الشنزيمر والمانغو ؟؟؟

[الريس]

السلام عليكم ورحمة الله وبركاته

بعد يلي صار بموضوع أ ع غ ، تبين لي انو في شغلات كتيير عم تصير وما عم نقدر نعرف فيها احنا المغتربين ، فالمنتدى يبدو أنه لم شكل صلة الوصل الكافية حتى الآن ؟

فما هي فرقة الشنزيمر ؟؟؟ والله أول مرّة أسمع بهذا الاسم ، لما كنت بلبنان ما كان في هالأمور كلها ، وعن مين منشقين عن الجماعة ، أم الأسلاف ، أم العباد ، أم .... أم هم تابعون لإحدى هؤلاء الفرق ، أم أنهم مستقلون ، أين مركزهم ، من المسؤول عنهم ؟ ما هي نشاطاتهم ؟؟ من أعضائهم ؟؟ ولماذا هم محاربون من باقي الجمعيات كما يقولون ؟ هل عندهم أفكار شاذة عن المجتمع ؟ أم أنهم مظلومون ؟؟؟

ومن ثم ما علاقة فرقة المانغو بهم ، ومن هي تلك الأخرى ، متى تأسست ، ومن المسؤول عنها ، ومن أعضاؤها و.... ؟؟؟؟؟؟؟؟؟؟

[دوكر]

يا هلا بالريس.....
يا معلم الؤصة طولة كتير...و فيا دخلات و طلعات ...انا بؤلك في اشياء كتير بضيعتنا م عم توصلنا...بس دائمن انا ع تواصل مع شباب الألمون و بحاول انو يكون عندي صورة واضحة عن لي عم يصير...
لازم نكون نحنا بالضيعة....من شان نعرف كلشي أول بأول...
شلنا من ؤصة كيف وصلتي هل المعلومات...مع انو طلاتي ع الضيعة عم تكون سريعة...
هدا يا سيدنا الإكرام ...الشانزيمر و المانجو...نفس فرأة ...مح ؤزكر أسماء...لأنو مفي داعي...بؤلك هنا ع المسنجر...
التسمية مانجو جات من حبون المشترك لعصير المانجا...هلأ هنة مسجلين رسميا بإسم شانزيمر و لي هو اول حرف من إسم كل واحدة فين...
كانو مع اجيال ...من ثم مع الرابطة حالين...
كلن أخوات محجبات و ملتزيمات...بحبو الدعوة و بيشتغلو كتير بي هل المجال...
عندن كتير أنشطة دعوة و ترفيهية...
بحبو الخير...
اكيد علين بعض المأخذ ...بس بدلن من خيرة صبيا الضيعة...
ولك يا اهلا بالريس...هدي بوسة مني لاك...ؤلي ازا إسا بدك شي ...
ولك إزا ما بعرفو مستعد إنزل ع الضيعة ...أعرفلك ياه ...
اخوكم دوكر المعوكر

[الريس]

حبيب قلبي دوكر مدري عوكر ، بتشكرك كتيير على هذه المعلومات ولكنها غير كافية ، يعني أنا بدي اعرف كيف اخدو الرخصة ، مع العلم انو بلبنان ما بق يعطوا رخص بجمعيات ، إلا أن تكون تابعة لجمعية أخرى ؟؟؟

واديش صرلها الرخصة معهم ؟؟؟ وهل هي فعلا باسم شنزيمر ؟؟؟ ومن بتمنى عليك اتخبرني مين هنة هون فأنا ما بعطي مايلي لحدا أبدا ، ومن ثم هذا عمل عام وليس سري لحتانك اتخبي عليون ، انو اذا صرنا برات القلمون صارت بطل بحقلنا نعرف التحركات العامة بالقلمون من ورائها ، ولا كل واحد برات القلمون صار بدك اتخبروا وحدوا على المسنجر ؟؟؟

أنا بانتظار ليستا رسمية بأسماء الأعضاء التابعين لهذه الفرقة ... ، وبانتظار معرفة أهدافهم العامة والخاصة ، وكيفية تنفيذها ، ولماذا تركوا أجيال ، ومن ثم لماذا تركوا الرابطة وشكلوا فرقة خاصة بهم ؟؟ وهل هنّ إناث فقط ، أم أنها جمعية مختلطة ؟؟؟

كما أني أرجو منك اطلاعي على تاريخ تأسيس هذه الجمعية ، وبعض النشاطات التي قامت به ، وبدي كمان البيان التأسيسي تبعهم . وبدي اعرف مين المسؤول عنهم ؟؟؟ وليش الجمعيات الاسلامية عالقة معهم ؟؟؟؟؟

[دوكر]

يا معلم الريس ليش هيكا مستعجل...و عاجءا...
يا معلم ...مزحة هدي انو جمعية مرخصة...يا حبيبي هداولي روفأة بين بعضن ...كانو يشتغلو مع اجيال...بس صار معن شوة مشاكل...و بتعرف مشاكل النسوان...وصايرة بي هل إيام...مشاكلنا نحنا الرجال متلن...
بعدين إنتألو ليشتغلو مع الرابطة...و آخر نزلة لاي ع الضيعة كانو إساتن مع الرابطة...
اهدافن نشر الأخلاق...و الإلتزام...

[الريس]

متل شو مشاكل يعني ؟؟؟؟؟؟؟؟؟؟؟

بعدين وين الأسماء ؟؟؟؟؟؟؟؟؟؟؟؟؟؟؟؟

[الزاهر]

أخي الريس......وأخي دوكر.....
بالنسبة لي أنا.....أكره ما أكره...أن يتحدث أحد عن لساني أو بالنيابة عني......
لذلك....أكره أن يحصل الأمر مع غيري........

بانتظار الناطقة باسم الفرقة هي تطلعنا هلى هكذا معلومات.........


خلصنا من موضوع الفرقة......بس بجب ألك شغلة كتعليق على جملة ذكرتها يا دوكر......الجمعيات بالألمون....والحمد لله بتكون ظالم إذا قلت معظمها....لأنها كلها
بدها ياك تكون (ما تواخزوني بهالكلمة) حمار ما بتفكر وبتشتغل "عندهم" مش معهم!!!!......وعم احكي عن تجربة شخصية كوني انسان حر.......والمشكلة.....الغرءان معهم ما بينتبه عهالشي.....مضحوك عليه!!!!

فبالنسبة لي.......العودة عن الخطأ فضيلة....واللي عملوه الشنازي......هو عين العقل!!!!

[الريس]

يا حبيب قلبي ، ما حدا اتحدث عنهم أو باسمهم ، الزلمة بيعرف كم شغلة وحكيها ، بعدين ما حكي إلا كل خير عنهم ....

أما بالنسبة لموضوع الحمرنة والجمعيات الاسلامية ، فهذه مشكلة موجودة ولكن ليست مع الجميع ، فلماذا لا تكون أنت من الذين يسمعون ، لماذا تكون من الذين يسمع لهم ؟؟؟ أما قضية الانقسام لهذا السبب ، فهو ليس عذرا شرعيا ، كاف لشق صف المسلمين زيادة ، يعني بكرا بتتوسع هذه الفرقة وبجيهم بنات جداد بحسو انهم مظلومين معهم ، فبيتركوهم وبيعملوا فرقة التانية ، وهذه هي دورة الأجيال الاسلامية في هذه الأيام .

إن من أهم صفات العامل في الدعوة هي الجندية ، ولا أقصد بالجندية بيع العقل والتفكير ، لكن أحيان الشخص يقوم بأمور لا يوافق عليها حفاظ على وحدة الجماعة التي يعمل تحت اسمها -هذا اذا كانت هذه الجماعة تحمل نفس مبادئه وأفكاره العامة- .

على كل خرجنا نوعا ما عن الموضوع ، وهم لم يقولوا أصلا أن هذه هي المشكلة، فلنسمع منهم ردهم ، واذا كنت تعلم أعضاء هذه الفرقة ومن هي المسؤولة عنهم ، فلتتفضل ولتخبرنا ...

[روعة]

السلام عليكم ورحمة الله وبركاته

سأتكلم بصفة shanzimer9 بعد أن تعبت من إنتظار إسراء حتى ترد

الأخ الريس: نحن لسنا فرقة بل رفقة وبس

والله لا يوجد جمعية إنما نحن صديقات أردن أن يكتبن في المنتدى مواضيع مفيدة ومن باب النكتة دخلنا بمعرف واحد
أنا لا أستعمله لأني كنت متسجلة بإسمي منذ أن فتح المنتدى
وطبعاً ليس كل مت تكتبه واحدة يعبر عن الأخريات

[Abir]

:) Shanzimer 3
ليش صرنا قصة وحكاية وفلان وعلان عم يحكي باسمنا ويعرف عنا...
مشكور يا دوكر...
احنا بأبسط تعريف روعة ورفقاتا يا ريس.....

[دوكرة المعوكرة]

حاسي حالي اسا بدي توضيح اكتر
يعني تفسيرات عن هالرفقة كيف كونوا حالهم شو اهدافهم
يعني في نقص بالجواب مش هيك يا ريس؟

[روعة]

عبير ورفقاتها:)

[Nader 3:16]

هلء يا ريس كل ما 3 مشيوا مع بعضهم بدك تعملهم فرقة؟؟؟؟؟

بعدين شو هالاسم ManGo ؟؟؟؟؟؟ اي اسم التعتوع احلى منّو:p

سلاااااااااام للجميع عم امزح

[الريس]

اذا هيك ، مجرد رفقة فالقصة جد بسيطة ، يعني ليش الناس مضخمتها زيادة عن اللزوم ....؟؟؟

وانتو هل نشاطتكم بس في المنتدى ؟؟؟؟؟؟؟؟؟؟؟؟؟

على فكرة مشروعكم رائع ، تابعوا بارك الله بكم

[الزاهر]

الناس مضخمتها وبدها توؤدها لأنها أول فرقة مش حاملة اسم جمعية!!!!!
وكل من رح يجرب رح يحارب.........وجربنا.......وحوربنا!!!!
لكن الحمد لله ........صرنا كتار!!!!......وإلا ما يجي اليوم اللي تتوحد جهودنا!!!!
وتصير كلمتنا هي الكبيرة!!!!
وسجن رومية حلو!!!......بلائيكم هوميك!!!!
:D :D :D :D

[ابو يزن]

والله انك نهفة يا زاهر

شو القرق بين الجمعية والفرقة

الجمعية بالبداية كانت فرقة وبعدين كبرت وصارت جمعية

[Nader 3:16]

أولاً ما ضروري كل فرقة تصير جمعية!!!!

ثانياً هالاسماء Shanzimer et ManGo من وين جايبينهم ؟؟

يعني كنتو تتابعوا الدوري الكولومبي بالgoal لحتا لقيتو هالاسماء؟؟؟

شو معتوق في من هالفرق بال goal ???




الله يسترنا من الردود

[مصطفى معتوق]

أولاً ما ضروري كل فرقة تصير جمعية!!!!

ثانياً هالاسماء Shanzimer et ManGo من وين جايبينهم ؟؟

يعني كنتو تتابعوا الدوري الكولومبي بالgoal لحتا لقيتو هالاسماء؟؟؟

شو معتوق في من هالفرق بال goal ???




الله يسترنا من الردود

بما انو انطلب رأيي بالموضوع !!!!

فالمانغو في منها عند الخضرجي وهي فاكهة صيفية لذيذة وما في ولا فريق غوول بهيدا الاسم بولا دوري بالعالم ...
في فرقة المانجو للفن الشعبي بجزيرة تشابالالا
اما بالنسبة لجماعة الشانزيمر فهنة زينة صبايا الضيعة واحدة واحدة وما فيني كتر بالوصف كرمال ما يستحو لانن كلن اخلاق وحيا
وبعدين يا حج نادر منخاف ميقوم حدن من الاعضاء يغار ويبلش فينا اتل على النت :cool:

[Nader 3:16]

ماشي هلء صار فيني نام و انا مرتاح...لأنو اسم shanzimer كان عاملي عقدة ....!!! ما عم يفوت براسي ابداً ما بعرف ليش!!!


و بعدين مين بدو يغار يا عكيد؟؟؟؟ اي ما في حدا عم يكركر الأعضاء تيغاروا!!!!

نحنا اسم فرقتنا التعتوع العالي و شعارنا دوماً الى المعالي...

ودووووووووووووووع يا شابالالا

[مصطفى معتوق]

ازا القصة قصة نوم يا حج
فهلق بفسرلك اسمائن واحدة واحدة على الميسنجر
لا تعتل هم
كلو الا انك تقلق بالليل
وليك مرقلي طلب انتساب على التعتور العالي

[Nader 3:16]

بالنسبة للأسماء ما في داعي....شكراً..

بس الاهم كيف بتجرّأ و بتغير اسم الفرقة ...انت بتعرف اذا فات ابو صطيف و شافك كاتب هيك شو ممكن يصير؟؟؟

بالاول صارت و غيرولنا اسم الفريق بآخر دورة غول فأثر على معنوات الفريق و انكحشوا من الدور الأول...

فالله يرضى عليك انتبه!!!

[الريس]

إلى شنزيمر 6 وكل أعضاء المانغو :

من يومين كنت أتكلم مع أحد الإخوة من القلمون ، وتناولنا موضوعكم ، بتفصيل ، وكما أكد لي هو وبعض الاخوة غيره والذين هم من خيرة شباب القلمون ، والذين قالوا أنكم .

- رفقة ولكنكم أيضا فرقة ، فلكم نشاطاتكم وأفكاركم الخاصة فيكم ، ولكم دروس خاصة فيكم ، وأنتم الآن شبه مستقلون .

- عندكم أفكار خاصة فيكون ، قد خلت في أخواتكم الاواتي سبقنكم في الدعوة ، ومفكرين حالكم بدكم تخدو حقوق المرا على آخر قطرة ، ومفكرين انو الشباب بالقلمون بيكرهوكم و.....

- كلامكم أكثر ما يكون تنظير بتنظير ، وعصبيتكم مانعتكم عن كتيير نشاطات ... يعني ليش تركتوا العباد ، وليش تركتوا أجيال ، وليش تركتوا الجماعة ؟؟؟ مفكرين حالكم هيك عم تشتغلوا أحسن يعني ؟؟؟

على كل أنا سمعت اسا حكي أكتر ، من ناحية الحكي مع شباب و.... يعني الواحدة منكم بتضل تحكي مع شب مدري اديش على أساس بدها تبقى تخطبوا بيوم من الأيام .


كل يلي بدي قلكم ياه ، فيقوا ، وشوفوا شي شيخ أو شي شيخة تعطيكم دروس وتوجهكم ، حاجتكم بتحكوا الكلمة بين بعضكم وبتصوبوا آراء بعضكم وكل ما واحد يقول انكم غلط بتعملوه عالق معكم ، متل ما صار مع الشباب بالقلمون .

[الزاهر]

ليك يا ريس.....اللي بيشتغل صح....بيعرف حالو صح وئت بيبلش يصير عليه انتقاد.....وأنا مني وإلي.......ما دام شايف الشغلة صح......بعملها وما بسئل عن انتقادات العالم......لكن النصيحة ......هادي أصة تانية!!!!!
وأنا بألك.......ومني عم زكي حدا......تلك رفقة فيها الخير.......تلك رفقة تملك ما ينقص شباب القلمون.....المبادرة.......وما دمت ترى فيها مشاكل....فالنصيحة النصيحة...............النصيحة في ظهر غيب.......ولك بذلك الأجر......

[دوكر]

يا هلا بالريس...روألي بالك شوية...
كلامك مدوزن مية بل المية...
و هدي بوسة مني لاك...
طيب تنشوف...
أول شغلة بدي ارجع اكد ع شغلة...هل البنات من خيرة بنات الضيعة...و معرفة أخلاءون ايشيا ...و معرفين بتصرفاتن لمدوزنة...و بيجمعن حب الدين...و العمل الإسلامي ...كنو دعوي...ولا خيري...بعد ما جمعتن صلة الأرابا لي بين اغلبيتن...
بس في مشكلة يمكن تعد زغيرة ...و هي استقلاليتن...انا مني عم ؤل انو لازم تكونو منتسبين لشي جماعة بس كمان ما لازم تكونو لوحدكن...نحنا بهل الإيام اكتر الشي بيلزملنا بالحقل الإسلامي عمل منظم...منو كل م واحد هو و رفأتو أتنعو بفكرة بيحملو حالن و بصيرو بيشتغلو وحدن...هل الكلام منو موجه لكن بس...لكل العاملن بالحقل الإسلامي...
خلينا نراجع حالنا و نشوف...ليش كل واحد منا بيترك و بيروح يشتغل وحدو....
بس انتو تتركو العمل بشي محل مين بدو يجي محلكن...عالم ما عندن خبرة...خترب العمل....
و هدي مشكلتنا ...انو العالم لفيا تفيد عم تترك...
ت نوط ع الفكرة التانية...
دائمن لازم يكون الإنسان العامل بالحقل الإسلامي ...معو انسان اكبر منو ...عندو خبرة يوجهو...
منو رفأة بين بعضكن بتناءشو مسألة...و بتعطو رأيكن وخلصة...حتى لو عم تؤرو بأفضل الكتب...لازم الواحد يسمع من شي شيخ او شيخة ربانية...
هيكا العلم بيوخدو...
مأفيني احكي ت اسمع أراءكن...
و الله م تفكرو كلامة من باب التنظير علكن...او ت اتزاكا علكن ...و انا متأكد انو في بيناتكن واحدات بيعرفو بالدين اكتر مني...بس من باب النصح...
اخوكم دوكر المعوكر

[Nader 3:16]

طولو بالكن !!!!!

و انت يا ريس شو بدك فيهم اذا انفصلوا عن مين مكان!!!!!!!!

كل واحد متل ما قال زاهر بيعرف حالوا كنو عم يعمل صح او لأ...هلء هو انا ما بعرف شو نشاطهم بالتحديد بس ما شفنا شي منهم منو منيح............

و يا هلا بكل الشباب...و بعميلات ال Shanzimer

[دوكر]

يا هلا بست شانزيمر...
انا رأي روئي بالك...و حاجتك عاملتيا كسنية...اسا شوية بدك تجي تمرطيني كفين...ما انا لي عم كبر الموضوع ...انتي ...خلصة ؤصة ايمن ...
بس هدا موضوع تاني...
روئي و دجعي أري لكاتبو...و دلني وين كنت و قح و ين تعرضتلكن بشي اساءة...بس عنجد انك من بيت كسن...عصبية...و بتحبي حدا يوجهلك ملاحظة ...و تأدب كمان...

[الزاهر]

صار في إعلان حرب الهيئة..........أرايبة........أبل ما تردي هون......فتحي الخاص!!!

[Abir]

بس كلمتين يا ريّس... ما بدي كتر حكي لانو الموضوع ما بيحرز............. شكلو الأخ اللي سألتو عنا كتير اّدمي.... ف روح اساّل غيرو....... ورجاع حكينا ............

ومفكرين حالكم بدكم تخدو حقوق المرا على آخر قطرة ، ومفكرين انو الشباب بالقلمون بيكرهوكم و..... ولاد صغار شايفنا قدامك... ولا بنص عقل...؟؟؟؟

- كلامكم أكثر ما يكون تنظير بتنظير ، وعصبيتكم مانعتكم عن كتيير نشاطات ... يعني ليش تركتوا العباد ، وليش تركتوا أجيال ، وليش تركتوا الجماعة ؟؟؟ مفكرين حالكم هيك عم تشتغلوا أحسن يعني ؟؟؟ ما تركنا العباد لان أصلا هيي فرطت يا أخونا... وبعدنا منشتغل مع الجماعة.. وما عنا اشكالات مع اجيال... فصحح معلوماتك..

يعني الواحدة منكم بتضل تحكي مع شب مدري اديش على أساس بدها تبقى تخطبوا بيوم من الأيام .... وانت قلت واحدة منكن.... ما في داعي لتشمل الكل بكلامك.... وهالواحدة بتقلك ما الك علاقة.... ما حدا طلب نصيحتك لو بلاش....

شي شيخ أو شي شيخة تعطيكم دروس وتوجهكم......... مين قلك ما في؟؟؟؟؟

وكل ما واحد يقول انكم غلط بتعملوه عالق معكم ، متل ما صار مع الشباب بالقلمون ...شباب القلمون عراسنا.... عم احكي عن الاوادم اكيد منو عنك.... ما علقنا معن.. سمعنا الانتقاد منن... اعترضنا على الطريقة... بس كمان سمعنا الكلمة شفنا وين الغلط اللي دلونا عليه وصلحناه...

فيا عمّو.... تبقى دور على مصدر معلومات موثوق الله يرضى عليك....

دوكر:::: وصلت الفكرة.... شكرا على النصيحة... مندرسها ومنشوف شو فينا نعمل ....:cool:

[دوكر]

السلام عليكم......
انا بدي ؤل شغلة .........اول شغلة الموضوع مح يوصل للحرب متل م ؤلت يا معلم زاهر.....
ليش بس نعد نئش شغلة .....و بنختلف بالرأي بتعملو من هل الشغلة ؤصة و بتصير كل واحد يطس ع التاني اتاهامات.........و بصير يعلء ع كلام التاني............
يا ست شانزيمر6...........روئيا شوية .........يمكن كلامي هلأ ما يعجبك بس انتي ؤلتي انو الساكت عن الحق شيطان اخرس ...........انا وين نزلت من ايمتكن وين سبيتكن؟؟؟؟....وين حكيت عنكن بالسؤ؟؟؟....مشكلتنا نحنا العرب ما بنسمع شي من الكلام بس بنرد.........انا لي شايفو من حكيك انو أري نص حكي .........او أريتاي كلو بس يمكن كان لازم أكتب بالفصحة ت تفهمو...........
ليش نحن العرب مبدنا نسمع حدا هو عم يدلنا ع اغلاطنا بس بنحب نسمع المدح.....(مني عم احكي عنكن.....بل العكس عن حالي ابلكن..........)بس حدا يحينا عن اغلاطنا بنعصب ......و بنصير نترشأ حكي ..............
الموضوع من الأول انو صار حكي ع اخ من الأخوة......وهو تلميح انا مفيني اسمعو عن مين مكان....(انتو ما بتعرفو شي عنو .....او من هل التعليء.....)
رجع طور بعد ما فتح hamas....و لي هو شب حسب ما ؤلتو.......
و مالو علاءة فيكن...........
يمكن تسرعنا و فضحناكن...........
و هه ..........بنرجع بنعتزر ع الشي لي صار....
ساعتا خلصنا الموضوع...............

بعدن الريس ...........فتح هل الموضوع.....................
و بعتإد انو من تداعيات هداكا الموضوع.....................
يعني هدا م لو علاءة.............

نحكا عن فرإتكن.......و ما بعتإد انو حدا تعرضلكن بش منو منيح...........
الريس طلب شوية توضيحات............
و نحنا كمان بدنا توضيحات...............
و محدا بخسلكن عملكن.........بالعكس نحنا معكن بي ايا عمل تحت الضوابط...........
و كنا بدنا ناقش الموضوع .........بس شكلكن منك مستعدين لهل شي..........
انا يعني كتير ستغربت من رديك.............
ما بعتإد انو كان في داعي تهديدينا بترك المنتدى...............
كل ما عصبنا من شغلة بنترك العمل ..............
مؤ في داعي تردي ليش تركتو العباد و اجيال............عصتو شوية ..........و مشيتو.....

ناطر ردكبعدم تروئي ...........

بعدين يا هلا بإبن السبع..........مين عيطلك؟؟؟؟.............
معليش ........طالما جيت ..........خليني ؤلك هل كلمتين............
بعتإد الكل أري توقيعي...........لي منو أري يؤرا هلأ............
.
.
.
.
.
فكرو منيح فاي..........
.
.
.
.
انا منو كل ما تدايأت من حدا بعمل اسلامي ...........بمشي ..........
بدي يكون جسمي درع للإسلام......و هل الشي م بصير إلا ازا تحملت......شوية بالدعوة.....
منو كل عمل شوفتو انا و رفأتي صح بنروح بنعملو لوحدنا........
بدنا يكون في .....عمل منظم......
الأجيال عم تطلع كلا منزوعة.....
كل تنين بيمشو مع بعضن ............بدن يعملو فرأة....

مؤفيني احكي..............
بنكمل أنشاء الله...........
اخوكم دوكر المعوكر

[Abir]

دوكر عم يحكي صح يا اسراء.... طولي بالك انتي كمان....:rolleyes:

[shanzimer6]

السلام عليكم:
أنا رجعت راجعت حكيي, وردودكن, وقررت احذف المشاركة........................

[دوكر]

يا هلا بست عبير...و بست شانزمر...

[الزاهر]

للمرة الثانية:


المسلم له صفات.. من صفاته الصدق والاخلاص لله وبذل النصيحة وقوة الاعتماد على الله..لا يعبأ بما يقول الناس، صريح، لا يختال ولا ينافق مهما بلغ العداء بينه وبين غيره، فلا يحمل إلا قول الحق، يثبت عليه ويموت عليه..أفنحن كذلك؟؟؟؟


دعونا نسمع......ونطبق...... كلام من هم أعلم منا!!!!

[الريس]

أول شي يا حبيب قلبي زاهر ، بتمنى عليك تراجع جملتك العسلية بشكلها الخارجي ، ولكنها في باطنها أساس الفساد في هذه الأيام ، تقول حفظك الله يا أخي : (ليك يا ريس.....اللي بيشتغل صح....بيعرف حالو صح وئت بيبلش يصير عليه انتقاد.....وأنا مني وإلي.......ما دام شايف الشغلة صح......بعملها وما بسئل عن انتقادات العالم......لكن النصيحة ......هادي أصة تانية!!!!!) . هذا التفكير هو الذي فرق المسلمين . انت مفكر انو الجمعيات الاسلامية يلي اتفرقت واتشرزمت لما بتعمل عمل بتكون قايلة عن حالها انها عم تعمل غلط وماشية فيه ....

اذا بدنا انفكر هذا التفكير ، انو يلي بشوفو أنا هو الصح ومش سإلان عن حدا ، فلا عتب على عبود طوط بعد اليوم ، ولا عتب على تيار المستقبل بعد اليوم ، ولا على أي جهة أخرى ، فشأني كشأنهم ، وتفكري لا يسمو عن تفكيرهم أبدا .

ومن ثمّ من قال لك أن المحاربة والصعوبات هي علامة أنك على حق ، لو كان الأمر كذلك ، فأن أؤكد لك أن النادي الثقافي في القلمون يواجهون صعوبات كبيرة جدا في أعمالهم ، وكذا فإن التيار الوطني الحر يواجه صعوبات في بعض المناطق اللبنانية ، وكذا أبطال ثورة الأرز فكل يوم يغتال علم من أعلامهم ، وكذا حركة الفهود السود اليهودية ، وكذا البوذيين ، وكذا الهندوس ، وكذا الهنود الحمر ، وكذا البروتوستانت و.... هل كل أولئك على حق ، لأنهم حوربوا .

الحق لا يعرف الا بمقارنة الأعمال بكتاب الله وسنة رسوله ، وعلى الانسان أن يحذر دائما أن يقع في الخطأ ، وفي اللحظة التي يظن فيها الانسان أن أصبح فوق مرتبة الخطأ بأي جانب من جوانب عمله ، فإنه يكون قد وقع في الهلاك .


ومن ثم تقول يا أخ زاهر رحمك الله : (وأنا بألك.......ومني عم زكي حدا......تلك رفقة فيها الخير.......تلك رفقة تملك ما ينقص شباب القلمون.....المبادرة.......وما دمت ترى فيها مشاكل....فالنصيحة النصيحة...............النصيحة في ظهر غيب.......ولك بذلك الأجر......) . هل أنا قلت أن هذه الرفقة ليس فيها خير ، هل قلت أنهم رفاق سوء تجمعوا على المكر بالأمة وأرادو الشر لها ، أنا يا أخي أعلم أنهم من خيرة بنات القلمون ، وأنهم جل ما يريدون النهوض بهذه الأمة والذود عنها ، ونشرهم مبادئهم وأفكارهم السامية على هذه الأرض .
ولكنهم أخطأو الوسيلة ، وأين لي أن ألتقي بهم وأناقش معهم هذه الأمور ... ؟؟؟ كما أن هذا الكلام الذي كتبته يعتقد به كثيرون من خيرة شباب القلمون ، فهل على كل واحد منهم أن ينصحهم في ظهر الغيب وأن يناقش معهم بمفرده ، أردت النقاش بشكل عام والتوضيح والاستبيان ، ولكن سبحان الله ، الانسان عجول ، فهمت على أني محارب لهم ، وأني مستضعفون في الأرض و....

أما بالنسبة للأخت عبير ، فأقول لك رويدك رويدك ، ولا ترفعي من حدة الخطاب لأن هذا ليس لمصلحتك ، وسألي من تريدين عن لسان الريس قبل أن تكتبي أي كلمة .

ردّك خال من المنطق ، ومن الحجة ومن جميع أساليب الحوار ، وليس الا فشة خلق ، ظنا منك أني محارب لكم وأني أشهر سيفي بوجهكم .

كما أني بصراحة صدمت بشخصيتك ، وبوجودك بين تلك الفتيات ، فكما قيل لي أنهن من خيرة بنات القلمون ، وكلامك يدل على أنك قد أتيت من كوكب آخر ودخلتي خلسة بين صفوفهم ، ما هذا الكلام : (وهالواحدة بتقلك ما الك علاقة.... ما حدا طلب نصيحتك لو بلاش....) هل توافقك بقية الشنزيمر على هذا الكلام وهذا الخلق ، هل هذا ما تريدين دعوة الناس إليه ، هل هذه هي أخلاق الرسول التي تسعين لنشرها في الأرض يا داعية الإسلام ، ويا مربية الأجيال ، ويا مدرسة الأوطان ...

لن أطيل في الردّ أكثر من ذلك ، ولكن أقول وبكل اختصار ، اذا كان كلامي هذا يفهم على أنه تجريح ، واهانة وتشكيك واتهامات و... فسلام عليكم وهذه هي نهاية الموضوع .
أما ان كان يفهم على أنه حوار هادف ، وحل لمشكلة ، ودرء لفتنة ، ونزع للغل من قلوب العاملين في مجال الدعوة في القلمون ، فأنا مستعد لأن أناقش معكم من الفجر للنجر ....

ولكم مني فائق المحبة والاحترام

[الزاهر]

ولك يا ريس....غلطنا ومنك السماح.....
أنا وئت تكلمت عن اني بشتغل ومني سئلان....كان لازم حط بيت السطور إني أقصد داخل القلمون.....لأن الحمد لله القلمون وضعها مختلف ......إذا ما كنت تابع (بالمعنى الغلط) ما لاك محل بالعمل......بدنا نشتغل ....بدنا نبادر......بدنا نحسن.......واللي بدو يحكي يحكي.....واللي بدو يعرأل يعرأل ........إن كان حكيو فيه الصواب اتبعناه.....وإن كان فقط للانتقاد.......خليه يطق ويموت.......ما بيستاهل نسمعلو!!!!
نفس الشي منشان أصة المحاربة......لأن حاليا.....حاليا.....اللي بيجو لينبهوك إن كنت عم تشتغل غلط.......ما بينعدو عالصابيع.....لأنهم قلائل......بالقلمون!!!!!
أما اللي بيجو ليعرألوك إن كنت عم تشتغل صح......أكتر من الدبان على زبل البقر!!!!.....وليش......نكايات.......نكايات بعضن......وإنت بتطلع بالنص!!!

عرفت كيف يا زعيم!!!!


أما بالنسبة لتاني تعليق على كلامي ما عجبني بنوب...لأن أنا أصلا لم أتهم أحد بإنه يعتقد عكس ذلك........لكن قلت.....في حال رأيت فيهم من عيب......فالنصيحة!!!

والهيئة صرنا صلح شوية.......خلونا نرجع الموضوع لمجرى حسن!!!!

هلأ أنا وواحد صاحبي عم نشتغل على مشروع مهم.....هل صرنا "جماعة".......
وبالعطلة الجاية.....أنا وكم واحد من رفاقي طالعين رحلة (شي 15 شب) .......هل صرنا جماعة......
ويمكن رمضان الجاية يكون عنا عمل بالقلمون........هل صرنا جماعة.......
وممكن العيد القادم نعمل مسيرة حبية........هل صرنا جماعة......

هاد اللي ما بدنا ياه.......بدنا يكون العمل الاسلامي مش بس صادر نتيجة تكايات.......بدنا ياه يكون ماشي على قواعد قبول العمل (صحيح وخالص لله)
ما بدنا كل معرض يتعملو الجماعة يكون نكاية بأجيال.......وما بدنا أجيال تعمل رحلة لتعرأل رحلة الجماعة......وما بدنا النادي الثقافي ........وما بدنا وما بدنا وما بدنا........كل اللي بدنا ياه.......إنو يكون العمل "صحيح وخالص لوجهه تعالى"
والعمل ممكن يكون صحيح ولله.......وبيجبلك مصريات.......
ما كل ما 2 اشتغلو مع بعض صارو جمعية.......وما كل من عمل ولقي استحسان كان عمله صحيحا.......وما كل من عمل وكان عمله صحيحا كان خالصا (وهادي مش علينا).......لكن في بلدتنا......اللي عم يصير إنو بس تعمل شي وتكون خارج جمعية....هيك عمل شبابي......بتلائيهم تركوك.......(ماشي الحال) .......وبلشو يعرألوك........(لا مانو ماشي الحال)!!!!!

سلام

[shanzimer1]

السلام عليكم ورحمة الله وبركاته

أخي المحترم "الريس":


تعقيباً منّي على هذه الكلمات العطرة(ولكم منّي فائق المحبّة والإحترام) أقول لكم : أنا باسمي وباسم رفيقاتي الحبيبات أتمنّى أن تكون هذه الكلمات هي مسك ختام هذا الموضوع الذي كان من الأساس ما لازم ينطرح بلا موافقتا (لإنو نحنا بنات) ولأنّي كنت أفضّل أن تقوم بطرح مساءلتك في رسالة خاصّة حفاظاً على قيمتنا وبنفس الوقت أنا كنت عم تابع الأحداث وأنا متضايقة(طيّرتولي النّوم من عينيّ) لأنو ما الهدف من اشتراكنا بالصفحة هو الدخول في مناقشات ومساءلات من هذا النوع ولا التشهير بأسمائنا وأعمالناوإنّما والله شهيدٌ على ما أقول كلّ هدفنا هوالمشاركة بمواضيع مفيدة وإيجابية خدمةً لديننا الحنيف ولبلدتنا الكريمة.

وخوفاً منّي من الوصول إلى مشادّات كلاميّة وأنا كنت قد قرأت مشاركاتك في المنتدى وتعقيباً على(ولا ترفعي من حدّة الخطاب لأن هذا ليس لمصلحتك ،واسألي من تريدين عن لسان الريس قبل أن تكتبي أي كلمة) وليس خوفاً من الموضوع بحدّ ذاته ولكن صوناً لي ولصديقاتي الأعزّاء وخوفاً منّي من أن أقع في الخطأ وهذا ما لا أرضاه لا لنفسي ولا للبنات ولا لكم حتّى.

أنا أتمنّى عليك أنت ودوكر (وأنتم الإثنين من المغتربين)أن توقفوا الموضوع عند هذا الحدّ وما في داعي بقا للكلام أكتر من هيك.
وأنت يا أخ دوكر إذا كنت ترغب في الحديث عن أسباب تفرّق العاملين في مجال الدعوة في القلمون وأنت الذي أصررت على الكتابة عن الموضوع بشكل عام فأنصحك بأن تطرح موضوعك عالصفحة وتناقش الشباب وليس نحنا لأنو بأبسط عبارة وخدا منّي مزحة ما رح توصل لنتيجة معنا لا هلّأ ولا بعدين لأنو أكيد سامع المتل اللي بقول"آخرتك يا نجلا عالمجلا" وبصراحة أكتآر المرة بتلحق بوها أو خوا أو زوجا أو بشكل عام ولي أمرااااااااااااااا:D ..........................فبادر الى طرح الموضوع انت والريس وانا رح كون عاطّلاع عليّ لأنّي متلكم بحب أعرف الأسباب ؟؟؟؟؟؟؟؟؟؟؟:confused:
وأخيراً ، إن شاء تكون فكرتي وصلت بالطريقة الدبلوماسيّة الرايقة اللي حابّتا توصل فيا و بالنهاية هدا الحكي طالع من قلبي وعقلي...ما بعرف................
وأتمنّى دعمكم في المواضيع القادمة بشكل بنّاء إن شاء الله;)
وما رح إنسى وقفتك معنا يا ابن خالتي زاهر ورح قولّك إنت مش بس زهر الدين لا و الله إنت زهر الصفحة وزهر القلمون كلّااااااااااااااااااااااااااااااااااااااااااااااا ا..:D
سأختم كلامي بأعظم الكلام {ألم تر كيف ضرب الله مثلا ً كلمة ً طيّبة ً كشجرة ٍ طيّبة ٍ أصلها ثابت ٌ وفرعها في السّمآء * تؤتي أ ُكلها كلّ حين ٍ بإذن ربّها ويضرب الله الأمثال للنّاس لعلّهم يتذكّرون}

مع شكري وامتناني للجميع
اللّهم ثبّتنا على الحق وثبّتنا بالقول الصّادق الطّيب

قولوا معي آمين

سلام

[sana]

بس بدي قول شغلة انا بنصح عبير وغيرها انو ما ترد على الريس شوفو كلامو كلو تناقض بتناقض مرة بقول الله اكبر على المتحجبين ومرة بيوصفهم باوصاف غير لائقة ومرة بيطلع بانة شيوعي ومرة بيطلع انة شيخ ومرة بيحكي باسلوب بدوي ومرة باسلوب عربي بليغ وبأسلوب ديني ومرة بشجع فكرة غير دينية وبتلاقية حامل راية الاسلام بكتير من كلامو والاجمل من هيك انه داخل بتفاصيل الاجماعات الاسلامية والاحزاب وبتفاصيل كتيرة الملتزمين و المتابعين ما بيعرفوها انا بس حبيت نوه عن هذا .

[الزاهر]

أول شي بحب ألك http://www.geocities.com/pic_for123/246.gif على شهادتك فيني


تاني شي بحب ألك مبروك...http://www.geocities.com/pic_for123/234.gif...رد موفق http://www.geocities.com/pic_for123/239.gif


وآخر شي ممممممممم........http://www.geocities.com/pic_for123/240.gif......... يبدو صار لازم يا ريس أو يا دوكر نفتح موضوع جديد......لأن في كلام كتير لازم ينحكى!!!!!

[Nader 3:16]

العمى كيف هيك صار الموضوع!!!!!!!!!!!!!!!
كل فكري انو هيك من باب المزح الريس فتح الموضوع...انو مني عم اعرف وين المشكلة!!!!!!!:confused: :confused:

و اهلين بالمعلم زاهر الله يهدينا و يهدي كل الفيزيائيين!!!

[أيمن غ القلموني]

salam
ana ba3rif innou al shanzimer bya3irfou ydaf3ou 3an 7aloun wa radd shanzimer 1 moumayyaz wa mouhazzab
bass fini is2al sou2al innou 3ind dawkar wa al rayyis mafi mawdou3 illa al tib5is bi hal sabaya , choubaddak minnoun law ach ma 3imlou , hinna nchallah bichoufou al sa7 wa byi3imlaw bass mannou ma32oul koul ma yi3imlou chaghleh tinti2douwoun, min ma kan bi ghallit bass al mouhimm innoun yit3allim min ghalatou
fa 5alas 3ouffou 3announ
wa lil sabaya b2oul bima innou dayman mouhajamin fa hada ya3ni inkoun 3ala tarik al sa7i7,wa ma yhimmkoun min ma kan illi 3am yi7ki 3ankoun
a5iran li dawkar wa al rayyis ,law innkoun rjal kounti 7itaytou asma2koun , al sabaya til3ou rjal aktar minkoun.

[دوكر]

السلام عليكم...........
كيفكن................؟؟؟
لتهنا شوة بالشغل ..........ؤم كملتو الموضوع بلايي.........طيب حدا يعيطلاي.......
منا مشكلة لحني جات............
بدي ؤلو للمعلم الريس ..........كلامك مدوزن.......و هدي هي الفكرة لي كنت عم حاول وصلا.......يسلمو...........
بحب اشكر الست شانزيمر 1 ع مشاركتا........و برجع و بؤل انو مني عارف انكن منكن معروفين.....وءت لي كنت بالضيعة ......كان تأريبن كل الشباب لي بعرفن بسمو فرإتكن الشانزيمر او المانغو......(ؤل انتو هيكا مسمين حالكن....) فا ما كنت متوءع انو فايتين بي هل الإسم من شان محدا يعرفكن.......فا هادا لي صار......قدر الله و ما شاء فعل.....
بس كمان مبدكن تحط الحأ علي انا و الريس......و برجع بؤلكن انو انتو لي بلشتو......
ما بدي ارجع افتح هداكا الموضوع................
و يسلمو ع فكرتك ......ت نفتح موضوع تاني عن التفرق............
بشف حسب وءتي .......................
طيب ..........و متل مبدكن..............ح نترك الموضوع...............

و الله يوفق الجميع للعمل و الدعوة...............

اخوكم دوكر المعوكر...........

[Abir]

متذكرة انك فتحت الموضوع يا ريس و كان بدك تعرف احنا مين و ووو..
و بظن انك صرت بتعرف....
اذا عندك اي اي اي ملاحظة عامة او خاصة فيك تبعتا برسالة خاصة...
:) :) تمام هيك؟؟؟؟

[HARD]

يهنيال البك يا ريس صار عندك دعوة خاصة لارسال رسالة خاصة .
بس لو بتعرفي من هو الريس كنتي ندمتي كتير والله على هذه الدعوة:).

على كل حال تعرفنا شوية عليكم وعلى مجهودكم وعملكم اللذي اصفة بكلمات :انتو وردة اول منها عم تفتح اوشمس اول منها عم تشرق ، وان شاء الله بتزيدوا اكتر واكتر يعني حتى تخلصوا الاحرف الابجدية مع تكرار الاحرف يعني بوكل ويل تو لانفيني. بس عندي استفسار ليش انتو كلكم من نفس الحارة او اقارب ؟؟؟؟؟؟ هل في حاجز امام احد ؟؟؟؟؟

[دوكر]

السلام عليكم...............
يا هلا بالجميع..............
يا جماعة الخير.................كنو الموضوع اخد طابع سيء كتير ...........ما عم يمشي بالطريأة اللازمة..........و مؤ ح يحأء الهدف تبعو...........ف بفضل انو مؤ شارك فاي..........
انا فوت ت احكي كلمتين من باب النصيحة..........مبعرف ليش عم تحس الشغلة تهجم عليكن؟؟؟.....
بعدين ايشودا هل الكلام لي إريتاو؟؟؟؟؟؟؟؟........(ازا عندك ملاحظة بعتا عل الخاص.....).....
كنت إتصلت بكل واحدة فيكن ع البيت حكيتا ...........
او بنطرت إنزل ع الضيعة .............و بوإفكن بالشارع و بحكيلكن وجهة نظري.........
منو كلام هدا............
المنتدى معمول للنقاش..........كل واحد بيطر افكارو..........و بناقشا.......
يا اخونا ........انو ازا الوحد ما سمع الإنتأدات معناتا محدا عم يحكي عنو و لانو عم ينتأدو.......
ايش هل الكلام............
بس يكون الإنسان ماشي بعمل .......بدو بسمع كتير حكي........بدو يطنش عن الحكي لي بكون لمجرد تظغيروالتأليل من إمتو..........
بس كمان بدو يسمع الكلام و التعليأت الهادفة.....ليبيدرسا.....و بحاول يصلح اد ما كان.....
ليش بس حدا يؤلنا انتو هوني غلطو ......كنو سبلنا ؤمنا.......بنؤم بنبلش نعيط.....هدي الجاهلية....(و كلنا عنا من هل الأشياء....)......بدنا نحاول نتخطا هل الؤصة......
بدنا نتناصح..........كلواحد شاف أخو عم يغلط.........يحكي معو بالطريأة.....لي لازم يحكي فيا معو.....
يحاول يلاءي حل هو و ياه............
ليش نحنا بس حدا ينصحنا ......بنأفط بوشو .....و بنصير نحاول نبعد عنو......؟؟؟
و الله الإنسان ما بحس بمعنا النصيحة...........و الإنتأد الا بس يطلع لبرا.........
تعو شوفو هوني ..........محدا بيحكي معك........محدا بؤلك وين روحت وين جيت.........
محدا بعيط عليك ازا عملت عمل غلط.............ولك انا هلأ بتمنى يكون في جمبناي حدا بسفؤني كف بس غلط....و لك يدعسناي..........وضع العالم الإسلامي و الشباب الملتزم صار كتير بائس..............
مؤفيني احكاي...........بلشت دمعتي تنزل............
بتمنى كون وصلت الفكرة انو مني جاي اعلاء مع حدا .....و لا اعمل حزازيات مع حدا ....
و بعتزر عن ايا غلط بحأ ايا حدا

اخوكم دوكر المعوكر

[مصطفى معتوق]

بعد كل هالنقاش وسمات البدن تبيتلي شغلة ,,,,,,,,,,,,,,,,,,,,,,,
بصراحة بصراحة .........................ز
ما في مثل من كذب ...................

قال يلي بيعرف بيعرف ويلي ما بيعرف بيقول احمد ابو عدس

احلى ريس والله

[الريس]

بهني الست شنزيمر واحد على هذا الرد المميز ، وعلى هل الأخلاق الطيبة يلي عندها ، وبقول ،

أنا يا ستي كنت عم اسأل واستفس وانتو عم اتردو ، بس كان المفروض ما اسأل عن كتيير وما في بعمق المشكلة ، وما حاول صلح ... أنا كل شي كان بدي ياه هو النصيحة ، ولكن فهمتوني اني بدي الشر لكم ، وانو أنا جايية لحتى جرصكم و... واتدخل بخصوصياتكم و....

هذه آخر مشاركة لي في هذا الموضوع ، وأتمنى على المشرف أن يحذف كل الكلام الذي قد سبق ، وبعتذر من الصبايا لأني أزعتجهم من حيث لا أدري ، وأطلب منهم السماح .

أما بالنسبة لموضوع الرسائل الخاصة ، فما بحب أبدا هالنوع من التواصل ، وخصوصي اذا كان بين شب وبنت .

والسلام عليكم

[shanzimer6]

والله يا أخونا HARD صدفة طلعنا من نفس الحارة ( بس هدا شي كتير منيح, ما في أهين منا بتطلع بتوقف عالبرندا وبتلاقيّن بوشّك, بس ما كلن, يعني اذا ما في سيارة, ما بتطرق مشوار عآخر الضيعة, متل ما بيصير مع shanzimer8_ أرايبتك_) هية الوحيدة يلي منا موفية معنا, بس فداها ;) لعيونا كل شي بيهون , وكمان انا ما بعتبر انو صدفة طلعنا تقريباً أرايبين, لأن يمكن بالعكس لو منا أرايبين ما كنا انجمعنا بهالطريقة (يعني طنجرة ولقيت غطاها :D ) يعني أرايبين وبنفس الحارة, الحمد لله.....مين من كان فين يصيروا رفقاتنا, ما عنا مشكلة (بس يا ريت من نفس الحارة, تنهيّن علينا التوصيلة عالبيت :D ) عشرط يحبّوا المانغو أو التفاح أو الأناناس :D .....
ولك اسّاتك يا دوكر معصّب, هلأ فيك تقلّي مين العصبي؟ الكسنية ولا المحترم بعدين الله يسامحكن كلكن.....كلكن فيكن الخير والبركة (القلمون عراسنا من فوق). الله يحيي الريس ودوكر , الاعتراف بالخطأ فضيلة, ونكرانه رذيلة..... يعني خلي أبسط كلمة عندك متل مفاهيمي الخاصة: الله يسامحك, أطال الله عمرك, وعندي كمان: الاعتذار ما بيقلل من قيمتك أبداً, بالعكس بتصير محترم أكتر, بالعكس خلينا نشوف مين طلع فينا متسامح أكتر!!! انا سامحت الكل, يلي حكي, يلي دافع, يلي عطي رأيو, يلي تناقش برّا بموضوع تاني.....ولك هادي الدنيا
انا ما نسيت الموضوع, بس يعني بضل موجعة راسي فيّ, بعدين اذا ضليت هيك كل ما موضوع زعجني ما نمت الليل انا وعم فكر, ما فيني ادرس ولا ركّز , يعني متل ما بتعرف بلشت الجامعة من يومين_ بتروح عليّ والله_., منيح يلي خلصنا من الموضوع, فصفّولي قلوبكن, وأهم شي, أوصيكم بتقوى الله, والكلمة الطيبة غير الجارحة, والامانة والصراحة, واذا عندك شلعة رفقة من نفس الحارة, وانت أصغر واحد فيّن, ما تتركلن مجال يركبو عراسك, بينكسر وما بتلحق طلبات( كل هالذنب لأنك أصغر واحد, الله يعين).
وميشان الأحرف الأبجدية, اطمن, كنت ناوية ما نكون محصورين بهالشغلة بس, يعني بكرا رح تبقى تشوف shanzimer بريم, وshanzimer بالناقص, وshanzimer بالأحرف منو بالأرقام, وانت وماشي.
وبالنسبة للريس, وغيرو, هلأ هية ما قصدا رسالة خاصة دائماً ( لأن نحنا بنات), اذا اضطر كتير الواحد, وعندو شي كتير مهم, اي استفسار, ما منبخل عليكن ان شاء الله , وكل سنة والحارة الغربية, حارة بعد الجامع بألف خير, بعيداً عن أجواء المشاكل....

[HARD]

shanzimer8 بتقاربني عن جد ؟ اه عرفتها بس الله يعينها على هل المشوار معها حق والله ما بعملو الا بالسيارة او اذا عم اعمل رياضة بس احيان واحد بينجبر:) .

الله يعطيكم العافية كلكم .

[shanzimer1]

بتمنّا انو يكون خدا آخر رد بشوفو
بس ما فيني شفت كل هالتعليقات وما رد علياأكيد ;)
شكراً لدوكر والريس لأنو سكرو الموضوع، كلّكم ذوق ولطافة!!!!!!!!!!!!!!!!!!!!!!!!!
شكرا ً لعبير لأنو راقت وفرجتنا ابتسامة عريضة، والله زعلك ما بهون علينا أبداً يا جارة!!!!!!!!!
الحارة بلاك ما بتسوا شي!!!!!!!!!!!!!!!!!
شكرا ً لأيمن غنوم على الرد: كلّك ذوق، الله يوفقك ويرجعك لأمك بالسلامة:)
شكرا ً لزاهر عالرد الرائع والمميز وهلأ صار لازم تعطينا الدرس الجديد"Animation"
كتيييير عجبوني !!!!!!!!!!!!!!!!!!!!!!!!!!
وردّيتلك عموضوعي"ريح الصّبا"بس تأخّرت كتيييير هالمرة!!!!!!!!!!!!!!!!!

ما تواخذونا ياجماعة :)
لنختم معا ًبالقول :اللّهم صلّي وسلّم علي نبيّنا وحبيبنا محمّد وعلى آله وصحبه أجمعين ومن تبعهم بإحسان إلى يوم الدين
والسلام عليكم ورحمة الله وبركاته

[أيمن غ القلموني]

tamam ya gama3a wa nchallah minchoufkoun bil kalamoun , bass allah byi3lam aymtim:( salam

[الحجر]

موضوع بايخ وفرقة أبيخ :confused:

[Nader 3:16]

سكوت يا مظلوم و الا< بفضحك ها!!!!!!
و دوووووووووووووووووع