يا مأمن للنسوان!!! [الأرشيف] - ????? ???? ???? ??????? ?? ?????

عمر ملاط

01-10-2007, 11:51 AM

يا مأمن للنسوان.. يا مأمن للموية برات الفنجان
هادا مثل جديد.... لازم يكون موجود.... ما بعرف ليش... بس أنا صار عندي يقين بهادا الشي... بس مش لأني متزوج تفكرو قصدي على مرتي... أنا بهادا المثل ما قصدي على مرتي...
بس طالما إنو انفتح الموضوع... اديش برأيكن النسوان فين يحفظو سر؟
واديش فين إذا أمناهن على شغلة... ما يستخدموها بمآربن الشخصية...
خلوا الرجال يعطوا رأين.. وخلو النسوان يعطو رأين...
أنا عارف النسوان بدن يدافعو هلأ... والرجال بدن يهجمو... شغلة طبيعية....
بس ناطر حتى شوف النسبة

محمد أحمد الفلو

01-10-2007, 12:35 PM

لا للنسوان ولا للرجال

دوكر

01-10-2007, 02:24 PM

يا هلا بالمعلم عمر ملاط..................
انا بوفأك مية بالمية ع هل المتل..........
اصلن ازا رجال بيحكي كتير بؤلولو انو بلت متل النسوان.......
و ما ظني في الواحد يسر لبنت بشي ...............كأنك عم تؤلن نشورو............
الا من رحم ربي ............و هن قلة...........

مصطفى معتوق

01-10-2007, 03:01 PM

اهلين بأخي عمر كيفك يا حج كيف الصحة وين هالغيبة ؟؟
دخلك عم تشوفو لفشلان هو وابو جاد ؟؟
بالنسبة للموضوع فمن كم يوم منت عم قلو لاخي زاهر انو السر عند المرأة نوعان وهما :
نوع خطير جداً لا تستطيع ان تحمله وحدها فتخبره لجارتها
والنوع الثاني تافه جداً لا يستحق ان تستره فتخبره لصديقتها لتسخر من صاحبته
فكيف بدك ياني امن للنسوان بالاخص ازا كانو متل هونيك واحدة ببالي

wishes

01-10-2007, 06:14 PM

أنا حافظة سر لواحدة رفيقتي
هيدا السر خطير كتير و ما بصير ينكشف
بس ما بخبي عليكن رح موت بدي احكي بس حرام كرمالا للبنت بعدني صابرة
الله يصبرني

wishes

01-10-2007, 06:20 PM

انا بحاجه الى راس كبير و لسان قصير

" بونابرت "

حسيتا لابقة للموضوع و للنسوان

معترض

02-10-2007, 12:43 AM

لك حيّا الله الرجال كيفكن ولك؟؟؟ لك الله يرحم تراب الرجال، كيفك ولك خيي عمروت ملّوط(دلع عمر ملاط) صحيح إنك عمروت ;) عهالمثل اللي طلع معك، لك الرجال يا تكون متل رجال باب الحارة يا عمرها ما تكون ولكككككككككككككككك ، (خذفت من قبل المشرف) لك يرحم سماك ولك معتز وعصام و...... (حذفت من قبل المشرف)

مصطفى معتوق

02-10-2007, 01:23 AM

يا ابني يا معترض اسماع وفهام يرضالي عليك
كلامك ما عم ينزان معي لا بميزان ولا بقبان. واكيد انت مو متزوز لانك لو انك متزوز وبتعرف قيمة الحريم ما بتحكي هيك كلام بنوب لان حرمتك كانت مصعت الرقبة شيتك .

بعدين على فكرة يلي قلك انك مهضوم كتير غلطان وازا عم تحكي عن جد فحب طمنك انو بحياتك مش رح تتهنى مع مرا لانك مش رح تقدر قيمتها ويلي ما بيقدر مرتو لا مرتو ولا حدن من الناس رح يحترمو

دوكر

02-10-2007, 01:43 AM

انا مع المعلم معتوق انو كلامك منو مدوزن بالمرة...............يا معترض شكلك مدعوس من مرتك ازا متزوز.............و ازا لأ شكلك اكلك شي لبطة من شي بنت ت عم تحكي هل الحكي.....
صحيح النسوان بلتو و بيحكو كتير بس في منون ازا ؤلتلا كلمة ما بتؤلة لحدا لو ع أطع رءبتا.........
و حكيك منو منطقي بالمرة ...........المرة بضل بتشيل عن الواحد همومو و بتوأف مع الواحد بي مشاكلو ازا كانت من "شقاق الرجال" ...........بس ازا كانت "بنوته" ف الله المستعان
اخوكم دوكر المعوكر

nana

03-10-2007, 01:30 PM

لكل رجل ماتعطو سركن حتى لنسوانوكن:D

وسيم أحمد الفلو

03-10-2007, 08:42 PM

أنا بعرف في مثل بيقول:
"يا مأمن للرجال يا مأمن للمي بالغربال "
يعني عمورة مإجا بشي جديد بس غير رجال وغربال :)

وسيم أحمد الفلو

03-10-2007, 08:52 PM

في مثل كمال حلو أنا ألفتو : " يا مأمن لعمار يا مأمن للحمار "

وسيم أحمد الفلو

03-10-2007, 08:56 PM

"يا مأمن لصلاح يا مأمن للباب بالمفتاح"

الزاهر

03-10-2007, 08:59 PM

شو رأيكم نعملها مسابقة!!!!

مصطفى معتوق

04-10-2007, 12:26 AM

يا مأمن لرشوان سرك رح يوصل للدبان
ههههههههههههههههههههههههههههههههههههه
الله معك ابو الريش

وسيم أحمد الفلو

04-10-2007, 10:47 AM

والله يا معتوق ضحكنني كتير:):)

هيدا رشوان حدا بيعرف أخبارو، بيقولو إنو بفرنسا بس ما حدا شافة هونيك، والله عيب عليي معاد بعت ولا رسالة لإستاذو.

مصطفى معتوق

04-10-2007, 11:24 AM

والله يا معتوق ضحكنني كتير:):)

هيدا رشوان حدا بيعرف أخبارو، بيقولو إنو بفرنسا بس ما حدا شافة هونيك، والله عيب عليي معاد بعت ولا رسالة لإستاذو.

بتعرف يا دكتور انو رشوان مقطوعة اخبارو بالمرة اخر مرة حكيت معو من شي سنة كان بدو يجي على الامارات زيارة وعم يستفسر ومن وقتها هادا وش الضيف
ازا حدن تفشكل فيه بفرانسا يقلو انو في اختراع اسمو انترنت خليه (حذفت) يستعملو

وسيم أحمد الفلو

04-10-2007, 02:56 PM

أنا مبعتقد إنو بفرنسا، أكيد هو عند عرب التلة وعم يقول للناس إنو بفرنسا :) :)

محمد أحمد الفلو

04-10-2007, 04:42 PM

بتعرف يا دكتور انو رشوان مقطوعة اخبارو بالمرة اخر مرة حكيت معو من شي سنة كان بدو يجي على الامارات زيارة وعم يستفسر ومن وقتها هادا وش الضيف
ازا حدن تفشكل فيه بفرانسا يقلو انو في اختراع اسمو انترنت خليه (حذفت) يستعملو

أنا مبعتقد إنو بفرنسا، أكيد هو عند عرب التلة وعم يقول للناس إنو بفرنسا :) :)

رشوان حي فينا وين ما كان.

بس هو بسويسرا !!!!!

وعندو إنترنت بس ما بيرد عمين ما كان .

ودخلكن شكان الموضوع

روعة

04-10-2007, 05:02 PM

يا مأمن لحميطون
ما تخاف
لأنن فاتو من هون
وطلعو من هون

وسيم أحمد الفلو

04-10-2007, 09:22 PM

يا مأمن لحميطون يا مأمن للحردون

مصطفى معتوق

04-10-2007, 09:58 PM

رشوان حي فينا وين ما كان.

تسلملي يا حميطون جات بمحلها

وسيم أحمد الفلو

05-10-2007, 03:55 PM

مشاركتي عن روعة مين شالا؟؟؟؟؟؟؟؟؟؟؟؟؟؟؟؟؟؟؟؟

الزاهر

06-10-2007, 12:40 AM

والله بك تشوف مين مشرف عهالساحة......وإنت بتعرف مين.....أختك عنها واسطة منيح عندها!!!!

هههههههههههههههه

ساميا

06-10-2007, 06:57 AM

السلام عليكم
ليس بحاجة للواسطة يا أخ زاهر فأنا لم أحذف هذه المشاركة بل حتى لم أطلع عليها، ولو حذفتها لظهر ذلك لكم..

وسيم أحمد الفلو

06-10-2007, 11:24 AM

هيدي روعة نفوذها قوي كتير ... يعني الحذف مش مبين مين عملو.

الزاهر

06-10-2007, 04:01 PM

صار لازم نراجع السلطات الخاصة لكان.....واسطتها كبير حتى جاية الحذف من فوق المشرفة!!!!

ههههههههههه

المهند

18-10-2007, 01:17 AM

يا مأمن لمعتوق يا ماشى عالعتمة بالزاقوق:p

الريس

18-10-2007, 08:18 AM

يا مأمن للمدوكر ... يا مأيبل بالموي المعوكر

الريس

18-10-2007, 08:19 AM

وهذا تهجم واضح وصريح على الرفيق ، دوكر المعوكر ...

عمر ملاط

18-10-2007, 09:06 AM

يا مأمن لوسيم الفلو... يا معبي موية وباخش الدلو....

انت متأكد انو انت حطيت مشاركة عن روعة؟؟؟ يعني شفتها بعد ما ضفتها.؟؟؟؟؟؟ ما يقوم صاير خطأ بالإضافة أو ناسي كنك ضايفها أو لأ....

ترى القصة بدها المحقق كونان وفرع المعلومات....