أعط رأيك بكلّ صراحة..!!

[lina k]

السلام عليكم ورحمة الله وبركاته:أكتب لكم اليوم هذا الموضوع ليتمكّن كلّ عضو من إعطاء رأيه بالعضو الآخر بعد متابعته أعماله في المنتدى.
ملاحظة:الإجابة تشمل إسم عضو واحد ليس أكثر.
-من برأيكم "العضو الحشريّ"؟
-من برأيكم"شاعر المنتدى"؟
-من برأيكم"صاحب الأخلاق الرفيعة"؟
-من برأيكم"العضو الجريء"؟
-من برأيكم"العضو المرح والمسلي"؟
-من برأيكم"العضو المثقف"؟
-من برأيكم"العضو الحساس"؟
-من برأيكم"العضو النشيط"؟
-من برأيكم "العضو المثير للمشاكل"؟

أرجو من الجميع المشاركة ....

[مصطفى معتوق]

بارك الله بصاحبة الفكرة الجميلة ولي الشرف ان اكون اول البادئين :

-من برأيكم "العضو الحشريّ"؟
مصطفى القص
-من برأيكم"شاعر المنتدى"؟
الجواب واضح متل عين الشمس وما بيتحمل القسمة على 2
-من برأيكم"صاحب الأخلاق الرفيعة"؟
الكل خير وبركة بس بحس انو زاهر مميز من بين الشباب اما الصبايا فما تعودت اعطي رايي باخلاقن
-من برأيكم"العضو الجريء"؟
عندك الريس جريئ
-من برأيكم"العضو المرح والمسلي"؟
دوكر ادام الله ظله
-من برأيكم"العضو المثقف"؟
لا تعليق
-من برأيكم"العضو الحساس"؟
لينا ك
-من برأيكم"العضو النشيط"؟
في مجموعة ناشطين بارك الله بهم
-من برأيكم "العضو المثير للمشاكل"؟
الاخ المناضل حميطون بمواضيعو يلي لها اول وما لها اخر

أرجو من الجميع المشاركة وكتوضيح أخير "الإجابة تشمل إسم عضو واحد,ليس أكثر
كان لازم تحطي هالملاحظة بالاول

[دوكر]

يا هلا بالست لينا...........حلو الموضيع لي عم تطرحيا.................

-من برأيكم "العضو الحشريّ"؟
نادر.....
-من برأيكم"شاعر المنتدى"؟
كان عنا فشلان و المهند......بعدين انتي يا ست لينا ......بس هلأ شكلو صار في الست زمردة......
-من برأيكم"صاحب الأخلاق الرفيعة"؟
كل الشباب أوادم..........
-من برأيكم"العضو الجريء"؟
الريس
-من برأيكم"العضو المرح والمسلي"؟
جابر دملوك
-من برأيكم"العضو المثقف"؟
الريس.....
-من برأيكم"العضو الحساس"؟
انتي......
-من برأيكم"العضو النشيط"؟
في كتير .......اولن أطر الندى.....
-من برأيكم "العضو المثير للمشاكل"؟
هلأ حميطون وين ما راح في مشاكل........هههههههههه


يعطيكي العافية...............

[القلموني]

أنا عضو جديد بالمنتدى و لكن كنت من المتصفحين له كل يوم
العضو الحشور و كتير : مصطفى
العضو النشيط: زاهر
العضو المسبب للمشاكل : الرفيق حميطون
العضو الأكثر لباقة و ثقافة (copy,paste):معتوق بكل فخر
العضو المرح:دوكر
العضو الجريء:الريس
العضو الحساس : لينا ك
و أنا ناطر تقييمكون و في كتير أعضاء بيعأدوا بس الإستفتاء بدو واحد

[lina k]

السلام عليكم ورحمة الله وبركاته:كالعادة أول ردود تصلني تكون من الإخوة"دوكر و مصطفى
معتوق".شكرا على مشاركتكم في موضوعي المتواضع.ولكن الأخ"معتوق"لم ينتبه للملاحظة لأنها كانت موضوعة في النهاية .أما الأخ "دوكر"فلم ينتبه أيضا للملاحظة مع أنني كتبتها باللون الأحمر الملفت.:) لذا أرجو من الجميع الإنتباه للملاحظة.
شكرا للإخوة"دوكر ومصطفى معتوق"...

[shanzimer6]

السلام عليكم ورحمة الله وبركاته:
-من برأيكم"صاحب الأخلاق الرفيعة"؟
صاحب الاخلاق الرفيعة هو من ترفع عن قول ما يؤذي الآخرين واهتم بمشاعرهم قبل أن يبادر إلى إلقاء التهم و....بصراحة في كتير يمكن بيهتمو بهالجانب,... بس بالنسبة لي, ما في شخص محدد.
-من برأيكم"العضو الجريء"؟
كل واحد تجرّأ يقول أي شي عن عضو تاني من باب استفسار أو....يعتبر جريء...أنا بعتبر الريس هوا العضو الجريء.
-من برأيكم"العضو المرح والمسلي"؟
زاهر الدين, وكل واحد بتطلع معو شي نكتة أو نهفة أو...(علماً بانو ما ضروري ينقاس المرح أو التسلية بالنكت...)
-من برأيكم"العضو المثقف"؟
هلأ الثقافة ما بتنقاس عشخص دون الآخر, الكل مثقفين, بس لازم ينوجد عناصر تانية إلى جانب الثقافة متل الوعي, والقدرة عتوصيل الفكرة للحصول على الهدف المنشود, المعرفة بالأبعاد....أبعاد كل نقطة وكلمة وموضوع.
-من برأيكم"العضو الحساس"؟
كمان الحساسية ما فيني أعطي رأيي فيا, لأن لما بينضرب عالوتر الحساس, كل الموازين بتتغيّر....
-من برأيكم"العضو النشيط"؟
كل واحد بيضل ملزّق عالصفحة وعم يجيب معلومات بغض النظر اذا مهمة ولا لأ( عفكرة يمكن بالنسبة له تكون مهمة فما يبادر البعض إلى تسخيف الموضوع) ويمكن ما تكون مهمة, هيك بيكون نشيط, المهم أخيراً "الكلمة الطيبة" .


يمكن كل كلامي مختصر, عام, ما بيعطيك النتيجة يلي بدك ياها, بس بالفعل اسن ما كونت فكرة دقيقة وعميقة عن كل عضو وما بقدر اعطي رأيي بولا واحد حتى ما اظلمن...(الغاية تبرر الوسيلة).ما تؤاخذيني, انا هالموضوع حساس وخاصة اذا في عطي آراء.
ملاحظة ما لها علاقة بالموضوع: اديش صرلي بعرف الشانزيمر....بعتبر انو يمكن هلأ لحتى صار فيني اعطي رأيي بكل واحدة, بصراحة , دون حياء....(اكتر من عشر سنين)...
فما فيك تقيمي الاشخاص (والاهم تكوني صريحة وواضحة بتقييمك) بمجرد النظر بالمراية علين, بخاف ما يوم تنقلب هالمراية و............
شكراً عالموضوع...

[lina k]

أنا عضو جديد بالمنتدى و لكن كنت من المتصفحين له كل يوم
العضو الحشور و كتير : مصطفى
العضو النشيط: زاهر
العضو المسبب للمشاكل : الرفيق حميطون
العضو الأكثر لباقة و ثقافة (copy,paste):معتوق بكل فخر
العضو المرح:دوكر
العضو الجريء:الريس
العضو الحساس : لينا ك
و أنا ناطر تقييمكون و في كتير أعضاء بيعأدوا بس الإستفتاء بدو واحد
السلام عليكم ورحمة الله وبركاته:أولا إسمح لي أن أرحّب بك في منتدانا العزيز.ثانيا,أشكرك على مشاركتك في موضوعي .
وأتمنى أن أقرا ردودك بشكل دائم...
دمت بخير....

[دوكر]

يا هلا بالست لينا ...
لاحظت الملاحظة ...بس ما إدرت اتقيد فيا...
يا هلا بالست شانزيمر...
ؤلت الست لينا جابو بإسم عضو من المنتدى ...منو من منتدايات الجيران ...ههههه...
بس الأجوبة كتير أوية...
يعطيكي العافية...

[HARD]

-من برأيكم "العضو الحشريّ"؟
في كتير (........................)
-من برأيكم"شاعر المنتدى"؟
في كتير بس انا مجبور بواحد فشلان
-من برأيكم"صاحب الأخلاق الرفيعة"؟
في كتير بس انا مجبور بواحد جابر دملوك
-من برأيكم"العضو الجريء"؟
في كتير بس انا مجبور بواحد الشامي
-من برأيكم"العضو المرح والمسلي"؟
في كتير بس انا مجبور بواحد كان مصطفى معتوق:)
-من برأيكم"العضو المثقف"؟
في كتير بس انا مجبور بواحد ابو الحسن
-من برأيكم"العضو الحساس"؟
في كتير بس انا مجبور بواحد أحمد الشقرة
-من برأيكم"العضو النشيط"؟
في كتير بس انا مجبور بواحد كان زاهر حليل :)
-من برأيكم "العضو المثير للمشاكل"؟
في كتير بس مجبور بواحد كان فشلان

[القلموني]

أشكرك جزيل الشكر و إن شاء الله على طول بتشوفي تعليقاتي و إن شاء الله تعجبك

[lina k]

سلام,أرحّب بمشاركة الأخ"hard"وأشكرهه على إنتباهه للملاحظة.كما أشكر الأخت شانزيمر6 على المشاركة مع أنّ أجوبتها حملت طابع دبلوماسي وليس الطابع الذي أريد.فأنا أردت إعطاء رأيكم حسب الفكرة التي كونتموها من خلال مشاركات العضو وممكن أن تكون صائبة أو خاطئة.على كلّ كلمة "سلام"من شانزيمر 6 تكفيني لرسم البسمة على وجهي.
دمتم بخير...
بإنتظار المزيد من المشاركات.

[lina k]

أشكرك جزيل الشكر و إن شاء الله على طول بتشوفي تعليقاتي و إن شاء الله تعجبك
لا شكر على واجب فالترحيب بالأعضاء الجدد وتشجيعهم على المشاركة واجب علينا القيام به جميعا.
سلام.

[الزاهر]

ملاحظة:الإجابة تشمل إسم عضو واحد ليس أكثر.
أنو كيف يعني......ما عجبتني هالملاحظة بنوب......لوووووووول!!!
ملاحظة من عندي......رح احكي ضميري......وبدي ما حدا يزعل......لأن ممكن كتير إني كون مخطئ!!!!!
-من برأيكم "العضو الحشريّ"؟
العضو الحشري برأيي هو العضو الذي يتدخل في ما لا يعنيه.....ويصل ذلك أحيانا لأن يسبب المشاكل أو أن يتضايق منه بقية الأعضاء......وفي عندك بالمرتبة الأولى المحقق كونان......ثم دوكر......!!!!......هادي الحشرية......أما النوع الايجابي منها فمانك سائلة عنو!!!!
-من برأيكم"شاعر المنتدى"؟
شاعر المنتدى هو الشاعر الذي يستطيع أن يألف القصيدة In Real Time والوحيد القادر على ذلك كان الأخ فشلان......وحاليا شاعرة المنتدى لينا......ثم يمكن زمردة......ومرت علينا عاشقة القلمون لكن سريعا ما اختفت!!!
-من برأيكم"صاحب الأخلاق الرفيعة"؟
ممممممم.......برجع بذكر إنو هاد رأيي.......ويحتمل الخطئ....في عندك بدون ترتيب......الشامي......ساميا.....جابر.....أبو عنتر......أبو عمر........نادين......لينا......شانزي6......وإنتي وماشية للي بيعصبو وبيكرفتو وأوادم هادول صار "ترتيبهم" بكعب اللائحة!!!
-من برأيكم"العضو الجريء"؟
مممم.....الجرئة نوعين.......جرئة حيية......وجرئة سافرة!!!
من أصحاب الجرئة الحيية.......شانزي6 وشانزي 1 .....ساميا.....جابر.....
من أصحاب الجرئة السافرة......الريس......(يمكن الريس بيحير....لأنو غريب)......عبد الغني طوط......المهند......معتوق.....أم سفيان......فشلان......
-من برأيكم"العضو المرح والمسلي"؟
ممممممممم......المرح واللي بيسلي أكتر شي هو المحقق كونان.....بسبب تحليلاتو المنطقية التي تعتمد على الأدلة الدامغة والحسية!!!!.......وفي عندك فشلان .......بالزمانـــــــــــــــــات أولة أبو رياض القلموني!!!!
-من برأيكم"العضو المثقف"؟
مممممم......هادي صعبة.......الكل مثقف......في مجاله.....ورح احكي عن عدة انواع ثقافة
المثقف بالحياه......في عندك جابر والريس وساميا.....
مثقف بالأديان والعلوم الانسانية......المعتوق
مثقف بآداب التعامل......الشامي وساميا.....
مش هاد موضوعنا.....ما رح طول!!!!
-من برأيكم"العضو الحساس"؟
مممممم......الحساسية نسبية......لكن بشكل عام.....من الشباب في أنا...لكن لا اظهر هالشي......وفي الشامي.....وجابر.....
ومن الشابات في لينا.....وفي نارا.....وأم سفيان....
-من برأيكم"العضو النشيط"؟
العضو النشيط هو العضو الذي يهتم بمواضيعه.......ومن أنشط الأعضاء جابر.....وشانزي 6 وفرقتها......والمعتوق......
-من برأيكم "العضو المثير للمشاكل"؟
المثير للمشاكل صار معروف...........قلة الأدب والحياء.......هاد اسمو!!!!....أما لقبو فهو التقدير السيئ للعواقب........وعدم التمتع بأي من بعد النظر........
أرجو من الجميع المشاركة ....
وهي شاركنا.......لوووووووووووول!!!!

[دوكر]

يا هلا بأطر الندى..............
له له له.............هههههههههههههههه..............اديشن ك متعصب لؤرويبينك..............
ههههههههههههههههههه............طلعت معك حشري...............ههههههههههههههههه.....
مؤبولة منك يا معلم..................هههههههههههه...........

[الزاهر]

يا زعيم أنا بؤول رأيي باللي بعرفو.......وباللي عندي تحليل مبدأي لشخصو.......ولا اتفوه بكلمة عن من لا ينطبق عليه هذين الشرطين!!!!!

كيفنا معك؟؟؟؟

[lina k]

سلام,مع أنّ الأخ "زاهر"لم يتقيّد بالشروط الأساسية إلا أن مشاركته جميلة وممتعة جدا ويغلب عليها طابع العفوية والصدق.لذلك سأغضّ النظر هذه المرة عن الملاحظة.
دمت بخير....
وشكرا على ردّك...

[محمد أحمد الفلو]

-من برأيكم "العضو المثير للمشاكل"؟
الاخ المناضل حميطون بمواضيعو يلي لها اول وما لها اخر





أ
العضو المسبب للمشاكل : الرفيق حميطون






-من برأيكم "العضو المثير للمشاكل"؟
هلأ حميطون وين ما راح في مشاكل........هههههههههه




مبسوط من الأصوات
بس ليش ؟

[الريس]

-من برأيكم "العضو الحشريّ"؟

المحقق كونان
-من برأيكم"شاعر المنتدى"؟
المهند
-من برأيكم"صاحب الأخلاق الرفيعة"؟
الست لينا كركر
-من برأيكم"العضو الجريء"؟
معتوق
-من برأيكم"العضو المرح والمسلي"؟
دوكر
-من برأيكم"العضو المثقف"؟
أم سفيان - الشامي - الأخت ساميا - الدملوك - الدكتور وسيم فلو
-من برأيكم"العضو الحساس"؟
لينا كركر
-من برأيكم"العضو النشيط"؟
زاهر الدين
-من برأيكم "العضو المثير للمشاكل"؟
صارو كتار ، منهم مشكلجي ، والمحقق كونان ، وأبو يزن و....

[Nader 3:16]

-من برأيكم "العضو الحشريّ"؟
من الناحية الايجابية الاخ زاهر لأنه يهتم بالجميع
-من برأيكم"شاعر المنتدى"؟
اكيد المهند لا يختلف اثنان عليها
-من برأيكم"صاحب الأخلاق الرفيعة"؟
في كثير و منهم الاخ زاهر و الاخت نادين و الاخ جابر و الاخ
وسيم غنوم.......
-من برأيكم"العضو الجريء"؟
الأعضاء الجريئين برأيي هم الذين يكتبون في المنتدى بأسمائهم الحقيقية...و ليس بأسماء وهمية!!!!!
-من برأيكم"العضو المرح والمسلي"؟
المحقق كونان هو اهضم واحد!!!!
-من برأيكم"العضو المثقف"؟
في كتير بس اهمهم : زاهر-وسيم فلو-هشام-و كل من يهتم بالعلوم
من برأيكم"العضو الحساس"؟
الاخت لينا كركر

-من برأيكم"العضو النشيط"؟
زاهر لأنو مو تارك موضوع من شرّو... الله يبارك!!!!
-من برأيكم "العضو المثير للمشاكل"؟
لن اذكر احد
-العضو الغامض؟
هو الاخ جابر دملوك لأنو بصراحة بتحسو عايش وحدو يعني ما بحسو بشارك الاعضاء كتيير بالمواضيع !!!مع انو مشاركاتو كتييييرة...
بالنسبة للموضوع فهو مميز و كتيييير جميل :)

[lina k]

سلام,لقد سررت كثيرا بإرتفاع عدد المشاركات وبردود الإخوة"الريس-ونادر".شكرا جزيلا على مروركم.

[THE TERRORIST]

-من برأيكم "العضو الحشريّ"؟
-من برأيكم"شاعر المنتدى"؟
-من برأيكم"صاحب الأخلاق الرفيعة"؟
-من برأيكم"العضو الجريء"؟
-من برأيكم"العضو المرح والمسلي"؟
-من برأيكم"العضو المثقف"؟
-من برأيكم"العضو الحساس"؟
-من برأيكم"العضو النشيط"؟
-من برأيكم "العضو المثير للمشاكل"؟

أرجو من الجميع المشاركة ....
أولاً أشكرك أخت لينا ك على الموضوع المميز..
ثانياً رح أدخل بصلب الموضوع..
العضو الحشري مثل ما قالوا الشباب :مصطفى
شاعر المنتدى : زمردة.
صاحب الأخلاق الرفيعة ما بدها تنين يحكوا فيها: أنا
العضو الجريء: نارا
العضو المرح و المسلي : دوكر
العضو المثقف: زاهر الدين
العضو الحساس: نارا
العضو النشيط: زاهر الدين
العضو المثير للمشاكل: نارا ههههههه:D :D
و مرة تانية شكراً عموضوعك يا أخت لينا ك و ما تعتبي عليي لأن ما زكرت إسمك .............

[lina k]

سلام,أرحّب بمشاركة الاخ"the terrosist".وبالنسبة للموضوع,فهو يعبّر عن آرائكم الخاصة ولا يحقّ لأحد أخذ موقف لعدم ذكره في المشاركة (من ضمنهم أنا بكلّ تأكيد).فهذا الموضوع ينصّ على الصراحة وليس على مجاملة كاتبة الموضوع.
شكرا على ردّك وصراحتك.

[مصطفى معتوق]

يا ريت يا انسة لينا تشاركي بموضوعك وتعطينا رأيك من خلال الاجابة على الاسئلة.

[lina k]

سلام,أنا لا يحقّ لي إبداء رأيي كوني كاتبة الموضوع.وكلّ ما يمكنني فعله هو إنتظار ردودكم والتعليق عليها.

[مصطفى معتوق]

سلام,أنا لا يحقّ لي إبداء رأيي كوني كاتبة الموضوع.وكلّ ما يمكنني فعله هو إنتظار ردودكم والتعليق عليها.

سلام,
يا ست لينا لم افهم لماذا لا يحق لك ابداء رأيك ؟؟؟؟؟؟
فكونك صاحبة الفكرة, لا ينفي امتلاكك لرأي سديد, تمنعك هذا زادني شوق لمعرفة اجاباتك على تلك الاسئلة التي تطرحتيها. فآمل ان اقرأ اجاباتك بالقريب العاجل.
كما اني امل ان لا تسني سنة تحريم مشاركة اصحاب الافكار في مواضيعهم (ناوي خليهن يملو معي مقابلة)بعدين بتقطعيلي بنصيبي .

[الريس]

عفوا يا أخت لينا ، بس هالحكي يلي عم تحكيه انو ما بحقلك ، أي مادة من الدستور ؟؟؟

من وين جايبة هالقانون ؟؟؟؟؟؟

[Nader 3:16]

هذه بدعة و انت الصادق:) يا الله ناطرن صاحبة الموضوع ان تدلي برأيها!!!

بدعة بس لا اقصد في الدين

[lina k]

طالما أنكم لم تتقيدوا بالملاحظة.فأنا أيضا لن أتقيّد بها.

-من برأيكم "العضو الحشريّ"؟
لا أحد
-من برأيكم"شاعر المنتدى"؟
الأخ ach
-من برأيكم"صاحب الأخلاق الرفيعة"؟
كثر وعلى رأسهم الأخت "نادين"
-من برأيكم"العضو الجريء"؟
الإخوة"الريس ومصطفى معتوق"
-من برأيكم"العضو المرح والمسلي"؟
الإخوة"دوكر وكونان ونارا"
-من برأيكم"العضو المثقف"؟
الإخوة"زاهر ووسيم غنوم"والأخت"روعة"
-من برأيكم"العضو الحساس"؟
الإخوة"نعنوع وachوقلموني"
-من برأيكم"العضو النشيط؟
الإخوة"أيمن غنوم-شانزيمر6-دوكر-مصطفى معتوق"
-من برأيكم "العضو المثير للمشاكل"؟
من يجاوب على هذا السؤال يكون عضو مثير للمشاكل

هذا هو المطبّ الذي وضعته في المشاركة.وللأسف أكثرية الأعضاء وقعوا فيه.

[مصطفى معتوق]

طالما أنكم لم تتقيدوا بالملاحظة.فأنا أيضا لن أتقيّد بها.

-من برأيكم "العضو المثير للمشاكل"؟
من يجاوب على هذا السؤال يكون عضو مثير للمشاكل

هذا هو المطبّ الذي وضعته في المشاركة.وللأسف أكثرية الأعضاء وقعوا فيه.

هههههههههههههههههههههههههههههههههههههههههههههههه

يا الله شو ضحكت على فكرة المطب
رائعة

[lina k]

سلام,لقد إبتكرت فكرة المطبّ للتجديد في الأفكار لتطوير الساحة العامة.أرجو أن تكون فكرتي قد نالت إعجابكم جميعا.

[Nader 3:16]

:) اي انا ما جاوبت قلت لن اذكر احد...يعني الجائزة ستكون من نصيبي!!!:d

[HARD]

طالما أنكم لم تتقيدوا بالملاحظة.فأنا أيضا لن أتقيّد بها.

-من برأيكم "العضو الحشريّ"؟
لا أحد
-من برأيكم"شاعر المنتدى"؟
الأخ ach
-من برأيكم"صاحب الأخلاق الرفيعة"؟
كثر وعلى رأسهم الأخت "نادين"
-من برأيكم"العضو الجريء"؟
الإخوة"الريس ومصطفى معتوق"
-من برأيكم"العضو المرح والمسلي"؟
الإخوة"دوكر وكونان ونارا"
-من برأيكم"العضو المثقف"؟
الإخوة"زاهر ووسيم غنوم"والأخت"روعة"
-من برأيكم"العضو الحساس"؟
الإخوة"نعنوع وachوقلموني"
-من برأيكم"العضو النشيط؟
الإخوة"أيمن غنوم-شانزيمر6-دوكر-مصطفى معتوق"
-من برأيكم "العضو المثير للمشاكل"؟
من يجاوب على هذا السؤال يكون عضو مثير للمشاكل

هذا هو المطبّ الذي وضعته في المشاركة.وللأسف أكثرية الأعضاء وقعوا فيه.

:( :)
طيب ليش وضعت هذه الجملة
ملاحظة:الإجابة تشمل إسم عضو واحد ليس أكثر.

[محمد أحمد الفلو]

طالما أنكم لم تتقيدوا بالملاحظة.فأنا أيضا لن أتقيّد بها.

"
-من برأيكم"العضو النشيط؟
الإخوة"أيمن غنوم-
-من برأيكم "العضو المثير للمشاكل"؟
من يجاوب على هذا السؤال يكون عضو مثير للمشاكل

هذا هو المطبّ الذي وضعته في المشاركة.وللأسف أكثرية الأعضاء وقعوا فيه.

بالنسبة لأيمن ما لو بالقصر من مبارح العصر ما حلو ينشط

وبالنسبه للمطب فعلا فكره ذكية لأن الكل ينطبق عليهم الحديث ( يرى القذاة في عين اخيه ولا يرى الجذع في عينه)
بس أنا خدت أعلى نسبة أصوات , ولسا ما جاني توضيح عالسبب

[مصطفى معتوق]

بالنسبة لأيمن ما لو بالقصر من مبارح العصر ما حلو ينشط



يمكن نشيط لانو كل يوم الصبح بيعمل حركات سويدية ؟؟؟؟؟:D

[lina k]

السلام عليكم ورحمة الله وبركاته:الحمد لله أنها نالت إعجابكم.وبالنسبة للملاحظة فقد وضعتها لأوهم الأعضاء وأجعلهم يجاوبون على كلّ الأسئلة والوقوع بالمطبّ.
وبالنسبة لتصويتي للأعضاء النشيطين,فأنا أسمي العضو نشيطا حسب المشاركات التي يكتبها في وقت محدّد.ولا آخذ بعين الإعتبار تاريخ تسجيل العضو.فمن الممكن أن يكون قد تسجّل بالأمس وقد بلغت مشاركاته العشرين.عندها بكلّ تأكيد يكون عضوا نشيطا.
والسلام خير ختام.