شاركنا برأيك في هذا الموضوع...!!!!

[lina k]

السلام عليكم ورحمة الله وبركاته:

كثيرة المشاعر التي تجتاح قلب الإنسان ولكنها منقسمة إلى 3 أقسام"الفرح-الحزن والغضب".ونقاشي اليوم يتمحور حول "الغضب".ذلك الشعور الذي يحوّل الإنسان إلى بركان ثائر.فالغضب من الصفات التي لا يستطيع أحد نكران حصولها معه ولكن تختلف طرق التعبير عنه من شخص لآخر.والطرق الأكثر إنتشارا هي:
1-الصراخ وتحطيم الحاجيات.
2-الصمت والكبت الذي يؤدي إلى الأمراض عند بعض الناس.
3-الوضوء وتغيير وضعيّة الجلسة.وهذه هي وصيّة رسولنا محمد صلى الله عليه وسلّم.
الآن وقد مهّدت لكم الموضوع وأخبرتكم عن الطرق المتّبعة للتعبير عن الغضب,فهل يمكنكم مناقشة هذا الموضوع والإجابة عن هذه الأسئلة:
-أيّة طريقة تستعملون في لحظات الغضب؟
-ما هو شعوركم في لحظات الغضب؟(وصف دقيق)
-بعض من الناس يجعلهم الغضب إيجابيين والبعض الآخر يجعلهم سلبيين.وأنتم أيها السادة ما هو تأثير الغضب عليكم؟كيف؟
-وأخيرا,هل تعتقدون أنّ الغضب وعدم سيطرتنا عليه هو أساس مشاكلنا اليوم؟

أرجو من الجميع المشاركة.

[samer kouta]

mawdou3 jeddan jamil bass ana hallaé bel stage inshalla bass erja3 bektobb
walla 3ajabni

[الزاهر]

-أيّة طريقة تستعملون في لحظات الغضب؟
-ما هو شعوركم في لحظات الغضب؟(وصف دقيق)
-بعض من الناس يجعلهم الغضب إيجابيين والبعض الآخر يجعلهم سلبيين.وأنتم أيها السادة ما هو تأثير الغضب عليكم؟كيف؟
-وأخيرا,هل تعتقدون أنّ الغضب وعدم سيطرتنا عليه هو أساس مشاكلنا اليوم؟



رح احكي بكل صراحة.......
بالماضي كان تماما عكس ما سأقول!!!!......من شي كم شهر يعني ما أكتر!!!!

حاليا......استعمل الطريقة الثالثة........
بالنسبة للشعور......رح اوصفلك ياه........الشغلتين الوحيدتين اللي بيصيرو إني بشوّب.....وبيحمو عيوني!!!!......وغير هيك خلص......ما في!!!!

مممم......تأثير الغضب......بالعادة بفكر بالأمر بعد ما روء.......لكن بحاول اتعلم من الموقف اللي صار......واستخلص شي استفدت منو ........يعني بكل بساطة بحاول أنع نفسي إنو اللي صار فيه الخير.........لكن اثناء مني معصب......مصيبة اللي بيحكي معي......لأن ما بروء إلا ما عصبو!!!......منشان هيك...."بحاول" اعتزل الناس لبينما روء!!!

المشكلة الأساسية إنو مشاعرنا تسيطر على عقولنا......والحل.....العكس بالتأكيد!!!!
آسف على عدم التفصيل بسبب إني مش مبسوط!!!
سلام

[lina k]

سلام,رد الأخ"زاهر"في الشكل صغير ولكن في المضمون كبير.
بانتظار المزيد من المشاركات.

[دوكر]

يا هلا بالست لينا.......موضوع جد مهم ....
طيب ......ت نشوف شبدنا نؤل............
هلأ انا من النوع لي ما بي عصب بسرعة............يعني بدلي رايء..........بحاول اضبط اعصابي ...ما انفعل من ايا استفزاز....بس ازا عصبت الله يستر.........فيني طحبش الدنية.....(منو له الدرجة....).........
بس عصب ........بحاول انو لائي شي يهديني بسرعة....بحاول شوف حدا ...(و لي هو الصديق....)احكيلو......فضفضلو..........ما بكسر شي....هههههههه......ولا بعد وببكي ...(الل بعض الأحيان لي بتكون فاي الؤصة خارجة عن تصرفي....يمكن تنزل دمعتي.......بس م ببكي بكية اليأسان......بدلني حاطت احتمال .......بدلو عندي شوية امل...............
بحاول شوف ايشية اسباب التعصيبو لائيلا حل سريع.............
بحاول أيبل ع الحلول السريعة.............
بحاول.........انو ما إفئد السيطرة.........كلشي لو حل.......
بس كلشي عم ؤليك ياه بحاول اعملو.....بحاول ....و منو دائمن بتزبط معي.........

الغضب لازم نستسمروا ت نشوف اغلاطنا لازم نستسمرو ت نعرف وين نحنا.......
اغلب الأحيان بس فيء من نوبة التعصيب...........براجع نفسي بلاءي انو كان فيني اعمل الشغلة الفلانية و بسهولة بتحل الؤصة............
هههههههههههههه..........بي اغلب الاحيان التعصيب بكون عنا من ورا ضغط نفسي مجمعينو خلال النهار.......و لك احيان خلال اسابيع..........بتلاءينا بنفسو بي كم ساعة تعصيب.....بنصير فيا ....مبعرف كيف....بس بنص عألنا...............
اسا شبدي ؤل..........

مشاي............

يعطيكن العافية........
اخوكم دوكر المعوكر............

[lina k]

سلام,أشكر الأخ "دوكر"على مشاركته الجميلة.ولكن حتى هذه اللحظة لم يجاوب أحد على سؤالي الأخير الذي يحمل معاني مهمة جدا.
دمتم بخير.

[shanzimer6]

عن قريب ان شاء الله , بركا بكرا, ولا يهمك رح جاوب عليّن كلن, مع اني اسا ما أريتن منيح, ولو كم عندي لينا؟ :) ;) :D :cool:

[دوكر]

يا هلا بالست لينا..............
ازدك ع هل السؤال:
-وأخيرا,هل تعتقدون أنّ الغضب وعدم سيطرتنا عليه هو أساس مشاكلنا اليوم؟

اكيد الغضب هو من مشاكلنا ....بس منو هو الأساس ....لأنو ما بعتءد انو في انسان فاي يعش من دون ما يعصب.....
هدي الدنية.......تعصيب و رواء........بسط وزعل........جوع وشبع..........الحياة متلانة متناقضات.......بدنا نعيش و نعيش فيا و تعيش هي فينا كمان......الحياة.....الحياة الدنيا منا هي الحياة المثالية.....الدنية.......هي اختبار .....و ما بعمرو الأختبار كانت بروبلاماتو كلا هينة.........(problem)....لازم يكون الاستاذ مراء شي بروبلام صعب....شي مطب (piege).....
و هيكا الدنية فيا المر و فيا الحلو .......فيا الصعب و فيا الهين........
من شان هيكا مفينا نعتبر الغضب هو اساس مشاكلنا .....بس هو سبب بعض مشاكلنا.............

يعطيكي العافية............
اخوكم دوكر المعوكر........

[lina k]

سلام,الآن يمكنني القول أنّك شاركت فعلا من خلال إجابتك على كلّ الاسئلة..شكرا لك.

[samer kouta]

بسم الله الرحمن الرحيم ...



باختصار , أنا كنت من مُحبِّي الصّراخ والعياط وتكسير الأبواب حتى أنّ هناك شواهد حتى الآن في أرجاء المنزل , وتلك الأسباب أن أمي بتعيّط من هون وأنا على أساس إنّي ما بحب أحد يعيط بوجهي , فكنت أفش خلقي بالأبواب والحيطان .



وبالنسبة للصمت لست أذكر بأنني إستعملتها إلا إذا كان الحق معي وهذا كان نادرآ.





ومن أحد القصص التي تصف تعصيبي , أنه بأحد الأيام وبسبب البكاء الذي كان يُحدثه إبن أختي وعمره 6 سنوات, حملته من رقبته مثل القطة ورميته على الفرشة بقوّة وأقفلت الباب عليه وأمام جميع ناظر عائلتي.





لكنني أندم على ذلك لماذا ؟؟؟؟؟ لأنني تعلمت معنى الصبر !!! كيف ؟؟



الآن شعوري بالغضب يُقوّيني أكثر , والله أقول الحقيقة , فإن الدنيا كلها لا شيئ فلماذا الغضب ؟؟ !! ...



من أول قدم لي في فرنسا, رأيت الصبر لكن لم أتعاطى معه , لكن بعد فترة من الزمن , حيث رأيت الوجع النفسي , والإشتياق إلى بلدي وأهلي, وليس هذا فقت , لكن كانت عوامل كثيرة أدت إلى معاشرة الصبر وإتخاذه الصديق الوفي , الذي كان يؤانسني في اللي الطويل, ويجعلني أكثر قوّة,,.........................



وقبل السفر كان لدي مفهوم عن الصبر ومن أين نتعلم أن نصبر مثلا



من السفر والغربة



من الحبس الذي يعلم كل أنواع الصبر وتستطيعون الإستفسار من أحدهم ...





لكن الآن وبعد أن تَمسَحَ جلدي من ويلات السفر أقول أني الحمد لله أنا من الصابرين أكثر بكثير من الماضي, ولذلك ندمت على فعلتي بابن أختي..



أنتِ أدخلتينا بموضوع طويل لا أستطيع أن أواصل فيه لمدى كبره لكن هذا من أحد أفكاري وردّي على الموضوع.



نعم, إنّ الغضب وعدم سيطرتنا عليه هو أساس مشاكلنا, حيث لا أحد يصغي لأخيه ويتشاجرون بسبب لا شيئ بسبب الغضب ......

[أيمن غ القلموني]

السلام عليكم ورحمة الله وبركاته:

كثيرة المشاعر التي تجتاح قلب الإنسان ولكنها منقسمة إلى 3 أقسام"الفرح-الحزن والغضب".ونقاشي اليوم يتمحور حول "الغضب".ذلك الشعور الذي يحوّل الإنسان إلى بركان ثائر.فالغضب من الصفات التي لا يستطيع أحد نكران حصولها معه ولكن تختلف طرق التعبير عنه من شخص لآخر.والطرق الأكثر إنتشارا هي:
1-الصراخ وتحطيم الحاجيات.
2-الصمت والكبت الذي يؤدي إلى الأمراض عند بعض الناس.
3-الوضوء وتغيير وضعيّة الجلسة.وهذه هي وصيّة رسولنا محمد صلى الله عليه وسلّم.
الآن وقد مهّدت لكم الموضوع وأخبرتكم عن الطرق المتّبعة للتعبير عن الغضب,فهل يمكنكم مناقشة هذا الموضوع والإجابة عن هذه الأسئلة:
-أيّة طريقة تستعملون في لحظات الغضب؟

hasab bass b7awil ittibi3 al tarika al 3 add mafini
-ما هو شعوركم في لحظات الغضب؟(وصف دقيق)
-بعض من الناس يجعلهم الغضب إيجابيين والبعض الآخر يجعلهم سلبيين.وأنتم أيها السادة ما هو تأثير الغضب عليكم؟كيف؟

igabi
-وأخيرا,هل تعتقدون أنّ الغضب وعدم سيطرتنا عليه هو أساس مشاكلنا اليوم؟
laysa al asas bass sabab min al asbab

[lina k]

سلام,أشكر الإخوة "سامر وأيمن "على مشاركتهم مع أنّ مشاركة أيمن قصيرة ومختصرة جدا.والسبب ليس أيمن بل حاسوبه.:d
شكرا لكم جميعا ولكن حتى الآن لم ينجح أحد فيكم بوصف شعوره في لحظات الغضب بطريقة مؤثرة.
بإنتظار المزيد من الردود.

[lina k]

سلام,بعد قراءتي لردودكم المتشابهة وجدت رأيي مختلف عنكم تماما لذلك قرّرت المشاركة.
-أيّة طريقة تستعملون في لحظات الغضب؟
بصراحة,في لحظات غضبي أصمت وأكبت في قلبي وأبكي من شدة الغضب.
-ما هو شعوركم في لحظات الغضب؟(وصف دقيق)
أشعر بنيران تحرق داخلي,ولا أتمكّن من الرؤية أمامي جيدا وينعقد لساني وأحسّ أنّ الأرض تدور بي.
-بعض من الناس يجعلهم الغضب إيجابيين والبعض الآخر يجعلهم سلبيين.وأنتم أيها السادة ما هو تأثير الغضب عليكم؟كيف؟
في لحظات الغضب أكون سلبية جدا حيث أبقى منعزلة عن الناس.ولكن بعد زوال الغضب,أحاول الإستفادة مما جرى معي.
-وأخيرا,هل تعتقدون أنّ الغضب وعدم سيطرتنا عليه هو أساس مشاكلنا اليوم؟
أعتقد أنّ الغضب هو أساس المشاكل في حياتنا الإجتماعية والسياسية.فمشاكلنا الإجتماعية سببها الغضب.حيث يغضب الأخ من أخيه ولا يحاول تهدئة نفسه بل يترك الغضب يسيطر عليه وعلى تصرفاته مما يؤدي إلى المشاكل.وأيضا نفس الشيء بالنسبة للسياسين الذين لا يعرفون سوى إعتماد الحوار الغاضب.


هذا رأيي الخاص.

[shanzimer6]

السلام عليكم ورحمة الله وبركاته:
موضوع جميل يا ست لينا....وعدتك اني جاوب, وهدا جوابي ان شاء الله...بسم الله: :)

أيّة طريقة تستعملون في لحظات الغضب؟ :mad:
أولاً, لما الواحد بيعصّب, وما في حدا منا ما بيعصّب, لازم يعرف ليش هوا معصّب, وإذا الموضوع بيستاهل...فإذا ما بيستاهل انو الواحد يحرّ بدنو ميشانو, فليقم وليتوضأ ويغيّر وضعيته القديمة لوضعية أحسن, تخفّف عنه هذه اللحظات العصيبة, وتقلل من إمكانية خروج المزيد من هذه الطاقة المتحجرة بداخله....أما إذا الموضوع خطير كتير, فيه حياة أو موت, فيه جرصة أو يمكن إنقاذ حياة أو ما بعرف أيش.... فيكسّر يلي إدامو, بس ما كل شي, لأن رح يرجع يندم. وأنا غالباً ما ألجأ إلى الطريقة الثانية وهي الكبت, عسى اني ما انفجر وولد ضحايا... أو يمكن بروح بقرأ قرآن, أو بروح من البيت إذا كان السبب من البيت, أو بترك المجلس إذا السبب منو...

-ما هو شعوركم في لحظات الغضب؟(وصف دقيق) :o
نار عم تغلي, احمرار في الوجه, وجه لا يتفسّر, لكن سرعان ما بروق اذا اتبعت إحدى الأساليب يلي مذكورة فوق من تغيير المجلس وما شابه...يمكن ما كلن مشاعر, بس وصف دقيق للحالة. يعني أيشوا شعوري, بكره كل شي إدامي, بفضّل ما احكي, بأجّل كل كلمة وكل حديث حتى ما اتسرّع, ويزعل يلي إدامي....( كما اني أستفزّ بسهولة بس ما ضروري أعطي نتيجة دغري).

-بعض من الناس يجعلهم الغضب إيجابيين والبعض الآخر يجعلهم سلبيين.وأنتم أيها السادة ما هو تأثير الغضب عليكم؟كيف؟
سبق وقلت....بعتقد في من الجانبين: السلبي والايجابي...السلبي من ناحية عدم تقبل فكرة الاستمرار في الحديث يلي عصبني أو الكلمة أو....ويلي بيدفعني اني عصّب...والايجابي اني بكون مفكرة انو اذا عصّبت, أي حركة أو عمل أو تصرّف بدي إرجع إندم عليه, لأني ما بكون بكامل وعيي ,وبحسب حساب ليلي بدو يصير بعدين, بس روق...

-وأخيرا,هل تعتقدون أنّ الغضب وعدم سيطرتنا عليه هو أساس مشاكلنا اليوم؟ :eek:
في كتير مشاكل بتصير معنا, بس أكيد منا كلا بسبب الغضب, يمكن يؤدي عدم السيطرة على مشاعرنا أو أفعالنا أو تصرفاتنا كمان مشكلة, ولكن لا تعالج بالغضب..لأن الغضب لا يجلب إلا المزيد من الغضب, والمشاكل ....وأول المتأثرين هي نفسيتنا, ومن ثم مشاعر الآخرين....
في مشاكل بتصير معنا ولا تعتمد أبداً على الغضب, وهدا بيرجع حسب نوع المشكلة يلي قاصدتيها, فاذا المشكلة نفسية مثلاً, تؤثر فوراً علينا بدون وعينا أو إرادتنا, فما له الغضب علاقة, بالعكس ساعتا نحن نولد الغضب...إذن, المشكلة هي التي تولد الغضب برأيي وليس الغضب هو الذي يؤدي إلى حدوث المشاكل...
وشكراً على الموضوع, هلأ بلشتي تعجبيني, وأنا بيعجبوني هالمواضيع يلي بيألفن الواحد...

[lina k]

سلام شانزي شكرا على هل المشاركة الحلوة.وهلأ بعد مشاركتك صار في رأيين مع الكبت والباقيين مع الوضوء.وكمان شكرا على وصفك موضوعي بالجميل.وبديّ ألّك إني أنا متلك ما بحبّ المواضيع المنقولة.فجمال الموضوع يكمن في الكتابة الشخصية.
دمت بخير...

[مصطفى معتوق]

صحيح اني ايام الشباب كاسر كم باب ببيتنا بالضيعة .
وصحيح انو اكتر من مرة (كمان بايام الشباب) الرصاص كان يزلغط .

بس تعلمت من كل هاد اني ما اغضب . واليوم صار عندي قدرة رهيبة على ضبط النفس والحمد لله
( يمكن السبب هو عشرة الباكستانية والهنود بالشغل) فساعتها بتكون قدام حل من 2
يا بترتكب جريمة او بتموت بالقلب
ففضلت انا الحل التالت وهو اني اوخد كل الامور ببرودة اعصاب وابتسامة

يا حجة لينا بهنيكي على هالافكار النيرة ... لنشوف اسن شوفي بجعبتك

[lina k]

سلام,أولا حمدا لله على سلامتك يا أخ"مصطفى معتوق".ثانيا,شكرا لك على المشاركة مع أنك لم تتقيّد بالأسئلة المطروحة ولكن لا بأس قد تكون متعبا حتى الآن.
دمت بخير.

[مصطفى معتوق]

سلام,أولا حمدا لله على سلامتك يا أخ"مصطفى معتوق".ثانيا,شكرا لك على المشاركة مع أنك لم تتقيّد بالأسئلة المطروحة ولكن لا بأس قد تكون متعبا حتى الآن.
دمت بخير.

الله يسلمك

[الزاهر]

غشيتني من الضحك يا مصطفى ها!!!!!
الله يخليك!!!