بشرى سارة

[وسيم أحمد الفلو]

حصلت البلدية على رخصة بناء بقيمة 613 مليون ليرة لبنانية ، وهي عائدة لبناء مجمع تجاري في القلمون، وهو ما يزيد عن واردات البلدية لسنة كاملة.

وقد باشر رئيس البلدية وبالتعاون مع المجلس البلدي بالنظر إلى المشاريع المؤجلة والتي أمكن الآن تنفيذ بعضها، بعد ورود مثل هذا المبلغ إلى الصندوق البلدي.

[الزاهر]

وهي عائدة لبناء مجمع تجاري في القلمون، وهو ما يزيد عن واردات البلدية لسنة كاملة.



هل من معلومات اضافية حول هذا المجمع ؟
الجهة المالكة ... موعد بداية العمل ... المدة الزمنية المتوقعة ... المكان ... هيك امور يعني !؟

[ksamerk]

يعني بتروح هل مصريات ع مشاريع تانيه هلأ ؟
بلشوا بهل مشروع التجاري، بركه بصير في عندكن مدخول وبتتحسن صورة الضيعة
بالتوفيق

[وسيم أحمد الفلو]

أصحاب المجمع من منطقة تنورين، وسيباشر بناءه بعد سنة، ولن ينتهي العمل به قبل أربع سنوات.

[أيمن غ القلموني]

في شغلة ما فهمتا يا دكتور وسيم .


كيف ستنظر البلدية في المشاريع المؤجلة لتنفيذها ؟


أليست كل الأموال ستصرف على هذا المجمع ؟


كمان سؤال : لماذا المجئ من تنورين إلى القلمون للإستثمار ؟


كان فيون يروحوا على مناطق تانية ، فلماذا القلمون ؟؟؟؟

هل هناك حوافز مقدمة لهم مثلاً ؟


شكراً ومبروك المشروع الجديد

[حيران]

البلدية لديها خرائط هذا المجمع نرجو من الدكتور وسيم الفلو
عرضها وتفصيل ما فيها

[الزاهر]

في شغلة ما فهمتا يا دكتور وسيم .


كيف ستنظر البلدية في المشاريع المؤجلة لتنفيذها ؟


أليست كل الأموال ستصرف على هذا المجمع ؟


كمان سؤال : لماذا المجئ من تنورين إلى القلمون للإستثمار ؟


كان فيون يروحوا على مناطق تانية ، فلماذا القلمون ؟؟؟؟

هل هناك حوافز مقدمة لهم مثلاً ؟


شكراً ومبروك المشروع الجديد




يا حب البلدية حصلت على الستميت مليون مقابل منح الرخصة لمالكي المشروع !!!! ... يعني رسوم !
لنفس السبب الذي دعا العزم لبناء المركز في القلمون ما ؟ ... أرخص شي بالمنطقة وقريبة من مركز الشمال اللبناني طرابلس !

[وسيم أحمد الفلو]

منيح إنو فيي زاهر تيفسر :)

يا أخي منو البلدية بدا تعمل المجمع، البلدية حصلت على 600 مليون رسوم رخصة البناء.

[أيمن غ القلموني]

مشكور خيو الزاهر على توضيحك .


فكرت بنفس الطريقة بس ما تخيلت توصل ثمن الرخصة ل 613 مليون ، ميشان هك سألت .


أهلاً وسيموف ، لك منك موضح منيح إنت ، الغلطة منك :1 (1):

[الزاهر]

فكرت بنفس الطريقة بس ما تخيلت توصل ثمن الرخصة ل 613 مليون ، ميشان هك سألت .



ما هو أنا وئت اريت الموضوع بلشت فكر اديش كبير معناتا المشروع ولسا لحد هلأ ما عم اتخيل اديش ممكن يكون كبير لهالأد تطلع رخصتو :)

[أيمن غ القلموني]

ما هو أنا وئت اريت الموضوع بلشت فكر اديش كبير معناتا المشروع ولسا لحد هلأ ما عم اتخيل اديش ممكن يكون كبير لهالأد تطلع رخصتو :)






صحيح ، هادي هيا :)


بالإنتظار لكي نرى إن شاء الله بعد ٤ أو ٥ سنوات :1 (61):

[ابو غسان]

ههههههههههههههههههههههههههه اربت الانتخابات ...........و اربت الحملات الانتخابيّة.............

[وسيم أحمد الفلو]

أخ غسان لا أدري ما هو الرابط بين الإنتخابات والرخصة؟

هل قرر الشخص الذي قدم الرخصة أن يقدمها الآن لكي يدعم رئيس البلدية أو غيره في الإنتخابات!!!!


أما بالنسبة للأخ أيمن فكلامي واضح من البداية بس معرفت كيف فمهتوو

[ابو غسان]

اولا انا ابو غسان ...............ثانيا اصدي واضح

[وسيم أحمد الفلو]

أولاً عذراً لم أنتبه لإسمك

ثانياً لأنو قصدك واضح، كان ردي واضح، والبلدية عندما لا تعمل بالشكل المطلوب (لأنه لم يكن لديها المال) يقال أن البالدية لا تعمل، وعندما تعمل عندما يتوفر المال يقال أنها تعمل للإنتخابات، مع أنه من الطبيعي عندما يترشح الشخص للإنتخابات أن يعرض لأعماله وأن يزيد من هذه الأعمال.

[حيران]

بسم الله الرحمن الرحيم

طيب يا دكتور وسيم الله يرضى عليك عبرنا وحكينا ...!
البلدية أكيد لديها مخطط عن المشروع بتفاصيله ... هل من الممكن أن تعرض لنا ما فيه؟؟؟...
وشكراً

[ابو غسان]

انا شفت مخطط المشروع ...و ما شاء الله حلو.....بسّ يا اخ وسيم وات الواحد كلّ 6 سنين بيسمع نفس الحكي...هادا منّو طبيعي

[HARD]

انا شفت مخطط المشروع ...و ما شاء الله حلو.....بسّ يا اخ وسيم وات الواحد كلّ 6 سنين بيسمع نفس الحكي...هادا منّو طبيعي

طيب شو المطلوب منا الان يا ابو غسان . او شو المطلوب من البلدية ، هل بدك ياها ترفض الرخصة ؟

ان شاء الله البلدية تصرف المال في المصلحة العامة . بشكل يستفاد اهل القلمون .

اخ وسيم حركشلنا البلدية على موضوع استكمال مد المجاري على الحزام البلدي وشكرا سلفا.

[وسيم أحمد الفلو]

أخ أبو غسان

البلدية في السنوات الثلاث الأولى، قامت بعدد لا بأس به من المشاريع ولكن في السنتين الماضيتين كان الإنفاق على المشاريع شبه معدوم لأن موارد البلدية تراجعت بما لا يقل عن 50 مليون ليرة عن السنوات الأولى (وأكثر من ذلك)، هذا بالإضافة إلى زيادة مصاريف الشؤون اليومية العامة.

أما الآن وقد توفر مبلغ من المال لم يكن يخطر على بال البلدية ولو في الأحلام، فإن شاء الله يتحول الكلام إلى أفعال.

أما بالنسبة للأخ hard فإن إستكمال الصرف الصحي على الطريق الجديدة هو من أولويات البلدية.

[hadid]

في الوحلة والأنهار يلي بتصير تحت بيتي .. جنب المصبغة .. هيدول كانت تتحجج البلدية إنو ما معها المبلغ اللازم لتحسين المنطقة ..

[وسيم أحمد الفلو]

إن شاء الله سوف نخبرهم لكي يتم إدراج هذه المنطقة في حملة التزفيت الجديدة.

[hadid]

مو بس بدها تزفيت .. المنطقة فوق لازم ينعمل طريقة لحتى ما تنجرف التربة والوحل لما بتشتي

[وسيم أحمد الفلو]

إن شاء الله منشوف شو فينا نعمل

[حيران]

بسم الله الرحمن الرحيم

طيب يا دكتور وسيم الله يرضى عليك عبرنا وحكينا ...!
البلدية أكيد لديها مخطط عن المشروع بتفاصيله ... هل من الممكن أن تعرض لنا ما فيه؟؟؟...
وشكراً


منعيد ففي الإعادة إفادة ومن التكرار بيتعلموا الشطار كما كان يقول والدك
شكلك ما بدك ترك

[وسيم أحمد الفلو]

يا أخي الكريم

مش مبدي جاوب، بس معظم هذه المشاريع مطروحة من قبل على المنتدى، ومن الأفصل مطالعة هذه المواضيع لكي تأخذ فكرة عن عمل البلدية قبل أن تبدء بطرح الأسئلة.

وهذا هو أحد المواضيع:

http://forum.qalamoun.com/showthread.php?t=3334

وهنا المشاريع المطروحة على التيار:

http://forum.qalamoun.com/showthread.php?t=8835

أما إذا أردت المشاريع السريعة الآن فهي:

- إعادة تأهيل الطرقات (وسيبدء العمل قريباً)

- إستكمال وصيانة الصرف الصحي في بعض الأمكنة (بدء جزء من هذه المشاريع وهي : مجرور الشقرة، مجرور قرب بناء رامح الظنط، قرب بناء الأستاذ حسين ضاهر) وبقي الصرف الصحي لمنطقة أبو شلش، والطريق الجديدة
- إستكمال بعض الحيطان الداخلية المهدمة (وقد بدء العمل الآن)

وأما البقية فسوف يقوم العمل بها بحسب ما يتفق عليه المجلس البلدي

[محمد أحمد الفلو]

هو عم يسأل عن تفاصيل المشروع الذي رخصت له البلديه وحصلت على المبلغ الكبير الذي اوردته لنا

[وسيم أحمد الفلو]

أوكيي هلق فهمت

والله أنا مني مضطلع على الخرائط

كل إلي بعرفو إنو مشروع "مول" كبير، وفيي كل شي من تعاونية، لمحلات تجارية، لمطاعم وعلى مستوى الcity mail تبع عالدورة، مش تل أبو خليل أو السبينيس.

[محمد أحمد الفلو]

، لمطاعم
[/size]




أبشر يا باش إنت والشباب

[ابو غسان]

مشكورين يا شباب و ان شاء الله بيتنفّذو المشاريع............و بدّي الفت نظر انّو هالمول في بألبو كلّ شي حتّى 4 صالات سينما............

[Amer-ol-tabche]

الله يبارك فيكم يا أخ وسيم عهالخبر
بس إذا حدا بقولنا وين بدو يتنفذ المشروع ،، أية أرض يعني ؟؟؟

[وسيم أحمد الفلو]

أخي الكريم

سوف ينفذ على الأرض المجاورة للثاموية الجديدة

[أمين أحمد الحاج محمد]

يا عمي منيح اللي في حميطون بالمنتدى تيفهمك يا دكتور شو قصدن العالم!!!...
بس سؤال خجول ؟؟؟؟
بيقدوا المصاري اللي حصلت عليهم البلدية فروقات اضافي للضباط والمدراء والموظفين في البلدية الكريمة!!!؟؟؟

[وسيم أحمد الفلو]

يا أخ أمين جل من لا يفهم

أم ما ذكرت فأنت تعرف رأيي فيه

[أيمن غ القلموني]

طيب يا دكتور وسيم ، إذا ممكن سؤال ؛


إذا كان المشروع ك city mall ،


قيمة الرخصة قليلة أو لأ ؟؟؟


ما بعرف ، بس إنو من يحدد قيمة الرخصة ؟؟


سلام

[أمين أحمد الحاج محمد]

يا أخ أمين جل من لا يفهم

أم ما ذكرت فأنت تعرف رأيي فيه

هي قياسا ع جل من لا يخطىء بس ما متظبط يا دكتور وسيم الله يرضى عليك

[وسيم أحمد الفلو]

طيب يا دكتور وسيم ، إذا ممكن سؤال ؛


إذا كان المشروع ك city mall ،


قيمة الرخصة قليلة أو لأ ؟؟؟


ما بعرف ، بس إنو من يحدد قيمة الرخصة ؟؟

هناك لجنة تخمين من المحافظة ورئيس البلدية لتخمين قيمة متر الأرض، والقيمة مرتبطة بموقع الأرض وليس بالمشروع الذي سوف يقام عليها.

[أيمن غ القلموني]

يا أخ أمين جل من لا يفهم
أم ما ذكرت فأنت تعرف رأيي فيه





يا أخ وسيم ، إذا كان الأخ أمين يعرف رأيك ، فهناك أناس غيره في المنتدى لا تعرف ؛


نفهم إذاً أن هذه الأموال لا تكفي كفروقات .


مافي أمل إذاً بمشاريع جديدة .


الله بعوض إن شاء الله .




هناك لجنة تخمين من المحافظة ورئيس البلدية لتخمين قيمة متر الأرض، والقيمة مرتبطة بموقع الأرض وليس بالمشروع الذي سوف يقام عليها.





أوك ، مشكور كتير

[وسيم أحمد الفلو]

نفهم إذاً أن هذه الأموال لا تكفي كفروقات .

هلأ هيك طلع معك.

أكيد الإضافي والفروقات لا تتجاوز ال8 مليون ليرة بالسنة، وبالرغم من ذلك فأنا معترض عليها.

[أيمن غ القلموني]

هلأ هيك طلع معك.
أكيد الإضافي والفروقات لا تتجاوز ال8 مليون ليرة بالسنة، وبالرغم من ذلك فأنا معترض عليها.





عارف إنو قيمة الفروقات قليلة جداً بالنسبة ل-٦١٥ ، لكن كنت أريد معرفة القيمة الحقيقية ورأيك ، لذلك كتبت بهذه اللغة .



شكراً يا وسيموف ، بس قيمة قليلة ، مشيا :1 (51):