رسالة خاصّة إلى...

[shanzimer8]

رسالة خاصّة إلى.......

الحمد لله الذي جعل هذا الدين مناراً للسالكين، وشرع له تعاليم هي رحمة ً للعالمين، وصلاة ً و سلاما ً على مؤدّب العالمين سيد نا أبي القاسم متمّم مكارم الأخلاق ، وعلى آله و صحابته الذ ين أنار الله بهم الآفاق ، و بعد:
أخي: رزقني الله و إياك حسن الأ د ب ، وزيّن لنا فضائله . وعصمني وإياك من سوء الأ د ب، و عرّ فنا ما فيه من الذ لَة والقلة والهوان .
واعلم يا أخي أنه ما د فعني إلى تصنيف هذه الرسالة، إلاّ ما لمسته من الجد ل الكثير ، وما رأيته من التشهير الغد ير. فقد أصبح حال رواد هذه الصفحة ، و إن لم يكن جميعهم فمعظمهم ، يقرؤن المواضيع بغية البحث عن الثغرات و الخوض فيها، بل لا يتأخرون عن ضرب أمثلة حيّة مفصلة بالأسماء كلما سنحت لهم الفرصة ، وإذا خاض واحدهم جدلا،حول موضوع معين ، مع ثان ، لم ينته كل منهما إلا وقد نال من الآخر .
فانظر أخي إلى ما ظفرت به أحاديثنا < جدل فارغ لا يوصل إلى شيء >، وإلى ما آلت إليه أحوالنا < ضغينة ، فحب، فكراهية، ف.....(كل يوم شكل، حسب كنّوا معي و لا لأ)> .
فدعنا نعد سوّية إلى طريق الرشد و الفلاح، و نضع بين أعيننا هد فا واضحا ساميا.و اجعل أخي في نصحك فائدة ، و زيّنه بآداب مؤنسة، فكما يقال : " العقل بلا أد ب كالشجر العاقر، و مع الأ د ب كالشجر المثمر".
و أودّ أن أقدّ م في نهاية مقالتي دعوة للجميع ليسطّر أجمل الأخلاق والصفات التي يلمسها حوله.:)
و صلى الله وسلم على المبعوث رحمة للعالمين ذي الخلق العظيم و على آله و صحبه أجمعين ، والحمد لله رب العالمين.

[samer kouta]

والله, مع أن هذه الرسالة هي الأولى منك لكنها أفضل رسالة بعثت في المنتدى , والحق أنت تقول , فكلنا لاحظ ذلك , لاحظ الفظاظة في الرّد , لا يحسبون حساب الآخر , لذلك على كل واحد منّا أن يفكّر بجوابه قبل كتابته .... وأوافقك الرّئي أخي وجزاك الله كل الخير وأن يفهم كل عضو هدفه بهذا المنتدى , هل هدفه الخير فأهلا به في قلوبنا , أو هدفه إفتعال الحزازيات فأنا لا أقبل بهذا ولا أحد في المنتدى.
كما قال الشاعر :


وما من كاتب إلا سيفنى ... ويبقي الدهر ما كتبت يداه
فلا تكتب بكفك غير شيء... يسرك في القيامة أن تراه

[أبو شريك]

[quote=samer kouta;25386]والله, مع أن هذه الرسالة هي الأولى منك لكنها أفضل رسالة بعثت في المنتدى , والحق أنت تقول , فكلنا لاحظ ذلك , لاحظ الفظاظة في الرّد , لا يحسبون حساب الآخر , لذلك على كل واحد منّا أن يفكّر بجوابه قبل كتابته .... وأوافقك الرّئي أخي وجزاك الله كل الخير وأن يفهم كل عضو هدفه بهذا المنتدى , هل هدفه الخير فأهلا به في قلوبنا , أو هدفه إفتعال الحزازيات فأنا لا أقبل بهذا ولا أحد في المنتدى.
كما قال الشاعر :


وما من كاتب إلا سيفنى ... ويبقي الدهر ما كتبت يداه

فلا تكتب بكفك غير شيء... يسرك في القيامة أن تراه
انا لله و انا اليه راجعون,يسلم تمك

[الريس]

سؤالي موجه للنشزيمر ، وان شاء الله يكون ظني وملاحظتي بغير محلهم .

ليش على طول بتفوتوا بكتبوا مواضيع وما بتابعوها ، يعني جايين تعملوا خطب جمعة هون ؟؟؟ ولا جايين اتحاوروا ؟؟؟

هل انتو متيقنين انكم على الجق بكل شي ، لحتى تتبعوا هالأسلوب ؟؟؟؟؟؟

[مصطفى معتوق]

ليش على طول بتفوتوا بكتبوا مواضيع وما بتابعوها ، يعني جايين تعملوا خطب جمعة هون ؟؟؟ ولا جايين اتحاوروا ؟؟؟



سؤال وجيه يا ريت تجاوبو عليه

[Nader 3:16]

كلام جميل ...

لكن الذي يريد ان يناقش في مسألة لا بد ان يبحث عن الثغرات في موضوع الاخ او الاخت التي طرحت الموضوع بغية اصلاحها لا بغية الجدال غير النافع كما يحصل في معظم المواضيع....

اماّ بالنسبة لما طرحه الإخوة فأنا غير متابع لمواضيع الفرقة بشكل تام...لذلك لن اعلق عليه:)

و السلام عليكم و رحمة الله و بركاته

[دوكر]

يا هلا بالست سانزيمر 8.............
مشكورة ع الموضوع و يسلمو ع الملاحظات...........
لي بدنا نؤلو..........هاه..........انتي لي فتحتي الموضوع............اول ملاحظة انك حاطة كلمة اخي بالأحمر.......شأزدك........يا ستنا لي بدو يحركش الؤصة بدو يتحمل عواقبا دائمن.......
ما حدا بيتحركش فيكن ازا كونتو منكن عم تتحركشو بيحدا......
و كمان ملاحظتو للريس بي محلا .........
الله معك يا ريسنا..........
يا اختنا الكريمة........الاسباب لي خلتك تطرحي هل الموضوع معروفة......مفي داعي وجع راسي و راسكن فيا.........لأنو عارف بدي دلي لف و دور و احكي .....و بدنا ندلنا محلنا.......
يا فرأة الشانزيمر......انتو من خيرة البنات بالضيعة مزبوط.......و ملتزمات و متحجبات و عندك نشاطات دعوية.......بس ما معناتا وصلتو لمرحلة الكمال.......مافي حدا كامل.........ليش بس حدا ينصحكن .....دغري بتحطو بخانة الأعداء.... و بتعملو انسان بلا اخلاء جاي ت يفضحكن وجاية ت يحكي عليكن و جاية ت يهاجمكن.......يا اختي........المواضيع لي عم تنطرح بالمنتدى......تأريبن كلا موضيع مهمة........بس احيان الموضوع بيتحول من فكرتو الاساسية ....ع افكار مشتتة بسبب كلمة.......كلمة واحد علأ فيا ......يمكن ما كان أزضو شي(هدا لي برجحو انا دائمن.....دائمن بحط هل الأحتمال...) ......بس فهمت غلط.........بس المشكلة انو في عالم منا مستعدة تتراجع عن كلمة و لو تبينلا انا غلط..........الرسول صلى الله عليه و سلم ءال بيما معناه....انصر اخاك ظالما او مظلوما......ؤم سؤلو الصحابة .....بنصر مظلوم.......بس كيف بننصرو ظالم........ألن كمان بي معناه.......بردعه عن ظلمه........بس مبعرف ليش بتجو مع بعضكن........مافي اسهل منا الواحد بس يشوف الحأ يؤل انا غلط هون.........و في يصلح بجملة.......
مفي داعي تنلغا المشاركة........بالعكس.......لازم تدلا ت نشوف الحوار.....و التفاهم......

و برجع بؤلكن شلو فكرة انو العالم ضدكن....و انو الكل عم يهاجمكن........و الله انا بنتمنالكن كل الخير.........حبنا ننصح.........

يسلمو ع الموضوع و يعطيكي العافية...............
اخوكم دوكر المعوكر..........

[shanzimer6]

السلام عليكم :
كلامك يا أيتها الأخت العزيزة شانزي 8 لا يستطيع أي عاقل إلا أن يتقبّله, لأنه ينسكب نوراً في القلب, وسحراً في العقل, وضوءاً في الفكر....
من جهتي, رح ردّ على كل واحد إن شاء الله, لأن مهمتي في هذه الحياة الأمر بالمعروف والنهي عن المنكر, ولأن الموضوع لا يحتاج إلى وجود المزيد من الثغرات, واضح متل عين الشمس. أنا مين ما كتب هالرسالة, كنت رح اتشكرو مين ما كان....
بالفعل متل ما قلت يا أخ سامر, هذه هي الرسالة الأولى من الأخت شانزي 8, ومعك حق يا ريّس ويا دوكر انو البعض من الأعضاء منو عم يتابع مواضيعو, وسؤالك خاص وموجه لنا, فأنا بقلك انو في كتير أسباب تحول دون المشاركة عهالمنتدى الكريم: بسم الله....
أولاً, إذا الواحدة ما عندا انترنت بالبيت, فما بتكون قادرة انا تكتب, تشارك, أو حتى تتابع موضوع مفتوح عالمنتدى...يمكن تقولو ليش ما بتروحو عمحلات الانترنت, أنا مني وعليّ, ما بكون مرتاحة بهالمحلات, والواحد أكيد بيعمل يلي بيريحو... نحنا منا حابين نعمل خطب جمعة هون, نحنا جايين نفيد ونستفيد, أنا جاية شخصياً عبّر بالمنتدى الحبيب, أتشارك مع إخواني وأخواتي في هموم الحياة, مشاكل العالم, أحلام القلمون, مشاريع الدعوة...خلاصة, نشر الكلمة الطيبة...( السبب الرئيسي هو الاول). للحقّ, كل من الشانزي حابة تشارك عالصفحة, بس في أسباب تمنعها...أيضاً, نحنا تلاميذ جامعات, وعنا شغل بالبيت كمان, ميشان هيك لا نستطيع دائماً المشاركة, بالتصميم, برسم الأفكار للمواضيع, والتعبير عنها بقالب حواري هادىء, فعّال وبنّاء...
نحنا من أبناء آدم, وكل ابن آدم خطاء, وخير الخطائين التوّابون...نحنا صحيح ملتزمات, ولكن قد لا نكون على حق في أخذ بعض الأبعاد للمواضيع, فإذا أردتم النصيحة, فالكلمة الطيبة, والتعابير الناعمة, والكلام غير الجارح, والطريقة المهذبة من فضلكم...( إذا شايفين انكن كنتو عم تنصحونا بهالطرق ونحنا صددناكن وفهمنا عزوءنا, فحقكن علينا). ونقول الحمد لله الذي هدانا ويسّر لنا هداة نهتدي على أيديهم, يعني نحنا من فضل ربنا علينا انو سبحانه وتعالى بعتلنا مين يهدينا, وان شاء الله نكون نحنا مبعوتين لحتى نهدي غيرنا.
ما بعرف ليش عم ترجعو عنفس النقطة, قلت سابقاً أسلوبنا دعوي, تحابينا في الله, اجتمعنا على كلمة " لا إله إلا الله, محمد رسول الله", ونسأل الله أن نموت عليها نحن وجميع المسلمين.... بس شفتو ليش بكل موضوع عم تحطو ثغرات؟ المهم, بعتقد انو هدال الأسباب قد لا تجدونها مقنعة, بس الرأي رأيكن, وكل انسان عليه واجبات, ما فيه يقسم حالو 100 شقفة, لأن ما بيقدر يركز بشي ولا يعطي نتيجة.
وأختي لما قالت " أخي" جاملة الكل, الأخ والأخت, يعني بالقرآن لما ربنا سبحانه وتعالى بيقول: يا أيها الذين آمنوا..." بيكون ربنا قاصد بس الشباب؟....خلو في منطق بالحكي, اذا بتريدو, صحيح علقو عأبعاد الأشياء, بس عيلي بتستحق تعلقو عليا, لأن الشخص قد لا يكون قاصداً.
سبب مشاركة أختي شانزي 8 الآن هو حبها للصفحة, وشوقها إلى المشاركة في النقاش الهادف والفعال, إرادتها النصيحة لكم من باب الحرص عليكم, لأن المنتدى صار قلمون تانية ( ما هيك يا أرايب؟).نحنا ما عم نتحركش بحدا...والأسباب يا دوكر منا متل ما قلت, بعد ما سمعت انو الأعضاء عم يتركو المنتدى, وفي كتير كلام جارح دون الاعتماد على أسلوب الحوار...( وشكراً عشهادتك فينا يا دوكر, بس نحنا نبتغي شهادة الله فينا).
نحنا ما منحط بخانة الأعداء حدن...أنا أفرح اذا حدن انتقد موضوعي ( أيجابياً وسلبياً, لكن بطريقة محترمة تعبر عن أخلاق الشخص الرفيعة), ولأنه اعتبر موضوعي على درجة من الأهمية, وقد يخدم الهدف المطلوب والمنشود. نحنا لم نصل إلى مرحلة الكمال, فالكمال للله وحده. وأهلا وسهلا بكل واحد بدو ينصحنا, بس متل ما قلت بطريقة لبقة, مهذبة, دون فتح سجلات الماضي والتدخل بأشياء شخصية خاصة بالشخص وحده( نحنا بنات).
انتو الأخلاق كلكن, وانتو لما هيك عم تقولو عنا, منكن عم تنصحونا بس عم تمسو عرضنا ( لأن نحنا بنات).قال الرسول عليه أفضل الصلاة والسلام:" كل المسلم على المسلم حرام, دمه وماله وعرضه".
صحيح المواضيع تقريباً كلا مهمة, بس أنا شخصياً ويلي بيعرفوني, بيعرفو انو كلمة الحق لا يعلا عليها, وعندي كلمة الشكر والاعتذار والتراجع عن كلمة الغلط متل شربة الميّ, ورفيقاتي كمان.
وأخيراً, هلأ فكرة انو العالم ضدنا, وعم يهاجمونا, سؤال لا يتطلب الاجابة لا البارعة ولا المتقنة, لأن ما حدا عم يهاجمنا بما للكلمة من معنى, نحنا مع الكل, نحنا مع عدم فعل النكايات ببعض, نحنا مع عدم الانقسام بين صفوف المسلمين( على نطاق القلمون وبرّاتا)...بس يلي بيعيش بلا رأس من فوقو عم يتأنبر عليه بيعيش حياة الحر, وبيطلع منو شغل مضاعف عن نقيضه.
سلام إلى جميع الأعضاء...الله يخليلنا هالمنتدى...وتعاونو على البر والتقوى , ولا تتعاونو على الإثم والعدوان ومعصية الرسول...أحبو لغيركم ما تحبون لأنفسكم, تكونو من أحسن الناس خلقاً وتعبيراً ومنطقاً وتطبيقاً للدين الحنيف...
( ما تؤاخذونا على هالطولة) والسلام عليكم.

[دوكر]

يا هلا بالست شانزيمر 6.......
من شان ؤصة الملاحظة لي عطيتا من شان كتابة اخي......عارف الؤصص لي ؤلتيا كلا .....بس متل ما بعرف انو بالمصحف "يا ايها الذين امنوا" ما بتكون مكتوبة بالأحمر......في فرء بين كتابتا من متل بإي الكلمات ....و بين انو تنكتب بالأحمر من شان تلفت نظر.......بس انا ؤلتلك......هدا الشي ما بغير شي ...انا دائمن بظن بأخي المسلم خير....فا ؤلت بنفسي انو نوع من التزين..........
انا معك انو المناءشات لازم تكون بإحترام ....و الكلمات لازم تكون مناءية.....بس انا وءت لي بفوت ع الصفحة بعتبر حالي وإف انا و الزلمة لي عم احكي معو .....و بعتبر حالي عم احكي معو مباشر.....من شان هيكا بحكي معو بلغتي و بأسلوبي ....و كمان ما عندي وءت إعمل موضوع انشاء لكل مشاركة بدي شاركا.......بس ازا شايفين اسلوبي منو محترم ؤلولي.......عنجد عم احكي ....ازا طرءتي بالحكي شايفينا منا محترمة .....ؤلولي ....من باب النصيحة........
فا هدي هي يعني انا بتعامل معكن كل لي بالمنتدى بشخصيتي الحإءية.......ما بصتنع شي.......

كمان شكنت بدي ؤل........آه .....بس سمحيلي بي هل الملاحظة......ملاحظة ع شخصك الكريم ...يا ست شانزيمر 6......شكلك من النوع لي ما بينسا بسرعة....و بتحءدي ع الشخص لي بغلط معك و لو اعتزر....و بتمنى كمان ما توخديا تهجم.....بس من ءرايتي ليلي كتبتاي.....حاسس انك اساتك ناءمة علينا من ورا ؤصة الشانزيمر و المانجو.......
بس منا مشكلة .....ربنا بيعرف ايشيا نيتي كانت....و ماظني اني غلط............
وبرجع بأكدلك ع شغلة ....انا مني فيت ع المنتدى ت إعلأ مع حدا....فايت ت إحكي مع الءلامنة......ناقش معن مواضيع.....اد مني عم حن للألمون.........
مني فايت بإسم مستعار ت ؤعد سب .....و محدا يعرف منيني .....بس فايت بإسم مستعار.....لأني بحب وصل لي بدي ياه ....للناس......من دون ما حدا يعرف مين انا..........
و بعتزر ع الملاحظة.....بس حاسس انو لازم ؤلا..........بركا.......بركا.......شبعرفني........ ..عنجد ما تواخزينا......بس مني عم لائي مبرر للحءد.................
اخوكم دوكر المعوكر.............

[الزاهر]

طيب.....لاحظت أمر......ممكن أول شو هو؟؟؟؟
كونو ما في حدا من المعنيين جمبي حاليا.......رح فوت بلا ما استأذن!!!!
لاحظت بعض السلبية في الردود على هالموضوع (وبالمنتدى بشكل عام).......ولاحظت بعض من نقصان إلتماس الاعذار......وبعض من نبش خلافات......من كل اللي ردو تقريبا......!!!
طيب.....أذا عندي ذرة معزة عند حدا منكن........هل ممكن هاد الشخص (وبدون تلوين يا جار منشان ما حدا يفهمها غلط أو اني عم خصص).......ياخد هالكلمة اللي بدي أولها بعين الاعتبار.....ما ضروري يعلئها حلئو بادنة.....لكن عالأليلة إنو يفكر فيها معي شوية!!!!

الحياة........مقسمة إلى اقسام......قسم مضى وأكل عليه الزمن......وقسم سيأتي (المستقبل والتخطيط له)......وقسم بين الاثنين يضم فترة من الماضي وفترة من الاستشراف .......
طيب......الانسان كمان 3 انواع......نوع بيعيش بالقسم الأول.......وهاد انسان غريب (بالمعنى السلبي للكلمة).......وانسان بيعيش فقط بالمرحلة الثانية.......وهاد غريب......لكن غربتو أقل شدة من غربة الاول......وانسان عايش بالمرحلة الوسطية.......هاد الانسان اللي المفروض نحاول جاهدين نعمل متلو......نذكر الماضي لنتعلم منه......ونفكر بالمستقبل لأن لا نقع في أخطاء الماضي!!!!.......
والأهم من هاد.....إنو نعرف أنو كل ما مضي لا يمكن أن نغير فيه.....ما عنا فئسة Undo هون.......خلص.....يجب بعد أن تحدث المصيبة......بعد أن نتخطى العائق......بعد أن نمر عن المطب......بعد أن نسمع الكلمة المسيئة......أن نختلي بأنفسنا ونستخلص الدرس مما حدث........هيك بيكون الانسان عايش حياة إيجابية......يحول فيها الضغينة إلى درس.......المصيبة إلى معلم.......!!!!

فلو سمحنا......خلونا ناخد هالـ Model ونحاول أد ما فينا مع بعض نتقيد بهالنهج.....واللي عندو أي تعليق عليه.....أو أي اضافة.....أو اي شي......أهلا وسهلا.......!!!!
إذا ما كنا إخوة بدون كـ التشبيه (أولة أخي الريس) ...........ما رح يمشي الحال......أشباه الاخوة ما بعمرهم رح يدخلو مع بعض عالجنة.......فخلونا نعاهد بعض من الآن......إنو رح نكون إخوة بكل ما للكلمة من معاني وتفصيلات وواجبات ومسؤوليات والتزامات وووو.....

ورح بلش أنا.......واللي بدو بنضم لا يستحي........
أعاهدكم جميعا........بأن أكون أخا لكم (بالقدر الذي استطيع).......واطلب منكم أن تغضو عن اخطائي .......لكن النصيحة.......النصيحة بالسر......وبالعلن إن دعت الحاجة!!!!......

يالله.......
شو في احسن من السلام ختام؟؟...........آه لَكَن السلام عليكم!!!

[محمد أحمد الفلو]

, وعنا شغل بالبيت كمان, .


ها ها ها ....:D :D .... كتير والله .... وخصوصا روعه

أنا معكم بالذي ؤلتوه إلا بهالحجه

وبعدين صحيحي شباب الجامع غلطوا يمكن بالأسلوب ... بس هادا ما بيخفي غيرتن وحرصن عالملتزمات ..

والله يهدينا أجمعين

[دوكر]

يا هلا بالمعلم حميطون ...
معك حء...
و هي اعتزار مني لكل لي خلطنا بحاؤن...
انا آسف...

[روعة]

ها ها ها ....:D :D .... كتير والله .... وخصوصا روعه

أنا معكم بالذي ؤلتوه إلا بهالحجه

وبعدين صحيحي شباب الجامع غلطوا يمكن بالأسلوب ... بس هادا ما بيخفي غيرتن وحرصن عالملتزمات ..

والله يهدينا أجمعين


تعا شوف بيتي ببيروت بعدين حكي

[shanzimer6]

أنا للصراحة ما بقا فاهمة شي :confused:
حقودة؟؟؟ :( ما بنسى؟؟؟ وما بقبل اعتذار؟؟؟ وما بسامح يلي بيغلطو معي؟؟؟
أكيد يا أخونا الكريم انك ما بتعرفني, ولو؟؟؟؟ بس الانترنت وهالصفحة صحيح لغة للتواصل وطريقة وأداة من أدوات التعبير, بس ما بتوصّل مشاعر, وما بتفرجيك وجو للشخص يلي عم تحكي معو, الله يسامحكم جميعاً, أحبكم جميعاً إخوة في الله, أحترمكم, وأتمنى الخير لكم....:) :)

[دوكر]

يا هلا بالست شانزيمر6............
معك حء انو الانترنت ما بتوصل المشاعر.......و انا متل ما سبء و ؤلت انو سامحونا ع كل كلمة بنحكيا و بتنفهم غلط........
هلء ازا منك حاءدة.....و منك اساتك زعلانة .....كتير منيح........الحمد الله........
لكن انا شعوري منو بمحلو بالمرة......معناتا انا لي كنت مغلط...........
منا مشكل معناتا .........صافيا بيناتنا .....فاري جود........(very good)......

اخوكم دوكر المعوكر.......

[أيمن غ القلموني]

ها ها ها ....:D :D .... كتير والله .... وخصوصا روعه

أنا معكم بالذي ؤلتوه إلا بهالحجه

وبعدين صحيحي شباب الجامع غلطوا يمكن بالأسلوب ... بس هادا ما بيخفي غيرتن وحرصن عالملتزمات ..

والله يهدينا أجمعين


معك حق
7maytounay

ما تنساـ ـ ـ