[قضية] الصيصان في أيدي الأطفال !

[روعة]

السلام عليكم ورحمة الله وبركاته

قضية اليوم : أطفال الضيعة والصيصان!!!!!!!

يطوف البائع على دراجته حاملاً المئات منها من كل الألوان...

يلا بلا فلسفة

القصة وما فيها إنو كل الأولاد بيركضوا يشتروا الصواص وبعدين بتبلش التربية

والحمام والنضافة أهم شي

والنهاية المحتومة هي الهلاك

الله يرحمهم

ويصبر عبودي على أد ما بكي عليون

نصيحة لوسيم: ما تكمل وتشوف الصور

[روعة]

http://zaher.qalamoun.com/Forum/Pic-comment/sisan/DSC00582.JPG


http://zaher.qalamoun.com/Forum/Pic-comment/sisan/DSC00583.JPG


http://zaher.qalamoun.com/Forum/Pic-comment/sisan/DSC00587.JPG

[الزاهر]

رزء الله عأيام زمان

بس يا عمي والله ما كنا نحمم الصواص..........كنا نربيهم ويكبرو ويرجعو يدبحوهم!!!
شوا...........هيك ما عاشو سوى يوم واحد.......يا حرام.......

يا عمي لازم البلدية تمنع بياعي الصواص يفوتو عالضيعة!!!
ما في أجمل منها يجينا دفعة صواص موبوءة.......ما بيعاد عنا ولا طير سليم بالضيعة!!!!.........لا طير ولا بشر!!!

مشكورة أختي روعة عالقضية الجديدة.........والسلام عليكم

[Nadine]

القضية فظيعة جدا , رجعتيني يا اخت روعة شي 4 او 5 سنين لورا, وئت اشترى اخي الصغير الصوص , على فكرة هوا ما حمم الصوص بس كان حاططلو موي , واجا هالصوص تيشرب وغطس بالمي. يا حرام جاب منشف الشعر حتى ينشفو ,ودموعو عم يكرجو, بس للاسف كان الصوص ميت فطسان من الاول. وبلش بالبكي, اخدو وقبرو وقريلو الفاتحة ,وبكي يا حرام .

[Nader 3:16]

ذكّرتينا وءت كنا صغار اول ما كنا نسمع صوت الصيصان كل واحد من صبيان الحارة يدلو عالء مع امو شي نص ساعة تحتا توافقلو انو يشتري صواص..وبعد ما منشتري الصواص منبلش نسميهم واحد و واحد وهادا اقوى من هادا...كنا نشلحهم من شي 10 متار تنشوف مين اقوى واحد ...او مين بطير اكتر...و احياناً نشوف الصوص منو عم يوكل نجي بدنا نطعميه غصبن عنو....و بالنهاية مني ذاكر انو الصواص ضاينو عندي اكتر من تلات ايام!!!!!!!!!!!.....بس فكرة الحمام هادي جديدة علينا...كنا نحمم البسينات بالاول.

[محمد]

منشان قصة الصواص
في مجرمين عنا بالضيعة كتير ومنن ..... يلي بدو البلدية تمنع بياع الصيصان يفوت.......

يعني يا زاهر ناسي حالك؟؟؟!!!
والله أنا حابك أنت تذكر القصص منشان المصداقية .
متذكر فروخ البلابل ........... شو ؟؟!!
أنا رح أذكر واحد كيف مات وأنت كمل
متذكر لمن صار يعرف يطير وكان ببيتكن ........... كانت الصيفية ...............
والمروحة دايرة ما رح قلكن أنه مات لمن سفقتو المروحة وحرقت ..............

يا حرام عليكن ........

كمل القصص لا تتهرب

[الزاهر]

التاني مات دعس!!!!..........صاحبي دعسو.........بالغلط...........وبكيت عليه الماما متل كأنو ابنها!!!......:)


أما بلبلكم كيف مات؟؟؟.............بالمجدرة مو!!!

[أم عمر]

السلام عليكم أخت روعة كله هين ع يلي عملوا ابني عماد .مات صوص و دفنه عمر بس الفظاعة الي صارت في اليوم التاني ما كنا في الضيعة و بتتصل سته فينا لتخبرنا انه عماد مو راضي حقه و دينه بده يدفن الصوص التاني وهو عايش و بقينا ساعة نسايره و نفهمه انه حرام فالله يعينهم هالصواص شو عم يتفظع فيهم .

[ابو غسان]

يا عمي لازم البلدية تمنع بياعي الصواص يفوتو عالضيعة!!!
ما حتّا يكون في بلديّة بالاول؟ يعني هالوعود يلّي صرلن 12 سنة عم يوعدو فيّا ما تنفّذ ولا واحد منّا...............اااااااااااااه مافي مصاري الله يساعدن..................ولك ...........

[دموع الأقصى]

والله مشكورة اختي روعة انك لفتي النظر عهل موضوع...بيشتروا الصوص, بيلعبوا فيه و بعدين بس يتوكل ع الله قعدي سمعي البكه و النواح...عنجد قصة الصيصان بدا حل خصوصي انو الصيف عالابواب.....