مشاهدة النسخة كاملة : ذكريات في مدارس القلمون.........
Nader 3:16
12-11-2007, 12:13 AM
كم كانت جميلة الايام التي قضيناها في صفوف القلمون...و الكل عنده ذكريات مع الاساتذة و الدروس....
يعني كل واحد ذاكر شي قصة حصلت معه في الصفّ او قصيدة قديمة مشهورة او شي درس ترك في نفسه انطباعاً...
فليشاركنا هنا...::
و سأكون اول من يبدأ:
وقت كنا بصفّ الخامس و كنا عالمنهجية القديمة لساتني متذكر استظهار كانو الطلاب حافظينها عن ظهر قلب...و اذكر ان استاذ اللغة العربية كان سمير خداج و كان لون كتاب العربي اخضر(ما بعرف اذا ذاكرو يا زاهر) ...و القصيدة كانت بآخرو حسب ذاكرتي...و بعتقد انو الكل سامعها او قاريها :
القصيدة تقول:
دارت مطحنتي يا جاري.......تهدر قرب النهر الجاري
تدعو الفلاحين اليها.........اهلا اهلا بالزوار
لبوها بغلال البيدر....لبّوها بالقمح الاسمر
من خيرات السهل الاخصر....فأغنّي و يطيب نهاري
دارت مطحنتي يا جاري.......
و لسا متذكر انو اول درس عربي كان عنوانو طيور ايلول...و انا اتمنى ان احصل على الكتاب...شو يا ارشيف زاهر ما عندك ياه...؟؟؟
يا الله يا شباب ورجونا همتكم اكيد عندكم قصص...يعني علقات او طرد من المدرسة او تكحيش لبرّة او شي من هالحكي....
و السلام عليكم و رحمة الله و بركاته
مصطفى معتوق
12-11-2007, 12:56 AM
طلاب البلمند بيحقلن يشاركو ؟؟
او هاد الموضوع بس لتلاميذ مدارس الضيعة ؟؟؟؟؟؟؟؟؟
Nader 3:16
12-11-2007, 01:09 AM
هلء انت مو من الضيعة يا معتوق!!!! يعني بحقلّك تشارك.....
بس ليش ما تسجلت بشي مدرسة قلمونية اذا كنت عارف انو بدك تشارك بهيك موضوع:D
الله يسامحك...على هذه الغلطة الشنيعة
و يا الله ناطرين مشاركتك......لأنو شكلك كنت ريس الصف و الفزع ما تكون ريس المنتدى:p
يا الله توكّل على الله و حط المشاركة;)
الزاهر
12-11-2007, 01:27 AM
بتعرف يا نادر انو عندي 3 نسخ منو!!!!!
ههههههههههه
أوووووووووووووووف
احلا درس هو "أبو صابر"
وفي عندك.....دق قلبي دقات عنيفة عندما سمعت ابي يقول لأمي....... دبرنا له مدرسة!!!!!
ياااااااااااااااااااااااااااه
يا هلا بالمعلم نادر تلاته ستاعش...............
يا ويلاي بتعرف اديش حلو هل الموضوع لي فتحتو .........يعطيك العافية.............
بتعرف ......احلى ايان ايام الثانوية.........ياي اديش كان عنا ؤصص........اديش هربانين ......اديش شاغلين بالأساتذة..............ياي...........
ناطرين ؤصصكن ......................
Nader 3:16
12-11-2007, 01:46 AM
هلء يا شباب بدنا مواقف و قصص و شغلات...يعني ما بتكفي عبارات الشكر...بدنا همة...يا الله يا زاهر و يا عوكر و يا معتوق و يا ريس و يا ابو صطيف....ناطرينكم:)
مصطفى معتوق
12-11-2007, 02:00 AM
هاد يا معلم نادر كان في حقلة لوز وقف للدير داير مندار المدرسة ...
وان اخوك معتوق بفصل الربيع يشن غارات على اللوزات هو والعصابة تاعيتو وكان شعارنا خلال الحملات انو مال الدير سرقتو حلال ....
وكان معنا اخي وصديقي الرفيق فيليب مالك نائب قائد المجموعة
بيوم من الايام نحنا ونازلين هبي بهاللوزات ما منشفلك الا الرفيق نبيل قبرصي (المعروف بعمو نبيل) جاية صوبنا وبيده عصا غليظة .........
اتاري كان الرفيق نبيل حاماتي من قلحات ضامن اللوزات من الدير هو والرفيق نبيل شراكة ... والعصابة نازلة فيهن هبي على اساس هنة للدير .........
والله كلنا يلي فيه النصيب وهربنا لمن شفنا نبيل بس المسكين فيليب وقع بالاسر واعترف علينا وتاني يوم تعرضنا لقصاص مرتب من ادارة المدرسة .......
habouleh
12-11-2007, 12:18 PM
طلاب البلمند بيحقلن يشاركو ؟؟
او هاد الموضوع بس لتلاميذ مدارس الضيعة ؟؟؟؟؟؟؟؟؟
خلص بقى عرفنا انك كنت بالبلمند يا كلاسسسسسسسسسسسسسسسسسس
Software
12-11-2007, 12:25 PM
طلاب البلمند بيحقلن يشاركو ؟؟
او هاد الموضوع بس لتلاميذ مدارس الضيعة ؟؟؟؟؟؟؟؟؟
والله اذا الموضوع عن الطلاب القلمونيين يعني بيحقلن بس اذا عن مدارس القلمون ما ما بيحقلن إلا إذا نقلوا البلمند عالقلمون رح نشفلك الحج :) حتى طلاب الثانوية (تجمع المدارس) ما بقا يحقلن يشاركو
RAMADAN
12-11-2007, 12:35 PM
خلص بقى عرفنا انك كنت بالبلمند يا كلاسسسسسسسسسسسسسسسسسس
ايه والله انو كلاسسسسسسسسسسسسس و خلسننننننننا يقى لعمييييييييييييي على قولة الزعيم
أبو شريك
12-11-2007, 12:39 PM
هلا بأخي و حبيبي رمضان,.ايه للكلاسسسسسسسسسس ما في تنين بيختلفو على معتوق بس في واحد تاني كمان ما لزم ننسى و انت بتعرفوا;)
Nader 3:16
12-11-2007, 05:43 PM
هههههههه ...سرقة لوزات الدير طلع حلال بالآخر.........:rolleyes:
اهلين بالاخ معتوق..و بكل من هو غيران من معتوق:p
و يا الله ناطرينكم ...وين البقية...؟؟؟ كل هالاد كنتو عائلين بالمدرسة.؟؟؟؟؟؟:)
Nader 3:16
12-11-2007, 06:30 PM
بتذكر انو (الاستاذ عبد الله الشيخ) كان يعلّمنا تاريخ و جغرافيا بمدرسة الصبيان...و كانوا التلاميذ ينطروا ساعتو بالنطرة...لأنو افضل استاذ تاريخ و جغرافيا بالعالم بعتبرو...يعني ما في معركة بدرس التاريخ الا وكنا نمثّلها بالصف ما في عملية اعدام الا و ...بالجغرافيا كنا نمثّل دور الطائرات تحتى يشرحلنا حركة مرور الطائرات على خطوط الجوّ و احياناً كان ينزّلنا عالملعب و يورجينا كيف بشوفوا القبلة....هذا بالاضافة الى التعليقات المضحكة عالتلاميذ الكسلانين....:D
يعني بالفعل كان يعطي نكهة للعلم ...مع انو هذا النوع من العلم ناشف......
و احلى الكل كان يحكيلنا معلومات عامة كتيييييييييييير..واحياناً كان يسألنا اسئلة معلومات عامة...ووقت ما حدا بيعرف يجاوب كان يعيط لشي تلميذ اصغر منا بشي صف او صفين و يقلنا الجواب ...و يمرء يصفقنا بالقضيب كلياتنا!!!!!!
و الله ما اجمل هذه الذكريات في مدرسة القلمون.....:cool:
Nader 3:16
16-11-2007, 02:06 AM
بتذكر بصف العالي تالت كان يعلّمنا الاستاذ محمد سمير فرنسي و كانو التلاميذ معوفينو خلاقو لأنو ما كان حدا يحب الفرنسي...و كان اكره الشي عند هذا الاستاذ حدا يصوفر او يطلّع صوت بالصف...فكانوا التلاميذ ما يحبّوا يعملو نكايات الاّ شوية صغير...و كلّ يوم الدرس ممنوع يكتمل الا ما الاستاذ يعرف مين صوفر..و ياما آكلين مساطر و قضبان من النظاّر بسبب هذه الافعال البطولية.....
و الى ذكريات اخرى عن قريب ان شاء الله
أبو حسين
28-11-2007, 08:18 PM
عسيرة القصص يلي كانت تصير معنا بالمدارس أو الضيعة .كنا نحنا وصغار عنا قدوات بالمشاكسة والتمرد عالقوانين المدرسية وحتى العائلية وكان في ناس و شخصيات بتمثلنا المثل الاعلى بهالمجال
كان في ناس مثلهم الاعلى كابتن ماجد أو عدنان ولينا أو .....
أما أنا ورفقاتي فكان مثلنا الأعلى توم سوير مهيك يا OUSS
فالى كل محبي توم سوير اليكم هذا الرابطwww.sadrex.com/vb9/showthread.php?t=10831
أبو حسين
28-11-2007, 08:22 PM
نسيت أن أقول أنه يجب الانتظار 50 ثانية ومن ثم الضغط على الرابط
عسيرة القصص يلي كانت تصير معنا بالمدارس أو الضيعة .كنا نحنا وصغار عنا قدوات بالمشاكسة والتمرد عالقوانين المدرسية وحتى العائلية وكان في ناس و شخصيات بتمثلنا المثل الاعلى بهالمجال
كان في ناس مثلهم الاعلى كابتن ماجد أو عدنان ولينا أو .....
أما أنا ورفقاتي فكان مثلنا الأعلى توم سوير مهيك يا OUSS
أهلين بالزعيم , يا زلمة زكرتني لمن كنا بفرقة ال16
ياي كل فصل , رح نرجع نحكي منن كم أصة بس نفضا , بس في أصص ما بتنحكا لبعد شي 30 سنة
متزكر غزوة تلّ الزعتر;)
Nader 3:16
10-12-2007, 05:38 PM
عذراً على الانقطاع بسبب الإمتحانات...
المهم..
بطل هذه القصة الأخ ابو صطيف ..هادا يا حبايب كنا بصف القسم أول(بالثانوية)..و كانوا جايبين معلمة فرنسي جديدة بعد ما الشباب طفشو المعلمة الاولة...
فقرر منسق العمليات التخريبة ضد الاساتذة انو ينعمل شي شغلة نطفش المعلمة كمان...فالمهم تطوع البطل ابو صطيف لتنفيذ العملية و التي هي عبارة عن اشعال مجموعة محارم من طراز mimosa ادت الى صدور رائحة قوية مما ادى الى اعطاب ساعة الفرنسي بالكامل..و احالت الصف الى التحقيق....
و بعد التحقيق تبين للمحقق كونان او ابو صطيف هو من نفذ العملية و قد تم طرده ليومين....
وتحية للمناضل الأخ ابو صطيف ......:)
والى عملية اخرى ضد معلمة او استاذ آخر!!!
[SIZE=4]و بعد التحقيق تبين للمحقق كونان ان ابو صطيف هو من نفذ العملية و قد تم طرده ليومين....
له له يا اخ نادر زعلتني منّك ع هل الجملة لك نسيت انّو جتمعت اللجنة و قررت اعطاء البطل ابو صطيف يومين نقاهه على عمله الشجاع و لكن الإدارة الفاقدة للشرعية استخدمت هذه الفرصة و كتبة ورقة انا طلعت قرار بطرد ابو صطيف يومين
يا هلا بالمعلم نادر......
هههههههههه.............ؤصة حلوة و اسلوب كتير مميز بسوق الاحداث.....
و يا هلا بالمعلم فادي....هههههههه.....التعديل ع الجملة تبعت نادر كتير حلو.........
عجبتني طرءيتكن بحكي الؤصة .......
يعطيك العافية..........
اخوكم دوكر المعوكر............
أبو حسين
11-12-2007, 12:29 AM
قصص حلوة بس بلا شواهد
هذه الورقةالناجية من مجزرة جماعية بحق العشرات من اخواتها بعد أن أحس والدي بخطرها الدراسي على اخوتي وتحريضها على...الشغبhttp://www.2shared.com/file/2591109/2108683a/mokhalafeh2000.html
أبو حسين
11-12-2007, 12:31 AM
ويلي عندو دليل يحطو http://qalamoun.com/Forum/images/icons/icon12.gif
http://upload.9q9q.net/file/RTQNNIgGdUP/mokhalafeh2000.jpg.html-Accounting.html
http://ia360608.us.archive.org/2/items/student_796/mokhalafeh.jpg (http://www.archive.org/details/student_796)
يا هلا بالمعلم ابو حسين و الله...
هههههه...اساتك محتفظ فيون...هاها يا نادر صار لازم توثقو كلامكن ...ههههه...حلو هيكا...لو حدا ألي هل الفكرة كنا ساعتا صورنالكن العمليات لي كنا نعملا بالصف...
يعطيكن العافية...
اخوكم دوكر المعوكر...
Nader 3:16
11-12-2007, 11:55 PM
يشهد الله يا معلم دوكر انو كل عملية ضد الاساتزة بالثانوية مطلعين فيها بيان ....بس و الله منهم معي يمكن ضاعوا...
يعني ازا بتقراهم بتفرط من الضحك
أنا عندي كم شغله متل الإمضاء لطرد روعة الشعّار يا اخ نادر انشالله بأيبل عليّن و بحطن
و من الشعارات اللي مطلعينا:
بدنا التار بدنا التار من روعة بنت الشعار
سمّي جحش و سمّي حمار و م تسمّي ....................
و اسا في شعار حلو طلعنا وئتل علء وسيم الحكم مع نجلا اللي بتشتغل بالثانوية وئتا كنت موصله شي عنّو للمديرة الفاقدة للشرعية
لا رحمِة و لا غُفران لنجلا أمّو لجبران
Nader 3:16
12-12-2007, 01:03 AM
الله يحييك يا معلم فادي....زاكر المظاهرة ضد الدانمارك يلي عملناها بالملعب...و حرقنا فيها اعلام الدانمارك...
وزاكر غنية (سا سا....) وئت وسيم حكم غناها بالملعب.!!!!
و الإحتفال ب 18 آدار وئت رجع المعلم آدي الى اللجنة!!!!!! والقى خطاب هز الثانوية كلها...
و الله هاديك ايام .....
ازا معك ياهن نحنا ناطرينك ....
و يا اهلين.....
Arsenic
12-12-2007, 01:08 AM
والله شي حلو كتير إنو الواحد يتذكر شي من الماضي.
بس أنا عنجد بستغرب كيف بتتذكر هيك أشياء قديمة كتير.
نس رح ؤلك قصة بالقسم أول لما إشترينا (كيس ريحة) وفجرناه عساعة الإقتصاد وكحشوني أنا وبعض الشباب .
و جاء في بيان اللجنة المنفذة للعملية...:
اننا في اللجنة نتبنى العملية البطولية و التي قام بتنفيذها مجموعة من كوادر اللجنة و من بينهم البطل Arsenic و التي كانت عبارة عن تفجير كيس رائحة يحتوى على غاز الكبريت....و قد انتشرت الرائحة في ارجاء الصف... و سجلت بعض حالات الاختناق في صفوف الطلاب خاصة الفتيات..و قد تم اعطاب ساعة الاقتصاد بالكامل...
و تم تكريم منفذي العملية و إعطائهم يومين إجازة.....
Nader 3:16
12-12-2007, 01:13 AM
اهلين بالزميل Arsenic هههههههههههههه
و الله ايام بتاخد العقل....بتزكر انو البيانات صورناهم بالاول....وين صاروا ؤولك؟؟؟
لسا في كتير عمليات خصوصاً عساعات الفرنسي و الجغرافيا.....
و ان شاء الله الى عمليه أخرى ضد احد الاساتزة!!!!!!!!!!!!!!
هذه الصور تريكم امضاء كوادر واعضاء اللجنة
امضاء صف القسم تاني علوم عامة
http://www.eyelash.ps/upload/uploads/c5cbc74e1a.jpg
امضاء صف القسم تاني علوم الحياة
http://www.eyelash.ps/upload/uploads/e0e850a4c2.jpg
امضاء صف القسم أول علوم عامة
http://www.eyelash.ps/upload/uploads/42dc1b6cc4.jpg
انشالله يا اخ نادر رح ايبل عل الخطابات اللي كنّا نعملا
Nader 3:16
12-12-2007, 10:39 PM
ههههههههههه ولا اساتك محتفظ فيهم!!!!
الله يبارك فيك يا معلم فادي و بدنا الخطابات لأنو احلى بكتييييييييييييير..
و اذا عندك شي صور من الثانوية حطّهم!!!
Nader 3:16
14-12-2007, 11:29 PM
بصف القسم اوّل:
منفذو العملية: شباب الصف..
الزمان:ساعة العربي...
اتفقنا انو نشلح متين و خمسن عالارض و ننط نشوف مين بيمسكها...فأول ما رميت عالأرض الشباب كلهم صاروا فوق بعضهم مما ادى الى طرد بعض الشباب للخارج و تم التحقيق معهم من قبل الإدارة الفاقدة للشرعية
بس يا اخ نادر م كملت الؤوصة يعني م ؤولتلنا مين اخد ال 250 بالآخر
هههههه ، الله يبارك فيكم، قصص جميلة، ذكرتونا بأيام الشباب، يايييييييي والله أحلى إيام كانت :1 (54):
الزاهر
16-12-2007, 04:54 AM
هاتو لنشوف.....شدو الهمة.....وتذكرولنا هاد من أي صف؟؟؟
دق قلبي دقات عنيفة عندما قال أبي لامي:"دبرنا له مدرسة". والتفت إلي، فلم أُبد ما كان ينتظره من الارتياح، فأعرض عني.
ودخلت المدرسة مع من دخلوا، فكانت الفاتحة أن أكلت قضيبين سُخنين على سفح ظهري...فأرخيت لرجْليّ العنان، فاستقبلني والدي العملاق بأحد قضبانه.
كان،غفر الله له، يعمل بنصيحة من يقول "إذا أحببت ولدك فهيئ له القضبان حزما حزما". ثم قادني كالعنزة الشاردة، وهناك، على أعين التلاميذ، قال الكلمة المأثورة للمعلم: "اللحم لك، والجلد والعظم لي". ثم التفت إلي وقال بغضب: "هل فهمت"؟ ومنذ ذلك الحين صرت أطْوَع من الخاتم في الخنصر، وأنعم من المُخمل.
وفي يوم أحد، خرجنا من المدرسة فإذا بزمّارين معهم دب يغنون له، ويرقص على وقع الدف والقصب، فعجبت من طواعيته كالبشر. يعرض العصا بين كتفيه كالناطور، ويمشي مشية الصبايا والعجائز، ينام ويقوم كما يكلفه صاحبه حتى انه يدخن بالغليون.
قلت لوالدي: الدب، كيف تعلم كل هذا؟ فضحك وقال لي المثل المعروف: العصا تعلم الدب الرقص.
كانت المدرسة تحت السنديانة، حيث كنا نصطفّ خطا طويلا: الأعلى فالأعلى علما. وفي تلك المدارس كانت تسوسنا العصا أستاذة الدب. أما عقاب الجرائم الكبرى فكان (الفلق)...ليتك تذوق طعمه. الفلق خشبة تكمش الساقين معا لتُعرّض القدمين إلى قضيب المعلم فيضرب ويضرب بلا شفقة. إنني لم أذق هذا العلاج، والفضل لحزمة قضبان الوالد التي لا تنتهي.
Nader 3:16
16-12-2007, 03:55 PM
و لك ياااااااااااااااااااااااااااي يا زاهر رجّعتني 10 سنين لوراء...
هادي الدرس رقم 3 او 4 بصف الخامس....
واذا بدك بذكّرك بقصّة صارت وئت كان الاستاذ ع يشرح الدرس بس ما فيني قولها هون......
الزاهر
16-12-2007, 04:03 PM
هو تحديدا الدرس الثالث.......ما شاء الله....ذاكرو منيح هيئتك.......ومين بينسا هالكتاب........أروع كتاب قراءة عربية على مر المراحل الدراسية وعلى مر العصور!!!!!
المرة الجاية رح حط درس تاني.....لكن خليه مفاجئة!!!!
سلام
Nader 3:16
17-12-2007, 12:17 AM
الله يبارك بالاخ ابو صطيف الذي نفّذ عدة عمليات ضد الاساتذة و النظّار بالثانوية...
جاء في بيان اللجنة:
بينما كان الاخ ابو صطيف في الملعب (هربان من ساعة الانكليزي مدري الجغرافيا) يلعب بالكرة اذ لمح في الملعب احد النظاّر التابعين للإدارة الفاقدة للشرعية...عندها قرر استهدافه بشوطة فطبول volley من طراز Molten استقر على رأس الناظر الفاقد للشرعية و اصيب بحالة اغماء بسيطة.....
و قد دعا الناظر عأبو صطيف بقوله (كسرا ايديو يلي شاطها هع هع هع)
و قد نال الاخ ابو صطيف وسام بطولة من قائد اللجنة!!!!!
ما قدرنا نعطيه يوم اجازة لأنو كان فيتحضير لعملية اكبر .....
و الى عملية اخرى ضد ادارة الثانوية الفاقدة للشرعية:)
الزاهر
17-12-2007, 12:29 AM
سمعو لنشوف.....رح نرجع كم سنة لورا......ونحكيلكم حكاية.......أبطالها هم الناظر ألواين........والتلامذة في غابة شيروود....عفوا....مدرسة الصبيان الرسمية........
وتبدأ القصة على الفرصة.........بيرنن الجرس........بينزلو التلامذة على الفرصة........وشي بيروح يشتري شي بيروح يلعب........
وكل من يخالف بيألو ألواين ......روح وئاف عالحيط.....وبيظن إنو نجي من المسطرة.......إنو خلص......وئفنا عالحيط.......وحرمنا الفرصة.......
لكن يفاجء إنو بعد ما خلصت الفرصة........بيجي ألواين معصب......وهالشرر عم يطلع من عيونو.........وبيألهم يالله......مدو أيديكم.......وما مرئت فرصة إلا وكان في ما يقارب ال 40 طالب عالحيط
وبيبلش فيهم......على مدى حصة كاملة.........عالروحة بيضرب مسطرة......وعالرجعة مسطرة..........صف طويــــــــــــــــل..........بالأخير بتطلع آكلك شي 30 طبق ناري برياحة!!!!
هادي مدرسة الصبيان اللي بعرفها أنا.......من شي 10 سنين تقريبا......هلأ الله أعلم كيف صارت!!!
سلام
Nader 3:16
17-12-2007, 12:39 AM
ولك ياااااااااااااااي يا زاهر اديش آكلين قضبان من الاساتذة و النظار بمدرسة الصبيان....
يا زلمة في شغلة تانية انو هالمنهجية الجديدة مصيبة و الله ..ولك يا محلا كتب المنهجية القديمة و كريقة التعليم يا زلمة الأستاذ كان يعلمك و يعطيك معلومات و كأنك عمستوى عالي....يعني بتطلع من صف العالي اول بتفهم كل مبادئ الmath و القواعد العربي و و و....
هلء انا بالبيت و الله بزعل عإخواتي يا زلمة و الله العظيم بعتل هم كيف بيقدروا يستوعبوا!!!!!!!!!!
ولك يا محلا ايام الاضرابات و دورات الvolly عالفرصة بين الصفوف...
و الله ايام لا تنسى!!!!!!!!!!!!!!!!!!!!!!!!!!
بعض التوضيح على ما ورد في قصة الأخ نادر
جاء في بيان اللجنة:
بينما كان الاخ ابو صطيف في الملعب (هربان من ساعة الانكليزي مدري الجغرافيا) يلعب بالكرة اذ لمح في الملعب احد النظاّر التابعين للإدارة الفاقدة للشرعية...عندها قرر استهدافه بشوطة فطبول volley من طراز Molten استقر على رأس الناظر الفاقد للشرعية و اصيب بحالة اغماء بسيطة.....
و قد دعا الناظر عأبو صطيف بقوله (كسرا ايديو يلي شاطها هع هع هع)
لك يا أخ نادر نحنا من ايمتن منهرب كنا ليش شايفلي الباب مسكر نحنا كنا نطلع من الصف من الباب لنرتاح من النوم و نتفقد الرعية كنّو حدى بدّو شي منن
و قد نال الاخ ابو صطيف وسام بطولة من قائد اللجنة!!!!!
ما قدرنا نعطيه يوم اجازة لأنو كان فيتحضير لعملية اكبر .....
و الى عملية اخرى ضد ادارة الثانوية الفاقدة للشرعي
ياي اديش نبصتنا يومتا عملنا احتفال كبير كتير و عزمنا في اصدقاء اللجنة بمدرسة المنار و قد قلّد قائد اللجنة الأخ بو صطيف وسام شرف برتبة كومندور
اما بالنسبة للعطلة فمكانت لازمه لأن كان تاني يوم في عطله
يلا يا أخ نادر ناطرين سرد العمليات ضد الإدارة الفاقدة للشرعية من قبل اللجنة بس اوسحاك طغلت مرة تانية
Nader 3:16
17-12-2007, 11:33 PM
صار في لخبطة بالمعلومات يا زميل فادي ان شاء الله الى عمليات اخرى....
Nader 3:16
18-12-2007, 04:10 PM
بسم الله الرحمن الرحيم...
هذه العملية هي قبل تأسيس اللجنة المكافحة ضد الادارة الفاقدة للشرعية...
بصفّ ال seconde ...
مرة الشباب شالو الباب من المفصّلات و سندوه عالحيط و ما كان ظاهر انو في شي غريب و انتظرنا الاستاذ ليفوت ...بفوت الاستاذ و كان معود يسكرّ الباب...فأول ما باشر بتسكير الباب و اذا بالباب يهوي على رأسه.......و قد تكررت العملية مع عدة اساتذه الى ان تعرضنا لتهديد بإجتياح للصف من قبل الادارة الفاقدة للشرعية مما ادى الى ايقاف العملية.....
الزاهر
18-12-2007, 05:04 PM
سماع لنشوف.........هاد يا جماعة مرة وئت كنت بمدرسة المنار.........قمت وبرفقة رزمة من خيرة الشباب بعملية هروب على الفرصة وعملنا مناقيش من عند عيشة......وطلعنا عالكروم وفأعناها ترويقة هيك الصبح بكير......وعند عودتنا كانت تترصد لنا الست بنات من برج مراقبتها العالي....حيث من المستحيل علينا ملاحظتها.........
وعبثا حاولنا العودة بدون أن يلاحظنا أحد........فكان نصيبنا أن طردنا ومنعنا من العودة بدون أهلنا.......
وبعد مفاوضات دامت طويلا ......سمح لنا بالدخول ....لكن كان علينا انتظار المدير.......وانتظرنا وانتطرنا......أكيد برات الصف.......ولسا الست ندى بتألنا هلأ بيجي......وبعد أن اتضح لنا بعد حوالي الربع ساعة ما كانت تدبره لنا.......وبعد أن أدارت الست بنات ظهرها في كوريدور فرع البنات بالمدرسة (أيامها كان في فرع بنات)......همت المجموعة بالهرب من المدرسة مجددا........
وبعد أن صار يطلع دخان من رأس النظار والأساتذة في المدرسة.......اتصلو بأهلنا وأرسلو لهم التهديد تلو التهديد.......
وبعد أن رضحنا للأمر الواقع......وانصعنا لطلبات أهلنا والإدارة.......عدنا إلى المدرسة ......وإذ بنا نفابل بالبهدلة والكرفتة........وتعود الناظرة وتطلب منا أن ننتظر المدير.........وننتظر....لكن والحمد لله ما هي إلا لحظات ويصل.......وبلش فينا بهدلة فوقاني تحتاني..........وهاد اللي عم يضحك بعبو.......وهاد اللي مدري مين عم يكركرو........ويصدر فينا بيان ويعلق في ردهة كل طابق من المدرسة.......وتحذف من أرصدتنا 3 نقاط سلوك.........
وبعد كل هذا......صدر فينا قرار بأن نحرم من بقية الحصص في ذلك اليوم.....على أن ننتظر نهاية الدوام في المدرسة........وحرمنا من الفرصة لمدة شهر يمكن........
ونحن بانتظار أن ينتهي الدوام.......قررنا أنه عيب علينا أن يصدر قرار بأسمائنا لتراه كل طلاب المدرسة.......وقررنا بأنه لن يترك القرار المعلق في الردهات لأكثر من ربع ساعة.......وفي حين غرة....يذهب البطل المغوار (ع.ح.).....وينتزع الإعلان من طابقنا.........
وفي غفلة عن الست بنات.......يسلحب على الدرج.....ويتجه نحو مركز الست يمن........ويغافلها وينتزع الإعلان من طابقها.........وبقي الإعلان أمام الإدارة........
هنا المشكلة........الإدارة مركز حيوي في المدرسة.......وبالعادة لا تخلو من الأساتذة والنظار المداومين.......وبقدرة القادر......وبتيسير الميسر.......يقوم أخونا المثابر بانتزاع الإعلان "من أمام غرفة الإدارة"........ولم يبق أثر لفعلتنا في أي مكان.......والأنكى من ذلك (بالسيري هادي)......أن لا أحد انتبه على طمس الأدلة.........
دام أخونا المناضل بالصحة والعافية......ودمتم بكل خير.........
Nader 3:16
19-12-2007, 10:25 PM
الله يبارك فيكم يا اخ زاهر على العمليه البطولية ضد كل الادارات الفاقدة للشرعية....
و الى عملية اخرى
http://www.eyelash.ps/upload/uploads/f8ab8671b6.jpg
Nader 3:16
24-12-2007, 03:14 PM
نوجه دعوة خاصة للأخ زاهر.....لحتا يغطي الاحتفال......كونو صحفي بارز في منتدى القلمون...
و نذكر بأنه سيكون هناك خطاب تاريخي بمناسبة الإحتفال
THE TERRORIST
24-12-2007, 09:30 PM
شكراً يا نادر على القصص يللي حكيتها عنّي.... و أنا كنت حابب شارك بالموضوع بس للأسف ما فضل شي إحكيي....
يللا معليش...
و ميشان فادي... أنا من أوّل الطالعين بإذن الله...
و دوع
انشالله الخطاب رح ينحط عالمنتدى مع الصور
بس منّا حلوة منك يا نادر تعزم زاهر بس منشان التصوير زاهر من اول المعزومين و اكيد رح تجي الصحافة العالمية تنقل الخطاب التاريخي الذي يلقيه سيادة فخامة الدكتور السيد ********
لم اكتب اسمه بسبب الأوضاع الأمنية من شان م يغتالو بس م تزعلو الأربعا بتعرفو مين و هيك م بأسر بيعاود فيكن تغتالو
يتخلل السيران :
البدء بتلاوة لما تيسر من القرآن الكريم لشيخ قراء اللجنة
كلمة لفخامته
انتساب اعضاء جدد الى اللجنة و اداء القسم
انشاد لفرقة اللجنة للفن الإسلامي
ترقية للأعضاء و القادة
لعب غول و توزيع جوائز قيمة للفائزين
و أخيراً اكل و عصير على انواعه
Nader 3:16
25-12-2007, 03:58 PM
يأطع خملك يا فادي صار شي 100 واحد عم يسألوني ايمتن الطلعة و اي ساعة و اديش الدفع ...
عجبني مشروع الاحتفال....بس مين هو شيخ القرّاء..؟؟؟؟(أبو صطيف)
اليوم يا نادر بيتحدد كلشي بعد العشا
منجتمع و من شوف شو بدنا نعملكن و ايا ساعة بدنا نطلع
بس حسب علمي صارو شي 29 شخص هادا كان يوم امس بس م بعرف هلأ اديش صارو لأني اسا م نزلت من البيت
تم تحديد الوقت الساعة السابعة و النصف صباحاً
حُسَينْ ... !
26-12-2007, 12:25 AM
سلام عليكم
مشكورين يا شباب على هذه القصص الجميلة
و احبت ان اشارك معكم بي قصة صارت معي مع انطوان فرح
بي يوم من الايام قررنا انو نشتغل بأنطوان متل العادة يعني:)
كان متل عادتو عم يقرا النص و يفسر الكلمات الصعبة و انا و شب من الشباب الطيبة قاعدين ورا و ح نموت من الضجر ، قام طلع معي فكرة بغري قلتلو للي قاعد جنبي هيكا هيكا الفلم قلي تكرم
هوني رفعت أصبعي قام انطوان نصدم ، حسين عم يرفع اصبعو بدو يشارك؟ ما بصير اكيد في شي ، "تفضل سأل" بكل لهفة كان عم يقلي أنطوان ، ساعتا بادرت بالسأل "استاذ شمعناتا confuste (اسمي القديم بالمنتدى) "صار هو يطلع بالنص لي عم يفسرو "بأيا سطر؟"
"لأ يا استاذ منا بالنص هادا"
"لكن وين إريتا؟"
"مفيني قلك" و انا فارط من الدحك
"طيب بس قلي بأيا encyclopedie أريا"
"مفيني قلك"
"معأني مني سامع فيا ، بس براجعلك بالمراجع لي عندي و بردلك خبر بكرا"
هوني انا نكعت الشب لي جنبني
"استاذ استاذ ... شمعناتاconcrate؟"
هوني انتبه انو عم نشتغل فاي
"قمو طلعو لبرا"
و اسا فس قصص كتير صايرة معنا بالمدرسة ، و الله احلى ايام ايام المدرسة .
مشكورين
Nader 3:16
26-12-2007, 12:37 AM
السلام عليكم يا confuste
بس دخلك شو معنى Solivotaire!????
كنا نتمنى انو تكون هون تحتا تطلع معنا!!!!!! بس بسيطة مرة تانية ان شاء الله....
حُسَينْ ... !
26-12-2007, 12:42 AM
كيفك يا ندور؟
هههههههههه اكيد ما بعرف شمعناتا
صحتين على قلبكن ، و سلم على الشباب
اهلين ب حسسون
على سيرة انطوان صار بالأول اصا و هي
انا و كنت بالثنوية كل الأساتذة كنت عيطلن ابو شي متل ابو وسيم , ابو زياد و اخدو الشباب منّي هل الشغلة و صارو هنه يعيطولن هيك بس م كان في غير انطوان م منعرف هو ابو مين , فمرة اجتمعنا و اعجئناها علي و اسئلنا يا استاذ انطوان انته ابو شو فرد و ئلنا ابو مشي فصرخت انا ابو مشي ابو مشي و ردو الشباب ورايي فخوت من هل الشي و من وئتا من عيطلو ابو مشي
سلامي الحار الى : ابو وسيم , ابو زياد , ابو رامي , ابو شوقي ..........
moustafa
26-12-2007, 09:45 PM
أهلاً بالحسون و بقصصو الحلوة .... و الله أحلى ترويقة كانت اليوم..... شي بيطيّر ضبنات العقل...صحتين يا شباب اللجنة
Nader 3:16
26-12-2007, 11:23 PM
ابرز ما جاء في خطاب رئيس اللجنة:
-التأكيد على مواصلة الكفاح ضد ادارى الثانوية الفاقدة للشرعية
-اعلان يومي الجمعة و الاحد عطلة اسبوعية..
-اقالة المديرة في مدة اقصاها شهر نيسان...
على الصعيد الخارجي
-مشكلة القمح في دارفور
-الانقسام العراقي و الفلسطيني
-قطع العلاقات الدبلوماسية بين اللجنة و روسيا بسبب تردي العلاقات..
و قد تم تقديم اوسمة الشرف للمنتسبين الجدد...
لمشاهدة صور السيران للجنة القلمون الرجاء الضغط هـــــــــــــنــــــــــــــا (http://www.qalamoun.com/cpg1410/thumbnails.php?album=lastup&cat=0)
الرجاء التنقل من صفحة الى صفحة اخرى لمشاهدة الصور
و شكراً
شي بيطيّر ضبنات العقل...صحتين يا شباب اللجنة
سلملي يا بو صطيف ع ضبنات عقلك
ملاحظة بو صطيف سبقنا بشي نص ساعة عالضيعة لأن كان عندو موعد و وئت اللي وصلت عالحارة لأيتو فيا و قلتلو شرأيك افردلك فرشه عنّا عالسطح من شان تنام بالحارة عنا
Nader 3:16
27-12-2007, 03:15 PM
الله يعطيك العافية يا فادي....و يأطع خملك حاطط كل الصور!!!!!!!!!!!!!!
ناطرين الفيديو نحنا...تحتا نسمع خطاب رئيس اللجنة
يا نادر مفكرني قاعد بأماركا منشان حطلك الفيديو
نحنا بلبنان ازا بدنا نعمل ابلوود ل 1 ميغا من دلنا عليين شي 15 دقيقة فمين بدّو يحطلك شي 4 جيغا
و الصور م حطيطن كلن اسا في شي 100 صورة بس مرح حطن
Nader 3:16
30-12-2007, 11:56 PM
بالأول وئت كناّ بال seconde قرروا شباب الثانوية انو يعملوا حفلة للأساتذة بمناسبة عيد المعلم بياناً لمدى الحب....
لكن الادارة ما وافقت فما كان من الشباب الاّ الاعتصام عالفرصة و رفضوا الدخول الى الصف ...و جا الناظر.... (يا فلان قوم...يا علتان قوموا الله يرضى عليكم)...و الكل ما حدا عم يرد..
ما بدكم تفوتوا( اي ريتو لأجري لا تفوتوا) هو هيك قال....
المهم نزلت المديرة للتفاوض..و بعد تهديدات بالاضراب من قبل الشباب تقرر انه في اليوم التالي انو ينعمل حفلة صغيرة بأخر 3 ساعات...
لكن في اليوم التالي كل الشعب فركها عالبيت بعد الفرصة و لا عملوا حفلة ولا هم يحزنون..و دوووووووووووووووووووووووع للإدارة الفاقدة للشرعية..!!!!!
اهلين بنادر كتير هلوين هل القصص عم بتذكرني شو كنا نعمل بالأساتذة
يلا شدلنا همتك بذكر القصص وئت اللي كنّا بالقسم تاني
القصة حصلت وقت اللي كنّا بال seconde و هي :
هادا يا شباب كنّا قاعدين بالصف و ضجرانين فققررنا نهرب من المدرسة عالحصة التانية و نطلع عالجبل نتصيد عصافير و نفذنا العملية و هربنا و المنفذين هنّه (انا , رفعت ملاط , بشار مغيط , حامد جمعة , نبيل ميناوية) و يومتا كان في كتير عصافير فكل واحد راح عبيتو و جاب الباروده و كلعنا عالجبل و تصيدنا و شعلنا النار و شوينا العصافير اللي تصيدناهم و رجعنا نزلنا عالشي الساعة 12:30 و يومتا كان عنا 7 حصص يعني كنّا بننصرف من الثانوية عال 2:45 و نحنا و مارقين من جنب بيتن لحامن بتعيطلو اختو و بتقوللو المديرة اتصلت ببوك و قالتلو خليي ينزل بسرعة عالثانوية هادا يا شباب نحنا و بالجبل المديرة عم تعمل إتصالاتا فحطينا البواريد بالبيوت و نزلنا و كان عنّا الحصة السادسة جغرافيا و كان يعلما سمير الحج هادا قبل ما يصير ناظر عام فاقد للشرعية و بعدا انكليزي
استقبلتنا سلوى رضا الفاقدة للشرعية عالبوابة و م كانت بدّا تخلينا نفوت فقاتلناها و فتنا غصبن عنا و رحنا لنفوت عالصف و كانت ريحتنا شوي عصافير
طبل حامد عالباب من شان يفتحولنا يا لأن م كان في مسكه من برا و فتحولنا الباب و قلنا سمير تفضلو فوتو
جدبناها علي و قلتلو لحامد فوت ابلي و حامد قلو لرفعت فوت ابلي الخ الخ الخ و رجعنا قررنا انو نفوت مع بعضنا و نحنا و فتنا عالصف قلنا طلعو لبرا
كان اسا باقي شي 20 دقيقة لتخلص الحصة السادسة
قعدنا برا شي 10 دقايق و رجعنا صرخنا و قاتلنا
جيت المديرا الفاقده للشرعية و سئلتنا شبنا
قاتلناها و قلنلا نازلين من الجبل ركض من شان مي يخلينا نفوت عالصف و من هالحكي فإخدتنا و فوتتنا عالصف و هل القتيل و الصريخ بنكاية بسمير الحج و انو بدنا نفوت عالصف ان قال آه أو قال لأ و نحنا و فايتين عالصف و بدنا نقعد رن الجرس و هربنا نحنا و باقي الشباب ع ساعة الإنكليزي
بمرا من المرات وقت اللي كنا بالقسم تاني كان عنّا آخر حصتين تاريخ و فرنسي فسئلنا ل أبو زياد كنّو فينا نروح و كان بدّو الصرفه انو نروح من عندو فهربنا من المدرسة انا و حامد و وسيم حليحل و فادي الظنط و كان معرف انو اللي بيهرب بدو ينزل اهلو تاني يوم لأن م بيفوت عالمدرسة بلاهن و نزلنا تاني يوم من دون اهلنا و كان عنا اول حصتين ابو رامي وكان ناطرنا سمير الحج الفقد للشرعية عالبوابة و م خلانا نفوت لأن ممعنا اهلنا
قعدنا نفكر ادام الثانوية شبدنا نعمل فقررنا انو ننزل عالحقلة الي جمب الثانوية و نقعد فيا و نحضر ساعتين الرياضيات و نروح عالبيوت (المديرة الفاقدة للشرعية كانت آخدة غرفتين من البناية اللي جمب الثانوية غرفة لصف المات و غرفه أكبر من شان الإمتحانات أو اللي عندو مسابقة و مسيجينا منشان محدى يفوت من هونيك ) رحنا عالحثله و حطينا كل واحد خفانه و قعدنا و يومتا نبصت كتير أبو رامي لأن م بحب بعطي درس اذا كان في واحد غايب و نحنا كنا 4 و كانو التلاميذ اللي عندن رياضه اول ساعة يمرئو و يضحكو علينا نتبهتلن سلوى و جايه كانت بدا تكحشنا قاتلناها نتفه رجعت عيط عليا أبو رامي و قلا تركين انا قلتلن يقعدو برا
راحت عند سمير الفاقد للشرعية و قالتلو ويننا , نزل سمير لعنا و قلنا يا شباب شو عم تعملو هون م قلتلكن طلعو جيبو أهلكن عيك قال و محدى منّا استعبرو و لا رد علي رجع قلنا عم احكي معكن ليش مطلعتو جبتو اهلكن قمنا قلنالو مبدنا نحضر إلا رياضيات فسكت نتقه و قال بقلبو شكلن هالشباب م بدن يتعلمو و رجع قلنا طيب قومو فوتو عالصف ليوم و تاني مرا محدى يعيدا و يهرب فضلينا قاعدين و حضرنا ساعتين الرياضيات و انصرفنا الى بيوتنا مأجورين و من يومتا م عاودو يطلبو منّا انو ننزل اهلنا
هادي القصة من شان حصص الإنكليزي و كنا بالقسم تاني
كنا قاعدين بالصف بأول السنه فبجي لعنا سمير الحج لينقلنا البرنامج و نحنا و عم ننقل البرنامج بيطلعلنا بئصة إنو 3 حصص إنكليزي عنا بالأسبوع
مرء أول اسبوع و م حضرنا ولا ساعة نحنا و فرع علوم الحياة و تقاتلنا المديرة الفاقدة للشرعية و تقولنا اللي م بيحضر انكليزي ممنوع يحضر ساعات المات او البيولوجي
مرء تاني اسبوع ع نفس القصة ف طلع كم شخص لعندا و قالولا انو مبدنا و لا ساعة انكليزي و حطيلنا محلن مات او فيزيك قالتلنا منّو معقول هل الحكي م بيصير لازم تحضرو انكليزي
مرء تالت اسبوع عالقصة إلا بيطب سمير الحج عالصف و بيقلنا البرنامج الجديد و بهل البرنامج تاركين حصة انكليزي قلنالو مبدنا ولا حصة انكليزي قلنا هادا هو البرنامج و رجعنا كمان م نحضر حصة الإنكليزي ع اسبوعين و رجعو يومتا لغيولنا حصص الإنكليزي
أكتفي بهذه القصص التي تعتبر بايخة :1 (65): ع جناب باقي القصص :1 (11):
Nader 3:16
03-01-2008, 09:36 PM
:)وئت كنا بصف القسم الاول نفذوا الشباب الكثير من العمليات البطولية ضد الإدارة الفاقدة للشرعية...و كان آخرها تطفيش معلمة الفرنسي من الصف بأواخر الساعات بالعام الدراسي...
فالمهم دخلت المديرة و الناظر ...و بلشت تسفء محاضرة عن الاخلاق و التهذيب ومن هالحكي ...و شباب اللجنة مو عاجبهم الحكي فما كان من البطل Arsenic الا انو يصوفر بالصف قدام المديرة و الناظر يلي فقدوا عقلهم بسبب الصوفيرة و مين عمين ما حدا فسد!!!
فما كان من الشباب الا انهم اخدوا اجازة ليوم واحد فرحةً بنجاح العملية...
و الى عملية أخرى...
دووووووووووووووووووووووووووووووووع:)
Nader 3:16
06-01-2008, 01:30 AM
السلام عليكم...
هادي الؤصة حكيلنا ياها واحد...
قال واحد من التلاميذ ؤاعد يتغالظ عساعة الجغرافيا بالثانوية و عم يحكي و يعيط و يضج....فقامت معلمة الجغرافيا و قالتلوا:
سكّر بوزك ولا......
فبقوم التلميذ و بقلها ما تقولي ولا!!!!!!! و الشباب كلهم فارطين من الضحك علق عكلمة ولا و ما علق عهاديك الكلمة ههههههههههه....
المهم يا نادر يعمل مشكله مع الأساتذه و نحنا من شجع ع هل الشي
ابو عمر
06-01-2008, 04:22 AM
طيّب سمعوا هل القصّة:1 (22):....في مرّة واحد بلا ما نذكر اسمو :1 (78):كان عم يتغالظ على ساعة الأستاذ محمد غنوم، اَم عيطلو الأستاذ و لبجو أول كف، والتاني، والتالت، والرابع، والخامس، والسادس،و السابع، والتامن...اَم هوّا ورجع على محلّو سألوا رفقاتو ليش سكتّلو؟....اَم قلّن أنا ما سكتلو، بس لو يمدّ ايدو ويسفقني اسّا كف كنت بدّي جيب أجلو....
(الشبّ صبور يا عمّي.... ما فيكن تعتبوا عليه....وعلى فكرة هادي القصّة موثوق منها....):1 (22):
Nader 3:16
06-01-2008, 04:25 AM
ههههههههه...حلوة منك يا رامي....مينو داه الابضاي هيك!!!!!
و اهلين فيك انت و فادي منورين الموضوع:)
يا هلا بالأخ رامي و الى ئصه اخرى بس مع ذكر الأسماء
ابو عمر
06-01-2008, 04:29 AM
والله يا فادي صرلي شي ساعة عم أكتب هل القصّة، مافي عربي على الكيبورد.....هلكت لأن ماني حافظن:1 (5):
ابو عمر
06-01-2008, 04:39 AM
والله للأصص عندي مليون.....يعني إذا بدي احكي قصصي بس، بدّي شي سنة، لأنّو الأستاذ رضوان كان يعيطلي ثعلب من كتر ما هلكتو...ببقا بمرّقلكن كم قصّه ان شاء الله
له يا رامي هلء هيك كان يعيطلك
نحنا ناطرين الأصص وبدك تصبر علينا و تكتب بالعربي لأني انا متلك مفي عربي بالكمبيوتر بس الحمد لله متعود و كمان بالبيت كلو مفي ولا كيبورد عربي
أعلن قائد اللجنه اليوم عن إعطاء عطله يوم الأربعاء في جميع المدارس و الجامعات و المعاهد الرسميه و الخاصه بسبب رأس السنه الهجرية
ابو عمر
08-01-2008, 04:39 AM
هاده يا شباب، حصل ذات مرّة في مدرسة المنار الإسلامية أن طرد الثعلب من حصّة الفرنسي من قبل الست عزيزة حمّود.....و هوّا واطرد الزلمة من هون، نزل على سيّارتها من هون.....وإذ بكون معو كيس من هيدا يلّي بتكبس عليه،اَم بيكبر وبيفجر وبطلّع ريحة يا محلى الريحة الطازة الأصليّة،....المهم، حضي هالثعلب بشبّاك السيارة مفتوح على أدّ الكيس....اَم بيكبس الثعلب هالكيس و بيدحشو بالسيارة، و بشدّ الشباك بالطالع حتّى يحبس مظبوط.....هلّق الفكرة إنّو ما حدا من الأساتذة بيعرف مين بس الصفّ كلّو سمع بالقصّة....اَم تاني يوم، بتجي الست عزيزة على الصف....وبتسأل مين الرزيل والبلا أخلاق يلّي شالح كيس ملبّس مدري Bonbon معفّن بالسبارة.....و راح الشعب كلّو فارط من الدحك...هاده اللّي انبطح بالأرض و ماعاد في يهدّي...والتاني يلّي صوتو وصل عبيتنا...وهيك.......مما أدى إلى طرد بعض التلاميذ من الصف، وأكيد الثعلب من بيناتهم...وهيك مرأت أوّساعة بيحضرها الثعلب..(على فكرة،هالقصّة لها تتمّة، ببقا بذكرها إن شاء الله).....يلاّ سلام
Nader 3:16
08-01-2008, 02:54 PM
ههههههههه حلوة الؤصة يا ابو الروم.....بس بقولوا الشباب اخدوا اجازة ما بؤولوا انطردوا!!!!
Nader 3:16
08-01-2008, 06:34 PM
بالاول وئت كنا بالقسم تاني..ضجت الدنيا بقصة الرسومات المسيئة لشخص النبي عليه الصلاة و السلام...
عندها قرر قائد اللجنة انو ينعمل مظاهرة احتجاج ضد الدانمارك عالفرصة...و وقتها امر القائد برسم عدد من اعلام الدانمارك لإحراقها...و ما بتلاقي بالصف الا يلي عم يرسم ما في حدا منتبه ...و الاخ فادي عم يحمس الشباب بصف العلوم العامة و عم يحضر الخطاب يلي بدو يلقيه الرئيس بالفرصة...
و عملنا مظاهرة شارك فيها كل اعضاء اللجنة بالاضافة الى الكثير من التلاميذ...و صار ترديد عبارات ضد الدانمارك (يا دانماركي ويا ئيئا و يا .....عتيئو) و من هالحكي...
و قد انصت الجميع لخطاب الرئيس الذي اكد فيه على استنكاره للعمل الشنيع ...
و بعد الانتهاء من الخطاب تم احراق اعلام الدانمارك و دوسها تحت الاقدام....
وصل الله على سيدنا محمد!!!
وئتا عملنا غنيه عن الدانمارك بس انا مؤ متذكرا فإذا حدى كان متذكرى من رفقاتنا يحطلنا ياها و بتبلش يا دانمارك و يا ئيئا يا تاسومه عتيئه..............
و مشكور يا نادر على ذكر هل الئصص
شحتوت
08-01-2008, 11:19 PM
الله الله الله على هل الموضوع الحلو الله يعطيك العافية يا استاذ نادر ويزيد من أفكارك النيرة على فكرة أنا كنت كتير مشاغب بالصف بس ماني متزكر موائف حلوة هلق بسيطة الشباب بوفو وبكفو
Nader 3:16
08-01-2008, 11:55 PM
اهلين بالمعلم شحتوت....
و بالنسبة للمعلم فادي...ما فينا اذكر هادي الخصوصيات هون...هادي الغنية من خصوصيات اللجنة!!!! ولو يا فادي:)
moustafa
09-01-2008, 12:11 AM
يا الله......... أدّيش كانت إيام حلوة... و هيدي الغنية كانت بتجنن.... هههههههه الله يرجع هاديك الإيام.......مشكورين يا شباب
Nader 3:16
09-01-2008, 12:18 AM
:)اهلين بأبو صطيف...نوطرين منك كم ؤصة جديدة...
حكيلنا تنشوف ؤصة العلءة مع روعة الشعاّر!!!! اذا ذاكرها
يا نادر روعة الشعار ئصتا ئصه و هي من احلا الئصص يلا شدو همتكن و كتبوا و اذا في شي ناسينو انا بذكركن فيي
رح بلش فيا من الأول:
هادا يا شباب كنا وئتا بالقسم تاني و كان صف العلوم العامة جمب صف علوم الحياة و الصفين بالبناية المجاورة للثانوية يعني كان بدكن تاكسي لتوصلو , و بيوم من الأيام كان عنا نحنا عل الحصة السادسة جغرافيا و أبلنا كان صف علوم الحياة عندن جغرافيا يعني الحصة الخامسة و المعلمة اللي بتعلم هل المادة هيه روعة الشعار فيا ساده خلصت المعلمة الحصة من عند علوم الحياة و كانت جاية لعنّا و يومتا كان التوزيع فكانت المديرة الفقدة للشرعية موزعه هدايا للناجحين و جايبين علامات منيحة و المعلم نادر كان طالعلو هدية آم عطيا ل آدي فمنرجع للئصة و هيه و جاية بدّا تفوت عالصف كان الباب مسكر و يومتا مبعرف مين كان خالع الدرفه التانية لأن الباب عنّا كانو يفتحو درفه واحده بس , فعم تفتح الباب و تشد و متقدر ليش؟
هادا لأني انا كنت قاعد ورا و فاتح الدرفه التانية و عم احكي مع الشباب تبعن صف علوم الحياة و من بيناتن آدي بدّور و يا حرام المعلمة تشد و منّا منتبها اني انا حاطط اجري عالباب منشان مينفتح و بعد شي 5 محاولات باءو بالفشل انتبهتلي و بلشت تعيط عليي و عصبت كتير من هل الشغلة , انا لا خدت ولا عطيت معا لأن كان صاير كتير ئصص بيني و بينا ئبله
بتفوت المعلمه عالصف و بتقعد عالكرسي و انا و كم شخص عم نحكي مع شباب علوم الحياة و نضحك عبعضنا عل العلامات اللي آخدينا بتعيط المعلمه عليين فبروحو و بيضل آدي عم يحكي معو فبتئولو المعلمه نإبر من هون بيبعد آدي نتفه من شان ميعاود مبين عليا و بكمل هكي معي بترجع بتقولو م سمعت نإبرين من هون ف لمعلم آدي مبيستحمل هل الكلمه لأن اول مره سكتلا بس بترجع بتئولو نإبرين يا باطل حرامه تئول لواحد هيك ,
المعلم آدي بيعصب و بيجي بيفتح باب الصف و بدو يهجم عالمعلمه و يئتلا فبنط انا و بمسكو و مبخلي يفوت عالصف و هو عم يبهدل المعلمه
بجرو برات الصف............
و بترك التكمله للشباب
Nader 3:16
09-01-2008, 04:49 PM
بعد ما هجم القائد آدي عالمعلمة....كادت ان تفقد عقلها...عند تجرّأت ودخلت لصف علوم الحياة...و كانوا كل شباب اللجنة داخل الصف....و بلشت تبهدل و قد هددت بحبسنا....قا زوجها ضابط(ههههههههه)...فالشباب ما سكتولها و منهم الاخ فراس و على عياط وصريخ و حكي من العيار التقيل...تدخلت الادارة الفاقدة للشرعية و وقفت ضد القائد آدي و تجرأت بإصدار بيان طرد لمدة 3 أيام بحقه...فما كان من القائد فادي البيضا الا ان اصد بيان مستعجل...يقضي بإعطاء القائد آدي اجازة لمدة ثلاثة ايام....و قد عاشت الثانوية اياما من الحزن بسبب غياب قائد اللجنة..و توقفت كل العمليات ضد الادارة ريثما يعود الدكتور آدي من الاجازة...و جاءت انباء ان الدكتور آدي قد سافر خلال هذه المدة الى حارة العين على متن طائرة خاصة....
و لدى عودته بتاريخ 18 آذا 2006 اقيم مهرجان على الفرصة تناول فيه القضية و قد استهل القائد خطابه بعبارة (يا شباب 18 آذار)..و قد سرد الدكتور آدي في خطابه المؤامرة التي حيكت ضده و ذكر اسماء الاساتذة المتورطين بالمؤامرة و وجه تحية الى الاساتذه الذين وقفوا معه في هذه المحنة...
وفي كل خطاب للدكتور آدي يذكر جملته الشهيرة(نريد ان نعرف من تورط في قضية روعة الشعار؟؟) فهل سيتحقق هذا الشيء على ايدي ابناء اللجة الصاعدين....
تحية لكل من ناضل في سبيل الطلاب في الثانوية
و قد تضمن الخطاب عدة نقاط منها:
مقاطعة جميع حصص الجغرافيا
التوقيع على عريضة لطرد المعلمه
التحقيق عن الأسباب التي ادت الى تدخل الإدارة في المشاجرة
و الكثير من النقاط التي لا يمكن ذكرها إلا امام اعضاء و قادة اللجنه
و الحمد لله تحققت جميع النقاط بما في ذلك النقطه الأولى و لكن صدر قرار بعدها بحضور ساعات الجغرافيا و انضم الينا آدي بعد ثلاث حصص
و في ذلك اليوم انضم الينا عدد كبير من طلاب الثانوية ز خصوصاً صف القسم اول علوم عامه
و قد هتف المجتمعون : براءه براءه آدي بدور براءة , بدنا التار بدنا التار من روعة بنت الشعارالخ الخ
فجاء رد الإدارة الفاقدة للشرعية بأنها اتخذت هذا القرار لان آدي بهدل عل المديرة يوم العلئه و هادا كلو من شان يشيلو التهم عن المعلمه
فإن شاء الله تتحقق معرفة من تورط في قضية روعه الشعار على يد ابناء اللجنه الصاعدي
مشكور يا نادر على تكملة القصة بس كنت ناطر منك تفصيل شامل
و جاءت انباء ان الدكتور آدي قد سافر خلال هذه المدة الى حارة العين على متن طائرة خاصة....
هل النبأ يا نادر صحيح جا د. آدي على متن طائرة خاصة الى حارة العين و لكن بسبب النباريش اللي بالحارة لم تتمكن الطائرة من الهبوط فأضطر د. آدي انو ينزل عل الحبله و نزل عالصطح عنا و كنت انا بإنتطاره و كانوا قناصات اللجنه عكل الأصطحه يومتا و كمان عملو انزال جوي من شان التمويه بسبب الأوضاع المترديه بيننا و بين الإداره الفاقدة للشرعيه
Nader 3:16
09-01-2008, 05:50 PM
هههههههههههههههههههههههههههههههههههههههههه يأطع خملك يا فادي عم اقرأ و فرط من الضحك من وين بيطلعوا معك هالشغلات!!!!!!!!!1
عكل حال في هلء كم شغلة جديدة و حلوة بس..انتظر شوية تحتا الشعب يقرا الؤصص!!
يا هلا بالشباب الطيبة .....
واو ....هههههههههههههههه..........ؤصص بتفرط من الدحك من وين بتعملولا هل الأسلوب؟
ههههههههههه....شكلكن منكون تاركين و لا واحد لو علاءة بالحءل العلمي الا عاملين فاي مألب.......
يلا ناطرين الؤصص الجاية......
يعطيكن العافية .....
اخوكم دوكر المعوكر......
Inno 3:16
10-01-2008, 11:52 PM
و الله كتيييييييييييييير حلوين هالؤصص..ذكرتونا وقت كنا الثانوية تحت:)
يا هلا بجميع الشباب
يا دوكر مفي حدى منّو مارء من تحت ئيدنا
Nader 3:16
11-01-2008, 05:20 PM
اغلبية من مر عالثانوية او عالمنار متعلمين عند الاستاذ أحمد فلو..أبو وسيم..
و مشهور عنو انو بحب يحكي عالقافية....
فمرّة بالثانوية كانوا حاطين باب جديد لصفنا علوم الحياة....فقررنا انو الاستاذ احمد ابو وسيم هو يلي لازم يفتتح الصف(تم الاتفاق من قبل قادة اللجنة)..فالمهم كل الشعب من علوم الحياة و العلوم العامة كانو واقفين قدام الباب..و مع وصول الاستاذ ابو وسيم....بدأ الهتاف بأعلى الاصوات..أبو وسيم ابو وسيم....فالمهم هو شو بقلنا : ما لي ارى الطلاب متجمهرين امام الباب...و يفتتح الصف وسط تصفيق كثيف من الشباب....!!!!
_ولا ننسى ان نذكر انو الاخ وسم حكم قد شحبر عالباب بال correcteur اول ما خلصوا تركيبو و قد اعطي مكافأة من القائد العام....
المهم القصص القادمة ستكون مع أبو وسيم!!!!!!
الزاهر
11-01-2008, 05:48 PM
كما إنو نحنا يا نادر بانتظار وسيم.........وأبو وسيم.......وقصص أبو وسيم!!!
يا هلا بالمعلم نادر......
خخخخخخ......ايام الأستاذ أحمد فلو ......
ناطرين الؤصص......
يعطيكن العافية .....
اخوكم دوكر المعوكر......
يا هلا بالجميع
تصحيحاً و تكملة لقصة الأخ نادر ابو وسيم قال: ما لي ارى الطلاب متجمهرين امام الباب كأنَّهُم حُمُرٌ مُستَنفِرَةٌ *** فَرَّت من قَسوًرًة
Nader 3:16
12-01-2008, 03:23 PM
بسيطة يا فادي نسيناها...
المهم مرة بلوط ما كان حاضر درس ال Atome و الاستاذ ابو وسيم قلو طلاع عاللوح...قلو يا استاذ مني حاضر الدرس...
قبقلوا الاستاذ ابو وسيم:
لاك عين تفتح هال tom و تحكي بدرس الAtome......
Nader 3:16
12-01-2008, 08:22 PM
:)مرة قبل الشهادة بأسابيع عم نسأل الاستاذ ابو وسيم انو بأي Annale من حل يا استاذ....فبقوم بيطلع فيني و بقلي:
ولا مختل كم مرة ؤلتلك ما تحل بال Annale شكلو عقلك من راسك فلّ.....
هههههههههههه بإنتظار القصص القادمة مع الاستاذ ابو وسيم....
يا هلا بالمعلم نادر .......
هههههههههههه......و الله الأستاذ ابو وسيم شغلة .......
يعطيكن العافية ......
اخوكمدوكر المعوكر.....
ياي يا نادر عم بتذكرني بؤوصص ابو وسيم
الزاهر
13-01-2008, 04:55 PM
بانتظار بقية القصص يا نادر!!!...............هاد أبو وسيم هاد...........مو مين ما كان!!!
Arsenic
13-01-2008, 06:03 PM
ناطرينك يا 3:16 و انا ذاكر كم قصة عن الاستاذ ابو وسيم:1 (15):
Nader 3:16
15-01-2008, 12:20 AM
مرة الاستاذ ابو وسيم ؤاعد عم يناقش معنا انو نحنا يلي فايتين Biologie مجالاتنا اقل من يلي عاملين Math فقام فراس بقلوا يا استاذ احمد قلو نعم يا ولد ....قلو بدي اعمل هندسة قلو ابو وسيم بلالك هالمتيسة...
انتظروا المزيد في الايام القادمة ان شاء الله..
وينك يا فادي ذكّرنا بشي ؤصة..
يا هلا بالمعلم نادر.............
ههههههههههههه..................حلوة هادي ...............
يعطيكن العافية .......
اخوكم دوكر المعوكر.........
Nader 3:16
15-01-2008, 12:49 AM
اهلين بدوكر.....كيفك؟؟؟؟؟؟
اسا نطور في احلى ان شاء الله:)
بس يا نادر هلء فراس عم يعمل هندسة
و بإنتظار الجديد
Nader 3:16
15-01-2008, 04:29 PM
اهلين بالشباب...و نكمل مع ابو وسيم...
مرة بصف العلوم العامة كان في واحد اسمو جلال و ما كان يشارك كتيييييير مع الاستاذ ابو وسيم...فالمهم مرة جلال قرر يشارك و رفع اصبعوا و سأل السؤال لأبو وسيم فبقوم ابو وسيم و بقلو:
يا جلال ...لماذا سألت السؤال....و قد ساءت بك الحال.....!!!!
محمد أحمد الفلو
15-01-2008, 04:30 PM
مشكورين ع قصص أبي
في مرة سمعنا انو صار حادث عالمنارة و مات تنين فعم نحكيلو القصة لأبو وسيم و قلنالو يا بو وسيم صار حادث فظيع عالمنارة و مات تنين فبتنط واحده و بسئل رفيئتا يلي جمبا و بتقولا شو عم يحكو هيدولي بتئلا رفيقتا انن عم يقولو انو صار حادث و مات تنين فبتئولا طيب شو صابن و انشالله مصابن شي
و يومتا قال ابو وسيم جمله بس تعليقاً على هل البنت و فرطنا من الضحك على هل الجمله و بلشو التلاميذ يجو يسئلونا شفي شو يلي عم يضحككن
بس ناسي ايشيه الجمله
يا نادر اذا متذكرا قولنا ايشيه
Nader 3:16
15-01-2008, 04:46 PM
والله مني ذاكر بركا بسأل شباب اللجنة اذا حدا بيعرف شي عن الؤصة...بس اكيد بكون ضحك الصف عليهم!!!!..
و يا اهلين بحميطون منيح يلي شفت الموضوع وين بقية اخواتك ما حدا عم يشاركنا.....,,,,,!!!!
يا هلا بالمعلم نادر .......
و يا هلا بالمعلم فادي............
ههههههههههههههههههه.........حلوين هل الؤصص .........
ناطرين جديدكم.........
يعطيكن العافية .......
اخوكمدوكر المعوكر.......
Inno 3:16
15-01-2008, 08:59 PM
إيه ما أحلى هاللأيام عم تفتقلنا جروحاتنا يا أخ نادر و الله أيام ما بتنتسى
Inno 3:16
15-01-2008, 09:03 PM
شو هالإسم يا مبهدل ((زرنيخ))
ما لقيت أحلى منو00000000000
Inno 3:16
15-01-2008, 09:06 PM
ياي شو حنون ((ريتك بالقن من بين000))]
عمار الفلو
15-01-2008, 11:37 PM
أنا متابع بس عالسكيت
يا هلا بعمار و دوكر و اننو 3:16 و بجميع الشباب يلي عم تشاهد عالسكيت او عم بتشارك
يا هلا بعمار و دوكر و اننو 3:16 و بجميع الشباب يلي عم تشاهد عالسكيت او عم بتشارك
Nader 3:16
18-01-2008, 08:39 PM
كان ابو وسيم يوخدنا كل مرة عالمختبر تنعمل تجربة فيزياء ما بتنتاء
المهم مرة عم نعمل تجربة ال Pendule ..المهم ابو وسيم يحرك ال pendule و يقلنا قدّروا ال Angle اديش هي...فكل مرة في واحد من الشباب يقلو 10,57 .....15,098 .....و من هالحكي يلي ما لو طعمة فالاستاذ ابو وسيم بقلوا:
ولا خويت بتضب غراضك و فوراً عالبيت......اسا ناقصنا خوتان!!!!!!!
صلاح الفلو
18-01-2008, 09:04 PM
مرة كنت عم نتناقش أنا وشادي نور بحل مسئلة وكان عنا الأستاذ أبو وسيم -والدي حفظه الله-
فشحطنا لبرة وقلي المرة الجاية بتجبلي أبوك وإلا ما بتفوت - طبعا قالها من باب المزاح-
وسيم أحمد الفلو
18-01-2008, 10:03 PM
كان ابو وسيم يوخدنا كل مرة عالمختبر تنعمل تجربة فيزياء ما بتنتاء
ليك يا نادر بيك .... إسا كلمة عالفيزيك بنسفلك مشاركاتك من أساسة (بصفتي أصبحت من المشرفين على هذه الساحة أيضاً :) )
رح إحكيلكن قصة عن الوالد منا بالمدرسة بس إلا علاقة بالدرس.
أنا مرة منت عامل مسابقة رياضيات، ولما إرجعت عالبيت إنتبهت إني كن مغلط فقلتلو للبابا "ييي شو إني جحش" فقلي "لأ منك جحش" أنا فكرت عما يراضيني... فقام وكمل " لساتك كر بعد بكير تتصير جحش"
والسلام عليكم
Nader 3:16
19-01-2008, 12:27 AM
ههههههههههههههههههههههههههههههه
شباك يا وسيم..........هو ابوك هيك بؤول عن الشيمي
الكيمياء اللي ما بتنتاء!!!!!!!!!!!!!!
Nader 3:16
21-01-2008, 01:18 AM
بعد اجتماع لقادة اللجنة في منزل احد قياديها صدر البيان الآتي:
اننا في لجنة المتابعة لشؤون طلاب الثانوية نعلن اننا ما زلنا و سنبقى على وعدنا لجماهير اللجنة و نعدهم بإستكمال مسيرة انتفاضة الاستقلال التي اعلنها قائد اللجنة في 18 آذار 2006 بعد المعارك الطاحنة التي خاضتها اللجنة ضد الادارة الفاقدة للشرعية...و قد شدد البيان على الرد المباشر على أحد المغتربين الذي انتقد اللجنة و نقول له اين كنت في 18 آذار,24 كانون الاول,3 و 26 نيسان حيث كانت اللجنة تخوض اشرس المعارك ضد الادارة الفاقدة للشرعية التي عينت زوراً دون الاخذ برأي الاكثرية التي شكّلتها اللجنة حيث اكتسحت جميع صناقيد الاقتراع و نقول له لا تتدخل يا (س.ر) بأمور لا تفهمها و لا تمت بك بأي صلة و ابق انت في شؤونك الخاصة لأنك لا تعلم المعاناة التي عانتها اللجنة ابان الحكم الغاصب للادارة الفاقدة للشرعية و لكننا نعلن ان العد العكسي قد بدأ لإسقاط هذه الادارة و المهلة المعطاة لها هي 26 نيسان...
كما واننا نعلن ان الاشاعات الكثيرة التي اصدرت على اللجنة فنقول :ان اللجنة لا تتبع الى اي طرف سياسي في القلمون و انها فقط تهتم بشؤون الطلبة في الثانوية و تحقيق مطالبهم....
انتهى البيان....
يا هلا بالمعلم نادر............
ههههههههههههههههههههههههههههههههههه.............
ءوي هل البيان............
يعطيكن العافية ...........
اخوكم دوكر المعوكر...........
Nader 3:16
21-01-2008, 01:29 AM
يا حبيبي يا دوكر اهلاً فيك...
قائد اللجنة كان عندي من 10 دئايء مع احد القياديين كمان و هو يلي نءّلني البيان كلمة و كلمة....رداً على البعض الذين ادعو انو اللجنة تابعة لفلان و فلان!!!!!!!!
ونحن نقول اننا مجرد لجنة طلابية لا اكثر ......و نشاطاتنا محدودة في المدارس و بس.....
و هلء متذكر كم ؤصة جديدة كتيييييير حلوين بس انتظروا لبكرا ...
و السلام عليكم....
flauritta
22-01-2008, 12:40 AM
فلتسقط الادارة الفاقدة للشرعية!!!
و مشكورين يا شباب عالعمليات البطولية......
وتحيا اللجنة و ننتظر زيارتكم القريبة لتخليص الثانوية من الادارة الفاقدة للشرعية.
flauritta
22-01-2008, 12:40 AM
فلتسقط الادارة الفاقدة للشرعية!!!
و مشكورين يا شباب عالعمليات البطولية......
وتحيا اللجنة و ننتظر زيارتكم القريبة لتخليص الثانوية من الادارة الفاقدة للشرعية.
Nader 3:16
22-01-2008, 01:32 AM
بالنسبة لموضوع لجنة الاخوات بالاجتماع الجاية منتباحث الأمر....
اليكم بعض انواع المشاغبات التي كنا نعملها بصف القسم اول:::
كان احد الشباب يءوم بنص ساعة الاقتصاد يقول بصوت عالي (وحدوه) فكل الشباب بصوت واحد (لا اله الا الله)...
يقوم شب تاني صلّو عالنبي و كل الشباب ( اللهم صلي عالنبي)
او مثلاً تكون معلمة الاقتصاد بدها تعمل مسابءة صغيرة بعشر دئايء
فكل مرة نسألها يا madame خطية ولا كتابية ؟ و هي منا منتبها عشي ........
و احياناً الشباب ما يكون جاي عبالهم يعملوا المسابءة فنفتح الكتاب نقرا بصوت عالي عم ننءل البنات...
و اذكر مرة اني اكلت عقوبة من رءيس اللجنة لأني اخدت ستة و نص ععشرين عمصسابقة الاقتصاد بينما كان الحد الاعلى المسموح به لشباب اللجنة هو اتنين و نص...و من يومتها تبنا و الحمد لله......
يا الله بزيادة عليكم اليوم...الى وقت آخر بإذن الله...
Inno 3:16
22-01-2008, 08:36 PM
أوف يا نادر. زكرتنا بأيام الثانوية.أحلى إيام.مش متل هلق
بالجامعة افترقنا عن بعض
Nader 3:16
22-01-2008, 09:51 PM
و الله معك حء يا اخي Inno الجامعة بتفرّق ...
و البمشكلة ما فيها شي حلو..يعني ما فيك تعمل فصول بالدكاترة متل بالمدرسة...
يا الله المرة الجاية رح نتركلك انت تحكي الؤصة....بس ما يفكروني هلءعم رد عحالي....!!!!
Nader 3:16
24-01-2008, 01:32 AM
السلام عليكم...
كيف الشباب...
هادي الؤصة حكيتها لي خالتي اليوم ...
قال بالاول كان في وراء حيط الثانوية مركز للردع ...فالاستاذ قاعد عم يشرح للتلاميذ و بصوت عالي و كذا و كان شباك الصف بطل عمحل الردع.....فالمهم كانو الردع عم يلعبوا بالفطبول و من هون لهون يتوءع الطابة داخل الثانوية...و هادا الاستاذ عم يكزد بالصف رايح جاي و هو بأرب عالشباك الردعي بأشرلوا بإيدو انو بدنا الفطبول ...الاستاذ منو فاهم شي ...و التلاميذ شفي يا استاذ و عم يعجءوا و يضجوا ...
بقلهم ولا سكّرو بوازكم هيئتني مطلوب...و الردعي بلش يعيط...يا استاذ شوف شبدو ..بقلو ولك سكوت يا حمار عم ؤلك مطلوب..قام بالآخر الردعي بقلو لواحد من التلاميذ ولك بدنا الفطبول ...و التلاميذ بيسمعو هالكلمة وبيفرطوا من الضحك و هيك زال الخوف عن استاذنا يلي ضحك عحالو متل التلاميذ.......
يعني ويلي مادرس بمدارس القلمون مابيشارك غير العنوان كتير مادرسو بمدارس القلمون
moustafa
24-01-2008, 08:35 PM
آه يا نادر... شايفك فاتح مواضيع ذكريات و منك قايللي... أما شو قصص ... كتير حلوين.. لنا عودة إن شاء الله...
Nader 3:16
24-01-2008, 11:22 PM
اهلين بأبو صطيف كان لازم ؤلك كونك بطل في احدى القصص ...,,,بس بسيطة منعوضها...
بالنسبة للأخت Nara معتوق طرح هذا السؤال و قلت له لا بأس ان تشارك و كتب ؤصة صارت معو بالبلمند!!!!:)
Inno 3:16
25-01-2008, 01:49 AM
كتير حلوة القصة الأخيرة يا أخ نادر.
مشكور كتير كتير و إذا إسا في كتبهم
يا هلا بالجميع......
ههههههههههههه....حلوة يا معلم نادر...........
ناطربن جديدكن..............
يعطيكن العافية ......
اخوكم دوكر المعوكر...........
shiireen
25-01-2008, 03:52 AM
يا ويلاي ادّيش هلوين هل الءصص كتير عجبوني
ناطرين جديدكن يا شباب و سؤال شو صار معكن بالنسبة لموضوع لجنة الاخوات اسا متباحثتو الموضوع نحنا ناطرينكن و ان شاء الله بكون اول واحده باللجنه طبعاً لجنة الأخوات
Nader 3:16
25-01-2008, 03:59 PM
أهلين بالشباب ..
كيفكم؟؟؟
ان شاء الله ترقبوا المزيد...
و بالنسبة للجنة الاخوات..كنا عم نمزح بس اذا بتعملوا لجنة ما عنا مانع !!!:)
X-Man
25-01-2008, 04:04 PM
أهلين بالشباب ..
كيفكم؟؟؟
ان شاء الله ترقبوا المزيد...
و بالنسبة للجنة الاخوات..كنا عم نمزح بس اذا بتعملوا لجنة ما عنا مانع !!!:)
بالنسبة للجنة شو عملتولنا بموضوع معلمكم فادي؟ عقدتوا إجتماع أو بعد؟؟يالله بدنا فادي.
moustafa
29-01-2008, 06:14 PM
يا أخي حكينا كتير بس... ما في تجاوب...
يمكن نحاول مرة أخيرة إن شاء الله.. و سنطلعكم على كل جديد إن شاء الله..
Nader 3:16
06-02-2008, 03:29 PM
السلام عليكم ...كيفكم؟ نأسف عالانقطاع...
المهم القصة التالية عن الاستاذ فاروق ملاط ..أبوه لعمر و لرامي..
كان الاستاذ فاروق يعلمنا قواعد عربي بمدرسة الصبيان و كان عم يعطينا درس الفاعل و كانو التلاميذ دائماً يغلبطوا بالاعراب و ينسوا الفاعل فقلنا سمعوا هادي القصة يا تلاميذ ..كنا صغار و بدنا من الله حدا يضيعلنا وءت..فالمهم بلش الاستاذ يحكي و الكل عم يسمع...
و اليكم القصة:
(قال مرة كان في ملك عندو فيل و كان هذا الفيل يخرب بالاسواق و يزعج الناس فقرروا انهم يشتكوا عند السلطان..فإتفق مجموعة من الناس انهم يرحوا لعندو و عالطريق كل نتفة واحد منهم ينسحب بحجة الخوف من السلطان لحديت ما وصل شخص واحد لعند السلطان فنكاية بالمتخلفين قال للسلطان يا ملكي الله يخليلك هذا الفيل بس فيل وحدو ما في يعيش هادا لازموا فيلة معو)....
خلصت الؤصة و نحنا منا فاهمين ليش حكيها...و بعدين سألنا..؟؟
الفيل شبدو؟؟؟ كلنا بصوت عالي فيلة...
و رجع سألنا الفعل شبدو...كلنا بصوت عالي فاعل..
وضلينا طول السنة على هذا المنوال...كل ما يقوم واحد عم يعرب و بنسى الفاعل يقلوا الاستاذ فاروق الفيل شبدو!!!!!!! و الكل استفاد و الله...
انا كتبت القصة لمدى اعجابي بهكذا انواع من التعليم بحيث انو الواحد لا ينساها مدى الحياة......
يا هلا بالمعلم نادر...
اه و الله ايام كانت عند الاستاذ فاروق و عندو من هل الؤصص الكتير...
يعطيك العافية...
اخوكم دوكر المعوكر...
ابو عمر
06-02-2008, 09:00 PM
أصحا حدا يغلط مع فاروق ها.....:1 (22): يعطيك العافية على هالقصّة الحلوة......و بالنسبة لموضوع فادي....يا خيّي صار بدها حرق دواليب.....شوفولنا شي حل ... مظاهرة أو أي شي...
Nader 3:16
07-02-2008, 12:03 AM
السلام عليكم...
أهلين بدوكر و بأبو الروم...كيفكم؟؟
ما دام هيكا يا دوكر لازم انتا تحكيلنا شي ؤصة عن الاستاذ فاروق!!...
يعني صرلك من اول الموضوع بتءول عندي ءصص و ما شفناك كتبت شي اسا....
Inno 3:16
07-02-2008, 12:58 AM
سلام.
مشكور كتير يا أخ نادر على هالقصص الحلوة.
أما بانسبة لدوكر فأكيد ما حيحكي شي لأنو مانو متعلم عند الإستاذ فاروق.(خارج عن الموضوع)-الأدمن
يا هلا بالمعلم نادر...
المشكلة متل ما ألك المعلم انوو...ما فيني احكي منو لأني مني متعلم عند الاستاذ فاروق ...بس لأنو الؤصص لي بدي احكيا ازا اريا ايا حدا من الشباب رفؤتي او الصبايا لي كانو معي ايام الثانوية دوغري ح يعرفوني...عندي مع الاساتذة افلام و مواءف كتير...و حتى مع دكاترة الجامعة...ههههه...الؤصة متل ما ؤلتلك...
يعطيك العافية...
اخوكم دوكر المعوكر...
Nadine
07-02-2008, 02:39 AM
وانت يا اخ دوكر ليش ما بدك حدا يعرفك , اسا لحديت هلأ ما طلع منك ولا كلمة مش منيحة , كل كلامك منيح ومدوزن , يعني اللي معروفين بأسماؤن وطلع من وراهم كلام مش منيح .. ف انت ما لازم تخاف من هالشغلة ....
فشلان
07-02-2008, 10:17 AM
شو قصدك يا ست نادين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الشامي
10-02-2008, 05:44 AM
السلام عليكم :)...كيفك يا جماعة
هذا بالزماااااناااات قولة أخونا أبو رياض القلموني... وقت اللي كنا بصف الرابع متوسط، كنا شو يا با انو احنا الزغرتية بالمدرسة وأكبر صف يعني ... فكنا كل يوم نروووووح نمشي على خط التراااان نوصل لبعد معمل الملح نقعد تحت ضو الشمس أول مانو طالع ونتسامر... ونرجع على المدرسة كل يوم كل يوم نوصل متأخرين شي 10 دقايق أو ربع ساعة ... وكل يوم ناكل تنبيه من النظار والمدير ولا كأنو حدا عم يحكينا...
على كل بيوم من الإيام وكالعادة ... راجعين متل اللي الله عاطيهن وفايتين على هالمدرسة ... منلاقي المدير محمد عبيد الله يوجهلو الخير :) ... ناطرنا على سفرة الدرج على باب الطابق التاني ... احنا ووصلنا لعندو يسأل كل واحد منا ليش متاخرين .. ما عنا جواب ... فكان الجواب من المدير كف مرتب يرن رن على وش كل واحد منا ... هلأ هو المعتر اللي كان أول واحد لأن أكلو على فجأة ... يعني أكلو بدون عزيمة :(...
بس الباقيين لحقوا يغطو وجوهم ... هلأ لا تسألوني مين كان أول واحد لأن ما متذكر الصراحة ()
وبعدها يا سادة يا كرام صرنا نجي على الوقت كلللللل يوووووووم...
وبذكر من الإخوة اللي كانوا معي بنفس الصف (بس ما ضروري بنفس الحادثة )... أخونا اياد موسى وأخونا رشيد رضى وأخونا خالد جابر وأخونا فراس بلوط والإخوة زياد وفواز ملاط وزياد بلووط وووووووو...
آآآآآآ... يالله الله يرحم هاك الإيام ويبارك بالمدير عبيد وبالنظار ... صحيح قد يكون الأسلوب قاسي شوية بس كانوا حريصين انو ما نهرب أبدا ولا نتأخر أبدا ولا ساعة ولا ثانية عن الحبس (قصدي عن المدرسة )...
أخوكم:rolleyes:
الزاهر
10-02-2008, 05:18 PM
يا زيد...............هلا هادي أصة!!!.................وين أصة "........" ................ههههههههههههههه.............إنت عرفت شو أصدي!!!
Nader 3:16
10-02-2008, 10:26 PM
السلام عليكم...
اهلين بالشامي...و الله مشاركتك مزينة الموضوع..يعني بركا حدا بيتشع و بيكتب ءصصو بالمدرسة...
يلا سلااااااااام:o
Nader 3:16
03-03-2008, 12:50 AM
بسم الله الرحمن الرحيم....
هادا يا شباب وءت كنا بالقسم الاول ايام غز اللجنة..كان يعلمنا الاستاذ احمد حليس و هادا بيفءع اذا حدا بصوفر بالصف..
المهم اشار علينا بعض التلامذة السابقين انو نصوفر بس يكونن عم يعلمنا ما كذبوا خبر شباب اللجنة و بلشوا كل مرة يصوفروا عساعتو و هوا منو عارف مين عم يصوفر..
و لما يسمع واحد صوفر يقول (هالحيوان يلي عم يصفر ينءبر يسكت)..
يصوفؤ واحد من اول طبقة بالصف فيقول (هالحيوا يلي ءاعد ورا انا عارفو مينوا بس ما رح رد عليه) نرجع نصوفر فيقول (هالحيوان هوا و ابوو وامو بلا تهذيب)...
قا في مرة واحدة من البنات صوفرت فقال (هالمرة حيوانة)...
وضحك كنا نضحك عساعتو..
والى بقية القصص.....
أبو الحسين
03-03-2008, 03:14 PM
و الله يا نادر هاديك كانت أحلى أيام
Nader 3:16
04-03-2008, 12:05 AM
ان اللجنة اذ تحذّر الادارة الفاقدة للشرعية (ادارة الشاي) من تدخل اي جهة خارجية بالتحقيق مع التلاميذ في القضية الاخيرة و اذ نطالبها بأن تحقق بمفردها في قضايا الطلاب...
و نبشركم ان هنالك احتفال ضخم سيتم لمرور السنة الثالثة على انتفاضة الثامن عشر من آذار حيث سيتم الاعلان عن الكثير من الخفايا و المعلومات و الفضائح ضد الادارة الفاقدة للشرعية...
و السؤال الاخير هل يا ترى للجنة يد في العملية الاخيرة ؟؟؟؟؟؟؟؟؟؟
و يا معلم The Demolition Man ما تتدخل بشؤون اللجنة لأنو حضرتك كنت تفسد علينا وءت كنا نصوفر ......و شكراً....
Arsenic
04-03-2008, 12:10 AM
بيوم من الأيام هجموا الأعادي هجموا على بلادي آه
عم امزح .....
بيوم من الأيام وئت كنت بصف القسم أول كنّا نحنا و الشبيبه قادة اللجنه ضجرانين و مفطسين و رح نموت من النعس عساعة الإقتصاد و متل مبتعرفوا او إذا مبتعرفوا هلء بتصيروا بتعرفوا إنّو هل الماده محدى من الشبيبه ب طيئا .
فشو عملنا يا ترى هاداكا اليوم,
تعو لنشوف شو عملنا,
هادا يا شباب كنت بدّي اطلع من الصف و طلبت من المعلمه الطلعا و مخلتني و بتعرفوني مفيني خلي مرا تعلم عليي فشو عملت يا ترى
علئت لهالي دنب و اتفئت مع الشباب انن يضحكوا عليي وئت بكون قايم لكب الورئا بالزباله و مكذبنا خبر ئمت و ضحكوا عليي و عملت حالي منّي عارف شي فسئلتن شفاييييييييييييييييييييي.
فئولولي في دنب معلء فعملت حالي معصب و شلت الدنب و كبيتوا بئوه عالأرض و عيطت عليين و طلعت لبرا و طبشت الباب بقوه و عكتر مطبشتو بقوه نخلع و رجعوا الشباب لحئوني من شان عئساس يهدوني.
و نزلو كلياتن و احتفلنا و اشربنا لافيتا .
cool man
04-03-2008, 02:35 PM
الله يقطع خملك يا arsenic على هالمقالب والله قصة كتير حلوة..
سلمون.
Arsenic
05-03-2008, 04:58 PM
لك أهلآ ب COOL MAN لو بتعرف بشو ذكرني إسمك ....
ذكرني بالمدمرة الأميركية COL.....
وعنجد أنا عندي كتير مقالب عملناها أنا والشباب , بس بدك إتذكرننننننن.......
Nader 3:16
08-03-2008, 04:41 PM
chokran ya chabab w ahleen bil Arsenic w coooool man
Nader 3:16
17-03-2008, 11:56 PM
تكملة لقصة التصوفر...
بعد انوصل معلومات لقيادة اللجنة ان المدعو Abdallah متورط بقضية الفسدية على مجاهدي اللجنة لتنفيذهم بلبلات على ساعات العربي قررت قيادة اللجنة استهدافه...
و بالفعل اوكلنا المهمة الى احد اعضاء اللجنة الذي وضع علكة على مقعد هذا العميل بسرية تامة ...و بعد الفرصة طالع عبد الله و مبسوط ءعدنا عالكراسي و قعد عبد الله عالكرسي و منو منتبه ولا حاسس عشي..
كان عنا الاستاذ غطفان...فبدو حدا يقوم عاللوح فمنقلو لعبد الله ولا قوم ولا هينة اكيد بتعرفها و هوا كان معود دائماً يطلع عاللوح...ما كذب خبر طلع عاللوح و بعلمك صار عاللوح و بعلمك الصف كلو فارط من الضحك...
بلش غطفت ييييييييييه شو بنا(باللهجة العكارية)...و اكتشف انو معلقين علكة لعبد الله... و ساعتها خوت عبد الله ة عصب بس ما فيه يعمل شي مع اللجنة و ما زلنا متكتمين على من نفذ العملية...
و بعدها تمت الموافقة على انضمام العميل عبد الله لللجنة برتبة مزارع ثم تمت ترقيته بعد عدة اسابيع ليصبح خادم اللجنة في الصف (يعني بيفتح و بسكر الباب بدور المروحة و من هالحكي)...
و في صف القسم تاني تم فصله كلياً من اللجنة كونه اصبح عالة عليها...
و ما تزعل منا يا عبد الله...و برجع بءلك مين يلي علءلك العلكة.....
عبد الله
18-03-2008, 12:14 AM
للتنبيه عبد الله غير عن Abdullah
المذكور في المغامرة.
بلا معلمية عليكن أخ نادر بس العميل أو الجاسوس يعدم فورا او شوووو كنتوا مطلعين قانون تخفيف العقوبات .
الله يبارك فيكن . مغامرات كتير حلوة
أبو الحسين
18-03-2008, 11:51 PM
يقطع خملك يا نادر مين وين بتجيب هالحكي ...بس هلأ لما بلقطك بالضيعة بدي علقلك مشنقتك
Nader 3:16
19-03-2008, 12:03 AM
ليك يا زعيم Abdullah بحب الفت نظرك انو ما حدا بهدد اللجنة!!!
فاهم او لأ؟؟؟؟
و اعتبر تهديدك مردود عليك....
بعدين نحنا عم نحكي وقائع حصلت (صحيح عم نبهرها تحتا تكون حلوة للقراءة) بس اللجنة كانت عم تشتغل بالثانوية و تسعى الى راحة الطلاب دائماً....
Nader 3:16
06-04-2008, 11:54 PM
ما ان استلمت روعة الشعار التعليم في الثانوية حتى بدأت المناوشات بينها و بين اعضاء اللجنة الابطال.
فبينما كانت هذه العميلة (روعة الشعار) تبهدل على احدى التلميذات التابعة للجنة.قام الجنرال وسيم الحكم بإيقافها على حدها و قال لها (روءيها)..فما كان من تلك العميلة الا ان تجرأت و قالت له (سكر بوزك). عندها وكما كل اعضاء اللجنة اصحاب الاخلاق العالية..
قال لها:
احترمي حالك و ما تقولي هيك كلام.
عندها هددته وقالت له (شبدك تعمل)
وكان بإمكاننا عمل كل شيئ لكن الجنرال وسيم احترمها كل الاحترام و قال لها:
انا مني عم احكي منشاني بس بهل الكلام عم توطي من قيمتك.
فعندها وصل الامر الى قائد اللجنة الذي امر الجنرال وسيم بترك الصف فوراً.
فقام بزيارة الادارة الفاقدة للشرعية مع بعض المرافقين و قد وقع سجال بينه و بين رئيس النظار ..وقد طالب الجنرال وسيم بأن يعتذر منها لكنه ابى ان يرضخ للضغوطات كما هم ابناء اللجنة الاشاوس.
و قد قال الناظر للجنرال(معها واسطة من السما نزال اعتذر).
و لكن الجنرال وسيم لم يقبل الرضوخ للإدارة الفاقدة للشرعة بل طالب روعة الشعار بأن تعتذر امام الصف من الجنرال ...والا فاللجنة سوف تقوم بإقرار قانون يمنع الطلاب من حضور حصص هذه العميلة.
و امام ضغط من اللجنة اعتذرت منه اما الصف . وقد قبل اعتذارها بعد سلسلة لقاءات بين قياديي اللجنة.
وقد تم منح الجنرال وسيم ترقية ووسام شجاعة على شجاعته.
Madiz
07-04-2008, 12:27 AM
اوجه تحية للندور و للجنرال وسيم الحكم و لقائد اللجنة و عنجد قصصكم لا يمل منها. و شكراً جزيلاً
Nader 3:16
07-04-2008, 12:32 AM
و اللجنة بكافة قياداتها توجه اغلى تحية ل Madiz ....
و ان شاء الله منشوفك من كبار جنرالاتها.:)
Nader 3:16
20-05-2008, 03:26 PM
انتخابات اللجنة
بالاول وءت كنا بصف القسم اول و كانت بداية انطلاقة اللجنة المبجلة قررنا نعمل انتخابات تنشوف مدى شعبية القائد...(الله يحفظو)..فالمهم كان متشرح معو الجنرال Arsenic قائد المغاوير.
فالمهم عملنا الصندوق و كان ممنوع مشاركة اعضاء من خارج اللجنة في هذه الانتخابات . وعلى كل فرد ابراز بطاقته اللجناوية و حتى البنات لازم يبرزوا انهم مع اللجنة.
بلشت الانتخابات وسط تخوف من اعمال شغب و انقلابات لكن عناصر اللجنة كانوا مسيطرين عالوضع.
و كل الصف صوت لأنو الكل كان مع اللجنة اكيد ..و كنا حاطين مراقبين للإنتخابات يقال انهم حياديين.
وحان وقت صدور النتائج...و الكل يترقب
و في النهاية فاز قائدنا المبجل فوز ساحق.
احصائيات الانتخابات:
عدد المقترعين :27
عدد المرشحين :2
الاصوات التي حاز عليها القائد: 52
الاصوات التي حاز عليها ال Arsenic : صفر....
وهكذا برهنت هذه النتائج على نزاهة الانتخابات بشكل واضح...و مبروك للجنة...!!!!!
و نتيجة لهذا الفوز الساحق اقيم احتفال على الفرصة و تلى علينا الجنرال القائد الاعلى للجنة بيان تناول فيه سياسة اللجنة الجديدة مع الادارة التي كانت في تلك الايام فاقدة للشرعية.
عاشت اللجنة حرة مستقلة.
MOUHAMMAD
21-05-2008, 12:41 AM
سلام....
ولله أيَام ما بتنتسى.....يا ريت بيخترعو آلة بترجَع بالزمن.....
wassim.h
21-05-2008, 01:10 AM
ما ان استلمت روعة الشعار التعليم في الثانوية حتى بدأت المناوشات بينها و بين اعضاء اللجنة الابطال.
فبينما كانت هذه العميلة (روعة الشعار) تبهدل على احدى التلميذات التابعة للجنة.قام الجنرال وسيم الحكم بإيقافها على حدها و قال لها (روءيها)..فما كان من تلك العميلة الا ان تجرأت و قالت له (سكر بوزك). عندها وكما كل اعضاء اللجنة اصحاب الاخلاق العالية..
قال لها:
احترمي حالك و ما تقولي هيك كلام.
عندها هددته وقالت له (شبدك تعمل)
وكان بإمكاننا عمل كل شيئ لكن الجنرال وسيم احترمها كل الاحترام و قال لها:
انا مني عم احكي منشاني بس بهل الكلام عم توطي من قيمتك.
فعندها وصل الامر الى قائد اللجنة الذي امر الجنرال وسيم بترك الصف فوراً.
فقام بزيارة الادارة الفاقدة للشرعية مع بعض المرافقين و قد وقع سجال بينه و بين رئيس النظار ..وقد طالب الجنرال وسيم بأن يعتذر منها لكنه ابى ان يرضخ للضغوطات كما هم ابناء اللجنة الاشاوس.
و قد قال الناظر للجنرال(معها واسطة من السما نزال اعتذر).
و لكن الجنرال وسيم لم يقبل الرضوخ للإدارة الفاقدة للشرعة بل طالب روعة الشعار بأن تعتذر امام الصف من الجنرال ...والا فاللجنة سوف تقوم بإقرار قانون يمنع الطلاب من حضور حصص هذه العميلة.
و امام ضغط من اللجنة اعتذرت منه اما الصف . وقد قبل اعتذارها بعد سلسلة لقاءات بين قياديي اللجنة.
وقد تم منح الجنرال وسيم ترقية ووسام شجاعة على شجاعته.
يا زلمة عهالقصة .......يومتا عملت علئا طويلة عريضة مع الأستاذ سمير الحجّ.....ههههههه...أحلى إيام والله....
محمد أحمد الفلو
21-05-2008, 01:15 AM
الله يوجهلوا الخير ويفك سجنو للأخ عامر الزعبي ... كان دائما يقول ل أحد الشباب بالجامع (دوكر مثلا): كول يا دوكر ، بركى بتكبر
وأنا بدوري بقلك نقس الشي يا نادر إنت و أعضاء اللجنه ... كلوا بركى بتكبروا
على فكره أنا بضحك كتير عالمشاركات عن اللجنه ... و ما عم احكي هالحكي مشان توقف كتابه عن اللجنه ... بس بركى ازا كلتوا وكبرتوا بيصير عندكن نشاطات ونجاحات لها قيمه
Nader 3:16
21-05-2008, 02:50 PM
تسلم يا حميطون.....
و تحية لاك من كل اعضاء اللجنة...
وتحية للأخ محمد و للجنرال ابو عمر.
wassim.h
27-05-2008, 11:19 PM
بعد ان وصلت بين اللجنة و المدعوة روعة الشعار للشيطان الرجيم..
و بينما كان الزميل عبد الله صهيون في الملعب فإذا بصادف الاخ رامي ملاط بيوءفوا يحكو مع بعضهم و اذا بروعة الشعار مارءة من جنبهم..
فبقوم رامي بقول لعبد الله هادي هي معلمتك العكارية....
و هي بتسمع هالكلمة و بتشعل فرد شعلة و بتبلش عياط و بهدلة و محسوبكم رامي محسوب عاللجنة ما سكت لها و بالفعل نشحها من فوق لتحت....
خلص الدوام و اذا بالمعلمة طالعا من المدرسة و توجهت صوب سيارتها ومعصبة...
دورت السيارة و دعست بانزين و كان بإنتظارها البطل رامي الذي كان بإنتظارها في سيارته..و وهي منا عارفة مين بألب السيارة و بصف ادامها...و بلشت تزمر و تزمر و ما في حدا ...تحاول تروح يمين ما تءدر تءطع و كان رح يحكمها سكتة البية لو ما وصل امر من قائد اللجنة بإيقاف العملية لأسباب تعود للجنة.
و جاءت هادي تاني يوم عم تبهدل عند المديرة انو في ناس من برات المدرسة عم يهددوا امنها الشخصي....
بس مين في يعمل شي مع اللجنة و لو دلت عم تبهدل لحديت هلء
Nader 3:16
03-06-2008, 11:56 PM
جنرال وسيم كونك صرت المكلف بأمور اللجنة عالمنتدى...يا ريت تصرفوا جائزة او هدية بسيطة للأخ ابو الروم......لأنو برهن عن ولائه التام للجنة ووقف وقفة عز و شجاعة في وجه هذه المتعجرفة..
وخلي الجائزة تكون شي سفرة عفرنسا او جنوب افريقيا او يلي بتشوفوه!!!!...
Madiz
14-06-2008, 05:17 PM
مبروك يا جنرال وسيم المنصب الجديد في اللجنة....و بدنا ؤصص جديد!!!!!..بسرعة!.و بحب بشركم انو انا جاية عن قريب ان شاء الله.
wassim.h
14-06-2008, 06:50 PM
جنرال وسيم كونك صرت المكلف بأمور اللجنة عالمنتدى...يا ريت تصرفوا جائزة او هدية بسيطة للأخ ابو الروم......لأنو برهن عن ولائه التام للجنة ووقف وقفة عز و شجاعة في وجه هذه المتعجرفة..
وخلي الجائزة تكون شي سفرة عفرنسا او جنوب افريقيا او يلي بتشوفوه!!!!...
ــــ عُلِمْ ــــ
wassim.h
14-06-2008, 06:58 PM
مبروك يا جنرال وسيم المنصب الجديد في اللجنة....و بدنا ؤصص جديد!!!!!..[quote]
الله يبارك فيك وعئبالك إن شاء الله...وتكرم عينك رح نحط ءصص بس بعد الإمتحانات إن شاء الله....
[quote]بسرعة!.و بحب بشركم انو انا جاية عن قريب ان شاء الله.
تأكد إنو رح يكون في وفد من اللجنة بإنتظارك مع فرقه موسيقية خاصة بجيش اللجنة وأكيد ما ننسا السجاد الأحمر والورود وهالأصص...وإن شاء الله توصل بالسلامه
Nader 3:16
08-09-2008, 11:05 PM
السلام عليكم.....فكرة جديدة بالموضوع.....
رح اكتبلكم اسماء صفنا و الاساتذة يلي كانوا يعلّمونا ::::::::رح بلش بصف الخامس لأنو كان اول صف لي بالقلمون.
أسماء الاطلاب: أنس ملاط,زاهر حليحل,سامح حليحل,جبران حبلص,أحمد عبدو,هاني عكرة,محمد حطيط,محمد علماوية,ميشال النو,غياث القص,رضوان قبلان,حسن قبلان,وسيم بلوط,فيصل اللهيب,مجدي علاوة,رائد كشاش ومحمد صافي
الاساتذة:
فرنسي: الست امينة
عربي:الاستاذ سمير خداج
رياضيات:الاستاذ عمر بيضا
تاريخ و جغرافيا و مدنيات: الاستاذ فاروق ملاط
علوم: الاستاذ زياد كسن
صحة: الاستاذ الطبشة (ناسي اسمو).
رسم: الاستاذ عبد الله الشيخ
رياضة: الاساتذة كفاح و نبيل قزيحة.
شو يا اخ زاهر ما زلت تذكر تلك الايام الراااااااائعة!!!!!!!
ألا ليتها تعود يوماً!!!!
اذا ناسي شي اسم حدا ذكّرني...
وسيم أحمد الفلو
09-09-2008, 12:12 AM
صحة: الاستاذ الطبشة (ناسي اسمو).
شو هالمادة؟ مني سامع فيا بحياتي
Nader 3:16
09-09-2008, 12:21 AM
هادي المادة ما كان عليها علامات....
المهم الكتاب مؤلف من تلاتين صفحة كأبعد تقدير...و فاي هيكا متل نصائح صحية معمولين بطريقة سهلة للأولاد.....
و متذكر انو الاستاذ الطبشة كان يوءفنا ابل كل حصة ويشفلنا ضافيرنا و يا ويلو يلي ضافيرو تطون طويلة...مسطرة من كعب الدست!!!......
Nader 3:16
29-09-2008, 02:48 PM
جنرال hadid هذه الحادثة رح يكون لها تداعيات سلبية عاللجنة. خصوصاً انها جاءت ضمن معترك الوصول الى القيادة و اعتقد ان الجنرال القائد الاعلى للجنة سيحاول تأكيد نفسه.
و كما علمت انو في تعيينات جديدة فما هي القصة؟؟؟
و من هو الجنرال الضحية؟؟؟؟
Nader 3:16
15-10-2008, 12:29 AM
بيان صادر عن القيادة العليا للّجنة.
يا شباب اللجنة الاشاوس, يا ابطالاً عرفتهم الساحات, يا من حاربتم الادارة الفاقدة للشرعية لمدة ثلاث سنوات منذ انطلاقة انتفاضة الاستقلال التي اعلنها قائد اللجنة مع معاونيه و التي اثمرت عن سقوط الادارة الفاقدة للشرعية في 26 نيسان 2008 الموعد الذي حدده ووعد به جماهير اللجنة و عوائل شهداء اللجنة .
ولكن هذه الادارة ما زالت تحاول اخفاء فشلها ببث الفتنة في صفوف اللجنة وها هي تطل علينا بمسرحية هزلية لم تفلح بواسطتها ان تتلاعب بجماهير اللجنة. حيث قامت ببث صور هزلية و مركبة لقائد اللجنة و انسبتها الى احد كبار جنرالاتها (الجنرال Hadid) الذي هو براء منها .فهو معروف بإخلاصه للّجنة ونضاله التاريخي بجانب القائد الدكتور قائد اللجنة.
ولكنّ اللجنة لم تسكت طيلة هذه الفترة , ولكن الرد تأخر الى اليوم فظنّت الادارة الفاقدة للشرعية ان اللجنة قد ضعفت و ان الفتنة قد دبت في صفوفها الا ان الحقيقة هي ان اللجنة قامت بأوسع عملية لها ,حيث قامت بإعتقال المشتبه بهم في هذه الحادثة و الذين اعترفوا انهم وراء هذه المسرحية الهزلية و ان الادارة قد دفعت لهم المال للقيام بهذا العمل. و سوف تبث اللجنة صور العملية التي قاموا بهذا الاعتقال.
كما واننا نعلن اننا ما زلنا على النهج الذي بدأنا به مسيرتنا بالدفاع و النضال للحصول على جميع حقوق الطلاب . كما و اننا نعلن رضائنا التام عن مدير الثانوية الجديد. الذي رأت فيه اللجنة منذ البداية انه الرجل الكفوء لهذه المهمة كما قال قائد اللجنة في اجتماعه مع القياديين("إن سمير هو رجل المهمات الصعبة"). فإننا نقول لشباب اللجنة كونوا يداً واحدة مع المدير لأنه سيسير بكم نحو النجاح الذي وعدكم به قائد اللجنة.
و الى طلاب و طالبات الثانوية الجدد سارعوا بالانضمام الى موكب النصر , موكب العزّة و الكرامة . موكب اللجنة.
عشتم . عاشت اللجنة . عاش القائد الاعلى للّجنة. عاشت الثانوية و عاش لبنان.
الصورة الاولى تبين بعض عناصر اللجنة اثناء عملية اقتحام لمنزل المشتبه به .
و الصورة الثانية تبين الكتيبة التي شاركت بعملية الإقتحام فرحةً بالنصر المؤزّر.
عبد الله
15-10-2008, 01:44 PM
هههههه
هلأ بيصنفوكن على لائحة الإرهاب
Nader 3:16
15-10-2008, 04:09 PM
جنرال Hadid شكراً لك على الصورة و التي تنشر لأول مرة على صفحات الانترنت.
و الى الاخ عبد الله لا تخف . اللجنة مسيطرة عالوضع تماناً.
яiиda
15-10-2008, 06:30 PM
بس بدي إسأل سؤال .... فين البنات يشاركوا بهيدا الموضوع؟؟؟؟
Nader 3:16
15-10-2008, 07:30 PM
نعم يمكن للجميع المشاركة.
ولكن بالطبع لن يكون هناك قصص اجمل من قصص اللجنة.
яiиda
15-10-2008, 07:53 PM
هههههههههههههه .....كتييير حلوين ......زكرتوني بأيام زمان احنا كمان .....لمن كنا بالبنات .....ما كان في غيرنا بالمدرسه منو محكوم .....لكن والأن فقد ارتاحت مدرسة القلمون الرسمية للبنات منا نحن وسارعت باعطائنا إفادة حسن سلوك (لتمكيننا من التسجيل في الثانوية ) هذا إن لم (تعملنا واسطة بالشهادة )..... فها نحن قادمون يا ثانوية .....
سلام :)
بكتب أصص بكرة .... إن شاء الله .....بعد ما ناقش الموضوع مع الأصحاب .....
hadid
15-10-2008, 11:05 PM
طبعاً جنرال نادر أكيد ما مرق على الثانوية بتاريخها وبتاريخ كل ثانويات لبنان شباب متل شباب اللجنة
وهالقصص المدرسية والله بينعمل منن فيلم أو مسلسل
وأكيد يا أخت ريندا فيكي تشاركي وتسردي أي قصة مدرسية أو طلابية علينا ونحنا متشوقين لسماعها
وأخيراً الله يوفق جميع تلاميذ الثانوية الأعزاء في صفوفهم وينجحهم وبخص بالدعاء الصوص محمد الخباز وقائد المشتبه بهم الأخ عبدالله غنوم المعدوم !!!
яiиda
17-10-2008, 10:02 PM
السلام عليكم ورحمة الله وبركاته
بالأول بدي قول يلي كنا نعملوا بشكل طبيعي مثل :
لمن بيكون في إضراب بس مديرتنا ما بدا تأضرب منصير نحرض كل المدرسه(من صغيرها لكبيرها) على التجمع بالملعب .... و ايش ؟!!بتكون مدرسة الصبيان كلها متجمعة برة لتحريننا من الإحتلال .... مسلحين بقنابل (الشنك).... و بالنهاية بيقدروا .....:D
اسن لمن منكون عالقين مع المديرة منطفشها.... مثلاً منقبع البلاط و منهرب على السابعة...و تاني يوم منجاي بلا اهلنا و بيفوتونا متل الشطورين....و بالصف كل ما تقوم المعلمه على اللوح نبلش نطس بعضنا بالطبشور و ننقف بالورق (نحط الورقة بالقلم .... أو بالمسطرة كمان...و في مرة جيت على المعلمه )....و!!! (لعتى داقني خلاقي أد ما كتبت )..... و كنا شعبتين مقابل بعضنا فبين الساعة و الساعة كنا نعمل حرب بالطبشور و أكيد شعبتنا كانت تربح:D!!!!
اسن ايش؟؟؟
اه !! كان في معلمه ما حدن بيطيقها لأنها ما كنت تطيق حدن منا .... و كانت تعلق علينا بكل شغله نعملها و بالأخص z.s و t.z .....
هيه ما بتحب إنو حدن يكتب على الكتاب (معها عقده ) ف احنا كنا نعمل بنكايه و نكتب على الكتاب ... ف بيوم من الايام شافت رفيقتي عم تكتب على الكتاب و فجرت متل القنبله (بعد منا مهشلينة ) .... قامت متل ال-... و حملت الكتاب و زتتلة ياه برة و قالتلة : (لبررااااااااا.... !!!!!!)
رجعت جيت .... ف- التلة z.s ل h.f :"بسرعة !!خبي الكتاب بالطبقة " و فعلاً هيدا يلي صار .... بس هيه كانت حاطة الشر بين عيونها ف اخدت الدفتر عن الطبقة و جاية بدا تزتو برة آمz.s اشتطة ياه و التلة يلا طالعين ....
من برة شو صاروا يعملوا ؟؟ !! صاروا يزتو طبشور و محايات بس هيه ما عملت شي .....(يا حرام;) )
إن شاء الله يعجبوكن....
سلام ..... :)
hadid
17-10-2008, 10:39 PM
رجعت جيت .... ف- التلة z.s ل h.f :"بسرعة !!خبي الكتاب بالطبقة " و فعلاً هيدا يلي صار .... بس هيه كانت حاطة الشر بين عيونها ف اخدت الدفتر عن الطبقة و جاية بدا تزتو برة آمz.s اشتطة ياه و التلة يلا طالعين ....
ما إشبا شي القصة بس هالسطرين ما فهمت منون ولا كلمة !!
Nader 3:16
17-10-2008, 11:25 PM
شكراً على المشاركة يا اخت ريندا. لكن هذه الافعال الاوادم بيعملوها.
اليس عندكم عمليات نوعية و بيانات بهذه العمليات كما كانت اللجنة تفعل؟؟؟
hadid
17-10-2008, 11:34 PM
يا جنرال نادر أكيد هني ما عندن تنظيم متل ما اللجنة عندها تنظيم وخطط ولازم تاخد بالإعتبار إنون بنات .....
Nader 3:16
18-10-2008, 01:25 AM
ليش واذا بنات...البنات يلي كانو معنا بالصف كانو مع اللجنة و كانوا احياناً يساعدونا بالعمليات.
أيمن غ القلموني
18-10-2008, 01:32 AM
بس إذا ممكن تؤلولنا مين أعضاء اللجنة الموقرة.
وشو هي تطلعاتا المستقبلية
ولا مستهدفين ههههههههههههه
Nader 3:16
18-10-2008, 01:43 AM
أخ أيمن مين باعتك؟؟؟؟
بلشنا بالاسئلة الاستخباراتية.. للأسف لا يمكن ذكر اسماء الجميع. بل يمكن ذكر بعض من يكتب في المنتدى .انا الناطق الاعلامي بإسم اللجنة...الجنرال هديد...الجنرال وسيم حكم...ابو صطيف ...انس...Arsenix ....فادي(بس محظور)...محمد كوسا...و بعض الشباب بالاسماء الوهمية....
أيمن غ القلموني
18-10-2008, 01:53 AM
أخ أيمن مين باعتك؟؟؟؟
بلشنا بالاسئلة الاستخباراتية.. للأسف لا يمكن ذكر اسماء الجميع. بل يمكن ذكر بعض من يكتب في المنتدى .انا الناطق الاعلامي بإسم اللجنة...الجنرال هديد...الجنرال وسيم حكم...ابو صطيف ...انس...arsenix ....فادي(بس محظور)...محمد كوسا...و بعض الشباب بالاسماء الوهمية....
الله يسامحك ، ولو.
بس هديد منوا إذا سمحت.
إذا في خطر على حياتو الشخصية فبلاها .
على كلن مفي عندكن وثيقة تلخص أبجديات المفاهيم التي تسير عليها اللجنة المحترمة.
Nader 3:16
18-10-2008, 01:57 AM
منبقا منحط المفاهيم التي نسير عليها...بدها استشارة القيادة العاليا هالشغلة..مو من مسؤولياتي.
اما الجنرال هديد فيكون الاخ هادي ربيع درنيقة. اخوو لمبارك....
وترقبوا ؤصص و بيانات عن عمليات الثانوية في القريب...بس المشكلة انو مءني عم اتذكر.
الزاهر
18-10-2008, 02:37 AM
ما تسهر !!!
...بس المشكلة انو مءني عم اتذكر.
السلام عليكم ورحمة الله وبركاته
مواقف رائعة لأعضاء اللجنة ونحن بالنتظار الكثير والكثير من المواقف الرائعة .
Nader 3:16
18-10-2008, 02:51 PM
شكراً لك يا اخت مايا على التشجيع.
وان شاء الله تكونوا مبسوطين بالموضوع.
والمرة القادمة رح نذكرلكم شو كانوا يعملو الاخوات باللجنة. اذا تذكرت!!!...لأنو بالطبع كان لهن مواقف بطولية في الثانوية.
SAHYOUN
18-10-2008, 04:58 PM
اه ....منيح منتسلى و منتعلم زياده من هيك مواقف .... و مشكورين على هدول الأصص الحلوه .... و يا أخت ريندا ممنوع حكي هيدول (منتجرص !!).....
Nader 3:16
18-10-2008, 07:25 PM
امامكم 3 سنوات في الثانوية ان شاء الله.
ممكن تنفذوا الكثير من العمليات البطولية. ولكن عم توصلني اخبار من بعض القيادات الحالية في الثانوية انو الزعرنات كترانه كتييييييييير بالثانوية. فهل هادا مزبوط. لأنو عإيامنا كان كل الصف تقريباً شباب ملتزمين. حتى الغير ملتزمين بحكم الواقع كانوا مضطرين انو يتماشوا مع عقلياتنا. وكان معظم البنات متحجبين كمانا.
ولذلك تمكنا من تجميع الشباب و البنات تحت لواء اللجنة المبجلة. و بإذن الله القصة القادمة رح تحكي عن كيفية تكوين اللجنة. و يوجد قصة وردتني بخصوصها تفاصيل لم اكن أعلمها .(عملية تفجير كيس الريحة). رح نعيد ذكرها مع التفاصيل المملة ان شاء الله.
яiиda
19-10-2008, 03:37 PM
_ههههه .... لك شو بنا يا صهيون !!! كل العالم بتعرف !!!
_أكيد أن شاء الله بدنا نطفشن بس بدنا مساعده ها !!! (و على فكرة انتو عم تقولوا إنو الإدارة الفاقدة للشرعيه اختفت بس اجا محلة إدارة فاقدة للاخلاق ...!
يعني ما بعرف ليش بيستعملوا (أو بالأحرى بيعتمدوا) طريقة تأليل الأدب مع الطلاب بالمدرسه ؟؟ يعني مستحيل يكون في حدن بيحترمكن ؟؟؟ بس ليش؟؟ إنو يعني هيدي طريقة ل ضبط المدرسه ؟؟!!! أو ايش ؟؟!!!)
بعدن
_كيف أزدك زعرنات ؟؟ عطيني مثل !!!
_كيفية تكوين اللجنه !!!! واو !! اه منيح ...
سلام ....:)
Nader 3:16
19-10-2008, 03:42 PM
بما معناه كلام بذيء داخل الصفوف و في الملعب.
واشياء لا يمكن ذكرها....
وان شاء الله بس يكون قائد اللجنة عندي رح نكتب كيف تأسست اللجنة بالتفصيل.
و يا ريت لو بتشكلو شي منظمة جديدة بالمدرسة تحت لواء اللجنة
яiиda
19-10-2008, 04:20 PM
بصفنا احنا لأ !!!
بس من وين جايب هيدا الحكي ؟؟
و فكرة تشكيل منظمة فكرة كتير حلوه و منيحة بس ما بعتقد إنها معقوله...
إلا إذا فيكن تتواصلوا مع صبيان الصف لأنو ما بعتقد إنو رح نقدر تقنعن....
بس تروك بعض البنات عليي .... بالأخص انن مفزورين من المدرسه كلها ...
فأكيد إن شاء الله رح يئبلو....
بس بدنا دعم .....
سلام ...:)
Nader 3:16
19-10-2008, 04:25 PM
هالحكي جايبو من بعض عناصر اللجنة في الثانوية و الموثوقين.
ولا يمكنني الا تصديقهم.
و في شغلات خطيرة اكتر و اكتر بس انتو ما بتعرفوها و ما بتنحكا عالمنتدى.
عكل حال. اللجنة ما زالت موجودة في الثانوية و لكن بأعداد جدّ قليلة. لذلك نريد الدعم بأسرع وقت.
و من شروط الانتساب للّجنة انو الواحد يكون شاطر بالمدرسة!!!!!!...لأنو كلنا كنا ننجح و الحمد لله.
سلام.
яiиda
19-10-2008, 04:49 PM
هلأ أنا ما بعرف هيك حكي ؟!!
بس عنا بالصف مافي هيك شي والحمد لله (إلا إذا حداً قلل أدب معنا بس هيدي اسن ما صارت ).....
طيب شو هيه هيدي الشغلات؟؟؟(بدنا نكون على ضو ،منو ما منعرف شي لأني اسن ما تعودنا ،إساتنة نيو )...
احنا جاهزين إن شاء الله ... بس بالنسبه لشروط الإنضمام للجنه فالحمد لله يوجد شاطرين بس عاقلين ... بس بما إنو احنا أصدقاؤن ففينا نأثر علين (بعتئد ).....
سلام :)
hadid
19-10-2008, 09:34 PM
ومن شروط الإنتساب للّجنة أن يكون الواحد متدين وينفذ أوامر الجنرالات وخصوصاً القائد الدكتور....
بترك موضوع إنتساب الأعضاء الجدد للجنرال نادر والجنرال أبو اصطيف ..... لأنني (وهذه أول مرة بتنشر على المنتديات وأمام عامة الشعب...) مسافر إلى السعودية (جدة) خلال هذا الأسبوع (ما بقدر حدد أكتر لأسباب أمنية... خصوصاً بعد محاولة الإغتيال الأخيرة..)
Nader 3:16
19-10-2008, 09:53 PM
بالسلامة يا جنرال...
و فاي عدة شروط كمانا رح نحطهم بالبيان تبع التأسيس.
hadid
19-10-2008, 10:26 PM
الله يسلمك أخي نادر إذا بتوصيني بشي أنا جاهز إن شاء الله .....
kata2eb
19-10-2008, 10:33 PM
**** طلب إنتساب ...
معالي رئيس اللجنة الموقر
سماحة الجنرالات
يا شعب اللجنة الصامد
أود أن أنضم إليكم كفرد فهل تقبلوني
أرجو منكم أن تعلموني بالشروط
وبما علي فعله لأحظا بهذا الشرف
التوقيع
.
.
.
.
.
.
.
.
.
.
.
.
.
بسين آل الفلو المشرد
hadid
19-10-2008, 11:15 PM
هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههه
Nader 3:16
20-10-2008, 11:37 PM
السلام عليكم جميعاً.اليكم فيما يلي القصة كاملة لعملية (كيس الريحة) التي قامت بها اللجنة في الثانوية بتاريخ 20-12-2004 .
كانت هذه العملية ثاني العمليات النوعية في الثانوية من قبل اللجنة. و كان لا بد منها لوضع الادارة الفاقدة للشرعية تحت سياسة الامر الواقع. وارسال رسالة الى بعض الاساتذة و النظّار انّ اللجنة موجودة بإمكانها القيام بالعمل الكثير.
و تعتبر هذه العملية البطولية من أهم العمليات التي قامت بها اللجنة خلال مسيرتها النضالية في الثانوية سعياً وراء تحقيق مطالب التلاميذ, و بالاخص ان عدد المشاركين بهذه العملية فاق التصورات, فقد كان بإمكان شخص واحد تنفيذ هذه العملية التي تعتبر بسيطة .
و لكنّ القائد الأعلى للّجنة ارتأى ان يشارك العدد الأكبر من خيرة شباب اللجنة في العملية النوعية. و بالفعل هذا ما حصل و اليكم تفاصيل العملية:
اتفق الجنرال القائد الأعلى للّجنة مع أحد كوادر اللجنة أن يأتي بكيس رائحة يتم تفجيره بالدوس عليه و يصدر رائحة كريهة عبارة عن غاز H2S .و قد تردد هذا العنصر بادئ الأمر و لكن الجنرال القائد الأعلى للّجنة قام بإقناعه و أوضح له ان مهمته تقتصر على هذا الفعل فقط. فتمت الموافقة.
وكان لا بد من تحديد أحد العناصر المتمرسة للقيام بعملية الدوس على الكيس. فوقع الإختيار على العنصر Arsenic الذي رأى فيه القائد الأعلى للّجنة انه الرجل المناسب للقيام بهكذا عملية. و عندما أحس ال Arsenic بحجم هذه العملية تردد كثيراً. وطالب القائد الأعلى للّجنة بأن يكتب وثيقة بينه و بين القائد و بين نائب القائد تثبت تورط الثلاثة في العملية اذا كشف الأمر. و بالفعل تم ذلك و احتفظ الArsenic بنسخة من الوثيقة في جيبه.
اجتمع مجلس اللجنة في أحد المقرّات و قرروا ان تنفذ العملية يوم الثلثاء بتاريخ 20-12-2004 على حصة الاقتصاد. كون الكل كان لا يطيق هذه المادة . و التي تمّ الغاؤها من صف القسم الثاني(مات و بيولوجي) بعد اجتماعات لقادة اللجنة.
و حانت ساعة الصفر. و كان لا بد من أن تكون هذه العملية المصيرية خاطفة و سريعة.كان كيس الرائحة بادئ الأمر مع الجنرال القائد الاعلى للّجنة الذي قام بإلقاءه على الارض في وسط حصة الإقتصاد. و عندها قام نائب القائد بركله الى الأمام . وتبادل عناصر اللجنة المشتركون في العملية الركلات برجليهم حتى وصل الكيس في آواخر الحصة الى الArsenic الذي لم يكن منه الا ان داس على الكيس و تم تفجيره.
وعندها بدأ التدخل من العناصر النسائية في اللجنة حيث بدأوا بالقيام بدورهم و هو تسكير كل الشبابيك التي كانت من جهتهم لكي تفوح الرائحة بشكل كثيف في ارجاء الصفّ.و بدأ الجميع بالقيام ببلبله قوية داخل الصف.
قد أفاد تقرير اللجنة الطبّي ان هناك حالات إختناق سجلت في صفوف الأخوات. و قد تم ترقية بعضهنّ الى معاونات نظراً لما قدمن فداءً للّجنة.
في ظل هذه البلبلة و الرائحة القوية لم تملك معلمة الاقتصاد الاّ الخروج من الصفّ و خرج التلاميذ ورائها بما أن الساعة شارفت على الانتهاء . و نزل الجميع الى الملعب لأنه حان وقت الفرصة. و تم اعلان نجاح العملية التي ضجت أصداؤها في الثانوية ككل و التي هزت طغيان الادارة الفاقدة للشرعية التي سارعت الى اعلان التعبئة العامة في صفوف النظّار و بدأ التحقيق في العملية.
كان عندنا حصة رياضيات بقيادة الاستاذ غطفان والذي كاد يختنق من شدة الرائحة المنتشرة في الصف رغم فتح الشبابيك.
بدأ النظار عمليتهم كمحاولة لإخفاء فشلهم . وبدأوا بإستدعاء الصف فرداً فرداً. و كان في الصف من هم أعداء للّجنة نعم كانوا اعداءً لها. و كان الجنرال القائد الأعلى للّجنة يخاف من أن يقوم هؤلاء بحماقات غير مسبوقة تعكر صفو هذا الانتصار الكبير للّجنة. فقام بمعاونة نائبه المبجل بعملية سحب الوثيقة الموقعة بينه و بين الArsenic مخافةً ان يكون احد الدواسيس قد اطلع عليها.
و بالفعل كان أحد الدواسيس قد فسد للناظر العام على هذه الوثيقة التي أصبحت اشلاء في الزبالة.
فجاء الناظر لعند الArsenic و طلب منه ابراز الوثيقة. و كانت المفاجأة ان الوثيقة غير موجودة. عندها أدرك الناظر العام انه امام عملية نوعية لا يمكن كشفها بسهولة و انها مستعصية عليه .
فقام بحقد شديد بطرد سته من كوادر اللجنة المبجلة و هم على التالي:
قائد اللجنة و نائبه. ال Arsenic . العنصر الذي اتى الكيس. و اثنين من شباب اللجنة.
ولكن الجنرال بلّوط اصدر بيان أعلن فيه نجاح العملية و اعطاء كل من شارك بالعملية وسام شرف و يومين اجازة. و تم ترقية الArsenic الى قائد المغاوير . و ما زال حتى الآن يشغل هذا المنصب.
كما سجل انضمام معظم الصف الى اللجنة. كما تم تعيين قائدة لقسم الأخوات(......)
وكانت هذه العملية هي بمثابة بداية المشوار النضالي ضد الادارة الفاقدة للشرعية.
عشتم .عاشت اللجنة..عاشت الثانوية...
ان شاء الله يكون عجبكم الاسلوب و القصة كمانا.
القسام
21-10-2008, 10:14 AM
ما شاء الله قصة رائعة وذات نتائج باهرة
بارك الله لكم بهذه القيادة العظيمة وبتلك اللجنة المباركة وجعلكم الله زخرا للطلاب والطالبات
ندعو جميع الطلاب الجدد إلى الإلتفاف حول اللجنة لتتمكن من ممارسة دورها بالأمر بالمعروف والنهي عن المنكر داخل أروقة الصفوف وخصوصا بعد ما سمعنا عن ما تعانيه الثانوية من حالات فساد وإفساد
مصطفى معتوق
21-10-2008, 11:15 AM
بدي ارفع اقتراح للمجلس الاعلى ومجلس العمد بالحزب القومي بركن بتصيرو بتدربولنا كوادر فصائل المقاومة على هيك نوع من العمليات الخاطفة والسريعة !!!
محمد أحمد الفلو
21-10-2008, 11:35 AM
ان شاء الله يكون عجبكم الاسلوب و القصة كمانا.
حلوين كتير
هههههههه
نحنا عملناها عند الإستاذ أنطوان ... أول شي فكر ريحه طالعه من ... قلن عيب الحمام قريب ... هههه .. وبعدين فكر من الحمام فسكر الباب ... ولما فهم شعم يصير سكر كل شي .. قال مشان يفطّسنا ... هادا لما كنت بالصف مع سامر الطبشه وطارق عكره ووو
Nader 3:16
21-10-2008, 02:19 PM
مرسي يا حميطون و يا معتوق عالتشجيع و لا ننسى الأخ القسام.
ويا معتوق هالشغلات ناقشها عالخاص.
السلام عليكم ورحمة الله وبركاته
الله يعطيكم العافية ويديمكم ذخر للطلاب .
яiиda
21-10-2008, 05:09 PM
السلام عليكم .....
بالأول بدي أل مشكور على هيدي القصة الحلوه و المحمسة ...
لك بس بدي أعرف من وين بتجيبوا هل أفكار ؟؟؟
هلأ أيمتن بدك تكتب شروط الإنضمام إلى اللجنه ؟؟؟
صحيح ميشان إنضمام الصف للجنه ... بدي ألك: ما بعتقد إنو ممكن .....
لأنو ما فينا نأمن ل ناس ما منعرفن .. بس فيني إضمن إن شاء الله تنين من البنات(و بعدين يمكن ينضم من جديد بعض البنات ) و بس و اصطفلوا انتوا و الصبيان (مع اني بعتقد إنو كمان بالكتيرة تنين أو واحد ).... ف دبروا حالكن بقى ....
سلام ........:)
Nader 3:16
21-10-2008, 06:58 PM
شكراً للأختين rinda و مايا على التشجيع.
و بالنسبة للإنتساب للجنة الاخوات عليكنّ مراسلة القيادية المسؤولة...انا ما بعرفها!!....
شكلو القائد العام داحك علينا و ؤيلنا انو كان في لجنة للبنات.......هادي شغلة
ولك دوووووووووووووووووع
яiиda
22-10-2008, 09:39 PM
اه... لكان سكر على الموضوع و ما بدي إنتسب ل شي بقة.....
سلام ...:)
flauritta
22-10-2008, 11:03 PM
اصلا انا المسؤولة عن البنات تبعون اللجنة .و ممنوع تنتسبي يا بنت صهيون.
وسلميلي عأختك كتير. du333
яiиda
22-10-2008, 11:11 PM
اصلا انا المسؤولة عن البنات تبعون اللجنة .و ممنوع تنتسبي يا بنت صهيون.
وسلميلي عأختك كتير. du333
aha!
أصلاً مين انتي ؟؟؟
و مين صهيون ؟؟؟ بتمنى عدم التبلي على الناس ..... و منو شكراً ....
سلام ...:)
Nader 3:16
23-10-2008, 12:01 AM
من هلء ريندا و فلورينا...بلا هالولدنات بموضوع حساس للّجنة متل هادا...
شرأيكم يا ست فلوريتا كمانا تستلمي امور اللجنة ؟؟؟
هادي شغلة والله....اسا بكرا بصيروا يعيطوا لبعضهم جنرالات كمان...
ولك دووووووووووووووووووووع...وحاجا تشغيب عالموضوع والا موء بكتب ولا ؤصة!!!!....
وسيم أحمد الفلو
23-10-2008, 07:52 AM
والله أمرك غريب يا سيد نادر
كيف واحد بينبسط إنو كان يعمل مشاكل وزعرنات بمدرستو، وكيف بيرضى إنو يهاجم الأساتذة بهلطريقة!!!!!!!!!!!!!!!!!!!!!!!!!!!
روحو شوفو دروسكن وبلا مدلكن تتغنو بأمجاد ماضي لا تشبه الأمجاد بشيء.
Nader 3:16
23-10-2008, 03:16 PM
اولاً هذه ليست زعرنات. ارجو منك انتقاء الكلمات بطريقة لبقة.
ثانياً اللجنة لم تكن تهاجم اي استاذ فقد كانت تهاجم و تضرب كل من هو عميل تابع للإدارة الفاقدة للشرعية و التي اسقطناها بسواعد ابناء اللجنة.
وهذه الاعمال البطولية التي كان ابناء اللجنة يقومون بها. مازالت شامة عز في مسيرة اللجنة.
و الله أكبر.
و سنستمر بسرد القصص المرفقة بالبيانات.
ودووووووووووووووووووووووووع....
وسيم أحمد الفلو
23-10-2008, 04:10 PM
من جعل الإدارة غير شرعية؟ هل أنت ولجنتك هم وزراء تربية أم ماذا؟
أما بالنسبة لتوصيف هذه الأعمال بكلمة زعرنات فأنا بإنتظار أن تعطيني توصيفاً آخراً لها.
Nader 3:16
23-10-2008, 04:23 PM
شو حابب ننزل بيان فيك يا وسيم؟؟؟؟؟
سميها ولدنات سميها ايش ما بدك بس زعرات معناتا شغلات غير اخلاقية....ومعناتا انت تصف الجنة بأنه لجنة للزعران و هذا شيء لا اقبله.
نحن نسميها بطولات. و أين كنت انت و غيرك عندما كانت اللجنة تخوض اشرس المعارك مع الادارة الفاقدة للشرعية. هل احسست يوماً بحجم المعاناة التي كنا نعانيها. طبعا لا.
لذلك لن نقبل اي انتساب لك في اللجنة.
وان اي تعرض للّجنة من قبلكم هو بمثابة اعلان الحرب. و قد اعذر من انذر.
نحنا صابرين عليك و عكم واحد بعيلتكم كرمال حميطون.وكرمال القرابة. ولكن مصلحة اللجنة عندنا فوق كل مصلحة.
وحاجتك تشغب عالموضوع.
و لك دووووووووووووووووووووووووووووووووووووووووووووووووو ووع.
وسيم أحمد الفلو
23-10-2008, 05:32 PM
شو حابب ننزل بيان فيك يا وسيم؟؟؟؟؟
أنا بالإنتظار
فنكلوز
30-10-2008, 11:07 PM
what's silly logo in fact very silly
яiиda
30-10-2008, 11:29 PM
who ask you
قصة كيس الريحة كتير حلوة افتكرت عم اقرا شي بيان سياسي
بس كتير حلوين, بضحكوا
T a c o
08-03-2009, 02:30 AM
لك يلاااااااااااااااااااا ... بدنا ننتسب بااااااااااااه ... خلصت السنة ييييييييييي علينا ..!!! يلا شدّوا الهمّة ..!!
Nader 3:16
08-03-2009, 11:26 AM
مفكّرة الانتساب بدو يوم و يومين...!!!!!.....انتي عم تتعاملي مع اللجنة العظمى....
حالياً لا نحتاج الى بنات باللجنة........
والله صرلنا زمان ما كتبنا شي بهالموضوع....لازم نتذكر شي عملية جديدة...
hadid
08-03-2009, 01:22 PM
وسيم كان مثال التلميذ المجد المهذب يلي حاطط راسو بجمجتو !! ما كان بحب الزعرنات أبداً ... وكان عطول يفسد على رفقاتو بالصف لما يشاغبو !!!
دوووووووووووووووووععععععععععع
T a c o
08-03-2009, 06:48 PM
مفكّرة الانتساب بدو يوم و يومين...!!!!!.....انتي عم تتعاملي مع اللجنة العظمى....
حالياً لا نحتاج الى بنات باللجنة........
والله صرلنا زمان ما كتبنا شي بهالموضوع....لازم نتذكر شي عملية جديدة...
هعهعهع .. اه أحسن .!!
أصلا نحنا عمنعمل مشاااغبات از كنّا مع اللجنة و لا لاء ..!و دووووووع ..!!
Powered by vBulletin® Version 4.1.11 Copyright © 2025 vBulletin Solutions, Inc. All rights reserved, TranZ by Almuhajir