شي هالشغل يا مشرفين ؟؟؟

[الريس]

أنا اليوم ما رح لف وما رح دور ، جايية وفاتح هالموضوع لأن كتيير سامتلي بدني المشرفة يلي اسمها ساميا ، وغيرها كمان ...


يعني أنا حابب أعرف كيف عم تحذف وعلى أي أساس عم تحذف المشاركات ، يعني لما فاتو بهدلوا للشيخ رياض ونشحو عرضو نشح وما حدا حذفهم على أساس حوار ، طيب وبوفت واحد تاني بيرد على كلمة موجهة له ، فبلاقي انو رد انحذف والاهانة يلي كانت موجهة اساها .

فلو سمحتم اطلعونا على قوانينكم ، أم أنها قضية مزاجية ؟؟؟

ما حدا يقللي حدود الأدب و... لأن هذه الحدود نسبية تختلف من شخص لآخر ولا أعتقد أنك يا أخت ساميا مصحفا لنقيس عليك .

[سحر الشرق]

والله يا ريس معك حق يعني ما حدن بيحقلو يحذف هيك من عنده من دون تقرير وانا بكوني مشرفة بعدة منتديات ومديرة عامه بمنتدى كمان قبقلكن انه لازم لما اي مشرف يحذف مشاركة لازم يبعت رسالة خاصة للعضو عشان يقول فيها سبب الحذف لان ما مسموح الحذف على العمياني احتراما للاعضاء

[روعة]

كل مشرف مسؤول عن قسمه
والأخت ساميا بارك الله بها وبكل ما تقوم به

[الزاهر]

يا أبضاي......المشرف....ما بيكون مشرف على كل المنتدى....... بيكون مشرف على ساحتو.......هادي شغلة المشرف العام!!!!

[دوكر]

يا هلا بالريس.............انا بضم صوتي لصوتك..........ليش هل الشي عم يصير ع منتدانا......هلأ ازا كان المشرف صحبة هو ولي مغلط بصير الغلط صح.................
كنا ضربنا صحبة المعلم الشامي ........ساعتا محدا بحكينا......ازا الواحد ما في يتحمل توابع الكلمة لي بيحكيا........و منو مسؤول عن كلامو..........ف ما في داعي يكتب.............
بتمنا انو تعرفونا ع ايا اساس بتنلغا المشاركات.............
و يعطيكن العافية.............

[ساميا]

لم تمض لحظات على كتابة وتبرير حذفي لمشاركة (هبولة) والأخت عبد الله الشقيق حتى إطلعت على ردك يا ريس، على (هبولة) كذلك، الذي يشبه كثيراً رد عبد الله الشقيق إلا انه مختصر اكثر، فكيف أحذف مشاركته ولا أحذف مشاركتك؟!
وإليك الرد مرة أخرى لعله يوضح لك الأسباب، فأنا لست مصحفاً كما تدعي ولا اريدك أن تقتدي بي لكني أناشدك وأناشد غيرك أن تتحلوا في ردودكم بأخلاق من تنزل عليه المصحف والذي كان خلقه القرآن...




السلام عليكم ورحمة الله وبركاته
إلى الإخوة الكرام أعضاء منتدانا الموقر:
أنا حتى الآن لا أستطيع تفسير الأسلوب السائد والمنطق المعوج الذي يغزو حواراتنا في جميع المواضيع التي تطرح للنقاش، ألا وهو منطق السخرية في الخطاب بين الإخوة، فيقوم أحدهم بتقديم مشاركة يغمز فيها من قناة آخر ويسخر منه بطريقة أو بأخرى متناسياً قول الحق تعالى: " ولا تلمزوا أنفسكم ولا تنابزوا بالألقاب" أو حديث رسول الله صلى الله عليه وسلم :" من كان يؤمن بالله واليوم الآخر فليقل خيراً أو ليصمت." أو قوله :" لا يؤمن أحدكم حتى يحب لأخيه ما يحب لنفسه." فإن كان أحدنا لا يرضى أن يكون (مسخرة) أمام غيره ويتعرض له أحد بالإستهزاء أو التجريح العلني فلماذا يقبل هو الإستهزاء العلني بغيره؟!
لكن سرعان ما يؤتي هذا السلوك المعوج ثماره الفاسدة، فالذي يتلقى الإهانة أو السخرية يستشيط غضباً لنفسه ومقامه الذي هو في نظره أكبر من أن يتعرض له (تافه) بكلمة، وتكبر القصة إن كان الفرق الإجتماعي أو التعليمي بين الإثنين كبيراً، مع أن العلم والشهادات العالية والثقافة الواسعة أسباب للتواضع وخفض الجناح " وما تواضع أحد لله إلا رفعه "، وفي غمرة الغضب العارم يأتي الرد (العلمي المفحم)، فإن كان قد تلقى إهانة أو سخرية واحدة فإنه يرد بعشرة وبدرجة أقوى ولا يحس أنه بذلك يهوي بمقامه (الرفيع) الذي غضب لأجله ووقع في نفس الفخ الذي إستنكره وإعترض عليه...
وبعد هذا وذاك يأتي الرد المضاد وتتوتر الأجواء وتنشأ الإحن والأحقاد... أما الموضوع الأساس فترحموا عليه فقد ضاع منذ زمن في غمرة المشاحنات اللامسؤولة...
فإلى متى وكم حوار سيؤول مصيره إلى هذا ومتى سنرقى بأسلوبنا الحواري إلى مستوانا الثقافي والإجتماعي والتعليمي وقبل هذا وذاك متى سنزن الكلمة التي تخرج من أفواهنا بميزان الفاروق عمر بن الخطاب رضي الله عنه الذي تمنى لو أن له عنقاً كعنق الجمل حتى يزن الكلمة قبل النطق بها مع أن الله تعالى أجرى الحق على لسانه وفي قلبه؟!!! أين نحن من هذه القيم، هل غاب عنا أن الكلمة يقولها العبد لا يلقي لها بالاً ربما تهوي به في جهنم سبعين خريفاً – أعاذنا الله وإياكم...

[صلاح الفلو]

يجب علينا أن نشكر الأخت ساميا والمشرفين على الوقت الذي يقضونه لترشيد المنتدى وكم من موضوع هادف حرف عن مساره بسبب المشاركات الغير مسؤولة
أرجو من كل من حذفت له مشاركة أن يجلس مع نفسه ويقيم ما كتب فسوف يعلم أن المشرف كان منصفاً.

[الريس]

أول شي يا سيد مازن ما دامك معنا ، فليش صوتت بعكسنا ، يعني انت مبين انت اخترت الرأي يلي ضدنا .

تاني شغلة ، أنا لما بكون عم احكي فكرة ، يرضى عليكي يا ست روعة ما تخلطي هالفكرة بتاريخ المناقش حوله و...


أنا ما قلت للأخت ساميا الله لا يبارك فيها ، وما قلت انها ما عم تعطي من وقتها ، بس هذا الشي ما بيمنع انو اتكون سياستها ما منيحة أو فيها شيء من الخلل .

بعدين مين قال يا سيد زاهر ، انو اذا كانت مشرفة على ساحتها وبس فساعتها ما في تقصير ؟؟؟

يعني أنا بلا ما كون بعرف مين ساميا ومين روة عرفت انهم صحبة ، لأن لما فات وسيم فلو وكتب عن أختو مزحة ساعتها بالثانية انحزفوا ، طيب ليش ما حذفت تبعون عمار أو تبعون صلاح ، ليش بس تبعون روعة .

شغلة تانية ، لما فات المهند وكتب رد للي اسمها عبير ، بالثانية ردو انحزف ، مع انو مشاركتها الأصلية كان فيها ما يستحق أن يقتلع الموضوع من شلوشو مش بس انو يشيل هيديك المشاركة .

أنا بدي افهم ، هل يلي بكونوا صحبة مع الأخت ساميا ما بينحذفلهم وغيرهم آه ، اذا كانت القصة هيك ، لا تلفو ولا تدوروا وحكوها بالعربي المشبرح ، واذا غير هيك اتفضلو برورلنا .

وبتمنى انو اذا الواحد ما كان عندو رأيي وما بيعرف شو عم يصير بالمنتدى وشو عم ينحذف ما يصوت ، لأن صوتوا أمانة ، وما عطي هالأمانة حقها .

يا صوتوا عن قناعة يا لأ ، وبعدين اتأكدو منيح وين عم تكبسو .

[دوكر]

يا هلا بالست ساميا.............و المعلم صلاح............
محدا حكي شي عن الجهود لي عم تعملا الست ساميا ........يعني هي عم تتعب منشان المنتدى.......و عم تحاول تشارك و تخلي ساحتا فيا الموضيع الهادفة............بس كمان منو هيكا ......ازا الؤصة بتخص عالم مأربين منا فا بتحزف المشاركات.......مبصير.......
انا مني عم احكي عن هل الؤصة .......عم احكي عن ؤصة تانية بالمرة................
و معك مية بالمية يا ريس.........ان لوحظت نفس الملاحظة تبعيتك...............
و برجع بؤلك يعطيكي العافية ع جهودك................

[Salim]

الله يبارك فيكي يا أخت ساميا على جهودك الكبيرة في المنتدى. شكراً والله يعطيكي القوة والصبر.

[ساميا]

وإلى الأخت سحر الشرق أقول: أحياناً الكلام لا ينتظر الإستئذان من صاحبه قبل حذفه فربما تحدث الطامة إن لم يكن التصرف سريعاً...
وعندما لا أكتب سبب الحذف فإن ذلك يكون مراعاة للشخص فبالنسبة لي إن كتبت جملة (خارجة عن حدود الأدب) أو ( غير موافقة لشروط الكتابة في الساحة) أو... أعتبر ذلك ربما يسبب إحراجاً للشخص الذي أرجو منه أن يتحرى عن السبب إن كان يريد معرفته ويسألني شخصياً إن كان يهمه الأمر أو لم يتبين له...

وإلى الأخ دوكر:
عرفتك في جميع مشاركاتك منصفاً إلا في تعبيرك الأخير: {ليش هل الشي عم يصير ع منتدانا......هلأ ازا كان المشرف صحبة هو ولي مغلط بصير الغلط صح.................}
فأرجو أن لا يعمينا الغضب من قول الحق ولو على أنفسنا ... والسلام عليكم ورحمة الله وبركاته

[مصطفى معتوق]

وا أسفاه ........................

رح اكتفي بهالعبارة ..................

[روعة]

الريس, كم أنت إنسان متناقض

[دوكر]

يا هلا بالست ساميا.......بتعرفي اني عم ؤكتب هل الكلام انا مبسوط من كل ألبي.....مني معصب ولا نتفة........
فأرجو أن لا يعمينا الغضب من قول الحق ولو على أنفسنا ...

و انتي لي ؤلتيا........طيب منو مزبوط حكي انا و الريس انو عم يصير إلغاء مشاركات ع اساس معرفة بينك و بين لي عم ينكتب عنون....؟؟؟؟
و ارجو انا لا يفهم كلامي انو تهجم ع حدا بس من شان نرتقي بالمنتدى للأفضل.....و هدا من اهدافكن ك مشرفين.....

[الريس]

أول شي ، بتمنى عليكي يا أخت ساميا ، ما تفهمي كلامي تجريح واهانة لك ، أنا شفت مشكلة وحبيت اني ناقشها بالمنتدى ، وما بعرف مين انتي ولا بأي جامعة ولا شعم تدرسي ولا أي شي عنك ، أنا حبيت وصل فكرتي ، وبس .

بالنسبة لموضوع الرفقة مع الفتايات في الشنزيمر وعدم حذف أي من مشاركاتهن فأنا ما زلت مصرا على هذا الموقف .

أنا لست مع التجريح العلني ولا السخرية من شخص معين ولا أي شيء من هذا القبيل ، ولكن قولة جورج عدوان "الرصاصة لن ترد بوردة" .

الحلو بالمنتدى انو فيه جو أخوة وجو مزح ، أحيان كتيير شغلات بتكون عم تنحكا وهي مجرد مزح ما أكثر ، بس بتحذفوها انتو ، وأحيان في كلمات بتشوفيها انتي راكزة بس هي بالأصل بتعلق كل القلمون أدد ما فيها ولك بتفتح جبها وحدها ، يعني هلأ بربك أنا بدي اسألك ، مشاركة هبولة -يلي يشهد الله اني ما بعرف مين هية أو هو- ورد عليه البسيط جدا والرتوني ، هل كانت تلك الكلمات تحمل في طياتها فتنة أكبر من تلك الكلمة التي قالتها بنت في ذلك اليوم ، والتي ظل شباب القلمون يتكلمون عليها لأيام وأيام ، حينما قالت (بالقلمون ما في شباب بملوا العين) ودليتني أنا اقرأ هالكلمة شي أسبوع ، وصرنا انرد وانرد و... وانتي ما حسيتي انو فيها فتنة مع انو كل شباب القلمون اتضايقوا منها ، وصاروا يحكوا عليها .

فيا ريت اتفصليلنا شو المعايير يلي انتي على أساسها عم اتقيسي الأمور واذا كانت مؤذية أو لأ ، يعني أنا في كتيير كلمات بتنكتب وبتكون جارحة لي ولكل الشباب وما بتنحذف ، وفي كلمات بتنحذف وأنا ما بزعجني أبدا وبعتبرها مزح روتيني .

[ساميا]

بالنسبة للأخت روعة فأنا لا أنكر صحبتي معها ومع غيرها وأسأل الله أن يديم هذه الأخوّة ويبارك فيها، لكن المشاركة التي تتحدث عن حذفها أنا لم أطلع عليها حتى أحذفها وقد أوضحت ذلك لأخ وسيم الفلو ورجحنا أنه ربما يكون هناك سبب تقني منع ظهور المشاركة ( والأخ زاهر شاهد على هذا الأمر)

وبالنسبة للأخت عبير والمهند فطالما كانت المناقشات بينهما مقبولة (إلى حد ما) لم أتدخل، وشاء الله أن أكون موجودة ساعة كتب رده على عبير وكنت أقرأ ردها في تلك الآونة، لكن الكلام الشديد الذي تضمنه رد المهند إستدعى حذفه السريع وبعد ذلك التبرير وبإمكانك أن تسأل الأخ هارد عن ما كتبه المهند والصرخة التي أطلقها الأخ هارد إلى المشرفين بضرورة حذفه سريعاً ثم عاد الهارد وحذف كلامه بعد أن تبين له أن مشاركة المهند حذفت... ثم تحول الموضوع للمناقشة عبر الرسائل الخاصة ...
وعبير هي إبنة خالي، ولو وضعت ذلك في الحسبان لما إنتقدت أسلوبها مباشرة وعلناً بعد حذف مشاركتها...
لعلي قد أوضحت لك ما أردت إستيضاحه...
جزاك الله خيراً

[الريس]

الريس, كم أنت إنسان متناقض

بتشكر كتيير كتيير ، منونك أنا .

[الريس]

بالنسبة للأخت روعة فأنا لا أنكر صحبتي معها ومع غيرها وأسأل الله أن يديم هذه الأخوّة ويبارك فيها، لكن المشاركة التي تتحدث عن حذفها أنا لم أطلع عليها حتى أحذفها وقد أوضحت ذلك لأخ وسيم الفلو ورجحنا أنه ربما يكون هناك سبب تقني منع ظهور المشاركة ( والأخ زاهر شاهد على هذا الأمر)

وبالنسبة للأخت عبير والمهند فطالما كانت المناقشات بينهما مقبولة (إلى حد ما) لم أتدخل، وشاء الله أن أكون موجودة ساعة كتب رده على عبير وكنت أقرأ ردها في تلك الآونة، لكن الكلام الشديد الذي تضمنه رد المهند إستدعى حذفه السريع وبعد ذلك التبرير وبإمكانك أن تسأل الأخ هارد عن ما كتبه المهند والصرخة التي أطلقها الأخ هارد إلى المشرفين بضرورة حذفه سريعاً ثم عاد الهارد وحذف كلامه بعد أن تبين له أن مشاركة المهند حذفت... ثم تحول الموضوع للمناقشة عبر الرسائل الخاصة ...
وعبير هي إبنة خالي، ولو وضعت ذلك في الحسبان لما إنتقدت أسلوبها مباشرة وعلناً بعد حذف مشاركتها...
لعلي قد أوضحت لك ما أردت إستيضاحه...
جزاك الله خيراً

يا أختي مشاكرتها وكلامها بقي حوالي الأسبوع ، ان لم تكوني قد قرأتيها فتلك مصيبة ، وان كنت قد قرأتيها ولم تحذفيها فهذه مصيبة أعظم .

أنا سألتك ، ما هي المعايير التي على أساسها تقيمين المشاركات ، كيف تستنتجين أن هذه المشاركة ستلحق الأذى بالشخص الموجه له ...؟؟؟

وأخبرتك انو أنا في كلام بكون متوجهلي بينحذف وهو ما بضرني أبدا ، ولك بكون عم اقراهم واضحك عليون ، وفي كلام بكون مؤذ بالفعل وما عم ينحذف .

ما تفكري اني عم جادل لحتى جادل ، وافتح موضوع من ماشي ، أنا لو ماني مقتنع بالفكرة مية بالمية ما كنت حكيتها معك ، ولحظت يلي بقتنع رح وقف النقاش .

وبحب ذكر بقية الأعضاء اني أنا جايية لهون لحتى ناقش ، ما عم اسأل حدا اذا كنت متانقض ولا لأ ، أنا جايية ناقش ، ما جاية اسألكم عن رأييكم فيي ، فرأييكم احتفظو فيه لحالكم .

[Mr F]

السلام عليكم
اشكر المشرفين على الجهد الكبير ولكن هناك كلام قيل عن الشيخ رياض في غير محله و لم يحذف
الرجل اكبر سنا منا جميعا و يجب احترامه مهما كانت الاسباب
كلام كهذا خارج عن الادب وجب التنبيه والسلام عليكم


"ولك امام مش حافظ القران وما بدو يحفظ!! موا ضيع خطبه بتضحك وبتبكي خاصة عندما يبدي يحكي بالقلموني!!! "

[ساميا]

أنا قلت لك ان حذف ردك على (هبوله) سببه أن تزامن مع رد مشابه لكن من عيار أثقل ل (هبولة) كذلك حذفته للأخ عبد الله الشقيق فمن غير المعقول أن أتركه...
ثم أنا لا ألاحق كل مزح أو كلام لا يعجبني فأحذفه..
وبالنسبة للأخت عبير ومقولتها التي لا أوافقها عليها فقد تركتها لما رأيت أمثالك والمهند قد تصدوا للرد عليها، وقلت لا بد أن تغلب الحجة والمنطق على الأحكام العامة الجائرة...لكن المستوى الذي إنحدر إليه النقاش إستدعى ما حصل بعده وقد تفهم المهند الأمر ونقل الكلام والمهاترات الشخصية من العلن إلى الخاص...
فإلى جميع أعضاء المنتدى المحترمين: إمزحوا ما شئتم وأشيعوا أجواء البهجة والفرحة في ردهات المنتدى بمشاركاتكم اللطيفة لكن دون إهانات أو شتائم أو تحقير للشخصيات الأخرى ...
وشكراً لكم

[الريس]

طيب ، هيك تمام ، منعتبر انو اتصالحنا ، يعني بعد شوية رح فوت نام ، منعتبر انو منك غضبانة مني ؟؟؟

[دوكر]

يا هلا بالست ساميا..............انا شايف انو مشي الحال ......يعطيكي العافية........و ما تواخزينا ع الإزعاج..........

[ساميا]

لست غضبى ولم يتسلل ولو جزء يسير من الغضب إلى نفسي... ما في شي بيستاهل وأحب أمر على قلبي أن تنتهي جميع المناقشات بتفاهم...
جزاك الله كل خير... وإلى مزيد من المشاركات الراقية والهادفة بأسلوب محبب ولطيف يدخل السرور للقلب!!

[الريس]

بتعرفي في شغلة حسيتها فيكي ، كنت مفكر انها بالكتب وبس ، يعني أنا وعم احكي معك فكرت حالي عم احكي مع شي صحابية ، عندك حلم رهيب ، بارك الله بك ، ويا ريت اتفهمي بقية بنات القلمون هالشي ، وتعرفيهم كيف بيحكوا على المنتديات وبالساحات العامة ، وكيف بيحكوا مع الشباب .

[ساميا]

الريس: بتعرفي في شغلة حسيتها فيكي ، كنت مفكر انها بالكتب وبس ، يعني أنا وعم احكي معك فكرت حالي عم احكي مع شي صحابية ، عندك حلم رهيب ، بارك الله بك ، ويا ريت اتفهمي بقية بنات القلمون هالشي ، وتعرفيهم كيف بيحكوا على المنتديات وبالساحات العامة ، وكيف بيحكوا مع الشباب .

شكراً على الإطراء الذي لا استحقه وأسأل الله تعالى أن يجعلني خيراً مما تظنون...
أما خلق الحلم الذي تتحدث عنه فقد روضت نفسي عليه فترة طويلة وأعملت عقلي كثيراً حتى تكون دائماً ردات فعلي لما يحدث من حولي نابعة من العقل قبل أن يتدخل هوى النفس الأمارة للسوء فأغضب لنفسي حتى ولو من كلمة، فأخالف بذلك هدي رسول الله صلى الله عليه وأخسر خصلتين يحبهما الله ورسوله: الحلم والأناة...
واليوم وبعد هذا الصبر والمصابرة أقول بكل ثقة -إن شاء الله- : لا يمكن لأحد من حولي أن يستفزني مهما علت وتيرة كلامه أو فعله مباشرة...
لا يعني هذا أنني لا أتأثر بالكلام لكن ردة فعلي ليست فورية ولا يمكن أن يفرح بها من إستثارها فيّ....

[HARD]

كل ما قالته الاخت ساميا صحيح والله يبارك فيها وبمجهودها .
انا اعتقد مع الجزم ان معيار وميزان الحكم على المشاركات هو متعلق بالمشرف وبحسن تقديره وبعد نظرته للامور بابعادها الثلاثية :) .
ولدينا الثقه الكافية به والحمد لله
ولكن هو بالنهاية انسان ....
فان جاء حكمه صوابا كان به ، فان لم يجئ صوبناه بحد تعليقاتنا :) لا ليس الامر بالحد ولكن الامر يكون بارسال رسالة خاصة للمشرف مع نص الاعتراض وبعدها لكل حادث حديث .

[a7la 3amoura]

يعني صار واضح انوا هل المنتدى بميز ناس على ناس وللأسف انوا العاملين بهل المنتدى عم يمارسو هل الشي و كتير من الأعضاء متلن
انا ما بيهمني شي و مني عم احكي عني بالعكس انا عم احكي عن الأعضاء أصحاب الحق
انا أكتر شي بعملوا اني رح أكتب مواضيع يلي بدوا يقراهن أهلا و سهلا و يلي مبدو هو حر
بس بيكفينا تمييز يا مشرفين مجدا أحسن من حدا


سلام للجميع

[مصطفى معتوق]

بس بيكفينا تمييز يا مشرفين مجدا أحسن من حدا


سلام للجميع

لا يا حبيبي :

اسماع وفهام .......... هادي نظرية المساوات منها مظبوطة ابداً بين الناس لانو دائماً في ناس افضل من ناس وبدي منك تعرف انو الناس مقامات ودرجات .... كل التشريعات ميزت بين البشر وصنفت الافضل من الاسوء وقصة الديموقراطية تبعتكن هي يلي خلت سفهاء القوم يتولو امور المجتمع والنتيجة كانت كارثة على مختلف الصعد .............

في ناس بسمنة وفي ناس بزيت ............ اه ناس بسمنة وناس بزيت ....... وبدك تفهم انت وغيرك انو الانسان المنتج بالمجتمع افضل من الانسان العايش عالة على غيرو يا حبيبي ................

وانا بنصحك نصيحة انت ودعاة الديموقراطية البايخة متل اصحابها الامركان .
الباب مفتوح للتطور والصعود الى اعلى هرم المجد واكيد بالطرق الاخلاقية مش متل بعض ناس فكل انسان هو وشطارتو واجتهادو بيوصل ....
يتبع ..

[dania]

بتعرفي في شغلة حسيتها فيكي ، كنت مفكر انها بالكتب وبس ، يعني أنا وعم احكي معك فكرت حالي عم احكي مع شي صحابية ، عندك حلم رهيب ، بارك الله بك ، ويا ريت اتفهمي بقية بنات القلمون هالشي ، وتعرفيهم كيف بيحكوا على المنتديات وبالساحات العامة ، وكيف بيحكوا مع الشباب .


طلعنا ما منعرف نحكي ...

[dania]

لا تعليق عن الموضوع اكفيت بمشاركتي بالاستفتاء .

[سحر الشرق]

حبيبتي دانيا
دايما خلي ثقتك بنفسك كبيرة ولا تنتظري من حدن يقيمك وانتي احسن من كتير ناس بهلمنتدى وبالنهاية كل واحد عنده رأيه ونظرته للتحليل ويلي انا ما بشوفو منيح او مثال يقتدى يمكن غيري يشوفو هوة ومن بعده الطوفان
اخ معتوق لا فرق بين عربي واعجمي الا بالتقوى وكل الناس ولاد تسعة وقد تجد ناس ليسوا مثقفين ولا من حملة الشهادات افضل بمليون مرة من واحد معلق مية شهادة ورا مكتبه
اخت سامية انا لما طرحت فكرتي طرحتها منو لاتسلى او من وحي الخيال انا قلت لازم اي مشاركة تنحذف انه ينبعت بنفس الثانية يلي نحذفت فيها رسالة لصاحب العلاقة وهذا يتم اتوماتيكيا ولا يحتاج لموضوع ونص من قبل حضرتكم واذا العضو عنده تعليق بيقدر ساعتها يبعت رسالة طلبا للتوضيح وهذا ما اتمنى ان يعمل عليه المبرمجين ومن لهم علاقة بتطوير المنتدى
وشكرا للجميع

[dania]

هلا بسحر الشرق مشكورة حبيبي

المشكلة سحر الشرق انو الاخ الريس شمل كل البنات بالحكي

كلنا منعرف نحكي وعنا اكتلر من اسلوب بس الاسلوب الي عم نتبعوا هون بالمنتدى هيدا المطلوب

مش عشان اسلوبنا هيكي .

والحمدالله بشتغل بأكبر شركة بالامارات ولولا اسلوبي لما كنت بمنصبي

عل كل حال حبيبتي سحر الشرق انتي قلتي شي حلو انو الثقة بالنفس اهم من مليون رأي

شكرا إلك وشكرا للريس وسوف نتبع الإسلوب الذي تريده ان شاء الله

[nana]

أنا مع الريس بي كلامو وعندي عتب ولوم كتير على نزيه خداج كمان بيحزف على كيفو
ومفتكرين انو شغله شوفة حال وتفنيص يالله نحنا مشرفين

[nana]

وبي صراحه أغلبية المشرفين مابيظهرو بي المنتدى ولا بي شاركو ونحنا عنا مشاركات ومواضيع أكتر منون بس يلي بدو يكون مشرف بدو يكتب ويشارك مش يالله مندخل منحذف والله معنا

[dania]

وبي صراحه أغلبية المشرفين مابيظهرو بي المنتدى ولا بي شاركو ونحنا عنا مشاركات ومواضيع أكتر منون بس يلي بدو يكون مشرف بدو يكتب ويشارك مش يالله مندخل منحذف والله معنا

هلا والله رجعوا حبايبنا :D

[nana]

هلا والله رجعوا حبايبنا :D


هلا والله ليكي شورأيك ماتنزلي بوكرا على دوامك وتعي على دبي اليوم بدنا نروح على حديقة الخور بوكرا نازلين مجموعه كبيرة
فكري وايقي تزكرينا بي تلفون شو ماعندك شغل حتى فاتحة المنتدى

[nana]

Ok bi ma2inou heyk sarit il osa w hal mouchirfin naymin fa ana ra7 wadi3kon w nchala tkounou 3am tistafadou bi hal mountada liani mitil ma chifit inou hal mountada lal machakil wil 7aki 3al 3alam,bas lil asaf ili byi3mlou 7alon misilmin wil islam bari minon lazim you3ou 3a 7alon.chokran lil kol il nas ili kanou mou7tarim bi hal mountada w nchala minchoufkon bi ma7al tani


لا اصلا هيدا المنتدى بحياتو ماكان للمشاكل والحكي على بعض الاعضاء بس من وقت مادخل كم عضو نزعو المنتدى نزع والمشرفين هون متل قلتون يعني مابيفهمو شي مااحترامي لنادين والشامي وبس

[nana]

وأنا وبي صراحة طول مافي كم عضو نازعين المنتدى بعدون عم يخبصو مابقا ادخل المنتدى وشارك ومن هلاء بعلن انسحابي حتى هول الاعضاء ينسحبو وبعتقد بيعرفو حالون وبحب إلكون كنا بي خير وسلام بس من وقت دخولكون خربتو دني

[الريس]

أنا مني فاهم شغلة ، انو الواحد بحس حالوا قبضاي وبيفهم كتيير ومثقف اذا كان مصدر ازعاج وسخافة ؟؟؟

انو الواحد منكم بينبسط لما هو بيضحك وغيروا بعصب ؟؟؟

يعني عنجد قصتكم قصة !!!!!!!!!!!

هالكلام صار في كذا واحدة قايلتوا مش بس نارا عم يحكوا هالحكي ، ومش أول مرة بينحكى هالحكي ، وآخرتها معكون ؟؟؟ مبسوطين بحالكم انكم مصدر ازعاج بالمجتمع تجلسون وتتلقون الإهانات ؟؟؟

ما هذه السخافة التي وصلتم إليها ؟؟؟


أنا من هلأ بتمنى على الست نارا انها تعطي رأييها بهل الأعضاء ، ولك حتى لو كنت أنا منهم فتذكرني أول اسم ، ومش نارا بس ، بل كل عضو في أخلاق -وهنة بيعرفوا حالهم- وتهذيب يتفضل يكتب مين هنة الناس المزعجين .

[أبو شريك]

الله مع الريس

[الزاهر]

وبالنسبة للأخت عبير ومقولتها التي لا أوافقها عليها فقد تركتها لما رأيت أمثالك والمهند قد تصدوا للرد عليها، وقلت لا بد أن تغلب الحجة والمنطق على الأحكام العامة الجائرة...لكن المستوى الذي إنحدر إليه النقاش إستدعى ما حصل بعده وقد تفهم المهند الأمر ونقل الكلام والمهاترات الشخصية من العلن إلى الخاص...


المفروض يا أختي كان تؤولي هيك:
وقد انسحب المهند من المنتدى.....
المهند مؤنو بالمنتدى........تركو عالآخر!!!!
مش عم هتك........ولا عم وجهلك كلام......لكن فقط أردت التوضيح!!!
سلام