تدخين الفتيات موضة أم منافسة للشباب؟

[Abir]

السلام عليكم ورحمة الله وبركاته


لا تخلو مقاهينا من الشباب الذين يسهرون ويقضون وقت فراغهم بالتدخين ولعب الشطرنج ومشاهدة المباريات، ولكن العجب أن نرى فتيات تتردد على هذه الأماكن وتمارس حريتها على مرآى الجميع، ففي عصر العولمة والانفتاح الفضائي وتقنية المعلومات هل أصبح تدخين الفتيات عادة من العادات المفروضة؟ وإذا كانت الفتاة لا تهتم بصحتها وتتهاون في مسألة الخطر الذي يحدق بحياتها، فهل تتساهل في الخطر المحدق بأنوثتها وعذوبتها أو سمعتها؟
لا أعتقد أن أي فتاة قد تتهاون في هذا الجانب الذي يمثل معنى وجودها في الحياة ومعنى جمالها ورونقها الجذاب.
أيتها الفتاة المدخنة
الأنوثة هي بريق عينيكِ وأنت ذابلة العيون.
الأنوثة هي لون شفتيكِ وأنتي قد طليتِ شفتيكِ بلون أسود كتوم.
الأنوثة هي عبير أنفاسك وأنفاسكِ أنت كأسوأ ما تكون.
الأنوثة هي اشراقة وجهكِ وأنتِ وجهكِ غائب بين الدخان والسموم.
جميع الرجال يذبلون أمام جمالكِ وجميع الشعراء قد تغنوا بكِ،
فأفيقي قبل فوات الآوان وقبل حدوث شيء ما لا يجب أن يكون قبل ذبلان الورود.
والسؤال الذي يطرح نفسه هنا
هل السبب في ذلك الحرية من الأهل؟
أم الثقة القوية من أولياء الأمور؟
أم التهاون في التربية والانشغال في أمور الدنيا؟
أم ارتباط الفتاة بصديقات السوء؟
أم مشكلات عاطفية تمر بها الفتاة؟
أيها الأعزاء
بين هؤلاء الفتيات أختك أو زوجتك أو ابنتك
فهل ترضى لها أن تكون في زحمة الدخان، وفي فمها أنبوب الشيشة؟
ها هي المقاهي تكتظ بالجنسين، وكل منهم يتنافس على دخان الشيشة
عادات دخيلة تنتشر في مجتمعاتنا العربية، وأترك لكم الحرية الأعزاء
هل صحيح إن لم تستحِ فستفعل ما تشاء؟

[دوكر]

يا هلا بالست عبير...صلي ع سيدنا محمد...
موضوع كتير مهم ...بالنسبة لاي بالأليلة...انا بس شوف بنت عم تشفط سيجارا بجي ت إستفرغ ...شي كتير مإرف...
فينا نتفهم يمكن إنو شب يدخن...دحكو علي رفؤتو و ؤلولو بتصر رجال...
بس البنت شؤلولا...بتصيري رجالة...
أكيد الخطأ من التربية بالبيت...و بالشارع...ومحدا منتبهلا مع مين بتمشي...

[wishes]

مرات الواحدة بتدخن تتنسى هموما.
عندي رفيقة بالجامعة مدمنة عالدخان. سالتا شو شعورك انت و قاعدة بالجامعة عم تدخني ما بتستحي بمنظرك تلميذة ادارة اعمال حاملة سيجارة متل الفلتانين و عم تنفخي. فحكيتلي قصتا. قالتلي أمي ماتت وأنا بأول مراهقي و البابا يوم بلاقي شغل و عشرة لأ ووقت بعصب بفش كل خلقو فيني. ليه مستكترة عليي دخن تإنسى الهموم يللي انا فيا؟
انا مني مع التدخين بل انا ضدو مليون بالمية بس يمكن يكون عن جد بنسي الهموم. انا مني مجربة so ما فيني اعطي رأيي بالموضوع.

[الزاهر]

رح خبركم شغلة.....بس أبل......
التدخين إهانة بالنسبة لي......فإن حدا سحب سيغارة بوجودي......تماما متل إذا صفعني على وجهي!!!!.....سواء بنت ولا شب

لكن سمعو لنشوف......بالأول كان في واحد مصاحب..(ما حدا يسئلني مين......ما رح جاوب.....ههههههه)...وعلى نية خطبة......لكن يتفاجئ إنو هالـ "عروس المستقبلية"......تسأله......"ليش ما بتدخن؟؟.....أنا بدي ياك تدخن"......بيألها لشو لدخن.....بتألو:"إذا دخنت بتصير رجال!!!"

آم ألعلها.......وآل بلالنا هالمصلحة!!!!

[dania]

التدخين لا ينسي الهموم بل يجلبها

وبنظري عيب واكبر عيب البنت تدخن لأي سبب من الأسباب

[مصطفى معتوق]

.لكن يتفاجئ إنو هالـ "عروس المستقبلية"......تسأله......"ليش ما بتدخن؟؟.....أنا بدي ياك تدخن"......بيألها لشو لدخن.....بتألو:"إذا دخنت بتصير رجال!!!"
آم ألعلها.......وآل بلالنا هالمصلحة!!!!
ههههههههههههههههههههههه
ولك يا زلمة من وين جايب هالقصة ؟؟؟؟؟؟؟؟؟؟؟؟؟
ليش مين قال الدخان بيعمل زلم ؟؟؟؟؟؟؟

[الزاهر]

على فكرة......(خصوصي موجه لمعتوق) كل نفس أركيلة......بعلبة سواغير!!!!

[مصطفى معتوق]

على فكرة......(خصوصي موجه لمعتوق) كل نفس أركيلة......بعلبة سواغير!!!!

والله يا زاهر ما تفتكر اني مدمن اركيلة يعني !!!!!
يمكن مرة بالشهر وحسب القعدة ؟؟؟
بس يلي كان عاملي مشكلة كان السيجار الكوبي وهلق والحمد لله خففتو عن الاول

[الريس]

بصراحة ما قريت الموضوع من الأول ، بس تدخين البنات عندي خط أحمر ، يعني ما فوت عالبيت ولاقي الريسة عم اتدخن أو شم ريحة تمها دخان ، دغري بوديها عبيت اهلها .

وهيدي الخزعبلات يا أم وشة ، بنصحك اتبطليها ، واطلعي من هالبواب أحسلك ، يعني مني فاهم كيف الدخان بنسي وبروح الهموم ؟؟؟؟ يمكن لأن ريحتو حلوة كتير فالواحد هو وعم يدخن بفكر حالوا بحقول الورد والياسمين وبيسرح خيالوا نحو الجنان ، ويمكن لأنو مفيد كتير للصحة وبنشط ، ويمكن لأنو بروح السعلة ....

يا بنتي سمعيني هون شو عم الك ، النبي صلى الله عليه وسلّم بقول :( مَا أَصَابَ أَحَدًا قَطُّ هَمٌّ وَلَا حَزَنٌ فَقَالَ اللَّهُمَّ إِنِّي عَبْدُكَ وَابْنُ عَبْدِكَ وَابْنُ أَمَتِكَ نَاصِيَتِي بِيَدِكَ مَاضٍ فِيَّ حُكْمُكَ عَدْلٌ فِيَّ قَضَاؤُكَ أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ أَوْ عَلَّمْتَهُ أَحَدًا مِنْ خَلْقِكَ أَوْ أَنْزَلْتَهُ فِي كِتَابِكَ أَوْ اسْتَأْثَرْتَ بِهِ فِي عِلْمِ الْغَيْبِ عِنْدَكَ أَنْ تَجْعَلَ الْقُرْآنَ رَبِيعَ قَلْبِي وَنُورَ صَدْرِي وَجِلَاءَ حُزْنِي وَذَهَابَ هَمِّي إِلَّا أَذْهَبَ اللَّهُ هَمَّهُ وَحُزْنَهُ وَأَبْدَلَهُ مَكَانَهُ فَرَجًا قَالَ فَقِيلَ يَا رَسُولَ اللَّهِ أَلَا نَتَعَلَّمُهَا فَقَالَ بَلَى يَنْبَغِي لِمَنْ سَمِعَهَا أَنْ يَتَعَلَّمَهَا ) ، بتلاقيه يا بنتي بمسند الإمام أحمد المجلد 8 - الصفحة 63

فهيك بروحوا الهموم ، مش بالسيغارا ، ولا بالأركيلة .......

[مصطفى معتوق]

آآآآآآآآآآآآآآآآآآآآآآآآآويييييييييييييييييييييييي يييييييهاااااااااااااااااااااااااااااااااااااااا
اويــــــــــــــــــــــــــــهــــــــــــــــــ ــــــــــــــــــــــــا ورجع الريس !!!!
آويــــــــــــــــــــــــــــهــــــــــــــــــ ــــــــــــــــــــــــا احلى شب وما حدن متلو كويس
آويــــــــــــــــــــــــــــهــــــــــــــــــ ـــــــــــــــــــــــا طقو وموتو يا عزال يلي متل العريّس

وللللللللللللللللللللللللللليييييييييييييييييييييي يييييييييييييييييي
اهلين بالريس

[الريس]

ولك أهلا بالمعلم مصطفى ، كيف حالك يا حبيب قلبي ، وين إيامك ، شو تزوجت ولا إسا ؟؟؟

[الزاهر]

يا أهلا بالريس.....وبكلامو المجبول بالعسل!!!!!
لووووووووووول!!!

[مصطفى معتوق]

ولك أهلا بالمعلم مصطفى ، كيف حالك يا حبيب قلبي ، وين إيامك ، شو تزوجت ولا إسا ؟؟؟

حبيب البي يا ريس
لا والله عم ندور على بنت الحلال اساتنا

[الريس]

ولك أهلا بالمعلم معتوق ، هيأتك على عكسي أنا حضيت بالأولة ، والتانية وعشوية رح احضى بالتالتة ، بس ما لي قلب قلها للمرة .