الجحشنة !!!!

[الريس]

بصراحة في كتير مواضيع مهمة للحكي ، بس هذا الموضوع هو الأكثر تمثيلا لحالة المنتدى وأعضائه ، أنا بالطبع لا أقصد جميع الأعضاء ولكن ثمة كثير منهم يظنون أنفسهم على مقدار كبير من العلم والفهم ، ويتصدرون الساحات للنقاش ، وتراهم السباقين للمشاركات في جميع المواضيع ، غير أن الجحشنة هي ردائهم الذي لا يمكنهم خلعه أبدا .

يعني أنا مني فاهم ، واحدة بتفوت بتقول انو ما فيها شي الدخان ، وواحدة تانية بدها تحكي بالحب وتناقش ووحادة تالتة ورابعة ........


آن الآن انكم تعرفوا حالكم انكون (****) ، ولك وبعشر دينين كمان ، عجبكون ولا ما عجبكون ، مني سإلان عنكم .

[الشامي]

السلام عليكم ... كيفكم يا جماعة :)

أهلا بخيي الريس والله طالت غيبتك عن المنتدى وأعضاء كتير استفقدوك... بس راجع رجعة قوية الظاهر وحميان على المزبوط:)... على كل حال مرحبا بك ونرجو أن تستمر في المشاركة والإفادة والإستفادة ...

وبهذه المناسبة أنادي على جميع أعضاء المنتدى القدامى الذين على أكتافهم ومن خلال مشاركاتهم الفاعلة قام هذا الصرح وانتشر، أن يعودوا إلى الظهور...( وسيم نبيل غنوم - أم سفيان - فشلان - عامر خداج - نزيه خداج - باسم الحج وغيرهم ...)...

بالإنتظار...

أخوكم:rolleyes:

[nana]

والله الانسان لما بغيب عن أهلو او ناسو او عن بلدو لازم لما يرجع يرجع بنفس الاخلاق يلي كان عليا وبعد احسن حتى ليلي صلو زمان ماحكي معو او شافو تبقى صورة القديمه نفس الصورة الجديدة
انا مش عم دافع عن حدا من الاعضاء بي المنتدى ولا على نفسي لان انا بعرف انا حالي شو
من بين الاعضاء بي المنتدى
بي النهايه لما انت يا ريس بتحكي بي هيدي الطريق وتقول كلمة(جحشنه )بي المنتدى للأعضاء ما إلك حق بي المرة ولاء فوق كل هيدا العنوان بي هل كلمه
يعني عنجد غيبتك طويلي وطلتك على المنتدى بي هيدا الاسلوب راح تكون جدا على كبير من الترحيب والسعادة من الاعضاء
وعن موضوع التدخين اصلا ما إلك حق تحك على الاعضاء بردودون وانت لازم تعرف شي انو اكتر الاعضاء من الاعمار الظغيرة يعني شو ماحكيو وشو كان تفكيرون انت لازم توعيون شو صح وشو الخطأ ما تفوت وتهاجم الكل بي كلامك هيك بضل تفكيرون هني الصح وانت الغلط
دايما عد منو للعشرة للمليون قبل ماتحكي او تكتب عن شي

وبي النهايه كل مين على دينو الله يعينو


وملاحظة: شو ماكان ردك السلبي من بعد ماتقرا تعليقي ماراح يهزني بي المرة بتعرف ليش ؟
لان طريقة تعبيرك بي الكلام مافيها نوع من الصحة ولا بخلي إنسان يوثق فيا

ولعلمك الثقافة بحياتا ما شملت كلمة جحشنه بي قاموسا.

[Nader 3:16]

سبحان الله أول ما شفت كلمة (جحشنة) قلت اكيد الريس رجع!!!

فأهلاً و سهلاً بك و يا ريت ترجع تنعشلنا المنتدى بمواضيعك المهمة!!

و كل عيد و انت بخير:)

[الريس]

ليكي يا عيني نارا ، أنا ما بعرف مين انتي ، وما بعتقد انك بتعرفيني مين بكون ، ولما تركت أنا المنتدى انتي اسا ما كنتي جيتي ، ومن بعد ما رجعت هيدي أول مشاركة يمكن بقرأها لك ، فأنا لا أعلم ما هو تفكيرك وما بعرف شي عنك ، وصدقيني ما كان قصدي عليكي أبدا بموضوعي هذا .

ومن ثم اذا ما كنت بتعرفيني ، فبقلّك اني أنا ما بحب المجاملات المبنية على كذب ، والغلط بقول عليه غلط لو شو ما كان ، انو اذا شفت بالمنتدى جحشنة من بعض الأعضاء شو بسميها ، نباغة لحتى ما يزعلوا ؟؟؟
واذا شفت بياخة هل لازم قول هيدي ثقافة لحتى ما اجرحلهم مشاعرهم ، لأ يا أختي الغلط منقول عليه غلط ، وان كان أحيان بيجرح ، بس المجاملات والبروتوكولات الزايدة عن اللزوم ما عندي منها بقاموسي .

لك يلي بزعل بالقصة ، انو اذا واحد قال عشغلة غلط بالقلمون ، بصير دغري عم يحكي عأهل ضيعتو و... وكأنو فاتح صفحة عداوة معهم وما بحبهم و.... وهنة بدورهم بيزعلوا منو ، وبصيروا يضيعوا وقتهم بالتفنن بالردود والبهدلة وكل واحد بعلي السقف أكثر من التاني ، وبتضيع القضية الأساسية للموضوع ومننسى النصيحة ومنضلنا على حالنا ، بل منرجع بالرجعاني .

أنا سبق وقلت يا أختي انو ما قصدي عليكي ، وكنت قادر ببساطة أذكر أسماء الناس يلي قصدي عليون ، بس ما بدي اجرح حدا ، وعارف حالي شو عم اعمل وشو عم احكي ، وبتمنى على كل الأعضاء يراجعوا أنفسهم ، ويراجعوا معتقداتهم على ما بنوها .....

[moustafa]

و لك أهلا بالريّس و الله شرّفت المنتدى ....... بس موضوعك هذا للنقاش و لا بس للقراءة؟؟؟
ههههههه ما تعصّب منّي ها ....... يا الله منشوفك سلام

[Nader 3:16]

ليك يا ريس نصيحة لك ما هيك بيحكو مع البنات ...و بعدين الطريقة يلي فايت فيها عن جديد ما عجبتني بنوب بنوب فأرجو منك ان تحسب حساب لكل كلمة تكتبها ....

و يا هلا بيك!!!!!

انا كتبت هذا الرد لأنو وصلني حكي من واحد(ة) انو في واحد(ة) عم ي(ت)عترض لأني عم امدح الريس.....

[الريس]

يلي بدو شي مني ، يحكيني مباشرة ، ويوديلي رسالة خاصة ، أنا بحكيه وبناقشوا ، أما انو يروح يقللك فهذه ليست طريقة في معالجة لأمور ، وليست مقبولة منه أيا يكون .

[DANI6]

بصراحة في كتير مواضيع مهمة للحكي ، بس هذا الموضوع هو الأكثر تمثيلا لحالة المنتدى وأعضائه ، أنا بالطبع لا أقصد جميع الأعضاء ولكن ثمة كثير منهم يظنون أنفسهم على مقدار كبير من العلم والفهم ، ويتصدرون الساحات للنقاش ، وتراهم السباقين للمشاركات في جميع المواضيع ، غير أن الجحشنة هي ردائهم الذي لا يمكنهم خلعه أبدا .

يعني أنا مني فاهم ، واحدة بتفوت بتقول انو ما فيها شي الدخان ، وواحدة تانية بدها تحكي بالحب وتناقش ووحادة تالتة ورابعة ........


آن الآن انكم تعرفوا حالكم انكون (****) ، ولك وبعشر دينين كمان ، عجبكون ولا ما عجبكون ، مني سإلان عنكم .

أول وصولو الشمعة على طولو!!! اهلاً بريّس (****).. المنتدى بلاك ما كان في جحشنة؟؟؟؟

[الريس]

أهلا وسهلا بالمعلم داني سيكس ، وبهذه الافتتاحية (****) ، والتي إن نمت عن شيء ، فإنها تنم عن حرص كبير ، وروح مبادرة ، وشخصية اجتماعية مثقفة تسعى نحو المشاركة في القضايا الاجتماعية العامة .

وأهلا من جديد

[DANI6]

أهلا وسهلا بالمعلم داني سيكس ، وبهذه الافتتاحية (****) ، والتي إن نمت عن شيء ، فإنها تنم عن حرص كبير ، وروح مبادرة ، وشخصية اجتماعية مثقفة تسعى نحو المشاركة في القضايا الاجتماعية العامة .

وأهلا من جديد

كلنا تلاميذك يا ريس وعم نتعلم منك

[محمد أحمد الفلو]

وبهذه المناسبة أنادي على جميع أعضاء المنتدى القدامى الذين على أكتافهم ومن خلال مشاركاتهم الفاعلة قام هذا الصرح وانتشر، أن يعودوا إلى الظهور...( وسيم نبيل غنوم -
أخوكم:rolleyes:

مبيكنس من امنتدى بس باسم وهمي ودائما مادد لسانو
وسلامة فهمك

[dania]

يعني مش فاهمة الادارة ليش ما تحذفك من المنتدى ؟؟؟؟؟؟؟؟؟؟

الهيئة انت صاحب المنتدى ؟؟؟؟؟؟

عشان هيكي تاركينك تحكي ببرودة وقلة احترام


بس للأسف

[wishes]

السلام عليكم ... كيفكم يا جماعة :)

أهلا بخيي الريس والله طالت غيبتك عن المنتدى وأعضاء كتير استفقدوك... بس راجع رجعة قوية الظاهر وحميان على المزبوط:)... على كل حال مرحبا بك ونرجو أن تستمر في المشاركة والإفادة والإستفادة ...

وبهذه المناسبة أنادي على جميع أعضاء المنتدى القدامى الذين على أكتافهم ومن خلال مشاركاتهم الفاعلة قام هذا الصرح وانتشر، أن يعودوا إلى الظهور...( وسيم نبيل غنوم - أم سفيان - فشلان - عامر خداج - نزيه خداج - باسم الحج وغيرهم ...)...

بالإنتظار...

أخوكم:rolleyes:


بلا ما المراقب يحذفلو كلامو عم يرحب فيه بالمنتدى
مشرف عأعضاء و أعضاء لأ

[عمار الفلو]

إنو مين مكان يكون الريس فبيحقلو يقول يلي بدو ياياه أكيد تحت سقف الأخلاق

بس إذا كان كل واحد شارك بمشاركة بالمنتدى مبتعجبنا منقول للمنتدى حذفها فساعتها مرح يبقى في شي بالمنتدى و بحب ذكر إنو المنتدى للحوار ومنو للنئار

و كمان بنفس في الفكرة في توقيع أخي محمد بيعّبر عنها بواقعية ( و الحمد لله الكل بيعوف فرنسي فمفي داعي للترجمة )

On est tous différents , c'est notre point commun !!!

[دوكر]

Je vous remerci...monsieur amar...
Et je voudrais dire qu'un forum est pour aprocher les points de vues ...
De nouveau...merci

[moustafa]

يا أماني ما تعبي حالك .. القصة واضحة و صريحة.... المشرف عم يتساهل معو لحتّى ما يرجع يروح من المنتدى... يعني ما تزعلي إذا ما عملّو شي....

[الريس]

سكتنا وسكتنا ، قلنا هلأ بذوقوا وبينخجلوا على دمهم ، بس ما هيإتهم ، يعني لو بدها تلوع كانت دخنت .

أنا بدي افهم وين شايفين انو المشرف عم يتساهل معي ؟؟؟؟؟؟؟؟ شو كان لازم يحذف كل كلمة بكتبها ، لأن أسلوبي لا يعجب البعض ؟؟؟

كل إنسان عندو اسلوبوا ، أبو بكر كان غير عن عمر رضي الله عنها ، واحد بعصب و التاني رحيم ، ليش الواحد منكم بدو كل العالم تكون طبعها متل طبعوا ...؟؟؟

بعدين يا مشرف تعا لهون لشوف ، ليش حذفت كلمة جحاش ، وين المسبة فيها ، اذا كان هذا هو الواقع ، يعني اذا كان الواحد مفكر حالوا ذكي وهو ليس كذلك ، وما حدا خبروا هالشغلة منتركوا عليها ...

[habouleh]

يا هلا بالريس و ما ترد ع حدا و لا يهمك اذا تسمسم عليك حدا و نحن على خطاك ثائرون