ماهي اصعب كلمه قد تقولها لأنسان؟؟!!

[Rola]

الســـــــــــــــــلام عليكم



ماهي اصعب كلمة ممكن انك تقولها لانسان؟!:confused:

الخيارات عديدة

ولك ان تختار وتشوف الاصعب بالنسبة لك

انا اسف

احبك

اكرهك

لااستطيع

سامحني

الوداع

ولماذا هي صعبة بالنسبة لك؟!


انا بالنسبة لي اصعب كلمة هي احبـك لان كلمة احبك كلمه قووويه ومب سهله تطلع من الانساان الا اذا كان صادق

وكلمة اكرهك لاني مااحب اقول هالكلمه

وكلمة الوداع لانه اصعب شي بالدنيا انك تودع انسان تعزه:)

ارجووووووو التفاعل من الجميع

[dania]

كلمة بكرهك ولا مرة قلتها فا ما بعرف شو صعوبتا
بحبك كل يوم بقولا بس بتطلع بصدق ولا تفهموا غلط!!!!!
انا اسف مش صعبة علي انا بقولها لما بغلط بحق اي شخص
لا استطيع كمان مش صعبة علي في كتير اشيا ما منقدر نعملا فالكلمة هينة كتيررر
سامحني :: كلمة رائعة وانا بحب اقولها لما بكون بدي السماح من شخص انا أذيتوا والاحلى لمل بيقبل الشخص الثاني سماحك
الوداع: هيدي اصعب كلمة كتتيررر مؤثرة وانا حسيت اديش صعبة لما سافرت وبعدت عن بابا وماما واخواتي

اصعب كلمة هيا الوداع

موضوعك حلووووووووووو

وشكرا كتيرررر
دانيا

[Rola]

eh walla ya dania ktirr sa3bee kilmet el wade33 w kamen kilmet bikrahak as3abb, fih ktir kalimet sa3beh bas kilmet el wade3 sa3be ktirr

[dania]

eh walla ya dania ktirr sa3bee kilmet el wade33 w kamen kilmet bikrahak as3abb, fih ktir kalimet sa3beh bas kilmet el wade3 sa3be ktirr

ما حدا بيعرف معناها الا نحنا المغتربين يا رولا بس هيدي الحياة وهيدي ظروفها اقوى منا
والحمدالله على كل شي

دانيا

[nana]

كلمة بحبك كلمة عاديه صار كل الناس بتقولا بمعنى وبغير معنى
وكلمة بكرهك مافي داعي حدا يقولا ولنا صعبي هههههه لانو الكرة والحقد عايش بقلوب كل الناس صعب تلاقي حدا يحبك من ايا نوع من أنواع الحب
والوداع ما حدا بيحس شو معناة وداع ليكني مسافرة من زمان ماحدا بيشتقلي ولا بيتذكرني بحس بحالي وبواسي حالي ...........................

[Nadine]

مشكورة اخت رولا على الموضوع
هذه الكلمات كلها حساسه وممتعه
اصعب كلمه الوداع : لان الوداع يعني الفراق وآآآآخ من الــفـراق

[Sarah]

Akid kalemet elwada3 hieh men as3ab elkalam elli beddenieh leannek rah teb3di 3an aghla elnas bass sad2ini essa fi as3ab menha kelmet akhkhkhkh wenti b3ideh 3an ommek elli mafi ghira behawen aya waje3 behaldenieh.akid Dania and Nara and Nadine byefhamou 3layi aktar behalmoudou3 walla shou ra2ykon

[الزاهر]

زيدي هالكلمة على الخيارات أختي......"ما بحترمك"
لأن مجرد يألك هيك.....بيكون ألك
بكرهك
وبيكون ودعك........
لا بل عبر لك عن اعتباره أنك من غير صنق البشر بالنسبة له!!!!!

[Nader 3:16]

ههههههههههههههههههههه فهمت مشاركتك يا زاهر

[الزاهر]

ولك يا زلمة.......والله ما قصدت شي......بعدين تعا لهون.......شو فهمت.......هو أنا كنت عم احكي بشكل عام.......شو فهمت ولك!!!!

[nana]

يسلم هل تم ياسارا

[الزاهر]

بس منشان ما كون متل الأطرش بالزفة.......حدا ممكن يترجملي كلام الأخت Sara......لأن حضرة جنابي......صرلي مدري كم سنة عم حاول اتعلم هاللغة.....ولسا لحد هلأ ما بفهمها إلا من أشخاص معينين........مصيبة........بيكتبو بيكتبو بهالمنتدى.......وأنا ما بفهم علين!!!!

[مصطفى معتوق]

اصعب ما يمكن ان يخرج من بين شفتيك يا ابن ادم هو الحقيقة.
وهنا اتكلم عن حقيقة مشاعرك تجاه من يقف قبالتك
فمن السهل ان تتغزل بجمال العينين
والفم الوردي
والشعرالغجري
والقوام المياس
ولكن ان كنت شجاعاً فصارح من يواجهك بحقيقته

[dania]

Akid kalemet elwada3 hieh men as3ab elkalam elli beddenieh leannek rah teb3di 3an aghla elnas bass sad2ini essa fi as3ab menha kelmet akhkhkhkh wenti b3ideh 3an ommek elli mafi ghira behawen aya waje3 behaldenieh.akid Dania and Nara and Nadine byefhamou 3layi aktar behalmoudou3 walla shou ra2ykon


eh walla ya sara yslam temek

dania

[THE TERRORIST]

معك حق يا أخ معتوق و ميشان هيك رح صارحك أنا و رح قللك عجنب وحدنا : أنا ما بتيقك

[مصطفى معتوق]

معك حق يا أخ معتوق و ميشان هيك رح صارحك أنا و رح قللك عجنب وحدنا : أنا ما بتيقك
شكراً على صراحتك ومشاعرك الجياشة

[moustafa]

أنا برأيي انّو كلمة أحبّك هي أصعب كلمة ممكن يقولها الواحد للاّخر..............
بس بعتذر أصعب!!!!!!!!!!!!!!

[shanzimer6]

السلام عليكم:

أريت هدا الموضوع فعجبني ! ( مع إنو أديم كتيييييييييرررر)...

بالفعل... شو هية أصعب كلمة ممكن تنقال؟!


لا هو الحب ولا هو الكره...
لا هو الاعتذار ولا هو السماح...

إنه " الاعتراف " ...

الاعتراف بالحب..

الاعتراف بالكره...

الاعتراف بالخطأ..

الاعتراف بالحقيقة....

الاعتراف بالوجود... وجود الآخر...

[الشامي]

السلام عليكم :)... كيفكم يا جماعة

موضوع جميل وأردت أن أسجل مروري عليه من جديد وشكري للجميع ...

أخوكم:rolleyes:

[Barbie]

السلام عليكم ,

بالنسبة لي , أصعب كلمة , أتمنى أن لا أنطق بها أبدا ً , هي الكلمة التي لا أحس بها في قلبي قبل لفظها . سواء كانت أحبك , أكرهك , أنا آسفة , الوداع , إلخ ..

فالحروف التي لا يقولها قلبي قبل فمي , أكون مجبرة ً عليها , و في معظم الأحيان تكون كذبة , و هذا أصعب شئ , أسعى لتجنبه.
بالإضافة إلى أن درجة الصعوبة , غالبا ً ما تكون حسب الموقف و الظرف و الأهم أمام من ستقال ......

[حُسَينْ ... !]

سلام عليكم
اصعب كلمة "انت خاين" هذه الكلمة تحرق قلب من ينطقها فهو لن يتلفظ بها الا بعد معاناته من انسان عايشه و لكن لم يكن كفء

عندما تسند ضهرك الى احدهم و تعطيه ثقتك , عندما تتعامل مع انسان و تجد بعد فترة انه يمكن ان يبعيك بفرنك , عندما تتعامل معه بكل طيبة قلب و صراحة من ثم تجد ان الافلام منه و الخبث يتوالى
لن اكمل في صياغة مواقف لكن اظن ان صعبة التلفظ بكلمة "خائن" اصعب ما يمكن ان اعايشه

[الزعيم]

يعني مشكورة الأخت رولا على الموضوع الكتير حلو....و بشكر الأخت باربي على مشاركتها الكتير حلوة كمان...و الأخ حسين كمان اسا مشاركتو أحلا و أحلا...و بحب ضيف انو يا أخت باربي صحيح أصعب كلمة ممكن قولها هي يلي مانها طالعة من قلبي بس و للأسف 99% من العالم هالأيام صارت عندن هيدي شغلة كتير هينة....و بدل ما تقول هيك يا خي حسين انو أصعب كلمة هي انت خاين لازم تكون الكلمة الأصعب هي الكلمة يلي بقولك ياها الطرف الآخر يلي خانك بغض النظر مين هو ...و يلي بأغلب الأحيان هالكلمة صارت كتير هينة عندن مع انو هي كتير صعبة...
و بحب ضيف انو كلمة احبك هي اصعب كلمة ممكن قولها..لأن هالكلمة ما بتنقال الا ما تكون طالعة من القلب عنجد...الا العالم يلي ما عندن قلب بيقدرو يقولوها ...و السلام