لهجة أهل القلمون!!!..

[المهند]

موضوع طالما احببت الخوض فيه..لدرجة انني احببت يوما ان يكون موضوع رسالتي في الماجستير..لن ادخله من بابه الواسع هنا فى المنتدى انما أردت فقط أن نتحدث قليلا عما يسارورنا من شعور واختلاجات فى الصدر ونحن نكلم الاخرين بلهجتنا "الفارقة" نوعا ما عن كل لهجات القرى اللبنانية!!...لماذا مثلا يغير البعض بلهجته حين يكون خارج الضيعة؟!!ما هى الاسباب؟! هل هو الحياء من هذه اللهجة؟ام لتمكين المخاطب من فهم معنى الكلام؟!! هل يؤيد الجميع في القلمون هذا التغيير؟!!..هل تؤيدون "تجليس" لهجتنا قليلا او ان ذلك من العار وهو اصلا ضرب من المستحيل؟!!هل ما زالت لهجة اهل القلمون على ما هى عليه منذ الاجداد والاباء؟!!ام ان تخالطنا بالمدن المجاورة كطرابلس والكورة وغيرها قد ادخل عليها لفظات وحروف وانماط من التعبير واساليب الانشاء ما لم يكن فيها من قبل؟!دعونا نرى ونسمع اراءكم ولعل ما سيكتب هنا يكون من بين استشهاد لى فى بحث قد اقوم به لاحقا في هذا الباب ان شاء الله:)

[Abir]

hiyye el lahje darajat w moustawayat 7asab el 7ara elli enta tale3 menna,,, manou 3ayb tkoun lahjtak khafife,, hayk el 2almouni w kaman el gahrib byefham 3layk,,

[الشامي]

السلام عليكم ... :) كيفكم يا جماعة...

يعني الصراحة في كلمات كتير ضمن اللهجة القلمونية ما حدا سامع فيها غير القلمونيين، مثل بسيط كلمة (أيبل) :)...

أوعا يكون قصدك على حارة العين أختنا عبير;) ....


أخوكم:rolleyes:

[فيصل]

صلو على النبي
أنا بقول أنو لهجة القلمون شي كتير مجلوقه و كتير في معاني موش إلهن معنا و لزم تتغير أو تتعدل أو أهلها لزم يعدل بلهجتهم لأنو غير متحضره هذه اللهجه ;) شو أكيد الكل بقول متلي مو ؟

[حُسَينْ ... !]

مشكور على الموضوع و الله يبارك بالجميع
اللهجة الالمونية من احلى اللهجات و من ما بسمعا بتجزبو تا يضل يسمع و في عالم بحاولو يألدوك بس ما فيون
انا والله بس شوف واحد الموني مغير لهجتو بلبنان بعتبرو واحد متنكر لأصلو و احيان بدحك علي
مافي داعي بلبنان الواحد يغير لهجتو لأنو الكل بيفهم علي بس بالخليج بدو يزبط شوي

[من هنا و هناك]

الموضوع مهضوم و لانه صرلنا فترة بالضيعة صرنا بنفهم على هاللهجة بس فعلا في كلمات ما الها معنى و كتير موجودة على الالسن من الكبير حتى الصغير و اكتر كلمة بتعملي مغص لما اسمعها هي "تنكدشاي" فيا ريت يا ايها الجيل الجديد خففوا من هذه الكلمات السخيفة و لكم مني جزيل الشكر :)

[Nader 3:16]

نحنا منرفع راسنا باللهجة القلمونية و يلي بميّزنا عن بقية اللهجات هو وجود هكذا تعابير في لهجتنا....

لذلك لن نتخلى عنها بإذن الله.....و يلي مو عاجبو لا يعجبوا خليه يصير Cool

و السلام عليكم

[moustafa]

السلام عليكم و رحمة الله و بركاته ....
و بعد:
-أولا: الله يبارك بالاخ المهند على هذا الموضوع و على هذه الطريقة الجميلة في طرح الموضوع.
-ثانيا:ما حدا يجي يتفلسف و يقللي انو اللغة القلمونية منها متحضرة!!!
-ثالثا:اذا بتلاحظوا معي انو القلامنة فيهم يقلدوا اللغة يللي بدهم ياها بس الباقيين من الضيع و المدن الاخرى لا يستطيعون النطق و لو بكلمة واحدة بالقلموني (هيدامع التدريب كمان)
-رابعا:مافي شي كلمة بالقلموني "سخيفة" بالعكس كل الكلمات لها معنى واضح و تكون في معظم الاحيان هادفة ... و مختصرة أيضا كما أن كلمة تنكدشاي هي من أهم الكلمات القلمونية ... بدل أن تقوم الواحدة و تبلّش بهل الادعية على الثانية دغري بتختصر الوضع و بتقولها تنكدشاي.... ميشان هيك ميجيلي كل واحد ما بعرف من وين و بدو يتزاكى علينا..
-خامسا:لا بد أن أشكر الاخ نادر على جوابه المختصر المفيد ....
أخيرا لا بد أن أشكر الجميع و خصوصا المتعاونين مع اللغة القلمونية و أقول جزاكم الله عني و عن القلمون بكامل سكانها كل الخير
و السلام عليكم و رحمة الله و بركاته

[من هنا و هناك]

شو بانا كلكم هجوم على غريب الضيعة انا قلموني و كل واحد قادر يقلد لهجة التاني مش بس القلموني
و يعني برايك تنكدشاي الها معنى تفضل فسرلي ياها من كدش يكدش كدشة اي نهش
ايه روحوا شايفين حالكم على الفاضي على هاللهجة الفخمة بس بتنسوا اصولكم برات الضيعة بس حدا يوصل منكم على البحصاص بتصيروا لهجتكم محترمة اكتر
انا عاجنكم و خابزكم و على فكرة هيدي الكلمة لا تنطق بدل المسباتو هي تقال على اي شي بايخ اي سخيف منشان هيك هي سخيفة
و السلام على اهل ضيعتي:)

[Nader 3:16]

مين قلّك انو بس نطلع برات الضيعة من غيّر لهجتنا؟؟؟؟؟؟

اذا انت هيك بتعمل ما تحكي عن غيرك....

فيك تسأل كل يلي بالجامعة معنا يأي لهجة منحكي معن!!!!!!!!

[المهند]

دعونا نتكلم بهدوء وبلا تناحر وارجو من الجميع طرح ما عندهم من افكار حول لهجة القلمون دون المساجلات الثنائية!!أعتقد حسب استقرائي للهجة اهل القلمون مرورا ببعض كبار السن وحتى يومنا هذا ان لهجة القلمون تغيرت كثيراعما كانت عليه سابقا وفى كثير من الاحوال من الاحسن الى الاسوء حيث كنت ترى اللهجة تروى سابقا بالفاظها ومفرداتها الصحيحة وطريقة لفظها الصحيحة بينما هى اليوم تشوبها الشوائب الكثيرة وما ليس منها!!هل توافقوننى الراى؟!!:)

[mij3as]

lek ya habibi lahjet 2al 2almoune lahjeh mousta7il 7adan yifhama iz 2annahou fiha kalimat ktir sa3bi binesbeh lal be2yin mitil 2ade7 w tesoumeh
kama 2innou lamma 3am ti7ki ma3 we7ed mana 7ilweh ti7ki ma3ou blahjeh mana mafhoumeh 3indou 2iz 2innou bsir byidjar minnak 2aw bifakrek 3amma titmaskhrou fa bi soubbak bi jawfou.

[المهند]

بعتقد انو في شي من كلامك صحيح يا اخ مجعظ بس كمان ما تنسى انو الكلمات يلى انت حكيت عنا موجودة بباقى اللهجات وخصوصا عند الطرابلسية..تانيا انا برجع باكد على شغلة مهمة انو لو اهل القلمون بيحكو اللهجة المزبوطة القديمة يعنى الاصلية كان كل الناس بتفهما وانا مصر على هالرأي,بس المشكل انو للاسف ضاعت اللهجة القديمة بين اللهجات الحديثة والكلمات الدخيلة على لهجة القلمون!!...

[HARD]

اذا كنت تريد ان تتكلم باللهجة القلمونية فلتتحدث وان كنت لا تريد فلا تتحدث لا يوجد اي نوع من انكار الاصل بهيك موضوع وهذا ان كنت بلبنان او خارجه
اما ان يتم تغيير بعض الالفاظ او الحض على نسيانها فهذا هو انكار الاصل :) مهيك شباب ....
و اللغة العربية فيها الفاظ غريبة وهي دخيلة على اللغة اصلا لماذا اعتمدناها ؟؟؟؟..... انا اقول يمكن بالمستقبل البعيد :) دخلول التعابير القلمونية الى معجم اللغة العربية ان شاء الله :) :)


عفوا من المهند على هذه المشاركة فقد ابهت الموضوع

[Nadine]

انا بنظري انو اللغة القلمونية هي اقرب لغة الى الفصحى من اي لغات, مثلا نحنا بالقلموني منقول : بحر وبالفصحى كمان بحر (للتوضيح :ba7r = Ba7r(
اما بالطرابلسي مع احترامي لكل الطرابلسية وخصوصي اقربائي فهنة بقولو (ba7ar (
ف طبعا نحنا منفتخر باللغة القلمونية بس انا ما بحب الحكي المجلوء,, يعني متل النكتة اللي سمعتها من صديقة لي عايشة بالقلمون وهيه خياطة , ف مرة كانت بمحل ببيع اغراض للخياطة , فسألها انت من وين ؟ قالتلو من القلمون . قلها مرة اجت لعندي وحدة من القلمون وسألتني عندك مغايييييييييط (meghayyyyet( قلها اي عندي بس ما بمط هالقد .....
لوووووووووووووووووول

[جابر دملوك]

قبل الخوض في هذا الموضوع لا بد أن نعلم أن اللهجة هي جزء من التراث.
و التراث القلموني عزيز على إبن و بنت القلمون و من هذا المنطلق فإن اللهجة بدورها عزيزة علينا.

اللهجة تتطور

(التطور لا يكون دائما من الأنحس إلى الأحسن بل قد يكون العكس و كلمة تطور لا تعني الإرتقاء بل هي عبارة عن خروج الشيئ من طور ليدخل طورا آخر)

هناك عوامل عديدة تؤثر سلبا و أيجابا على اللهجة.

جلنا يعلم المقولة الشائعة :



" زرعوا فأكلنا , و نزرع فيأكلون "

و نحن نقول :



" تحدثوا (السلف) فحفظنا و قلدنا , و نتحدث (نحن المعاصرون) فيحفظوا و يقلدوا (الخلف) "

هناك كلمات تستعملها حارة دون حارة.

هناك كلمات تستعملها عائلة دون عائلة.
هناك كلمات تستعملها بيوت داخل العائلة الواحدة دون بيوت.
هناك كلمات تستعملها طبقة إجتماعية دون طبقة.
هناك كلمات تستعملها النساء دون الرجال و بالعكس.
هناك كلمات يستعملها شخص دون شخص.
مثال : في بيتنا كنا نقول : (



أَحُوُوه) و في بيت عمي يقولون : (لَحُوُوه)

مثال : منا من يقول لكوب الماء (أدح مويه) و منا من يقول (أدح موي)

مثال : منا من يقول (معلؤه) و منا من يقول (ملعؤه)
سلفنا قال : (ززمه) و نحن نقول (جزمة)
و الأمثلة كثيرة لا نستطيع الإحاطة بها جميعا.
أقول و بالله التوفيق.
اللهجة من خلق الله سبحانه و تعالى كما هو حالنا. فكما أننا نتطور و نتغير و نتبدل فكذلك هو حال لهجهنا.
و كما أننا نتطور بعوامل داخلية و خارجية فكذلك لهجتنا و علينا أن لا نقف في طريق التطور طالما جاء بشكل طبيعي و منسجم.
و أقول لمن يريد التخلص من كلمة معينة لا تعجبة :



" عليك نفسك لا تملي علينا و لا نملي عليك. إن شئت قلتها و إن شئت جئت بالبديل."

تصوروا لو أن رئيس البلدية أو المختار أو خطيب الجامع و قف يوما في ساحة الأهوه على الطاولة و صاح بأعلى صوته : يا أهل الضيعة الحاضر يعلم الغايب. فرمان جديد : من الآن فصاعدا ممنوع إستعمال كلمة "



تنكدشي " و عليكم أن تنسوا الكلمة تماما و لا يكفي التناسي فقط عليكم النسيان التام.

بضمنلكن إنو بأل من دئيأه رح يصير تحت الطاولة و مطمور بتلة زفير مهري.

ثم كلمة (تنكدشي) لا تقال إل تحببا و ليس فيها إهانة و دعوة شر.
أنظر معي إلى هذا السيناريو.
مجموعة من البنات رايحين ليشؤو ع رفيئتن يا حرام مريضة بعد يومين و مانن عارفين إنا صارت منيحه.
هنه و رايحين لعندا شافوه جايه صوبن. وأتل وصلت لعندن آلولا :
" تنكدشي , و عاملن حالنا رايحين نشؤ عليكي , الحمد لله ع سلامتك "
من شو بتشكي كلمة (تنكدشي) أولولي.

[جابر دملوك]

لماذا مثلا يغير البعض بلهجته حين يكون خارج الضيعة ؟



قبل أن أجيب على هذا السؤال أقول لكم :
أنني أعرف أناس قلمونيين من أب و أم قلمنيين و مقيمين طول عمرن بالقلمون و لا يتكلمون بلهجة البلدة و يزجرون أولادهم إذا تكلموا بها و عذرهم السخيف هو :
"ولادن عم يدرسوا بطرابلس , و مادن يخلوا رفآتن يدحكوا عليين"
يا حبييييييييبي ع السخافة
و لك أيشو موقفك بالأمم المتحدة

[Nadine]

مشكور كتير اخ جابر كفيت ووفيت والله معك حق بكل كلمة قلتها

[فيصل]

صلو على النبي
ولك أهلين بالأخ جابر ولك ياأخي كلنا تعلمنا بطرابليس وما غيرت أنا شي من حكيي و دليتني أول بدي أشرب مويي وعطول دوير على رفقه جدد و محدان ألي شيي عن لهجتي القلمونييه بالعكس خليتن يحترموها غسبنعنن . بعجبك أنا ولك كل عمري كنت عم أوكل خبز عيشه و بيت حسين و إشرب مووي من العين :d

[mij3as]

mitil ma2allak sa7bek hard baddak ni7ki 2almouni bni7ki manamishkleh w moddek ni7ki mamni7ki bass 2ana 2isseni 3ind kilmti 2inou yalli baddou yiki 2almouni 2iddem hgheir soukan 2al 2almoune mou3zam 2al 7adis sa3b yifhamou yalli min barrat 2al 2almoun fhemt 3laiyyi w 3a fkra 2ana mabinkor inni min 2al 2almoume wala bisti7i kamen min lahjitna bal biftikher fiya la2annou bass 2al 2almoune fi yi7ki 2almoune wmafi hada bil 3elem fi y2allidna bass ni7na fina n2allid 2al kol.wa shoukran 3ala 2ihtimaimaik bil lahjet 2al 2almoune wa shoukran. :)

[حُسَينْ ... !]

الله يبارك فيك يا اخ جابر والله معك حق بي كل كلمة عم تقولا:)
انا بعتبرك مرجع و مخزن للتراث الألموني
والله انك شغلة يا اخ جابر..............
http://www.wejhah.com/vb/images/smilies/36_1_39.gif http://www.wejhah.com/vb/images/smilies/36_1_39.gif

[HARD]

لماذا مثلا يغير البعض بلهجته حين يكون خارج الضيعة ؟



قبل أن أجيب على هذا السؤال أقول لكم :
أنني أعرف أناس قلمونيين من أب و أم قلمنيين و مقيمين طول عمرن بالقلمون و لا يتكلمون بلهجة البلدة و يزجرون أولادهم إذا تكلموا بها و عذرهم السخيف هو :
"ولادن عم يدرسوا بطرابلس , و مادن يخلوا رفآتن يدحكوا عليين"
يا حبييييييييبي ع السخافة
و لك أيشو موقفك بالأمم المتحدة

انا اول مرة بعرف انو في ناس هيك بالقلمون معقول يا عم جابر والله اشتقنالك متى سوف تعود الى لبنان ؟

[المهند]

انا بقول انو كل يلى فاتحين تمامون على ملوا وعالقين تمجيد بلهجة القلمون وعم يعطونا برهان على مدى تعلقون بالقلمون من خلال هالدفاع المستميت يراجعو حالون منيح ورح يشوفو انو عم يغيرو بلهجتون برة القلمون سواء بكلمة او جملة او جواب او سؤال او رقم او اى شى!!!!!!!!!! السؤال بيقول:ايشو السبب الجوهرى؟!! لحد الان ما عم لاقى انسان صريح يتجرأ ويجاوب على هالسؤال!!ايشو سبب هالتغيير؟! لا تقولوا ما فى سبب لانو لو ما فى سبب وجيه كنا كل القلامنة منحكى براحتنا ولهجتنا القلمونية المحضة الف بالمية برة !يلا بدى جواب:rolleyes:

[Rola]

salam, walla ana mab3ref wa2et boktob shou bibayen bi aya lahje bas 3enna bel beit iza ma7kina almouni bit2ili el mama shouuu fi takadom sayra 3am tgayri lahijtek ye3neh 3inaa almounii w bass bel beit leh houwa fi a7la men 7aki el almouni,,,, aw2at bkoun ma3 rfi2tii hiye men lebnen bas manna men el almoun w btiji ikhti bi7kiya almouni,, bit2ili shou 3am ti7kou haidi liga gdide:confused: li2an fi ktir shii mabtifhamou.:D .. bas lezem ne7ki 3edi leh heik w wala heik li2an houwe 7elou el 7aki el almouni bas shwayyyyyyyy majlou2 :p

[محمد أحمد الفلو]

أنا بلأول كنت اعمل شات عال msn , بالقلموني , بس لما تعرفت عناس منن قلامنة , وكنت أكتب بالقلموني كانوا ميفهموا عليي الا بعد جهد جهيد, فصرت أكتب msn عادي(بيروتي يعني).

وفي ناس كمان حكين بالقلموني خبيط وبكوسة و تغريق وتزحيف.........:mad: :mad:
أما برات القلمون فكأن خلقهم القران :D ... فأولك أيش السبب؟؟؟

وسلامة فهمك

[جابر دملوك]

يا أخ مهند طول بالك علينا نتفه الموضوع من أولو إسا ما وصنا لسؤالك.
بالأول لازم أبل ما نطلع لبرات الألمون و نشوف من عم يحكي ألمون و مين عم يخبص لازم نخلص من جوات البيت الألموني.
نراكم قريبا إن شاء الله تعالى.

[المهند]

اني ارى رؤوسا مع شعورها قداينعت وان قطافها:p وبسلامة فهمك يا حميطوط!!بس ازا بدك بجاوبك عسؤالك.... هادا يا سيدى الجواب بيقول السبب انو فى ناس بالقلمونى ما بتفهم الا بالتتزحيف والشحططة والدعوسة!!ازا بتحكيون بلهجة القران الطرابلسية ما بيفهموا!!بسلامة فهمك يعنى يا بعدي!!تقبر ضميرى طلتك مزهرئتنا تزهرؤ:D

[Sarah]

Lahjet elalmoun ktir menhobbha, bass ya jame3a lazem ta3rfou shaghle ktir mohemme , ennou mabass ahl elalmoun bighayrou
lahjeton barrat elalmoun. koll el3alam bte3mel haik.Ana ba3ref nas men tripoli bass koll wehdeh btehki blahjeh.hatta ba3ref nas men beirut wkollon beghairou lahjaton aw belahra bizabbtouwa ,3ala fekra elli mfakker ennou ellahje elbeiroutieh elaslieh hieh nafsha elli btesma3ouha 3ala TV betkounou gheltaneen. Koll ellahjat beasla majlou2a bass sad2ouni elkoll behawel yhassena shwai hatta fi elnehayeh tetla3 metl mankon 3amtesma3oua. famafi da3i tezlmou ahl elalmoun wbass i

[المهند]

كل الكلام يلى تفضلتى حكيتى فيه يا اخت سارة اناموافقك عليه انو فى كتير ضيع ومدن بتغير لهجتا برة او بالاحرى الاكتر لانو فى ناس بتحكى لهجتا جلئ وما بيهما,وهالشى بيعنى برايي انو اهل هالمدن والقرى ومن ضمنون القلامنة طبعا عارفين بقرارة انفسون انو فى عيب او خلل ما بهاللهجة ومن هيك تلقائيا لما بيلتقوا برة بناس بيحكوا لهجة مختلفة رح يحسوا فورا انو فرق اللهجة رح يكون فاضح من هيك بيحاولوا"يشلبنوا"لهجتون شوى ازا صح التعبير حتى تتناسب مع سمع الاخرين وفهمون..هون بالاخير بحب انى نوه لشغلة حكى عنا كتير من القلامنة هون وهنى عم يدافعو عن لهجة القلمون الا وهى انو نحنا منقدر نقلد الكل بلهجتون بالوقت يلى ما حدا بيقدر يقلدنا !..انو برايكون هيدا سبب انو يخلى لهجة القلمون عظيمة كتير؟!!يعنى فى اعتراف من الاغلب انو فى مطة وجلئة وتمغيطة يعنى عدم قدرة الاخرين على تقليد لهجة القلمون بيشفعلا يا ترى انو تكون فارقة هالقد او تكون فوق الانتقاد؟!!بدنا جواب:rolleyes:

[HARD]

حنى الان لم افهم اين هي المشكلة اذا الواحد غير عن اللهجة القلمونية ومني فاهم ليش المهند قايم ومزعوج كتير مع انو طرابلسي .
ولهجتو اقرب لهم منا نحن القلامنة .....





الله يستر يارب من رد المهند :) انا اخوك hard بعض اللين في ردك :)

[جابر دملوك]

إخواني و أخواتي هذا الموضوع يحتاج إلى تفصيل و إسهاب و أمثلة و لا أرى أخانا المهند مبالغا عندما يقول أن الموضوع هو خرج أطروحه ماجستير.
فالمسألة ليست مجرد سؤال عابر و جوابه ب نعم و لا و إنتهت المشكلة و فريق ضد فريق.

[جابر دملوك]

لهجتنا هي جزء من هويتنا شئنا أم أبينا
" عجبك عجبك ..... ما عجبك بلط البحر"
في عام 1980 كنت و أخ لي من القلمون في طريق عودتنا من السعودية إلى لبنان براّ.
الشوفير أردني أنا و أخي من القلمون لبنان و هنال ثلاث شباب من سوريا.
السيارة مرسيدس ستايشن عمومية و الطلب طالع من الرياض إلى دمشق.
أنا و أخي لا نعرف أحداّ من بقية الطلب.
أثناء الليل و بينما كانت السيارة تنساب عبر الصحراء المترامي الأطراف إذ بأحدى العجلات تفرقع. فما كان من الشوفير إلا أن أيقظ النائم و أعلم الجميع بوجوب إخلاء السيارة و تفريغ بعض الأغراض من الصندوق ليخف وزن السيارة فيستطيع رفعها و تغيير العجلة.
قال لنا الشوفير بعد أن عالج الأمر و ركبنا السيارة و سارت بنا أن عليه أن يتوقف عند أول كراج لإصلاح العجلة المثقوبة.
ما هي إلا سويعات و إذ بالسيارة تتوقف في منطقة شبه نائية ليس فيها كثيرعمران.
نزلنا جميعا كعادتنا نتجدب و نتمغط و كان الغرض الرئيسي إصلاح العجلة و تأهيلها للعمل من جديد و إعادة دولاب السبير للطبونة.
تقدمنا الشوفير و مشينا وراءه فقابلنا صاحب الورشة و هناك حدث ما لم يكن بالحسبان.
إلى اللقاء في الحلقة القادمة إن شاء الله تعالى.

[جابر دملوك]

طلب الشوفير من صاحب الورشة إصلاح العجلة المثقوبة و كما قلنا سابقا الشوفير أردني فتحدث بلهجة بلده
و رد عليه صاحب الورشة باللهجة الألمونية فطار صوابي و صواب أخي و نظر كل منا إلى الآخر قائلا في آن واحد
"من الألمووون .... بيصيييير .... بتعرفو شيي .... تعا نسألو"
تقدمنا منه أكثر وسألناه و الدهشة تعلونا علَّنا نعرف منه من يكون.

قلنا له : " من الألمووون أخونا ..... و لا غلطانيين ؟"
فرد قائلاّ بلهجة ألمونية قحة : " أهلااااااااا بالأرايبيييييين"
فإزددنا عجبا على عجب.
و نعود إليكم قريبا بإذن الله تعالى لإكمال ما تبقى من القصة.
نستودعكم الله

[Nader 3:16]

هههههه

ننتظر التكملة بفارغ الصبر يا اخ جابر!!!!!!!

[المهند]

انت هارد ديسك او ما معك ديسك برقبتك؟!!!ما رح اقسى عليك لانك واحد من الناس يلى بيغيروا لهجتون برة وبيجلسوا بس للاسف متلك متل الباقيين يلى احيانا لما بيصير شى حادث او مشكل عالاوتوستراد بيجو بدون يحكو عالاعلام ويحكو شصار وهونيك شوفو الكوارث يا ابو اشباب!!"يلي صار انو اجا الشااااااااحن مسرع كتير ونط من" هون" و"اجا"من هونيييييييييييييييييييييييييييييييك لهونايييييييييييييييييييييييييييييييي!...ههههههههه هه يعني خلطة عجيبة ما انزل الله بها من سلطان!!يا حكو" قلموناااااااااااااي" او احكو" طرابلسي" يا هارد المنحوس واحد متلك من باب التبانة:p وازا ما معك معك ديسك بخليه يصير معك انا بس تجي لهون انشالله بالسلامة..لا تنسى تدك المصريات باجر التخت هههههههههههههههههههههههههههههههههههههههههههههههههه هههههه:D

[HARD]

والله انت مخفف اللهجة منيح كتير هيك يا اخي كلامك على راسي بركة بصير معي ديسك عن جد لانك تقيل كتير والجواهر التي نطحتني بها كفيلة بفك رقبتي
فسلام عليك والف سلام ............ والله يعينها على هل المصيبة ....امين امين ....... ومين هم الباقين ؟؟؟؟؟ يلعن هل التفكير الاعوج يعني صرنا كفار مع احترامي للجميع الموضوع لا يستاهل البحث فيه وانا عم شارك من ضجري وقلت خلينا نعطيه اهمية .
نحن عرب و منحكي عربي عجبك عجبك وما الي عين كفي الجملة التانية مهيك ؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا متخصص باللغة العربية انت تدافع عن العامية الله يعين على هيك تكفير بالكاف ......
القبلية موجودة اين ما تكون ..أه........................................

[الشامي]

السلام عليكم :) .. كيفكم يا جماعة...

موضوع جميل جدا الصراحة ... الله يبارك بالمهند وأخونا جابر وكل الشباب والصبايا...

خيي هارد طول بالك على المهند... صاحبك هاد...

أخوكم:rolleyes:

[HARD]

اخي شامي ليش شو في ؟؟؟؟؟؟

[المهند]

ما رح رد على الاستفزاز يا هاردديسكككككككككككككك بس بقولك ازا ضجران تسلى بدك المصارى باجر الكرسي ازا خلصت من اجرين التخت:p دوووووووووووووووووووووووووووووووووع

[Software]

أنا ما رح علق كتير على الموضوع بس رح قول : جو خوو و بوو يعني بالعربي المشبرح : jo khow w bow

[THE TERRORIST]

وينك يا معلّم جابر دملوك ؟؟؟؟ ما بقى بدك تكمّل القصة؟؟؟....

[جابر دملوك]

تقدمنا منه أكثر وسألناه و الدهشة تعلونا علَّنا نعرف منه من يكون.


قلنا له : " من الألمووون أخونا ..... و لا غلطانيين ؟"
فرد قائلاّ بلهجة ألمونية قحة : " أهلااااااااا بالأرايبيييييين"
فإزددنا عجباً على عجب.
توقعنا أن يكون أخانا قد نزعه عرق ألموني.
وفعلاً وجدناه من الألمون.
و لكن ألمونه لم تكن ألموننا.
بل كانت ألموناً من قطر آخر.
لقد كان أخانا من القلمون (سوريا)
فهل نحن منهم ؟ ..... أم هم منا ؟
والله يعلم و أنتم لا تعلمون.

[Nader 3:16]

الى الاخ Software
انا بحكي قلموني برات القلمون يعني و بحسّها عادية جداً...يعني حتى بعض رفقائنا بالجامعة بحاولوا يقلدونا بالحكي.........

[HARD]

سلام
Software

كيف حالكم وينك بهل الايام خبرني عنك

اخوكم ربيع عبيد

[جابر دملوك]

لا شك أن هذا الموضوع هو موضوع حساس للغاية و قد يولد الكثير من التنافر بين الأعضاء و لكلٍ رأيه الخاص و المميز ولكن دعونا نناقشه بدون مسخرة.
فاللهجة القلمونية كباقي اللهجات لها من يحبها و لها غير ذلك.
و أنا شخصيا أحبها ليس لأنها أفضل اللهجات على الإطلاق فهي ليست كذلك و لكن لأنها جزء من هويتي و شخصيتي و لو أنني ولدت في مكان آخر لكانت لهجتي مختلفة تمام الإختلاف بل قد تكون لغتي مختلفة.
و من هذا المنطلق أجد أن اللهجة القلمونية فيها
المُطَعًم بلكنة من خارجها
و فيها المعتدل الموزون
و فيها المجلوء و المجلوء جداً.
و كل منها له خصائصه و مميزاته و ظروفه.
1. إثنان من القلمون يتحدثان عن مغامرات صيد البر أو البحر و (معجوئين) كيف ستكون لهجتهما ؟
2. طفل يتحدت مع جدته الكبيرة في السن كيف ستحدثه ؟
3. والد يكلم إبنه المراهق و الآخر لا يلقي له بالاً و الأب يغضب. كيف ستكون اللهجة و كيف سينهي جُمَلَه ؟
4. لاعِبِيّ الطرنيب و الليخة. كيف ستكون لهجتهم ؟ و كيف ستكون أخلاقهم ؟ و هل هي تسبيح و تحميد ؟
5. شخص ذهب إلى فرن (عيشة) ليحضر الخبزات. ماذا سيسمع يا ترى ؟
6. بنت مخطوبة جديد و عم تتعرف ع خطيبة و مستحية. بأي لهجة ستتحدث ؟

و الأمثلة تكاد لا تحصى.

[الزاهر]

ولك شبكم عاملين من الحبة أبة ومن حبل الكبريـــــــــــــــت مادنة؟؟؟

ولك حاجتكم لت وعجن ولف ودوران ومعمعة ومزايدة وتبييض وش وتمسيح جوخ وتكلف ووووووو.........


الأصة ولا أبسط من هيك.....سمعو تحليلي للموضوع تنشوف:

نشأت اللهجات الشعبية بعد أن اختلطت الشعوب العربية بالشعوب الأعجمية........ونشأت مع كل مجموعتين أو أكثر لهجة.......تخلط بين العربية ولغة القوم الأعاجم.......وتعددت اللهجات بعدد الخلائط التي نشأت........فإذا اللهجة ما هي إلا نتيجة خليط بين لغتين جائتا من شعبين مختلفين.....وما نشأت اللهجة إلى نتيجة استخدام الشعبين بعض التعابير من اللغة الأخرى مما أدى ألى لفظ خاطئ للأحرف والكلمات.......وهذه هي اللهجة......أخطاء لفظية!!!
وأكبر دليل على أن اللهجة هي نتيجة اختلاط شعبين.......أنك إن استمعت لكلام شخص من "وادي خالد" مثلا.......لن تعرف إن كان لبنانيا أو سوريا.

وهكذا الحال.......قل لي أين تعيش......أقل لك ما لهجتك.......فاللهجة هي بنت بيئتها!!!

ثم لنحلل مع بعض هذه الحالة:
تخيل أن ولد له والدة عربــــــــــــيــــــــــة....ووالد إنكـــــليــــــزي.......بالتأكيد سيتكلم هذا الولد اللغتين......لكن لفظه للعربية سيتأثر ......كذلك لفظه للإنكليزية!!!!......وسيتكلم بالعربية المأنكلزة.......وبالإنكليزية المعربة!!!!!......وهذه الحالة إن افترضنا أن اللغتان الأصليتان......صافيتان.....فما الحال إن كانتا لغتين هجينتين؟! (أي هي بذاتها متأثرة أصلا بلغة أخرى) فبالتأكيد سيتكلم الولد حينها لهجة جديدة تماما.......مغايرة عن كل من حوله.......

فشو بيطلع يا حزركم من أم بتحكي ألموني.......وأب بيحكي بيروتي مجلوء؟!!!!!!!!!.......بيطلع مصيبة لغوية......كارثة لغوية.......ولك بل جرثومة لغوية.....اللي بدكم ياه!!!!!

يعني اللهجة......وما يتمخض عنها.....حالة جد طبيعية......بل بالعكس.......إن ما كان الواحد بيتكلم بلكنة قومه أو مجتمعه......فهو المشكلة......هو العنصر الخارجي الغريب !!!!!
وإنتو عاملنلي منها أصة وديوان ورواية وألف ليلة وليلة!!!!!

وآه......سماع يا مهند......بس كون برات الألمون بحكي لهجة هجينة إن حسيت إنو اللي عم حكيه ما عم يفهم.....وبحكي ألموني كح إن حسيتو فاهم........وين المشكلة يعني.......ليش هو إن عاشر أهل القلمون شهرين أو 3.......ما رح يصير نفس الشي........مبلا وغصبنعندعّسراس اللي بيؤول لأ........
معايشني كتير أصدقاء من برات القلمون.......سواء بالمدرسة عنا بالألمون.....أو وئت أنا رحت لعندن عالجامعة....وكلن هيك....مشي معي شي مشوار لنشوف كنن بيحكو معي لهجة هجينة (طرابلسي-ألموني......عكاري-ألموني....وهكذا دواليك!!!!)......روح....مشي .....ما بدك!!!!!
وكلنا هيك......شوف أخونا نادر كيف بيكون عم يصرخ بالجامعة......وئت عم ينادي لصاحبو من أبي سمراء........ولالالالالالالالالالا بو صطييييييييييييييييييييييف...........تعا لهاون تنشوف.......شباك عامل متل كنفوش مكنسة أبوو للتعتوع علودات!!!!......فبيردلو بو صطيف.....كِنِت جاية لعونكون عالألموون.......بس مانكن خَرَج......عم يحاول......بس ما بتزبط معو بالألموني الصحيح!!!!!


يالله......سلملي على عروسك الطرابلسية........وخلينا نشوف ولادك شبدن يحكاو.......

سلام

[HARD]

هلا بالاستاذ زاهر انا فكرة حالى بشي درس تاريخ او الادب عند العرب ....


اه انت الان حكشت عش دبابير متلى يعني (ذكرتني بايام زمان الله يشفيك يا ايمن )
وحكيت كلام ..... انتظر وتأمل وراقب رح ينزل صواريخ على راس الكل ......

[الزاهر]

ناطر الصواريخ........ولك بنزل فيهم نووي اللي بدو يبلش صواريخ.......

نسو كل هالكلام.......خلونا جديين......شو رأيكم باللي ألتو........وشو تعليقاتكم عليه......وهل من أحد يعتقد بخطأ ما قلت.......هل من أحد يأيد؟؟؟......هل من نصير؟!
وحابب أعرف رأي البقية.......الأوادم يعني من هارد لنادين للشامي لجابر ......وبقية الأوادم.......

سلام

[الشامي]

السلام عليكم :) كيفكم يا جماعة...

يعني أنا مضطر للأسف وبلا مؤاخذة والعفو منكم وبطلب منكم السماح... اني أشطب كل شي بيخرج عن الموضوع، مع انو الكل أحبابي وبحطهم بعيوني...

بس يعني طفح الكيل، كل ما ينفتح موضوع منقلبوا مناوشات واشتباكات وبيروح فيه قتلى وجرحى ...

فرح أعطي مجال يوم واحد لكل واحد يراجع اللي خارج عن الموضوع ووحدو متل الشطور يحذفو... وبعدها أنا رح اتصرف...

أخوكم:rolleyes:

[الزاهر]

يالله ناطر آرائكم حول تحليلي!!!!!......وبلالكم هالطئ الحنك اللي ما إلو معنا!!!

[المهند]

هناك حسب دراستى للهجة القلمون اكثر من لهجة يحكيها أبناء البلدة قديما وحديثا!!منها مثلا اللهجة التي أسميتها "المسهلة" وهى عبارة عن تسهيل الحرف الاخير من كل كلمة وربطه او دمجه بالكلمة التالية ,أو اخفاء اول حرف من الكلمة التالية ودمجها بالحرف الاخير من الكلمة السابقة مثال:"منان" وهي تعني في الاصل:"من هان"وقد الغي حرف الهاء الاول من الكلمة وادمج مع الحرف الاخير من الكلمة السابقة فصارت الكلمة مسهلة ومقروءة بكل سهولة بعيدا عن التكلف:"منان!!..وهناك اللهجة "المجلوقة" التي تلفظ فيها كل الحروف تماما مع "لي" اللسان باللهجة القلمونية وهذه اللهجة هى معاكسة تماما للهجة التسهيل الاولى التي تكلمنا عنها منذ قليل!!مثال:"من هاوناي"وهنا لا نرى أي دمج أو تسهيل في الحروف بل على العكس نجد زيادة لبعض حروف العلة لاظهار اللهجة القلمونية في الكلام..ما رأيكم يا رعاكم الله؟!!:rolleyes:

[الزاهر]

هادي مشاركات مهمة......بارك الله بك.......وحطيت إيدك عالجرح هلأ.......ههههههههههه

لفتة صغيرة .......من أين=منين
ماذا تريد.....شو بدك.......شبدك
وهكذا دواليك!!!!

[المهند]

يعني من أهم ما يميز اللهجة القلمونية اعتمادها على بعض الحركات المحددةعلى بعض الحروف بترتيبها تماما!!..قد حاولت "تقعيدها اى وضع بعض القواعد للمبتدئين الراغبين فى تعلم لهجتنا او طريقة نطقها..مثلا لاحظت أن أهل القلمون يكثر فيهم كسر الكلام وتسكين الحرف الوسط بدل تحريكه مثال:"بحر" بينما الطرابلسيين بيقولو:"باحار"..مثال تانى:نهر,حبر,شمس,فطر..... وهى كلها مسكنة الوسط باللهجة القلمونية بينما هي عند الاخرين محركة بالفتحة اجمالا!!..وأيضا يكثر فى نطق "القلامنة" كسر الحرف ما قبل الاخير من الكلام بينما هو عند الاخرين مفتوح اجمالا مثال:" بلوط مسمر"بكسر الميم ما قبل الاخيرة بينما هى عند الاخرين مفتوحة..وينطق اهل القلمون الحرف الاول فى كثير من كلماته على تمط:"e"مع "اكسون سيركونفلاكس " او يلفظ على نمط" o" الفرنسية ايضا مثال عن الاثنين:"شايل"cheyel"بدى"أوكول" okol بينما يكسرها الاخرون:"بدي أيكول" ekol ..أتابع معكم فى مشاركة قادمة باذن الله لانني الان مشغول قليلا..سلامات:)

[الزاهر]

يا زلمة.....ولك وين كنت متخبي........والله لأيت اللي بدو يعملها قواعد........سآل فشلان كم مرة طلبت منو يساعدني بهالأصة......وما كان يرضى!!!!!!.......حتى يأست من حياتي......وبطلت طلب........!!!!

بالمناسبة.......عم تشوقني أكتر من المسلسلات السورية......مع إنو التلفزيون منو موجود بحياتي!!!!

سلام

[محمد أحمد الفلو]

أنا أؤيد تغيير لهجة القلمون في بعض الحالات

يعني بنتي فاطمة(مستقبلا -ان شاء الله) ما بقبل حدا يعيطلا فوطمة بالقلموني .

ي بالفصحى ي بالبيروتي

وهادا المبدأ ينطبق على أسماء كثيرة , تكون جميلة في الفصحى وبشعة جدا بالقلموني!!!

عائشة(عيشة) , حفصة(حفصا) , رغد ( raghod

[ach]

سلام
معك حق يا أخي حميطون.

[المهند]

أريد أن أذكر الاخ حميطون ان كثيرا من الاسماء والصفات تشوه باللهجة القلمونية على نحو ما ذكرت..صحيح, ولكن أيضا هناك الكثير منها يلفظ لفظة عربية هي اقرب ما تكون للفصحى من كثير من اللهجات المحكية ربما فى العالم العربي مثال:"أبي,أمي,أختي,أخي|..بينما هي عند الاخرين:"بيي وخيي ..."وأيضا من الاسماء:"زيد وبكر بتسكين الحرف الوسطي فيها فتلفظ كالفصحى تماما!!يعني يا حميطون ضربة عالحافر وضربة عالمسمار!!..:d

[الزاهر]

ليك يا أبضاي........شفلي موضوعي هاد..........كاتب فيه حوار بين قلمونيين......بالألموني المشبرح......الألموني الكح......عالآخر.......فبتستفاد كتيييييييييير منو..........شوفو......بس كتييييييييير كبيييييييييييير.........

الموضوع (http://www.qalamoun.com/Forum/showthread.php?t=460)

[محمد أحمد الفلو]

يعني يا حميطون ضربة عالحافر وضربة عالمسمار!!..:d

عنجد إنو في ناس مبتقرا بالمنتدى. يا مهند الهيئة الضربة جايه على راسك ... معم تقرا ..

أنا كتبت

أنا أؤيد تغيير لهجة القلمون في بعض الحالات
مش كلها

[HARD]

يلي بيعرف كم مرة حميطون بقول عنجد إنو في ناس مبتقرا بالمنتدى بالاسبوع الو واحدة بلاش .

[الزاهر]

شو يا المهند؟؟؟؟.............خلص بحثك هون؟؟؟

[دوكر]

يا هلا بالجميع ..........
ازا بدكن مساعدة انا هوني ........هههههههه........
موضوع حلو ...........
يعطيكن العافية .........
اخوكمدوكر المعوكر...........

[fadi]

خالص من زمان