ارجو من الجميع المشاركة ( عاجل )

[ابو يزن]

الاخوة والاخوات الكرام :

ارجو من الجميع المشاركة في هذا الاستفتاء , هل انت مع هذه الاقتراحات , ( نعم ام لا )
واذا كانت الاغلبية بنعم
فنرجو من الادمن او المشرفين القبول بهذا التصويت والعمل بهذه الاقتراحات سريعا
والاقتراع ينتهي بعد يومين

الاقتراحات هي كالاتي :

1 ) وقف جميع المشاركات في جميع المواضيع في هذا المنتدى

2 ) فتح موضوع واحد فقط نناقش فيه

أ ) الهدف من المنتدى
ب ) كيفية تفعيل هذا المنتدى
ج ) اقتراح بعمل استفتاء عاجل لمن يريد ان يكون مشرفا على اية ساحة
د ) منع اي عضو من انشاء اي موضوع او ارسال رسائل خاصة , قبل ان تصبح مشاركاته 150 مشاركة
هـ ) حذف اية مشاركة تجرح او تهين اي عضو او اي شخص او حزب
و ) مشاركة جميع الاعضاء بأسماء وهمية , منعأ للاحراج
ز ) حذف موضوع : فضح الالقاب



ح ) السماح لكاتب اي موضوع بحذف او الغاء اي مشاركة في موضوعه




وشكرا لكم
اخوكم ابو يزن

[المحقق كونان]

افكار قابلة للنقاش

[Nader 3:16]

أفكار قابلة للنقاش

و مع التحفظ على بعض الشغلات ...لذلك لا بد من تعديل الاستفتاء ووضع خيارات اخرى

و السلام عليكم

[دوكر]

يا هلا بأبو يزن........و بالشباب..................يا معلم انا مني شايف في داعي لكل هل الشي ..........و يؤلكن انو الفكرة منا لنأش بالمرة...........يا اخوان هدي طبيعة كل المنتديات.........فيا موضيع مفيدة و فيا موضيع ملها طعمة.............
و ليش بدك الجميع يشاركو بي اسماء وهمية ...........هدا منتدى ضيعة......و كلنا بنعف بعضنا........لي منو حابب حدا يعرف ساعتا بفوت بإسم وهمي..........هو حر.........
منع اي عضو من انشاء اي موضوع او ارسال رسائل خاصة , قبل ان تصبح مشاركاته 150 مشاركة
يا معلمنا في ناس مشاركاتون أءل من 150 و حاطين موضيع كتير حلوة و مهمة.......
حذف موضوع : فضح الالقاب
بتعرف هل الموضوع اديش حلو.........بتعد تتفرج ع العالم كيف عم تتحزر مين إنتا ......و هيكا فاي جو من الفكاهة..........
السماح لكاتب اي موضوع بحذف او الغاء اي مشاركة في موضوعه
هدي منا فكرا بنوب........زلأنو ساعتا المنتدى بصير فالت..........كل واحد بي موضوعو بخلي لي بدو هنا يشاركو يشاركو.............

و اسا في تعليأت بس بكتفي بهيكا....................
و بتمنى انو كلامي ما ينفهم تهجم عليك وع موضوعك.............هدا بالأخر رأيك.........و انا عطيت رأي..........و المنتدى للحوار............و اظن انو موضوعك للنأش.........
اخوكم دوكر المعوكر

[ابو يزن]

يا اخوة يا اخوات , النقطة الثانية هي للنقاش , يعني مش اجباري

مش فاهم ليش مش حابين نتناقش حول طريقة تفعيل المنتدى وتطويره

يعني عاجبكم هيك المنتدى كلو خناقات وبهدلات ومسبات

هل هذا هو هدف المنتدى ,

يا شباب , شوف غير منتديات كيف بيتعامل المشرفين مع الاعضاء وما هو دورهم
وكيفية مشاركة اي عضو , وقوانين الحذف والغاء المشاركات

ما حدا يفهم قصدي اني ضد المنتدى , ولكن بدنا الافضل

وارجو من يصوت ضد ان يقول ما هي اسباب تصويته بـ لا
ومن صوت بـ نعم , ما هي الاقتراحات التي تهدف الى تطوير المنتدى

وشكرا لكم
عشتم وعاش المنتدى
اخوكم
ابو يزن

[Mr F]

اقتراح مهم.
شو راي المشرفين؟

[مصطفى معتوق]

مسموح التشطيب او ماشي على طريقة النسبية ؟؟؟؟

انا برأيي انو بلالكن هالوجع الراس تخيل مثلاً ينتخبو نارة مشرف على الساحة السياسية ؟؟؟؟
ودانيا مشرف على الساحة الرياضية ؟؟؟؟؟
كونن من الاعضاء المحبوبين وبيجيبو اعلى نسبة اصوات ؟؟؟؟؟؟؟؟؟؟؟؟؟؟؟؟؟؟
وبعدين قصة انك تفتح موضوع واحد للنقاش عن دور المنتدى ... فبعد اربع مشاركات رح يرجع يطلعلك واحدة مدري ارعة ابوه منين ويفتح موضوع الالواح الخشبية وتعلق العلقة من جديد وبس تروق بيطلعلك مشترج جديد باول مشاركة بيفتحلك موضوع انو على الزواج المدني مسموح على المنتدى ؟؟
وبتسقط المدينة والقادة ملهيين بالجدل على جنس الملائكة ذكور او اناث ...
خلو كل شي متل ما هو
واعتذرو من الاعضاء يلي طفشتوهن لانو الصراحة طلعت بالاوادم وبيلي عندن ذرة احترام لنفسن .

[سحر الشرق]

يا خيي ابو يزن
انا معك انه المنتدى فيه اخطاء كتير بس انا مني معك باسلوب المعالجة لان اذا اغلقنا النقاشات ورجعنا من اول وجديد فتحنا يعني ما عملنا شي منكون برمنا بمحلنا
انا برايي كل المشكلة ما في الها الا حل واحد انه المشرفين يكونو مشرفين بكل معنى لكلمة وبكل ما تطلبه هذه الكلمة من مضمون لان المسؤوليه في الاول والاخير تقع على عاتقهم
ما هي وضيفة المشرف الاشراف خيي مش لقب ووسعولي الطريق يا ديلي ما حدن ادي لا الاشراف مسؤوليه ومراقبة 24 ساعة الاشراف بدو ناس فاضية وما عندها مشاغل يعني مراقبة وحماية حقوق كل عضو وممارسة الانظكة والقوانين على كل الاعضاء بشكل متساو ماو انو هيدا ابي وهيدا اخي وهيدي كانت جارتي بالزمانات
المهم فكرة طرح موضوع واحد وبس والكل يحكي فيه هيك ما عاد منتدى صار فرن عيشة يعني المنتدى هدفه انه يطرح مواضيع وكل عضو بيفوت بيناقش الموضوع يلي بيهمه ويلي بيفهم فيه ويلي بيقدر يعطي فيه ماو بسطة ومين بيعلي صوته اكتر تيضارب على صوت رفيقه
المنتدى هدف ومن اول اهدافه التنوع واختلاف الاراء وهيدا ما بيعني الاختصام لان الاختلاف في الراي لا يفسد فس الود قضية

انت قلت السماح لكل عضو حذف اي مشاركة من موضوعه بس هيدا غلط يا اخ ابو يزن لان هيدي اراء ناس وما بيحق لاي شخص انه يمحي يلي ما عجبه ويترك اللي عاجبه وبعدين اذا افترضنا انه اوكي معناها ساعتها سيختلط الحابل بالنابل ويفلت الامر وما في داعي لوجود مشرفين
انا بالنسبة لحذف اي كلمة او جمله تهين اي حزب او فئة او حتى افراد فانا معك وهيدا شي طبيعي لان باي منتدى في حقوق بتتطلع عليها قبل ما تتسجل بس للاسف الا بمنتدى القلمون بتتسجل وبعدين بتكتشف القوانين:D عم امزح ما حدن هلأ ينسفني موضوع من المشرفين بس كل شي بدنا اياه منكن الله يخليكن تفتحو عيونكن وما تطنشو على حدن وخلو ربكم اعظم الناظرين اليكم
ما تأخذوني حكيت كتير بس يعني كان لا بد من التوضيح لكل نقطة بنقطتها :rolleyes:

[القلموني]

ya3ni ana bitfaham 2innou 2albak 3al mountada w habeb thasen fi bass mich bi haydi 2al tarri2a li2an fi ktir bi hal 2ikirahat 2ili hateta bada ta3dil fa ana akid mich rah sawet ma3
smahli fya ya3ni abou yazan