[قضية] عين الجامع !

[الزاهر]

العين


عين الجامع.....ولو....في حدا ما بيعرفها.....هادي اللي سمو حارتنا الأبية منشانها!!!!.......هاد منظر حديث لها!!!

ولك آه.....هادي هية العين اللي كنا نشرب منها نحنا وصغار.......كنا نجي هلكانين التعب.....شياطين الله وكيلكم.......ونشرب نشرب نشرب......منشان هيك الحمد لله عنا مناعة ضد الكوليرا والتيفوئيد والمالاريا والسل والظنطاري وووووو......هههههههههههههه!!!!!

شوفو النباريش......الموتيرات.....الزبالة....الأرف....


http://www2.mediafire.com/imgbnc.php/6cc6411a628a49c0cd64fe3b03a5e6666g.jpg


هاد يا زغرتية من مدري كم عقد......متذكر انو شايف تصميم كانت البلدية من مشاريعها تنفيذو.....بعتقد انو كانت بتصير اهم من قلعة بعلبك لو يطبق.....وكل ابل انتخابات......بيرجعو بيفيؤو بالبلدية الكريمة وبيصير تجديد وعود!!!!.....ولساتنا على هالحالة بعد شي 10 سنين .......وإلى 10 سنين جايين!!!

الله يصبرك يا روح!!!!.....أولة النسوان!!!!
سلام

[Nadine]

ايشوا هاد. لأ انا بذكر انو كنا نشرب من العين . بس ما كان في كل هالموتيرات والنباريش . يعني هالنباريش هيك على الطريق ممدودة, اللي رايح واللي جاية بيتفشكل فيها , اذا حب شي ولد يتغالاظ بيقطع شي نبريش وبدل ماشي. ما عم يطلع معي شي منشان هالموضوع. الله يعينكم.

[مصطفى معتوق]

اخي زاهر ..

بتذكر انو ايام الفينيقيين لمن كنت اطلع على العين كان في انبوبين واحد كبير والتاني اصغر منو ...
وكم نبريش يمكن شي 4 او خمسة
بس حابب اتاكد منك انو هادي الصورة للمنطقة نفسها ؟؟؟ او هادي من شي ضيعة تانية ؟؟

[دوكر]

يا هلا بالمعلم زاهر.......
اول ما طلعت بالصورة ما تزكرت الا افلام كرتون عدنان و لينا........ازا متزكر الآلات لي فاي و الاختراعات ....كلا نباريش و وصلات......هههههههههه........اخدلك شي مأطع من الفلم؟....ههههههه.......
اديش صري من شايف العين.......اه اه اه....ايام ....كنا نجي لاعبان جول....و نجي مهفيان من العطش ........و نبلش نكروع من العين........ايام .......ما في احلى منا.........
هلأ لو انا الؤصة بتقتصر ع النباريش منا مشكلة ....بس الزبالة و الجية هي المشكلة.........هي لي بدايء كتير..........نزلولكن شي نزلة انتا و الشباب الطيبة عملولا نفضة نضفوا.......ازا كنت فاضين.....او حتى فكون تجمعولكن شوية مصريات ....و تخلو شي واحد ينضفى من الزبالة.......
يعطيكن العافية......
اخوكم دوكرالمعوكر......

[Nadine]

هيه القصة ازا نضفوا رح تضل نضيفة عن عطول او على كم دئيئة . لازم يعرفو العالم انو ما لازم يكبو على الطريق ابدا.

[الزاهر]

آه....وأنا ذاكر يامعتوق إنو هادي البوابة كنا نفوت منها عتونيل العين.....وإنو حليمة بهاديك الأيام كانت "تخسل الحوايج" بالسائية......هلء مفي سائية بئا......وإنو كنا نغطس بالسائية.....كانت شوية غميئة وئتها......وكنا نجمع صدف من الجرن اللي ادامكن.....كان واسع......4 أو 5 نباريش وبس.......وإنو كنت تمرأ من جمب العين وما تنتبه انو في موتيرات.....هلأ عالطريق في موتيرات.......والله يعين الجيران.....بليل كأنو في ترين مارء من الصوت!!!!

فتخيلو يا رعاكم الله!!!!

[الزاهر]

السلام عليكم جميعا
بداية احب أن اشكر أختي الكريمة المهندسة ساميا الأبيض على الإضافة الرائعة لموضوعنا هذا......بارك الله بك أختي!!!

ثم......أتذكرون حديثي عن رؤيتي لصورة لتصميم العين الجديد منذ زمن ليس بقريب.....هاذي هي....تأملوها جيدا...تخيلو معي أن هاذي هي عيننا!!!!


من زاوية قريبة شاقولية:
http://www1.mediafire.com/imgbnc.php/17087d36c4d8d8131ea8ca5c6095cad44g.jpg



http://www4.mediafire.com/imgbnc.php/feff0003e3b7ba6b6937af358cd04da14g.jpg
_____________
بالنسبة للصور المقترحة لتحسين وضع عين الجامع فقد وضع هذا التصور وعدد الموتورات على العين لا يبلغ عُشر ما وصل إليه اليوم، لذلك تلاحظون أن سبيل الماء هو واجهة لغرفة صغيرة لها باب جانبي تضم داخلها الموتورات الموجودة هناك، كذلك هناك معالجة لمجرى الماء وتُرك قسم منه ظاهرا ومكشوفا وينتهي ببركة دائرية (على زاوية الطريق) من أجل المحافضة على الشكل القديم والتراث المتمثل برغبة في غسل الثياب في البركة لمن أرادت من النساء اللواتي لا زلن يحافظن على هذه العادة.
ومن الممكن وضع سبيلين (حنفيتين) للماء بدل واحد.
والعين بحاجة لفلتر ولمعالجة تلوث الماء فيها.
_____________


فأين هكذا مخططات من التطبيق؟؟
بانتظار آرائكم وتعليقاتكم!!
والسلام عليكم

[Nadine]

تصميم رائع, ما شاء الله , جزاكي الله خيرا اخت ساميا على هذا التصميم, وان شاء الله يتحقق على ارض الواقع.

[محمد الكوسا]

والله يا زاهر نصيحتي انك تأيبلك ع شي شغلة و حاجة تتخيل عن العين لأنو بالأخر ح يدقك ع مخك أبو الجمل

[الزاهر]

السلام عليكم......

خلونا نشوف شو في بهالعين مميز.....وبيدفعنا نحافظ عليها....سمعو لنشوف:


http://www.kalamoun.net/history/Reports/shouhada/page1_shouhada.gif
المصدر: موقع القلمون القديم!!

سلام

[kata2eb]

في زيادة على قصة الأخ زاهر ففي بعض الروايات
أن القلمون لم تكن أكثر من بيوت حول العين التي سميت بعين الجامع ولم تكن عين الخمارة تابعة للقلمون
وأن القلمون لم تحتل أبدا من قبل الحملات الصليبية أمامدينة طرابلس فقد إحتلت 800 سنة
وبعد إقامة الصليبيين بقرب عين تحت القلمون التي سميت عين الخمارة قام جيش الأيوبيين (أجدادنا يا زاهر) بتحريرها وضمها إلى القلمون فأصبحة مساحة القلمون كما هي الآن

[kata2eb]

شكرا على التصميم الرائع وإنشاء الله يتنفذ:)

[shanzimer6]

السلام عليكم:
الله يبارك فيكم...
والله يقويكم... :)

[الزاهر]

والله كترو الأرايبين الهيئة.....عال.......الموضوع القادم شيق......لكن رح انشغل هالكم يوم.....إذا حدا عندو شي صورة وقضية...يساعدنا بهالكم يوم!!!

[shanzimer1]

السلام عليكم....والله يا جماعة هالروايات رائعين....بس أنا اقتنعت برواية زاهر أكتر....الله يبارك فيكم...:)

[مصطفى معتوق]

ههههههههههههههههههههههه


يعني يا زاهر عنجد انو هالقصة يلي كاتبها من اجمل الشغلات يلي قريتها بحياتي

وبالنسبة للسيد كتائب ( وانا بتأمل يكون كتائب قسام ومش لبنانية ) فكمان تعليقك وروايتك مهمة .

بس انو عندي سؤال ؟؟؟؟

ازا كانت عين الجامع وجوارها هي القلمون !!! فيا ريت بتقولولنا عين الخمارة وتوابعها شكان اسمها

مع العلم انو كمان في عنا الدار والمسجد البحري ويلي هنة تقريباً بيبعدو نفس المسافة متل المسافة بين عين الجامع وعين الخمارة كمان يا ريت بتشوفولنا ازا كانو تابعين لحدن من الدولتين او كانو دولة مستقلة ....

ويعطيكن العاقية

[shanzimer6]

السلام عليكم:
رح شوف إذا بيظبط معي يا نادين وحط كم صورة من الحارة الغربية, وتشوفي كيف صارت.... أنا متأكدة ما رح تعرفيا....

كان موقع بيتنا إستراتيجي....

بوجنا " الجبل", فيكي تشوفي الأوتوستراد كلو لحد النورث, ووءت عمّرو ثانوية القلمون الجديدة كمان كانت مبيّنة,...
من صوب البحر, كنا نشوف المينا ومنتأمل البحر.....
إلى أن جاء اليوم الذي عمرت فيه هذه الحارة.... فزاد العمران وزادوا البنايات وزادوا الجيران...

وللأسف..... بعد كل هالعمارات... ما بء بيبيّن البحر منيح :( ولا الثانوية ولا المادنة ولا الأوتوستراد .... وكل الوقت صوت الكسارة والكومبريسيه.... :(

[Ouss]

السلام عليكم......




خلونا نشوف شو في بهالعين مميز.....وبيدفعنا نحافظ عليها....سمعو لنشوف:



http://www.kalamoun.net/history/Reports/shouhada/page1_shouhada.gif
المصدر: موقع القلمون القديم!!



سلام




وينك يا حميطون !! بدي إصرعلو راسو...ههههههههههه
آل بدو يهدّ الحارات الأديمة ويعمر قلمون جديدة!!

ولا ألكن ما بآ رح دافع عن حارة العين ...هادولي ناكرين للجميل ...
كلشي خدمت كل حياتي المهنية بفريء العين , و أضيت حياتي دافع عن المخيمات وعن شرف الحارة , بيطلعلي العم جابر وبألي إنتا نصك من حارة اليهود ...:(:confused::(


الله يسامحك يا عمي جابر..

[kata2eb]

يا أخ معتوق فيك تشوف أي كتائب من ملفي الشخصي

وثانيا وتكميلن على الرواية في تلك الأيام لم يكن وجود للمسجد البحري

وكانت عين الخمارة خارج دولة القلمون
أما بالنسبة لإحتلال القلمون فأنا متأكد من روايتي

والسلام

[Nadine]

السلام عليكم:
رح شوف إذا بيظبط معي يا نادين وحط كم صورة من الحارة الغربية, وتشوفي كيف صارت.... أنا متأكدة ما رح تعرفيا....


بارك الله فيكي يا ارايبة , وانا ناطرة الصور. بيتهيئلي كل الضيعة تغيرت عليي لأن رح نطبق الاربع سنين وبهالفترة تعمر كتير بنايات بالضيعة.

جزا الله خيرا كل من سعى في تقريب المسافات بين ابناء الضيعة.

[مصطفى معتوق]

يا أخ معتوق فيك تشوف أي كتائب من ملفي الشخصي

وثانيا وتكميلن على الرواية في تلك الأيام لم يكن وجود للمسجد البحري

وكانت عين الخمارة خارج دولة القلمون
أما بالنسبة لإحتلال القلمون فأنا متأكد من روايتي

والسلام

طيب هلق انتو قاصدين دولة بالقلمون بالمعنى المعروف انو كان لها حاكم وهيك قصص ؟؟؟

يا ريت توضحو الصورة اكتر !!!!
وجزاكم الله خير

[محمد أحمد الفلو]

وينك يا حميطون !! بدي إصرعلو راسو...ههههههههههه
آل بدو يهدّ الحارات الأديمة ويعمر قلمون جديدة!!
ولا ألكن ما بآ رح دافع عن حارة العين ...هادولي ناكرين للجميل ...
كلشي خدمت كل حياتي المهنية بفريء العين , و أضيت حياتي دافع عن المخيمات وعن شرف الحارة , بيطلعلي العم جابر وبألي إنتا نصك من حارة اليهود ...:(:confused::(
الله يسامحك يا عمي جابر..



على فكره ...... لولا الحج كامل كان المصلى انهد من زمااااان ..
بس الحج الله يحفظو معارض
لو بتصلوا في يا حارة العين ... كنا سكتنا ... بس الجماعة مستلمتوا ... ومالو دور
تخيل الساحه شو بتطلع حلوه بدون المصلى ... وننقل العين ع نص الساحه ...
وإنت كمل يا مهندس