التقاليد والعادات القلمونية (حسناتها ومساوئها)

[Ouss]

إن من عاداتنا القلمونية ما هو محمود وما هو مذموم , أحببت ذكر بعض العادات والتطرق إلى حسناتها ومساوئها من وجهة نظر كل منا .

[Ouss]

عادات سيئة: منادات الغير بالغُرْب




إن من أسوإ العادات في بلدتنا هو عدم تقبل الغير ولو عاشوا معظم حياتهم في البلدة ,
فيظل لقب الرجل بالغريب حتى أن أولاده وأحفاده يتوارثون اللقب نفسه.


وأذكر أن أحد أصدقائي الذي تربا في القلمون منذ نعومة أظفاره مرّ مرة باثنتين من نساء القلمون ,
سألت الأولى صديقتها : ولي إبن مين هادا , أجابت الثانية: إبن الغريب ,
وكلنا بهدلة من رفيئنا بالنيابة عن النسوان.

[Ouss]

عادات سيئة: رفض النساء فكرة زواج الرجل من امرأة أخرى






قال تعالى: "وإن خفتم ألا تقسطوا في اليتٰمى فانكحوا ما طاب لكم من النساء مثنى وثلاث و ربٰع " صدق الله العظيم

لماذا لا يتقبل نساء القلمون فكرة أن يتزوج الرجل امرأة أخرى ,
حتى إنو إذا الواحد تزوج تنين بالضيعة بينشحو عرضو "ولي ليكي كيف تزوج عمرتو"
مع إنو في كتير من بنات الضيعة عم يعنسو , ...

[Ouss]

عادات جيدة : إنتشار العلم





من العادات الجيدة في القلمون هي التنافس في العلم وكثرة المتعلمين ,

غير أن هناك بعض الإهمال تجاه العلم والثقافة الدينية , ...


"وفي ذلك فليتنافس المتنافسون"

[Ouss]

عادات جيدة :تعليم الأولاد السباحة منذ الصغر







من عاداتنا التي نفتخر بها هي مهارة أهل القلمون في السباحة ,حتى إنو
(الغُرب) الطرابلسية وولاد الضيع(بلا ذكر أسماء) يللي مفكرين
حالن أبضايات بصيروا متل الصراصير إدام الئلامنة بالبحر ...

[الشامي]

السلام عليكم :)...

الله يبارك فيك خيي أووس على هالمشاركة القيمة وطريقة السرد المختصرة المُفيدة... وهيك رح نستدعي أخونا الشيخ جابر نخلليه يساعدك :)...

أخوكم:rolleyes:

[من هنا و هناك]

يعني الواحد او الوحدة بيوقف من كعب البناية و ببلش ينادي باعلى صوته يا فلان الفلاني و بخبرو الخبرية كلها على الطريق و بتكون القصة سرية او شبه سرية او لا هيدي او هديك بس الموضوع ما لازم يعرف فيه كل الجيران و بينتشر الخبر من جارة لجارة و بيوصل لاخر حارة;)

[Mahmoud.A]

iza til3it khabriye bi ekheir al day3a btinti2il min we7ed la teni bsor3a w byitghayyar madmouna bisor3a kamen la darajit innou moumkin al mawdou3 ba3id fatra ysir byi7ki 3an shi teni khalis 3ala add ma bikounou zedoulou w bahhrow w zedoulou ti7liletoun

[Mahmoud.A]

min aswa2 al 3edet innou fi ktir mitlak ya ouss 32ouloun mit7ajjra w ba3doun 3eyshin bil 3asir al 7ajaray w ma byittawraw abadan bi afkaroun raghim koll al 3alam wil i3lem iddemoun byi3kis tatawwor kbir bass hinne mousirrin innoun mabaddoun yittawarou aw yghayrou nahjoun bil tafkir

[الزاهر]

من العادات السيئة: إذا وصفت بوصف......الجناني الزرء ما بتشيلو عنك!!!!

مثل صغير......بس منشان ما نعطي أمثال عالعالم.......

من زمااااااااااااااااااان كان في كلب بالحارة ......صغييييير يتيم يا حرام......والناس كلها تشفق عليه......وصارو يسموه "كلب الظغير".......وكبر الكلب وختير ومات.......وإساهم لحد هلأ بيتذكروه بـ "كلب الظغير"........ما هيك يا جابر......ذاكرو!!!

وهاد بينطبق على كلشي......إن بيوم من الأيام غلطت.......كنو حدا بيغفرلك.......

سلام.....

[حُسَينْ ... !]

يعطيك العافية يا معلم اوس على هل الموضوع المهم و انشاء الله ما يكون بس موضوع لنحط اليد عل الجرح و يكون تا نعرف وين الخلط و نصلحو او نحاول نظبط بعض المفاهيم عنا

مشكور :)

[samy]

ya shabeb aswa2 3adeh bil kalamoun innou el 3alam bye7kou ktir 3ala ba3don w bye3mlou min el 7abbeh ebbeh
salam

[الزاهر]

من العادات السيئة: كترة الحكي وقلة العمل!!!!

من أهم العادات السيئة في القلمون حب التنظير وكره العمل!!!!
بتلائي الواحد منن بيألك ولك الناس ما بتشتغل شي......ولك ما بيشتغلو......يا عمي شو إنهم بلداء!!!!
وهو آعد بالأهوة عم يمصمص بهالأرغيلة وما بيرضا يشيل بئو عنها.....طول النهار!!!!

والأتعس من هيك.......بيعتبر كل الناس أغبياء......وما بيفهمو......وهو ما شاء الله عنو..... العالم الصادق العامل ........

وطول النهار......أعد ينظر عالعالم....ولك لو يعملو هون هيك ما كان أحسن......ولو يشوط الطابة هيك كانت فاتت كول......ولو يحطو الأصطر من هون ما كان نش......ولو ولو ......

بس إنو مستعد يجي يألهم هون حطة الأسطر غلط......أو إنو ينبه غيرو على غلطتو.....أكيد بالطريقة المناسبة........أعوذ بالله.......مش من مقامو!!!!!

طيب العالم ما عم تشتغل (حسب نظرو) .......اشتغل إنت......لتغيرهم!!!!!
لالالالالالالا......أش هالكفر هاد......أش هالتخلف.......أش هالهمجية.......أش هالنقيصة.......أش هالحكي الجعدنة.....أنا بدي اشتغل!!!!.......يا عيب الشوم!!!!!

وهيك الحمد لله......نص الألامنة هيك.......
ومنشان ما نكون متلهم........خلونا بس نخلص العد........نبلش بحط الحلول واحد واحد......أو كل ما واحد زاد عادة سيئة.......يخبرنا عن الحل برئيو.......وكل ما ذكر عادة حسنة.......يخبرنا كيف برأيو منحافظ عليها!!!!

أي طريقة برأيكم أنسب؟؟

سلام......أخوكم زاهر الدين (قطر الندى)

[MUSTAFA BIKAI]

سلام إلى أخي و صديقي أوس شو بدك من هل عالم يعني لو بيعرفو ا التحضر ما بيكتبوا عن زينة الشباب هل حكي بس أرجو منك أن تظل أكبر منت هؤلاء الصغار إلي ما عندهم شيء إلا الكلام إلي ما بينفع سلام إني أحبك في الله

[Ouss]

والله يا أخي بو ستيف إنت معدنك أصيل وبتلمع من بعيد أولت أخي جابر

[ach]

مشكورين يا اخوان و كمان من العادات السيئة و بالأخص بالصيفية انو يوم ايه يوم لأ في علقة بالضيعة لا تعزبو حالكن :d

[Ouss]

عذراً للإنقطاع عن الموضوع بسبب الإشتباكات الشعرية مع الأخ فشلان
وبما إنو الإشتباكات متقطعة وفشلان نايم بالخسة , فألت لحالي خلينا نكمل الموضوع


عادة ممتازة : شرب الشاي

إذا أنا نسيت إسمي بشي يوم من الإيام , فما بعتأد إني رح أنسى طعمة الشايات اللي شاربن مع رفآتي
وأرايبيني , وخصوصي الشاي المعمول بالنبعة أو عالخزانات وخصوصي اللي محرك بالعودة , وما
بنسى اديش كنا نكروع شاي أنا وخالي العبد والشرشور (الله يوجهلو الخير), وأكيد ما بنسى وأتل كان
زهر الدين يبلش بالسكب (سكب الشاي أصدي , منو سكب الأديداس) , ولك آآآآآآآآآآآخ اديش كانت
حلوة ديكة الإيام يا زاهر , ولك كنت أحيان فيأ الساعة وحدة بليل وآعد عالبرندة إشرب فنجان شاي
وحدي عرواء, كل ما كون عم إشرب شاي بتزكر هالإيام , ولك يا زلمة إساتني متزكر أصة من لمن
كان عمري 3 سنين كان خالي مرو عندو أرانب عالسطح وكنا عم نشرب شاي , ومتزكر كيف جا
الأرنب عم يشمشملي الشايات آم كبن عليي .

[الزاهر]

يا زلمة.....صرلي من وئت وئع الشرشور (الله يشفيه) ما شارب شاي بالحألة.......رح مووووووووووت!!!!

[Nader 3:16]

السلام عليكم...
على فكرة هادا من اجمل المواضيع التي قرأتها في المنتدى و التي تعبر فعلياً عن عادات قلمونية....

في عندكم يا شباب شغلة نسيتوها:

سيران رمضان....اكيد من اهم العادات و التقاليد القلمونية و لكن لا يخفى على احد انو عم يصير في كتييير تجاوزات للا تليق بأن نستقبل الشهر الفضيل بهل الطريءا...و بيتشارك فيه الجميع من دينين و زعران على السواء.

[دوكر]

يا هلا بالمعلم نادر...
بتعرف انك نادر عنجد...لو في منك تنين كانت الدنيا بألف خير.....
ألف يسلمو انك رجعتلنا هل الموضوع.....
بدو طلة ع رواء....
يعطيك ألف عافية...
اخوكم دوكر المعوكر...

[محمد]

شكرا عالموضوع الحلو.....

الله يرحم ديك الإيام كنما كل نص شهر قمري (بس يصير القمر بدر ) نطلع عسهل النبعة بلليل مع كل الشباب مع أكبر بريء شاي بالدنيا آآآآآآههه
وكانت أحيان تمد السهرة معنا للصبح

[محمد]

من العادات السيئة طول الموضوع متل ما بيعمل بعض الأخوة بالمنتدى!!!!!!!
يا أخي بدك تنقل موضوع وتحطو بالمنتدى( عراسنة) بس يا أخي حبة حبة.........

[عبد الله]

عادة سيئة
إذا القلموني حط براسو معلومة وأنع حالو فيها ولو كانت غلط إذا بتقدر تأنع الحجر إنو المعلومة غلط القلموني ما بيأتنع وما بيغير رأيو

[الزاهر]

بدكم عادة سيئة!!!...........مع إنها رح تندحر!!!


صب الرصاصة.......منشان العين.............:)

[Nader 3:16]

من العادات الحميدة عند اهل القلمون اتباع الجنائز...
يعني نرى اغلبية اهل القلمون يتبعون الجنازة.
و من العادات السيئة هي مخالفة احكام اتباع الجنائز اذ نرى بعض التجاوزات تحصل من قبل متبعيها (من ثرثرة و كلام فاضي)

[MOUHAMMAD]

سلام و شكرا الأخ أوس على هالموضوع يلي فعلا جميل جدا.....


من أسوء العادات بالقلمون هي التنابذ بالأقاب

[wassim.h]

ولك أهلين بأخي Ous ...موضوع حلو ومفيد....الله يبارك فيك...

[Nader 3:16]

من العادات السيئة انتشار الاشاعات في القلمون.
و قد تم تناولها في موضوع مستقل

[أبو رياض القلموني]

أسوأ عادة أنا شايفة إنو إهل الضيعة عطول عاملين تحلفات و متفئين عبعضن ...
ولك حتى بالغربة بتلائين عالئين مع بعضن .. أكيد إلا من رحم ربي... وبتلائي الأخبار بتوصلنا عالضيعة ...
هادا عليء مع هادا و هادا كحش هادا و ....
ولك أيمتن ولاد الألمون بدن يصيرو عالم !!!

[هنادي دوغان]

لم ادري لماذا لم تشارك الاخوات في هذا الموضوع مع انهن اعلم بالعادات و التقاليد من الرجال اجمالا
من العادات السيئة في القلمون هي زيارة الباب و ليس المعنى هنا ان الزائر يجلس عند الباب بل ان زيارته تدوم على الوداع عند الباب اكثر مما جلس على الكنبة في المنزل و اكثر المواضيع التي نسيها في الداخل يفتحها و يناقشها لعشرات الدقائق على عتبة المنزل ,حتى ان القلمونيين اصبحوا يعرفون في بلاد الغربة من وقفة الباب

[هنادي دوغان]

و من اسوأ العادات في القلمون الزيارات من دون موعد مسبق فمع كل التطور من التلفون و الجوال و غيرهما فتكون جالسا في بيتك بامان الله و اذ بالباب يقرع و تكون زيارة لم تكن بالحسبان

[فرح]

سلام للجميع ..الله يبارك فيكن على هل موضوع المهم و يلي بفش الخلق..
أنا بحب علء على أسوء شي بالقلمون..و أكيد يلي هوا الحكي و اللت و العجن على العالم..بدس إحكيلكن قصة صارت مع واحدة بإختصار..بنتفو شعركن من كتر الحكيييي
آل يا إخوان هل بنت من أول طلعتا بلش أكيد الحكي عليا من (يييي وليييههه ميني هداي؟؟ مع مين وائفة تنكبش ع زعامة؟؟؟) و الحقيقة مثلآ و الضحك وين بيصير!!! إنو يلي وائفة معو هوه أخوا هههه...
إسآ..بيقولو حضرات النسوان يلي خطبونا و زوجونا شي ألف مرة..(وليييية هادي شلفت إبن ما بعرف مين..و ينتشر الخبر من مخبرين و متخصصين بهل مجاللل..لكن مفكرينا هينة :)بدا دراسة القصة..ع شو ولاد القلمون شاطرين لكن؟؟؟ههههه
لإه ل كمل أصت الشليفة..أل يا سيدنا هل بنت شلفت واحد و ضرب الحكي و علءت بين إه و إه (لأن ما حدن بيستنكر و بيقول لأ) ف المهم بيوصل الحكيي لا مين يا حزركن؟؟ ل أبوا يلي معو كل أمراض العالم و كان نائصو بس هبك خبر و بيتّكل!!! ههههه...
لمهم إنو إتّكل :) هههه عم إمزح..(مني سئيلة؟)
خويت الأب و الأم و إخواتا و كل الجيران لأن البنت كانت طلعت من الصبح ل بررة! ف صارو يشكو! معقول عملتا؟؟و علء الحكي ول خناء و بلشو يفتشو عل بنت..وين شلفو و مع مين؟؟؟ و هل حكي..
لا حد ما شو حزركن؟؟؟
بيجي خالا للبنت لعند مرتو و راكد يخبرا لمصيبة..ف بمين بيحضى هونيك عم يوكول معكرووون يا حزركن ؟؟ أكيييد بالبنت..و بخبرا شو صار بعد أكيد ما شهءلو كم شهأة و إكل صحنان معكرون لأن جاع ع كتر منو حاكي و راكد:)...
ف بيستنتجو أنو الحل الأنسب لإنوا تنزل البنت ع الشارع ليشوفوا إنا هون و يكزبو الإشاعة!!
ف يا حرام ع يلي كان فيا عقل و طار..لأن بعد م نزلت شافوا الكل..و بلا ما يروح الصيت شو آلو يا حزركن؟؟أكيد بتعرفو!! إنو عملوا راحت و لما عرفو فيا أهلا رجعوا..ولو!! ما أولت النسوان مافي دخان بلا نار هههه يأبرنيييي....
و تخيلو بأ إنتو وضع البنت لإدام العالم..ولك ع أد ما صارو يطلعو حكي عليا صارت رح تسدئون و فكرت (إنو بيصير ينحكى عليي هل أد و أنا مني عاملة شي؟؟أكيد عم إمشي أنا و نايمة أو عندي شخصيتان!!) يعني الخلاصة خوتت البنت..و حبست حالا بل بات ل ينسوا العالم..
يا دللي عليا منا عارفة كانت بوءتا أدّاه العالم ما بتنسى و بيدالو لازئك الصيييت على أد عمرا لأم ياسر( متخيلييين يعني أدّاه) ؟لك...
الله يعيييين و يهدينا و يأصر من لساناتنا....
و يلي بحب يطمن ع بطلت القصة ..باب الرسائل مفتوح....هههههههه....
يللاااااا..سلااااااااااام
*جزاكم الله خيرآ*

[flauritta]

معك حق يا queen .
و اغلب يلي كاتبينو صحيح من دون مبالغة.

[яiиda]

هاهاهاها.....مشكور اخي ouss وكلّ يلّي اتحفونا بكلامن .........
ومن العادات انّو القلمونيين بيبهّروا كتير بحكين....فمثلا" اذا واحد عمل حادث صغير وما همّو شي وفي حدن شافوا لمّن عملو بيروح بيخبّر امّو :يا دلّي يا ماما في واحد عمل حادث ومفدوغ فبتروح الامّ وبتقول لجارتها في واحد عمل حادث وحالتو خطرة كتير!!!!!!!!!.....فبعدين بيوصّلوا بالحكي لعند امّو ميّت يا حرام ( تتناقله الالسن وبدأت تروه بطريقة مختلفة)...سلام

[яiиda]

وكمان من عاداتن السّيئة انّن بيزيعوا الحكي وكلّ شي بيسمعوا بلا ما يتأكّدوا من مدى صحّتو .......
فازا لأطو على حدن شي بيبلشو بتوصيل الكلام لكلّ الضيعة وكأنّا الشّغلة واجب ومش عارفين مين الشّخص بانّو حتّى الحكي بيوصل لصاحب العلاقة وهو يا حرام ما معو خبر ومنو بهالدّنية .........................
فأنا بقول انّو احسن ما يتعّبو حالن بالحكي للكلّ يزيعوا بالجامع احسن وهيك الخبر بيوصل بسرعة وطازة والكلّ بيسمعو .....سلام

[Nader 3:16]

من العادات عند اهل القلمون الكزدار في الشارع سواءً على الطريق الجديدة بعد العصر او في الضيعة جنب الجامع في الليل..

بغض النظر اذا كان الفعل صحيح او تشوبه بعض المخالفات .

[Nader 3:16]

من العادات الجميلة عند اهل القلمون اقامات مسيرات تكبير في ايام عيد الاضحى المبارك تجوب شوارع الضيعة و يتشارك فيها عدد كبير من الاخوة و الاولاد.

[Nader 3:16]

من العادات عند أهل القلمون.الانطلاق الى البرية في فصل الربيع لتءويص العصافير او صلي الدبوء و العبابيش. الخ....

[مايا]

السلام عليكم ورحمة الله وبركاته
على فكرة يا جماعة هالعادات السيئة وبعض العادات الحسنة اجمالا موجودة بكل المناطق مش بس بالقلمون وخصوصا الوقفة على البواب والحكي على الناس خليني ساكتة احسن لأن اذا بدي احكي ما بخلص لبكرة

[قلموني]

من العادات الحميدة في القلمون الحبيبة المولد...
ويحضرني بعض الأمثال
طلع من المولد بلا حمص (القضامة)
راح أعملك مولد