعبات الصغيرة بيمشي حالها.....لأن عنا مثلا بحارة العين الأبية (فرع الخزانات) عالأكيد المفروض المستوعب لازم يكون من مثل مستوعبات المدينة......وإلا بينتلا خلال دقائق......وبيصير العالم بتحط الزبالة براتو......وما استفدنا شي ساعتها.......رجعنا لنفس الأصة.........

ممممممممم........والله أصة صعبة.........حدا عندو شي اقتراح........وينك يا معلم وسيم تخبرنا شو بيدور خلف ظلمات المجلس البلدي بهالموضوع!!!!

حدا من بقية الحارات يشاركنا الموضوع......لنشوف شو مظاهرو بغير حارة العين الأبية (فرع الخزانات)!!!!



سلام

[Nadine]

انا عندي حل : شو رأيكن بمستوعبات لهن دواليب بينجرو يعني اذا سيارة البلدية ما بتقدر تطلع على الحارات بيكرجو المستوعب لحديت سيارة البلدية وبعدين بيفضوا وبرجعو لمطرحو. شو؟؟؟

[الزاهر]

آآآآآآآآآآآآآآآآآآآآآه......يا محلاه عامل البلدية هو ولاحء المستوعب عنا بالنزلة!!!!.......ههههههههههههههه.....منظر بيموت الضحك!!!!.......منك ذاكرة نزلة حارتنا مثلا.......هلأ بالنسبة لحارتنا......ممكن تمر سيارة البلدية عن الأوتوستراد.......بتصير هينة....بس بقية الحارات.....ما بدك ارض تجري عليها المستوعب.......ما في 20 متر بالقلمون ما فيهم جورتين يا نادين........يعني رح ينكب المستوعب 3 مرات ابل ما يوصل لهدفو!!!!!........

هلأ صحيح المشرف لسا ما حط بقية الصور عالرئيسة (بناء لطلبي)......كنت فرجيتك تمام الجور عنا كيف......بس يمكن هادي مبين فيها مثل صغير.......على ميلة اليمين.....جمب السيارة......


http://www3.mediafire.com/imgbnc.php/ceec3ea6dfff975814d29241cdb3658a6g.jpg


الحمد لله.......عنا ألف مشكلة بمشكلة!!!!.......الحمد لله!!!

[Nadine]

http://www.lakii.com/vb/smile/21_135.gif

اضحك الله سنك اخ زاهر, هلأ اللي عايش بالضيعة اكيد بيطلع معو افكار مناسبة اكتر. وهيدي كانت الافكار اللي طلعت معي لحد الان. ان شاء الله نلاقي حل لهل المشكلة. فعلا الله يعينكم على هالعيشة , بتتصبحو بالريحة وبتتمسو .

على فكرة مشكور كتير على الصور اخ زاهر, فعلا انا كنت حابة شوف القلمون كيف صارت وكتير عجبوني الصور. والله ييسرلنا بشي زيارة.

[shanzimer6]

سلامات....
ولك طرف هالسيارة بيشبه سيارة خالي!!!!!!!!!!!!!
شفتو التمييز, أيمتن بدك توصل يا زاهر عحارتنا؟؟؟؟؟؟؟؟؟؟؟
ولك تقبرني القلمون, لو مليانة جور, لو أيش ما كانت.....بتضلا بتجنن,.... :) :)
المهم....الحل؟ ليكوا اولا أيش ما كتبتوا هون اعرفوا انو في غيركن بالضيعة عندو شلعة ولاد, يلي غرامن التخريب .اعرفوا انو البلدية منا عم تلحق....
لأيش هالشباب والبنات قاعدين بالبيوت بلا شغل؟؟؟؟ ما يقوموا ينزلوا يساعدوّن؟؟؟ _ عم امزح ها_
لا بس عنجد ضربت عوتر حساس....بهالموضوع..... يعني الأصة منا هينة ابدا....
بكرا بس تبقى توصل عحارتنا..... منبقى منحكي كيف العالم عم يساعدو البلدية, يعني بيكون ماشي ويا حرام حاملوا شي عشرطاعشر كيس وشوال, والعالم من ورا عم يكبوا....
يعني برأيي لما بتتغير نظرة العالم وبتتغير طريقة تعاملن وتصرفاتن مع بعضن أو بالأحرى بتتغير ثقافة هالعالم, بس بهالحالة بيصير في تقدم .....وتطور كمان...
الا من رحم ربي, اكيد ما كل العالم هيك, يمكن شي بيعمل نكاية كمان, فبتطلع يا حرام دائماً بالبلدية...
واذا طنشوا عمال البلدية, بيطلع واحد من الحريصين بالحارة هوا يلي بينظف محل جبل الزبالة...

[الزاهر]

مو بتشبه.......لا بل هادي سيارة خالنا!!!!!

المهم.......هادي نقطة مهمة........لكن المفروض حدا يبلش التغيير......وبرأيي.....إذا البلدية بلشت.......يمكن يكون تأثير هالشي اكبر........لأن ليبين التغيير بالعالم.....بدو وئت كتييييييييير.........هاد اذا استطعنا انو نغير!!!!!

شي بيألي كتير حابب يشوف صور للقلمون....وشي بيألي امتن بك توصل لحارتنا......دفعولي تكلفة كاميرة.......وتكرم عيونكم.......ما بخلي عكويش بالقلمون إلا ومصورو 3 صور.....بس هاتو 300 دولار...........ههههههههههههه

بكفي بالموضوع إن شاء الله اليوم عشية......هلأ عندي مختبر!!!!
السلام عليكم

[THE TERRORIST]

فكرة كتير حلوة يا أخ زاهر....... و أنا رح كون من المرافقين لهذا الموضوع...... و رح إرجعلك بعد كم يوم إن شاء الله