مَـن أنـت من الـرجـال ؟

[Abir]

بسم الله الرحمن الرحيم


جـاء دوره فوقـف أمـام ( الأيـام ) في دائـرة الأحـوال المصيرية سألته :

هل تعـمل ؟‏

ابحث عن عمل .‏

أتقبل بأي عمل ؟‏

‏ كلا ... فمعظم الاعمال لا تليق بي .‏

ما هدفك في الحياة ؟‏

اتعرف على امرأة ، و أملك بيتاً و سيارة .‏

ما مواصفاتهم ؟‏

المرأة جميلة و دلوعة و لافتة للانظار ، البيت كبير و فخم ، و السيارة فاخرة .‏

ما موقفك مما يدور في العالم ؟‏

لا موقف لي .‏

هل تتقن فنون القتال ؟ أو الدفاع عن وطنك ؟‏

كلا .. القليل مما تعلمته في الخدمة .‏

اتتابع ما يقوله فلان و يملكه فلان ؟‏

نعم ... ( و يضحك ) .. من باب الفضول .‏

ما معنى المشاعر عندك ؟‏

كلام فارغ .‏

ما آخر كتاب قرأته ؟‏

لا اقرأ أتسلى بالاقراص المبرمجة والبرامج الاجنبية .‏

هل تعارض لبس الرجل ما يضيق وما يلمع وان يتابع صرعات الموضة ؟‏

لا اعارض بل تبهرني صرعات الموضة .‏

هل بقي لديانتك مهما كانت في نفسك أي أثر ؟‏

يتنحنح ويدعي ها .. نعم ..يعني .‏

ماذا تفعل في أوقات فراغك ؟‏

اتمشى في السوق اتحدث بالهاتف احضر فيديو كليبات .‏

من هو قدوتك في الحياة ؟‏

ملك جمال عارض الازياء ...الـ .‏

من هي فتاة احلامك ؟‏

المغنية الاستعراضية .‏

ماذا تقدم لأهلك ؟‏

ماذا يريدون مني كل يوم اتعشى معهم ثم أنام .‏

اتكذب ؟‏

للضرورة احكام .‏
ما معنى كلمة شيمة ؟‏

لا أعرف .‏

اتمانع أن ترقص زوجتك أمام أحدهم أو تلبس أختك اللباس الفاضح وتسير به في السوق برفقة صديقها .‏

عادي لست رجعياً .‏

وما هي الرجعية ؟‏

أن أكون متعصبا ً وحازما ً كل له حريته .‏

وما معنى الحرية ؟‏

أن يفعل كل منا ما يريد دون تدخل أحد .‏

ما رأيك بخيانة الرجل للمرأة وهل من الممكن أن تخون سرا ً ؟‏

عادي أنا رجل وافعل ما اشاء .‏

ما هو طريق النجاح ؟‏

القوبيات (ورقه صغيرة للنقل بالامتحانات) ، الواسطة ، الرشوة ، العيش بوجهين .‏

اخيراً تعتذر الأيام منه قائلة : آسفة لا تستحق أن أمنحك هوية الرجولة .‏


وأنت ما دمت واقفاً في الطابور حاسب نفسك قبل أن يصل دورك وتكتشف إنك لا تستحق الرجولة .‏

منقول

[دوكر]

يا هلا بالست عبير.........
والله كلام كتر مهم ......و يرت نفهم المعاني تبعت الرجولة........
ولك صارو الرجال إلال بي هل الأيام.......
معأني حسيت فاي طس علينا .......بس جملتك......(اخيراً تعتذر الأيام منه قائلة : آسفة لا تستحق أن أمنحك هوية الرجولة .‏


وأنت ما دمت واقفاً في الطابور حاسب نفسك قبل أن يصل دورك وتكتشف إنك لا تستحق الرجولة).....
زبططلي نظرتي للموضوع........
يسلمو ........يعطيكي العافية.............

[أيمن غ القلموني]

كتير حلوة ومعبرة
بس شو بك نازلة بالشباب تمسخر وبهدلة
ما معقولة هالنظرة القاتمة عن الشباب
ولو

بدنا شي قصيدة تبعث بالأمل

[سحر الشرق]

والله يا عبير لما قريت كلماتك حسيت اني واقفة على البلكون وعم اتفرج على اشباه الرجالة يلي عم تتمشى بالضيعة
بس انا رح قلك انه لا يخلو الامر يعني صحيح انه اشباه هالكائن الحي قد تكون مهددة بالانقراض بس لا ولوه لا تظلميهن كلن يعني لا يخلو الامر بعد ما انقرضو نهائيا بعد معهن كم سنة لقدام وان شاء الله يلحقوا حالهن وهني وشطارتهن
مشكورة حبيبتي على علكلمات الواقعية المعبرة الكافية الوافية تسلم ايدك

[دوكر]

يا هلا بالست سحر الشرأ............
مبعرف ليش عندن هل النظرة للشباب تبعون الضيعة؟؟؟؟........
ولك شباب الضيعة من خير الشباب و كلن فين من الخير و البركة الشيء الكثير.........
ليش عندن هل النظرة البأسة.......مبسوطين هيكا عم تبخسو بالشباب..........انا مني عم دافع لأني منون ......بس هل النظرة لي عندكن هي سبب كتر من المشاكل ......و اول هل المشاكل انو صورو بنات الألمون منو عم يإتنع بشباب الضيعة بس واحدة منون تنطلب......بس إزا جاها واحد مأنشح من شي منطأة تانية........ياي ما احسنو ما افهمو و إديشوا رجال......

حاولو ظبط نظرتكن للشباب الضيعة .......لأنو بالأخر من بكونو هل الشباب لي مستلمينون ع الطالعا و ع النازلة......بكونو اخوانكن........خوالكن.......عمومتكن........ؤرويبين كن......

[سحر الشرق]

يا سيد دوكر نحنا ما فينا نقول عن الغلط صح ابدا يعني الواجب انه يلي هوة غلط يصلح ويظبط حالو ماو نحنا
يا ريت تحاولو توقفو مع نفسكن شوية وتشوفو الحالة المذرية يلي وصلتولا بعد ما كنتو بالماضي خيرة الشباب وبينضرب فيكن المثل يعني رجعو لاصلكن لان يلي بينسى اصلو ما الو اصل
نحنا يا خواجة دوكر ما عم نحكي عليكن لا تنشمت ولا حتى نتسلى ولا نتق حنك لان بالنهاية ابي منكن واخواتي منكن وعمي وخالي متل ما حضرتك تفضلت بس كل شي بدنا نوصلو هوة انه نذكركن نوعيكن نهزكن نفيقكن من ثباتكم العميق ريتكن تضربو بهلسحنة وانتو كل واحد منكن طاحش علدنية ومنو عم بيفكر ابعد من منخارو
وبدي اياك تكون اكيد انه منا عم نفيقكن لله بالله بس مع انه الهدف انه ترجعو للطريق الصح بس كمان ميشان بنات القلمون يلي مصلحتن من مصلحتكن واوعى تفكر انه البنت القلمونية ممكن تفكر بالغريب اذا كان ابن ضيعتها زلمة وبيملي العين
انما الامم الاخلاق ما بقية
فان هم ذهبت اخلاقهم ذهبوا
وبالاخر برجع وبشدد على جملة دايما بقولها ان انا ما بشمل كل شبابنا لان بعد فيهن قلة قليلة من الشباب يلي بترفع الراس ان كان برا وبتوصلنا اخبارن او هوني ومنشوف حالنا فيهن

[dania]

والله يا عبير لما قريت كلماتك حسيت اني واقفة على البلكون وعم اتفرج على اشباه الرجالة يلي عم تتمشى بالضيعة

ايه والله سحر الشرق سبقتيني بس لازم تقولي مش بس بالضيعة بكل العالم العربي :) :cool:

شكرا عبيرر على الموضوع الحلو:)

[دوكر]

يا هلا بالست سحر الشرأ...........
مرسي ع هل النصيحة ............ريتكن تضربو بهلسحنة.........هدي من اداب النصيحة...........الله يعين........................اول تعليأ ليكي بي هل الموضوع كان مبو شاي .......كان يمكن من باب النصيحة ......بس هل الكلام الحلو لي اتحفتينا فاي .......ريتكن تضربو بهلسحنة..........ببين اديش مداياء ع الشباب...........
ع كلن الله يجزيكي حسب نيتك................

[a7la 3amoura]

يا هلا بالست عبير كلام اكتر من رائع

[مصطفى معتوق]

هااااااااااااااااااااااي
انت وياها يعني عبير وسحر الشرق ودانيا معكن كمان ....................

انتبهو على ملافظكن نحن هون ......................................

ازا منكن متعودين تشوفو رجال بتعبي العين او محيطكن ما فيه رجال بتعبي العين هادي الشي ما بيعني انو الدنيا خليت من الرجال انتهولي على هالشغلة يرضالي عليكن ..........

قال مهددين بالانقراض قال ..................

وينك يا ريس تجي تشوف الصبايا شبدن ؟؟؟؟؟؟؟؟
انا رح عيطلو ..............

[الريس]

الحلو بالقصة ، انو بنات القلمون مفكرين حالهم شعب الله المختار ، يعني كل واحدة منهم واقفة على البلكون وعم تطلع بالعالم من فوق وعم تصنف وتأنف ومش عاجبها العجب .

يعني الواحدة عم تنتإض على شباب القلمون ، وكأن البنات قطعوا مرحلة الخطأ ، ونسيوا حالهم انو هنة سبب البلاء وسبب كل المشاكل ، نسيو انو أول فتنة بني اسرائيل كان سببها النسوان .

يعني بتنتإضوا على الشب يلي بيطّلع على البنات وببصبص ، ليش ما بتنإضوا على البنت المتظلطة ، انو أنا بدي افهم هل الشب حجر ؟؟؟ وبعدين هي لابسة قصير لحتى الشباب ما يطلعوا ، يعني عم تختبرهم اذا كانوا أوادم ولا لأ ؟؟؟


شوفوا حالكم قبل ما تحكوا ، وعرفوا حالكم انو انتو سبب المشاكل.

شباب القلمون ما في منهم ، بس انتو ما بق يعجبكم العجب ، ولله الحمد هذا الشي عم يكون لمصلحتهم بكتيير حالات ، يعني بيطلع الشب تيخطب أول بنت ما بتقبل والتانية والتالتة كمان ، فبيروح يخطب واحدة من برات القلمون بتكحش القمر وبتقعد محلو من ناحية الجمال ، ومن ناحية الدين ما في كلام نوصفها في ، ومن ناحية التهذيب والأخلاق فيا هيك التهذيب يا بلا ، يعني على القليلة ما بتكزدر بالشوارع ، وما بتتصهصن مع الشباب -بحكم انهم رفقاتها- وما بطإ حنك ، وبتمسع كلمة جوزها ، يعني بصراحة الواحد لو عين يقول عندي مرا ، بقولها هو مرتاح وضحكتوا شبرين كمان ...

هذا الموجود بالقلمون ، عجبكون عجبكون ، وما عجبكون دبروا حالكم ...

[دوكر]

يا هلا بالريس................حبيبي والله..........هدي بوسة مني لاك هادا كلام...........
كلامك مدوزن مية بالمية..............
يعطيك العافية..................

[الريس]

ولك حبيب قلبي انت يا دوكر ، منيح يلي موجود انت هون ، لان هيأتهم ما بينتركوا لوحدهم أبدا .

[سحر الشرق]

بس لو ما اسمك الريس والله الله بيحبك
المهم انا رح حاول قد ما فيني كبر عقلي وما جاوبك
اولا يا سيد حضرة الخواجة المحترم الريسسسسسسسسسسسسسس بيك
انا عارفة انك عم تحكي وبالقلب غصة ميشان هيك ما رح زيدها عليك
وفي مثل بيقول اللي ما بيطول العنب بيقول عليه حصرم او عليق
ورح قلك كلمتين مختصرين انو ضفر بنت القلمون بتسوا الف واحدة غريبة ماو لاني من القلمون لا والله بس فيك تسـال المجربين واللي خطبو وتركوه وفي معنا منن هون وهني بيقولولك
يا محلاك يا بنت القلمون قدام الغريبة اللي والله ما في غيرها بتعرف تربيكن وتربي القملة براسكن
وعلى فكرة اللي بيحكي وبيمشي وبيعمل ما تخاف منه بس ما بينخاف الا من الساكت اللي بيتمسكن ليتمكن
انت حكيت وشملت وما معك حق انا معك انه في فلتان عنا صاير بالضيعة بس هيدا ما بيعطيك الحق انك تعمم ولا تشمل
هلأ صارت بنت القلمون كخة ليش لانها قالتلكن وواجعتكن بحقيقتكن ايه ما تخلينا نحكي وخليها بالقلب تجرح وما تطلع لبرة وتفضح
وبعدين ويني هيدي اللي كحشت القمر وقعدت محله مع احترامي لكل الغربية يلي اجو على ضيعتنا بس ما شفت بعد ولا واحدة كحشت القمر يظهر انكن صرتو بتظلغتو للمعلاق وما بينعتب عليكن
وعلى فكرة اذا البنات لبسو قصير وتظنطرو وتظلطو قالحق مش عليهن الحق على البعولة تاعيتهن والديوس اللي الرسول الله وما صلي عليه حكي عنه
وتاني شي الرجال قوامون على النساء والمرأة او البنت لما تغلط فلازم علبعل او البغل او الاخ هوة يلي يصححها وان ما نتصحو ولا سمعو فبيحقله انه يحبسها في البيت بس للاسف ما في رجال بهلايام في اشباههن الله يرحم ايامك يا سي السيد
بتعرف والله ما الي قلب ادعي عليك انك تعلأ بواحدة من برات القلمون لان انت بتضل متل خيي ولازم سامحك هههههههههههههههههههههههه

[مصطفى معتوق]

يا محلاك يا بنت القلمون قدام الغريبة اللي والله ما في غيرها بتعرف تربيكن وتربي القملة براسكن
هلأ صارت بنت القلمون كخة ليش لانها قالتلكن وواجعتكن بحقيقتكن ايه ما تخلينا نحكي وخليها بالقلب تجرح وما تطلع لبرة وتفضح
وبعدين ويني هيدي اللي كحشت القمر وقعدت محله مع احترامي لكل الغربية يلي اجو على ضيعتنا بس ما شفت بعد ولا واحدة كحشت القمر
للاسف ما في رجال بهلايام في اشباههن الله يرحم ايامك يا سي السيد


عندي اكتر من تعليق وبما انو الموضوع مش سياسة رح احكي بالعامية .

اول شي يا ست سحر الشرأ قولة دوكر بدي منك الله يرضى عليك تروقي شوية علينا .
تاني شي . موضوع الجمال بيختلف من انسان لانسان يعني يلي بشوفو او بشوفها انا حلوة يمكن انت تشوفيها كتير بشعة والعكس صحيح .
هلق بالنسبة لي انا مثلاً الشكل الخارجي عندي شي ثانوي منشان هيك بشوف بنات الضيعة احلى بنات الكون لانن مترابايين على نهج وطريقة معينة مش الكل بس الاغلبية .
انا لمن قلت بالاول انو ما بوخود الا من القلمون كنت قاصد كل حرف قلتو لاني عارف انو متل ترباية بنات القلمون ما في والسبب انو نحنا وياهن تربينا بنفس البيئة ونفس الطريقة .
بس بيضل عنا مسألة صغيرة بس كتير مهمة وهي قصة العمر .
يعني اليوم البنت يلي عم تنطلب للزواج عم تكون فرفورة اول طلعتها والبنت بطبيعتها بهيك عمر عندها نوع من الغرور وكلن بيكونو شايفين حالن ملكات جمال وبقية البنات كخة على قولتك .... منشان هيك عم يصير نوع من عدم الانضبات انا ما بحب سميه لا تزليط ولا قلة اخلاق لانك ازا بتلاحظي اكتر من 90 % من هالبنات بمجرد يقطعو سن ال 20 عم يرجعو يرجعو على جو الضيعة ............................. واخلاقها .
اما بالنسبة للحقيقة يلي عم تدعي انك عم تواجهينا فيها فبحب انصحك نصيحة وانصح كل بنت معك انو طلعولي من قصص فارس جاية على حصان سوالفو طوال ولابس ابيض ومدري شو وبلشو فكرو بعقلانية وافهمو انو الشباب عم يحترق دين دينن ليطلعو القرش بسبب الوضع المرت يلي عم يعيشو البلد . فانتو لازم تكونو البعد الحياتي لنا يلي بيحمينا وبيشجعنا على الاستمرار مش يلي بيخلينا ننحبط بطلباتكن .

وبعدين تعاي لهون لشوف اسن كل ما دق الكوز بالجرة بتعمليلي مؤ في رجال بالضيعة ؟؟؟؟؟
شو مفهومك للرجولية والله انا بعد 3 سنين بالصحرا صار عندي قناعة راسخة انو يلي بيتحمل عيشة الغربة اكبر رجال على وش الارض لانها صعبة هاد ولازم تنتبهي انو يمكن انا اكتر واحد مرتاح بالغربة بسبب طبيعة شغلي وبسبب انو عيلتي بتقضي معي فترة كبيرة من السنة وانا بطبيعتي بحب المشاوير والبحر والمخيمات وهيك قصص بكيف حالي يعني ....

فيكي تعتبري انذار اخير لك وبتمنى انك ما ترجعي تتهجمي على رجولية شباب الضيعة كرمال صحتك هلق ازا مارق عليكي كم واحد تشتوش ما لهن رايي ولا لهن كلمة هاد ما بيعني ابداً انو الكل هيك ها . كوني اكيدة في مين بيوكل راس الحية وبيقطع عرق وبيسيح دم .

بيضل عندي قصة الترباية وقت قلتي انو الغريبة بتربينا ....
اسمعيني منيح :

يلي منو مربى ببيتن ما حدن بيربي ويلي بيكون زلمة ما يعني انو يهين مرتو او يزعلها ان كانت غريبة او قريبة المرا لها احترام وبنفس الوقت عليها واجابات تجاه زوزها ونهار يلي ما بدها تلتزم بواجباتها بتكون هي جنيت على حالها .

[سحر الشرق]

يا اخ معتوق
دايما باي قضيع لازم نشوف الجو العام يلي مسيطر يعني ما فيني اخدك انت او بعض الاخوة المحترمين الجاديين واترك الباقيين الفالتين قدامي وقول شباب القلمون هيك لأ ابدا
للاسف يا خيي معتوق حال شبابنا نقلب فوقاني تختاني وما بقلى الشب القلموني متل ما كان
انت تكلمت وقلت الجمال ماو جمال الشكل وانا بقلك يسلم هلتم وقلت انه بنت ضيعتي عية يلي تربيت معها ببيئة واحدة وتقاليد واحدة ومن انا وطفل وانا وهية يعني كمان هيدا الشي مهم وبيخليها افضل بالف مرة عن الغريبة يلي ما منعرف شي عنها ولف وبروم بتلاقي لا تقاليدها نفس تقاليدنا ولا بيئتها نفس بيئتنا
انا ما عم قول حرام ناخد واحدة من برات القلمون بس عم قول الافضل بنت ضيعتك لانها اولى انك تاخدها وما بيخلا الامر من وجود بنات قمة في الادب والاخلاق والالتزام
انا عم قلك ما بقى عنا غير اشباه رجال ماو لاني حاقدة على شباب ضيعتي ولا لاني بحب اغلط فيهن لا والله حاشى ذلك بس انا من غيرتي عليهن وبركي اذا حشرناهم او رمينا عليهن سطل مايي باردة يفيقو من غفلتهن
وينو يا خي معتوق يلي فالت بنته بنص الليل عم تكذدر وهو نايم واخر همه هيدا برأيك بيكون رجال
وينو الاخ يلي عم يتفتل ويتنقل بين القهاوي وتارك اخته بالشارع عم تحكي مع هاد وهاد وتضجك لهاد وتلطش هاد هيدا برايك رجال
وينو الزوج يلي تارك مرته لهاد ولهاد وكل يوم قصة وهوة مادد اجريه واخر همه برأيك رجال
وينو الاب يلي بنته رايحة تتزوج واحد مسيحي واكتر الشي عمله انه طلع حضر عرسها وباركلها بالزواج يا ترى برأيك هيدا رجال
والله طقح الكيل يا خيي معتوق وعذرونا يعني اذا قلنا اشباه رجال بس لان ما بقى السطل بيساع
بدك تقلي ماو الحق علرجال بدي قلك الرجال المفروض انو هوة عامود البيت الاساس فكيه اذا الاساس اصلا منو موجود او بغيبوبة

[الريس]

قال ضفر واحدة من القلمون بتسوى يلي برات القلمون ، هيأتك ما بترعفي شو في برات القلمون لحتى تحكي هالحكي ، بدك نحكي بتجارب منحكي ، اتفضل يا سيد نزيه خداج احكي ، هل عم تتفاهم مع زوجتك ولا لأ ؟؟ اتفضلوا يا شباب احكوا ......

أنا برأيي هذا الكلام هو مجرد تهلوس وبس ، يعني بنات القلمون مفكرين حالهم شعب الله المختار وقايلين انو الشباب تبعون القلمون شايفينهم ومنهم مصدقين ، ومتوقعين انو كل شب يدقلوا شي 15 باب من القلمون لحتى بالآخر يخد واحدة في أحلى منها وأفضل منها بألف مرّة من برات القلمون .

يا شباب أنا سبق وقلت وبرجع بقللكم ، شفتو بنات القلمون شو هنة ، هيدي الدينة فيهم بتتظرلكم هالنظرة ، يعني صدقوني برات القلمون في بنات بيستمنوا عليكم ، كلهم أخلاق وتهذيب وعلى القليلة بيحترموكم وبقدروا قيمتكم وما بشوفوا بحالهم عليكم .

[habouleh]

ولك يبعتلكن أتلكن شو شايفين بحالكن يا بنات القلمون و أنا أول واحدة فيكن,و لك تنكسروا ع زعامكن شو مطيرين و فاضيين من فوق و أسوء واحدة برات القلمون أحسن منكن,فبقى ضبوا لسانكن و احترموا شبابنا لأن نادر الواحد يلاقي متلن بحنييتن و رومنسيتن

[وسيم أحمد الفلو]

لماذا دائماً تنظرون للقلمون كبلدة فريدة بين البلاد.

القلمون مثلها مثل أي بلدة في العالم العربي والإسلامي وحتى في الغرب.

في القلمون هناك الرجال الجيدون، وهناك السيئون...

وفي القلمون هناك النساء الجيدون والنساء السيئون...

الطلاق والخلافات الزوجية موجودة في القلمون وفي غير القلمون

لن أعود لجدال "من هي زوجتك" ولكن لا أعرف لماذا هذا التحامل على الرجال من بعض الفتيات.

لكل منا عقل يستطيع من خلاله إختيار ما يناسبه من شريك لحياته، أو شريكة لحياته، ولا ينبغي لأي تجربة خاصة أن تقودنا للتعميم.

وشكراً

[سحر الشرق]

ليكوا برجع وبقلكن انه ابن القلمون ما بيلاقي متل بنت القلمون ةولو لف السند والهند اتنها بنت ضيعته من بيئته من محيطه وافكارها وعقلها وحياتها نفسها هية وياها
قد تكون بنت اي منطقة كتير منيحة بس مش لابن القلمون لان اذا بدو يرتاح عنجد ياخد من محيطه
انا مني عم احكي عن الغريبة انها منها منيحة لا وحاشى لله ولكن انا عم احكي بنقطة واحدة فتحوا راسكن وسمعوها ابن القلمون ما رح يلاقي احسن من بنت القلمون زوجة تناسبه
قد تنجح زيجات وقد تفشل زيجات ولكن بالنهاية النسبة الغالبة هية زيجة ابن الضيعة ببنت الضيعة
وعلى فكرة يا ريس انا مني من القلمون وهيدي معلومة احتفظ فيها هههههههههههههه يعني انا ما عم قول الا يلي ضميري شايفه والحق ولو كان ممكن يكون بيطولني كوحدة غريبة

[مصطفى معتوق]

يا اخ معتوق
دايما باي قضيع لازم نشوف الجو العام يلي مسيطر يعني ما فيني اخدك انت او بعض الاخوة المحترمين الجاديين واترك الباقيين الفالتين قدامي وقول شباب القلمون هيك لأ ابدا
للاسف يا خيي معتوق حال شبابنا نقلب فوقاني تختاني وما بقلى الشب القلموني متل ما كان
انت تكلمت وقلت الجمال ماو جمال الشكل وانا بقلك يسلم هلتم وقلت انه بنت ضيعتي عية يلي تربيت معها ببيئة واحدة وتقاليد واحدة ومن انا وطفل وانا وهية يعني كمان هيدا الشي مهم وبيخليها افضل بالف مرة عن الغريبة يلي ما منعرف شي عنها ولف وبروم بتلاقي لا تقاليدها نفس تقاليدنا ولا بيئتها نفس بيئتنا
انا ما عم قول حرام ناخد واحدة من برات القلمون بس عم قول الافضل بنت ضيعتك لانها اولى انك تاخدها وما بيخلا الامر من وجود بنات قمة في الادب والاخلاق والالتزام
انا عم قلك ما بقى عنا غير اشباه رجال ماو لاني حاقدة على شباب ضيعتي ولا لاني بحب اغلط فيهن لا والله حاشى ذلك بس انا من غيرتي عليهن وبركي اذا حشرناهم او رمينا عليهن سطل مايي باردة يفيقو من غفلتهن
وينو يا خي معتوق يلي فالت بنته بنص الليل عم تكذدر وهو نايم واخر همه هيدا برأيك بيكون رجال
وينو الاخ يلي عم يتفتل ويتنقل بين القهاوي وتارك اخته بالشارع عم تحكي مع هاد وهاد وتضجك لهاد وتلطش هاد هيدا برايك رجال
وينو الزوج يلي تارك مرته لهاد ولهاد وكل يوم قصة وهوة مادد اجريه واخر همه برأيك رجال
وينو الاب يلي بنته رايحة تتزوج واحد مسيحي واكتر الشي عمله انه طلع حضر عرسها وباركلها بالزواج يا ترى برأيك هيدا رجال
والله طقح الكيل يا خيي معتوق وعذرونا يعني اذا قلنا اشباه رجال بس لان ما بقى السطل بيساع
بدك تقلي ماو الحق علرجال بدي قلك الرجال المفروض انو هوة عامود البيت الاساس فكيه اذا الاساس اصلا منو موجود او بغيبوبة

لا تعليق ...............

[أم سفيان]

أهلين بألخت سحر الشرق منورة المنتدى
عندي تعليئ عالماشي وبعدين إن شاء الله بعلئ عرواء
روئي شوي مع الشباب نازلة فيهم هالنزلة والله بيستاهلو كل خير الظروف هي اللي عملت فيهن هيك
وبؤل لكل واحد كمان شايف بنات القلمون مانن أد الإيمة يخبي راسو أحسن لأن أمك وأختك من الألمون فإذا بتذم بغيرن بيلحألهم طراطيش
وبالنتيجة الكل خير وبركة ما بأ في عمر وعائشة لا بالقلمون ولا براتها

[دوكر]

يا هلا بالست ام سفيان..................
ناطرين ردك التفصيلي..............
هلأ انا عندي كلمتين ع الماشي كمان...............
ببلش؟؟؟؟؟؟؟؟؟..............طيب يا الله .............ت نشوف ...............
انا ح احكي كم شغلة بشكل عام ............يا ست سحر الشرأ انا مني عارف ليش عندم هل النظرة البشعة للشباب...........؟؟؟؟؟
هدي مشكلة كبيرة عنا انو صايرين كلشي بنعميمو ع كل الفصيلة............
يا اختي ازا في كم شب بضيعتنا غلطو .............اوم بتروحي بتؤلي عن كل الشباب انون منون رجال............و في غيرك كتير عم يحكو بنفس مطأ بعدة موضيع تانية ..........عندك الست عبير و ........و اسا مني متزكر بأ.........المهم ................
بي هل الإيام متل ما ؤلت الست ام سفيان.............مؤ فاي عمر و لا عائشة..........
كلنا عنا اغلاط...............زو كلنا سبب بالفساد لي عم يصير...........يعني ازا انا ما كنت شب من لي بيمشو بالشارع و بيطعو بالراحة والجاية.........مني عم انصح غيري انو ما يكون هيكا...................و انتي ازا ما كنتي من الصبايا لي بيمشو بنص تياب........فا يمكن منك عم تنصحي لي بتمشي بنص تياب انو ما تطلع هيكا.............
ازا ما تنصحنا مح نوصل المحل...............ازا كل واحد منا صار يجي و يحكي لمجرد الحكي ت يورجي غلط غيرو هدا كمان بدو يزيد الطين بلة...........
نحنا عم نحكي ت نلاءي حل منا عم نحكي ت نحط ؤصبعنا ع الجرح و نشاد.............
عارفين انو في غلط عم يصير من إبل الشباب...........و كمان من إبل الصبايا............
بس كلو بيتصلح ازا كان في نية للتصليح.....................
و بتمنى منك شغلة ..................وؤت لي بتحكي ب إسمك المستعار "سحر الشرق"......عرفي انو از انا مني عارف مننك...........في غيري عارف.........لي هو ربنا...........و هو لي بدو يحاسب .................ف بتمنى تدوزني حكيك.........

اخوكم دوكر المعوكر

[محمد الكوسا]

والله مو كل صابيعك متل بعضن يعني امشي بالشارع بتشوفي كتير من اللي عم تحكي عنن وانزلي عالجامع بتتغير فكرتك عن الرجال :D :D mkuz:D :D

[مصطفى معتوق]

أهلين بألخت سحر الشرق منورة المنتدى
عندي تعليئ عالماشي وبعدين إن شاء الله بعلئ عرواء
روئي شوي مع الشباب نازلة فيهم هالنزلة والله بيستاهلو كل خير الظروف هي اللي عملت فيهن هيك
وبؤل لكل واحد كمان شايف بنات القلمون مانن أد الإيمة يخبي راسو أحسن لأن أمك وأختك من الألمون فإذا بتذم بغيرن بيلحألهم طراطيش
وبالنتيجة الكل خير وبركة ما بأ في عمر وعائشة لا بالقلمون ولا براتها


هاد اسمو حكي مدوزن ........................

يعني معليش يا اخت سحر الشرق بدك تروقي على شباب الضيعة شوية ..............

[سحر الشرق]

يا اخ دوكر انا معك انه لازم نصلح بس المشكلة انه منكن عم تتقبله فكرة انكن علط والريس كل شوية بينط وبيقول ايه نحنا اذا غلطنا فانتو السبب وانتو الفتنة يعني كيف بدنا نصلح اذا اصلا ما عم نقتنع ونحط هدف وننطلق منه
انا ما عم افتري على حدن ولا قصدي اني جرح بحدن بس متل ما الشباب ضايعين كمان البنات ضايعين وللحديث تتمة ............