أغاني للمغتربين فقط

[nana]

أعضاء منتدى القلمون الحبيبه
أحببت أن افتح هذا الموضوع لنتناول فيه بعض الأغاني التي تعنى بي شؤؤون وشجون المغتربين من أبناء البلدة الذين تركو بلدهم وبلدتهم وابتعدو عن الأهل والأصحاب ومرابع الطفولة ومراتع الصبة في سبيل تأمين الحياة الكريمة وحفد النجاحات ورفع اسمهم واسم بلدهم عاليا في سماء بلاد الاغتراب
كما أتمنى منكم التفاعل مع هذا الموضوع عبر مشاركتكم من خلال إدراج اي أغنية أو أنشوده تعنى بموضوع المغتربين التواقين إلى لمس ذرة من تراب الوطن الغالي:)



رح كون اول المشاركين تذكرت اغنية كانت و ما زالت تترك بقلبي حرقة كل ما بسمعها
و هي اغنية نسم علينا الهوى للسيدة فيروز
و تحديدا وقت بتقول:
و فزعانة يا قلبي اكبر بهالغربة و ما تعرفني بلادي


بس ما بعرف لو كانت غربتي ببلد مثل الولايات المتحدة او استراليا او كندا او اوروبة هل كانت هالغنية رح تأثر فيي مثل ما عملت و انا بي الامارت؟؟؟ الجواب عندكم اكيد.
لهيك هي دعوة مني لمساعها
نسم علينا الهوى (http://www.6arabsongs.net/Lebanon/fairouz/favorite/70.mp3)

نسم علينا الهوا من مفرق الوادي
يا هوا دخل الهوا خدني على بلادي
يا هوا يا هوا يللي طاير بالهوا
في منتورة طاقة و صورة خدني لعندن يا هوا
فزعانة يا قلبي أكبر بهالغربة ما تعرفني بلادي
خدني خدني خدني على بلادي

شو بنا شو بنا يا حبيبي شو بنا؟
كنت و كنا تضلو عنا و افترقنا شو بنا
و بعدا الشمس بتبكي عالباب و ما تحكي يحكي هوا بلادي
خدني خدني خدني على بلادي

[nana]

شكرا للمشاركات:mad:

[nana]

وينك يانادر
ويا ريس
ويا أماني ونادين والشامي ودانيه وزاهر واحلى عمورة وسنا ووووووو والجميعععععع

[الزاهر]

أحني هووووووووووووووووووووووووووووووووووون!!!!!!


يمّــــــــــــا مويل الهوى يمّــــــــا مويليــــــــــــيا
عيش المحتاج ولا الغربة تجني عليّا
يا ريح خدني معــــــــــــــاك في بلادي وارميني
أمي تنتظرني هناك ولوعها حنيني
بمنديلها من الشبـــــــــــــــــــاك شو لواحت لييا
هذا الزمن دولاب راجعين غيّابك
جايين سْراب سْراب أومي فتـــــــــــاحي بوابك
سامعين صوت الأحباب عم يأطعو المية
يمّا راجع أنا بعيــــــــــــــــــــــــــــــونك غطيني
أديش شفت العنا والتعب بسنيني
عمري مر بونا كـــــــــــــــــــــــــــنو يعذب فيّا

[دوكر]

انشودة
يا مسافر عود
للمنشد عبدالفتاح عوينات
و هدا هو الرابط
الرابط (http://www.buraydahcity.org/SI7/Inshad/Ya-Msafer-Oud/YA-MSAFER.zip)



http://www.buraydahcity.org/upload/3789_01185581944.gif


وهدا رابط تاني كمان (http://www.enshad.net/audio/Ya_Misaafer_Oud/E/03%20-%20Track%203.mp3)

و هدا واحد تالت (http://www.3wam.com/pafiledb.php?action=download&id=456)

و انشاء الله تعجبكن

اكيد بهديا لحالي اول الشي و للكل المغتربين تاني شي .......

[nana]

شو هل كلام المؤثر يازاهر الله يعين كل مغترب هلاء بدو يبكي

[nana]

شكرا كتير دوكر على الأنشودات

[nana]

بس مافتحومعي دوكر

[مصطفى معتوق]

يا رايح صوب بلادي دخلك وصلي السلام
اغنية لاحمد قعبور

[Nader 3:16]

قلنالكم ليش بتحطوني دائماً ببوز المدفع!!!!!

طيب كرمال الابضايات بالمنتدى رح شارك بس عطوني شوية وقت تأعرف شو بحطّ!!!!

[wishes]

أكتر غنية بتعبر بالنسبة لإلي:
بحبك يا لبنان يا وطني بحبك
بشمالك بجنوبك بسهلك بحبك

[الريس]

ولك الله يسلّم دياتك يا ست نارا على هالأغاني الحلوين ، بصراحة هيأتك قاعدة بقلبي ، أنا فيروز بخوت فيها ، صوتها حلو ، وكلماتها معبرة ، يعني أنا بحسها بتعرف شو عم يصير معي ، ولك لما بكون عم اسمعها بغيب عن الدنيا كلها .


لما من فترة قريبة قلت لحالي بدي بطل اسمع أغاني ، بطلت عن الكل إلا فيروز ، هيدي ما قدرت عليها ، أبدا أبدا ....

بعدين يكفيها شرفا وفخرا للست فيروز انو ما طلع متلها بين صفوف العرب ، يعني اليوم في ناس بتسمي هيفا وهبة فنانة ونانسي وماي حريري وباسكال و دانا حلبي و.... أنا هدال كلهم بعتبرهم نمرة عمومي ، بكل صراحة .

ولك ما بعرف كيف بدي اتشكرك يا ست نارا على هالغنية الحلوة ، ذكرتيني بشغلات مرقت من العمر ما بق يطلع بإيدو للواحد إلا انو يتذكرها ويعيش بحلمها، نحو المزيد من التمييز يا ست نارا ، وبدي اسألك عندك غنية "بكتب اسمك يا حبيبي" واذا بتلاقيلي بطريقك كمان "آخر إيام الصفية" .

مشكورة سلفا ، سواء لقيتيهم أو لأ .

[nana]

سألوني الناس
http://www.cools4u.com/songz/images/listen.gif
feyroz34.zip (http://qalamoun.com/Forum/attachment.php?attachmentid=428&stc=1&d=1192510020)
بي صراحة ماعندي بكتب اسمك ياحبيبي
بس كرمال ماتزعل به
يهديك سألوني الناس

[الريس]

أحلى تحية وأكبر شكر للست نارا على هذه الأغنية المميزة .

وعلى كل اذا رجعتي لقيتي الأغاني يلي قلتلك عنهم ، فما تبخلي علينا فيون أبدا .

[الريس]

ولك يا هلا بالملعّم مذنب ، يا هيك المذوقين يا بلا ، من وين فتقتلي جروحاتي هلأ ، وين بدنا نحضا بأغاني لعبد الحليم حافظ ... اذا معك هنة ، الله يرضى عليك رفعلنا هنة على النت . وبالأخص "والائاكم حبيبي سلمولي عليه"
و "وأنا كل ما غول التوبة يا بوي"
و " وحياة قلبي وأفراحوا وهنا في مسا وصباحوا ما لقيت فرحان بالدنيا ، زي الفرحان بنجاحوا ..."
و " بلاش تبوسني في عينيي دي البوسة في العين تفرّق ..."

وينك يا ست نارا ، يلا بدنا همتك ما في حدا غيرك بلبيلنا وبجبلنا هالأغاني هدال .

[dania]

ولك يا هلا بالملعّم مذنب ، يا هيك المذوقين يا بلا ، من وين فتقتلي جروحاتي هلأ ، وين بدنا نحضا بأغاني لعبد الحليم حافظ ... اذا معك هنة ، الله يرضى عليك رفعلنا هنة على النت . وبالأخص "والائاكم حبيبي سلمولي عليه"
و "وأنا كل ما غول التوبة يا بوي"
و " وحياة قلبي وأفراحوا وهنا في مسا وصباحوا ما لقيت فرحان بالدنيا ، زي الفرحان بنجاحوا ..."
و " بلاش تبوسني في عينيي دي البوسة في العين تفرّق ..."

وينك يا ست نارا ، يلا بدنا همتك ما في حدا غيرك بلبيلنا وبجبلنا هالأغاني هدال .

والله يا الريس انك شاعري ورومانسي وليش كنت تعصبنا منك افتكرت انو قلبك حجر بس :)

[الريس]

ولك أنا أبو الرومانس ، ولك حتى وقت بكون عم اكتب كلام قاسي صدقيني بكون فارط الضحك ، بس أنا هيك طبعي .

على كل شكلك رضيتي ، لأن من يومين كنتي عم اتبهدليني ، الله وكيلك غسلتيني غسيل ، نشحتي عرضي نشح .........


هههههههههههههههههه

ولك أهلا بالست دانيا ، شمس هذا المنتدى .

[dania]

ولك أنا أبو الرومانس ، ولك حتى وقت بكون عم اكتب كلام قاسي صدقيني بكون فارط الضحك ، بس أنا هيك طبعي .

على كل شكلك رضيتي ، لأن من يومين كنتي عم اتبهدليني ، الله وكيلك غسلتيني غسيل ، نشحتي عرضي نشح .........


هههههههههههههههههه

ولك أهلا بالست دانيا ، شمس هذا المنتدى .

على راسي والله انت .

انا ما حكيت هيكي الا لانك استفذتني هديك المرة

على كل حال الي صار صار وخلص راح . وأنا اسفة من الي صار . :)

[الريس]

ولك انتي فهمتي القصة غلط ، سبق وقلتلك أنا ما كان قصدي عليكي ، وما كان قصدي استفزك، بعدين لما كنت عم اكتب الموضوع كنت فارط الضحك ، وما كنت معصب أبدا ......

بس على كل متل ما قلتي ، قصة ومرقت ، وأنا يلي بدي اعتذر منك ، مش انتي يلي بدك تعتذري ، لأن أنا يلي استفزيتك .

[dania]

ولك انتي فهمتي القصة غلط ، سبق وقلتلك أنا ما كان قصدي عليكي ، وما كان قصدي استفزك، بعدين لما كنت عم اكتب الموضوع كنت فارط الضحك ، وما كنت معصب أبدا ......

بس على كل متل ما قلتي ، قصة ومرقت ، وأنا يلي بدي اعتذر منك ، مش انتي يلي بدك تعتذري ، لأن أنا يلي استفزيتك .

يالله فتحنا صفحة جديدة وان شالله بشوفك عم تشارك بمواضيعي ( السخيفة ) ;)

[الريس]

الله يسامحك ، على هالتواضع الزايد عن اللزوم ، قال سخيفة قال

ههههههههههههههه

[الزاهر]

يالله فتحنا صفحة جديدة وان شالله بشوفك عم تشارك بمواضيعي ( السخيفة ) ;)


هادي مش حلوة منك.....لأن الواحد إن كان الموضوع "سخيف" ما بيحطو بالمنتدى.......ما في شي سخيف أصلا.......
لأن أتفه الأفكار.....ممكن تفتح أبواب وأبواب أمام شخص بالظروف المناسبة!!!!!!


سلام

[dania]

هادي مش حلوة منك.....لأن الواحد إن كان الموضوع "سخيف" ما بيحطو بالمنتدى.......ما في شي سخيف أصلا.......
لأن أتفه الأفكار.....ممكن تفتح أبواب وأبواب أمام شخص بالظروف المناسبة!!!!!!


سلام


هلا ابو الزوز والله زمان كيفك ؟؟؟ اشتقنالك ؟؟؟

انا قصدي وبكل تواضع انو مني قد الريس ومواضيعوا :) عشان هيكي قلت سخيفة

هلا انت شو بدك ;) عم نراضي بعضنا عم نتصالح يعني :D


باركلنا ;)

[dania]

الله يسامحك ، على هالتواضع الزايد عن اللزوم ، قال سخيفة قال

ههههههههههههههه


هلأ حلوان الصلحة ;) شو رأيك تقلي مين انت ؟؟

عندي فضول فظيع أعرف مين انت ؟؟؟؟ :confused: :confused: :confused:

[الريس]

والله يا ست دانيا ، كل شي بوقتوا منيح ، والريس الا ما يجي يوم من الإيام وتعرفوا مين هو ، بس مش هو هلأ الوقت المناسب .

طولي بالك شوية ، وما تستعجلي كتيير ، ووقت بصير الوقت المناسب رح الكل يعرف ان شاء الله

[nana]

وينك يا ست نارا ، يلا بدنا همتك ما في حدا غيرك بلبيلنا وبجبلنا هالأغاني هدال .[/quote]


والله أنا كنت مشغولي لازم خلص كل شغلي قبل ما أنزل لبنان وعم حاول شوف حدا يستلم البرامج بي البنك عني مشان بدي غيب 10 أيام عن المكتب وإذا ما ستمر شغلي مديري بدو يرتفع ضغطو ويرفعلي ضغطي معو بس المشكل كل الموظفينا عندون شغل فوق راسون فا ماتسألتي لايا ساعة عم ضل بي دوامي هيدا سبب عدم طلتي كتير عن المنتدى بس هلاء عم نزلك الاغاني يلي بدك هني

[nana]

لايدوم اغترابي
فيروز


أغنية (javascript:playSongFromSite('2646','Audio'))

[nana]

سألوني الناس عنك ياحبيبي
feyroz52.zip (http://qalamoun.com/Forum/attachment.php?attachmentid=440&stc=1&d=1192774002)

[أم سفيان]

هذا رابط شريط يا مسافر عود
http://enshad.ashefaa.com/sounds.php?shareet=94

[الريس]

أم سفيان نسينا نسألك ، منلاقي عندك كم غنية لعبد الحليم ، أو من يلي كنت طالبهم من نارا للست فيروز . شكلك مهتمة بهل المواضيع ؟؟؟

[جابر دملوك]

أي عبدالحليم منن بدك لأن حطيت عبد الحليم زيدان على جوجل ما طلعلي شي حدد إنت أول شي أي واحد منهم وساعتا لكل حادث حديث
عجيب أمرك يا ريس

[الريس]

ههههههههههههه

انو بصير ما بتعرف مين عبد الحليم ، أكيد منو عبد الحليم غنوم ، وأكيد منو عبد الحليم دنكر ، ولا عبد الحليم عبيد .......

أكيد أمير الأغنية العربية ، عبد الحليم حافظ


بعدين ليش غريب أمري ؟؟؟؟؟؟؟؟؟؟

[جابر دملوك]

نص مشاركاتك آيات وأحاديث وعم تطلب أغاني من النسوان بلالك هالشغلة

[الريس]

يا أخي الله يبارك فيك على هذه النصيحة ، بس أنا ما عم اعمل هيك من باب دنو النفس أو شي تاني من هذا القبيل ، يا خيي ، أنا عم اطلب غنية ويلي بدو يجيبها يجيبها نسوان ولا رجال وهنا منتدى عام ، بعدي هدال النسوان بحياتي ما شاييف وجهم يمكن ، يوهنة كمان حسب ظني .

بعدين أنا ما مقتنع انو الأغاني فيها أي شي حرام ، طبعا ما كلهم .

يعني هلأ في عندك كتار من يلي بقولوا الأغاني حرام بروحوا بيسمعوا للوعد والبراق والإعتصام و... وهالفرق الإنشادية يلي بتحط كتيير موسيقا بأناشيدها .طيب ليش هوينك حلال وهون حرام ؟؟؟

بتقللي الكلمات ، بقلك احنا هون عم نحكي بكلمات أغاني للمغتربين ، وبعدي أنا اذا سمعت غنية فيها شي عن الحب ، فبكون عم فكر بالبنت يلي بدي اخدها رسمي ومحكي اهلها وكل شي .

يعني اليوم في كتيير أناشيد اسلامية بتلاقي فيها غزل وعيناك وأحبك وتمك وشفافك و... وبالآخر بيطلع قصدو على الكعبة أو عأمو أو على المسجد الأقصى ... بعدين متل مني ذاكر انو موسى مصطفى أخوه لأبو راتب بغني غنية فيروز "حبايبنا حوالينا" هي ذاتها بس أنا سامعها بلا موسيقى لو .

طيب بتقولولنا الموسيقى مسألة خلافية ، طيب وصوت المرأة اذا كان عورة أو لأ مسألة كمان فيها خلاف والأرج انو لأ ، لأن بقول العلامة زين الدين بن عبد العزيز المليباري الفنانى بكتابو فتح المعين : (وليس من العورة الصوت فلا يحرم سماعه إلا إن خشي منه فتنة أو التذ به - كما بحثه الزركشي -) .

على كل القصة فيها نقاش كتيير وطويل ، بس الفكرة يلي بدي قولها أنا انو لما بكون بدنا انحرم شي وننهى عن شغلة ما لازم تكون موجودة بين الصفوف الاسلامية .

[مصطفى معتوق]

أي عبدالحليم منن بدك لأن حطيت عبد الحليم زيدان على جوجل ما طلعلي شي حدد إنت أول شي أي واحد منهم وساعتا لكل حادث حديث
عجيب أمرك يا ريس

الله يحميك يا اخ جابر والله انك زينة المنتدى عجبك هيك يا ريس؟

[nana]

والله شو رأيكون بدال ماتتخانأو تنزلو أغاني وشو خص هلاء دين بي هل موضوع

[مصطفى معتوق]

نارة خانوم :

في شي مشكلة بينك وبين ال التعريف ؟؟؟
ملاحظ انها غايبة عن 90% من مشاركاتك ؟؟؟؟؟؟؟

[nana]

نارة خانوم :

في شي مشكلة بينك وبين ال التعريف ؟؟؟
ملاحظ انها غايبة عن 90% من مشاركاتك ؟؟؟؟؟؟؟

بتعرف هلأ تشفت ردك بس بدي أعرف أنت شويلي زاعجك بكتابتي شو احنا باامتحان لغه عربيه