شبدنا نوكل اليوم؟

[أبو الحسين]

السلام عليكم



الموضوع يا اخوة اليوم عن عادة جديدة بشعة عنا بالضيعة .



ما بعرف ليش هالبنات يلي طالعين بهالايام مهملين قضية الطبخ ؟ يعني الشب عم يعتل همّ كيف بدو يوخد من الالمون ازا بنت الالمون ما بتعرف تطبخ(إلا من رحم ربي).



البنات اليوم مأضينها عالطريق الجديدة و تضييع الوءت ومنون فوضيين يتعلموا الطبخ؟



وشوفة حال عأيش مني عارف؟



يعني بكل بساطة ازا الوضع بدو يضلو هيك ان شاء الله رح نتجه صوب ضواحي الدولة .



ويا ريت تبرهنوا العكس.



يعني شفنا انو الشباب شوطرين بالطبخ و هنّ اصحاب الزوق من موضوع الأخ زاهر(غزوة السبع) و العشا يلي عملنا اليوم عند الأخ نادر بس ما شفنا ابداً هالشي عند البنات.



عطونا تبرير.

[Nader 3:16]

الله يبارك فيك يا اخ عبد الله صهيون...
الحقيقة لازم تنقال وما رح نستحي بقا...بدنا نعرف مستقبلنا المجهول بقا.
اليلة يا زلمة هالايام يلي وصلنالا؟ الغاز ما بيعرفوا يشعلوه.؟

بكرا يوم عن يوم منقول الله يرحم ايام الورق عنب و اللوبية بلحمة و العكوب و هالاكلات القلمونية يلي هي من اصل العقيدة و التراث القلموني.
يعني البنت تؤعد تتعلم الطبخ خير لها من الطلعة عالجامعة و من الكزدار .

والمشكلة ما وءفت هون يعني شفنا بموضوع امين تبع المهارات المنزلية انو كمانا ما عندهم خبرة بهالامور.

نطالب بالحل الفوري والا انتنّ بتتحملوا المسؤولية و موء فرءانة معنا ابداً.

[أم سفيان]

ليش علموهن انتو شعندكن شغل

[وسيم أحمد الفلو]

الورق عنب و اللوبية بلحمة و العكوب

للحقيقة ضيعان يروح منكم هالتراث القيم.



متنسى كمان الغمة والمصران.

[Nader 3:16]

ليش علموهن انتو شعندكن شغل

نحنا ماو شغلتنا نعلّمون...
بس بكل بساطة انو ازا ما بدهم يتعلماو نحنا منا فرءانة معنا و الحمد لله الشباب (القلمونيين خصوصاً) مزوءين بالاكل وبكل شي .
بس يلي عتلانين همّو هو بالمستقبل.
الواحد بيرجع من الشغل ...شعاملة اكل يا مرى ..والله عاملة همبرغر! او جايبا فاهيتا...
يعني لا بالطبخ شوطرين ولا بالمهارات المنزلية ولا بالتزيين و بعديييييين؟



ومنا ناسيين الغمة و المصران وهالاصول العذائية القلمونية....

وبحب قول للأخ عبد الله صهيون يلي طرح الموضوع انو ما يفزع من حدا و متل ما البنات منا فرءانة معون يتعلموا الطبخ و لوازمو نحنا كمانا منا فرءانة معنا...
يعني بحلب و الشام بيعملو هالاكل العربي عأصولاو.

[Arsenic]

معكم حق يا شباب الوضع موء بينحمل وانا حالياً عم اطرخ مواضيع بمهاراات الطبخ و الحلويات .
يعني فيون البنات يتعلموا منا شوية.
والاخ رامو بدو يعلمكم المرة الجاية اكلة مجنونة و طيبة.

[أم سفيان]

آ والله الحلبيات عسلامتن بس نصيحة لا تدخلوا من باب واحد وادخلوا من أبواب متفرقة ما تؤوم تجيكن شي عين ولا تنسوا تعلموهن الألموناي

[flauritta]

يا أخ عبدلله الصهيوني أول شي بطّلطو حكي عن بنات الألمون وهواشن و تشليفون
جرصتونا و نزعتو صيتنا ببائي المنتديات..هلّء جايين تسألو عن الطبخ و الأكل؟
طلعوا من حياتنا بؤا..بيؤتلو الأتيل و بيمشو بجنازتاو..

[محمد الكوسا]

الواحد بيرجع من الشغل ...شعاملة اكل يا مرى ..والله عاملة همبرغر! او جايبا فاهيتا...


اعطيني اسما لهالمرة ما رح نخليا تطلع برّاتنا




وبحب قول للأخ عبد الله صهيون يلي طرح الموضوع انو




انو الشرط كان تكتب اسمك الواضح بالمشاركة بس يا حيف عالرجال
مأ في رجال بعد وسيم غنوم هههههههه

[أبو الحسين]

لك يا كوسا انت سترجي كتوب نص مشاركة من يلي كتبتها أنا ...لك منيح يلي لاك ءلب شاركت بالموضوع انت ..و بعدبن اسمي معروف عالمنتدى

[أبو الحسين]

بين بعضنا هالكلام كله تنظير بتنظير، وبس تسمع واحد عم يحكي بهالموضوع أو بموضوع التعدد، يعني مطولة قصتو...

أما العاقلين والمهذبين، فيعتبرو هالأمور ثانوية...

المهم الدين والأخلاق، العكوب والكوسا بلبن واللوبية و.... كلياتهم بتتعلمهم بشهر زمان، إضافة إلى أنها ممكن تلاقي كتير وصفات على النت، وبكتب الطبخ كمان...

المهم انها تكون بنت عالم ومرباية ومهذبة وعندها دين وجمال ومنطق، وبعدين كل شي بينحل بإذن الله، وما بينعتل همو...





مع الأسف يا أخ وسيم غنوم انت انسان ما عندك ثوابت ولا مبادىء ..يا عيبشوم عالرجال (كان بودي ؤلك هل جملة يا محمد كوسا بس ما بتركب عليك لأن وسيم كان من زمان رجال , بس انت ما وصلت اسا للمرحلة تبعيتنا,يعني منك بدائرة الرجولية يلي عم اتكلم عنها أنا)

[الشامي]

السلام عليكم :) كيفكم يا جماعة

يعني كلووو كوووووووووووووم ورد الأخ وسيم غنوم كووووم ...

ولك شو هالخطاب المُتجدد الغير معهوووود من جانبكم الكريم...

خلص درتلنا ضهرك وتخليت عن حقوقنا؟؟
فتن آخر الزمااااااااان ... كقطع الليل المُظلم ...

أخوكم:rolleyes:

[hadid]

أنا بس خوفان ما تنقرض الشيش برك ... بحبا كتير لهل أكلة ما شاء الله شو بحبا

يا بنات الله يرضى عليكم تعلمو هالأكلة .. وعلموها لبناتكم ..

أما للأخ عبد الله صهيون .. معك حق يا أخي .. أنا بوافقك الرأي 100% .. يعني إذا المرا ما بتعرف تطبخ .. لشو الزواجة ؟ الواحد بهلإيام .. عندك غلاء المعيشة .. والتلوث بالمطاعم .. يعني ما فيك تعتمد إلا على مرتك .. يلي بتحبا وبتوثق بطبخها ..

أما إذا ما لقيت وحدة بتطبخ على ذوقك بالقلمون .. فأرض الله واسعة ... مو بس هيك .. فيك تبرم على الفندقيات .. وتختار عروس .. شرأيك بهلحل ؟؟؟

[الزاهر]

هلأ بعد ما نتطلع عبقية الأمور منشوف المهارات في الطبخ :)

أما أنا فبس بيهمني الحد الأدنى :)
تعرف تقلي بطاطا كونها العشا اليومي المفضل
تعرف تقلي بيــض كونو الترويقة اليومية المفضلة [بس ما شرط كوني بألي البيض أفضل من الطباخة العالميين... بكل تواضع يعني ! :) ]
تعرف تعمل مجدرة وسليق وخبيزة كونها الغدا اليومي المفضل
وتعرف تعمل شاي بينشرب !

وكفى الله المؤمنين القتال ! :)

بس يا شباب .. شبدكم تقدمولها بالمقابل ؟

ما بدك تكون بتعرف تغير فئسة إذا انتزعت بالبيت ؟
وتعرف تحفض الولد لمن بتكون مشغولة ؟
وتعرف تكزر العيلة كل فترة ترويح عن النفس ؟

ولا شــــــو ؟

[محمد]

السلام عليكم
بس مين هاد أبو الحسين ؟؟!!
أخ كوسا إذا بتعرفو قلي

[محمد الكوسا]

وسيم.....والله ما عرفتك انك انت الي عم تحكي هيك
ولا من ايمتن بتحكي بهالتهذيب و الرقي؟؟
شكلا قصتك قريبة
على كل حسب الاتفاق صار لازم تعشي لصهيون ﻷنو تجرأ و كتب الموضوع
حاجتو يحكي عن الرجولة
الي بقي3ساعات تا يكتب هالمشاركة و من عند الندور كمان (مشان ما يعرفو الأي بي تبعو) ما يحكي عن الرجولة

[Moi]

ولك المشكل انو مسطرة الرجولة عندك هي انو الواحد ما تفرق معو حدا بكل شي....

الحمد لله أنا ما بتفرق معي حدا أبدا فيما يخص كلمة الحق وعدم السكوت عن الباطل و...

بس الرجولة إنو الواحد يعرف يحكي المناسب بالوقت المناسب، وما يستعلي ولا يستقوي ويفكر بعقل ومنطق...

أنا عم اطرح تفكير عملي ومش تفكير نظري....


يعني نظريا كلنا متفقين انو الرجل من حقو يطلعلو أربعة بس عمليا التفكير بهالموضوع قبل الزواج من الأولى هو إما أن يكون نوعا من الهزلية التي تدل عن بعد صاحبها عن فكرة الزواج من الأصل، وإما جهلا وتفكيرا جنسيا بحتا...

يعني القصة وما فيها انو الواحد اذا ما اكتفى بالأولى أو اذا لقي منها نقص و.... ساعتها بفكر يعدد، بس انو يمكن يتزوج واحدة وتكفي وتوفي، فليش لحتى من قبل ما يتزوج الأولى يبدى بنغمة التعدد؟؟؟

يعني الطلاق والتعدد وهالأمور هي حلول عملية طرحها الإسلام لتيسير الحياة، ومش نظريات فوقية ولا مزحات شبابية ولا أدوات قهرية....


الواحد يركز على الأولى، يتفاهم معها، ويكتب كتابو عليها و.... وبعد هالشي إذا لقي فيها نقص أو انو يطوق لأكثر من واحدة أو..... ساعتها يفكر بأكثر


وسيم غنوم :1 (59): أنا مصدومة
أولا تعليقك انو المهم البنت تكون منيحة صدمني لأن تفكيرك منطقي و الطبخ بيتعلم بشهر زمان و لا أنكر أهمية الطبخ يعني ما تعمل الأم متل أمي تدلعنا و ما تخلينا نمسك شي الا بغيبتها نحن نفوت لحالنا نتعلم(مشان ما يسبّنا الرجال بعدين) و صدمتني بقصة التعدد(هيدي صدمة عمري) لأن انت بمندى الطلابي طاعتلي الضغط و السكري و أنا جادلك و انت تعارض
والله الله يبارك فيك و يرزقك ببنت الحلال الي عزوقك

أما بالنسبة للأخ نادر شو مفكر البنت انت؟؟؟ شو بلا جامعة و تتعلم الطبخ
ليش الوحدة عقلها ما بيستوعب الاتنين سوا؟؟؟ هي نحن من نحن و بالمدرسة منعرف كل الطبخات و الحمدلله رح نتخرج من الجامعة... ما دخل
و هي كان ممنوع نفوت عالمطبخ بس الي بدو يتعلم ما في شي بيمنعو

[Moi]

هلأ بعد ما نتطلع عبقية الأمور منشوف المهارات في الطبخ :)

أما أنا فبس بيهمني الحد الأدنى :)
تعرف تقلي بطاطا كونها العشا اليومي المفضل
تعرف تقلي بيــض كونو الترويقة اليومية المفضلة [بس ما شرط كوني بألي البيض أفضل من الطباخة العالميين... بكل تواضع يعني ! :) ]
تعرف تعمل مجدرة وسليق وخبيزة كونها الغدا اليومي المفضل
وتعرف تعمل شاي بينشرب !

وكفى الله المؤمنين القتال ! :)

بس يا شباب .. شبدكم تقدمولها بالمقابل ؟

ما بدك تكون بتعرف تغير فئسة إذا انتزعت بالبيت ؟
وتعرف تحفض الولد لمن بتكون مشغولة ؟
وتعرف تكزر العيلة كل فترة ترويح عن النفس ؟

ولا شــــــو ؟


ماشاء الله
موضوع مهم لم ننتبه له
صحيح بالمقابل شو قدراتكن بالتصليح و حتى شي تاني اذا حدا اجا عم يقلل أدب عزوجتكم شو بتعملو ولا بتمشي و بتقوقل بلا مشاكل و كل يوم بتصير و بتمشو؟؟؟ و هل ستحفظ حقّها أمام أهلك و الناس لأن المرأة فخرها و حمايتها زوجها
هل ستعزّونها أم اخدينها بس خدّامة ببلاش؟؟؟؟
مشان هيك لازم البت تكون متعلمة عاملة مثقفة تعرف حقوق زوجها(من ضمنها الطبخ) و كمان تعرف ادارة الوقت و المال
فلا تطلبو الأكل بس
يعني الدنيا تفاهم و هي أكبر مثل الأخ زاهر قبلان بالحد الأدنى يعني الله يبارك فيك ماشاء الله

[Nader 3:16]

نحنو عم نحكاي عن دولتنا القلمونية و حرصاً منا على تراثنا العذائي من أن يذوب في المأكولات الغربية.
امّا بالنسبة للمعطّل الفيزيائي الالكتروني القلموني الدكتور العلامة وسيم فلو فهادا بيطعن بتراثنا القلموني .
وصراحة لما نحنا الشباب عم نتجه للأكل الجاهز عم نعطي مبرر للبنات بالاستهتار بتعلم التبخ (عأولة النسوان).
وكل الحق عالباش و هالؤرطو .
وبما لازم وسيم غنوم يعشّي صهيون...نطالب الاخ وسيم انو يطبخ شي شغلة لحتى يأكد نظرية انو الشباب مزوءين و بيعرفوا يطبخاو ومنا فرءانة معون حدا.

[Moi]

يعني التراث الألموني بالأكل بالنهاية لبناني و كلنا مناكل هالأكلان مش بس الألمونيين
بعدين إلتللك انو لازم يتعلمو البنات طبعا بس مش يتركو الدراسة مشان يعيشو للطبخ ساعتها وين هدفهم بالحياة و دورهم؟؟؟

[أيمن غ القلموني]

يعني البنت تؤعد تتعلم الطبخ خير لها من الطلعة عالجامعة و من الكزدار .
والمشكلة ما وءفت هون يعني شفنا بموضوع امين تبع المهارات المنزلية انو كمانا ما عندهم خبرة بهالامور.
.



الصبر هو المهم ، يعني بمعنى ثاني الصبر على أعمال المنزل هو الأولوية ، بمعنى أنها تحس بالسرور عند القيام بواجبات المنزل .

أما الطبخ فيمكنها تعلمه مع الوقت ، بك تصبر بالبداية مافي شك ، بتتعلم انتا وياها مش مشكل ، بس أكيد تكون عندا أدنى المقومات .

الأكل إذا مشي حالو أوام شغلة مش مهضومة ، لازم يحترق وينتزع بالبداية ، لكي تشعر أنك في مرحلة جديدة من حياتك وأنك بدأتها للتو .

ما يهم هو التكامل بين الإثنين في العقلية .

[الزاهر]

الأكل إذا مشي حالو أوام شغلة مش مهضومة ، لازم يحترق وينتزع بالبداية ، لكي تشعر أنك في مرحلة جديدة من حياتك وأنك بدأتها للتو .




صرلك زمان منك كاتب شي عجبني أبدا !!! .... هلأ هادي فكرة كتير مهمة ومبدئية ! :)

[أيمن غ القلموني]

أهلاً بالأخ العزيز زهور ، بس ما تاخدا عادة وتظل تحرق الأكل ، هههة .


بالمقابل ، هناك من أحب أن يرد على الموضوع ( من أعضاء المنتدى ) لكن بعث رده إلي لكي أضعه ، فكان هذا الرد الجميل المتزن بالواقعية واللذي يضع النقاط على الحروف .

___________________________

.. أشياء كثيرة هي من مقومات الزواج ، وتعتبر من مكملاته ، بل هي من الأساسيات .. ولكن لا يشترط الإبداع والإتقان والمهارة لدرجة كبيرة .. ( ومن وهبه الله ذلك ،، فهو شيء جميل ورائع ،، فوجب عليه أن يحمد ويشكر الخالق عزّ وجلّ – الحمد لله ) ، فهناك نفسيات ومهارات مختلفة من شخص لشخص وعلينا مراعاة ذلك !

المهم أن نكون قد صنعنا شيء يساعد على الإستمرارية والإنسجام والحفاظ على تلك الحياة ( الحياة الزوجية ) التي أعتبرها نعمة كبيرة .. ومنحة إلهية ، ومن أكثر الأشياء المميزة التي تمر بحياتنا وتترك أثر ويصمة واضحة ولا تزال ! مادامت فيها الأنفاس مشتعلة !! وهي المستقر والإستقلالية التامة .. والمسؤولية التي تستحق أن نصنع لأجلها الكثير ، وأن نضحي لأجل إستمراريتها !!!!


.. " شو بدنا نوكل اليوم " ؟! عبارة حقّاً تستحق الوقوف ! أو بالأحرى هو سؤال مهم لفت ناظري لما فيه من واقعية ولم يكن بالسؤال الهَزلي !!

من حَقّ أي شاب على وشك الزواج أن يهتم بذاك الأمر ! فالزواج إنفصال
وإستقلالية ..


إنفصال أي ترك سكن الأهل والإتجاه إلى سكن آخر يخصّه هو وشريكه للعيش به دائماً ، وإستقلالية يعني بدء مسؤولية جديدة كاملة فردية بَعيداً عن أي مشاركة خارجية فيها ! أن تكون لهما حياة مشتركة منسجمة مستقلة تختلف عمّن حولها لا يشاركهم بها أحدّ ، ومنفصلة عن الأخرين في البيت والمأكل والمشرب وطريقة العيش ، !


.. إذاً .. كل له مسؤولية إن إتفقا على الزواج .. يعني إرتباط ومشاركة في المسؤولية ، طبعاً كل له دور ، وكل له إتجاه لذلك ومسؤولية ، فالفطرة والغريزة التي أوجدها الله عَزّ وجلَ فينا هي الأساس في هذا الأمر ،

الجميع يعلم مسؤوليات كل منهما !

فكما يحقّ للمرأة أن تطلب المهر ولوازم حفل الزواج والبيت والأثاث وغيرهم ، ومن حقّها هذا ولكن بالمعقول طبعاً ومراعاته ،

كما من حقّها أن تسأل عن عمله المهم أن يعمل ويتحمل تلك المسؤولية بغض النظر كم يقبض !!؟ فالأرزاق مقسمة من عند الله عَزّ وَجلّ ، مهما سعينا لن ننال إلا ما قدّره الله لنا وهذا يجب أن يؤمن به الجميع وهي نقطة مهمّة ،


.. فهل من حَقّ الشاب أن يشترط ما يريده ؟ ( طبعاً بالمعقول ) ،، أكيد له الحَقّ والحُريّة أن يسألها عن مهاراتها المنزلية وعن الطبخ والأكل .. فهذه مسؤولية تخصّها وتقع عليها فلا مَفر !


هُنا يجب أن يكون كل منهما واضح وصريح ، فلما حين يسألها عن ذلك وتخبره بأنها مثلاً لا تجيد الطبخ يظهر موافقة ورضى ويصمت ! ولكن حين يجمعهم بيتاً ، نراه شخصاً آخراً ، فلما رضيت ؟ ولما لم تظهر لها أهميّة هذه النقطة لديك ولكل شاب تقريباً !؟ لما لم تخبرها بأنها إن كانت لا تجيد الطبخ فأنا أرضى بكِ وسأصبر قليلاً مثلاً ولكن على أن تتعلمي الطبخ بعد الزواج على الأقل بعض الأكلات الأساسية والمشهورة عندهم ، وطبعاً ولا داعي أن تتقنها وتبدع بها بشكل كبير فكل له قدراته بالنهاية !


فكم من زوجات متزوجات من وقت طويل ولكنهم للآن لا يجيدون الطبخ كثيراً ، أو حتى لا يستطيعون صنع كوباً من الشاي أو فنجان قهوة كما اللازم !!!!


ولا ننسى بأن الصبر شيء رائع وجميل فليشجعها ويدعمها نفسيّاً ! ولا يحتقر طعامها إن لم تبدع فيه كثيراً أو كانت تجيد أكلات أخرى لم يعهدها قبل زواجه أو كان طبخ زوجته يختلف عن طبخ أمّه بالمذاق فهذا أمر طبيعي ! المهم أن يكون الأكل مقبول وكل شيء مرتب ونظيف ،


هناك أيضاً نقطة ،، لا داعي لأن تتقن جميع الأكلات وخاصة القديمة والتي تعتبر من التراث ، إن أتقنت طبختين أو ثلاثة منهم فهذا جميل ، فهناك ربما أكلات جديدة أخرى تعرفها وتحبّ أن تصنعها !

وهذا يعتبر تغيير إيجابي ، فلا تشعرها بأن لكَ ذوقاً صعبا وخاصّاً ً في الأكل وبأنك لا ترضى بأي شيء فهذا بحد ذاته أمر مخيف ومرعب !


لنرى الجانب الآخر .. الفتاة حين تعد وتخبر خطيبها بأنها ستتعلمه وستسعى لذلك ، لما لا تصدق بعد الزواج ؟ لما لا تحاول وتجدّ كي تصل للمطلوب ؟ أو بعضهن يَدّعين بأنهن ماهرات بالطبخ وبعد الزواج يكتشف الزوج بأن لا تستطيع فهل أي شيء !!؟


الصراحة مهمّة والوضوح هو سبيل الراحة فلا أهميّة للكلام إلا بعد العمل !!!
ومن حَقّ الزوج ( بعد مرور أشهر على زواجه ) .. حين يرجع من عمله أن يشتم روائح طبخ وليس روائح حرائق وفحم كما في السابق فالحياة تمضي والتغيير مطلوب !


وبالنهاية الطبخ أمر بديهي بالدرجة الأولى ولا يحتاج إلا لأخذ النقاط الأساسية فيه ، وبإذن الله الإتقان سيأتي لاحقاً !! على أن تسعى الفتاة
لذلك .. وتعقد النيّة ، والله وليّ التوفيق .

أسالك الله أن يوفقكم لما فيه الخير ،،

[HARD]

مافي متل بنات القلمون وحتى لو ما بتعرف تطبخ بأول الامر، بتتعلم.

والله الطبخ منو مشكلة فالبنت بدهها شهر بس بيصير معها خبرة ببعض الاكلات متل مقال الاخ وسيم غنوم حفظه الله.

[اليمامة الحضرمية]

السلام عليكم ورحمة الله

تسو تسو تسو....شو هالحكي!!!

ولو يا أخ عبد الله...بنات القلمون المفروض هن أخواتكن وما لازم تحكو عليهن بالعاطل خصوصاً على الإنترنت..يعني عمبتشهروا فيهن..بلكن حدن من برا الضيعه بدو ياخد قلمونية..مش حلو هالصيت...

بعدين إذا شفتو منهن غلط لازم تنبهوهن وتساعدوهن على تخطيه...مع العلم أنو هيدي الشغلة مش غلط..لأنو مافي حدن خلق معلم.......

وحتى ما بدها شهر حتى تتعلم الطبخ....شخصيا كنت ما بعرف أعمل شي بالمطبخ غير إمسح الطاولة....بس لمن تزوجت من تالت يوم أو رابع يوم طبخت كوسا بلبن...

وحضرتكم مستصعبين الأمور لأنو مانا شغلتكم أصلاً....ولو هالشغلة كتييييييييير مهمة كان رسولنا الكريم صلى الله عليه وسلم...ذكرها بأحاديثو الشريفة...

مع خالص إحتراماتي....<<طالع على الجامعه!!!

[اليمامة الحضرمية]

بالمناسبة شكرا لكل الشباب المساندين وذوي الأرآء المرنة......والمنطقية...........

[Nader 3:16]

هادا من حرصنا عبناتنا و ليس تشهير فيهنّ...

لكن هيك طريء الالامنة بالنصيحة...ما بيختارو غر الطريقة الفجّة.!

وما حدا يجرب يهدد الاخ عبد الله صهيون لأنو عم يحكي بإسم كل شباب القلمون و هو حريص على انو البنات يتعملوا الطبخ...
وسلام

[اليمامة الحضرمية]

الله يعينهن يارب...بس يلي شفتو انو هن مش مبسوطين بهالطريقه.......!!!!!!<<الحمدلله انو ما بنصادف هالطرق.......

كتبت المشاركة لمن كنت بالقلمون وبتأييد من بنات من القلمون........!!!!!!!!!!!!!!!!!!!!!!!!!!

لا ابدا التهديد مش من طرقنا........<<شو ميشان الـcms يا عبدالله!!!!!!!

[أيمن غ القلموني]

كتبت المشاركة لمن كنت بالقلمون وبتأييد من بنات من القلمون........!!!!!!!!!!!!!!!!!!!!!!!!!!






إنصافاً لبنات القلمون ، اليوم كنت أتكلم مع أمي وقالت لي أنها جاءت من المستشفى وكانت أختي محضرة كل شي للغداء ، لازانيا على أصولا وحلويات وجالية .


بأى يا نادر ويا أبو الحسين ، يجب تشجيع أخواتكن على دخول المطبخ ، مش إذا شفتوهن عم يجلوا تتمسخروا عليون ، حرام ; فإذا عليكم مسؤولية كمانا :)

[akram]

هيدي للبنات الطبخ الجيد للطعام كفيل بالقضاء على أنواع كثيرة من البكتيريا، ولهذا فهو يعد من أهم الخطوات التي تحمي غذاءك من التسمم، ويفضل عند طهي الطعام مراعاة عدة أمور منها:
- ينصح دائماً بأن تكون درجة الطهي أكثر من 70 درجة مئوية.
- قومي بتسييح اللحوم والدواجن المجمدة تسييحاً كاملاً قبل عملية الطبخ، على أن تتم إذابة الثلج عنها في الثلاجة بوضعها من الليلة السابقة للطهي، ومن الخطأ تسييح تلك الأطعمة في درجة حرارة الغرفة.
- من الأفضل أن تقومي بتقطيع اللحوم إلى أجزاء متوسطة حتى يسهل نضجها، وتغطية الأواني حتى يتم توزيع الحرارة بالتساوي على جميع أجزاء الطعام.
- احرصي على أن يكون الطهي خلال مرة واحدة، ومن الخطأ قطع عملية الطهي وإكمالها في وقت لاحق.
- تأكدي من نظافة الأواني المستخدمة في الطهي.
- عند تذوق الطعام أثناء الطهو عليك أن تغسلي الملعقة المستخدمة في ذلك قبل إعادتها إلى الطعام المطهى حتى لا تتلوث الملاعق بالبكتيريا الموجودة داخل الفم، ومن ثم تنتقل للطعام.
- تأكدي من غسل اليدين مع خلع الأساور والخواتم وتغطية الرأس لمنع تساقط الشعر في الطعام، وعدم لمس الأنف والفم، مع الحرص على وضع يدك على الفم عند السعال أو العطاس وغسلها بالماء والصابون بعد ذلك.
- بعد الانتهاء من طهي الطعام لا تضعيه في الأواني التي تم استخدامها في عملية الطهي، بل في أواني جديدة ونظيفة.
المركز العربي للتغذية

[الشامي]

السلام عليكم

يعني حيرتونا ان الواحدة راحت على دروس العلم مانا نافعة وان تعلمت تزبط حالها ما بتعجبكم ... شي بيحير يعني البنات معن حق يحتاروا الصراحة ...

هلأ يمكن انت قصدك انو عم يلتهوا بشي على حساب شي تاني ... وكل شي لو وقتو ............

شغلة والله

الله يعين البنات والنسوان ...........

أخوكم:rolleyes:

[أم سفيان]

الله يعين البنات والنسوان
له له له شو أخونا الشامي هادي أول مرة بتصرح بهيك تصريح لا يؤوم حدا عاملك عمل

[محمد الكوسا]

السلام عليكم

يعني حيرتونا ان الواحدة راحت على دروس العلم مانا نافعة وان تعلمت تزبط حالها ما بتعجبكم ... شي بيحير يعني البنات معن حق يحتاروا الصراحة ...

هلأ يمكن انت قصدك انو عم يلتهوا بشي على حساب شي تاني ... وكل شي لو وقتو ............

شغلة والله

الله يعين البنات والنسوان ...........

أخوكم:rolleyes:



شكلك عم تحكي وسيم غنوم كتير
بنصحك ما تقرب علي احسنلك

[محمد الكوسا]

وبالمناسبة لقطنالو فيديو لوسيم غنوم وقت اتراجع عن كلامو القديم ادام الكاميرا بس ناطرين الاذن منو تا نحطو
و حافظينلو مشاركات من شي سنة عكس كلامو هلق 100%

[Moi]

وبالمناسبة لقطنالو فيديو لوسيم غنوم وقت اتراجع عن كلامو القديم ادام الكاميرا بس ناطرين الاذن منو تا نحطو
و حافظينلو مشاركات من شي سنة عكس كلامو هلق 100%


و ما المانع من أن يغير الإنسان آرائه اذا وجد في الأي الجديد الصواب أو الأنسب
هي أنا بالمنتدى الطلّابي كنت ما طيق شي اسمو وسيم غنوم و كنا ناويين يا نفجروا يا كب علي ميّة نار بعدين اكتشفت أني على خطأ و بطّلت بدي أجرم عليه لأن آرائو تتفق مع آرائي الآن

عادي مش عيب الواحد يغيّر رأيو

[Nader 3:16]

ليك يا باش كيف ما راح ولفّ و دار وسيم غنوم سيبقى قلمونياً اصيلاً و مربطه في القلمون

وللأح الشامي نقول:

بدنا بناتنا يكونوا متعلمات ويكونوا داعيات و وين المانع يكونو طباخات ماهرات من الطراز الأول.
لكن الفكرة ماو الواحدة تؤلي بتعرف تلف زوباع و زيت و تءلي بطاطا و تشوي شيش طاووق و انو صارت بتعرف تطبخ!
الكوسا بلبن ..ورء العنب...الكبة...العكوب و اللوبيا و هالاكلات لازم تتعلمهم البنت متل متن الفقه ..

ويا ريت ما يحطوا محاميات عنهنّ ويفوتوا يورجونا العكس.

[Moi]

ل
زوباع ...العكوب .

what's the meaning of these things??
are they arabic words of food? :S

[الزاهر]

الزُبَاع: [الزُوْبَع بلفظ أهل الضنية] نبتة نقطف طرابينها [رؤوس البراعم] من كروم القلمون لها رائحة قوية وزكية وطعم مميز وخاص ولذيذ بدأ موسمها في هذه الأيام بالانتهاء، تحضر طازجة بعدة طرق اهمها مع الحامض والزيت والبصل ونتناولها فطور في الصباح.

[Nader 3:16]

what's the meaning of these things??
Are they arabic words of food? :s


اول شاي هاداي ساحو المونية يعناي بيحكاو الموناي لا انكليزاي ولا بيروتاي .

تاني شاي...
منءوشة بزوباع بالامون= منقوشة بزعتر ببيروت. هادا التشبيه بالتأكيد ما بدنا نقارن الطعمة

اما العكوب ما بعرف شبتسموو بس بيوكلوو مع رزّ ولبنية.
هيك هوا لون اصفر عأخضر عمدري ايش بكون فاي شوية شوك . يعني بدو شغل بس كتير طيب.

[Moi]

الزُبَاع: [الزُوْبَع بلفظ أهل الضنية] نبتة نقطف طرابينها [رؤوس البراعم] من كروم القلمون لها رائحة قوية وزكية وطعم مميز وخاص ولذيذ بدأ موسمها في هذه الأيام بالانتهاء، تحضر طازجة بعدة طرق اهمها مع الحامض والزيت والبصل ونتناولها فطور في الصباح.

شكرا أخ زاهر عالتوضيح الهادئ بارك الله بكم
سأقول لبياع الأعشاب أن يريني اياها بركي اسما شي تاني عنّا

[Moi]

اول شاي هاداي ساحو المونية يعناي بيحكاو الموناي لا انكليزاي ولا بيروتاي .

تاني شاي...
منءوشة بزوباع بالامون= منقوشة بزعتر ببيروت. هادا التشبيه بالتأكيد ما بدنا نقارن الطعمة

اما العكوب ما بعرف شبتسموو بس بيوكلوو مع رزّ ولبنية.
هيك هوا لون اصفر عأخضر عمدري ايش بكون فاي شوية شوك . يعني بدو شغل بس كتير طيب.

طيّب منّي كاتبة الّا انكليزي أو بيروتي من اليوم و طالع
ya person Beirut is ur country's most important city
and if u didn't like the english typing u could not answer there are many people who can answer
و :1 (77): قال بلا تشبيه قال
كأنو القلمون شي بلد جديد مش بلبنان الحبيب
و بخصوص الشي الأصفر أو أخضر ما عرفتو فلازم تطبخوا هي الطبخة و تورجونا الصور قبل و بعد و المكونات لنتعلمها

[الزاهر]

كأنو القلمون شي بلد جديد مش بلبنان الحبيب

انظري معلومات أقطاب المنتدى !!
أنا مثلا :
تاريخ التسجيل: Dec 2006
الدولة: دولة القلمون المستقلة - عاصمتها القدس الشريف
المشاركات: 5,814



القلمون دولة مستقلة لها حكومتها وعلمها ونشيدها وعاصمتها شاء من شاء وأبى من أبى ! :)

[Nader 3:16]

طيّب منّي كاتبة الّا انكليزي أو بيروتي من اليوم و طالع
ya person beirut is ur country's most important city
and if u didn't like the english typing u could not answer there are many people who can answer
و :1 (77): قال بلا تشبيه قال
كأنو القلمون شي بلد جديد مش بلبنان الحبيب
و بخصوص الشي الأصفر أو أخضر ما عرفتو فلازم تطبخوا هي الطبخة و تورجونا الصور قبل و بعد و المكونات لنتعلمها

القلمون ببساطة مميزة بكل شي:

-اسم القلمون مميز بتحسو موسيقي

-لهجة خاصة...يعني ما حدا بيعرف يقلدنا بلهجتنا و نحنو منعرف نقلد كل لهجات العالم

-القلمون احلى منطؤة بالعالم يعني النشاطات يلي منعملها سهرات بالجبل و بالنبعة ما حدا بيعملها بالعالم

-القلمون بلدة العلم و العلماء يعني فيها متعلمين ودكاترة جامعات من كافة الاختصاصات اكتر من بيروت و من طرابلس و من كل لبنان.

-العقلية القلمونية و طريقة التفكير القلمونية مميزة

- بإختصار القلمون اتعبت من بعدها و يكفينا انو كل قلموني و كل قلمونية عندهم حب القلمون محفور بالقلب و لا يكاد قلموني او قلمونية مغتربة الا وعمل دعاية للقلمون يلي صارت معروفة بأقاصي الارض و مغاربها .

-ما حدا بيعرف يعمل مناءيش متل الالامنة (فرن عيشة و فاروق) و ماء الورد و الزهر والتطلي و الدبس ما حدا بيعرف يعملو متلنا....
(يا سلام على ماء زهر القلمون...قالها ابو الجود لما زار القلمون بال 2004)

وشبابنا احسن شباب و بناتنا احسن بنات و نحن دولة مستقلة و عنا نشيد وطني و.....

ودووووووووووووووووووووووع....

وبترك للباش الباقي.

[Moi]

ييييييييييييييي
ما بيكفّينا دولة الضّاحية المستقلّة
الله يعين هالبلد شو بدو يحمل دويلات
أن شخصيا من لبنان عاصمته بيروت أحب القلمون و إلا لم أتسجل بالمنتدى و تعلمتلّي كم كلمة
أحب أن أزور القلمون ان شاء الله بس لترجع لاورا بركي منخطط شي مخطط قبل ما سافر ان شاء الله و أتهجّر :1 (56):
بس ما كتير تنفخ يا نادر حاسستك رح تفقع من النفخ انو من تواضع لله رفعه

[Nader 3:16]

هلأ لأيش تضييع الموضوع..؟؟؟؟؟

المهم في واحد صاحبي حب يشارك برأيو:

"أخواني في البداية أمر الطبخ ليس الأمر المهم لدرجة أن لايتزوج الرجل المراءة لأنها لا تجيد الطبخ وقد ذكر الرسول الكريم كل ما تنكح لأجله المراءة ولم يذكر حسن طبخها ولكن أمر الطبخ من الأمور الضرورية أن تجيدها لتستمر الحياة ، ويجب أن نلاحظ ونراعي أن زماننا تغير وختلف عن زمان أول ، فكذلك الشاب هناك من الأمور التى يجب أن يجيدها لتستمر الحياة الزوجية من إصلاح أمور البيت بل ومن مصدر للدخل والعمل ،
وأنا ألوم الأمهات اللواتي لا يعلمن بناتهم أمور المنزل من خياطة وطبخ وغيرها مما يفيدها عندما تتزوج ولكن يجب على الزوج أن يصيبر على مرأته ، وعلى المرأة أن تحاول وتتعلم لأنو ما فينا أحد خلق معلم والسلام عليكم "

فاروق الأمة

[Amer-ol-tabche]

الكوسا بلبن ..ورء العنب...الكبة...العكوب و اللوبيا و هالاكلات لازم تتعلمهم البنت متل متن الفقه ..



http://www.forum.qalamoun.com/images/icons/icon10.gif

[أبو الحسين]

السلام عليكم ..

في البدية أشكر الجميع على تفاعلهم في الموضوع (أكيد التفاعلات المهمة مش حكي كوسا ووسيم غنوم و غيرن يلي هو طق حنك)..و بئول إنو انا ما طرحت الموضوع إلا من حرصي علأخوات بالئلمون ...هلء صحيح دفشوني بعض الشباب كمان ..بس الأساس هو الوضع يلي وصلنالو بالضيعة

يعني أيمتن ما طلعت عالطريق الجديد ...حزك مزك ..رايحين جايين ...

يعني أغلب وقت البنات بالضيعة ..كزار..

ما بيمشي الحال هيك كمان ..منو و في..

يعني وين هالوقت يلي عم تتعلم في البنت الطبخ .؟؟؟

يعني القلمون مشهورة بكتير شغلات و من ضمنها الطبخ الطيب ..

ف إن شاء الله يضل هالصيت ..

و بحب ءول لوسيم غنوم انو إذا مستعد ببساطة يغير مبادؤو ..فبدنا نشيل ءيدنا منو يعني .(إنتبه عردودك ها)

و للأخت اليمامة الحضرمية (www.drupal.org )و سلمي عحسن و عأحمد وأيا سؤال أنا جاهز ان شاء الله.

الله يبارك فيكم ...

السلام عليكم.

[أمين أحمد الحاج محمد]

بدنا ننبه انو أي واحد بدو يزور دولة القلمون بدو يراجع دائرة الجوازات ويحصل على فيزة مصادقة عليها رسمياً...

[محمد الكوسا]

بدنا ننبه انو أي واحد بدو يزور دولة القلمون بدو يراجع دائرة الجوازات ويحصل على فيزة مصادقة عليها رسمياً...

امين هادا منو موضوع دولة القلمون المستقلة

[Moi]

بدنا ننبه انو أي واحد بدو يزور دولة القلمون بدو يراجع دائرة الجوازات ويحصل على فيزة مصادقة عليها رسمياً...

شي بيضحّك والله

[أم عمر]

السلام عليكم مع كل التواضع ولو بنت القلمون ما بتعرف تطبخ و تنفخ وتنشر بس ما تاخذني مش حتلاقوا مثلها ولو كلامي يمكن يلاقي كتير من الاعتراض بس جربوا و منشوف .

[وسيم أحمد الفلو]

بس جربوا و منشوف

أختي الكريمة كيف يعني جربوا ومنشوف، هيدي مفهمتا

منحنا منقول بس إنو الإسلام يجيز التعدد من باب الفقه في الدين وليس التطبيق ممنخلص :)

[أم سفيان]

رح كون صريحة هالمرة ورح خلي المزح عجنب
متل ما آلوا الإخوة أبل مني ما شرط تكون الواحدة بتعرف تطبخ أبل ما تتزوج بتئدر تتعلم بشهر ومن الكتب ووحدا كمان اذا بدااااا
أما اذا ما بدا ما تحطولا عشرين شاف يعلموا مارح تتعلم
والسبب راجع لشخصين الأم والزوج
الأم لازم تحط حد للبنت بس من طيبة الأمات بيحبو يريحوا بناتن بعد الزواج ومانن عارفين أنن عم يضروا أكتر ما عم ينفعوا
أما الزوج يا إما بيكون عديم الشخصية مرتو أمشيتو متل ما بدا أو انن تنينن طنجرة ولئيت غطاها مصلحجية ولو عحساب تعب غيرن
الأم بتبءا جامعا كل الأوجاع بجسما بس ما حدا حاسس فيا والصراحة بتستاهل هيه اللي جابتو لحالا

[محمد الكوسا]

القلمون صار فيها عدة نماذج شباب آخدين من خارج القلمون والحمد لله حياتهم سعيدة....


يعني في ناس آخدين من خارج القلمون وعايشين من أحلى ما يكون وفي ناس آخدين من القلمون وحياتهم كلياتها خلافات....

ما عم قول انو كل واحد بياخد من برات القلمون فرح تكون حياته سعيدة و..... وما عم قول كل واحد عم يخد من القلمون رح تكون حياته جحيم و....


بس يلي عم قوله إنو العبرة بالبنت ودينها وأخلاقها وأهلها و..... والأوادم مش محصورين بالقلمون، والقلمون مش كلياتهم أوادم....


منيح بلشت تروجع شوية
رح ننظر بوضعك

[أيمن غ القلموني]

السلام عليكم مع كل التواضع ولو بنت القلمون ما بتعرف تطبخ و تنفخ وتنشر بس ما تاخذني مش حتلاقوا مثلها ولو كلامي يمكن يلاقي كتير من الاعتراض بس جربوا و منشوف .


لش مين فاي يعترض على كلامك أختي الكريمة !!! منطقي ومدعوم بأدلة :rolleyes:



نفهم من كلام الاخت أم عمر دعوتها إلى القبول بالتعدد واقعاً ، فالقلمونية مافي متلا ( لو ما بتعرف تطبخ ولو ما بتعرف تجلي ولو ولو ولو ) يكفيك أنها قلمونية .


والثانية تكون هي التي تقوم بكل شيء ، بس لا تصل لمرتبة القلمونية لأنها ليست قلمونية .


وإذا ما صدقتوا جربوا ، بس كيف بجرب الواحد بهذه الحالة ؟؟؟ الله وأعلم.


يبقى القول بأن البنت المسلمة والشاب المسلم لا يقاسون بمكان منشئهم ، انما يقاسون بكيفية نشأتهم وعلى أي أسس .


لكن لا شك أن العادات والتقاليد القريبة لها من الأهمية بمكان .

[Nader 3:16]

يا شباب لا تنسوا العقيدة القلمونية!
يعني تخيلوا ولادكم عم يحكو بيروتي او طرابلس او .... بس يكبروا!

وبعدين بعض الاكلات والطبخات ما بيطلعوا طيبين الا من اديين القلمونيين.

يعني نحنا وءت عم نحكي عن الطبخ عم نحكاي عن عذاء فكري قلموني بدو يمشي بعروقنا.

وبعدين يا ريت نسمع صوت البنات القلامنة اولاً...

لأنو الاخت moi و اليمامة الحضرمية وحدون عم يحكاو وهنّ منون من الالمون....
الاخوات ام سفيان و ام عمر بيعرفو يطبخوا.
بس عم نحكي عن الجيل الطالع يلاي مبيعرف يتبخ.

[أمين أحمد الحاج محمد]

أنا مع الأخ نادر انو من المستحيل انو قلموني صحيح الإنتماء يسمح لنسفو انو يسمع ولادو عم يحكوا طرابلسي (شوباك, عالبحار, بزار , راس الصخار,.....) او بيروتي (بيعيد, عمبندهلك, شو اشباك, فقستني, ....)
ولكن اذا كان لا بد فاعلا فعليه ان يسكن في القلمون ويعلم زوجته اللهجة القلمونية الصرفة و يبعت مرتو عالفرن لعند عيشة كل يوم تتجيب خبز و....

[أم سفيان]

بما انو غيرتو مسار الموضوع وصار عن اللهجة القلمونية
من مدة وانا عم فكر حط موضوع عن هالشغلة لأني عم شوف تشويه للهجه وخصوصا وأتا بيكتب الأخ نادر وأختو فلوريتا
هالجلءان هادا هل هوا مختص بعيل دون عيل أو بحارات معينة لأن أنا ما بحكي بهالطريئة واللهجة الألمونية بس فيا مط بآخر الكلمة
ما حدا ياخد عني فكرة اني عم اتبرا من لهجتي أنا عادة ما بغير لهجتي مع الغرب إلا اذا ما فهمو عليي بس عندي مثلا سفيان معظم الأحيان اذا التأينا بحدا عربي بؤلو يحكي إنكليزي لأن بحس حكيو جرصه كل كلمة فيا ألف بالأخر بيضما وبيعملا صدى يعني اذا بدو يؤل مثلا حآ بيؤلا حؤووو ما بعرف لمن عم ننزل علبنان هيأتو كان عم يمشي مع حدا من مشمش أو من فنيدئ
بس من جد إذا لهجة أحلى الأفضل إنا نغير هاللهجة لأنا منا هاللأطة

[flauritta]

بما انو غيرتو مسار الموضوع وصار عن اللهجة القلمونية
من مدة وانا عم فكر حط موضوع عن هالشغلة لأني عم شوف تشويه للهجه وخصوصا وأتا بيكتب الأخ نادر وأختو فلوريتا
هالجلءان هادا هل هوا مختص بعيل دون عيل أو بحارات معينة لأن أنا ما بحكي بهالطريئة واللهجة الألمونية بس فيا مط بآخر الكلمة
ما حدا ياخد عني فكرة اني عم اتبرا من لهجتي أنا عادة ما بغير لهجتي مع الغرب إلا اذا ما فهمو عليي بس عندي مثلا سفيان معظم الأحيان اذا التأينا بحدا عربي بؤلو يحكي إنكليزي لأن بحس حكيو جرصه كل كلمة فيا ألف بالأخر بيضما وبيعملا صدى يعني اذا بدو يؤل مثلا حآ بيؤلا حؤووو ما بعرف لمن عم ننزل علبنان هيأتو كان عم يمشي مع حدا من مشمش أو من فنيدئ
بس من جد إذا لهجة أحلى الأفضل إنا نغير هاللهجة لأنا منا هاللأطة





هلّء من بين كل الموجودين عالمنتدى..ما في غير أنا و أخي طلعنا منجلء حكينا بالألموناي؟؟
http://forum.qalamoun.com/images/icons/icon5.gif

[محمد أحمد الفلو]

يبدو يا أم سفيان إنو صرلك زمان منك سامعا الحج أبو أمين هو ومعصب

[أم سفيان]

شو فلوريتا هيأتك زعلتي مني
يمكن في كم شخص بيكتبو بنفس الطريئة بس تذكرت أسماءكن لأنكن ماشالله من الأعضاء النشيطين بالمنتدى بس إنتو عنجد بتحكو متل ما بتكتبو ولا الكتابة فيا شوية مبالغة
يا أخي محمد أبي معظم أوءاتو معصب كيف ماني متذكره كيف بيحكي
بس اللي بعرفو انو اللهجة الألمونية بتمط آخر كلمة بالجملة منو كل الكلمات

[محمد الكوسا]

لمن عم ننزل علبنان هيأتو كان عم يمشي مع حدا من مشمش أو من فنيدئ


??????????؟؟؟؟؟؟؟؟؟؟؟؟

[Moi]

يا شباب لا تنسوا العقيدة القلمونية!
يعني تخيلوا ولادكم عم يحكو بيروتي او طرابلس او .... بس يكبروا!

وبعدين بعض الاكلات والطبخات ما بيطلعوا طيبين الا من اديين القلمونيين.

يعني نحنا وءت عم نحكي عن الطبخ عم نحكاي عن عذاء فكري قلموني بدو يمشي بعروقنا.

وبعدين يا ريت نسمع صوت البنات القلامنة اولاً...

لأنو الاخت moi و اليمامة الحضرمية وحدون عم يحكاو وهنّ منون من الالمون....
الاخوات ام سفيان و ام عمر بيعرفو يطبخوا.
بس عم نحكي عن الجيل الطالع يلاي مبيعرف يتبخ.

لاااااااااااااااااااااااااااااااا كتير هيك
صار الحكي البيروتي عاااااااااااااااااااااااااااااااااااااار
يه
لك ما بيكفي بدنا نفكّ الحرف لنفهم عليكن و لازم نمط الحكي لتفهمو علينا و عشو عم تحكي هيك
بعدين البيروتي أكتر لهجة class و كل الناس لما تجي علبنان بتجي عبيروت ست الدنيا
و انت يا نادر فقعان لأنك مش بيروتي معلش بدك كتيييييييييييييير لتصير بيروتي و ما بتصير :1 (48):
انزل عالأرض شوي
مش معقوووووووووووووووووووووووووووول
أصلا يصحلّك تاخد وحدة من عنّا
بالقليلة كلنا منعرف نطبخ و ندير البيت و نعمل بالخارج و متعلمات درجات عليا و مثقفين و class
و دووووووووووووووووووووووووووووووووووووووووووع إنت

[أيمن غ القلموني]

[quote=محمد الكوسا;91947]
??????????؟؟؟؟؟؟؟؟؟؟؟؟







ههههة يا أخ محمد :) ، جملة قوية



تحية إلى الأخ سفيان على تمسكه باللهجة القلمونية الأصيلة ونشد على يديه ، وحكيو كتير حلو .

[محمد الكوسا]

ههههة يا أخ محمد :) ، جملة قوية



تحية إلى الأخ سفيان على تمسكه باللهجة القلمونية الأصيلة ونشد على يديه ، وحكيو كتير حلو .




انا ذاكر انو سفيان كان بيحكي انغليزي بالباكستاني كان يموتنا الدحك
الله يوجهلو الخير و يجي بالسلامة

[محمد أحمد الفلو]

عندي مثلا سفيان معظم الأحيان اذا التأينا بحدا عربي بؤلو يحكي إنكليز





حتى انت يا أم سفيان


انا لحد هلأ ما فيني اتقبل شوف شب عراقي ورفيقو سوري عم يحكوا فرنسي !!!

الله يستر ما يجي اليوم يلي شوف فيه ابن قلموني عم يحكي مع ابن قلموني تاني فرنسي والا اتكليزي

[flauritta]

شو فلوريتا هيأتك زعلتي مني
يمكن في كم شخص بيكتبو بنفس الطريئة بس تذكرت أسماءكن لأنكن ماشالله من الأعضاء النشيطين بالمنتدى بس إنتو عنجد بتحكو متل ما بتكتبو ولا الكتابة فيا شوية مبالغة
يا أخي محمد أبي معظم أوءاتو معصب كيف ماني متذكره كيف بيحكي
بس اللي بعرفو انو اللهجة الألمونية بتمط آخر كلمة بالجملة منو كل الكلمات



له يا أم سفيان السلفية..ما زعلت ولا شي..بس استغربت صراحةً انّو ليش نأيتيني أنا و أخي..شكلنا مميزين..عكل حال شربحنا؟؟http://forum.qalamoun.com/images/icons/icon10.gif
بس فكرة أنا عضو نشيط..لأ هادي استغربتلا أكتر..من وين شايفتيني نشيطة بالمنتدى..الله يهديكي..ما تغرّك المدائح لّي كاتبينا تحت اسمي( عضو نشيط)..
و عفكرة حكيي كتير عادي بالألموناي..يعني ما بحكي متل عيشة و هل ؤرطة..
ولا(walai) ما تؤومي ما فهمتي عليّي و خسّبتي شي تاناي تنكسري ع زعامك (شمعناتا داي ؟؟)...http://forum.qalamoun.com/images/icons/icon10.gif
ودوووووووووووووووع

[flauritta]

عفكرة عندي أسئلة مجنونة عالسريع..
أوّلاً..شستفادتو من طرح هالموضوع؟
شعرّفكن ازا بنات الضيعة بتعرف تطبخ أو لأ؟وين استنتجتوا هالشي؟
ليش الواحدة ما فيا تتعلم وتحضر دروس دين وتطبخ ولا الشغلة صعبة كتير ؟؟ أو الواحدة التانية تكزّر و تطبخ كمان؟
عأيّة خلفية فتحتو الموضوع ... الظاهر اهلو لكل واحد فيكم ما بتعرف تطبخ مشان هيك فشيتو خلئكم(بس أمي بتعرف تطبخ و بلاوي كمان)http://forum.qalamoun.com/images/icons/icon10.gifhttp://forum.qalamoun.com/images/icons/icon12.gif
أخيراً..شكلو هدفكم تشوّهو سمعة البنت الألمونية..بس صرنا معودين..لأن شفنا هالشي ع منتدى تاني..الله يعطيكم ألف عافية..الى الأمام ان شاء الله..

[أمين أحمد الحاج محمد]

لاااااااااااااااااااااااااااااااا كتير هيك
صار الحكي البيروتي عاااااااااااااااااااااااااااااااااااااار
يه
لك ما بيكفي بدنا نفكّ الحرف لنفهم عليكن و لازم نمط الحكي لتفهمو علينا و عشو عم تحكي هيك
بعدين البيروتي أكتر لهجة class و كل الناس لما تجي علبنان بتجي عبيروت ست الدنيا

حاجة تكعرينا بهالقصص ما بتعرفوا تفكوا الحرف انتو اصلا من يو م يومكن بعدين مين ضربك عإيدك وألك تعاي عالمنتدى وكتبيلنا بالبيروتاي وبعدين مينيه هادي بيروت ست الدينيه وجد الدنيه , كنا وعدناكن نضما لدولتنا بطلنا لأنك حكيتي بهاللهجة الفوقية شوية!!!...

أما بالنسبة لأختي العزيزة أم سفيان فأحييها وأقول:
لهجة سفيان تأثرت بالكلام القلموني الأصيل ولو انو الباش كان عريفاو بالكشاف
بعدين ما تنسي انو سفيان من حارة العين أباً عن جد منو متل الباش المتطفل على حارة العين

[الزاهر]

شبكن برمتو الموضوع هالبرمة !!! ... شيلونا من سيرة اللهجات وهالضياع هلأ .... موضوعنا الطبخ ومهاراتو !

[Moi]

حاجة تكعرينا بهالقصص ما بتعرفوا تفكوا الحرف انتو اصلا من يو م يومكن بعدين مين ضربك عإيدك وألك تعاي عالمنتدى وكتبيلنا بالبيروتاي وبعدين مينيه هادي بيروت ست الدينيه وجد الدنيه , كنا وعدناكن نضما لدولتنا بطلنا لأنك حكيتي بهاللهجة الفوقية شوية!!!...



speechless

[الزاهر]

حاجة تكعرينا بهالقصص ما بتعرفوا تفكوا الحرف انتو اصلا من يو م يومكن بعدين مين ضربك عإيدك وألك تعاي عالمنتدى وكتبيلنا بالبيروتاي وبعدين مينيه هادي بيروت ست الدينيه وجد الدنيه , كنا وعدناكن نضما لدولتنا بطلنا لأنك حكيتي بهاللهجة الفوقية شوية!!!...




جِلِف !!!!!!!!

[محمد الكوسا]

جِلِف !!!!!!!!




القلامنة ما تهجمو عا حدا هنه الي تهجمو علينا
ومنا جلافة ابدا......هادي كلمة حق و رأي اكتر من نص القلامنة الي عالمنتدى

[الزاهر]

القلامنة ما تهجمو عا حدا هنه الي تهجمو علينا
ومنا جلافة ابدا......هادي كلمة حق و رأي اكتر من نص القلامنة الي عالمنتدى




جِلِف أكتر منو !!!

وهادي متل أصة ادعاء الاجماع في حين اللي اجمعو عالرأي 3 !!!
:)



إن الرفق لا يكون في شيء إلا زانه . ولا ينزع من شيء إلا شانه

[أمين أحمد الحاج محمد]

أهلا وسهلا فيكي بمنتدى دولة القلمون المستقلة
أما انك تتمسخري عالحكي القلموني وتستعملي الفاظ نابية متل "اخرس" فهادا ليس من اخلاقنا فلو سمحتي ما تكتبي هالألفاظ عمنتدانا!!!!....

واما بالنسبة للأخ زاهر فسامحني ان كنت اتكلم بشوية عصبية لأنو عصبتني!!!!....

[الزاهر]

أهلا وسهلا فيكي بمنتدى دولة القلمون المستقلة
أما انك تتمسخري عالحكي القلموني وتستعملي الفاظ نابية متل "اخرس" فهادا ليس من اخلاقنا فلو سمحتي ما تكتبي هالألفاظ عمنتدانا!!!!....



يا زلمة خلي أختك أم سفيان تعملك كم درس انغليزي !!! :)
سبيتشلس يعني أد ما انصدمت بقساوة كلامك مؤ يطلع معها حكي !!!

[أمين أحمد الحاج محمد]

وبالنسبة للكلمة التي نعت بها فمقبولة منك يا اخ زاهر
اذا انت شايف هيك فهادا رأيك فيك تعبر عنو بكل حرية

[محمد الكوسا]

هنه البيارتة نعّومين و بيزعلو عالطاير
بدن يحكو عالقلامنة عا منتدى القلمون وبدنا نسكتلن
و بدن ينكشو بالفيديوهات تبعيتنا ع قنواتنا الخاصة عاليوتوب و منسكت كمان
حرام ما يقومو يزعلو!!!!
ياااااااااااااااااي وااااو

[الزاهر]

هنه البيارتة نعّومين و بيزعلو عالطاير
بدن يحكو عالقلامنة عا منتدى القلمون وبدنا نسكتلن
و بدن ينكشو بالفيديوهات تبعيتنا ع قنواتنا الخاصة عاليوتوب و منسكت كمان
حرام ما يقومو يزعلو!!!!
ياااااااااااااااااي وااااو





حلو

يحق للقلموني ما لا يحق لغيره ... إنت بيحألك تنهش بعضام الطرابلسية والبيارتة بس هنة ناس فئة تانية ما بيحألهم اللي بيحألك ... بك تألي منو بمنتدى القلمون بألك ليش أمتن الي عملو المنتدى آلو هو حكر عأهل القلمون ؟ أو حددو إنو هالمواضيع حرام وممنوعة ؟


وبالنسبة للفيديوهات ... وئت بدك ما حدا يشوفهم لا تتركهم بابلك !!! ... عامل القناة تبعيتك برايفت بس تارك الفيديوهات اللي بيبحث عنهم أو عن شي ممكن يوصل لهم بيلائيهم !!!

[أمين أحمد الحاج محمد]

انا فسرتها عالجوجل الكذابين كتبولي "اخرس"
فتفاجأت وكتبت ما كتبت
على فكرة اني ما اقتنعت بترجمة جوجل

[الزاهر]

انا فسرتها عالجوجل الكذابين كتبولي "اخرس"
فتفاجأت وكتبت ما كتبت
على فكرة اني ما اقتنعت بترجمة جوجل


شيخ الاسلام غووغل أصدو "أخرس" .. مش "إخرس"
:)
بتصير بأرقا العائلات.. أولة معتوق
ما في حدا ما بيغلط

[محمد الكوسا]

زاهر انت دائما مع الغرب ضد القلامنة تحت مسميات عدة منها حرية الرأي
اليوم في اجتماع بدنا نقرر شبدنا نعمل فيك
الله يستر
و الفيديوهات ولو كانو منن مخفيين ما لهن الحق يحطوهن عالمنتدى و يتدخلو بخصوصيات غيرن

[أيمن غ القلموني]

انا فسرتها عالجوجل الكذابين كتبولي "اخرس"
فتفاجأت وكتبت ما كتبت
على فكرة اني ما اقتنعت بترجمة جوجل



الاخت أعتقد أنها تقصد أن لسانها قد إنعقد من شدة تفاجئها بما كتبت لها ولا إعتقد أنها تقصد كما فسرها الشيخ جوجل :) .

[الزاهر]

و الفيديوهات ولو كانو منن مخفيين ما لهن الحق يحطوهن عالمنتدى و يتدخلو بخصوصيات غيرن




حلوة هادي ....
ليش انا بيحألي جيب مواضيع لها علاقة بالقلمون عن النت وحط الفيديوهات عالمنتدى وبقية العالم لا ؟

وئت بدك العالم ما تشوف بضاعتك لا تعرضها !!!
مو تعرضها وبس حدا يشوفها تألو ليش شفتها !!!


عملت متل اللي بتنزل عالشارع عآخر طرز متبرجة سافرة متكشفة ... وبس حدا يتطلع فيها ويلطش عليها ... يييييييييييي ... تطلعو فيني !!!

[أم سفيان]

لحئتوا تتعالؤا
معليش يا أمين موا لها عليك اعتذار بس أكيد هيه عارفة انك عم تمزح منا جد الؤصة
بحب علئ عشغلة فهما غلط الأخ محمد
أنا أكره الشي عليي تنين عرب ويحكوا انكليزي لأن حكين بيكون في تصنع وتكلف ودمن تئيل اللي بيعملو هيك بس لما بيكون الواحد عم يحكي حدا ليبي أو مصري فهادول مانن سامعين غير اللبناني اللي بالفضائيات فاذا حكيت معن ألموني بيفكروا انا جايين من كوكب تاني فبيضطر الواحد يغير اللهجة شوية وبما انو الولاد ما بيعرفو يغيروا لهجتن فبيضطر الواحد يؤلن احكو انكليزي وبيطلع منن الإنكليزي طبيعي لأنن خالئين ببلد أجنبي

[hadid]

شو يا زاهر ؟ مستلم الكل وعم تشغلن ببعض من أول الموضوع أنا شايف ؟؟؟

[أم عمر]

السلام عليكم شوبكن يا جماعة رحتوا عن الموضوع روقوا ع بعض شوي. شفتوا انه الطبخ ما نوا مشكل و في شغلات تانية كتير أهم منه كالتفاهم وتقبل الاخرين خلونا نرجع للكوسا و الورق عنب لكن أفضل يعني و مع ذلك و بعدني ع رأيي ما حتلاقه متل القلامنة:d:1 (48)::1 (87):

[الزاهر]

السلام عليكم شوبكن يا جماعة رحتوا عن الموضوع روقوا ع بعض شوي.


لحئتوا تتعالؤا




هي بكل روح رياضية الأصة ... لكن بالمكتوب لا تظهر التعابير والأحاسيس للأسف
:)

فخليها تكون عبرة لأمين ونادر والباش إنو يمكن تكون عم تمزح وئت عم تكتب أو آخدها من باب التزريك وهالأصص ... بس الطرف التاني بيفكرك عم تبهدلو وتهينو !!!

[أم سفيان]

هلأ عنجد يا أم عمر انتي مئتنعا انو الألمونية اذا كانت ما بتعمل شي بالبيت بتضلا أحسن من واحدة من برات الألمون

[Nader 3:16]

ليش نحنا ما منضحك لما واحد بيروتي او طرابلسي بيحكي ادامنا؟
بينما منسمع عبارات السخرية و الضحك من قبل الغير تجاه لهجتنا؟ لذلك البعض بحاول يغير لهجتو انو هوا كتيير class ومنشان ما يضحكوا علاي الغربية.
ولعلّ الأخ وسيم فاته ما الذي نقصده بالانتماء القلموني: عقيدة سلفية + فكر إخونجي + تفكير راقي.
لكن تعريف العصبية هي ان تميز و تقيس على اساس الجنسية فأنا بعتبر الطرابلسي او البيروتي اقرب لي و احب لي من واحد قلموني بعيد عن الدين.وهادي نظرتنا كلنا.
وخلصت الؤصة.

عودة إلى الموضوع الأصلي...نطلب من الاخت أمّ سفيان و الأخت أم عمر و .... يفتحوا موضوع للطبخ و يحطو وصفات الطبخات المشهورة بالقلمون منشان يستفادوا البنات و ما في مانع تعملوا شي دورة تطبيقية بالصيف.
وحاجتنا نلف و ندور بنفس الفكرة.

وهادي آخر التوصيات ..والموضوع اخد اكبر من حجمو.

والسلام عليكم.

[أم سفيان]

أنا صحيح بعرف أطبخ وعلى فكرة سافرت عكندا ماني متذكرة إني حتى آلية بيض ببيت إهلي كنت ساعد بتنضيف البيت أما الطبخ لا بس تعملت من أبو سفيان ومن الكتب
بس أكره الشي عليي الطبخ منا هوايتي بس بطبخ لأنو لازم أطبخ أما إني حط موضوع عن الطبخ ممكن حطلكن إكلات سريعة وطيبة بنفس الوأت وخصوصا للي بيحبوا الشيشبرك وما بدن يؤعدو من أول النهار لآخرو عم يعملو هألإكلة

[الشامي]

السلام عليكم ...

يا أم عمر ... ويا أم سفيان ... شكلي رح اتدخل ها...

يعني للأسف منبلش مزح وبيتطور بيصير مزح تقيل بعدين بيصير زعل ، الأخت موا ، احنا مزحنا تقيل :) متل ما قالتلك أم سفيان أمين أكيد ما قصدو يزعلك واللي بيعرف أمين بيعرف هالشي... بس القصة انو منتعامل مع كل العالم متل رفقاتنا فاعتبرناكي واحدة منا وفينا (وهي عطيناكي الهوية القلمونية :)..)

وهل انتي يا أم عمر بينك وبين نفسك راضية عن فكرة انو القلمونية أحسن ولو شو ما كان؟؟ ما بتصور ...

يعني الموضوع طلع عن مساروا كتير للحقيقة بس في شغلات ما بينسكت عنها ............. خليكي يا أم عمر منفتحة متل أم سفيان وخلي المقياس تاعك للإختيار هو (إذا نظرت إليها سرتك وان أمرتها أطاعتك وان غبت عنها حفظتك ) يعني مقياس الرسول اللهم صلي عليه... مقياس الدين ...

ولو كانت صينية أو تايلندية (يعني تقليد) ومسلمة ومتوفرة فيها هالصفات فهي خير وفيها الخير...

وبالآخر متل ما قال الكل ان توفرت هالصفات بالألمونية فهي الأولى مش لأنها من الألمون ولكن لأنها من نفس التربة والثقافة والبيئة اللي نشأ فيها الألموني اللي بدو ياخدها...

وان بيضل الموضوع خارج عن الموضوع رح اضطر عدد فيه مواضيع تانية ..........

أخوكم:rolleyes:

[الشامي]

كأني فهمت منك يا أم سفيان انك بدك بدل الشيشبرك تعملي معكرونة بلبن وشوية كزبرا ومنخلطن لحمة مقلية ومناكل ومنتخيل حالنا عم ناكل شيشبارك ؟؟؟....

ان هيك قصدك فلا حول ولا قوة الا بالله العلي العظيم ...

[أم سفيان]

إلا التعدد تبعك خلي عجنب
مظبوط بتسدئ كأنك عم تاكل شيشبرك مافي فرء أبدا

[الشامي]

ما قلتلك يا ناااااااااااااادر

ولك حافظن أنا للنسوان ، بعرفن عن ظهر قلب...

بسمعلك سورة النساء؟؟؟

والكوسا بدل ما نحشيها منخرطها ونفس الطعمة

والكبة بدل ما نأورها كمان منعملها بالصينية ونفس الطعمة ... وهيك منكون حافظنا على التراث بس بنفس الوقت ضفنا طرق جديدة من الأجيال الجديدة.....

سماع يا عمر ملاط وين صرنا... عجبك هيك ...

الله كبير

[Nader 3:16]

هادا بكتاب المنهج القلموني للعلامة الزاهر القلموني...حل عنا بءا يا وسيم و خلينا بموضوع الطبخ.

الفكرة يا أخ ام سفيان: اسبوعياً بتحطينا وصفة بتتانوبي انتي و الاخت ام عمر...مرة اللوبيا و مرة ورء العنب و مرة السبانع و هالشغلات....منشان نضلنا محافظين عتراثنا.
يا اما جاهزين او لأ...شو؟؟؟
هلء بلشنا بالجد..!

وهالموضوع ذكرني بمواضيع اول ما فتح المنتدى ..ببلش الموضوع عن الزواج مثلاً بيطور ليصير عن البلدية و بينتهي هل بجوز تترحم عالغير مسلم.

[Nader 3:16]

إلا التعدد تبعك خلي عجنب
مظبوط بتسدئ كأنك عم تاكل شيشبرك مافي فرء أبدا

والورء عنب كيف بتعمليها؟

يا زلمة يا زيد من هنا تبدأ دعائم دولتنا القلمونية بالسقوط...!

[أم سفيان]

هلأ هيك أنا ألت
أنا بس حكيت عن الشيشبرك
وعفكرة مرة جربت الملفوف خرطتو وحطيت لحمة ورز فوء منن كنت عم شوف كنو بيطلع نفس الشي بس ما طلعو طيبين
هلأ اللي اخترعوا الإكل آلو ما حدا يجرب يحيد عن الوصفات اللي عملناها يعني إذا إنلآ طريئة بتريح أكتر ما أحسنلنا

[أم سفيان]

هلأ بلشتو تتمرءعوني كمان الورء عنب جربتا متل الملفوف أصر أبو سفيان إني جربن حابب يريحني بس رجعت للطريئة التقليدية

[الشامي]

كلو الحق عليك ...

يعني وزيرة للطبخ وتراث المطبخ القلموني ما حطيت ... ولسا بتقلي دولة ...

يحرء ديبك يعني دولة لبنان رح تصير أحسن من دولة الألمون ...

ولك بيصير دولة ألمونية بدون ورق عنب ؟؟؟ وبكرة لسا كمان معجون ورأ العنب !!! بتصير طبخة ألمونية...

والله زمان يا أبو عمير ... يعني متذكر وقت مرة حطيت أكلة انت طبختها؟؟؟ شكلك رح تطلع انت الشيف رمزي تاع منتدى القلمون ... هذُلت ...

[Nader 3:16]

هلأ هيك أنا ألت
أنا بس حكيت عن الشيشبرك
وعفكرة مرة جربت الملفوف خرطتو وحطيت لحمة ورز فوء منن كنت عم شوف كنو بيطلع نفس الشي بس ما طلعو طيبين
هلأ اللي اخترعوا الإكل آلو ما حدا يجرب يحيد عن الوصفات اللي عملناها يعني إذا إنلآ طريئة بتريح أكتر ما أحسنلنا

هلء التزموا بالعادات و نكون لكنّ من الشاكرين.

[الشامي]

خلص أنا بقترح على أم سفيان بس تعمل هالصحون اللي عم تحكي عنها تصورلنا ياها ...

حابب شوف منظر صحن الملفوف هو ومهروم ونفس الشي الورء عنب ...
يمكن بالآخر نقتنع معها ...

اللي اخترعوا الأكل قالوا انو العين بتاكل هي والمنخار قبل التم ... هيك متذكر قالوا

[أم سفيان]

ما ألتلكن جربتا مرة واحدة وما عدت عدتا

[الشامي]

هلأ يعني أيش؟؟

وين وصلنا هلأ؟؟

[أم سفيان]

رح ألكن شغلة من زمان كانت الواحدة اذا بدا تعمل إكلة شيشبرك تلائي عشرة معا يساعدوها كانت الناس تطبخ مع بعضا وتساعد بعضا هلأ الروابط هادي بديت تئل بشكل ملحوظ حتى أحيان في منن بتبءا الواحدة معزومة مثلا عند أما بتجي وأت الإكل ما بتفكر تجي أبل بوأت لتساعدا منشان هيك عنجد عم احكي اذا كان في إكلات بيئدر الواحد يختصرن ليش لأ ليش لتؤعد الواحدة من أول النهار لأخرو عم تعمل إكلة بدا تتاكل بعشر دآيئ وهيه بدا تعرنس رأبتا تلات إيام بعد هالطبخة
أنا والله هادا رأيي

[Nader 3:16]

هو الطبخ ازا ما فاي تعب متوقعين يطلع طيب؟؟؟؟

وعلى فكرة هلء يمكن مفكرينا عم نمزح...عنجد هلء طالع جيل من البنات ما بيعرفوا يطبخوا ابداً!!....! واسا لحديت هلء ما حدا اسقط هالنظرية بالعكس عم نكتشف انو حتى الجيل الأكبر بلش يفرّط بالطبخ.
واذا هالبنات حبّوا يتعلموا الطبخ الجديد المريح على مذهب أم سفيان.
فعلى القلمون السلامة.

[وسيم أحمد الفلو]

هلأ معقولة الواحد ينزل من الجامعة عالبيت يلاقي في 30 مشاركة واصلة عميلو

[Amer-ol-tabche]

ولا أمين مفكر كل لعالم بتستحمل حكيك ، حتى أنا كان أحيان يحكمني نوبه عصبيه من مزحك

[الشامي]

وأنا رح ألكن شغلات ... انو من زمان وقت كانت الواحدة بدها تغسل تياب أبيض تنزل تشعل نار بالحقلة وتنفخ النارات أكيد بعد ما تجمع الحطبات وتنزل الحلة الكبيرة وتعبيها موية لفوق وتحط هالغسيل وتبلش تدعكو بالقصبة ... وعلى دعك وبعدين تحملن وتروح تشطفن على العين ... هدا غير الملون اللي بدها تغسلوا على ايدا ... وهيدا غير التحفيض تاع شرشور الولاد ( يا رب بلا حسيدة ) وحفاضات كلها خالصة متل اليوم يعني ( حفاضات شقف قماش وكياس نيلون وبدها غلي وتشطيف على العين بعدين ) ...

يعني عم تتذكروا بأيش كان في ناس تساعد ونسيتوا شو كانوا يعملوا بوقتها ... عارف انو الرجال كانو يحملو المعدور ويطلعو يحفروا بالصخر ... وهلأ شغلن غير عن الأول ... بس النسوان كمان ما بقي من شغلن غير الطبخ وانو ينتبهوا على زواجن والباقي صارت قصتو سهلة فيكي تغسلي صار بفقسة عبر الكيبورد...

بدنا جواب عملي تكوني انتي يا أم سفيان مقتنعة فيه ، وانتي يا أم عمر كمان .......

[الشامي]

يا خيي يا وسيم يا فلو ... لا تستغرب الموضوع اللي عم نحكي فيه أهم من البلدية والإستحقاق تاعها ... لأن بيأدي إلى إنقراض تراث من واقعنا القلموني المُعاصر ... وانت أكيد بيهمك موضوع الأكل أم أنا غلطان... :d

[أم سفيان]

مظبوط حكيك بس مبالغ في كمان شغل البيت بياخد وأت وبعدين ما بصير الواحدة تأضي وأتا ملو بالمطبخ بدا تؤرالا كتاب تراجعلا سورة ترفه عن نفسا متل ما هلأ عم نرفه عن نفسنا
يمكن لو كان أبو سفيان بيهتم بالطبخ كتير كانت تغيرت نظرتي هيه بالنتيجة كل واحدة بدا تشوف اهتمامات زوجا واذا بيحب الطبخ وبيأنف كتير بهالمسألة ضروري تبرع في
بس انتو خدتو عني فكرة غلط انا بطبخ عادي يعني الكوسا والبامة والكبة كلن بعملن بس عندي مبدأ انو اذا في الواحد يوفر وأت بالطبخ ليش لما يوفر يعني ما بصير الواحدة تعيش كل حياتا بين الطناجر

[محمد الكوسا]

يا خيي يا وسيم يا فلو ... لا تستغرب الموضوع اللي عم نحكي فيه أهم من البلدية والإستحقاق تاعها ... لأن بيأدي إلى إنقراض تراث من واقعنا القلموني المُعاصر ... وانت أكيد بيهمك موضوع الأكل أم أنا غلطان... :d

هههههههههههههه
وسيم فاو ما بيهمو هالأكل
ما مننزل عا مطعم الا منتفشكل في هو وجهاد ووجدي الشيخ
واكلي من وجبتي هاك المرة!!!!!

انا من رأيي انو هالأكلات القديمة الي بتهلك مرتك فيا منا لازمة لأنو الأولاد كمان ما بياكلو من هالأكل بقا

[عمار الفلو]

يا خيي يا وسيم يا فلو ... لا تستغرب الموضوع اللي عم نحكي فيه أهم من البلدية والإستحقاق تاعها ... لأن بيأدي إلى إنقراض تراث من واقعنا القلموني المُعاصر ... وانت أكيد بيهمك موضوع الأكل أم أنا غلطان... :d

هو بيهمو من الاكل كل شي منو داخل بالتراث القلموني, تقريبا مبياكل ولا اكلة من يلي ذكرتون :)

[الشامي]

أنا بقول انو بالبداية القصة يمكن بتاخد وقت وبتكون لبكة وبتحس الواحدة حالها عم تضيع وقتها... بس صدقوني بعدين بتصير تحس بمُتعة والأكلة الفظية الكبيرة بتصير تاخد معها ساعة وساعتين مكسيمول ...

احنا ما خدنا فكرة غلط بالعكس عم نحكي بشكل عام ... وأكيد ما بدنا الواحدة تعيش بين الطناجر بس كمان ما بدنا الرجال يموت جيعان ومشتهي أكلة كوارع ... وراس مسلوخ ومشلوط ( بفتح الواو) على الغاز ... لازم الرجال وقت بتجيه المنية يكون آكل اللي مستحليه ...

رح ابكي والله ... صحيح مرتي بتطبخ كل شي يا حفيظ بس رح ابكي على الأجيال الطالعة ... كيف ما بدها تكدش لسانات مشوية ودماغ هيك مهري من السلق...

الله يرحموووو

[أم سفيان]

شفتو مثلآ الأخ وسيم متل ما عم يؤلوا ما بياكل هالإكل ليش تمرتو تعذب حالا وتطبخ من هالإكلات

[الشامي]

يعني مع احترامي للأخ وسيم ... ما فينا نختصر الحضارة الألمونية كلها فيه ... وسيم ومن شابه وسيم من الشباب (الضياع) بمجال الأكل أكيد ما فينا نقيس علين ... عم نئيس على الثوابت تاعيتنا احنا...

[وسيم أحمد الفلو]

أنا أصلاً يا كوسى متل مآل أخي عمار (وألله يعين الباش أقولها للمرة الألف)


تاني شي ممعقولة بظرف ساعة يصور في 40 مشاركة وكولون يجو عإيميلي وقضيا تمحايي.

كل واحد بدو مرتو تطبخلوا يحكي معا بالبيت، ليش كاعرينا عالمنتدى.

إنو الطبخ والنفخ آخدلكن كل عقلكن وأي موضوع تاني (مرح إحكي عن فلسطين لإنو صار كل واحد بيضرب مثل بهلشغلة) مبلائي فيي 10 مشاركات .


الديناصورات وانقرضت ومحدا حكي شي، عتلانين هم إذا انقرض العكوب ولا الغمة.

[الشامي]

الأخ وسيم المنتدى فُتح لمناقشة القضايا العامة والخاصة حتى ( أكيد بشكل عام ) ... وفيه أقسام مُختلفة وهنا المكان المناسب لهذا الموضوع المهم ...

واحنا عم نحكي بشكل عام عن قضية عااااااااااامة وطااااااااامة

وان مزعوج من الإيميلات اللي عم توصلك منوقفلك هالخدمة ما تعتل همها ...

[أم عمر]

السلام عليكم أخي الشامي شوبك فاتحها جبهة بينك و بين بنت الخال .كان كلامك تمام لحد ما وصلنا للكوارع و اللسانات كزت نفسي يا زلمة. الي بيسمعك بيقول أكيل والله. بعدين ما حدان قد بنت القلمون بتركد لتطعمي زوجها يعني على الأقل معظم طبخنا بيتي و صحي و مو متل غيرنا مفرز و......................... بعدين ليش عم تهربوا من الموضوع الأساسي و بعدني عند رأيي متل بنت القلمون ما حتلاقوا و بعدين شبكن ما نكن فاهمين من الدين غير التعدد والله شغلة شوي وبتصل بأم أحمد ها ..

[الشامي]

القصة قصة مبدأ يا أم عمر :) ... أكيل أو مش أكيل ما بيهم ... :p

[الشامي]

بتعرف خيي عمار وقت كنت بدبي خلال سنتين من غير شر ما خليت أكله باكستانية هندية فيليبينية صينية ما أكلتها ... أنا بطبعي بحب جرب كل شي غريب عني ... ويا بعيدها يا ببطل .. بس هدا شي وقصة التراث القلموني اللي عم ينادي فيه نادر 3:16 قولة فشلان شي تاني...

[أم عمر]

السلام عليكم بعدين شو بيصير اذا ابن القلمون المحترم كمان اتعلم الطبخ .هايدي مو سامعين فيها انه الرسول اللهم صلي يلي كان يساعد عائشة اللهم ارضى عنا بكل شي .او بس بتاخده يلي بدكن اياه وبتتركوا الي ما بيعجبكم .شغلة انته والله .

[الشامي]

هلأ مين قال انو ابن القلمون ما بيعرف يطبخ؟؟؟ (غير وسيم فلو يعني :)) شوفي شو طبخ مرة عمر ملاط وحط الفيديو كمان ...

بس احنا ما فينا نستغني عن نسوانا وأكل نسوانا... هذا تراثنا ... أم بدكم يانا نستغني؟؟؟

[أم عمر]

الظاهر ظبطتها شوية لأن الظاهر أم أحمد طلعت ع النات .يعني بالمشاركة كله بيمشي قولوا هيك بقى و اختموا الموضوع بالكلمة الطيبة .

[عمار الفلو]

هلأ مين قال انو ابن القلمون ما بيعرف يطبخ؟؟؟ (غير وسيم فلو يعني :)) شوفي شو طبخ مرة عمر ملاط وحط الفيديو كمان ...

بس احنا ما فينا نستغني عن نسوانا وأكل نسوانا... هذا تراثنا ... أم بدكم يانا نستغني؟؟؟


الله وكيلك بعد هالسنين من السفر صرنا منعرف نطبخ و نجلي و نكنس و نغسل ... فبعتقد انو حتى بشغل البيت صرنا منعرف اكتر من بنات القلمون

[الشامي]

هلأ هيك طلع معك يا أم عمر... ما عم نحكي الا الخير ...

له يا عمار له ... هلأ بدنا نراضين جيت انت فشكلت القصة كلها ...

عمار ما قصدو ... :d

[عمر ملاط]

خلونا ناكل شيش برك
المواد: معكرونة على شكل اسطوانات... أو تبعيت المعكرون بس الحجم الكبير، قنينة لبن، لحمة مفرومة، بصل، توم، كزبرا، نعنع يابس... بهارات وملح، 3 حبات هال، عود قرفة، 4 ورقات غار، زبدة، زيت، موية، طنجرة ومقلى، سكينة، معلقة، كبشة ونار

المدة المتوقعة: 30 دقيقة

طريقة التحضير:
منحط معكرونة حسب الطلب ومنغمرا مرة ونص بالموية وملعقة زيت (الزيت منشان ما يعجنو على بعضن)، وشويييية ملح وبهارات ومنحطا على النار لحد ما تغلي حوالي خمس دقائق ومنطفي تحتا ومنغطيا كمان خمس دقائق
بنفس الوقت منكون عم نخرط بصل وبقدونس... منحط شوية زبدة بالمقلى ومنقلي اللحمة المفرومة، منزدلا بهارات وملح... قبل ما تستوي علآخر منزيد البصل والكزبرا حتى يتلوحو، ومنطفي النار

منصفي المعكرونة ومندلؤ اللبن (ما منصفي الموية على الآخر منشان اللبن يطلع سايل، ولو صفيناهن زيادة منرجع منزيد موية) ومنرجع منشعل النار، ومنضل نحركن بالكبشة وإلا بيفرط اللبن... بس يغلو... منسقط اللحمة والبصل والكزبرا... ومنفعس سن توم فين.. ومننوس النار على الآخر...
كمان هون منزيد ملح وبهارات حسب الطلب...
منخلين يغلو خمس دقائق على النار الخفيفة.. ولما منطفي النار منزيد فوقن النعنع اليابس... ومنحركن مرة... ومنتركن دقيقة حتى يبردو ومناكل..

ملاحظة مهمة... البهارات علم بحد ذاتو... مش مين ما كان بيعرف يستخدمن... بس فيكن تشكلو من كل نوع رشة خفيفة...

لو حدا بحبها مع رز يعمل رز، بس أنا ما بحبا مع رز....

النتيجة: طعمة مشابهة للشيش برك، بس خدو مثلا شيشبركاية مفتوحة وواقعة منا اللحمة... هادي الطبخة نفس الشي بس كلو مفتوحين وواقعة منن اللحمة :d

وعطونا رأيكن....

[أبو الحسين]

السلام عليكم ...

كيف حالكم جميعاً ..؟

يا عمي احنا عم نحكي عن تراث قلموني ممكن ينقرض مع الوقت و هادا السبب الأساسي لطرح الموضوع ..

بعني حلوة الرجال يجي عالبيت يقول لمرتو : شعاملة إكل؟ تقولو والله جايبين 2 بيتزا هات ..أو تقولو نزال صوب ال كي ف سي جيب وجبتين و طلاع ...

يعني الرجال شبيعمل بهالحالة ..؟؟

بدو يقرف البيت و أكل البيت و كل شي إذا كل يوم عهالحالة ...

ميشان هيك لازم نحافظ عأكلاتنا التراثية و ما نفرط فيا أبدن ..

[عمر ملاط]

ميشان هيك لازم نحافظ عأكلاتنا التراثية و ما نفرط فيا أبدن ..




قصدك لازم ندبر نسوان محافظات... لأن حسب كلامك... المرة ما بقى عم تطبخ... سواء طبخة تراثية او لا.... او أنا غلطان؟؟؟؟؟

[Moi]

أخي الزّهر... أزهر الله أيامكم بالخير و البركة و الرضى منه اللهم آمين
سأحاول قدر الإمكان الرّد باللغة الفصحى حتى لا نختلف و يكون للكلام حدود بين الكل
في النهاية أنتم أخوة و أخوات صالحين و أنا أفتخر أن أكون بينكم

و هذه مشاركة منّي (الفوارغ) و هي أول طبخة صعبة عملتها
الفوارغ المحشوة باللحم

المقادير:

( 4 ) أربعة فوارغ ( نظيفة )
( 1 ) بصلة واحدة
( 1 ) كوب من الأرز المصري الخاص بالحشو
( 2 ) أوقيتان اللحم المفروم ناعماً
( 1/4 ) ربع كوب سمنة مع أني أفضل عادة أن أستعمل فقط ملعقة واحدة من السمن ، و ( 3 ) ملاعق زيت نباتي.

( 1/2) نصف كوب من الصنوبر
( 1/2 ) نصف كوب من الحمص المنقوع و المفقوش ( مع أني أحبها أكثر بدون حمص و لكن نورد الطريقتين إن شاءالله للذوق العام )
( 1 ) كوب واحد من الدقيق ( الطحين)
( 1 ) ملعقة صغيرة من كل من البهار ، القرفة ، الهال الناعم و الملح
( 4 ) أربعة من كل من ( عود قرفة ، ورق الغار و حب الهال )

الطريقة :

( طريقة تنظيف الفوارغ جيدأً )


أولاً نقوم بغسل الفوارغ ، فنبدأ بإزالة قطع الدهن عن كل فارغ دون تمزيقها و نقوم بغسله جيداً جداً


( و يستحسن أن يتم فركك الفارغ جيداً بالدقيق و الملح عدة مرات ) على الأقل 3 مرات.



عند الإنتهاء من التنظيف ، نقوم بقلب الفوارغ ، و طريقة قلب الفوارغ سهلة بعد المرة الأولى

حيث نقوم بإدخال طرف الفارغ في الفارغ نفسه و توضع فتحة الفارغ حول حنفية الماء

فيتم دفش الفارغ بالماء حتى يخرج تلقائياً من الطرف الثاني ، و بذلك يُقلب الفارغ من الداخل إلى الخارج نظيفاً تماماً


نقوم بغسل الأرز بعد تنقيته عدة مرات حتى يصبح ماء غسله أبيضاً دون تعكير و نقوم بتصفيته


( طريقة تحضير الحشو )

هناك طريقتان لحشو الفوارغ

1-
نقوم بإضافة اللحم المفروم و الصنوبر و التوابل و السمنإلى الأرز

2-
نقوم بإضافة أرز ، و حمص حب منقوع قبل ليلة ، و حبة بصل مفروم ناعم
و بالإمكان إضافة قليل من البقدونس المفروم و طبعا مع ملح و فلفل و بهارات و القليل من القرفة



و يخلط المزيج جيداً حتى تتشرب كامل المقادير كمية السمن و التوابل جيداً

و الحشو طبعا معروف بنعومة و منحشي الفارغ بالمقلوب...

[الزاهر]

و هذه مشاركة منّي (الفوارغ) و هي أول طبخة صعبة عملتها
الفوارغ المحشوة باللحم



أيشودا فوارغ :) ؟؟؟؟؟؟؟؟

[Moi]

أيشودا فوارغ :) ؟؟؟؟؟؟؟؟


تيعول الخروف
small and large intestine

[الزاهر]

عنا اسمها "الغَمَّة"

[Moi]

ok ok
got the point
thx

[فرح]

السلام عليكم جميعاً...
و الله زماااان ما شاركنا بالمواضيع المطروحة...
و يا ريت شاركت أبكر من هيك..

بس و الله ما كنت متوقعة إنو شبابنا الكرام يكون رأين فينا هيك..
مشكورين جميعا..و بالأخص الأخ صهيون و الأخ نادر..

صحيح يمكن في تقصير و معكن حء..
بس ممكن أعرف سبب عصبيتكن و دفاعكن عن هل موضوع؟؟؟
الدنية كلاّ عم تنقرض!! وءفت على أكلنا؟؟؟:1 (21):..
يلي بيسمعكن بيؤل يا ويلي الشغل تبعكن شو مأتل بعضو..و صرلكن دهر متزوجين و عم تعانو مع زوجتكن...!!!
بعدين صحيح..ما دامكن خبرة و عاملين إحصاء ما شاء الله عليكن..تفضلو علمون الطبخات يلي بتحبوا!! ولا ما معكن وءت بدكن تفرضو شخصيتكن..و تعيطولا حتى تغسلكن إجريكن بعد منكن راجعين من الكزدار بالشارع؟؟؟:1 (20):
صحيح معكن حء..بس..لا تبؤ تتزوجو ان شاء الله..إبؤ حاسبونا..
و يلي عارف حالو آخد زوجة صالحة و متربية..لازم يكون عارف إنو أخلاقها و دينا ما بيسمحولا إلا إنو تحسن من نفسها كرمال بيتا و راحة زوجها و نفسها...مووووو؟؟؟؟

و الله يبارك بالأخ وسيم و الأخ زاهر و بالجميع على دعمكن و كلامكن الجميل...:1 (52):

يلاّ كل مين يتفضل من الإخوان يتعلملو صنعة للبيت..كرمال يحضر نفسو ليتحمل مسؤلية بيتو...و نحنا ان شاء الله منعمل يلي علينا..و ما منكون أقل من فخر و زوجات صالحات بالدنية و الآخرة...
منيح هيك يا إخوان؟؟؟

يللا يتبع ان شاء الله..

[HARD]

هلأ مين قال انو ابن القلمون ما بيعرف يطبخ؟؟؟ (غير وسيم فلو يعني :)) شوفي شو طبخ مرة عمر ملاط وحط الفيديو كمان ...

بس احنا ما فينا نستغني عن نسوانا وأكل نسوانا... هذا تراثنا ... أم بدكم يانا نستغني؟؟؟

اكيد يا اخي الشامي مافينا نستغني عن اكل نسوانا ، وفيك تسأل الاخ عمر هو طباخ وماهر ومع هيك مافيه يستغني والله اعلم.

بس اذا الفكرة حفاظ على التراث بعتقد الاهل بورثو البنت هذا التراث وهذا الحب وهذا النفس متل ما بقولو، وكمان ولا مرة عرفت بلبنان انو واحد ما طلب واحده لانها ما بتعرف تطبخ مني عارف من وين عم يجيبو الشباب هل المعادلات الكيميائية المفككه. اذا الشباب ما بيعرفو انو لازم يصفو السباغتي من المي بعد السلق ولا بيعرفو اي كبشة لازم يستعملو على الاقل اختيار الكبشه شي منطقي حتى المنطق منو موجود فعشوعم يقولو بيعرفو يطبخو بقصد شباب الضيعه بس المغتربين الله يحميهم كلهم طباخين من الدرجه 1................ :)

[HARD]

عنا اسمها "الغَمَّة"




بعتقد صوب بيروت وهاديك النواحي بيحشو كروش بس ما بيحشو المصران والله اعلم.

[Moi]

بعتقد صوب بيروت وهاديك النواحي بيحشو كروش بس ما بيحشو المصران والله اعلم.

اسمها فوارغ = الشي الرفيع
كروش = الشي التخين كتير الّذي تخيطه بالخيطان بعد الحشي
أبوات= الشي الي مش تخين و لا رفيع
مقادم= إجرين الخروف و في فتّة كتير طيبة اسمها فتة المقادم

[الزاهر]

مقادم= إجرين الخروف و في فتّة كتير طيبة اسمها فتة المقادم



ستي بتعمل اكلة اسمها "مئادم الأرامل" .... بس ما بعرف شو محتوياتها !! :)

[أم عمر]

لسلام عليكم أوف اذا هادا تراثكم الفوارغ الله يعينكم يا بنات أنا برأيي قبل ما تتزوجه تسأله اذا بياكل من هالحكي بلاه يا عمي من وين عم تجيبوا هالأكل رجلين الخروف الله يعيناعليكم.

[محمد]

الأخ حسين زيدان والأخ أسامة دنكر (يمكن) سيعلنوا عن دورة طبخ بالدبية من شان يلي بدو يتسجل
صرلن زمان عم يحضرولها
يمكن فضحتكم بس لا تواخزوني
هادي يمكن يتعجبك يا وسيم
يلي بدو لا يستحي يا شباب

[أيمن غ القلموني]

الأخ حسين زيدان والأخ أسامة دنكر (يمكن) سيعلنوا عن دورة طبخ بالدبية من شان يلي بدو يتسجل
صرلن زمان عم يحضرولها
يمكن فضحتكم بس لا تواخزوني






أخبار طيبة



فكرة مبتكرة للإجتماع ولا تشكو من شيء ،



اللهم إجمع بينهم في خير وبارك لهم في ذريتهم .

[عمار الفلو]

الأخ حسين زيدان والأخ أسامة دنكر (يمكن) سيعلنوا عن دورة طبخ بالدبية من شان يلي بدو يتسجل
صرلن زمان عم يحضرولها
يمكن فضحتكم بس لا تواخزوني
هادي يمكن يتعجبك يا وسيم
يلي بدو لا يستحي يا شباب




محد علمي انو حسين بيعرف يطبخ, إلا اذا تغير بعد مسافرت. هو صحيح عندو طريقة مميزة بالاكل و كل الاكلات بيطلعو معو طيبين و بس بنص ساعة مهما كانت الاكلة (مشوار الطريق من القلمون لطرابلس و 15 دقيقة انتظار) بس بهالحالة لازم تكون الدورة دورة سواقة منو دورة طبخ :confused:. (تحياتي للأخ القائد حسين).

كمان في عنكن الاخ وسيم حكم لازم يشارك بالتعليم لانو عندو وصفات للعشا كتير مميزين :1 (4):

[أبو الحسين]

السلام عليكم جميعاً...
و الله زماااان ما شاركنا بالمواضيع المطروحة...
و يا ريت شاركت أبكر من هيك..

بس و الله ما كنت متوقعة إنو شبابنا الكرام يكون رأين فينا هيك..
مشكورين جميعا..و بالأخص الأخ صهيون و الأخ نادر..

صحيح يمكن في تقصير و معكن حء..
بس ممكن أعرف سبب عصبيتكن و دفاعكن عن هل موضوع؟؟؟
الدنية كلاّ عم تنقرض!! وءفت على أكلنا؟؟؟:1 (21):..
يلي بيسمعكن بيؤل يا ويلي الشغل تبعكن شو مأتل بعضو..و صرلكن دهر متزوجين و عم تعانو مع زوجتكن...!!!
بعدين صحيح..ما دامكن خبرة و عاملين إحصاء ما شاء الله عليكن..تفضلو علمون الطبخات يلي بتحبوا!! ولا ما معكن وءت بدكن تفرضو شخصيتكن..و تعيطولا حتى تغسلكن إجريكن بعد منكن راجعين من الكزدار بالشارع؟؟؟:1 (20):
صحيح معكن حء..بس..لا تبؤ تتزوجو ان شاء الله..إبؤ حاسبونا..
و يلي عارف حالو آخد زوجة صالحة و متربية..لازم يكون عارف إنو أخلاقها و دينا ما بيسمحولا إلا إنو تحسن من نفسها كرمال بيتا و راحة زوجها و نفسها...مووووو؟؟؟؟

و الله يبارك بالأخ وسيم و الأخ زاهر و بالجميع على دعمكن و كلامكن الجميل...:1 (52):

يلاّ كل مين يتفضل من الإخوان يتعلملو صنعة للبيت..كرمال يحضر نفسو ليتحمل مسؤلية بيتو...و نحنا ان شاء الله منعمل يلي علينا..و ما منكون أقل من فخر و زوجات صالحات بالدنية و الآخرة...
منيح هيك يا إخوان؟؟؟

يللا يتبع ان شاء الله..

السلام عليكم ...

بارك الله فيكي يا أخت فرح ..و لكن إحنا طرحنا الموضوع لأن هيك الضيعة رايحة ..صوب التوجه يلي حكيت علي (الأكل الجاهز..)

و بعدين إحنا ما شملنا ...أنا زدت عبارة إلا من رحم ربي ميشان ما نظلم..فيلي بتعرف تطبخ و قايمة بواجب البيت على أتم وجه ..معناتو منا مشمولة بالموضوع ..

أنا عم إحكي عن الواقع لي إحنا في هلأ و يلي بدو يصير إسا عأتعس لإدام ..

الله يعين و يساعد ..

السلام عليكم

[أمين أحمد الحاج محمد]

بالنسبة لموضوع الأكل والطبخات يا شباب انا بعتقد انو كل واحد بيحس انو طبخ امو أطيب أكل بالعالم
بس اصحا واحد يعترف لمرتو بها الحقيقة أحسن ما يكسرلها بمقاديفها لازم يشجعها !!!...
وأهم شغلة انو يعطيها رأيو بالطبخة بلطافة لأنو المرة بتنطر الحكم على الطبخة فإذا كانت ناجحة بتنسى التعب واذا ما عجت الرجال الإكلة بتعملوا زفة نقار وزعل قد تستغرق 24 ساعة او اكتر

[ramo]

السلام عليكم
ممكن نشارك ؟؟
http://forum.qalamoun.com/showthread.php?t=7471

كمان سؤال ضايع : شمعناتا 3akkaring ؟؟

[الزاهر]

كنت أود المشاركة في هذا الموضوع بصور تظهر مهارة بنت القلمون الأصيلة في فنون الطبخ ودقة صنعتها واهتمامها بالمقادير والمواقيت المخصصة لذلك (منشان هيك الصورة هي لسمون بجبنة محروق، دووووووووع !!!! ) لكن تمت رشوتنا بعرض من الدنيا قليل حتى لا نُظهر الحقائق !!!:1 (40):

[خنساء القلمون]

السلام عليكم ، بارك الله بكم يا شباب على حرصكم الزائد ولكن ما هكذا تورد الابل فطريقة طرح الموضوع لم تأخذ طابع الجدية بل وكأني فهمت انه تحد في كتابته
ولكنكم اطلقتم شائعات و صدقتوها .
والتي تتقن الطبخ ليست مضطرة لعرض بضاعتها على صفحة القلمون كي تخرج من قفص الاتهام. فحرصنا على تعلم الطبخ مثل حرصنا على حضور الحلقات و القراءة.
وهذه المداخلة نيابة عن بنات القلمون.

[عبد الله]

مين قال انوا الشغلة مشكلة أكل جاهز وبس شو نسيتوا غسيل التياب بيكون الواحده منن عندها أفخر أنواع الغسالات ورغم هيك عنا كل اسبوع مشوار للمصبغة وصارت الغسالة منظر ميشان ما يعيروها اهل الحي انوا بيتها ناقص .
بعد بدكن نحكي في حكي كتير بس خلي كل شي بوقتوا .
قال قلمونية قال هههههه

[محمد أحمد الفلو]

إذا أنا بعد ما سافرت صرت بطبخ اشيا أمي كانت تعملا، واشيا اخترعتا واشيا تعلمتا ممن حولي !
شحال البنات !!!


قبل

مو بس ما كنا نطبخ، كنت إذا كلت يا أترك الصحن ع الطاوله عيب :) يا كب الملعقة من بعيد بالمجله



قياساً على المثل : الحاجه أم الإختراع
هيك رح بصير مع كل بنت بعد الزواج ان شاء الله


بعدان لو كل بنت بدا تتعلم من أما الطبخ ١٠٠ ب-١٠٠ ما كان تطور الطبخ،
خلي في جزء منو موروث، ميشان يبقى مساحة للابداع




ما حدا ينط ويقول عم بيض وج لأن
......
هادا رأي عن تجربه

[أمين أحمد الحاج محمد]

بعد بدكن نحكي في حكي كتير بس خلي كل شي بوقتوا .
قال قلمونية قال هههههه

مين ضربك عإيدك وألك خد قلمونية
روح يا عمي الله يطرحلك البركة بالغربية
بركا ان شاء الله بتعوفك التكنة
وساعتا لا ينفع الندم

[محمد الكوسا]

مين ضربك عإيدك وألك خد قلمونية
روح يا عمي الله يطرحلك البركة بالغربية
بركا ان شاء الله بتعوفك التكنة
وساعتا لا ينفع الندم

ولك الغريبة مو بس بتعوفك التكنة

يعني غير انا ما بتشتغل متل العالم ديرا عدخان واركيلة وصبحيات وحكي عالعالم
وبتشترك مع القلمونية بالنق

يا عمي شبدكم بشغلة الزواج بدال ما تدفعو دم قلبكم حق البيت والعرس وهاللبكات روحو سافرو و كزرو وشوفو دنية ربنا

[عبد الله]

يمكن أصدك الألمونية ما بتعوفك التكنة هههههههه

[محمد الكوسا]

يمكن أصدك الألمونية ما بتعوفك التكنة هههههههه

لا قصدي انو البركة بالتنين
بس الغريبة زيادة عن القلمونية بتدخن وبتأركل و ......
والقلمونية اولا واخيرا عقلا عا عقلك ولو كان عندا كم مشكلة بنظر بعض الشباب

[أم سفيان]

هالنماذج اللي عم تحكوا عنا بالفعل موجودة والسبب انا بتكون إمعا لغيرا
مثلا من زمان كانت الواحدة أذا ولدت واجوا العالم يزوروها بيضيفوهن نؤل ومن هالشغلات هلأ لأ
صار بدن يعملو سيبة بديكور معين ويحطو مع كل حبة هدية أحيان دبدوب أحيانا مجسم
هادي هيه مشكلتنا التقليد الأعمى اذا واحدة بتبعت الكويات عالمغسلة بتصير الشغلة هادي بعتت ليش أحسن مني بأيش ولا أحلى مني
بس كمان النماذج المنيحة لساتا موجودة وبتئدروا تعرفوها من الطريئة اللي عايشين فيها إهل البنت
بس انا شايفة انو بالنتيجة المنيحة واللي منا منيحة سواء عند الرجال وهاد عم يخلي اللي منيحة تتنازل عن ثوابتا

[فرح]

السلام عليكم ، بارك الله بكم يا شباب على حرصكم الزائد ولكن ما هكذا تورد الابل فطريقة طرح الموضوع لم تأخذ طابع الجدية بل وكأني فهمت انه تحد في كتابته
ولكنكم اطلقتم شائعات و صدقتوها .
والتي تتقن الطبخ ليست مضطرة لعرض بضاعتها على صفحة القلمون كي تخرج من قفص الاتهام. فحرصنا على تعلم الطبخ مثل حرصنا على حضور الحلقات و القراءة.
وهذه المداخلة نيابة عن بنات القلمون.


السلام عليكم...:1 (37): بس حبيت إتشكرك يا أختي الكريمة...
و الله فشيتيلي خلئي...
و معك حء ألف بالمية..
و هادا الكلام الموزون...يسلم تمّك....:1 (37):

[أمين أحمد الحاج محمد]

على فكرة بنات القلمون ما عم يعرفوا يلعبوا الموضوع...

يعني لو واحدة منهم بدها تعرف تشتغل صح، بتفوت بتتسجل بإسم وهمي وبتعمل حالها طرابلسية وبتصير تتبطرن على بنات القلمون...

وهيك بصيرو كل الشباب مع بنات القلمون، ضد الطرابلسية

بس لسا بدكم كتييير


ردا على كوسا، بالقلمون في بنات بتدخن وبتحشش وبتتصور و.... وببرات القلمون كمان في هيك شي

وبالقلمون في أوادم وبرات القلمون في أوادم، فالعبرة بالدين والأخلاق و... ومش العبرة بوين خالقة و...


مفكر يا غنوم كل العالم بيعرفو يعملو متلك

[الزاهر]

على فكرة بنات القلمون ما عم يعرفوا يلعبوا الموضوع...
يعني لو واحدة منهم بدها تعرف تشتغل صح، بتفوت بتتسجل بإسم وهمي وبتعمل حالها طرابلسية وبتصير تتبطرن على بنات القلمون...
وهيك بصيرو كل الشباب مع بنات القلمون، ضد الطرابلسية
بس لسا بدكم كتييير
ردا على كوسا، بالقلمون في بنات بتدخن وبتحشش وبتتصور و.... وببرات القلمون كمان في هيك شي
وبالقلمون في أوادم وبرات القلمون في أوادم، فالعبرة بالدين والأخلاق و... ومش العبرة بوين خالقة و...



الحلو بهالاقتراح الجهنمي إنو لا الغاية فيه ولا الوسيلة مشروعتان !!!
وفيه الغاية تبرر الوسيلة .... يعني لو الواحد بدو يقصدها فكرة فيها 3 مخالفات ما كانت طلعت معو يا زلمة :)

[أمين أحمد الحاج محمد]

أنا كل عمري بقول انك من زعران أهل السنة والجماعة
ولكن اليوم أنت من المفتين
وفهمك بكفاية

[أمين أحمد الحاج محمد]

أهلين بالمفتي تبع دولتنا
والله بيلبقلك ليش مين أحلى منك
خلص رح نشوف الندور يطبعلك نمرة دار الفتوى

[أيمن غ القلموني]

والتي تتقن الطبخ ليست مضطرة لعرض بضاعتها على صفحة القلمون كي تخرج من قفص الاتهام. فحرصنا على تعلم الطبخ مثل حرصنا على حضور الحلقات و القراءة.
وهذه المداخلة نيابة عن بنات القلمون.



فتاة القلمون نصف وزنها كبرياء والنصف الآخر شموخ والمؤكد أنها ليست مضطرة للدفاع عن نفسها .


يبقى أن شموخها وكبريائها نتيجة دينها وليس نتيجة مكان سكنها ، فإن كان الاسلام هو من منحها تلك


الصفات ، فإنك ستجد نظيرها في فتيات الإسلام .

[hadid]

أنا كنت عم مازح الشباب وقول عن بنات القلمون ما بيعرفو يطبخو وهيك .. لا الحقيقة رأيي إنو هذا الأمر لا يهم أبداً .. لأنو شي ممكن تتعلمو ..

بالنسبة للأخ الباش .. أنا بشوف إنو أحلى ما تروح لحالك تكزدر .. انشاء الله من شوفك إنت وعروستك عم تكزدرو وعم ترسمو ذكرياتكم سوا

[Nader 3:16]

صَرلِي زَمان مني كاتب عالمنتدى...

بس في بعض الشباب عَم يسألوا...الطَبخ القلموني إلى أين؟؟؟؟؟....ما بعرف ليش خطر عبالهم هالشي بهالفترة.

[هنادي دوغان]

منخلال المشاركات التي قرأتها وجدت أن هناك انحرافا واضحا عن مسار الموضوع الرئيس ألا و هو الابقاء على التراث المطبخي القلموني و هناك عدة نقاط يجب النقاش حولها:
أولا: هناك بعض الأخوات أثرن موضوع القلمونية و أنك مهما (أيبلت)فلن تجد لها نظير في سائر بلاد العالم و أجد أن في هذه النقطة بعض من التعالي و لكن فيها وجهة نظر متعلقة بالموضوع الرئيس و هي أن القلمونيات عندما يتقن فن الطبخ الذي لا يتجاوز تعلمه أكثر من 4 أسابيع فإن طبخهن لن ترى له نظير في سائر المناطق المجاورة.الآن العضو الذي يحب الشيشبراك فليأخذ من بيروت و ليطلب منها أن تطبخه له فسيكون الشبه بالاسم فقط لا بالمحتوى .
الشيشبراك يا اخوان في بيروت يدخل فيه الدجاج المسلوق و المنتف الى قطع صغيرة (المصدر: الشيف انطوان على تلفزيون لبنان) يعني تخيلوا انفسكم ايها القلمونيون تاكلون الشيشبرك بالاضافة للعجين المحشو بتطلعلك قطع من الدجاج مع اللبن يا للعار . طعمات لم يتعود الشاب القلموني أن يأكلها و لا حتى بالسماع بها,و لهذه النقطة الخطيرة أمثلة عدة لأكلات تسمى بنفس الأسماء لكن شتان في المحتوى و بطريقة التحضير
بالاختصار الطبخ القلموني ليس له مثيل : ذوق و احتراف و مهارة لا تجدها عند الغير.
لن أنتقل إلى النقطة الثانية في موضوع النقاش قبل أن أسمع الآراء حول هذه النقطة لكي تعم الفائدة على الجميع و لكي لا يكون النقاش بيظنطي .

[Nader 3:16]

منخلال المشاركات التي قرأتها وجدت أن هناك انحرافا واضحا عن مسار الموضوع الرئيس ألا و هو الابقاء على التراث المطبخي القلموني و هناك عدة نقاط يجب النقاش حولها:
أولا: هناك بعض الأخوات أثرن موضوع القلمونية و أنك مهما (أيبلت)فلن تجد لها نظير في سائر بلاد العالم و أجد أن في هذه النقطة بعض من التعالي و لكن فيها وجهة نظر متعلقة بالموضوع الرئيس و هي أن القلمونيات عندما يتقن فن الطبخ الذي لا يتجاوز تعلمه أكثر من 4 أسابيع فإن طبخهن لن ترى له نظير في سائر المناطق المجاورة.الآن العضو الذي يحب الشيشبراك فليأخذ من بيروت و ليطلب منها أن تطبخه له فسيكون الشبه بالاسم فقط لا بالمحتوى .
الشيشبراك يا اخوان في بيروت يدخل فيه الدجاج المسلوق و المنتف الى قطع صغيرة (المصدر: الشيف انطوان على تلفزيون لبنان) يعني تخيلوا انفسكم ايها القلمونيون تاكلون الشيشبرك بالاضافة للعجين المحشو بتطلعلك قطع من الدجاج مع اللبن يا للعار . طعمات لم يتعود الشاب القلموني أن يأكلها و لا حتى بالسماع بها,و لهذه النقطة الخطيرة أمثلة عدة لأكلات تسمى بنفس الأسماء لكن شتان في المحتوى و بطريقة التحضير
بالاختصار الطبخ القلموني ليس له مثيل : ذوق و احتراف و مهارة لا تجدها عند الغير.
لن أنتقل إلى النقطة الثانية في موضوع النقاش قبل أن أسمع الآراء حول هذه النقطة لكي تعم الفائدة على الجميع و لكي لا يكون النقاش بيظنطي .




نحيي فيكي النبض القلموني الصارخ.
يلي ما بوافقك على كلامك عليه ان يراجع عقيدته القلمونية....هالشغلات ما فيها مزح...:o

[الشامي]

يعني هلأ بتركيا ما منلقي حدا بيعرف يطبخ؟ ولا بسوريا؟؟

فساد في العقيدة!! :)

[هنادي دوغان]

رأيتم كيف أنكم تريدون تحريف الكلام,أنا قلت النفس القلموني و الطرق القلمونية لا بديل عنها و لا يمكن للرجل القلموني أن يألف غيرها

[ramo]

السلام عليكم
أخ نادر بعدك بدك تخطب من حلب ؟

[Nader 3:16]

السلام عليكم
أخ نادر بعدك بدك تخطب من حلب ؟


لاء يا برو رامو...

ان شاء الله هلأ كلون صاروا بيعرفوا يطبخوا الاكلات الالمونية...

وبارك الله بالاخ الفاضل عبد الله حسين صهيون يلي طرح الموضوع لحتى يذكر بنات الضيعة بأهمية الطبخ....

[ramo]

يعني خلص ، العروس من القلمون إن شاء الله ؟
:p

[Nader 3:16]

يعني خلص ، العروس من القلمون إن شاء الله ؟
:p

لأ طرابلسية!!!

شباك يا رامو؟
الله اعلم...
بس اكيد منو طرابلسية..;)

بالمناسبة الاخ رامو مستعد يعملنا دورة بالطبخ الالمونَيْ...وهو ينتظر الاشارة