كم ستطلب مهرك؟

[wishes]

بعد أن كثر الحديث في المنتدى عن أسباب الزواج من خارج البلدة, و بما أن أغلب المشاركين اتهموا البنات القلمونيات بطلب مهر غالي و قد لا تستحقه في كثير من الأحيان, أحببت ان أطرح هذا السؤال على الشباب:
لو أن البنت هي من يدفع النقد فكم ستطلب مهرك أيها الشاب؟

[مصطفى معتوق]

انا من زمان صرحت تصريح قلت فيه انو بدو يجي نهار تصير البنت تطلب في ايد الشب من اهلو بسبب هجرة لشباب ...
بالنسبة الي اول شي بتدلل على البنت وما بعطيها وش بنوب :D لان انا شب مهذب
ويلي اصدها شريف بتعرف بيتنا وين :D
وبالنسبة للنقد حسب البنت بس اهم شي انها تكون مأمنة مستقبلها ويكون عندها بيت لا اكتر ولا اقل
والله ولي التوفيق
.................................................. ...

[wishes]

بهنيك عقناعتك
يللي ما بيعرفك بيجهلك
القناعة كنز لا يفنى

[أم سفيان]

ما شاء الله اختيار موفق أخت أماني و بيني وبينك أفضل بكثير من المواضيع المنقولة واسمحي لي أن أشارك معكم
ذكرت أن الشباب ممتعضين من المهور الغالية التي تطلبها القلمونيات فعلى حد علمي أن المهور عندنا واجهة فقط يعني صوت بدون صورة و هو عبارة عن مؤخر لا تأخذ منه الزوجة شيئا إلا في حالة الطلاق أو موت الزوج لا سمح الله
أنا تزوجت مما يقارب ال 15 عاما وهذا ما كان متعارفا عليه في وقتنا فهلا نورنا الأخوة والأخوات عن متوسط المهور هذه الأيام

[الزاهر]

بدكم الصراحة......لا يخفى على عاقل إني بسوا الدنية واللي فيها.......هههههههه
شو متواضع!!!!

المهم......لنحكي جد......أنا انسان قنوع........وأعتقد إني لو كانت المرا اللي بتدفع النقد......وكونو زوجتي هي رح تكون (المفروض) أعز الناس لي.......فسأطلب مبلغ بخس......قادر الولد الصغير إنو يدفعو بعد العيد!!!!!

[na3nou3]

سأطلب أغلى مهر
حبها و حنانها بس ما أكتر

[أيمن غ القلموني]

ولا شي المهمّ تكون على ذوقي ولها كل ما أملك

[دوكر]

يا هلا بالست وشيز........موضوع مهم..........
هع هع هع.................
لأنو يمكن نوصل لهك ايام............ف خلينا نفكر من هلأ...........
انا عندي اه الشي انو تكون لي بدا توخدني متعلمة....... و بتشتغل ......و بطلع مصاري......من عرأ جبينا و بتصرف علي انا و ولادي..............
و بعدين المهر ...........يعني ما ح كتر عليا...........لأني بعرف اديش صعبة وءت البنت بتزيد بالمهر......او اهلا...........
يعطيكي العافية......

[عمار الفلو]

بالنسبة للموضوع : يلي بدها تاخد الواحد منشان المهر الغالي فلعمرن ميتزوجو

في مثل بيقول : يلي بياخد القرد على مالو بيروح المال و بيفضل القرد على حالو

فبالنسبة للمهر : فاطمة رضي الله عنها و هي من هي كان مهرها درع لعلي رضي الله عنه
و لم ينقص من قدرها بل زادها هذا المهر رفعة .

أما المهر الذي أطلبه حقا , فهو فتاة بهذه المواصفات :


اذا نظرت اليها اسرتك واذا غبت عنها حفظتك واذا امرتها اطاعتك

[wishes]

أشكر كل من تفاعل و شارك بالموضوع
الهدف من وضع هكذا مواضيع هو في الدرجة الأولى توعية الفتاة القلمونية و الاهل إلى هذه النقطة و اللتي في اغلب الاحيان تكون السبب الرئيس الذي يدفع الشباب للزواج من خارج البلدة. تخيلي أيتها الفتاة و لو للحظة أنك انت من يدفع المهر فماذا سيكون موقفك؟

[مصطفى معتوق]

اخ اخ اخ

خلوها لربكن !!!!!!!!


قال ازمة زواج قال .....................
اسمعو هالقصة ................................

في شباب لها فترة طويلة عم دور على عروس ومصرة بدها من القلمون ................. المشكلة وما فيها انو كل ما بيسألو عن واحدة بيطلع عنده مشكلة ما فيها تتزوز ...................
فقبل ما تحكو عن النقد والمهر وهالقصص شوفو البنات ازا بدن يتزوزو او منن ناويين يعيني ........

[wishes]

هلأ بصير بكل القلمون منك عم تلاقي عروس أو منن عم يقبلو فيك؟ هيك صار موضوع تاني

[wishes]

عم امزح ما حدا يصدق
والله معتوق ما في منو و يللي بدا تاخدو بدا تسعد لانو بيحترم المرا كتير

[wishes]

إذا في واحدة ضاربة عينا عليه تراسل wishes يعني حضرتي او زاهر الدين (سكرتيرو الخاص) عالبريد الخاص كرمال تقدم طلب

[مصطفى معتوق]

إذا في واحدة ضاربة عينا عليه تراسل wishes يعني حضرتي او زاهر الدين (سكرتيرو الخاص) عالبريد الخاص كرمال تقدم طلب

بتعرفي يا ستي عجبتني الفكرة

يا الله يا معجبات بلشو ودو الطلبات

هههههههههههههههههههههههههههههههههههههههه

[مصطفى معتوق]

إذا في واحدة ضاربة عينا عليه تراسل wishes يعني حضرتي او زاهر الدين (سكرتيرو الخاص) عالبريد الخاص كرمال تقدم طلب

زاهر اخي وحبيبي وبيت سري وانا صراحة حبيتو لهالشب وحبيت الشغل معو ...
الله يبارك فيه

[المهند]

شو هالبياخات يلى عم تطروحا هون !!شو مراة هى بدا تدفع النقد وما بعرف شو وشباب هنى بيطلبو ومنى عارف ايش؟!!شو قالب قاعك انتى اليوم!!ياه صحي مدرى شصاير!!:p

[moustafa]

أوّل الشي....... شباك يا مهنّد معصب هيك من الأخ معتوق.؟؟؟؟؟
و الله يا مصطفى منّي عارف شو بدّي قللك بس على الأرجح رح أطلب مهري شي 10 $
ما تسأل ليش!!!!!!!!!!
يا الله سلامــــــــــ:cool:

[wishes]

شو يا مصطفى بس 10$ الهيئة منك عارف قيمة حالك منيح
عالقليلية 1000$
و بالنسبة للرسائل الخاصة مني عم لحق عن جد لازم يكون في unlimited storage
والله طلعت محبوب يا معتوق:)

[مصطفى معتوق]

و بالنسبة للرسائل الخاصة مني عم لحق عن جد لازم يكون في unlimited storage
والله طلعت محبوب يا معتوق:)


خليلي ياهن عندك بكرى بحددلك نهار توديلي اياهن حتى ادرسن

[Rami Kozayha]

المهر الاصل فيه التيسير حتى تحل البركة من رب العالمين، واللشب عمرو ما اتعطل او عنس والمشكل انو لهلا البنات عم يعتبروا انو الشباب عينن خضره و عم يطلعو بره، خدوها نصيحة اللشب لما بدو يخطب بيكون براسو اشيا غير تفكير البنت، يعني بدو بنت هادية و مؤدبة من اولها يرتاح معا وما اكترن بالقلمون بس في مشكل انو بداية الموضوع ما عم بتكون ميسره يعني في بنات اول ما بيجيها عريس بتكون (اهلها) قنوعين ويمشي الحال او بتكون (اهلها) معأدينها شوي على شيء بلا طعمه ومتل ما حكيت اللشب مش متل البنت لانوا هوا الخاطب و حقوا يلحق يلي بريحوا.

بالنسبه للمهر انا بشوف انو حرام على ايه شب يكتب مهر مش قادر يوفيه قبل الزواج وإذا مرتوا سامحتو فهيا حره. اكيد في بنات (أهل) كتير فيهن خير وبركه متل اهلي واخواتي:) بس ممكن وقت الشب او ظرفوا ما يسمحلو انو ينطر. للأسف موضوع المهر مبالغ فيه بالقلمون بحجة انوا عم يضمنوا حق بناتن (شي مره سمعتوا عن بنت مهرها عالي واخديتوا؟ دائما تنظلم ويلي فكروا اهلها انن حموها طلعوا غلطانين) فياصبايا فكروا متلي ويا شباب خافو الله ومن دون مباهات بالمهور وانتو كسباني، لو 10 شباب اتمسكو بهل مبدأ لكان المهر خلال سنة رجع حسب السنه وكان الكل مبسوط. ممكن تقولو شو عم بيكون متوسط المهر بالقلمون؟ من دون ذكر اسامي وحدن يحسب كم شب خطب من برات القلمون ب 2007؟

[dania]

سأطلب أغلى مهر
حبها و حنانها بس ما أكتر

واللهي انت العاقل فيون

[habouleh]

بدنا انتو تعقلوا

[dania]

بدنا انتو تعقلوا


هلا بي هبولة نورتي ;)

[habouleh]

منورة بوجودك

[Nader 3:16]

ما رح نختلف ان شاء الله.....:)

و من هلء لوقتها فرج و رحمة

[wishes]

سأطلب أغلى مهر
حبها و حنانها بس ما أكتر

هيدا اغلى و أصعب مهر
صار قليل كتير تلاقي حدا بحب من قلبو و حنون

[Nader 3:16]

سأطلب أغلى مهر
حبها و حنانها بس ما أكتر

من طول عمرك كبير يا نعنوع.

[AbouRajaa]

اذا نظرت اليها اسرتك واذا غبت عنها حفظتك واذا امرتها اطاعتك





البلاغة الإيجاز !!!