المساعد الشخصي الرقمي

مشاهدة النسخة كاملة : حكي نسوان


nana
21-09-2007, 07:48 PM
عزا حكي النسوان ما يخلص والله يستر عن شو يحكوا
ما شاء الله ما يحكوا غير عن فلان وعن علتان
بس مو كلهن نصهن

ام جميل : مين هالبنت الي ماشية..

ام رافت : هاي بنت ام رزق.. بنت مؤدبة بس بقوله عنها مصاحبة ابن ام عزو.....

ام جميل : ابن ام عزو مصاحب بنت ام رزق؟ عزاااا !!!

ام رافت : يييي وانت مش دارية.. مش بحبه بعض الهم 5 سنين..

ام جميل : اه وسمعت انو ام رزق بدهاش ابن ام عزو..

ام رافت : والله مني عارفة يختي .. هو بتلاقي ام رزق احسن من ابن ام عزو...

ام جميل : ييي ييي اسكتي وتخلنيش احكي.. خلي الناس بحالهم..

ام رافت : عزااااااااا شو في احكي.. احكي يا ام جميل..

ام جميل : مهو هاذ ابنها لام عزو داير ورا صبية ثانية بنت ام ثروت..


ام رافت : يي يي يي يعلينا وامه دارية بالموضوع؟
ام جميل : امه بالمستشفى .. مش جلطها من خراريفه..

ام رافت : والله يختي يا ام جميل , بنت ام ثروت هاي مشيها مش ولا بد...

ام جميل : بعرف بعرف يا ام رافت... مش عارف ليش بخلفه وبرمه...

ام رافت : يا لطيف ومين هاي الي ماشية بالشارع؟

ام جميل : يسعد يومها هاي بنت ام محمود ..

ام رافت : الامانة لله بنت مؤدبة ومحترمة بس ثمها اجكم..

ام جميل : يعلينا.. ثمها اجكم.. وبقول مالها ام حسن ما وافقت ابنها حسن يخطبها.....

ام رافت : دشرك من حسن وسيرته هذا فاضي ومش لاقي حدا يؤدبه..

ام جميل : ليش يا ام رافت مالو مقصوف هالعمر..

ام رافت : هاذ داير ورا بنتي الو سنتين واحنا مش موافقين عليه..
ام جميل : اوعي يي اوعي يا خايسة... بنتك بتستاهل ثقلها ذهب..

ام رافت : بدك تقوليلي عن بنتي يا ام جميل..

ام جميل : والله يختي يا ام رافت ... لبنتي انا تقدمه بشهرين 45 عريس.. اشي دكتور واشي جراح واشي طبيب جراح لجورج وسوف.. واشي مهندس.. بس البنت لسا زغيرة سع ما قطعتش ال 28 ........

ام رافت : يييييي تقوليليش عن بنتك.. بنتك ملاك بنتك يا ريت تبقى وحدة مثل اخلاقها.. بنت ثقلها ذهب وماس ( وبينها
من هنا و هناك
21-09-2007, 10:51 PM
الحلو فيها انها باللهجة الفلسطينية :confused::confused::confused:
wishes
22-09-2007, 12:30 AM
بالفلسطيني ولا الأردني ولا القلموني
النسوان نسوان و ما بيتركوا حدا من شرن
بتكون الشغلة ما بتستاهل بيعملوا منا قصة و بيعتقدوا شي و بيبنوا حكين عأساسوا و هو ما بكون في شي منو
الله يسامحن
و شكرا" عالموضوع
nana
22-09-2007, 01:44 AM
الحلو فيها انها باللهجة الفلسطينية :confused::confused::confused:
بي صراحة أول ما وصلني هيدا الايميل لقيت صعوبي بي أولو مافهمت اللهجة مظبوط بس فعلا لهجتون غريبي حلوي
nana
22-09-2007, 01:45 AM
شكرا لمروركم
بسام
22-09-2007, 07:23 AM
كل النسوان بكفة والنسوان بفرن عيشة بكفة
مصطفى معتوق
22-09-2007, 07:56 AM
النسوان نسوان و ما بيتركوا حدا من شرن
بتكون الشغلة ما بتستاهل بيعملوا منا قصة و بيعتقدوا شي و بيبنوا حكين عأساسوا و هو ما بكون في شي منو
الله يسامحن

ليش انتي والست نارة شو ؟؟؟؟؟؟؟
منكن نسوان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله امركن عجيب ؟؟؟؟؟؟؟؟؟
الزاهر
22-09-2007, 08:45 AM
آه....إنتو كسرو جيطان بريسان بعضكم......

وإذا شب آل نس......

بتنس....فولو دماغو!!!!

ليك هالتعصب ليك!!!
مصطفى معتوق
22-09-2007, 09:36 AM
آه....إنتو كسرو جيطان بريسان بعضكم......



قول مأثور عن الجيطان والنسوان :
ازا طرقت الجاط برأس النسوان يرتد الجاط بصوت رنان وما بيعود صالح للاستخدام كمان
ههههههههههههههههههههههههههههههه
wishes
22-09-2007, 03:42 PM
نحنا صبايا بعد ما صرنا نسوان
و نحنا ما أطيب منا بس مرات الرجال ما بيفهموا إلا بالقوة
nana
22-09-2007, 04:26 PM
فعلا نحن بعدنا صبايا بعد مادخلنا قفص المؤبد
وانا بأيد ويشيز بكلاما