الدكتور وسيم فلو يطلب مندوبين

[محمد الكوسا]

السلام عليكم ورحمة الله وبركاته

يبحث الدكتور وسيم فلو عن مندوبين لقاء اجر 200$$ ليوم الانتخابات ووفق برنامج غذائي فاخر:

فطور: كنافة بجبنة عدد2 من عند سي سويت
غداء: كيلو مشاوي لكل مندوب من عند الفيصل
تحلية: دوناتس من عند الكرسبي كريم
عشاء: شاورما اكسترا من عند فيا اميشي


للحجز والاستعلام الرجاء مراجعة الدكتور بأقصى سرعة

الأماكن محدودة

[الزاهر]

أكيد أصدك إنو اللي بدو يعملو مندوب هو اللي بدو يدفعلو للدكتور وسيم الـ 200 $ :)

[المبـــارك]

إذا الدكتور بفوت وبأكد صحة هالكلام، فأنا أول المتقدمين بطلب....:)

[أيمن غ القلموني]

ما في إمكانية إنو الشخص يطلب قائمة تانية

لاش مجبورين بأصناف محددة !!!

[kata2eb]

إذا الدكتور بفوت وبأكد صحة هالكلام، فأنا أول المتقدمين بطلب....:)


بس أنا ما بوافق أولا

وثانيا ما فيك لإنك منك قلموني "السجل"

[وسيم أحمد الفلو]

أنا أرحب بأي مندوب متطوع

بس أكيد سوف نكرمه من ناحية الطعام :) (غمة، لوبيا بزيت، عكوب .....)

أما المال فلا و1000 لا

[عمار الفلو]

أنا أرحب بأي مندوب متطوع

بس أكيد سوف نكرمه من ناحية الطعام :) (غمة، لوبيا بزيت، عكوب .....)

أما المال فلا و1000 لا



اذا بتدفع تيكيت فأنا بنزل, شفتا منها كتيرة بس 335 يورو. منو بس بعملك مندوب, بجبلك اصوات كل شباب و صبايا القلمون. :rolleyes:

[ksamerk]

والله سبقتني يا عمار ....:d

[وسيم أحمد الفلو]

ذا بتدفع تيكيت فأنا بنزل, شفتا منها كتيرة بس 335 يورو

يلا حجاز، مني عم إمزح (عرض خاص لعمار)

بس نصا عليي ونصا عليك

[s.fakoua]

أخي وسيم أنا مرشح هل يمكنني أن أكون مندوب لك؟ :)

[المبـــارك]

بس أنا ما بوافق أولا

وثانيا ما فيك لإنك منك قلموني "السجل"


بلالو ما إلو علاقة السجل بالمندوبية... لقد تقدمت بطلب مندوب مع اللائحة المدعومة من الجماعة..

وبما إنو وسيم مستقل،، فإبمكاني مساعدته أيضاً...

[وسيم أحمد الفلو]

بالنسبة للأخ سامح والأخ المبارك فإن وحدات الدعم اللوجستي للائحة المرشح المنفرد المستقل الفلوي (يعني السيد بلال فلو المحترم) ستتولى معاملتكم بنفس الميزات لأي مندوب.

[الحجاج]

ولك يا دكتور شبدك بعمار بعيد والتكت غالي(صحيحي الغالي بدو غالي)بس انا هوني فركة كعب يعني التكت دوبو يوصل 200 $
رح بلش ظبط وراقي:1 (12):

[وسيم أحمد الفلو]

يا أخ حجاج

هيدا بس تتنبسط الماما

[الحجاج]

اذا القصة فيا بسط لام وسيم فهيك نحنا بنجيبو لعمار مانا مشكلة،بس بيمرقلنا بالرجعة اطرميز كبيس باتنجان لي ولاخي الطبشة

[Amer-ol-tabche]

،بس بيمرقلنا بالرجعة اطرميز كبيس باتنجان لي ولاخي الطبشة
والله بيتنجانات أم وسيم لا يعلا عليون .. بس أنا حاسس إنو عام يستعمل إسمي وراح اطلع من المولد بلا حمص http://www.forum.qalamoun.com/images/icons/icon7.gif

[محمد أحمد الفلو]

سلام للشباب الطيبه

بدأ الموضوع عن الكرسبي والكنافه،
وعرج على الغمّه واللوبيا
وانتهى للكبيس بالباذنجان

عنجد هالمواضيع أحلى من وجع الراس بمحلات تانيه لما تشوف يلي ربوك انت وزغير زعلانين من بعض
لا حول ولا قوة الا بالله


انا والله لو ما عندي soutenance كنت نزلت عالقلمون ولو ليومين ...

[الحجاج]

سلام للشباب الطيبه

بدأ الموضوع عن الكرسبي والكنافه،
وعرج على الغمّه واللوبيا
وانتهى للكبيس بالباذنجان

عنجد هالمواضيع أحلى من وجع الراس بمحلات تانيه لما تشوف يلي ربوك انت وزغير زعلانين من بعض
لا حول ولا قوة الا بالله


انا والله لو ما عندي soutenance كنت نزلت عالقلمون ولو ليومين ...

تف من تمك انون زعلانين بس هادا خلينا نسمي عتاب الحبايب
وشبدك بها الشغلة تنزل توجع راسك قلبك،خلي من عندك احلى