تسجيل الدخول

مشاهدة النسخة كاملة : نظرتي على الحب


دوكر
17-09-2007, 02:15 AM
بسم الله
انا طول عمري ما بحب اللف و دوران و بحب الوضوح بالحكي...
ف من شان هيك ح بلش دوغراي...
الموضوع و م فاي انو عم لاحظ بي اخر فترة بالمنتدى انو صار عنا افواج من العشاق ...
و كل واحد عم يغني من جه و الكل بدن يورجو بطولاتن بالحب...
و حتى منو بس بالمنتدى ...كمان وأت كنت متوجد بالضيعة ما بتلائي الا كل واحد عم يحكي عن امجادو ...
ف حبيت افطح هل الموضوع عن الحب ت نإش كل مفردات الحب و شوف و جهات النظر بهل الموضوع...
و حابب اعرف أراكن بالحب أبل الزوج
معأني شايف بالمنتدى شي من هل حكي ...بس هادا ح يكون موضوع مختص بالحب و مفاهيم عندكن
يلا تفضلو تا نشوف شعم يصير معكم...
هلأ مشخول شو ...
بلشو انتو و لحني راجع...
اخوكم دوكر المعوكر
wishes
17-09-2007, 02:42 AM
بالزمانات عقولة ابو رياض و هون بحب وجه تحية لأبو رياض القلموني عضو جديد بالمنتدى, حاصلنه أنا ما كنت امن بشي اسمو حب و كنت اعتبرو قلة عقل و كنت فكر إنو ما رح حب إلا أهلي و ولادي إلى أن وقعت و ما حدا سمى عليي.
هلأ الحب صار بالنسبة لإلي هو الحياة بتعرفو إنو بس تحبو بتصيروا بتشوفو الدنيا بتعقد بتصيروا بتحسوا بالاغاني إذا كنتو بتسمعو و بتعيشو بعالم تاني.
الله يبعتلكن حبيب يعرف قيمتكن و ادعولي الله يهنيني انا و خطيبي و حبيبي و حياتي و عمري.................
Salim
17-09-2007, 03:28 AM
شو هلحب الجهنمي. من وين بتجيبي هلمشاعر القوية والرومنسية أنت و مصطفى معتوق؟ سؤال واحد أرجو الإجابه عليه: منذ متى بدأت تحبي هلحب القوي؟ وهل سعيد الحظ من القلمون؟
wishes
17-09-2007, 03:34 AM
أنا بلشت حب من شي أسبوع فقط بس عن جد علقت علقة رهيبة انشالله بتكمل معي عالاخير و منتزوج.
حبيبي من القلمون بس سافر من يومين عقطر
أخد معو قلبي و روحي و عقلي و كياني ووجودي و كل شي بيخطر عبالك
انا و عم ودعو بالمطار حسيت إنو روحي عم تتطلع
الله يصبرني عفراقو و يصبرو عفراقي و يخلينا لبعض و يفرحكن منا و يفرحنا منكم جميعا"
مصطفى معتوق
17-09-2007, 03:41 AM
أنا بلشت حب من شي أسبوع فقط بس عن جد علقت علقة رهيبة انشالله بتكمل معي عالاخير و منتزوج.
حبيبي من القلمون بس سافر من يومين عقطر
أخد معو قلبي و روحي و عقلي و كياني ووجودي و كل شي بيخطر عبالك
انا و عم ودعو بالمطار حسيت إنو روحي عم تتطلع
الله يصبرني عفراقو و يصبرو عفراقي و يخلينا لبعض و يفرحكن منا و يفرحنا منكم جميعا"


رح خلي السياسة على جنب وقلك الله يسمعنا الاخبار الطيبة وان شاء الله الف مبروك
انشاء الله بيتمملكن على خير
وعقبال العايزين ان شاء الله يا رب
بس انتبهي الحب كتير خطير اسألي مجرب ههههههههههههههههههههههههه:p
ومبروك سلفاً
مصطفى معتوق
17-09-2007, 03:44 AM
شو هلحب الجهنمي. من وين بتجيبي هلمشاعر القوية والرومنسية أنت و مصطفى معتوق؟

والله يا اخي سليم انا ما كان الي نصيب وقصتي فرطت بمهدها
بالنهاية كل شي بالدنية قصمة ونصيب
دوكر
17-09-2007, 06:36 AM
يا هلا بالشباب...
يسلمو ع مرإتكن ع الموضوع...
بس برجع و بؤل انو بدنا المفاهم عند كل واحد عن الحب...
يعناي كيف بتعرف حالك انك حابب ? ايشيا تصرفات الحب عندك?(بتلحأ حبيبك و من هل تأ الحنك)
كيف واجهت الانسان لي بتحباو بي هل الحإيأة?...
للحديث تتمة انشاء الله...
اخوكم دوكر المعوكر
دوكر
17-09-2007, 04:36 PM
الحب هل هو صار بي مجتمعنا انو الواحد يروح يوأف هو و حبيبتو بزاؤوء ويحكو مع بعضون فوق الساعتين..........و العالم راحة جاية عم تتفرج علين..........
ولا انو يؤاف تحت بلكونن و هو مبتسم و رأبتو ح تنإرف .............
ولا يلطي ادام المدرسة او الجامعة......
ولا ولا.............
في كتير من الاشياء و من هل التصروفات انا بي نظري ما لها علاءا بالحب ........
الحب انا من وجهة نظري هو شعور داخلي بيشعور في الواحد اتجاه شخص تاني .........
هو مشاعر لا غير .........
يمكن بي بعض الاحيان بيطور تا يصير بي مرحلة شوة متأدمة يعني بي مرحلة الخطبة انو يصير في شوة كلام حلو و شوة هداية
بنكمل بعدين لأني شوة مشغول عزرونا..
اخوكم دوكر المعوكر
wishes
17-09-2007, 06:35 PM
شكرا" معتوق و انشالله بتلاقي يللي بتستاهلك و بتقدر حبك
انا نظرتي للحب شوي مختلفة انا إذا حبيت بحب بجنون و ما بشوف غير حبيبي قدامي.
من وقت ما خطبت صرت ما عم اقدر فارق التلفون صارت رنة التلفون أو الmobile بتعيشني بجو تاني.
برأيي إنو يللي عن جد بحب بروح بيطلب ايد حبيبتو و ما بوقفا بالشارع أو بشي زاقوق
صدقوني ما في أحلى من فترة الخطوبة بس فيا واجبات أنا بعدني ما تعودت عليا كتير
عقبال ما نفرح منكم جميعا" و خصوصا" نارة, دوكر, نعنوع,محمود , معتوق....... و كل الإخوة في المنتدى
دوكر
17-09-2007, 08:28 PM
يسلمو يا ست وشير ع المشاركة و ع الدعاء...
هلأ انا اسا ما حكيت لأني مشغول شوة بي هل كم يوم...بس انشاء الله ت افضا ...
طيب مدام يا ست وشيز عندك خبرة فيكي تؤليلنا كيف الواحد بيعرف انو فلان بحبو....
راجع ...
اخوكم دوكر المعوكر
دوكر
18-09-2007, 12:49 AM
هي رجعت............
طيب تا نشوف كونا عم نحكي عن الحب مهيكا ..........؟؟؟؟
طيب بدنا نسأل سوأل زغير ابل ما نبلش .........
اشوا رأي كل واحد فيكن بالحب ابل الزواز؟
و ايشيا الضوابط تبعيتو؟؟؟
يلا وينكن ؟؟؟؟؟؟؟
بس شاطرين كل واحد يحكي عن امجادو
يلا يلا يلا ........
ناطركن.............
wishes
18-09-2007, 01:46 AM
أنا بعرف إنو خطيبي بحبني لانو بيتصل فيني بالنهار أكتر من 10 مرات و بسمعني كالمات ليست كالكلمات هيدا بحالة المسافر متل حالاتي
اما بالحالات العادية فبعتقد إنو نظرة العيون أبلغ من دواوين في صف الحكي
انا بتطلع بعيون حبيبي و بعرف إنو بحبني عن جد.
دوكر
18-09-2007, 03:25 AM
طيب طيب طيب...
دوري هلأ ...انا لي بدي ؤلو انو فينا نؤل بشي اسمو حب ابل الزوز او ازا صح التعبير متل م البعض بسمي اعجاب...
و هدا يا سدنا الإكرام ...ما بكون متل الحب تبع الناس لي ساطلينا و لي بسمي حب جحاشي...و صور مناو لهل حب الجحاشي انو روميو يوأف تحت الشباك او البلكون او يمروء شي مية مشوار من هونيك...
او يحطلو شي خمس مية دولار حأ هدايا ...
او...او...في كتير من هل الصور...
الحب لي بدي احكي عناو هو لما الشخص بيعجبو شخص تاناي ...و هل الإعجاب بجي ع ضوء الأخلاء و الأدب و التهزيب و التفكير...ما بجي من خلال اعجاب بي طول التنورة او موديل السيارة او لون الموبايل...
و هل الحب دائمن الواحد بدو يكون حاطت بي بالو انو بدو يبني علي علاءة معناتا ما لازم يكون اعمى بالعكس لازم يكون واضح و منتبه منيح ...
يتبع...
يلا وينكن...?
اخوكم دوكر المعوكر
مصطفى معتوق
18-09-2007, 03:26 AM
الحب مقياس. فهو يقيس مدى ارتباط الاشياء ببعضها البعض وفيه درجات تبدء من الاستلطاف الى الهوى والعشق والهيام والتتيم.
وكل واحدة من هذه المصطلحات لها خصائصها وحالتها المستقلة عن الاخرى.
فانا مثلاً احب بلادي واحب اهلي واحب للناس ما احب لنفسي ولكن هل يستوي الحب فيما ذكرت طبعاً لا .
اما بالنسبة لمواضيع الحب بين ذكر وانثى فهي تختلف بحسب الاشخاص وثقافاتهم وعاداتهم وتقاليدهم اما الثابت الوحيد في الموضوع هو ان العديدين يستغلو هذه الكلمة للوصول الى غايات ومآرب معينة اجارنا الله منهم ومن نفقاهم .
دوكر
18-09-2007, 03:51 AM
يسلمو ع وهل الكلام المدوزن يا معلم معتوق...
مصطفى معتوق
18-09-2007, 04:19 AM
يسلمو ع وهل الكلام المدوزن يا معلم معتوق...

اهلين اخي دوكر اهلين بالابضاي والله
من هنا و هناك
18-09-2007, 03:06 PM
السلام عليكم
ضروري يعني تفتحولنا الجروحات و القروحات
احلى شي يا دوكر انك تحب لانه الحب هو يعني تعيش بعالم اخر عالم مليئ بالسعادة و الهناء بينما انت بالواقع بتعيش حياة تعيسة مليئة بالمشاكل و المناقرات في مختلف الاماكن و الازمان
المهم: تتعرف حالك انك بتحب الشخص الفلاني كل ما تتذكرو او تسمع صوتو او بيوصلك عنو خبر بصير قلبك يدق دقات غريبة غير اعتيادية عبارة عن نوتة موسيقية يعني بصير لقلبك دقة خاصة تجاه هالشخص متل رنة خاصة بالموبايل و كمان بتمنى تشوفو على طول لما تفيق و عند الظهر و العصر و على الغروب و قبل ما تنام
و لما تعرف انك فعلا حبيتو بتتمنى انو يضل معك 24 ساعة و لما تكون معو احلى شي انكم تحكو بالعيون لانو العين بتكون معباية حكي و هي الوحيدة اللي قادرة توصل كل شي بقلبك و لما يكون بعيد اجمل شي هي المراسلات يعني الكلمات الغير شفهية عبر رسائل او ماسيجات لانو دايما اللسان بكون عاجز عن الحكي
و تتعرف انو التاني اذا بحبك
ما فيك تعرف غير من عيونو الهدايا كذب، والحكي كذب و كلو ضحك على الدقون
و لما تكتشفوا انكم بتحبو بعضكم انا بفضل تتصارحو و تعيشوا احلى لحظات العمر قبل ما يمرق الوقت
و شكلك يا دوكر غطسان ان شاء الله ما تكون ناسي شي من العدة
بسام
18-09-2007, 05:08 PM
يا شباب تعليقي إنو الحب قاتل ويعرض للذل
خلينا ساكتين أحسن من الفضايح
Salim
18-09-2007, 11:53 PM
أنا بعرف إنو خطيبي بحبني لانو بيتصل فيني بالنهار أكتر من 10 مرات و بسمعني كالمات ليست كالكلمات هيدا بحالة المسافر متل حالاتي
اما بالحالات العادية فبعتقد إنو نظرة العيون أبلغ من دواوين في صف الحكي
انا بتطلع بعيون حبيبي و بعرف إنو بحبني عن جد.


أولاً بالتوفيق للأخت wishes و للأخ معتوق أقول Hard Luck
ولكن لا أفهم كيف تحول الأمر بهذه السرعة من حب وغرام إلى لا شئ مع الأخ معتوق. ممكن تشرحلنا حتى نتعلم من تجربتك. أما بالنسبه لك يا wishes فإن الإتصالات الكثيرة من حبيبك لا تعني أي شئ إلآ أنه ليس لديه تجربه وأنه كان سيعمل نفس الشئ لو كانت الفتاة غيرك. هذا ليس حب هذه نزوة وعدم خبرة.
مصطفى معتوق
19-09-2007, 12:31 AM
للأخ معتوق أقول Hard Luck
ولكن لا أفهم كيف تحول الأمر بهذه السرعة من حب وغرام إلى لا شئ مع الأخ معتوق. ممكن تشرحلنا حتى نتعلم من تجربتك.

باختصار شديد انا انسان لمن بحب, بتمنى الخير والافضل للشخص يلي بحبو وبصراحة تامة الموضوع ما تحول من حب وغرام الى لا شيئ. لأن لو فعلاً صار لا شيئ فيعني الحب ما كان موجود من الاساس وانا انسان صادق بمشاعري بس بنفس الوقت بآمن بالقدر ويبدو انو قدري ما كون مع هالبنت بالذات. على كل حال الانسان يلي بيحب عن جد لازم يحترم قرارات غيرو متل ما غيرو احترملو قرارو. ما بدي فصل اكتر من هيك بس بتمنالها حياة سعيدة مع الشخص يلي رح تختارو بحياتها دون ضغينة . متل ما هي رح تتمنالي الافضل مع البنت يلي رح اختارها .
دوكر
19-09-2007, 02:38 AM
السلام عليكم ...........صلو ع سيدنا محمد.........
تا نبلش .......
انا فتحت هل الموضوع بعد ملاحظات كتيرة لاحظتا ع بعض الشباب بالضيعة و برا الضيعة .......... يمكن نحنا وصلنا لعمر الزواز فا صار اغلب حكينا و تعليأنا ع هل الموضوع و يمكن الناس و الشباب بي هل الايام صر اهتيمامو الاول انو يلئي شريكو بالحياة......
بي هل الإيام من المواضيع لي كتير عم تنطرح بين الشباب .........و بين الشباب و المشايخ......و ع بعض الفضائيات الاسلامية .........الحب .......
الحب ابل الزواز او الاعجاب الشديد .............
فا حبيت انو اطرح هل الموضوع عليكن للنقاش .........و الله يبارك فيكون ما اسرطو .....يعني مشاركاتكن كانت مهمة و فعالة ........بس انا اسا ما حكيت عن حالي.........
يلا .........
دوري هلأ ..............خلوني ؤل هل الكلمتين...........
هلأ اكيد انا عم احكي ع العالم لي بتفهم و منا جاية ت تلعب و تأدي ساعتين تلاتي بشي بسمو الرومنسية ..........
انا عم احكي ع ناس عم يأيبلو ع بنت الحلال او ابن الحلال لي بدن يكملو حياتن مع بعضن .......لي بدن يبنو اسرا..........
عم احكي عن ناس عندن حس المسؤلية ..........و عارفين حالن شجاين يتصرفو..........
الانسان اد ما كان ابضاي و عتعيت......ما في يتحكم بألبو ..........الألب ازا دأ اد ما كنت عتعيت ما فيك توأفو ........فا ما تكابر ........
الحب هو من الاشياء لي بتولد من الألب ........معناتا ازا وأعت فا صاعبة توأف.....
انا ضد الكلام لي بؤل الحب حرام ...........بس مني كمان مع لي بؤلو حب عن بو جنب ..... يعنى ما يطلع الواحد ع الشارع و حاطط بي راسو انو هلأ بدو يشوف واحدة و يحبا فورن......او يبرم عليا بالجامعة........منو حكي هادا..........
الحياة بتطرك احيان تتعامل مع ناس ..... فا يمكن تنعجب بي شخص عم تتعامل معو و تحبو مفيا مشكل ......بس التصرفات لي بتتصرفا هي لي بتحدد كنك ح تفوت بالغلط و لا لأ....

مؤفيني احكي اليوم ..............اعزوروني لأني شردت و مؤ عارف شكتابت وين وصلت.......
اخوكم دوكر المعوكر
wishes
19-09-2007, 03:25 PM
شو هالكلام الحلو يا أخ دوكر
بس بدي زيد شغلة إنو الحب هو بيجي لعنا قد ما برمنا عليه
إذا الواحد إلو نصيب بيجي لحد عندو
ما في أحلى من الحب
الله يرزقك كل العايزين
دوكر
20-09-2007, 01:57 AM
يا هلا بالست وشيز مشكورة ع مشاركاتك.......
وين بإيت شباب و الصبيا بالمنتدى.......حكولكن شي كلمة .....
سمعونا رأيكن
يلا ت شوف.........
مصطفى معتوق
20-09-2007, 03:35 AM
يا هلا بالست وشيز مشكورة ع مشاركاتك.......
وين بإيت شباب و الصبيا بالمنتدى.......حكولكن شي كلمة .....
سمعونا رأيكن
يلا ت شوف.........

يا حج دوكر ما خبرتنا انت من اصحاب السوابق بالحب ؟؟؟
ناطر جوابك
دوكر
20-09-2007, 05:17 AM
يا هلا ب المعلم معتوق ...
يا خي فيك تؤل هيك اني من اصحاب الحب ...بس الحب لي بيتفق مع مفاهيمي لي سبق و ذكرت بعض منا...
مصطفى معتوق
20-09-2007, 03:17 PM
يا هلا ب المعلم معتوق ...
يا خي فيك تؤل هيك اني من اصحاب الحب ...بس الحب لي بيتفق مع مفاهيمي لي سبق و ذكرت بعض منا...
G
لكن هات نورنا من تجربتك عسانا نستفيد !!!
بسام
20-09-2007, 03:53 PM
إذا اوقعت بالحب ...صح ما عد بتقدر تقوم بالهين وخصوصي إذا أكل الواحد غول من يلي حبا
خليني ما غوص كتير بالحكي أحسن ما تتفتح هالجروحات وانشاء الله ما حدا منكن ياكل شي غول لأن عنجد بتدلك موجوع
wishes
20-09-2007, 04:07 PM
الهيئة في معاناة من الحب بالمنتدى
الله يسعد الجميع وكل واحد يلاقي شريك حياتو المناسب
قولوا امين
Salim
20-09-2007, 04:36 PM
الهيئة في معاناة من الحب بالمنتدى
الله يسعد الجميع وكل واحد يلاقي شريك حياتو المناسب
قولوا امين


يا أخت wishes , الحقيقة أن الحب هو شعور جميل ولكن خطير أيضا لأنه يجعل الانسان يفكر بعواطفه وليس بعقله. فكم من محب يعيش حياة تعيسة مع من كان يحب بعدما أفاق من حلم الحب ووجد نفسه بعد الزواج مع شخص لا يحقق له أحلامه في الحياة. لذلك على الانسان أن يتروي وأن لا يقع في أول حفرة على طريق الحياة. هذه أول تجربة لك وله و هذا ما يجعل الأمور أسوأ.
nana
22-09-2007, 02:15 AM
الحب يحمل معن جميله تختلف بين عاشق وآخر وكل عاشق يعبر بطريقته بالوصف والتعبير
فالمستحيل أمام الحب جبل ثلجي يذوب أمام أشعة الحب المحرقة وعندما يكون هناك اخلاص ووفاء فلن يكون هناك مستحيل يقع أمام الحب فالحب شعور جميل وخفي ينتقل قي كل مكان ويسافر الى البعيد بحثا عن الاحساس الصادق وسحر العيون لتسلل خفية وبهدوء ليستقر في كل القلوب
nana
22-09-2007, 02:22 AM
أنا بلشت حب من شي أسبوع فقط بس عن جد علقت علقة رهيبة انشالله بتكمل معي عالاخير و منتزوج.
حبيبي من القلمون بس سافر من يومين عقطر
أخد معو قلبي و روحي و عقلي و كياني ووجودي و كل شي بيخطر عبالك
انا و عم ودعو بالمطار حسيت إنو روحي عم تتطلع
الله يصبرني عفراقو و يصبرو عفراقي و يخلينا لبعض و يفرحكن منا و يفرحنا منكم جميعا"

على فكرة أنا نازلي على قطر بي 26-9 راح اقعد اسبوع البنك تبعنا فاتح فرع جديد بي قطر
أكيد راح شوف خطيبك بي ما انو في بيناتنا قربي بعيدي و بتحبي وصلو سلام او جبلك شي من قطر لاني من بعد منا نازلي على لبنان 4أيام
wishes
22-09-2007, 02:31 AM
سلميلي عليه كتير كتير كتير
و قوليلو إني مشتاقتلو كتير
دوكر
23-09-2007, 03:52 AM
يا هلا بالشباب والله.....
شو كيفكون؟؟؟؟؟
الحب ......الحب............ؤصة .....عنجد ؤصة
ازا حبيت ف لازم تعيش مع حبيبك بي كول ظروف حياتو .....
يتبع.......مشغول
Nader 3:16
23-09-2007, 01:12 PM
إنو ليش حاصرين الحب على انو حب الرجل للمرأة فقط؟؟؟؟

انا بالنسبة لي حب الأصدقاء بيسوى الدنيا و ما فيها....

الله يرجعلي جميع الاحباء المسافرين عن قريب
دوكر
20-02-2009, 04:59 PM
الموضوع اديش اديم.......
ايام بهل المنتدى.......ههههههههه.... ليك أيمتن فقت ت رد على هل المشاركة ....الموضوع هوني محصور بالحب بين الرجال و المرة ....لأنو نفتح ع هل الاساس ...... و انواع الحب كتير .......
يعطيك العافية ....
اخوكم دوكر المعوكر............