بدي جواب...

[zsamerz]

السلام عليكم...

في انتا وجاية من بيروت طلعة بتوديك ع راسنحاش...
هادي الطلعة ازا وقفت السيارة بكعبا بتطلع منها لحالها


ف شو تفسير ه الشي؟؟؟
أدعو الدكتور وسيم للإجابة
(ويللي منو مصدق أنا كنت هيكا كمان بس بعد ما شفتها بعيني صدقت)

[haitham]

انا تقريبا امصدق لئنو كان في وحده متلها بعمان بالاردن وعملت عنا قنات الmbc ريبورتاج المسافه كانت تقريبا 30 متر اي شي ابيرجع لحالو الميه ان كبيتا ابتطلع لحالها السياره ان وقفتا ابترجع لحاها لك حتى الجرافه رجعت لوحده

[المبـــارك]

أخي سامر،، هذه الظاهرة غريبة بالفعل.. بإختصار ما فهمته من دكتوري عندما شرحها لنا وهي متعلقة بنظرية النسبية لآينشتاين.. فأنت تعتقد أن هذه الطريق بالنسبة لوقوفك هي طلعة.. ولكن بالنسبة للكرة الأرضية هي نزلة لذلك تتجه السيارة جهة ما تشدها الجاذبية.. مثل آخر هو أنه عندما تكون أنت واقف على نزلة حادة وبجانبك نزلة ذات منحدر أخف وترى الماء تجري على النزلة الأخف فأنت تعتقد بالنسبة لك الماء تنزل لكن بالنسبة للأرض والجاذبية فهي طلعة..

الفكرة صعب أن أشرحها بطريقتي لذلك أتمنى أن يشرحها الدكتور وسيم بطريقة أفضل..

[وسيم أحمد الفلو]

أكيد الموضوع مخصو بالنسبية ولا ما يحزنون

أعتقد أنه إذا قمنا بقياسات طوبوغرافية دقيقة، فسنجد الأرض هناك تميل بشكل خفيف نحو اليمين، مما يجعل السيارة تظهر وكانها تصعد بينما هي تنزل نحو اليمين، ولو كنت شاطر بالرسم لرسمت لكم الشكل.

[الشامي]

السلام عليكم :)

هده الطلعة النُزلة من أيام وقت كنا بأول سنة أو تاني سنة جامعة ... ووقت اللي اجت قصتها على الضيعة وقتها رحنا عليها بالليل مع أخونا جلال فلو أبو يوسف الله يوجهلو الخير ( وكانت أيام حواجز وردع ووو)) وجربناها ومن وقتها كان التفسير هو اللي تفضل فيه الأخ وسيم ... أياااااااااااااااام ...
بس شو هده طوبوغرافية يا أبو الشباب ... عجبتني ... بدها عمر ملاط يحطها بشي بيت شعر...
خلي الأخ زاهر يرسمها عنك...

أخوكم:rolleyes:

[وسيم أحمد الفلو]

( وكانت أيام حواجز وردع ووو)

يي شو بتحبو هالحركات والأفلام

[الشامي]

عم نوصفلك الوضع يا رجل :) أي حركات ...

شكلك كنت بتحب هالحركات !!

[أمين أحمد الحاج محمد]

القصة لا فيها يمين ولا شمال يا دكتور سمحلي
كل الموضوع انها نزلة خفيفة الإنحدار داخل نزلة شديدة الإنحدار
وهذا الذي يجعلك تظنها طلعة وهي في الحقيقة نزلة
وبما انها نزلة فعلى الأكيد كل شي عليها بيكرج كرج

[وسيم أحمد الفلو]

يا أمين يا حبيبي يا عيني

أنا قلت إنو الإنحدار الخفيف هو بإتجاه اليمين بالنسبة لهذه الطلعة، وبالتالي مش معناتا اليمين هو إلي إلو علاقة.

وحكيك صح، ولو رسمنا رسمة 3دي كان بينت الفكرة أكتر

[عمر ملاط]

أنا كمان لي رأي بالموضوع... شو انا ضاع حقي....
هادا يا سيدنا الكريم، كل واحد بعقلو بقيس الاشياء على اساسات عندو... ونحنا كلنا بهاديك المنطقة... منعرف الأتوستراد الواسع وما منعطي اهمية للمفرق الصغير... وبالتالي نحنا بنظرنا القاصر منقيس الاشياء على الاتوستراد... جيبو واحد وغمضولو عيني... وغطو الاتوستراد بشي برداية كبييييييييييييييييييييييرة... وشوفو شو بشوف؟ بشوفها نزلة... لأن هي نزلة... مثل ما تفضل الأخ أمين قدس الله سره...
نفس الشي بصير احيان مع الراكبين بالسيارة... بكون الواحد داعس فرام... وواقف بالعجقة... فجأة بحس حالو عم يرجع لوار.. بقوم بصير يشد على الفرام ورح يكسرو... وهو واقف.. بس السيارة يلي جنبو عم تقرب لادم على الخفيف... بهاللحظة... بكون الدماغ آخد المقياس على السيارة يلي جنبو... هالشي بصير خاصة لما تكون السيارة يلي جنبك مغطية عليك كل شي، بيك أب مثلا...
فهمتو أو بشرح مرة تانية؟
وهادي مش النظرية النسبية... هادي النظرية المرجعية... لما تتخذ مرجع بالنسبة لانطلاق افكارك... وهالنظرية نفسها بتشرح لما الواحد يقلب قاعو... مثلا... ما لي زمان حتى صدقت انو أخي أمين الحج محمد ببيت أهلو بيصلي صوب الجبل... وما كنت اقنع الا انو عم يصلي صوب البحر... والحلو بالموضوع... انو يفتحلي باب البلكون... شوف البحر... قوم اقتنع.. يسكر الباب.. يرجع يقلب قاعي... يفتحو يزبط.. يسكرو يقلب قاعي.... بهيك حالة بدنا نشوف شو هو المرجع يلي انا مثبتو.. وعلى اساسو بشوف الاشياء الباقية...

[صلاح الفلو]

السلام عليكم
أخي عمر بتتذكر لما كنا راجعين من بيروت وألب أعك وفكرت انا رايحين على صيدا

[واحد]

يا شيخ عمر إنت بالذات عطول آلب آعك. بيتصل الواحد فيك بتؤوم بتفكر إنو ما اتصل مع إنك بتكون شفت الرقم وسمعت التلفون عم يرن. بس يمكن لازم حدا يفتحلك باب البلكون بركا بتظبط الحكاية معك.