كل معروف صدقة..!

[zsamerz]

بالاذن من أخي أرسينيك .. ح استخدم شوية اسلوبك..! :)

بالاول كان في شب
نجح بالبروفيه .. قام جاب قمصان وبناطرين جداد ع الموضة...
وبعد ما صار ه الشب بالجامعة وصغرو علي ه القمصان وترقعو 100 رقعة وبعد ما هترا كعب البناطرين...
وبريستيجو له الانسان ما بيسمحلو يلبس هيك لبس ...
قام قال أحسن ما اتلبك بها التياب خليني اعطين لصندوق الزكاة ..

واعتبر ه التصدق بالتياب البالية هو تطبيق لسنة النبي محمد صلى الله عليه وسلم...

ف شو رأيكن؟؟

وكمان كان في صبية (منعا للتمييز)
وجعها راسها من كترت الدرس...
قام نزلت ع صيدلية القلمون تشتري دوا...
نزلت معها 5000 ...
طلع حق الدوا 4750 ...
ومتل ما ها الصبية ما بيسمحلها بريستيجا تمشي وتخشخش النكلة بجيبتها ..
قامت قالتلو للدكتور يحط ه ال250 بصندوق معهد المنار لتحفيظ القرآن..


واعتبرت ه التصدق هو تطبيق لسنة النبي محمد صلى الله عليه وسلم...

ف شو رأيكن؟؟

ه الشغلات بتزكرني بقصة التنافس اللي كان يصير بين عمر بن الخطاب رضي الله عنه وبين أبو بكر الصديق رضي الله عنه

والاستدلالات في هذا السياق كثيرة

وميشان وضح شو قصدي...
انو ليش ما الشب اللي بدو يتصدق بتياب بينزل هوا وعم يشتري لحالو من عند بوسيني بيشتري قطعة زيادة...؟؟
وليش اللي بدو يتصدق بمصاري ما بيشيل ال50000 اللي بدو يحطها ع عشوات الشباب عجنب تيتصدق فيها...؟؟

[hadid]

معك حق خيي الزاد-سامر-زاد .. بس كمان هيدي صدقة .. والله يتقبل ..

قال رسول الله صلى الله عليه وسلم :

"تصدقوا ولو بشق تمرة"

[zsamerz]

معك حق خيي الزاد-سامر-زاد .. بس كمان هيدي صدقة .. والله يتقبل ..

قال رسول الله صلى الله عليه وسلم :

"تصدقوا ولو بشق تمرة"

يا أخ هديد أنا مني عم عد الحسنات..
ولكن..
إلى متى سنظل نتصدق بفضلات أغراضنا وأموالنا؟؟؟؟؟
بعدين الحديث اللي عم تحكي عنو ما بيبرر ه العملية من التصدق!!
أنا عم احكي عن حالة عامة عند المسلمين في البلدة (على الأقل)

[أم سفيان]

قال الله تعالى " ولا تيمموا الخبيث منه تنفقون ولستم بآخذيه إلا أن تغمضوا فيه"
أنا بلائي إنو أحيانا تطبيئ الأحاديث بالنص الحرفي بيبعد الشخص عن المعنى الجوهري للحديث
الحديث الللي ذكرتو يا أخ هديد منو بحد زاتو حجة للي بدن يتصدؤا بالأليل ممكن يكون الرسول عليه الصلاة والسلام آلو لحتى ما ينحرج الإنسان اللي دخلو ضعيف وعلى أدو وحابب بنفس الوات يتصدأ وياخد أجر
متل مثلا تفطير الصائم بتلائي البعض بدو يطبئ الحديث فراح عزملو كم واحد بالعادة برادن بيكون في خاروف محشي كل يوم فبيؤموا هنه كمان بيرودولو العزيمة وبمنظورن هاد هوا الدين بعينو وهيك الفئير بيضل جيعان والمئتدر بيموت من التخمة ما عرفوا إنو هالأحاديث ممكن تكون نآلت لتزيل الفوارق الطبئية بين الناس
إن شالله تكون وصلت وجهة نظري يمكن كان الأفضل أكتب بالفصحى بس يلا ما لاي مروة عيدن

[أبو حسن]

بوّب الإمام النووي رحمه الله في كتابه "رياض الصالحين": (باب الإنفاق مما يحب ومن الجيد)

قال الشيخ ابن عثيمين رحمه الله في شرحه على هذا الباب:

لما ذكر رحمه الله وجوب الإنفاق على الزوجة وعلى الأقارب ، ذكر أنه ينبغي للإنسان أن يكون ذا همة عالية ، وأن ينفق من أطيب ماله ومما يحب من ماله ، وهناك فرق بين الأطيب وبين الذي يحب ، الغالب أن الإنسان لا يحب إلا أطيب ماله ، لكن أحياناً يتعلق قلبه بشيء من ماله وليس أطيب ماله فإذا أنفق من الطيب الذي هو محبوب لعامة الناس ومما يحبه هو بنفسه وإن لم يكن من الطيب ؛ كان ذلك دليلاً على أنه صادق فيما عامل الله به .
ولهذا سميت الصدقة صدقة لدلالتها على صدق باذلها ، فالإنسان ينبغي له أن ينفق الطيب من ماله ، وينبغي له أن ينفق مما يحب ، حتى يصدق في تقديم ما يحبه الله عز وجل على ما تهواه نفسه .

تتمة الشرح على هذا الرابط: هنا (http://www.ibnothaimeen.com/all/books/article_18183.shtml)

[hadid]

جزاكم الله خيراً أم سفيان والأخ المهندس أبو حسن

كلام جميل جداً