المنقول والمنسوخ

[محمد أحمد الفلو]

بس أنا بطلب إنو تمنعوا الواحد يفتح أكتر من موضوع باليوم!!
لأن فعلا صاير النسخ من المنتديات عامل المنتدى مسخره

[habouleh]

بري عليك يا حميطون

[أم سفيان]

ما بس النسخ اللي عامل المنتدى مهزلة هالتفاهات إلي عم تنحكى عاملة المنتدى مرقص يعني مانو ناقص غير تحطو الأرجيلة وتشغلو أم كلثوم أو عبدالحليم
بدي أعرف المشرفين ويننه ما عم يقرو التعليقات والغراميات إلي عم تنكتب صطبرو شهرين تلاته وبصير متل شارع العشاق وبعدين قولولنا دعوة
آل دعوة آل أنا ماني شايفة في فرق بين المنتدى وبين قهوة التعارف

[الشامي]

السلام عليكم :) .. كيفكم يا جماعة

أؤيد أخي حميطون وأختي أم سفيان بإعتراضهما على تحول ساحات كاملة إلى نسخ ولصق، وهي إنما جُعلت لتكون ساحات حوار ونقاش وتداول أفكار وطروحات تخص القرية في كل المجالات ...

وأيضا يُمكن الإستغناء عن الكثير من التعليقات التي ليست في مكانها الصحيح...

أنا اقتراحي المبدئي أن يكون هناك ساحة تحت اسم ( ساحة المنقول والمنسوخ) تحوي المنقول والمنسوخ من كل المجالات السياسية والدينية وووو...

بانتظار باقي التعليقات

أخوكم:rolleyes:

[فيصل]

صلو على النبي
ولك طولي بالك يا أخت أم سفيان ولك طولي بالك بدا رواق الشغله وبكم نستفيد ,بأي عطينا كم فكره أو اقطراح ولك بكم نستفيد من هل الخبره بس بدا طولت بال الشغله يا ماما أم سفيان

[روعة]

بلاهن أحسن

[HARD]

هناك مواضيع علمية ومقالات ان احب الانسان نقلها ومنقاشتها كيف يتم الامر:confused: ومع العلم انها تدخل بالتصانيف(الساحات) الموجودة الان .

انا لست مع منع النقل ولكن مع الحد منه بتوعية المشاركين وبالاشراف الفعال ، أما ان تفتح ساحة مخصصة للنقل والنسخ فهذه جرصة(اهلا بالاخ الشامي ) .
انا مع الحد من عدد المواضيع لكل مشترك بكل ساحة وباليوم .

اما عن التصويت فالاحتمالات ناقصة كتير.

[دوكر]

يا هلا بالمعلم حميطون...............كيفك يا زلمة............هدي بوسة مني لاك.......
انا معك يا معلم حميطون.......عنا مشكلة مع الموضيع المنؤلة........يا خي الموضوع المنؤلة اكتريتا بتجي أوية........و فيا مفاهيم كتيرة ..........و فيا كتير معلومات ف عم تروح الأساس تبع المنتدى لي هو الحوار و النأش.......يا خي بتفوت ع موضوع منؤل تؤرا بيعجبك.......بس مفيك تضيف ولا فكرة.......يا ما بيعجبك بالمرة و بكون منو حلو بس كمان مفيك تعلء......عنجد علءا...............
يعني ببساطة أغلبية المواضيع المنؤلة منا للحوار.......بس بتعطي رأيك كنا حلوة و لا لأ....
صايرة أليلة المواضيع تبعت النأش.........
انا رأي انو الموضيع المنؤلة تنحصر بي المنتدى العام..................
يعطيك العافية خي حميطون.........و الكل كمان............
اخوكم دوكر المعوكر...............

[الزاهر]

هلأ صرلنا أشهر عالئين بهالأصة......ما دام هالأد هين حلها هون......ليش ما تفصحت يا شامي!!!!!........دوووووووووووووووع!!!!

[Nader 3:16]

ناطرين تحلوها بقا عطونا الحل و نحنا جاهزين

[ساميا]

أنا أرى أنه لا بأس بالنقل أو العودة إلى مرجع والإقتباس منه لكن ليس بالشكل الذي نراه اليوم، فأولاً يجب أن يكون الموضوع المنقول أو الفكرة تفيد مجتمعنا وتصلح للنقاش، أيضاً يجب أن يتدخل الناقل للموضوع فيصوغ الفكرة بأسلوبه الخاص وينزلها على الواقع الذي نحياه، أي أن يستأنس بالفكرة ويتخذ من الموضوع أو البحث مرجعاً له في صياغة فكرته وطرحها طبعاً بعد أن يتأكد من صلاحية البحث في أن يكون مرجعاً يستند إليه.
كذلك لا نفتح موضوعاً جديداً قبل أن يستوفي الموضوع السابق حقه من النقاش والحوار وتستخرج منه العبرة والفائدة، فليس الهدف هو صف الكلام والزحمة بكثرة الأفكار والمنقولات التي تشوش فكر من يقرأها دفعة واحدة وتربك المشرفين في وقت واحد... فليس المنتدى مقهى يرمى الكلام فيه دون تفكر أو مسؤولية بل للتسلية فقط، وليس في المنتدى ساحة نزال أبطالها يجيدون القذف والشتائم، بل من الملاحظ أنهم جميعاً من المتعلمين المثقفين فأرجو أن يعملوا عقولهم الكبيرة في البحث والتدقيق والسعي الحثيث لأكبر فائدة ممكن أن يعودوا بها لبلدتهم الطيبة من وراء طرحهم لشؤونها وشجونها وتعاونهم في إيجاد الحلول البناءة والناجحة لمشاكلها

[الزاهر]

والله يا ست ساميا طلع بلساني عضام وأنا أول هالكلام.......ورجعت بالأخير يئست!!!....
واستنتجت إنو ما بيمشي غير الدعس!!!!!
هههههههههههه

[Nader 3:16]

انا بشوف انو المشكلة هي ليست بالنقل و انما بالناقل اللي في معظم الاحيان بينقل مواضيع بدون ما يقريها ...و الاحلى من هيك ما بدو حدا يعترض عليها

بالاول كان في فكرة انو الواحد يلي بدو ينقل انو ما ضروري ينقل كامل الموضوع و انما مثلاً جزء من موضوع يصور حالنا و يناقش الموضوع على اساسه..

لكن لا جدوى كل ما واحد شاف صورة او ما بعرف ايش بمنتدى تاني بدو يلحشها هون..

انا برأيي انو المواضيع التي تخص الضيعة هي التي لازم تطغى على المنتدى و ليست المواضيع المنقولة و المكررة!!!!!!

و السلام عليكم.....

[wishes]

يللي عم ينادي بعدم السماح بنقل المواضيع و الصور دلني بس عموضوع نقاشي طلع منو نتيجة و تم نقلو للمسؤولين بالضيعة.
ما المهم انو نفتح مواضيع نقاشية و نحكي من هلأ للصبح و يطلع الشعر علسانا المهم النتيجة و للأسف النتائج غير موجودة فلشو لنتعب قلبنا و نسم بدنا خلونا نتسلى بالصور الحلوة و بالمواضيع الأحلى.

[دوكر]

يا هلا بالجميع..............
يا هلا بالست وشيز.........النأش لي عم نحكي عنو الهدف منو منو الوصول المسؤلين......هدا جزء زغير ..............
نحنا عم نحكي عن الحور و النأش لي كل واحد منا بكتسب افكار جديدة منو .........و بيعرف كيف الناس بتفكر.....بيعرف كتير اشياء.......و هو حتى بس يفكر و يحول ينإش هدي فيا فوائد......يمكن يؤرا كتاب ت يرد ع شي شغلة .......هه ستفاد.............و هيكا........
و هدا الشي منو عم يصير بي لأنو المواضيع المنؤلة صعب الواحد يعلء عليا ..........

اسا شبدي ؤل.................؟؟؟؟؟؟؟؟؟؟؟
مرة تانية..................
اخوكم دوكر المعوكر

[مصطفى معتوق]

مممممممممممممم

هلق في شغلات ضروري تنقل متل الاخبار بالساحة الرياضية يلي انا عم انقلها
او بعض المقالات بالساحة السياسية .
بس انا بعتقد انو نقل مغامرات عبسي وقصص ليلى والذئب من غير منتديات لازم تتخفف وما تمنع نهائي ................

هلق يلي عم يطالبو باجراء حوارات انا عندي سؤال مهم لهن ..........................

فيكن تقولولي كم واحد بالضيعة مؤهل يفوت بنقاش فلسفي او عقائدي او حوار سياسي من بنات افكارو ؟؟؟
الا ازا بدن يحولو المنتدى من منتدى متنوع الى ساحة فلسفة عربية عقيمة او جدل بيزنطي .....

صحيح انو انا تحفظت على كترة النقل بس هدفي كان تشجيع الشبيبة على الانتاج والابداع ومش اني اتفلسف على العالم وقول انو ما بدنا نشوف بالمنتدى الا فرويد وفوكو ونيتشة والغزالي ...

الترفيه مطلوب بالحياة بس بشرط انو ما يوصل لحد السخافة ...

مع العلم انو في بعض الاشخاص يلي بيعملو حالن عم يناقشو ويجادلو بمواضيع حساسة بس بتكون افكارن وارائن اسخف من اي عبرة او حكمة منقولة من منتدى تاني ...

هون لازم المشرفين يلعبو دور اكبر من خلال مراقبة المواضيع المنقولة ويحذفو المواضيع يلي ما بتكون اساس للانطلاق نقاش ........................................

وبقترح على الشبية يلي معرضين فكرة النقل يشكل كامل بدل ما يعملو متل جامعة الدول العربية يعني جماعة طق حنك يشمرو عن زنودن ويفتحو مواضيع مثيرة للجدل ..... وحاجتن تنظير

ملاحظة للفلاسفة عنا بالمنتدى : في مادة بالمدرسة اسمها تارخ العلوم وهالمادة بتحكي عن تطور العلوم عند الشعوب وبتحكي عن تتابع الاجيال لمن بيجي جيل بينسخ دراسات الجيل يلي قبلو وبيطورها للجيل يلي بعدو يعني لولا النقل اساتنا لحد هلق بلا اختراع الدولاب ....
(تحية اكبار واجلال الى الاستاذ الفاضل احمد حليس والصديق محمد طبارة)

الرفيق معتوق

[الشامي]

السلام عليكم ... كيفكم يا جماعة:)

أولا أشكر كل من شارك برأيه في هذا الموضوع وبذكركم انو في استفتاء فأرجو المشاركة فيه...

الأمر واضح ، لا أحد يعترض على نقل جُملة أو دليل أو (خبر) صغير للتعليق.. ولكن النقل الأعمى الذي يتم بكل الساحات صار ظاهرة رح تخللي المنتدى يخرج عن الهدف... يا شباب ويا صبايا هذا منتدى لبلدة (القلمون) لنقاش مشاكلها ومشاكل أهلها ومشاكلنا احنا سواء وصلنا لحل أو لأ بس دوما البداية هي النقاش والحوار حول كل أمر بيخص القرية والنتيجة تأتي فيما بعد...

نعم لسنا جهابذة في النقاش والحوار ولسنا كلنا مُفكرين ولكن هذا لا يمنع أن نرتقي بأنفسنا ونناقش أفكارنا لترتقي هي أيضا... أهم ما في الأمر أن يكون النقاش قائم على الإحترام والقبول بالرأي الآخر والبحث عن الصواب سواء عندي أم عند الآخر...

بذكر جميع الأعضاء انو المنتدى والموقع ومن خلال الإحصائيات الخاصة به يزيد عليه الضغط يوميا... فالأمر مُهم، والإرتقاء بطريقة النقاش والمواضيع المطروحة التي تخص البلدة مهم أيضاً...

كمان قضية تحويل وتحوير الموضوع بالمشادات أو المحادثات الجانبية التي تُخرج الموضوع عن هدفه أمر يجب أن نتنبه له... يعني في أمور يا جماعة الخير فيه الواحد يحكيها على الخاص أو على المسنجر مع اللي بدو ياه، دون جعل المواضيع تخرج عن مسارها...

عم نرجع نلف وندور حول الموضوع لأنو موضوع مهم... نحن هنا لنُفيد ونستفيد ونحاول جعل هموم قريتنا وأفراحها ومشاكلها هي الطاغية فهذا هو الهدف الأول من المنتدى...

وأذكر الجميع اننا أبناء بلدة واحدة وأبناء عائلات كلها مُتصلة بقرابة أو مصاهرة وكلنا تربينا بين ربوع القلمون وأحببناها وأحببنا أهلها... فلا داعي للنزول بمستوى النقاش للوصول إلى أساليب لا يرضاها ديننا ولا ثقافتنا ...

والإختلاف بالرأي لا يؤدي إلى التنافر ... بالعكس هذا يدعونا للصبر على الآخر إن كان ما ندعو إليه حق ونريده أن يظهر :)...

أخوكم:rolleyes:

[محمد أحمد الفلو]

السلام عليكم :) .. كيفكم يا جماعة

أؤيد أخي حميطون وأختي أم سفيان بإعتراضهما على تحول ساحات كاملة إلى نسخ ولصق، وهي إنما جُعلت لتكون ساحات حوار ونقاش وتداول أفكار وطروحات تخص القرية في كل المجالات ...


أكيد أنا مع النسخ لكن موضوع واحد للشخص باليوم مش أكتر.

بس هلأ خلصنا من موضة النسخ وبلشنا بالإشراف !!!!!
شي بيعمل تصويت عكحش معتوق ! وشي بدو يسكر موضوع وووو
وأنا وصلتلي العدوى فطلبت الطلب وفتحو الأخ الشامي للتصويت !!!
بس يا شامي ليش خدتا بالعجقه وما عبرت فكرة إنتخاب المشرفين ؟؟؟

[HARD]

عندما يتحول الانسان الى ببغاء يقتطف من هذا المقال تعبيرا او من التلفاز كلاما فلسفيا ،
ويعود ويصيغة مع احرف الوصل وبعض احرف الجر مع مفاتيح الموضوع والكلمات القلمونية المعبرة يفتكر هذا انه اصبح فيلسوف زمانه وانة ذو ساعد قوي وحجة دامغة يعني قديم بالمهنة ، وليس من العيب بمكان ان ندخل بنقاشات لا نصل بها الى نتيجة ولكن الهدف هو الوصول الى نتيجة .
نعم الحمد لله القلمون مشهورة بكثرة المثقفين فيها ويوجد الكثير ممن لديهم الثقافة العالية والفكر النير للدخول في نقاشات دينية سياسية وعلمية وفلسفية واقتصادية وتجارية وقومية الى ارفع مستوى موجود والحمد لله ،انا اللذي اراه من البعض انه يستهين بأهل القلمون وكأنه ليس منهم، الحمد لله على كل حال ، اما بالنسبة للنقل شوفو كيف يتم التعامل من قبل اصحاب الخبرة والمنتديات القديمة مع المنقول فان اعجبتم بالطريقة كان خيرا وان اجمعتم على ترقيتها من بنات افكاركم بشيئ جديد كذلك كان خيرا وبركة ، المهم ان المنتدى هو للحوار وكذلك هذا لا ينفي وجود بعض المشاغبات والمواضيع الترفيهية ولكن بالاماكن المخصصة لها.
اما عن المشاكل فيمكن ان تكون بشكل جميل كهجاء او ما شاكل ذلك من نثر او كلام لادغ ولكن بتهذيب :Dوعدم وصف الناس باخلاقهم:mad: واذا تم الخروج عن الحدود الادبية :mad:نريد حسم سريع من المشرفين :) .

[habouleh]

بري عليك يا حميطون

[dania]

والله انا شايفة انكون كبرتوا الموضوع اكتر من حدوا

يا حميطون نحنا بي هيدي الايام حياتنا صارت كلها شغل ومشاكل وتعب

والواحد بينتظر تا يرجع البيت ويرتاح فا شو المشكلة بنقل المواضيع و نخسها

واذا لا حظت اكتر المواضيع الي عم نشارك فيا كلنا وعم نكون مبسوطين ومرتاحين هي بمواضيع المنقولة

انا مش عم قول ما معك حق لأ بالعكس معك حق ونص بس والله صغروها بتصغر وكبروها بتكبر

مع احترامي لكل واحد رد عليك بي هيدا الموضوع بدي قلون انتو اكتر عالم بتشاركون بالمواضيع المنقولة

انا مع عدم السماح بي انو ينزل العضو الواحد موضوعين على الاكتر باليوم الواحد

بس اذا بدنا نسمحلوا ينزل موضوع واحد على هالحالة المنتدى بيموت ما بيعود حدا بيشوف حدا

عشان هيكي يا حميطون مش ضروري نفتح قسم للمنقول والمنسوخ وصلوا على النبي وخلينا هيكي حلوين وما بدا نكبرا اكتر عن هيكي

وهيدا ما بيمنع العضو ينزل موضوع ما يكون منقول هيكي هو بيستفاد ونحنا منفيد

اما مني وعلي والله من تعب الشغل وتعب الغربة ما الي جلادة افتح موضوع وناقش فيه

بس لما بكون مرتاحة صدقني ما بقصر

وشكرا على موضوعك القيم

[وسيم أحمد الفلو]

يجب إضافة خيار ثالث للإستفتاء، وهو عدم منع "النسخ واللصق"

[مصطفى معتوق]

يجب إضافة خيار ثالث للإستفتاء، وهو عدم منع "النسخ واللصق"

مزبوط الدكتور معو حق او رح يطلع التصويت متل تجديد البيعة يا نعم يا موافق ؟؟؟؟

[الريس]

أنا عاجبني الوضع هيك ، يعني اذا الواحد عجبو موضوع واستحلاه للعالم لي بهالمنتدى شو فيها ، ولا مفكرين كل الناس مفكرين ومحللين .


يعني أقل شي نقول شكرا للناس يلي عم تعطي المنتدى من جهدها ومن وقتها .

كل واحد يفوت على الموضوع يلي بدو ياه

[dania]

مزبوط الدكتور معو حق او رح يطلع التصويت متل تجديد البيعة يا نعم يا موافق ؟؟؟؟

هههههههههههههه;)
حلوة هيدي

[dania]

أنا عاجبني الوضع هيك ، يعني اذا الواحد عجبو موضوع واستحلاه للعالم لي بهالمنتدى شو فيها ، ولا مفكرين كل الناس مفكرين ومحللين .


يعني أقل شي نقول شكرا للناس يلي عم تعطي المنتدى من جهدها ومن وقتها .

كل واحد يفوت على الموضوع يلي بدو ياه


انت ما بتحكي الا درر ;)

وانا كمان عاجبني كتييرررر هالوضع يا حميطون :)

[وسيم أحمد الفلو]

شكراً للمشرف على سرعة الإستجابة :) بس ميزعل "أبو يزن"

أنا أؤيد أخي الريس في ما ذهب إليه.

بالنسبة لتحول المنتدى إلى طق حنك وشارع للعشاق، فلا أملك تعليقاً على ذلك ... وأعتقد ان الأمر مبالغ فيه قليلاً

ولكن بالنسبة لمسألة إستخدام المنتدى في الدعوة وإفتقاره إلى ذلك، فهذا يعود إلى ضعف المواضيع الإسلامية المطروحة عموماً وإلى هزالتها، وخوضها في العموميات، وبأن بعض المواضيع الهامة القليلة تذهب إلى المؤخرة لطغيان المواضيع الأخرى.

أنا اقترحت فكرة التركيز على إقامة ساحة لا يملك فيها الأعضاء بمفردهم حق إنشاء مواضيع (إلا بطلب من المشرفين) ويملكون فقط حق التعليق على الموضوع المطروح، وأن يكون هذا الموضوع المطروح هادفاً ومن العيار الثقيل في التميز والإبداع إن لجهة الفكرة أو الأسلوب.

والسلام عليكم

[مصطفى معتوق]

أنا اقترحت فكرة التركيز على إقامة ساحة لا يملك فيها الأعضاء بمفردهم حق إنشاء مواضيع (إلا بطلب من المشرفين) ويملكون فقط حق التعليق على الموضوع المطروح، وأن يكون هذا الموضوع المطروح هادفاً ومن العيار الثقيل في التميز والإبداع إن لجهة الفكرة أو الأسلوب.

والسلام عليكم

وانا بضم صوتي لصوتك الفكرة هايلة !

[جابر دملوك]

إخواني و أخواتي : السلام عليكم و رحمة الله و بركاته.
كلنا بينقل وبينسخ في حياتنا اليومية فتارة نؤيد فكرتنا بآية قرآنية أو حديث نبوي أو بيت شعر أو حتى مثل شعبي يتوارثه الأبناء عن الآباء.
فإن كان هذا هو حالنا دائما فما المانع منه داخل المنتدى و لكن لكل أمر من الأمور حدود و كما قيل : " كل شي زاد عن حدو نألب لضدو " و أيضاً " الزايد (+) خو النائص (-) ".
تصوروا لو أن أحدنا من شدة تعلقه بالقرآن لا تكاد تراه يوماً إلا مستمعاً له قياماً و قعوداً و على جنبه و لأشهر القراء و أعذبهم صوتاً و لكنه لم يتعب نفسه و لو للحظة واحدة أن يقرأ سورة الإخلاص حتى أنه إذا صلى صلاة لله تعالى (شغل شريط القرآن بصوت عبد الباسط بدل ما يؤرا هو " و هيكه هو حال هلي كل مواضيعو نقل وحتى ردودو كمان نقل جايبا من ردود ناس تانيين بمنتديات تانية.
و بالعربي أو بالسوري المفلطح متل ب " باب الحارة " ما بظن إنو حدا من كل أعضاء المنتدى بيحب يكون متل ( بو بدر و أم بدر و حتى متل بدر نفسو )
(أم بدر بتستعير كل شي من الجيران و هادي أصة النقل الزايد عن حدو كتير)

[صلاح الفلو]

السلام عليكم,
حول موضوع النسخ أعتقد بأنه لا يجب بأي حال من الأحول منع الأخوة من وضع مقال معين والتعليق عليه. فرب مقال منقول أفضل من نقاش ساعات بلا معنى.
أكثر التعليقات تشتكي من كثرة المنقول وفي ذلك وجهة نظر ولذلك أقترح على المشرف آلية لغربلة المواضيع فمثلا,

عند اضافة الموضوع يصنفه صاحبه في خانة المنقول ولا يتم زيادته الا بعد موافقة اثنين من المشرفين
أو يوضع علامة للمقال المنقول وكل مقال يعترض عليه مجموعة من المشاركين يتم حذفه أليا.
أو كل موضوع منقول تقل التعقيبات عليه عن خمسة يتم حذفه في اليوم التالي
أهلا بالاقتراحات ...في النهاية أنا مع النقل وعلى الأخوة المشاركين حسن استعمال هذه الوسيلة

[HARD]

السلام عليكم,
حول موضوع النسخ أعتقد بأنه لا يجب بأي حال من الأحول منع الأخوة من وضع مقال معين والتعليق عليه. فرب مقال منقول أفضل من نقاش ساعات بلا معنى.
أكثر التعليقات تشتكي من كثرة المنقول وفي ذلك وجهة نظر ولذلك أقترح على المشرف آلية لغربلة المواضيع فمثلا,
عند اضافة الموضوع يصنفه صاحبه في خانة المنقول ولا يتم زيادته الا بعد موافقة اثنين من المشرفين
أو يوضع علامة للمقال المنقول وكل مقال يعترض عليه مجموعة من المشاركين يتم حذفه أليا.
أو كل موضوع منقول تقل التعقيبات عليه عن خمسة يتم حذفه في اليوم التالي
أهلا بالاقتراحات ...في النهاية أنا مع النقل وعلى الأخوة المشاركين حسن استعمال هذه الوسيلة

الله يبارك بكم هذا الكلام الصح يا شباب

[nana]

والله يا ست ساميا طلع بلساني عضام وأنا أول هالكلام.......ورجعت بالأخير يئست!!!....
واستنتجت إنو ما بيمشي غير الدعس!!!!!
هههههههههههه

بس موضوع مقابلات الاعضاء منقول ومنسوخ عن منتدى حسب معلوماتي :D

[Mr F]

السلام عليكم,
حول موضوع النسخ أعتقد بأنه لا يجب بأي حال من الأحول منع الأخوة من وضع مقال معين والتعليق عليه. فرب مقال منقول أفضل من نقاش ساعات بلا معنى.
أكثر التعليقات تشتكي من كثرة المنقول وفي ذلك وجهة نظر ولذلك أقترح على المشرف آلية لغربلة المواضيع فمثلا,

عند اضافة الموضوع يصنفه صاحبه في خانة المنقول ولا يتم زيادته الا بعد موافقة اثنين من المشرفين
أو يوضع علامة للمقال المنقول وكل مقال يعترض عليه مجموعة من المشاركين يتم حذفه أليا.
أو كل موضوع منقول تقل التعقيبات عليه عن خمسة يتم حذفه في اليوم التالي
أهلا بالاقتراحات ...في النهاية أنا مع النقل وعلى الأخوة المشاركين حسن استعمال هذه الوسيلة

فكرة رائعة ولكن تحتاج مجهود كبير من المشرفين فهل هم قادرين على ذلك

[فيصل]

صلو على النبي
ألله يبارك بكل الشباب ....بس هيدي مشكلت النقار بين بعضنا البعض بلاها .....خلينا نكون حضاريين بالمنتدى ...ونجاوب بشكل محترم موش نقار ......والموضوع يلي بينطره نرد عليه بشكل مهم كي نصل لنيجه ونخلي المنتدى ساحة حوار موش ساحة نقار.....


http://www.up1up2.com/uploads/0c85058bdd.gif

[دوكرة المعوكرة]

بس موضوع مقابلات الاعضاء منقول ومنسوخ عن منتدى حسب معلوماتي :d
منقول الفكرة
و متل كل البرامج التلفزيونة منقول الفكرة :):):)