مركز قيادة العمليات الخاصة [ أو غرفتي :) ] [الأرشيف]

الزاهر

12-03-2010, 05:54 PM

السلام عليكم

بما أن كل من دخلها توقف عقله عن تحليل ما يراه من تفاصيل لكثرتها ... وتوزيعها بمنتهى الدقة والعناية .... :)

واستغرب كيف أن مؤشر الحاسوب بنتقل من جهاز إلى آخر ومن شاشة إلى أخرى ... وأن مؤشرة ولوحة مفاتيح تتحكمان بالأجهزة كلها ...

واستغرب عدد الأقراص الصلبة التي تعمل في الوقت ذاته .... وأمور أخرى ...

وبما أني وعدت أحدهم بأن اريه كيف هي غرفتي التي طلب مني ان اخزن فيها بعض المعدات الكبيرة ...

رأيت وضع صورة لها في المنتدى ...

أعرفكم على .....

مركز قيادة العمليات الخاصة
.... أو غرفتي !!!
:)

اللي بالمناسبة ممنوع حدا يحاول يرتب فيها غيري لأن بيخربلي نظام الترتيب الخاص بي !!!

http://zaher.qalamoun.com/Forum/Pic-art/SpecialOperationsCommandCenter.jpg

محمد أحمد الفلو

12-03-2010, 06:07 PM

الله يعينك يا خالتي

أم سفيان

12-03-2010, 06:46 PM

ما شاءالله تبارك الله
بس حابة إعطيك تعليئ صغير منشان تبين الغرفة متناسأة مع بعضا
شايف بوكيت الزهر اللي محطوطة عزاوية التياب إذا بتشيلا بيكون أحسن شكلا غلط ما لابأه أبدا عالغرفة

الزاهر

12-03-2010, 07:30 PM

لك كذا كذا مرة اجي بدي كبها يعملولي ورشة ... :)

شو رأيك ست ام سفيان ورا الطاولة اللي اجريها حديد حط بدل هادي القصيرة شي خزانة مرتبة ؟ .. بتلبء أولك ؟ .. بستغل مساحة الحيط يعني !

haitham

12-03-2010, 07:44 PM

شو وين بتنام على الكرسي الاحمر او بتنام وانت وائف

الزاهر

12-03-2010, 07:50 PM

شو وين بتنام على الكرسي الاحمر او بتنام وانت وائف

على التخت اللي كنت وائف عليه انا وعم صور :)

بس بيني وبينك ... وين ما شلحتي فيني نام ... مريح منو مريح آسي لين شو ما كان ... عالأرض ... كلهم متل بعضهم !

أسامة طوط

12-03-2010, 08:38 PM

شي غريب!!!!!!!!!! وين الباش ؟
عطول ملبص لأنو
مين المبين عالمرايا ؟ السؤال موجه لل(الحجر)

الزاهر

12-03-2010, 09:11 PM

مين المبين عالمرايا ؟ السؤال موجه لل(الحجر)

هاد الجني اللي مربيه عندي بالغرفة.

Moi

12-03-2010, 10:58 PM

حزينة الماما تيعيتك :1 (78):
لو ابني كنت بحبسك بالغرفة لتصير غرفة طبيعية
يا زلمة بالأليلة رتّبا شوي لأنك عم تصور مبين كأنو حبس للرجال يا مغييييييييييييييييييييييث
أنصحك بدهن الحيطان بلون جميل أو وضع ورق حائط
و ترتيب التختين ليكونو يا جنب بعض يا كل واحد بميلة و بالنص الكمبيوتر و كل هالكراكيب تنضب بأماكن خاصة لها و هالتياب المشلّحة تنضب بالخزانة
أوااااااااااااااااااااااااااااااااام :1 (34):

أم سفيان

12-03-2010, 11:13 PM

رح ألك عكم شغلة إذا بتطبؤن بتتغير الغرفة 360 درجة ومنا مكلفة شوية دهان وكم ركاية
الشغلة الوحيدة المأبولة بالغرفة هيه الكرسي الأحمر ولونو مابو شي
برأيي إنو تستعمل الألوان الأحمر والأسود والأبيض والرصاصي الفاتح
الخزانه البنية والزاويه اذا بتدهنن أبيض بيكون أحلى وفيك إنتا تدهنن بنفسك كل اللي بتحتاجو مادة بتحطا عالخشب بيأشر اللون بترجع بتحفا شوية وبتدهنا أبيض منا صعبة أبدا
أما التختين واحد بتعملو تخت وواحد عملو صوفة اذا جا لعندك حدا بيؤعد عليا
وحطلك مفرش عالتخت يا لونو أسود وأبيض أو أحمر وأسود وكم ركاية
بالنسبة للصوفة جيب من هالشراشف السماك البيض اللي بيجو محفورين بنأشة منن وفين فؤشا علي وحط عليا ركايات بأحجام مختلفة من الألوان اللي ذكرتن وسندا بالحيط
والبرداية شيلا وحط واحدة عأد الشباك وبدك سطل دهان تدهن الغرفة أبيض واذا بدك تتفنن عميل حيط مألم أسود وأبيض أو رصاصي وأبيض
الكراسي البلاستك هنه والزهر بدن شيل
ومتل ما ألت بدك مكتبة تضب هالزبالة فيا فيك تفصل واحدة من خشب مضغوط بتكون رخيصة وجيب سلال حط السيديات وهالأضايا فيا ورتبا بما إنك عم تشتغل للموقع بيحئلك يفصلولك واحدة عحسابن
والطاولة اذا مضطر عليا جيب وش نايلن من هاد الكارو يكون من بعض الألوان اللي ذكرتا
بدو الشغل كم يوم بس النتيجة أكيد مبهرة

ساميا

13-03-2010, 12:50 AM

بدو الشغل كم يوم بس النتيجة أكيد مبهرة بس يمكن يا أختي هذا الإبهار يفقد صاحب الغرفة ميزة مهمة جداً تخص الإبداع والتصميم والترتيب الذي يحرص على إظهاره في أعماله وفي إنتقاداته وتصويبه لأعمال الآخرين في المنتدى وغيره،..... لأنه عند ذلك سيتلهى بمناظر الترتيب والرونق المحيط به!!

سبحان الله!!!

كنت أظن أن الفوضى و(الكركبة) هي عامل ضغط نفسي مدمر يكبل المرء ويقيد تفكيره ويكتم على نفسه، لكن يبدو أنني بحاجة لتعديل في قناعاتي خاصة أنني كغيري أحلم وأتمنى لفلذات كبدي مستقبلاً زاهراً وناجحاً ومرتباً!!!!!!!!!!!!

ksamerk

13-03-2010, 01:24 AM

أحلى شي، إنو ما حدا علق عل ناحيه التقنيه يللي موصوفه بكم سطر بالأول ...
الكل همو الترتيب، أد منو تكفشل الغرفه صاعق

المبـــارك

13-03-2010, 01:47 AM

هل تريدون طريقة لترتيب هذه الغرفة بشكل سريع؟؟؟؟؟؟؟ الحل واحد فقط : أبعدوا زاهر عنها !!!!!

بعدين يا زاهر هيدي مش غرفة عمليات !!! لو كانت غرفة عمليات لكان مات المريض بسرعة عند أول لمحة لها...هههههههههههههههههههههه

هههههههههههههههههههههههههههههههههههههههههههه..... الله يعين أهلك عليك !!!

حُسَينْ ... !

13-03-2010, 02:31 AM

ابو زهرة ...!
اكيد مرتب الغرفة شوية ابل ما تصور ...
ملاحظة لبفوت ع الغرفة ما فاي يتحرك ولا حركة غير ضمن نطاق الكرسي لي قاعد علاي ، اي حركة غلط قد تأدي إلا تدهور النظام الكمبيوتراتي الموجود!

الزاهر

13-03-2010, 04:03 AM

بس يمكن يا أختي هذا الإبهار يفقد صاحب الغرفة ميزة مهمة جداً تخص الإبداع والتصميم والترتيب الذي يحرص على إظهاره في أعماله وفي إنتقاداته وتصويبه لأعمال الآخرين في المنتدى وغيره،..... لأنه عند ذلك سيتلهى بمناظر الترتيب والرونق المحيط به!!

سبحان الله!!!

كنت أظن أن الفوضى و(الكركبة) هي عامل ضغط نفسي مدمر يكبل المرء ويقيد تفكيره ويكتم على نفسه، لكن يبدو أنني بحاجة لتعديل في قناعاتي خاصة أنني كغيري أحلم وأتمنى لفلذات كبدي مستقبلاً زاهراً وناجحاً ومرتباً!!!!!!!!!!!!

هههههههههههههههههههه

أكرمكم الله :) .... طيب شو رأيك تنتشلي فكرة الخاروف وتبلشي تعلمي برهوم عالفوضى والكركبة بركا بيطلع موهوب :)

الأخت منالو .... هاد قمة الترتيب على فكرة ... غير هيك ما بيعاد يناسبني بنوب !!! :)

الأخت أم سفيان .... كنت افكر بإجراء هكذا تعديلات منذ فترة لكن الخالة أم ابراهيم اقنعتني بأن أؤجل ابداعي الهندسي المعماري لمنزلي المستقبلي ... لكن لا ضير من تطبيق بعضها إن شاء الله.

الأخ سامر .... هات لنشوف شو اللي عجبك بالضبط ؟

مبارك .... باختصار .... إنت ضياع !

حسين ... معك حق .... رتبت فيها كتير مو شوية .... بتعرف ما بيصير إلا ما نرتب ابل العرض العام .... ويا كل من فات عالموضوع كلام حسين صحيح فالهندسة السابقة كانت تترك فقط موطئ قدم ليقف الضيف قبل ان يجلس على كرسيه المخصص ولا مكان لحرية الحركة :)

وترقبو فيديو صوره الندور 3.16 منذ قليل في غفلة مني.... وثائقي عن غرفتي ... لسا ما حضرتو لشوف كنو صالح للعرض

بالمناسبة : استغربت أن يسترعي هكذا موضوع انتباه عدد من الذين شاركوا فيه :) !!!!

Nader 3:16

13-03-2010, 04:57 AM

معلومة عاجلة:

الاخ زاهر نايم عندي عالكنباية (الساعة الثالثة فجراً) ، بعد اكتشاف انّه لا يوجد مكان لنومه على تخته في منزله.

وبإنتظار تصريح الجنرال وسيم فلو القيادي الجديد في كتائب اللجنة العظمى على هذا الموضوع.

الشامي

13-03-2010, 05:26 AM

السلام عليكم

خيي زاهر عليك بالزواج بعدها بترتاح من الكراكيب كلها ... وبتصير الغرفة متل ما وصفتلك ياها أم سفيان ... :) يعني يمكن العروس تغيرلك شوية بالألوان المُقترحة بدل الأبيض والأسود ...

أخوكم:rolleyes:

Nader 3:16

13-03-2010, 05:27 AM

http://zaher.qalamoun.com/Forum/Pic-comment/nayem-3end-nader.jpg

الزاهر

13-03-2010, 08:35 AM

معلومة عاجلة:

الاخ زاهر نايم عندي عالكنباية (الساعة الثالثة فجراً) ، بعد اكتشاف انّه لا يوجد مكان لنومه على تخته في منزله.

الجزء الأول صحيح ... بس التاني منو صحيح !!! :)

ساعة وساعة ما ؟ ... هادي هاديك الساعة منهم !!! :)

الزاهر

13-03-2010, 08:40 AM

خيي زاهر عليك بالزواج بعدها بترتاح من الكراكيب كلها ... وبتصير الغرفة متل ما وصفتلك ياها أم سفيان ... :) يعني يمكن العروس تغيرلك شوية بالألوان المُقترحة بدل الأبيض والأسود ..

رووووووووووح .... ضارب عالتئيل دغري !!! :)
يا زلمة لساتنا شباب ... تركنا نستمتع بهالفترة عرواء !!
دبرلي محل أعدها وتكرم عينك :)

Moi

13-03-2010, 10:50 AM

الأخت منالو .... هاد قمة الترتيب على فكرة ... غير هيك ما بيعاد يناسبني بنوب !!! :)

مين الأخت منالو؟؟؟؟ :1 (34):

أيمن غ القلموني

13-03-2010, 12:12 PM

دبرلي محل أعدها وتكرم عينك :)

زاهر ، اش هل ترتيب هادا ، عنجد مرتبة :1 (14): لأن متذكر وأتى جيت كانت قايمة قاعدة .

في محل تأعدها ، حط كرسي جانب الطاولة من ميليت التخت .

عمر ملاط

13-03-2010, 09:30 PM

يا زلمة لساتنا شباب ... تركنا نستمتع بهالفترة عرواء !!

هادا الكلام يا زهورة مانو مزبوط... لحو انا متزوج وعايش عرواء

بدون تعليق

أمين أحمد الحاج محمد

29-03-2010, 02:33 PM

بالنسبة للغراض اخ زاهر انسى امرن لأنو بعتقد امك ما تشوفن بالغرفة بيحكمها جلطة (بعيد الشر ان شاء الله)
ذكرتني بأيام شبابي
على فكرة ما ترد عحدا كتير جذابة الغرفة
يعني انت شق الشباك شوية
وبتشوف شبيفوت عالغرفة !!!....
:1 (25):

الزاهر

08-04-2010, 05:29 PM

اليوم كنت عم جرب برنامج لفتلي نظري ... فبلشت ارسم غرفتي وهاد اللي طلع معي لحد ما ضجرت :)

http://zaher.qalamoun.com/Forum/Pic-art/SpecialOperationsCommandCenter-CG.jpg

وسيم أحمد الفلو

08-04-2010, 05:45 PM

شي حلو

شو إسمو هالبرنامج؟

الزاهر

08-04-2010, 05:55 PM

شي حلو

شو إسمو هالبرنامج؟

سويييييييت هوم ! :) - [link] (http://www.sweethome3d.eu)

أمين أحمد الحاج محمد

08-04-2010, 06:57 PM

غرفة ناشفة وما فيها حركة

أمين أحمد الحاج محمد

08-04-2010, 07:00 PM

مشكور عالبرنامج

Moi

08-04-2010, 08:57 PM

بعض الدباديب قد تفي بالغرض لجعل الغرفة ألطف
بس سؤال قاهرني: ليش في تخت تانييييييييييييييييييييييييييييييييييي؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟

الزاهر

09-04-2010, 03:18 AM

بعض الدباديب قد تفي بالغرض لجعل الغرفة ألطف
بس سؤال قاهرني: ليش في تخت تانييييييييييييييييييييييييييييييييييي؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟

والله وأنا كتير قاهرني هالسؤال كمان ...

رفئاتي بيؤولولي سكر هالباب واعمل درج عالطريق بدل الشباك الغربي واعمل حمام ومجلة وتزوج فيها ... والتخت التاني للولاد ! :)

السبب الوحيد اللي مخليني احتفظ فيه إنو بستخدمو لحط عليه غراض متل معرض لكلشي يكون ادامي :) ... بحب الوضوح والدغري :)

أم سفيان

09-04-2010, 04:20 AM

الله يخليلك هالتخت ولا يحرمك منو
بعد ما شافو بنات الألمون هالشوفة ما لاك إلا تشد الرحال وتتجه صوب حلب

الزاهر

09-04-2010, 05:52 AM

الله يخليلك هالتخت ولا يحرمك منو
بعد ما شافو بنات الألمون هالشوفة ما لاك إلا تشد الرحال وتتجه صوب حلب

بدي ابئا اعملو دشك ... شو ؟
بس بيصير بدنا ندهنو .... على أساس عندكم خبرة بالموضوع ... إذا بتبعتولنا سفيان يعملنا دورة :)

أم علي عالراس وفوق العين ... بترضى تعد بخيمة !!! ... لا تعتلو همها ! :)
شايفة الموضوع من الزاوية اللي شافتو فيها الست أم ابراهيم !

بالمناسبة ... لساتني مستغرب لماذا حاز الموضوع هذا القدر من الاهتمام والانتباه عند هالأد أعضاء !!! :) .... ضياع مجرد، أولة المتحول !

HARD

09-04-2010, 11:02 AM

بالمناسبة ... لساتني مستغرب لماذا حاز الموضوع هذا القدر من الاهتمام والانتباه عند هالأد أعضاء !!! :) .... ضياع مجرد، أولة المتحول !

بعتقد الكل صار منتظر المظهر الجديد لغرفتك منتظرين منك انو تعملها ديكور وتدهنا بنفسجي و تحطلها جفص بالسقف وهيك اشايا .

بس انا بعتقد كمان انو المظهر الغريب العجيب للغرفة شد الانظار المتفرجين، متل وقت بيجي شي سياسي على القلمون الكل بيتجمع وهيك صار معك :) .

الله يعينها، كيف صابرين اهلك على هل الوضع ؟ لازم يبعتوك على شي مخيم صيفي ويحرموك من الكامبيوتر شي شهر .

Moi

09-04-2010, 12:11 PM

ما في أحلى من الغرفة الي فيها تخت واحد
فكرة التخت التاني بتخاي منين ما يجي ينام معك بالغرفة
لشوووووووو
أنصحك أن تعمل شي بهالتخت و ما في مانع من أن تسمع كلمة الرفقة و تعملك شي حمام و هيك ؤصص و تجوز في و خلصنا

أيمن غ القلموني

09-04-2010, 06:16 PM

وبين ما تخلص هالتظبيطات فيك تخطبلك شي شهرين، وبعدين بتكتب هالكتاب...

ما تغير شي قبل ما تجيبا على البيت ، لأن أكيد هي راح تبدل كل شي من جديد

فما ترد على وسيم ، هو حابك تخسر مرتين :)

الزاهر

09-04-2010, 08:28 PM

ما تغير شي قبل ما تجيبا على البيت ، لأن أكيد هي راح تبدل كل شي من جديد

فما ترد على وسيم ، هو حابك تخسر مرتين :)

خلص تكرم يا أيمن ... رح ابعت أختي تشفلنا الوضع وتجس نبض وبهاليومين بتسمعو الخبر اليقين

لك شبكون :) .... عأيش مستعجلين !!! ... :) .... شاعطين عن صاحب العلاقة وصاحب العلاقة منو شاعط !!! :)

Moi

09-04-2010, 10:05 PM

بس عفوا استفسار بسيط
شو يعني شاعطين؟؟؟ :1 (71)::1 (71)::1 (71):
انو دووووع ضلّيت شي نص ساعة لفهمتها بس هيدي بظن حطوّل أكتر

أيمن غ القلموني

09-04-2010, 10:11 PM

بس عفوا استفسار بسيط
شو يعني شاعطين؟؟؟ :1 (71)::1 (71)::1 (71):
انو دووووع ضلّيت شي نص ساعة لفهمتها بس هيدي بظن حطوّل أكتر

اللبن حا يشعط ، معناتا إسا نتفة وبيحترئ .

وهوني يقصد الأخ زاهر إنو الشباب محروؤة ميشان هو يخطب مع إنو هو مش بهالوارد .

زاهر ، سمي بالله واقدم ، لولل

Moi

09-04-2010, 10:23 PM

اللبن حا يشعط ، معناتا إسا نتفة وبيحترئ .

وهوني يقصد الأخ زاهر إنو الشباب محروؤة ميشان هو يخطب مع إنو هو مش بهالوارد .

زاهر ، سمي بالله واقدم ، لولل

اها
يشعط من الشعط يعني الاحتراق
نحن منؤلّا شويط ببيروت أبصر لي
طيب شكرا عالتوضيح
عنجد أحس أنكم تريدون أن تُقلمنوا لبنان و تلبننوا العالم
الله يأويكن

أم عمر

10-04-2010, 05:08 PM

السلام عليكم اذا هيك رأي أم ابراهيم بالعباقرة فلا تخاف أخ زاهر يعني أنا عندي 3 عباقرة بس أكيد مش حصور غرفتهم ومشكور على الصور الجميلة الي حطيتلي اياها على الكمبيوتر .

الزاهر

10-04-2010, 05:15 PM

ومشكور على الصور الجميلة الي حطيتلي اياها على الكمبيوتر .

أنــــــا ؟!!!

أكاد أقسم أني لم أضف على الجهاز ملفات سوى بعض البرامج ... لا صور ولا مستندات ولا مسموعات ولا شيء من هذا القبيل !! :)

لحئت وطلعت الإشاعة :) ... أهلا وسهلا بالست أم عمر .. واجبنا والله !! ,,,, فلا شكر على واجب :)

أم عمر

10-04-2010, 05:43 PM

السلام عليكم وين رحت أخ زاهر شو الاشاعات أنا بقصد صور الطبيعية الجميلة التي أضفتها على الكمبيوتر فالله يبارك فيك كتير مناظر طبيعية جميلة ..أنا اول مرة أرى هذه الصور معقول غير مضافة؟

الزاهر

10-04-2010, 05:50 PM

السلام عليكم وين رحت أخ زاهر شو الاشاعات أنا بقصد صور الطبيعية الجميلة التي أضفتها على الكمبيوتر فالله يبارك فيك كتير مناظر طبيعية جميلة ..أنا اول مرة أرى هذه الصور معقول غير مضافة؟

هادول بيجو مع الوندوز 7 :)

أيمن غ القلموني

10-04-2010, 06:10 PM

اها
يشعط من الشعط يعني الاحتراق
نحن منؤلّا شويط ببيروت أبصر لي
طيب شكرا عالتوضيح
عنجد أحس أنكم تريدون أن تُقلمنوا لبنان و تلبننوا العالم
الله يأويكن

هادي بيروت بأي بلد !!!!!! :1 (52):

شويط صعبة على اللفظ ، شعيط أحلى وأهين بكتير .

شعيط موجودة بالقواميس العربية :rolleyes: ، أما شويط كلمة دخيلة ، يعني بدعة سيئة .

إن شاء الله بدنا نضم (إللي سميتيا بيروت ) لمحافظة القلمون ، مافي وعد ، بس مننظر بالأمر .

أمين أحمد الحاج محمد

11-04-2010, 04:40 PM

الله يسامحك يا أخ أيمن
مين سمحلك تحكي عن وزير داخلية دولتنا القلمونية

إن شاء الله بدنا نضم (إللي سميتيا بيروت ) لمحافظة القلمون ، مافي وعد ، بس مننظر بالأمر
بعدين كيف بتقول محافظة القلمون ولوو دولة يا أخي دولة
رح احكي مع وزير الداخلية تيغرمك مبلغ مالي وتنسحب منك الجنسية شي ست اشهر

Moi

11-04-2010, 04:54 PM

هادي بيروت بأي بلد !!!!!! :1 (52):

شويط صعبة على اللفظ ، شعيط أحلى وأهين بكتير .

شعيط موجودة بالقواميس العربية :rolleyes: ، أما شويط كلمة دخيلة ، يعني بدعة سيئة .

إن شاء الله بدنا نضم (إللي سميتيا بيروت ) لمحافظة القلمون ، مافي وعد ، بس مننظر بالأمر .

هني الفرنسيين بلا أصل بس مش ععلمي المرض معدي
ولوووووووووووووووووووووووووووووووووووووووووووو بيروت يا ست الدنيا سامحي أبناء القلمون معلش
عأساس اذا بدون يضهروا من البلد ما بيجو عمطارك
معلش يا بيروت سامحي إبنك العاقّ :1 (48)::1 (48)::1 (48):

أيمن غ القلموني

11-04-2010, 05:33 PM

بعدين كيف بتقول محافظة القلمون ولوو دولة يا أخي دولة
رح احكي مع وزير الداخلية تيغرمك مبلغ مالي وتنسحب منك الجنسية شي ست اشهر

اعتذر عن كلمة ( المحافظة ) التي سقطت سهواً واتمنى عدم المحاسبة هذه المرة ، فجل من لا يخطئ .

هني الفرنسيين بلا أصل بس مش ععلمي المرض معدي
ولوووووووووووووووووووووووووووووووووووووووووووو بيروت يا ست الدنيا سامحي أبناء القلمون معلش
عأساس اذا بدون يضهروا من البلد ما بيجو عمطارك
معلش يا بيروت سامحي إبنك العاقّ :1 (48)::1 (48)::1 (48):

بيان :

المطار مش مطار بيروت ، هو مطار رفيق الحريري الدولي ، فبلا ما تمنينونا فاي .

اخوانا الفرنسيين خط أحمر ، نرجو عدم تخطيه لأنو في معاهدة صداقة ودفاع بيناتنا ، يعني بحمايتنا .

أخيراً : كلامكم يعبر عن بداية نفس انقلابي من قبل أهالي ولاية بيروت في دولة القلمون الأبية ( حماها الله ) ، والإنقلاب يواجه بيد من حديد ، وجيوش الفتح قادمة فترقبوها ؛ ونصيحة أعلنوا الإستسلام تأمنوا على ممتلكاتكم ؛

ومن دخل الداونتاون فهو آمن ومن دخل مسجد الأمين فهو آمن ومن أغلق باب بيته فهو آمن .

Moi

11-04-2010, 06:56 PM

اعتذر عن كلمة ( المحافظة ) التي سقطت سهواً واتمنى عدم المحاسبة هذه المرة ، فجل من لا يخطئ .

بيان :

المطار مش مطار بيروت ، هو مطار رفيق الحريري الدولي ، فبلا ما تمنينونا فاي .

اخوانا الفرنسيين خط أحمر ، نرجو عدم تخطيه لأنو في معاهدة صداقة ودفاع بيناتنا ، يعني بحمايتنا .

أخيراً : كلامكم يعبر عن بداية نفس انقلابي من قبل أهالي ولاية بيروت في دولة القلمون الأبية ( حماها الله ) ، والإنقلاب يواجه بيد من حديد ، وجيوش الفتح قادمة فترقبوها ؛ ونصيحة أعلنوا الإستسلام تأمنوا على ممتلكاتكم ؛

ومن دخل الداونتاون فهو آمن ومن دخل مسجد الأمين فهو آمن ومن أغلق باب بيته فهو آمن .

نصيحة ما تهدد مشان بقدر شيلك من السجلات اللبنانية كلها ها
ما بترف انّي بنت بابا ؟؟؟؟؟؟؟:1 (78):

أيمن غ القلموني

11-04-2010, 09:02 PM

نصيحة ما تهدد مشان بقدر شيلك من السجلات اللبنانية كلها ها
ما بترف انّي بنت بابا ؟؟؟؟؟؟؟:1 (78):

ليس تهديد بقدر ما هو وضع النقاط على الحروف .

حضرة أبوك المحترم تقدم بطلب لنيل الجنسية القلمونية ، فلا تكوني حجر عثرة لرفض الطلب :1 (80):

سوف نبعث له لكي يراقب كلماتك الهجومية وإلا فلا أمل لعائلته بالحصول على الجنسية الذهبية القلمونية .

Moi

11-04-2010, 09:59 PM

ليس تهديد بقدر ما هو وضع النقاط على الحروف .

حضرة أبوك المحترم تقدم بطلب لنيل الجنسية القلمونية ، فلا تكوني حجر عثرة لرفض الطلب :1 (80):

سوف نبعث له لكي يراقب كلماتك الهجومية وإلا فلا أمل لعائلته بالحصول على الجنسية الذهبية القلمونية .

مين قال انو تقدم بطلب؟؟؟؟
هههههههههههههههههههههههههههههههههههههههههههههههههه هههههههه
بحس انو ما سامع بالقلمون
أنا أول مرة أسمع بها كان من ورا موضوع التعدد لما كان الأخ وسيم غنوم يدافع عن الموضوع فسألنا عنو مشان نفجّرو قام قالولي في شي اسمو قلمون

بعدين ببساطة بنزل عمكتبو و بعمللك شهادة وفاة و منوزع لحم بعجين كمان

أيمن غ القلموني

14-04-2010, 12:26 AM

بشرى سارة : نظراً لكتابتك لوصفة الغمة التقليدية في القلمون ، فهذا يشكل علامة زائدة في الملف المدرج للحصول على الجنسية القلمونية الذهبية

لا يعني ذلك قبول الطلب لكن الغمة كانت دعمة قوية للطلب .

بالنسبة لتفجير الاخ وسيم ، فقد قمنا بتجاهلها نظراً لأنك من متبعي المنهج السلفي البيوكيميائي في إثبات علو الكيمياء ورفعتها .

Moi

14-04-2010, 12:34 AM

أيمن غ القلموني

14-04-2010, 12:49 AM

أنا أتبع المنهج الصوفي البيوكيميائي

وبيسألوا : لماذا حصل ٧ ايار ؟؟؟؟؟

على فكرة ، قضية الجنسية فكرة للمزح ونرحب بالكل في منتدانا لو حتى من جزر القمر ، لأن في عدة أعضاء من خارج القلمون دخلوا إلى المنتدى ثم خرجوا لأنهم وجدوا أن القلمونيين يعيشون في إطار حدود القلمون وهذه فكرة خطأ ، فالجاهلية العمياء لا مكان لها في القلوب .

Moi

14-04-2010, 12:57 AM

وبيسألوا : لماذا حصل 7 ايار ؟؟؟؟؟

على فكرة ، قضية الجنسية فكرة للمزح ونرحب بالكل في منتدانا لو حتى من جزر القمر ، لأن في عدة أعضاء من خارج القلمون دخلوا إلى المنتدى ثم خرجوا لأنهم وجدوا أن القلمونيين يعيشون في إطار حدود القلمون وهذه فكرة خطأ ، فالجاهلية العمياء لا مكان لها في القلوب .

شو دخل سبعة أيار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

أيمن غ القلموني

14-04-2010, 01:00 AM

أنا أتبع المنهج الصوفي البيوكيميائي
و

شو دخل سبعة أيار؟؟؟؟؟

وبيسألوا : لماذا حصل ٧ ايار ؟؟؟؟؟

Moi

14-04-2010, 01:03 AM

didnt understand the relation between sofeyyeen and 7 ayyar

أيمن غ القلموني

14-04-2010, 01:08 AM

Skip it

prenez çà comme blague

Moi

14-04-2010, 10:52 AM

Skip it

prenez çà comme blague

if u mean 7abasheyye
btammnak i hate them
but i have the sofiite idea and i like it:)
the idea i support isالهؤ أنت مقصودي و رضالك مطلوبي

الزاهر

16-04-2010, 01:29 AM

والمنافسة محتدمة بين الشباب القلموني في الداخل وفي الاغتراب :)

يقول المصدر: "هذه صور لغرفة شباب في أجنبا، وليس في القلمون..
وهي يقطنها نخبة من الشباب المتعلم المثقف المتخصص في أرفع الإختصاصات كالهندسة وغيرها
(بس للإنصاف هذه الكركبة ليست مقصودة إنما بسبب تنقل الشباب الدائم وتبديل مكان الإقامة.. فيكون الترحال أسهل بنقل الثياب والأغراض الشخصية فقط بدون عفش ولبكة)".

http://zaher.qalamoun.com/Forum/Pic-comment/karkabeh_in_ajnaba/DSCN2107.JPG

http://zaher.qalamoun.com/Forum/Pic-comment/karkabeh_in_ajnaba/DSCN2113.JPG

Moi

16-04-2010, 10:46 AM

يا محلا غرفة الزاهر
ممكن أن يكون الشاب شاباً و مرتباً هذا لا يمنع هذا ...
أخي زاهر...دع غرفتك كما هي لأنها كالجنةأمام هذه الغرفة

أم عمر

16-04-2010, 11:01 AM

السلام عليكم و لساتكم عم تسألوا كنها بنت القلمون بتعرف تطبخ .اسألوا كنها بتعرف ترتب .الله يعينكم يا بنات ع هالجيل .

أمين أحمد الحاج محمد

16-04-2010, 12:03 PM

ما هي الي ما بتلاقي وقت تتعلم تطبخ اكيد محا تلاقي وقت تترتب
بس للامانة عنجد عجبني الديزاين
شي رائع !!!...

الشامي

16-04-2010, 03:48 PM

السلام عليكم ...

هدا دليل واضح انو الشباب يقرأون واجبات الأخوات تجهاهم ولا يقرأون واجباتاهم تجاه أنفسهم وزوجات المُستقبل ...

لا حول ولا قوة إلا بالله

فوضى غير مُبررة...

محمد الكوسا

16-04-2010, 04:27 PM

زاهر انا عرفت المصدر...........
وبنصحك تشيل الصور ابل ما يوصل المصدر عا لبنان و يلحقلنا اتل كلنا

أم سفيان

16-04-2010, 04:59 PM

ليش ما بتشوفو الصورة من منظور تاني
انا بظن اذا صار لا سمح الله أي نكبة هادول اللي بيئدروا يتحملو أكتر الشي
ذكروني بمعاناة إخواننا الفلسطنيين

flauritta

16-04-2010, 05:24 PM

لتشوفو يا شباب الفرء بينّا وبينكم، إنتو يا مخربجية عيار أول...ازا غرفة ما بتعرفو تظبطوا شتركتوا لبائي الأمور؟ ما تضلكم مية سنة ما رح توصلوا لمستوانا بالترتيب ... وهادي صورة لغرفتي المرتبة,النضيفة والعجأة كمان..

http://www4.mediafire.com/imgbnc.php/eb4c8c52c2009f29d6e1d242f92068b56g.jpg (http://www.mediafire.com/imageview.php?quickkey=yannizwhvrt&thumb=4)

ابو غسان

16-04-2010, 05:45 PM

اه يا ءرويبة.......هادي غرفة.............بسّغرفتي احلا..دوع

الشامي

16-04-2010, 05:47 PM

عجبني ردك يا أم سفيان ... بس للمعلومة اخواننا الفلسطينيين وقت اللي أُبعدوا إلى مرج الزهور ، كانوا أشد تنظيما وترتيبا حتى من غرفة فلوريتا / أكيد ضمن الإمكانيات المُتاحة لهم ... فحولوا في حينها الإبعاد إلى مدرسة ومسكن حتى أصبحوا مضربا للمثل ... ومن هناك تخرج الكثير من القادة الذين توفاهم الله على الشهادة فيما بعد ...

تشبيه مانو زابط حسب رأي...

هذه بيسموها إهمال ولا مبالاة وعدم ترتيب وووووووووووووو... وما لها اسم غير هاد...

يا خيي يا كوسا ليش التهديد... بالعكس راسل صحابينك اللي بالصورة وخليهم يبذلوا شوية جهد بيصير الوضع مُختلف تمااااااااااما...

أخوكم:rolleyes:

flauritta

16-04-2010, 05:49 PM

اه يا ءرويبة.......هادي غرفة.............بسّغرفتي احلا..دوع

ازا مرت خالي بتضل بغرفتك عم تظبّطا وكل ماحدا رنّ الجرس لازم تفوت تعمل check عالغرفة...فكرمال ما نزعلك حنؤلّك اه أحلا...عفكرة حطّ صورة لغرفتك..خلّي الشباب يشوفو كيف بتكون غرفة شبّ عندو أمّّ متل مرت خاليhttp://forum.qalamoun.com/images/icons/icon10.gif

أم سفيان

16-04-2010, 05:53 PM

أكيد هالفوضى ما لها مبرر أبدا وبتدل ععدم إلمام بجوهر دينا اللي بحس عالنضافة
كيف آدرين تايئين بعضن أنا إذا تكركب البيت ما بعاد بتيئ شوف حدا إدامي

ابو غسان

16-04-2010, 06:05 PM

ازا مرت خالي بتضل بغرفتك عم تظبّطا وكل ماحدا رنّ الجرس لازم تفوت تعمل check عالغرفة
هلا مرت خالك هيك؟

فكرمال ما نزعلك حنؤلّك اه أحلا
يعني جبر خواطر....

عفكرة حطّ صورة لغرفتك..خلّي الشباب يشوفو كيف بتكون غرفة شبّ عندو أمّّ متل مرت خاليhttp://forum.qalamoun.com/images/icons/icon10.gif
قريبا ان شاء الله

الشامي

16-04-2010, 06:20 PM

يعني ما في خلاف بيننا انو بشكل عام البنت بتكون مزوءة بالتزبيط والترتيب وبيأثر على نفسيتها أكتر من الشب... بس ما معناتو انو الشب لازم يكون مفركش هيك ...

في حد أدنى للترتيب الكل فيه يقوم فيه ... والبنت بتزيد عليها لمسات جمالية وأفكار يمكن ما بتخطر على بال الشب...

الزاهر

16-04-2010, 06:34 PM

يا شامي الحكي هيك بالهوا ما بينفع !!!
بدنا نشوف لنقتنع بكلامك !!! :)
ليؤوم عم تحكي في ما لا تطبق !

الشامي

16-04-2010, 06:58 PM

قوية منك يا زاهر ... لو لاي مروة كنت فرجيتك بنتي بسم الله عليها كيف قاعدة مطوية التياب والمناشف وصافتن على الكنباية ... وقعدت تعجل قال لأن بس ترجع من المدرسة بتكون أمها خلصتن ... هيك البنت من عمر ال4 سنين... ما فيك تقارنها بشب عمرو أد زاهر :)

Moi

16-04-2010, 07:09 PM

شو هالغرفة يا فلوريتّا
بتجنن
وااااااااااااااااااااااااو

أم عمر

16-04-2010, 10:15 PM

السلام عليكم له يا أخ زاهر الشامي من يوم يومه رتب .ما شاء الله يا أخت فلوريتا شو هالغرفة الحلوة .عم فكر أعمل منها لأولادي بس قولك اذا حطيت لون أزرق مع البني بيطلع حلو أ, شو ؟

hadid

16-04-2010, 10:30 PM

حسب درجة الأزرق .. اللون يلي بيلبق مع الأزرق أكتر شي هوي الأورونج .. لأن الأزرق والأورونج complementaire .. خلي الأزرق فاتح .. والأورونج فاتح .. وكمية الأزرق أكتر من كمية الأورونج .. بصيرو ألوان لغرفة نوم .. للصبيان .. أكيد مش للبنات .. سلام

الشامي

16-04-2010, 10:32 PM

وحطي على الأزرق (التيار الأزرق) وعلى الأورنج (التيار الحر) وهيك بتكمل وبيصير عندك كل الأطياف بغرفة نوم الولاد ... وبيصيروا يشوفوا أحلام سعيييييييييييييدة ... متل لون البلد...:)

أم عمر

16-04-2010, 10:37 PM

شكرا أخ حديد و أخي الشامي بس وين بدي روح ساعتها من الأصفر أو ممكن لاقيله محل معهم؟

الشامي

16-04-2010, 10:42 PM

يا أم عمر اللون التالت رح يجي وحدو لأن من المنامات الحلوة رح تصفر وجوههم وكل واحد يصير بدو يقاوم التاني ... لا تعتلي هم...

flauritta

17-04-2010, 01:59 AM

السلام عليكم له يا أخ زاهر الشامي من يوم يومه رتب .ما شاء الله يا أخت فلوريتا شو هالغرفة الحلوة .عم فكر أعمل منها لأولادي بس قولك اذا حطيت لون أزرق مع البني بيطلع حلو أ, شو ؟

وعليكم السلام..
اه والله بتطلع كتير حلوة...عفكرة أبو غسّان ألوان غرفتو يمكن هيك..كتير حلوة ما شاء الله..نطروا تيحطّ شي صورة..
و شكراً يا moi...بس ما تألّدي هاhttp://forum.qalamoun.com/images/icons/icon10.gif