اي جنسيه ستختار ؟؟؟؟

[wishes]

اي جنسيه ستختار ؟؟؟؟ السلام عليكم...



بالإضافة إلى جنسيتك .. لو أعطيت الخيار لاختيار جنسية أخرى
فأي جنسية ستختار ؟ ولماذا ؟وبكل صراحة؟ .......... (مجرد سؤال )


.
..

.. شاركنا برأيك

[بسام]

كل الدول أضرب من بعضن ما بفضل ولا وحدة وجنسيتنا أفضل شي بس ملاحظة بلا كل هادا الحكي الجنسية الإسلامية وبس

[nana]

إذا كان قصدك ايا من الجنسيات العربيه فا بعتبر حالي بملك كل الجنسيات العربيه لانو نحنا من وطن عربي واحد نتكلم اللغة العربيه وشعب واحد
فا إذا من الجنسيات الاجنبيه والله ولا جنسيه من الجنسيه الامركيه او الاستراليه ووو ما بتعنيلي ولا بشرفني أملكا
الاستقرار والامان وراحة موجودة بكل مكان والله سبحانه وتعالى عاطي كل الناس الاستقرار والامان
فا لشو روح ودور على جنسيه تانيه مع جنسيتي مشان المستقبل ومابعرف شو
وشكرا للموضوع

[بسام]

يا ستي لا فرق بين عربي ولا عجمي إلى بالتقوى لذلك الهوية الإسلامية فقط

[nana]

يا ستي لا فرق بين عربي ولا عجمي إلى بالتقوى لذلك الهوية الإسلامية فقط
هوي صح لافرق بين عربي وعجمي إلا بالتقوى بس الاسلام ليس بي جنسيه وإنما ديانه

[بسام]

إذا هيك يعني هناك فرق بين الهوية والجنسية
وكمان ما فيكي تقولي إنو بتعتبري كل الدول العربية شئ واحد كما ذكرتي سابقا.
شكرا لك على توضيحك

[moustafa]

ليكي يا أخت wishes أنا إذا صار معي يللي عم تحكيي فأنا باختار إلى جانب الهويّة اللبنانية الهويّة القلمونيّة....
أو الهويّة الكازاخستانية
أو الهويّة الهندية.... و خلص

[nana]

إذا هيك يعني هناك فرق بين الهوية والجنسية
وكمان ما فيكي تقولي إنو بتعتبري كل الدول العربية شئ واحد كما ذكرتي سابقا.
شكرا لك على توضيحك



لاء فيني اعتبر الدول العربيه شيء واحد حتى لوكان في خلاف هلاء بدي اسألك لما بتسافر على بلد عربي والكل بيحكي نفس اللغة راح تحس حالك غريب او مش عم تقدر تعبر عن مشاعرك او المك
في حين إنك رحت على بلد أجنبي وأخدت جنسيتو مين يلي راح تلاقيه بيفهم انت شو بتفكر وشو نمط الحياة الي انت عايشه
وعلى فكرة بكل الدول العربيه في إسلام وفي مسيحيه بس كلنا مننتمي لارض وحدي هي الارض العربيه وتفكيرنا واحد رغم فرق الديانت بس على القليلي منفهم بعضنا
مشان هيك قلتلك الاسلام ديانه وليست جنسيه

[بسام]

كلام مردود يا ستي لأن في الدول الأجنبية الحيوانات تحترم أكثر مما يحترم العربي في دولة عربية غير دولتو.
لذلك أنا أقول إنو إذا بدنا نفرق بالجنسيات فأول شي منبلش بالدول العربية

[محمد أحمد الفلو]

palestinienne

[بسام]

لماذا تخليت عن بلاد الرافدين وعن الجزيرة العربية يا حنيطون أوعى تغلط الجنسية اسلامية فقط

[محمد أحمد الفلو]

لماذا تخليت عن بلاد الرافدين وعن الجزيرة العربية يا حنيطون أوعى تغلط الجنسية اسلامية فقط
لأن ما حدا حامل القضية بالفعل غيرن.
وما عم أغلط بالنسبة للهوية الإسلامية
ولي في رسول الله صلى الله عليه وسلم أسوة حسنة ( و لولا الهجرة لكنت رجلا من الأنصار

[بسام]

على العكس قبل أن تسقط العراق هناك من يحمل قضيتها ويقاوم

[nana]

على العكس قبل أن تسقط العراق هناك من يحمل قضيتها ويقاوم

الله يرحمك يا صدام

[بسام]

عنجد عم تترحمي على صدام???

[nana]

كلام مردود يا ستي لأن في الدول الأجنبية الحيوانات تحترم أكثر مما يحترم العربي في دولة عربية غير دولتو.
لذلك أنا أقول إنو إذا بدنا نفرق بالجنسيات فأول شي منبلش بالدول العربية
مبين من بوش منزل كل جيشو بي العراق للموت وموت بدون قضيه او دفاع عن شي رايحين يستغلو بلد من دون ذنب
فا بالنهايه نحن عرب ومهما في بيناتنا مشاكل هادا مابيستدعي نخلي الاجانب يضحكو علينا
في متل بقول انا وخي على ابن عمي وانا وابن عمي على الغريب
يعني انا وابن بلدي على عربي وانا ولعربي على الاجنبي
إن شاء الله وضحتلك صورة

أنا عربي آه يانيالي

[بسام]

غير صحيح يا ستي لأن الأمريكان يقاتلون أهل السنة فقط أي أنهم يحررون العراق العربي من أهل السنة وهذا أمر وافق عليه كل الزعماء العرب ويتعاونون مع الأمريكان في هذا الأمر.
أما للجيش الأمريكي فاللذين يقاتلون في العراق إنما أعطو الجنسية الأمريكية وفي الحقيقة هم ليسو من أصل أمريكي

[nana]

غير صحيح يا ستي لأن الأمريكان يقاتلون أهل السنة فقط أي أنهم يحررون العراق العربي من أهل السنة وهذا أمر وافق عليه كل الزعماء العرب ويتعاونون مع الأمريكان في هذا الأمر.
أما للجيش الأمريكي فاللذين يقاتلون في العراق إنما أعطو الجنسية الأمريكية وفي الحقيقة هم ليسو من أصل أمريكي
والله أنا مع كلمة حق وشغلي تانيه الله يرحم جميع أمة سيدنا محمد صلى الله عليه وسلم
من دون إستثناء
وعى فكرة ليش اصلا مين الك كل الحاملين الجنسيه الاميركيه هم سكان الاصليين لاميركا.
هنود الحمر هم سكان الاصليين وهم السكان الغير الموجوين بعين الاعتبار بي اميركا
فا متقلي منون اصل اميركي يلي بي العراق طول منون بي العراق هني عم بيمثلو اميركا
والله أنا ماعم قلك في زعيم عربي في مخ ومافي زعيم عربي غيور على الوطن العربي وأهلو لوفيون نقطة احساس ما سلمو أهل العراق والعراق ولست اعني صدام لاميركا حتى يدمرو ويبعدو سعادة وراحة البال عن هل شعب لمعتر المسكين
حاج دافع عن الاجانب حتى لوكان فينا مليون عقدة منض نحنا عرب وشو مصار بيناتنا لازم نحب بعضنا
والسلام

[مصطفى معتوق]

دستور يا جماعة

الجنسية ليست من اختيارالانسان انما هي متل الاب والام والاخ والوطن هبة من الله للانسان الا ان بعض الناس يحاولون ان يكونو افاعي بتغيير جلودهم والتنكر لاصلهم وامتهم ومجتمعاتهم .
اما كان اجدى بك يا انسة ويشز ان تطرحي موضوع كيف نحسن وطننا ونحصن مجتمعنا بدل من دفع الناس الى اختيار جنسيات بديلة ؟
اما انت يا نارة خانوم فلتعلمي انك انت والشهيد القائد صدام من شعب واحد ومن امة واحدة ومن وطن واحد كما انا وجميع ابناء مجتمعنا .
انا ارفض ان نخضع لمارك ساكس وجورج بيكو وان نقول هذا شامي وهذا لبناني وهذا عراقي وهذا فلسطيني فكلنا سوريون وسوريا امة تامة ولن نرضى اي هوية بديلة عن هويتنا القومية الاصلية
نعم نحن اليوم مشرذمون ووطننا مقسم وبعضه محتل فبدل التفكير بكيفية الهروب منه فكرو بطريقة ما لتحريره وتوحيده وبدل الطمع باوطان الاخرين وتقديمات دولهم الاجتماعية لهم بعد نيلهم الجنسية اعملو ليحسدكم الناس على هويتكم وجنسيتكم في وطنكم الام الهلال السوري الخصيب

[بسام]

يا ستي أنا بشوف إذا بدنا نضل هيك رح نوصل إلى جدل بيزنطي ويمكن بلشنا فيه والأولى تركه وإذا أردتي أنا ما عندي مشكلة في مناقشة الموضوع لكن أن يكون مبني على هدف نصل إليه وربما تحت عنوان آخر حتى لا نفسد هدف كاتبة هذا الموضوع منه. ومشكورة بكل الأحوال

[wishes]

والله يا معتوق انا وقت بحط موضوع بحطو لهدف معين و ما بكون اعتباطي يعني لو مني عارفة إنو بيتحمل أخد و رد و مداخلات ما كنت حطيتو و بدل ما تنصح غيرك خلينا نشوف مواضيعك.
شكرا" لكل الذين شاركوا في النقاش.

[nana]

يا ستي أنا بشوف إذا بدنا نضل هيك رح نوصل إلى جدل بيزنطي ويمكن بلشنا فيه والأولى تركه وإذا أردتي أنا ما عندي مشكلة في مناقشة الموضوع لكن أن يكون مبني على هدف نصل إليه وربما تحت عنوان آخر حتى لا نفسد هدف كاتبة هذا الموضوع منه. ومشكورة بكل الأحوال
أنا اسفة مابقا رديت على تعليقك بسرعة لان هههه والحمدلله انا وعلى المنتدى بيجيني تلفون لحأي خيك رامي على المستشفى وانا من مبارح لهل ساعة بي المستشفى هلاء رجعت على البيت لارتاح وراجع بعد الافطارللمستشفى مشان عندو عملية والحمدلله على كل شيء. بس انطرني لبوكرا محضرتلك رد وحتى مصطفى معتوق الفيلسوف كمان
شكلو حدا داعي عليه ماهيك بسام:cool:

[بسام]

المهم هللأ إنو يقوم خيك بالسلامة وطمنينا عنو أول بأول

[بسام]

أو أمو منا راضية عنو لأن أنا كمان بدي ردلو بس أنا بالشغل وعندي شوية شغل

[nana]

دستور يا جماعة

الجنسية ليست من اختيارالانسان انما هي متل الاب والام والاخ والوطن هبة من الله للانسان الا ان بعض الناس يحاولون ان يكونو افاعي بتغيير جلودهم والتنكر لاصلهم وامتهم ومجتمعاتهم .
اما كان اجدى بك يا انسة ويشز ان تطرحي موضوع كيف نحسن وطننا ونحصن مجتمعنا بدل من دفع الناس الى اختيار جنسيات بديلة ؟
اما انت يا نارة خانوم فلتعلمي انك انت والشهيد القائد صدام من شعب واحد ومن امة واحدة ومن وطن واحد كما انا وجميع ابناء مجتمعنا .
انا ارفض ان نخضع لمارك ساكس وجورج بيكو وان نقول هذا شامي وهذا لبناني وهذا عراقي وهذا فلسطيني فكلنا سوريون وسوريا امة تامة ولن نرضى اي هوية بديلة عن هويتنا القومية الاصلية
نعم نحن اليوم مشرذمون ووطننا مقسم وبعضه محتل فبدل التفكير بكيفية الهروب منه فكرو بطريقة ما لتحريره وتوحيده وبدل الطمع باوطان الاخرين وتقديمات دولهم الاجتماعية لهم بعد نيلهم الجنسية اعملو ليحسدكم الناس على هويتكم وجنسيتكم في وطنكم الام الهلال السوري الخصيب


والله يا أخ مصطفى كان كلامك بي البدايه منطقي بس بعدين لما دخلتلي سوريا والقوميه هون خبصت
بحي بس ذكرك نحن أبناء الوطن العربي وليس ابناء سوريه بالتحديد
بتمنى معتقداتك مادخلنا فيا لانو ماراح نتفق
وشكرا