أخبار عاجلة!!!!

[flauritta]

1. يقيم الدكتور أغاسا محاضرة بعنوان " ورجعنا كبرنا"..حيث سيقوم بتجربة العقار الجديد الذي اخترعه بهدف اعادة كونان الى حجمه الطبيعي..في هذه المناسبة العظيمة نرجو أن تدعو للأخ كونان..وان شاء الله منشوفك سانشي عن قريب!!

2. شوهد خالي و مرتو على التلفاز وقد كانوا يهمّون بركوب حافلة في فرنسا...الملفت للنظر أنّ جار ساركوزي الذي يعيش على بعد 50 كم من قصره و يعمل بالنجارة ركب تلك الحافلة أيضاً.....نيالكن يا خالي ومرتو..والله هوّيتلكن تنكسرت ايداي..ما تؤولو ما شفتوناي والله بزعل..

3.اجتمع توم مع 10 بسينات من حارة الصفا..وقد بحثوا في العلاقات الودّية بينهم وبين الفيران..وقد بعث الفأر جيري بجاسوسين ليتأكد انّو البسينات ما جابوا سيرتون بالعاطل..والله مانك أليل يا جيري..

للأسف كل مواضيع المنتدى صايرة هيك..راح الحريري وحكي نصر الله و مساعد رئيس الوزراء البريطاني صار مع رفيء ابناو سكتة ألبية..وكل واحد بيجي عبالو يكتب جملة بيفتح موضوع! انّو شرح تأدّم أو تأخّر ه المواضيع لأبناء الضيعة؟! هلّء فتاح ع سبيس تون صاروا بيحكو عن الحريري ونصر الله و باراك و ألف خبر وخبر...هذا المنتدى منتدى للنقاش!! وين مواضيع المنتدى الأديمة؟ وين الأعضاء؟ وينك يا دوكر ويا ريس؟؟يا باربي و يا لينا؟نارا,فرح,مايا,فشلان,من هنا و هناك,رامو,الأرسنيك,الارهابي,انجل,المعتوق,محمد,أم رياض و أبو رياض.. (وينكن يا كل الأعضاء؟!؟!)
وين لكانوا يعملو جوّ بالمنتدى؟ويحكو بأهمّ الأمور ويناقشو فيا؟!
يا ريت بترجع ايّام المنتدى الأديمة..ومنرجع للنكد والعلؤات بين الأعضاء..أحلا بكتير من هل أخبار البايخة لعم تنحطّ هلّء و ءلال جداً لعم يشاركوا فيا..
لو حدا بيبعت رسالة لكل الأعضاء ؤولولن المنتدى اشتاق لكم..
والسلام عليكم..

[ramo]

السلام عليكم ورحمة الله تعالى وبركاته
موضوع موفّق , جزاكِ الله خيراً
عسى الله أن يجمع بين الأعضاء في أقرب وقت
نسألكم الدعاء
السلام عليكم

[مايا]

تعرفي فلوريتا ضحكتيني وانا نعسانة
أنا طبعا بضم صوتي لصوتك لأن ما بسترجي خالفك بتفجري الله يحميكي ;)
هلق أنتي فتحي موضوع نقاشي وأنا بالخدمة رح أعملك مشاكل مع كل الأعضاء ولو أنتي بس أمري

[Nader 3:16]

السلام عليكم.
الكلام على شقّين
اولاً المواضيع المطروحة الآن و التي بأعلبها عم تكون فقط للعرض متل (خطب الجمعة..اناشيد ..مقالات..مواضيع اجتماعية و فكرية) هي جداً مفيدة.

لكن في بعض ناس كل ما حضر درس بالجامع افتكر حالو مسك الاسلام من كل جوانبو و فتح موضوع بخصوصها و بدو يؤاتل....وهوا منو فاهم خمسو من طمسو.

مواضيع النقاش الاديمة تعلمنا منها شغلات كتيرة و ما في داعي نذكر الاعضاء....
لكن يكفينا قول (الغاية لا تبرر الوسيلة) و يلي فهم يفهم.

العلقات لا تقدم ولا تأخر سوى انها بتعمل جوّ حلو بالمنتدى وبينبسطوا فيها المغتربين.

وللأسف قليلة هي المواضيع الحوارية التي اتبع فيها المتحاورون منهجية واضحة في الحوار ووصلوا الى نتيجة ...يعني غالباً ما كان يحصل خروج عن الموضوع..وايحاناً تبييض وجوه و احياناً....

لذلك حالياً المنتدى و الموقع عم يتحضر ليكون اكتر فعالية بالنسبة للضيعة و بإذن الله الكل رح يساعد بهادا الشي...

[flauritta]

مواضيع النقاش الاديمة تعلمنا منها شغلات كتيرة و ما في داعي نذكر الاعضاء....
اه الحمد لله.. وان شاء الله ما بيرجع ولا عضو لكن..

[حيران]

أنا اوافق الأخت فلوريتا على شكواها بالفعل المنتدى ينادي رواده الذين لطالما اطربونا بمواضيع مهمة وكان النقاش فيها شيقاً ومفيداً

[flauritta]

أنا اوافق الأخت فلوريتا على شكواها بالفعل المنتدى ينادي رواده الذين لطالما اطربونا بمواضيع مهمة وكان النقاش فيها شيقاً ومفيداً


مشكور أخ حيران..بس متل لي عم يشكي لحالو هون...شكلو عاجبن المنتدى هيك بمواضيعو المنقولة..وأوّلون أخي نادر...
ف يتهنّو ان شاء الله..
وأخ رامو و مايا كمان مشكورين عل مشاركة..
والسلام عليكم