من هي زوجتك.....؟!

[Abir]

من هي زوجتك.....؟!

* من هي الزوجة التي ستكون لك أنساً ومودةً ورحمة..؟!
* من الزوجة التي ستكون حاملةً لهمومك وغمومك..؟!
* من الزوجة التي ستكون أمينة سرك وحافظة عهدك..؟!
* من الزوجة التي ستكون أمَّا وراعية لفلذات كبدك..؟!
* من الزوجة التي ستكون معك فيما بقي من حياتك أو حياتها.؟
نعم إنها أسئلة تدور في أذن كل شاب يريد أن يبني بيته وعشه الذي يتمنى أن يكون عشاً
عامراً بالسعادة والمحبة ولذيذ العيش.
حقاً لك أن تسأل هذه الأسئلة...

إليك هذا الدواء الشافي الكافي في باقةٍ عبقة قالها المصطفى - صلى الله عليه وسلم-


روى البخاري ومسلم أن رسول الله - صلى الله عليه وسلم- قال:
« تنكح المرأة لأربع لمالها , ولحسبها ولجمالها , ولدينها , فاظفر بذات الدين تربت يداك »
فهل علمت من هي زوجتك التي تختار....؟!

كلاَّ إنها ليست الغنية كثيرة المال ، وليست الجميلة الحسناء ، وليست صاحبة النسب العالي.
كلاَّ أخي كلاَّ..
فالغنى بلا دين ضياعٌ ومذلة
والجمال بلا دين تكبرٌ وفساد
والنسب بلا دين سرابٌ وزوال

وكم من الذين تعرفهم ونعرفهم بحثوا عن الغنى والجمال والحسب والنسب ولكنهم بعد
فترة من الزمن انقلبوا خاسرين لحياتهم الزوجية.
وكم من الذين تزوجوا من ذات الدين فجمعوا السعادة تحت أطناب بيوتهم
من خير ما يتخذ الإنـــسان *** فــــي دنياه كيما يستقيم دينه
قلبٌ شكــورٌ ولســــــــــــانٌ *** ذاكــــرٌ وزوجــةٌ صـالحـــةٌ تـعينه
فهل علمت من هي الزوجة التي تختار؟؟
أخي وكما أن الزوج يبحث عن الزوجة الصالحة ومطالب بها ، فإنه يجب على وليِّ أمر
المرأة أن يحسن اختيار الرجل المناسب لموليته.


وإنه لمن المؤسف أن يستحوذ السؤال عن المنصب والمكانة والوظيفة على ذهن الوليِّ
ويتناسى الدين الذي لا يجوز التنازل عنه البتة. وليس اهتمامه بالأمور الأخرى مضر إلا
إذا اقتصر عليها وتنازل عن رأس الأمر كله وهو الدين ،
قال رسول الله (صلى الله عليه وسلم)
"إذا أتاكم من ترضون دينه وخلقه فزوجوه إلاَّ تفعلوه تكن فتنةٌ في الأرض وفسادٌ كبير"
وقد سئل فضيلة الشيخ محمد بن صالح العثيمين - رحمه الله -
الأمور التي على أساسها تختار الفتاة زوجها فأجاب:
أهم الأوصاف التي ينبغي للمرأة أن تختار الخاطب من أجلها هي الخلق والدين ،
أمَّا المال والنسب فهذا أمرٌ ثانوي لكن أهم شيء أن يكون الخاطب ذا دين وخلق ،
لأنَّ صاحب الدين والخلق لا تفقد المرأة منه شيئاً إن أمسكهَا أمسكها بمعروف
وإن سرَّحهَا سرَّحها بإحسان ثمَّ إنَّ صاحب الدين والخلق يكون مبارك عليها وعلى
ذريتها تتعلم منه الأخلاق والدين ، أمَّا إن كان غير ذلك فعليها أن تبتعد عنه لاسيما
بعض الذين يتهاونون بأداء الصلاة أو من عرف بشرب الخمر والعياذ بالله ، أمَّا الذين
لا يصلون أبداً فهم كفار لا تحل لهم المؤمنات ولاهم يحلون لهن ، والمهم أن تركز
المرأة على الخلق والدين. أما النسب فإن حصل فهذا أولى لأن الرسول (صلى الله عليه وسلم) قال:
« إذا أتاكم من ترضون دينه وخلقه فأنكحوه », ولكن إذا حصل التكافؤ فهو أفضل).

وسأل رجلٌ ((الحسن البصري)) فقال: يا إمام عندي ابنة فلمن أزوجها ، فقال له:
(زوجها التقي فإنَّه إن أمسكها برَّها وإن طلَّقها لم يضرَّها)
مقتطف للأحبة في الله
المقبلين على الزواج

[دوكر]

مبعرف ليش محدا مشارك بي موضوعك معأنو مهم كتير و كلامك درر
بس في عندي تعليق بسيط
انتي اولتي انو لازم تكون حاملة اسرار زوجة بس حسب اعتقادي انو هدي شغلة ما فيا الواحدة تكتسبا بس تتزوز
لازم تكون عايشتا بي حياتا اليومية يعني ما لازم تكون كتيرت حكي و هدي شغلة كتير صعبة نلإيا بي هل ايام
يتبع ان شاء الله
اخوكم عوكر مدوكر

[دوكر]

اه لحني رجعت ... ت كملك حكي يا اخت عبير
الله يعطيكي العافية يعني عن جد موضوع مهم كتير و عارفة شغلة انك فتأتيلي كل جروحي
المهم ....
الانسان الملتزم اكيد بي أيبل ع بنت الحلال و بي كون راسم براسو مواصفاتا الدين اول شي ...
ها ها بس أيشويا مفهوم الدين انو بتصلي و بتصوم ....و بتحفظ قرآن
اكيد هدي اشياء كتير مهمة
بس منو هادا المطلوب بس اسا في اشياء كتيرة ...
عنا الحياء لي تأريبا فإدنا بي هل ايام بين الشباب و الصبيا و نسبتو اكبر عند الصبيا
مني عم احكي عن الناس الفالته لأ عم احكي عل الملتزمين
للاسف هدا واقعنا...

اخوكم عوكر مدوكر

[دوكر]

و كمان في احلى منا يكون عندك زوزتك لها تم توكل و لها تم تحكي يا الله ......
(متل عندي)من شان هيك عايش مرتاح

[Mirror]

هل هذه الصفات متوفرة بمن كتبها
كاه كاه كاه

[بسام]

صح أتى ردي متأخر بس والله يا أخت عبير كلامك رائع ونحنا ما بخفي عنك طبقنا كلامك بس للأسف ذات الدين الأولى والثانية و ال... كانو يرفضون بحجة إكمال التعليم مع إنو ما عنا مشكلة بإنو يكفو علمن وهم مخطوبين بس للأسف أنا بعتبرو جواب تهرب مع أن الشباب الخاطبين هم على قمة في الدين والخلق.
أرجو من الأخت عبير التعليق

[Abir]

chokran 3awkar 3al rad,,sarli zaman ma fet 3al montada w nbasatet enou fee min 2erii w radd,,

mirrorr,, sert aktar men marra msame3ni nafs el ta3li2,, ma djeret essa,,

bassam,,ma3ak 7a2, houwe jawab taharob ,,,,,,,,bs latif,,

[بسام]

على كل حال القلمونيات ذوات الدين الغير مظهري يكاد يندر وجودن للأسف هيك بددون الأهل

[Abir]

ehh w el chabab el meltezmin eli bey3abou el 3ayn nawader,,,

[بسام]

والله يا ستي كلامك صحيح وإذا بدنا نحكي عن الشباب يلي على أساس ملتزمين فبقولك حدث ولا حرج أضرب حال من الشابات

[المهند]

قبل ان أرد على الكلام أطلب من الاخت عبير توضيح جملتها الاخيرة القائلة انو"كمان الشباب الملتزمين بالقلمون يلي بيعبوا العين قلال"!!!يعنى ما بدى افهما اهانة للشباب الملتزمين قبل ما استفهم المغزى من الجملة وبعدين برد اذا كان في شى بيستاهل الرد:rolleyes:

[الريس]

هيك زيدتيها يا أختي ، بتذكر آخر مرّة جيت فيها على لبنان ، شفت شباب المسجد ، يومها أنا ما كنت بصلي ، بس وجوهم مليانة نور ، وشي منهم مهندس والتناي دكتور والتالت استاذ و.... ماشاء الله متعلمين ، وشبوبية ، ومهذبين ، لو كانوا بالهند -هونيك النقد على المرا- كان كل واحد طلع 10 ملايين دولار .

[Abir]

والله ما كان قصدي عاطل... بس ما بيكفي الاخ ينزل يصلي بالجامع ليعبي العين.... في كمان شوية صفات متل الاحترام والابتعاد عن كترة الحكي و الانتقاد غير البنّاء وغيرها ... هيدي كتير موجودة عنا بالضيعة..... للاسف... عند الشباب ...
يا ريس.. ما ترجع تطلعلي بموال المرأة المضطهدة.....
عم وضح للاخ المهند بس شو كان قصدي... لو ما سالني ما حكيت...اوكي؟؟؟

[sana]

والله ما كان قصدي عاطل... بس ما بيكفي الاخ ينزل يصلي بالجامع ليعبي العين.... في كمان شوية صفات متل الاحترام والابتعاد عن كترة الحكي و الانتقاد غير البنّاء وغيرها ... هيدي كتير موجودة عنا بالضيعة..... للاسف... عند الشباب ...
يا ريس.. ما ترجع تطلعلي بموال المرأة المضطهدة.....
عم وضح للاخ المهند بس شو كان قصدي... لو ما سالني ما حكيت...اوكي؟؟؟

اه اكيد ما قصدك عاطل معقول اسمك عبير وقصدك رح يكون عاطل :).

اختي اولا نفس الكلام يدور بين الشباب انو ما المهم تكون البنت متحجبة المهم ما تكتر حكي وتكون بتحترم التاني وما بتعيط على اهلها ..........

اختي
هل الفعل الغير المحترم من انسان يعمم صفة الاحتقار ؟؟؟؟؟؟؟

اختي هل كثرة الكلام هي نقطة ضعف عند الشب ؟؟؟؟؟؟؟؟

بالمناسبة انا بحكي كتير لما بكون فرحان يعني انا مني منيح ؟؟؟؟
وكما ما بحكي لما بكون زعلان وباكل كتير وبسرعة ....

واذا افترضنا انو الشخص ما عرف يكحي بوضع معيا يعني هو انسان انتقادو غير بناء وهو انسان مانو منيح؟؟؟؟؟؟ .

انا اعتقد ان الكلام عن بعد دون مشاهدة تعابير وجه المتكلم لا يعطي انطباع عن المقصد الحقيقي من الكلام و بشكل صحيح .

[وسيم أحمد الفلو]

إلي بيسمع الأخت عبير بيفكر إنو الصبايا بالقلمون يا خديجة رضي الله عنها، أو عائشة رضي الله عنها بالدين.
أو إنن مونيكا بيلوشي، أو كلوديا شيفر أو مبعرف مين بالجمال.

إذا كل هالشباب الموجودة بالقلمون من الشباب الملتزم منو معبي عينكن، فيكن تشوفوا حدا برات القلمون.

[wishes]

بالقلمون في شباب كتير مناح متل مفي بنات كتير مناح
الرجاء عدم التعميم

[Salim]

روى البخاري ومسلم أن رسول الله - صلى الله عليه وسلم- قال:
« تنكح المرأة لأربع لمالها , ولحسبها ولجمالها , ولدينها , فاظفر بذات الدين تربت يداك »
فهل علمت من هي زوجتك التي تختار....؟!

ما عندي مشكلة يكونو الصفات الاربعة كلهم في التي سأتزوجها!!! خلينا نكون واقعيين ما حدا بيتزوج واحدة ماو عاجبو جمالها. يعني ما عندها مال معليش بس بلا جمال مصيبة!!! شو المانع تكون جميلة ودينة؟ أما كلمة دينة بالنسبة لي فلا تعني بالضرورة الحجاب. المهم الفرائض والحشمة أما الحجاب فلست مقتنعاً به.

[المهند]

السلام عليكم
أشكر الاخت عبير على الرد ولكنني اتمنى عليها فى المرات القادمة ان تبين المقصد من كلامها فى اى حوار او نقاش أنى كان او حصل لان اطلاق الكلام على عمومه يجعله يحتمل معاني كثيرة..اما بالنسبة لما قصدته من جملتلك التي سألتك عنها فانا ان هذا ايضا امر مشترك ومنتشر بشكل كبير عند البنات والنسوان بالضيعة وبغير الضيعة كمان!! يعنى عم تحكى عن كتر الحكي والنقد غير البناء؟!!لو بشى تاني كنا قبلناها منك بس هالامرين صفة ملازمة ومشهورة عن النسوان حسب علمى:) يعنى ازا واحد بيحكى كتير وبيلتلت بيقولو بتحكى متل النسوان!! بظن انو الامر مش هيك ويلى دفعك لهيك حكى امر اخر بس رح نقبل قصدك ونتفهمو..السلام

[الزاهر]

روى البخاري ومسلم أن رسول الله - صلى الله عليه وسلم- قال:
« تنكح المرأة لأربع لمالها , ولحسبها ولجمالها , ولدينها , فاظفر بذات الدين تربت يداك »
فهل علمت من هي زوجتك التي تختار....؟!

ما عندي مشكلة يكونو الصفات الاربعة كلهم في التي سأتزوجها!!! خلينا نكون واقعيين ما حدا بيتزوج واحدة ماو عاجبو جمالها. يعني ما عندها مال معليش بس بلا جمال مصيبة!!! شو المانع تكون جميلة ودينة؟ أما كلمة دينة بالنسبة لي فلا تعني بالضرورة الحجاب. المهم الفرائض والحشمة أما الحجاب فلست مقتنعاً به.


ممكن تفسرلنا هالمناقضة!!!!
الحجاب منو فرض؟؟؟؟؟
شو رأيك نتلقي إن شاء الله بموضوع "لماذا نخاف من الحجاب؟؟"
يالله.....ناطرينك هوميك!!!

[الريس]

على كل حال القلمونيات ذوات الدين الغير مظهري يكاد يندر وجودن للأسف هيك بددون الأهل


والله بدك بوسة بين عنيك يا معلم بسام على هذه الجملة .

[الريس]

إلي بيسمع الأخت عبير بيفكر إنو الصبايا بالقلمون يا خديجة رضي الله عنها، أو عائشة رضي الله عنها بالدين.
أو إنن مونيكا بيلوشي، أو كلوديا شيفر أو مبعرف مين بالجمال.

إذا كل هالشباب الموجودة بالقلمون من الشباب الملتزم منو معبي عينكن، فيكن تشوفوا حدا برات القلمون.


كمان جلمة رائعة

[Abir]

يعني شي عجيبة هالمنتدى بشكل.....
كم واحد اتفضل فسر كلامي هلاء.. والله ما لحقت عدّن.... شبكن...
كلامي للمهند :: مشكلة الضيعة هيدي .. اي مزبوط... النسوان بيكترو حكي لانن نسوان و ما عندن شي و بنفسيتن الحكي و الانتقاد والبربرة عالفاضي و المليان مشان هيك انا ما عيبت علين و هنن بيتعيبو... بس قلت انو الشب المحترم... لازم يتنزه عن هيك صفات بتقلل كتير من هيبتو و ما بتناسب التزامو... غلطنا بهالكلام شي..؟؟؟

وسيم والريس:::: حدا منكم قرأ الموضوع ؟؟؟ ما بعتقد.... ما قريتو غير تعليق زغير.. اجا بعد حديث وسؤال وا كتر من جواب... ارجعو للموضوع وعطوني رأيكن عليه يا ريت.... مش رأيكن على رأيي اللي قلتو بعد رأي بسام.....:cool:

[المهند]

السلام عليكم
بعتقد انو الان صار فيي رد على جملتك بعد ما عرفت المقصود تماما من اخر رد قولتيه , وانا ما فسرت كلامك عزوئى لانى حتى ما اظلمك بظن انو اول مرة قولت منتظر منك توضيح قبل ان ارد صح؟!! اما تعليقا على كلامك انو كان قصدك من حملتك انو اكتر المتدينيين بالقلمون طقيقة حنك وبربارين وبيحكو كتير يعنى اسمحيلى ما بوافقك الرأى وهيدا نوع من الحكم عالناس هيك بلا اى تفكير او دقة وحتى فيه نوع من الافتراء ان صح التعبير يا أخت عبير!!يعنى هلء تركتى كل الشباب الغير ملتزمين وكل الدنيي وصار كل شى بالقلمون بيعبي العين الا الشباب الملتزمين؟!! شو رايك لو فات حدا من الاخوة هون وحكى نفس الكلام عليكون شو كانت ردة فعلك ساعتا؟!! هو وسيم فات حكي كلمتين عحمأ وما تحملتيون!! بظن باختصار انو هالجملة لازم تعتذري عنا لانا غير لائقة ..:rolleyes: والسلام

[أيمن غ القلموني]

tislam hal kitaba ya wassim, bil fi3il innou kalamak jawahir

[Abir]

انا ما قلت ما في..... و ما حكمت على الكل.......أنا قلت قلال...........
و ما مدحت بالنوع الفاسد و عيبت على الملتزم........... بس تمنيت الجيد يكون أفضل............
اكتر من هيك اعتذار ما بيطلع معي........... :)

[المهند]

صحي انو هالاعتذار فيه نوع من المكابرة:D بس ماشى اعتذار مقبول وما كان القصد من كلامى انو نوصل لهون بس يعنى طولى بالك شوي بالكلام عالناس وخصوصا اخوانك واخواتك الملتزمين ..وانا ما زلت أصر على انو حتى كلمة "قلال" منا دقيقة كتير!!بحسا كلمة منقالة عن جهل بما عند الاخرين!!:rolleyes:

[Abir]

:) رح اعمل احصاء ..........و ارجعلك بالرقم المزبوط...................:cool:
بس يمكن تاخد شوية وقت لانو احوال الناس في تغيير مستمر................:cool:

[المهند]

ما بظن انك رح تقدري لانو بالاساس الشي يلى عم تحكى عنو شى نسبى والشخص يل بتحكمي عنو انتى انو عندو هالصفة ممكن شخص اخر يحكم عليه حكم مخالف تماما لحكمك!!اللهم الا اذا قلتيلى مثلا "رشيد الحلو":D ساعتا بقولك اوكى معك حق!!بس غير لا اسمحيلى يعنى!!

[بسام]

ما بدا الشغلة اعتذار لأنو فعلا كل الشباب يلي على أساس إنن ملتزمين أصحاب كترت حكي وطق حنك وأغلبن بلش يمارس هادا الشي بالمقاهي فما بالك بالغير ملتزم.
لحنا منقول هادا الحكي عن حسرة بقلوبنا

[Abir]

أهلا بسام.. وين هالغيبة..... تاركني وحدي في مهب الريح....:)
مش قصة اعتذار بس عملت هالجملة شوية حساسية..... و مشي الحال.. وضحنا الصورة...:) و مجددا" أهلا" وسهلا"..........

[بسام]

اهلا بكم والله إنتو منورين المنتدى وبزيادة.
بس بحب أولك إنو يلي فيه مسلة بتنعرو وكل واحد علق على هل الجملة وانزعج منها أكيد من أهلها وأكثر فلا تعتزري لأنن شباب فارطة

[Abir]

وكل واحد علق على هل الجملة وانزعج منها أكيد من أهلها .........(مرقت ببالي )
خلينا ناخد بالظن الحسن و نقول انو غيرة على الملتزمين مش اكتر........

[بسام]

الله يسمع منك وتكون من باب الغيرة.
وأنا برجع بأكد ماعم قول هادا الحكي إلا من باب الخوف عليهم لأن بالنهاية هم اخواننا ولنا حق التنبيه ولا أستثني نفسي من التنبيه
شكرا بأي حال

[المهند]

ضب لسانك احسنلك يا بسام ولا تغمص بالصحن كتير ..وانتى يا ست عبير على اساس انو ما قصدك شى وانو اعتبرتى حالك اعتذرتى!!.ومع هيك بتقولى انو مرقت جملة بسام ببالك؟!! يعنى كلامك هيدا بياكد انو انتى هيدى نظرتك عنا الملتزمين!!الظاهر يا خيي وسيم كان عك حق لما شنيت هجومك عليا وعامثالا!!:rolleyes:

[وسيم أحمد الفلو]

الظاهر يا خيي وسيم كان عك حق لما شنيت هجومك عليا وعامثالا!!





هل أنا المعني ب"وسيم" في النقاشات؟؟؟

[Rami Kozayha]

يلي بيدحك إنو 90% من يلي حكى وبدوا يحكي عن شباب القلمون منن داعسين اجرن بره! مكسيمم وصلوا مره على حمص إشتروا لحمة مع المامي وإتغدوا ورجعوا!! وبالغلط فاتوا على كلية العلوم او الآداب ابل ما تفتح BCU بالضيعة، وكأنن عاشروا وخالطوا جميع الشباب على الارض البنانية، لمعلومات الجميع ما في مره شفت حدا غريب من اول لبنان للآخره إلا وسمعني كلام بيرفع الراس عن الشباب بالضيعة إن كان ملتزم او مش ملتزم، ولو اني ماكنت موافق 100% بس التفسير الوحيد انو معن حق، ما لهن مصلحة لامن قريب ولا بعيد يخبروني اصلا، بس للأسف كان الهن رئي تاني بالصبايا بس مش رح اولو من شان من ينفهم انو الهجوم خير وسيله للدفاع.

بس عنا مشكل بالقلمون ولازملا هل عن جد، انوا اذا طالع بيدوا يساعد عادتن بيتفلسف وبيقول (والله ما في واسطة، و انا هيك فوتيت، إلا من رحم ربي).

[ساميا]

السلام عليكم ورحمة الله وبركاته
وأرجو أن تكون هذه هي المرة الأولى والأخيرة التي أضطر فيها لمثل هذه الكتابة...
أولاً أوجه كلامي للأخت عبير –حفظها الله تعالى- : يقول الله تعالى: "وإخفض جناحك للمؤمنين" ويقول عزّ من قائل: " محمد رسول الله والذين معه أشداء على الكفار رحماء بينهم.." ومن مظاهر اللين والرحمة تجاه المؤمنين حسن الخطاب وحسن الظن بهم حين يكون الكلام موجهاً إليهم.. فلا داعي أبداً للتعالي أو للغضب للنفس في ردودنا أو حكمنا على الآخرين، ولا ينبغي لأحدنا أن ينصب نفسه قاضياً يحكم على الناس من حوله بالخير أو بالشر إنما نحكم على الفعل فنمدحه أو ننتقده دون التطرق للأشخاص.. وينبغي للداعية المسلم أن يحمل في صدره قلباً كبيراً يتسع لجميع الردود والإنتقادات مهما كانت قاسية فإن كان صاحب حجة ومنطق فما عليه سوى سوق الدليل القاطع والحجة البينة لكلامه والله تعالى يثبت الذين آمنوا بالقول الثابت في الحياة الدنيا والآخرة..
وإلى الأخ الكريم المهند، وبعد الإعتذار عن حذف مشاركتك لحظة إعتمادها، فإني أطلب إليك أن تحاول كظم الغيظ ما إستطعت قبل أن ترد على مشاركة تستفذ غضبك فأنت من إدارة الموقع وهذا من الأمور التي تناشد الإدارة جميع المشاركين بالمنتدى التحلي بها،...
ولجميع الإخوة الذين ينزلقون إلى مزالق الرد الجارح والرد المضادات وتتحول مشاركاتهم إلى مشادات عنيفة بينهم وبين زملائهم أذكرهم بقول الحق سبحانه وتعالى:" وسارعوا إلى مغفرة من ربكم وجنة عرضها السماوات والأرض أعدت للمتقين. الذين ينفقون في السراء والضراء والكاظمين الغيظ والعافين عن الناس والله يحب المحسنين." إنها دعوة إلى سباق من نوع خاص، إلى جنة عرضها السماوات والأرض فكيف بطولها؟ وكم تبلغ عند ذلك مساحتها؟
لمن هذه الجنة؟ لأناس يحملون صفات ثلاثة: ينفقون في السراء والضراء والكاظمين الغيظ والعافين عن الناس، فالإنفاق في السراء وفي حال البحبوحة طبيعي ولكنه أحلى في حال الضراء، وكظم الغيظ أمر يقدر عليه كثير منا لكن القليل من يستطيع العفو ولا يحمل في صدره تجاه من أغاظه شيئاً من كره أو حقد، لكن الأجر كبير وهو محبة الله تعالى للمحسنين الذين يجودون بمالهم في السراء والضراء ويجودون بعفوهم وأخلاقهم السمحة تجاه الآخرين..
فما يريد بعد ذلك من فاز بمحبة الله سبحانه وتعالى، وهل سيدفع ثمن هذا الفوز أم قد يجده غاليا؟!!