حلو الواحد يعلم ابنو الدين ... بس الأحلى الولد شو بيطبق ؟؟!! [الأرشيف]

مشاهدة النسخة كاملة : حلو الواحد يعلم ابنو الدين ... بس الأحلى الولد شو بيطبق ؟؟!!

محمد

05-06-2010, 02:57 PM

السلام عليكم
حلو الواحد يعلم ابنو الدين ... بس المشكلة الولد يلي عمرو سنتين شو بيطبق ؟؟!!
ابن أخي ما شاء الله حولو عمرو سنتين....
بيحب الدين كتير...
بتسألو شبدك؟!...
بيقلك: كعبة، جامع ... وهيك
مبارح قاعد أنا عالنت بالصالون، وتركتو أمي معي ...
وهو عم يحرتق جنبي ....
وكان في مصحف عالطاولة ...
فجأة ببرم بلاقي حامل مزهرية إزاز كبيرة ورح توقع علي ...
قمت بسرعة شلتها من إيدو وسفقتو عليها ... وبكيتو من شان يتعلم ...
جات أمي عصوتو ... قالتلي مين نتف الزهرة ؟؟!!
وقال هالزهرة حقها مدري اديش اشتراها خوك أسامة ...
أنا كل شي زهر ما بيعنيني كتير ....
شفنا المصحف مفتوح وفي بقلبو زهر ...
تاري يحيى عم يزين المصحف .... :)
وآخد المزهرية ليحطها جنبو ...
قام أمي بهدلتني لأني قتلتو ...
أنا لو عارف هيك ما كنت قتلتو ...

جرصني بالضيعة كل ما روح لمحل بيسألوني ليش قتلتو
حاكي لكل العالم ... أمو ... وستي ... وخالتي ...

هذه صورة للمصحف كما زخرفه

http://www.mediafire.com/imgbnc.php/3bdccbabdeeadcb42256625a3681a4915g.jpg

بقى من هون جاتني فكرة طرح هالموضوع

ماذا يمكننا أن نعلم الأطفال الذين دون الـ 5 سنوات عن الدين ؟
وماذا يمكنهم أن يطبقوا هم من الدين ؟
وهل هناك قصص من السيرة مع أطفال يقل عمرهم عن الـ 5 ؟

أمين أحمد الحاج محمد

05-06-2010, 03:24 PM

ماشاء الله ربنا يحمي ويكبروا ويطلع لأبو وأهم الشي ما يطلع لعمو غبيش او عمو حسان بتكون مصيبة...
الأطفال في هذا السن بيكونوا كتير مولعين بالقصة وبتعلق بذهنن مظبوط...

راشد

05-06-2010, 03:25 PM

هذا زرع أخينا هاني..فنعم الغرس و نعم الزارع

أيمن غ القلموني

05-06-2010, 04:34 PM

الله يبارك فيه ويحفظه لأهله

تفضل مواقع للأطفال (ربما تفيد) :

من هنا (http://kids.islamweb.net/)

من هنا (http://www.islammessage.com/sanadkids3/List.aspx?cat_id=381&pindx=0)

Barbie

05-06-2010, 08:58 PM

السلام عليكم و رحمة الله و بركاته ,

ضمن هذا السياق , الطفل يتأثر بتصرفات من حوله ... و يتعلم منهم , فيقلدهم حتى دون أن يُطلب منه ذلك .. بشكل تلقائي .

فمثلا ً , ابنة أخي حفظهما الله , عمرها سنتين أيضا ً , عندما تتثاءب تضع يدها على فمها ... و تقف لتصلي ... و تردد آيات سورة الإخلاص . ( طبعا ً حسب عمرها )

و أكثر ما تحب أن ترى كلمة الله , المكتوبه في الجبل ...

و المهم هنا , أن يتعود الطفل على مثل هذه الأفكار و الأفعال , حتى تكبر معه شيئا ً فشيئا ً , شرط أن تتم متابعته .

فالطفل يخزن ما يراه أمامه من تصرفات ( كالقيام بالصلاة و الوضوء و كل ما هنالك من عادات حسنة .. ) و كلام ( مثل الأذكار البسيطة كأن يقول بسم الله قبل الأكل ) في عقله ... و غالبا ً ما يتأثر الطفل بالشخص الذي يحبه جدا ً .

ساميا

06-06-2010, 01:54 AM

السلام عليكم...
من باب الطرفة أذكر أننا كنا نتناول هذا الموضوع في مجلس منذ قليل .. وتحدثت إحدانا عن طفل في الروضة كان يطبق وصية أمه التي طلبت منه أن يدعو لها بعد الأذان فرفع يديه إلى السماء قائلاً: " يا رب خود أمي عالجنة!"

محمد

06-06-2010, 02:52 AM

بارك الله بكم جميعا عالمشاركات القيمة
أخ أمين عمومو مشهدلن من أهل الضيعة كلها
بارك الله بك على الثقة أخ راشد
المواقع جد جميلة أخ أيمن
جميلة قصة الأخت ساميا
كلام جميل أخت باربي

نذكر بالأسئلة
ماذا يمكننا أن نعلم الأطفال الذين دون الـ 5 سنوات عن الدين ؟
وماذا يمكنهم أن يطبقوا هم من الدين ؟
وهل هناك قصص من السيرة مع أطفال يقل عمرهم عن الـ 5 ؟

Hassan

06-06-2010, 07:55 PM

ماشاء الله ربنا يحمي ويكبروا ويطلع لأبو وأهم الشي ما يطلع لعمو غبيش او عمو حسان بتكون مصيبة...
الأطفال في هذا السن بيكونوا كتير مولعين بالقصة وبتعلق بذهنن مظبوط...

منن عاجبينك محمد و حسان ...على كلن معروف أحمودة لمين طالع جعيدي (كلمة تقال ليلي بياكل شرايات العالم) أنظر dictionnaire حارة العين صفحة 12434...و الشباب شهود ...
هههههه اشتقنالك يا زلمة ...منك عم تبين عالمنتدى !!
الله يعطيك العافية ... أحلى مشاركات

أمين أحمد الحاج محمد

06-06-2010, 08:19 PM

والله بالقلب أخواني محمد وحسان من أحلى شباب والله قضينا ايام حلوة جداً وخصوصاً في العمرة...بركا بتنعاد ان شاء الله ...

وبالنسبة لأحمودة الحمد لله عم يتحسن المهم ما يشوف الباش...

Hassan

06-06-2010, 08:42 PM

ماذا يمكننا أن نعلم الأطفال الذين دون الـ 5 سنوات عن الدين ؟ وماذا يمكنهم أن يطبقوا هم من الدين ؟ وهل هناك قصص من السيرة مع أطفال يقل عمرهم عن الـ 5 ؟

حوططو بألله ... منين ما أخد بيطلع ادمي ...ذاكر يا غبيش انت ادا كنت دين انت و زغير...ما كنت تطلع العالم عن دينن...اسألوا مين ما بدكن...(هاني و أسامة وين شهاداتكن) ... و لحننك هلأ ما شا الله شيخ... و موء تأتلو ...هالأيادي الطاهرة بيبوسوا...عم يزين المصحف شعمل!!! و بالناقص من زهرة ...

أم أحمد القلموني

06-06-2010, 10:53 PM

هو يا أخي: الله سبحانه وتعالى رفع القلم عن الأولاد الصغار فإنت ليش عم بتحاسبن؟؟
الولد حلو متل ما هو ومتل ما هي طباعو وإلا ما كان إسمو ولد ولو إنو مرات الولد بكون بأمور أخرى أفهم بكتير وأحسن بكتير من الكبار
فمثلا أحمد يللي عم بتؤول عنو جعيدي ما بنام إذا ما قرأ آية الكرسي وحتى وإنو بيقراها على أي شي عم يوجعو ... هادي الشغلة في كتير كبار بكونو ومكلفين ما بواظبوا عليها، صح أم لأ ؟

راشد

06-06-2010, 11:55 PM

ما شاء الله, تبارك الله..
هؤلاء أبناء اخواني هاني و أمين, فليرني امرؤ أبناء اخوانه..
ههههه
أسأل الله تعالى أن يحفظهم و أن يجعلهم من الصالحين المصلحين و أن يبارك بالأيادي التي ترعاهم

Ouss

07-06-2010, 05:45 PM

نذكر بالأسئلة
ماذا يمكننا أن نعلم الأطفال الذين دون الـ 5 سنوات عن الدين ؟
وماذا يمكنهم أن يطبقوا هم من الدين ؟

تحت الخمس سنين ما بذكر إلا لقطات من حياتي.. وما بعرف كيف كنت فكر..ميشان هيك مفيني إحكي شي عن هالفترة...
بس بذكر لما كان عمري شي 6 سنين كنا نمشي مع كتير ولاد من عمرنا فكان في ولاد عندن فكرة إنو هادا أبو دأن أو هادا ماشي مع الدأون..لما بتذكر ناس منن بحس إنن إخدو فكرة غلط من هنا و صغار وبعدو عن الدينين بسبب هيك أفكار يمكن تكون صورة منا منيحة عن شخص معين بتخلي الولد يخاف من مخالطة الدينين و بالتالي البعد عن الدين ..
ميشان هيك أنا بشوف إنو بهالفترة من عمر الولد أهم الشي إنو يحس الدينين كتير مناح و يصير يحبن و يحب ياعد معن..
في كتير طرء ميشان هالشي.. مثلا أنا وكان عمري 6 يمكن كان حلمي إني إطلع عالمخيم و نام فوء ..بعتئد إنو المخيمات لها أثر كبير بالولاد ..كمان عندك النشاطات وحلقات تحفيظ القرءان و ...

Ouss

07-06-2010, 05:57 PM

منن عاجبينك محمد و حسان ...على كلن معروف أحمودة لمين طالع جعيدي (كلمة تقال ليلي بياكل شرايات العالم) أنظر dictionnaire حارة العين صفحة 12434...و الشباب شهود ...
هههههه اشتقنالك يا زلمة ...منك عم تبين عالمنتدى !!
الله يعطيك العافية ... أحلى مشاركات

هههههههه... في مبدأ علمنا يا الأخ أمين من إحنا و صغار .. " الهدف اللقاء" .. مع إني كنت بأسرة الشيخ خالد بس كان يعجبني المبدأ تبع أسرة أمين.. كانوا عطول مجتمعين عالإكل بينما أسرة الأخ خالد كانوا رابطين حجارة عبطونن لأنن كانوا حريصين عتعلم الدين أكتر من حرصن عالإكل..بس تداركنا الوضع بآخر فترة...:)

Ouss

07-06-2010, 06:43 PM

ذاكر يا غبيش انت ادا كنت دين انت و زغير...ما كنت تطلع العالم عن دينن...اسألوا مين ما بدكن...(هاني و أسامة وين شهاداتكن)

ما كنت حابب إحكي بالموضوع.. بس دعيت للشهادة..
غبيش من هوا و صغير بقول الحق ولو عقطع رقبتو.. و بذكر قصة وقف فيها موقف الرجال وقال كلمة حق أمام سلطان جائر.... كان يا ما كان(هلأ بتغبش الصورة و بنرجع بالزمن):

لما كان غبيش عمرو 5 سنين...كنا عطول نعمل كمائن عبرندتنا وما نخلي حدا يمروء من تحت بيتنا بدون منرحب فاي.. شي نرشو موية شي نشلح علاي شنك شي نطصوا بالبصل و الكرز و ما إلى ذلك.... حتى مرة علأنا مع بيت غنوم بالصنة.. فضينا الحواش تحتا صارت بنايتن لونا بني بدل الأبيض ...
المهم.. بيوم من الإيام بنكون أنا و حسان محضرين عجينة شي كيلو.. بنوأف عالبرندة و بكون محمد وائف عالدرابزين حدنا...
عالتريء في واحد كان يجي كل مرة عالضيعة وكنا لاطينلوا من فترة و منا عم تزبط معنا.. كان عقيد بالجيش وشكلو متل الرجال اللي بيلفوا شواربن..كان بخوف و كان مبين علاي إنو شايف بحالو ...حاصله ماريء الزلمة من تحتنا شائل منخارو و ماشي...كبسنا عجينة..مرئت من حد وشو ولبصت عصباطو...فجرت فجر .. الزلمة جمد بأرضو ...

بهالأثناء كنا أنا و حسان منبطحين عالبرندة...
بس غبيش أبى الإنبطاح و دل واقف متل الأسد... كلشي شدينا فاي تيزل لكنه أبى.. وقال : مني عامل شي.. لأيش تئنزل ؟؟

الزلمة صار يعيط : مين طص ّ... مين طصّ !!! اطلع عمصدر القذيفة لئي غبيش وائف عالدرابزين...صرخ فيه : إنتا اللي طصيت !!

عند ذلك نظر إليه غبيش نظرة ً إستخفافية وأجاب بضحكة عالية: أنا !! آل أنا !!!...هههههههه......ولا هادولي أخي أسامة و أخي حسان............ليكن عم يزحفوا عالأرض !! ..
اندهش الرجل من جرأة غبيش.. و علم أنه من القلة الذين يقولون كلمة الحق ولا يخافون في الله لومة لائم...

خليك تتعلم تتأنالي عالزهرة...حأة بلوة....فاتحين المصحف عالآية كمان : "كل نفس ذائقة الموت " ... رحمة الله عليكي يا زهرتي :(

المبـــارك

07-06-2010, 08:16 PM

عذراً للمقاطعة... بس حضيت بولد زغير هون عم يبكي وشكلو ضايع... حدا بيعرف إبن مين؟؟؟ بس ما يكون إبنو لأمين، لأنو علطول فالت ولادو بالحارات..:)

Hassan

07-06-2010, 08:32 PM

هو يا أخي: الله سبحانه وتعالى رفع القلم عن الأولاد الصغار فإنت ليش عم بتحاسبن؟؟ أول عيطة...
الولد حلو متل ما هو ومتل ما هي طباعو وإلا ما كان إسمو ولد ولو إنو مرات الولد بكون بأمور أخرى أفهم بكتير وأحسن بكتير من الكبار فهمت ولا لاء
فمثلا أحمد يللي عم بتؤول عنو جعيدي ما بنام إذا ما قرأ آية الكرسي وحتى وإنو بيقراها على أي شي عم يوجعو ... هادي الشغلة في كتير كبار بكونو ومكلفين ما بواظبوا عليها، صح أم لأ ؟مع فركة ادن

الظاهر انفهم كلامي غلط...أخ أمين حكيلك كلمة...صح و الله صح...
أنا يا أختنا الكريمة فقط كنت عم أول هيك من باب المزاح...و ظلمتوا لاحمودة الله يحمي بس كنت عم نقر عالوالد (بيعرف حالو)...
على كلن موضوع و انفتح, طريقة الأخ أمين مع احمودة أنا بعتبرا مثالية, اسألوني ليش ؟؟ سألتوني!!
لأن وين ما راح بياخدو (عالجامع, عالمخيم, عالمسرح)... و هيك الولد بيتعلم الدين و بذات الوقت بيطلع زلئ مو فلطة متل الجيل الحديث... باردون (pardon) من هالكلمة... و ما شالله هالشبل من داكا الأسد (وحش مفترس)...
على كلن الأخ أمين و حبيبي أحمودة عالعين و عم يملوا المطرات...أحلى عالم و احلى ايام...بكاء...بكاء... قولة الشيخ عبد الرحيم...
و اولت حضرتكن الولد بيدل ولد...و تنثبت هالشي (كوسا عم اغمزك)...
بارك الله بكم و ما تواخزونا ...

محمد الكوسا

07-06-2010, 09:35 PM

حسان ما فينا نثبت هالشي بيزعل امين منا
خليها لبعد المخيم بركا بيكون صار معنا شي جديد

ساميا

07-06-2010, 09:57 PM

ماذا يمكننا أن نعلم الأطفال الذين دون الـ 5 سنوات عن الدين ؟
وماذا يمكنهم أن يطبقوا هم من الدين ؟
وهل هناك قصص من السيرة مع أطفال يقل عمرهم عن الـ 5 ؟

الأهل غير مطالبين بأسلوب، أو منهج معين في تعليم الأولاد، وخاصة من هم دون الخمس سنوات.. إنما المقصود هو تعليمهم وتثقيفهم، وتحصينهم بالعقيدة الإسلامية الصحيحة، والأخلاق والآداب الإسلامية معتمدين على القرآن الكريم، والسنة المطهرة، والسير وغيرها من المصادر.

وعلى الأهل مراعاة كل واحد من الأولاد بحسب مقدرته على الإستيعاب والأسلوب الذي يستسيغه في التلقي.. فقد تجد من الأولاد من يجلس مع أهله يتعلم ويحفظ ويكرر ويركز بنفس راضية ومستمتعة، وقد تجد العكس..

والطفل في سنواته الأولى، يتعلم أكثر بكثير مما يتصوره الآباء، فإن العادات يمكن أن يكتسبها بسهولة كلما كانت سنه أصغر، فإن "90%" من العملية التربوية تتم في السنوات الخمس الأولى، كما أن الطفل في هذه الفترة يميل إلى إرضاء أهله، ويحاول أن يخرج منهما عبارات الثناء والإعجاب. فمن البديهي أن يستغل الأهل هذه الفترة الهامة في تعليمه وتوجيهه الوجهة الحسنة.

يقول ابن الجوزي -رحمه الله- في هذا المجال: "أقوم التقويم ما كان في الصغر، فأما إذا ترك الولد وطبعه فنشأ عليه ومرن كان رده صعباً".

والطفل في صغره لا يعرف ولا يميز بين الصالح والطالح، والخير والشر، إنما لديه رغبة يحس بها في نفسه تدفعه إلى طاعة من يوجهه ويرشده، فيعيش تحت سلطته وإمارته، فإن لم يجد هذه السلطة الموجهة الضابطة لتصرفاته والموجهة لها، فإنه ينشأ قلقاً حائراً ضعيف الإرادة والشخصية، لهذا فإن دور الأب هام لاستقامة شخصية الطفل، وتحقيق التوافق النفسي عنده.

وأفضل التعليم ما كان عملياً أو بالقدوة الحسنة... وفي ها السبيل يجب تحين الفرص المناسبة وحسن إستغلال الوقت مع التأكيد على الأسلوب الأمثل.. فمثلاً عندما يصدر من الطفل تصرف خاطئ في مكان عام أو بين أقرانه أو حتى إخوته فمن الخطأ تقريعه أو ضربه أو إهانته في هذا المقام لأن مثل هذا الفعل قد يأتي بغير الثمار المرجوة من العقاب وقد يترك أثراً سيئاً في نفسية الطفل لا بد وأن يكون له تأثير في المستقبل..

ومن الأمور المهمة الممكن تعليمها للأطفال في مثل هذا العمر هو تنظيم الأوقات وضبط المواعيد اليومية المهمة من أكل وشرب ونوم ولعب إلى غير ذلك.. فبعض الأولاد يأكل متى شاء وينام متى شاء مما ينعكس فوضى لا يقتصر تأثيرها على الولد نفسه إنما يتعداه على أفراد البيت جميعهم..

أمين أحمد الحاج محمد

07-06-2010, 11:45 PM

ليك ولا ديبو الملقب بـ مبارك أنا ما رح رد عليك بالحكي ... لي شغل تاني معك ان شاء الله ...

أما أخي حسان ما تزعل بس هي الأم بشكل عام بتتحسس لمن حدا بيغمز ابنا غمزة...

وعلى فكرة أحمودة بيتعلق كتير بالقصص وسمعوا شصار معنا اليوم:

اليوم نزلت أحمودة وعبد الله عالبحر ولكن الهوا كان شديد وكان الطقس بارد ... المهم وبلا طولة سيرة ... هادي اول مرة هالسنة بينزلو الولاد فأحمد لمن كنت عم اتركو صار يصرخ وقلي ولك شباك بدك يصير معنا متل ما صار مع نوح(عليه السلام)...كان عم يقولها من قلب مجروح...
فرطني من الضحك...:1 (10)::1 (10):

المبـــارك

08-06-2010, 12:05 AM

اليوم نزلت أحمودة وعبد الله عالبحر ولكن الهوا كان شديد وكان الطقس بارد ... المهم وبلا طولة سيرة ... هادي اول مرة هالسنة بينزلو الولاد فأحمد لمن كنت عم اتركو صار يصرخ وقلي ولك شباك بدك يصير معنا متل ما صار مع نوح(عليه السلام)...كان عم يقولها من قلب مجروح...
فرطني من الضحك...:1 (10)::1 (10):

لو فعلا إبنك بيعرف متل منك عم توصفو كان قلك " متل ما صار مع فرعون " مش متل ما صار مع نوح يا أبو ديبو...:)

محمد أحمد الفلو

08-06-2010, 02:17 AM

[QUOTE=Hassan;97121][QUOTE

على كلن الأخ أمين و حبيبي أحمودة عالعين و عم يملوا المطرات...

/QUOTE]

ما بعرف مين انتبه عالتمسخره يلي سفقك ياها حسان يا أمين

بس عنجد رااائعه وكتير ذكيه

المبـــارك

08-06-2010, 02:32 AM

[QUOTE=أم أحمد القلموني;97096]

لأن وين ما راح بياخدو (عالجامع, عالمخيم, عالمسرح)... و هيك الولد بيتعلم الدين و بذات الوقت بيطلع زلئ مو فلطة متل الجيل الحديث... باردون (pardon) من هالكلمة... و ما شالله هالشبل من داكا الأسد (وحش مفترس)...

صح يا حميطون؟؟؟

محمد أحمد الفلو

08-06-2010, 02:42 AM

[quote=hassan;97121]

صح يا حميطون؟؟؟

عسيرة المخيمات

الله يحضيني فيك بشي مخيم يا مبارك ...

أمين أحمد الحاج محمد

08-06-2010, 10:42 AM

أخي مبارك ... اسمع

عن أبي هريرة رضي الله عنه أن رسول الله صلى الله عليه وسلم قال :" من كان يؤمن بالله واليوم الآخر فليقل خيرا أو ليصمت ومن كان يؤمن بالله واليوم الآخر فليكرم جاره ومن كان يؤمن بالله واليوم الآخر فليكرم ضيفه " رواه البخاري ومسلم

هذا الحديث خرجاه من طرق عن أبي هريرة وفي بعض ألفاظها فلا يؤذي جاره وفي بعض ألفاظها فليحسن قرى ضيفه وفي بعضها فليصل رحمه بدل ذكر الجار....

وخرجاه أيضا بمعناه من حديث أبي شريح الخزاعي عن النبي صلى الله عليه وسلم

وقد روي هذا الحديث عن النبي صلى الله عليه وسلم من حديث عائشة وابن مسعود وعبد الله بن عمرو وأبي أيوب الأنصاري وابن عباس وغيرهم من الصحابة رضي الله عنهم

netmaster1984

08-06-2010, 10:52 AM

ما كنت حابب إحكي بالموضوع.. بس دعيت للشهادة..
غبيش من هوا و صغير بقول الحق ولو عقطع رقبتو.. و بذكر قصة وقف فيها موقف الرجال وقال كلمة حق أمام سلطان جائر.... كان يا ما كان(هلأ بتغبش الصورة و بنرجع بالزمن):

لما كان غبيش عمرو 5 سنين...كنا عطول نعمل كمائن عبرندتنا وما نخلي حدا يمروء من تحت بيتنا بدون منرحب فاي.. شي نرشو موية شي نشلح علاي شنك شي نطصوا بالبصل و الكرز و ما إلى ذلك.... حتى مرة علأنا مع بيت غنوم بالصنة.. فضينا الحواش تحتا صارت بنايتن لونا بني بدل الأبيض ...
المهم.. بيوم من الإيام بنكون أنا و حسان محضرين عجينة شي كيلو.. بنوأف عالبرندة و بكون محمد وائف عالدرابزين حدنا...
عالتريء في واحد كان يجي كل مرة عالضيعة وكنا لاطينلوا من فترة و منا عم تزبط معنا.. كان عقيد بالجيش وشكلو متل الرجال اللي بيلفوا شواربن..كان بخوف و كان مبين علاي إنو شايف بحالو ...حاصله ماريء الزلمة من تحتنا شائل منخارو و ماشي...كبسنا عجينة..مرئت من حد وشو ولبصت عصباطو...فجرت فجر .. الزلمة جمد بأرضو ...

بهالأثناء كنا أنا و حسان منبطحين عالبرندة...
بس غبيش أبى الإنبطاح و دل واقف متل الأسد... كلشي شدينا فاي تيزل لكنه أبى.. وقال : مني عامل شي.. لأيش تئنزل ؟؟

الزلمة صار يعيط : مين طص ّ... مين طصّ !!! اطلع عمصدر القذيفة لئي غبيش وائف عالدرابزين...صرخ فيه : إنتا اللي طصيت !!

عند ذلك نظر إليه غبيش نظرة ً إستخفافية وأجاب بضحكة عالية: أنا !! آل أنا !!!...هههههههه......ولا هادولي أخي أسامة و أخي حسان............ليكن عم يزحفوا عالأرض !! ..
اندهش الرجل من جرأة غبيش.. و علم أنه من القلة الذين يقولون كلمة الحق ولا يخافون في الله لومة لائم...

خليك تتعلم تتأنالي عالزهرة...حأة بلوة....فاتحين المصحف عالآية كمان : "كل نفس ذائقة الموت " ... رحمة الله عليكي يا زهرتي :(
اسامة، قصة حياتك إنت وخوك بعدين ع أولت الحج عامر قدس الله سره http://www.yamli.com/tiny_mce_3.2.7/plugins/emotions/img/smiley-sealed.gif بس حلوه عم نمزح...
و الله إشتأنالقن، الله يجمعنا قريباً...
ع سيرة التص، ذكرتني بل زمانات لماً كنا زغار أنا و خالي ربيع كسن و سامر قزيحة، كان عن سطح بناية الشيخ علي كسن منصة الإطلاق ...
كل بنت تمرق ع طريق الفوؤنيه منا محجبه توكل نفيخة مواي ع راسا... http://www.yamli.com/tiny_mce_3.2.7/plugins/emotions/img/smiley-innocent.gif
و مرة الجنرال سامر الله يوجهلو الخير طلع معو يطس بنت خولاو ... مرح أول مينيه...بس هونيك لمصيبة ... كانت جايه عند بنت الشيخ ...
المهم عرفو من وين التص وطلعو علينا عل السطح ... شي تخبا ورا البركه وشي ببيت المونه... ايام والله ...
و من وأتى وئف التص عن السطح...
وتم نقل المنصة عالبوابة جنب الطريق... و بدل النفيخ المكلف صار تراب من حقلة الشيخ علي كسن بواسطة العميل السري المتخبة بالحأله...http://www.yamli.com/tiny_mce_3.2.7/plugins/emotions/img/smiley-sealed.gif
الله يرحما هل حقلة صارت موقف سيارات...
أحلى ايام مبتنسا...
بس كانت الأهداف دعويه اسلاميه مو رذالة متلك يا إبن
زيدان ... http://www.yamli.com/tiny_mce_3.2.7/plugins/emotions/img/smiley-sealed.gif

مازن الفلو

netmaster1984

08-06-2010, 11:07 AM

ع فكرة أحسن شي قلو لمحمد (حميطون ) يحرض طبوش وفرئتو عل فكرة ... بردو علاي هدال... عن سطح زينون أو من عند المش معقول...http://www.yamli.com/tiny_mce_3.2.7/plugins/emotions/img/smiley-sealed.gif
هدال مايحلو ع إسرائيل بهربوا...
بركة بريحونا من شارع الكزار يلي بحورتنا... http://www.yamli.com/tiny_mce_3.2.7/plugins/emotions/img/smiley-sealed.gif

أمين أحمد الحاج محمد

08-06-2010, 12:55 PM

أهلين بالأخ مازن ... يا خيي الله ريحنا من شارع الكزدار بدون طبوش وفرقتو... ما عرفت انو انتقل شارع الكزدار بليلة ما فيها ضو قمر للطريق الجديدة جنب الحديقة ورايح وبدن سابق انذار...

المبـــارك

08-06-2010, 05:07 PM

محمد أحمد الفلو

08-06-2010, 05:48 PM

تخيل ما عم يزبط الإقتباس كان، يمكن كنت بدي هاجمك ؟
قلبك كبير يا مبارك ، والعافين عن الناس ..
سامحنا

netmaster1984

08-06-2010, 06:31 PM

أهلين بالأخ مازن ... يا خيي الله ريحنا من شارع الكزدار بدون طبوش وفرقتو... ما عرفت انو انتقل شارع الكزدار بليلة ما فيها ضو قمر للطريق الجديدة جنب الحديقة ورايح وبدن سابق انذار...

والله قولولي من فترة عل تليفون إنو انتقل الكزار ع طريق الفلل... بس ما كنت متخيل إنو بطل عنا شارع عشاق نهائياً...http://www.yamli.com/tiny_mce_3.2.7/plugins/emotions/img/smiley-smile.gifيعني بطلت العجقة بالليل!!!... والله خبر حلو يا أخ أمين ...

لكن بعد أن بشرتنا بتحرير الحارة يتم الإنتقال من جهاد الدفع إلى جهاد الطلب ... منا مشكله... و بتروح كتيبة طبوش وفرقتو يلطو تحت الخرنوبه جنب مدرسة المنار ...http://www.yamli.com/tiny_mce_3.2.7/plugins/emotions/img/smiley-sealed.gif

Ouss

08-06-2010, 06:52 PM

لكن بعد أن بشرتنا بتحرير الحارة يتم الإنتقال من جهاد الدفع إلى جهاد الطلب ... منا مشكله... و بتروح كتيبة طبوش وفرقتو يلطو تحت الخرنوبه جنب مدرسة المنار ...http://www.yamli.com/tiny_mce_3.2.7/plugins/emotions/img/smiley-sealed.gif

أنا برأيي تشلحلك شي نفيخة عإسرائيل بفرد مرة...

ولك أهلين بالأخ مازن...مشتائين والله..

netmaster1984

08-06-2010, 08:11 PM

أنا برأيي تشلحلك شي نفيخة عإسرائيل بفرد مرة...

ولك أهلين بالأخ مازن...مشتائين والله..

اسامة تطللع بحورتك شلك دخل بحارتنا... http://www.yamli.com/tiny_mce_3.2.7/plugins/emotions/img/smiley-sealed.gif
بألك الطبوش ليش إسرائيل منا متحجبه؟!!! ... رح يدرسلك الموضوع ...http://www.yamli.com/tiny_mce_3.2.7/plugins/emotions/img/smiley-sealed.gif بتمون إنت و الله ...

موضوع بيسلي الله يبارك فيك ضحكتني عند هل صباحات ... أوعدلاك مروبص بعد هل ١٠ ساعات سفر ع اميركا...

محمد

12-06-2010, 01:41 PM

يا هلا بالشباب جميعا
بعتذر ما قدرت تابعكن بالمشاركات أول بأول لأن كنت بالدبية وفي امتحانات ...
ادعولي اسا أسبوع واحد ...
ولنا عودة ان شاء الله