اختر رئيس بلديتك

[ابو يزن]

اخواني الاعضاء , باقي لولاية البلدية 3 سنوات

شو رأيكن نختار اسم لرئيس البلدية المقبل , من هلق , حتى يكون معه الوقت في اختيار اعضائه وبرنامجه

ومن بين الاسماء اللي اخترتها :

1 / الحاج باسم وحيد الدين علي
2 / الدكتور رشيد المحمد
3 / الدكتور فداء علوان
4 / العميد محمد زيدان
4 / الرائد سعدي حليس
5 / السيد ماجد صهيون
6 / الاستاذ محمد شقره
7 / المهندس معن دنكر
8 / المختار عبد الحليم زيدان
9 / السيد فداء الشيخ
10 / الحج طلال دنكر

[الريس]

السيد فداء الشيخ

[محمد أحمد الفلو]

السيد فداء الشيخ


الله يخليك يا ريس

[الريس]

تعيش يا محميطون

[محمد أحمد الفلو]

بس كمان نسيتوا زهير حكم

[Nader 3:16]

الدكتور فداء علوان

و دوووووووووووووع

[وسيم أحمد الفلو]

ليك الفكرة حلوة يا أخ ابو يزن، مع إنو بعد بكير شوي

تاني شي أنا بعتقد إنو في أسماء موجودة منا بوارد الترشح للبلدية، وفي أسماء فيا تكون رؤسا ومنو مذكور إسما .

أنا بالنسبة إلي بعتقد إنو المهم يصير تغيير، والتغيير لا يكون فقط بالشخص بل بالأسلوب.


مع إنو بعتقد : إلى الأبد ... إلى الأبد وإنتو كملوا :)

[مصطفى معتوق]

انا بعتقد انو القلمون بحاجة لشخص عندو مشروع سياسي معتدل كي يتمكن من كسر جليد التناقضات ويباشر بسياسة الانماء للبلدة يلي انا صراحة بشوفا محرومة من كتير شغلات
وبعتقد انو انسب شخص للمركز لازم يكون شب من الجيل الجديد لان الشباب دائماً عندن قدرة على المناورة السياسية اكتر من الكبار يلي دائماً عندن حسابات مرتبطة بالالتزامات السياسية
مرشحي للهمنصب الدكتور وسيم الفلو

[عبد الرحمن الفلو]

بعتأد انو لازم بالأول نعرف شي عن برنامجن الانتخابي, و الا بصير التصويت عل القربة و الصحبة, و احيان بكون في عالم بتعرفن اوادم بس ما بيكونو بينفعو لرئاسة البلدية.
بعدين وين اسم الدكتور وسيم الفلو!!!!!!!!!!! :mad:

[وسيم أحمد الفلو]

أشكر الإخوة معتوق وعبود على الثقة، بس عنجد مني مفكر بالموضوع، مش تعففاً ومن هالحكي (إلي كل واحد مترشح بيقولو :) ) بس لإنو طموحي إنو إتفرغ بالجامعة وإخلص من قرف التعاقد.

إن شاء الله نجد في المستقبل أشخاصاً من الشباب مؤهلين للمنصب ولديهم إندفاع ورؤية واضحة للعمل البلدي... ويجب التفكير بذلك قريباً لكي لا يقال لنا في المستقبل ملقينا حدا غير "....." :)

الأسماء المطروحة من قبل الأخ أبو يزن ربما لديها الأهلية ولكن أنا أعتقد أنه يجب أن يتقدم لهذا المنصب شخص من نكهة أخرى ... سخص بعيد عن الأضواء

للحقيقة القانون أعطى رئيس البلدية صلاحيات شبه مطلقة في العمل البلدي، والرئيس مهم جداً ويجب أن يكون نشيطاً وحازماً، ولا يمكن التعويل فقط على أعضاء البلدية من دون الإتيان برئيس له روحية العمل الجماعي.

[ابو يزن]

الاخوة الاعضاء الاحبة

الاسماء التي اقترحتها انا لموقع رئيس البلدية , هي اسماء تتداولت عند الاستحقاق الماضي , وبالطبع هناك اسماء كثر

فمن الافضل ان من يجد اي شخص قادر على ان يكون كفؤاُ لهذا الموقع ان يذكر اسمه

فهناك مثلا : معروف الحج , الاستاذ هشام قزيحة , الحاج انس قبيطر , السيد حسان فلو , والكثير

ولكن ملاحظة صغيرة , يجب ان لا يكون رئيس البلدية موظف بالدولة

[wishes]

أمتنع عن التصويت لحين معرفة برنامج كل مرشح و ما مدى امكانية تحقيقه
بس إذا الشغلة بدا تصير قربة فبصوت لفداء الشيخ

[moustafa]

بصراحة ما في مثل الأخ الدكتور فداء علوان.... الله يحفظو و يحفظ ولادو

[وسيم أحمد الفلو]

يعني الموضوع مسل إلى حد ما، مع إنو للأسف بوجود "لجنة" وما يحزنون مش نحنا إلي منختار :(

على كل حال أعتقد أن الشخص هو الذي يجب ان يقدم على طرح إسمه، لا أن ينتظر احداً ليسوق له.

[فشلانة]

وين العنصر النسائي

انا برشح السيدة نعمى دنكر
لرئاسة بلدية القلمون

[دوكر]

يا هلا بالشباب...
شوف يا معلم انا عندي تلت اسماء محتار بيناتون...
حسان فلو
فداء الشيخ
فداء علوان...
ايشوا الحل...انا رأي تطلعونا ع الأفكار لي عندن بخصوص الضيعة...ب نعرف نختار...

[الريس]

وليه فشلانة ، بس يحكو الناس ، انتي بتإنلعي من هون .

خليكي ساكتة وما ترشحي حدا أحسنلك .

[وسيم أحمد الفلو]

شو بكن يا شباب محدا صوت للحج طلال، متخلوني فوت أنا صوتلو :)

[وسيم أحمد الفلو]

الحج طلال ملازم يعتل هم، لإنو إذا ختارتو اللجنة الموقرة في المرحلة القادمة (نظراً لعدم وجود غيره وهي الحجة الدائمة)، فإن كل الأصوات للحج باسم، والدكتور فداء والدكتور رشيد والأستاذ محمد ووو.... ستذهب للحج طلال.

ألف مبروك سلف

[الزاهر]

وننتقل لمراسلنا زازي ليطلعنا على آخر المستجدات!!!

والله المنافسي حاميي وكل المرشحين عندهم قاعدة شعبيي.......وكما يبدو إنو الرئيس الحالي تراجعت شعبيتو بشكل ملفت بعد 12 سني بالحكم........وما هيئتو لو حظ يرجع ينجح إلا بطريقا واحدي!!!......Bla Bla Bla


حلوة النافسة وتقارب عدد الأصوات!!!!

[Salim]

شو بكن يا شباب محدا صوت للحج طلال، متخلوني فوت أنا صوتلو :)

كلو الا الحج طلال...!!! بصراحة انفلقنا.... كما أتمنى أن يأتي أعضاء جدد أيضاً

[وسيم أحمد الفلو]

والله يا أخ سليم أنا من ناحيتي بعتقد إني ميرحكن مني، لإنو الأرجح أنني لن أعيد الكرة.

[الريس]

وأنا أعلن ترشحي للبلدية القادمة ، بإذن الله .

[habouleh]

يعيش الريس



يعيششششششششششششششششششش

يعيشششششششششششششششششششششششششش

[الريس]

ولك تسلم يا معلم هبولة ، بكرا ورجينا همتك وقت الانتخابات ، بدنا انشوفك لابس العرقية يلي مطبوع عليها صورة : خلينا انخبي راسنا ونمشي ، وعم تعملنا دعاية .

أنا بكل تواضع حإنزل على رئاسة البلدية ، وناوي شكل ليستا متكاملة ، ورح تكون بعيدة كل البعد عن الموجودين حاليا لأنهم أفشل ناس .

بدنا شوية صبايا بالمجلس ، وبدنا عنصر شباب ، وبدنا ناس اسلاميين ، وغير اسلاميين ، بدنا ناس متعلمين ، وعندهم عنصر الحس والمبادرة ، بيعدين عن الشهرة ، وعن الكذب و...

وأول واحد رح نزلو معي على الليستا هو المعلم معتوق والمعلّم زاهر ، وست الكلّ نارا ، كل واحد منكم يفكر بليستا ، ومين بدنا انزل معنا لحتى انشوف .

[وسيم أحمد الفلو]

إقتباس من الريس

أنا بكل تواضع حإنزل على رئاسة البلدية ، وناوي شكل ليستا متكاملة ، ورح تكون بعيدة كل البعد عن الموجودين حاليا لأنهم أفشل ناس

بالنسبة لي وبالرغم من بذلي جهوداً مضنية في أول سنتين في العمل البلدي، فأنا أعترف الآن أنني فشلت بتحقيق القليل مما أصبوا إليه (أللهم إلا تفعيل دور المكننة في البلدية بشكل شبه مقبول، وإدارة صفحة للبلدية لكي يتضطلع الناس على مصارفات البلدية ومواردها ومشاريعها) ، ولا أعتقد أن الوضع سيتغير في المرحلة القادمة.

قد تكون البلدية حققت إنجازات لا بأس بها على صعيد المشاريع ولكن بالنسبة إلي فأنا أعتبر أنني فشلت بتحقيق ما كنت أرنوا إلية في العمل البلدي

[أيمن غ القلموني]

salam
allah y5allik ya rayyis bass 5ali fida2 mannou bi warid koul al baladiyya 7asab ma ba3rif

ana brachi7 al DR wassim falou

[وسيم أحمد الفلو]

يا هلا بالسيد أيمن

ألله يخليك؟ خجلتنا

شو مرجعت ابعتلنا ولا Sms

[أيمن غ القلموني]

salam wassoumti
chou wisilak sms , walaw mafini 3ala za3alak

[وسيم أحمد الفلو]

أول شي شكراًُ أيمن على الSMS

تاني شي، بالإذن من أخي أبو يزن سوف أقوم بإغلاق النصويت في تاريخ 28-10-2007 أسوة بالإستفتاءات الأخرى وذلك لإجراء تقييم للإستفتاء، فأرجوا الموافقة على ذلك.

يا شباب، في موضوع شعار المنتدى صوت أكتر من 211 شخص، هون عالقليلة يصوت شي 100 تيكون التقييم موضوعي.

[ابو يزن]

اذا ترى انه من الافضل اغلاق التصويت فلك الحرية في ذلك

مع انني ارى ان نبقيه مفتوحا , فلربما تسجل عضو جديد بعد هذا التاريخ واحب ان يصوت , فما المانع في ذلك

وربما يكون هذا الموضوع مشجعا لبعض الضيوف للتسجيل في هذا المنتدى

على العموم لك الحرية فيما تشاء

[wishes]

بصراحة و بلا زعل
أنا ما صوتت لأنو محسيت إنو حدا من يللي مطروحين بيستاهل
بدنا رئيس بلدية يكون شب طموح و ما بدنا حدا من الطقم القديم

[فرع المعلومات]

كلن خير وبركة

بس الظاهر رئيس بلدية القلمون المقبل حيكون مرشح تيار المسقبل

[wishes]

بس الظاهر رئيس بلدية القلمون المقبل حيكون مرشح تيار المسقبل



إذا تيار المستقبل أو التيار الوطني الحر شو الفرق؟
المهم يشتغل لمصلحة البلدة

[مصطفى معتوق]

إذا تيار المستقبل أو التيار الوطني الحر شو الفرق؟
المهم يشتغل لمصلحة البلدة


بلشت محاضراتي بالسياسة تعطي اكلها !!!!!

الى الامام

[habouleh]

يبعتلك قتلك شو س~يل يا معتوق و لك أيا محاضرات سياسية قول بياخات هستيرية:eek:

استيحي على قصرك و لك:p

[عبد الله]

الجماعة أثبتت فشلها في العمل البلدي من ناحية عدم القدرة على التحكم بمن أوصلتهم أما اذا كان الرئيس المقبل للتيار فهذه ستكون كارثه على كل ملتزم وعلى صورة الضيعة الاسلامية لذلك أنا أقترح أن تشكل لائحة من خيرة الملتزمين أصحاب أصغر سن مسموح له الترشح فربما يكونو أقرب لفهم وضع الشباب وللحفاظ على الطابع الاسلامي

[وسيم أحمد الفلو]

بالإذن من الأخ أبو يزن فسوف أغلق الموضوع في 28 الشهر ، ومن ثم أفتتح موضوعاً آخر للإستفتاء بين أول أربعة أسماء مختارة...

أنا أنتظر رأيك أخ أبو يزن.

أرجوا من الإخوة زوار المنتدى التصويت بكثافة في هذا الموضوع وفي المواضيع الأخرى (البعض صوت هنا ولم يصوت في المواضيع الأخرى).والسلام عليكم

[ابو يزن]

طلباتك اوامر

[وسيم أحمد الفلو]

سوف يتم إغلاق الموضوع وفتح إستفتاء حول الأربعة أسماء التي نالت أكبر الأصوات