سؤاااااااااااال ...يحتاج الى اجابه!!

[a7la 3amoura]

لوقيل لك انك تستطيع اعادة اكبر واغلى شي فقدته بحياتك ((حاليآ)) او من زمن قريب فماذا ستعيد ؟؟؟؟؟؟؟واتمنى الإجابه عليه


ولا تنسووون" الصراحه" مثل ماقلنا

[nana]

اني خلي البابا يرجع يمشي ويحرك أيدو متل ماكان ساعتا راح كون ملكت الدنيا ومافيا

[Nader 3:16]

الله يحقق لك امنيتك يا اختي....

و انا اسأل الله ان يشفي و يهدي جميع المسلمين....و من امنياتنا جميعاً ان تعود الامة الاسلامية الى ما كانت عليه ...

و السلام عليكم و رحمة الله و بركاته

[shanzimer6]

رح نروح ععالم الأمنيات...
أنا بتمنى يرجع رمضان :o , ويا ريت كل الايام تكون رمضان..
وكمان بتمنى ارجع لإيام زمان, يلي كان معي همة أكتر عحفظ ومراجعة القرآن, والاستفادة من وقتي قدر المستطاع...
وكمان بتمنى لو ما تسجلت بهالجامعة ( هية حلوة بس الدوام....اللهم عافنا واعف عنا)..
كل هالاشياء دنيوية, والتمني الأهم: اللهم اعف عن جميع ذلات لساني, واغفر لي ولجميع المسلمين ذنوبنا يا أكرم الأكرمين.

[a7la 3amoura]

الله يحقق لك امنيتك يا اختي....

و انا اسأل الله ان يشفي و يهدي جميع المسلمين....و من امنياتنا جميعاً ان تعود الامة الاسلامية الى ما كانت عليه ...

و السلام عليكم و رحمة الله و بركاته

يسلم هالتم يا أخ نادر والله هيدي الأمنية عم نحلم فيا من زمان

[مصطفى معتوق]

اعيد الناس الى جادة الصواب !!!!!!
الى الحرية والانعتاق من نير الاستعباد
اسير بهم في موكب ٍ مهاب
لنحرر فلسطين, ولننزع من يد بغداد الاصفاد.
اما العملاء فلهم الدولاب
والخانعين اسحقهم دون رحمة او هواد.

[HARD]

انا كنت منذ 2 اسبوع بلبنان ولما رجعت صار بدي ارجع...
والله يا نعنوع انا مافيني ، رح انزل على العيد اذا الله قدر لي هذا
بس الظاهر صعب شوي لاسباب بس الله اعلم شو بصير ...
ولو ان الزمان عاد بي الى الوراء لكنت عملت شغلات لم يُقدر لي عملها لاسباب كثيرة يالله الله كريم واحنا مستاهل يمكن :confused:

[معترض]

اني خلي البابا يرجع يمشي ويحرك أيدو متل ماكان ساعتا راح كون ملكت الدنيا ومافيا



الله يشفيلك أبوكي و انشالله بيرجع يمشي و يحرك ايدو متل ما كان و الله لا يضر حدا

[shanzimer6]

آمين...اللهم اشف جميع مرضى المسلمين, وارحم جميع موتاهم, وفك أسراهم.

[Software]

السلام عليكم، للحقيقة سؤال رائع ويتيح لمن في قلبه حرقة من مأساة ما أن يطرحها هنا علّه بذلك ينفّس عن كربته، دون أدنى شك لو أعطيت هذه الفرصة لاستعدت والدي الحبيب الذي توفي منذ ثلاثة أشهر و
يومين أسأل الله أن يرحمه و يغفر له جميع ذنوبه و خطاياه ويجعله من أهل الجنّة. الموت حق و آت لا محالة و لكن وقعه صعب على الإنسان و فقدان شخص تحبه ليس بالأمر الذي يمكنك أن تتقبله ببساطة
حتى مع مرور الزمن فكيف إذا كان الشخص الذي فقدته هو والدك!!!! والدك الذي ربّاك و علمّك و فنى حياته لأجلك، كيف ستتقبل تلك الفكرة أن تعيش من دون أن تراه من جديد، دون أن تشاركه أفراحك
وأتراحك وأن تأخذ مشورته ونصيحته!! لا أريد أن أدخل كثيرا في الموضوع لأن الكلمات لا تعبر مهما كثرت ولكن أريد أن ألفت نظر الأعضاء الكرام عن بعض المشاعر التي تختلجك عندما تفقد شخصا
عزيزا عليك، أول ما تحس به هو صدمة كبيرة مع عدم تصديق الواقع و محاولة استبعاد الفكرة وعدم التفكير بها، شعور غريب بنكران الواقع وعدم تصوره محاولة منك الهروب من الواقع والحقيقة المخيفة التي
لن يتقبلها عقلك، ستشعر عندما تتذكر ذلك الشخص وتمر في خيالك كلمة "مات"!!! ستشعر وكأنك ارتطمت بحائط كبير وستسارع إلى تجاهل تلك الكلمة تهربا من وقعها وتداعياتها، ستتمنى لو أنك توفيت
قبله وتتمنى لو أنك تستطيع أن تجلس معه على انفراد لتخبره ما يحدث معك وما تخطط له، لن تفرح حتى بالأشياء التي تحبها لأنه لا يعلم بها ولا يشاطرك فيها، ستجده معك أينما ذهبت لكن في مخيلتك فقط!سينتابك
شعور بالوحدة والفراغ ولكنك أحيانا ستشكر الله أنه توفاه قبل أن يتوفاك لأنك لا تريده أن يعيش الفاجعة التي عشتها ولا أن يحزن الحزن الذي حزنته! يكفي فالكلام لا ينفع ولا أريد أن أطبق على قلوبكم أكثر
ولكن تعليق بسيط على مشاركة الأخت نارة:





اني خلي البابا يرجع يمشي ويحرك أيدو متل ماكان ساعتا راح كون ملكت الدنيا ومافيا






أسأل الله العظيم من صميم قلبي أن يشفي والدك ويعيده إلى ما كان عليه من صحة و عافية، وأقولها من صميم قلب مجروح حيث أني صرت أعرف ما معنى ذلك بعد أن مررت بتجربة أقسى من تجربتك، ثمان و
ثمانون يوما من أقسى أيام حياتي، قضاها والدي رحمه الله في المستشفى، وكان كل يوم أقسى من قبله حيث كان الأمل الذي كنا أصلا نضحك على أنفسنا بوجوده يتلاشى ويزول إلى أن اختفى نهائيا لتنتهي المأساة
بمأساة أكبر حيث فارق والدي الحياة...ولكن...الحمد لله الذي لا يحمد على مكروه سواه.
أسأل الله العظيم أن يغفر له جميع ذنوبه وخطاياه وأن يجعله من أهل الجنة، وأرجو من كل من يقرأ مشاركتي أن يدعو لوالدي الحبيب و يطلب له الرحمة والغفران وبارك الله بكم.

[الشامي]

السلام عليكم ... كيفكم يا جماعة ..

أشكرك أخي (أحلى عمورة) على هذه اللفتة التي فتحت المجال أمام الأعضاء بالتعبير عن بعض ما يخالط مشاعرهم وقلوبهم...

كما وأسأل الله لوالد أخونا سوفوير الرحمة والنعيم في الجنان... لقد كتبت فأحسنت التعبير أخي الحبيب..

وأسأل الله لوالد أختنا نارة (سلامي لصديقي الحبيب رامي) أن يعافيه ويمن عليه بالشفاء القريب...

آآآآمين

أخوكم:rolleyes:

[shanzimer6]

الله يرحم أبوك يا سوفتوير, ويعافي الكل....
والله اكتر شي بيأثر فيني هوا الموت, والوداع, وخاصة الميت, أحمد الله على نعمة وجود الاب, وبعرف مشاعرك بهاللحظات العصيبة, الله يصبركن جميعا....
بمجرد التفكير بهاللحظة_ يلي بدا تجي اكيد_ ينتابني شعور غريب, بحس ضاق نفسي, لا أمتلك نفسي , ولا أتوانى عن البكاء, وخاصة اذا الشخص قريب, فكيف الاب.؟
انا كنت بعرف ابوك_ رحمه الله وتغمده بواسع رحمته ومغفرته,_ منو معرفة شخصية, بس كان في مناسبة ( خطبة اخوك) فعرفتو....والواحد ما بيعرف شممكن يصير معو, بس :" قل لن يصيبنا الا ما كتب الله لنا".
ما بق معي حكي ومؤ فيني احكي....
الموت أفجع شي بالعالم, ويعجز الانسان عن التصرف امامه لأن ما بعتقد بيكون في شي يطغى الا مشاعر الحب والاحساس بالوحدة..وتذكر احلى الاوقات.

[الزاهر]

ممممممممممممم..........والله في كتير شغلات.........لكن أغلى ما اتمنا أن يعود ........المشكلة بعتبرها أمور جد خاصة وما بتنآل لمين مكان........واللي فهم عليي شو عم احكي يعرف إنو من اعز الناس !!!!!!

لكن كمان اتمنى أن يعود الزمن واستطيع زيارة جدي (الأمير عبد الرحمن سليم الأيوبي) زيارة اخيرة........واسلم عليه........يـــــــــــــــــــــــــــــــــــــ ــــاه..........

والله يا ريت!!!!

سلام

[a7la 3amoura]

أنا بتمنى من كل قلبي انوا يصير منيح أبوكي يا نارة والله يرحم جميع موتانا

[nana]

أنا بتمنى من كل قلبي انوا يصير منيح أبوكي يا نارة والله يرحم جميع موتانا

شكرا كتير:)

[nana]

السلام عليكم ... كيفكم يا جماعة ..

أشكرك أخي (أحلى عمورة) على هذه اللفتة التي فتحت المجال أمام الأعضاء بالتعبير عن بعض ما يخالط مشاعرهم وقلوبهم...

كما وأسأل الله لوالد أخونا سوفوير الرحمة والنعيم في الجنان... لقد كتبت فأحسنت التعبير أخي الحبيب..

وأسأل الله لوالد أختنا نارة (سلامي لصديقي الحبيب رامي) أن يعافيه ويمن عليه بالشفاء القريب...

آآآآمين

أخوكم:rolleyes:


شكرا كتير وسلامك لرامي إن شاء الله يوصل

[محمد أحمد الفلو]

لوقيل لك انك تستطيع اعادة اكبر واغلى شي فقدته بحياتك ((حاليآ)) او من زمن قريب فماذا ستعيد ؟؟؟؟؟؟؟واتمنى الإجابه عليه


ولا تنسووون" الصراحه" مثل ماقلنا

جمعة رفقاتي المشرشرين بدول العالم

[فيصل]

صلو على النبي
ألله يشفيلك أبوكي يا أخت ناره ,أدعو من الله أن يرحم أبوك يا أعز أخ سوفتوير
أما أنا أدعو أن تنكشف حقيقت حقيقت حقيقت قصة البلمند الحقيقيه وليست المعروفه

[shanzimer6]

أما أنا أدعو أن تنكشف حقيقة حقيقة حقيقة قصة البلمند الحقيقيه وليست المعروفه
آمين يا رب العالمين وبيطلعو الأرايبين من الحبس

[الريس]

الله يرحم والدك يا اخي سوفتوار
الله يشفيلك الوالد يا ست نارا

يا ست شانزيمر 6 فيني اسألك سؤال؟ من هو الذي يكتب لك المواضيع التي تشاركين فيها؟
لأنو اكيد واحدة بتكتب مواضيع بالفصحة و بتعملنا قصص و بترتب مدري ايش ما ممكن تغلط بكلمة " الحقيقة"

بعدين ايا قصة البلمند؟ تبعت اسماعيل زيدان و رفقاتو؟
معك حق تسألي عن هل القصة محيرة كيف طلعو بهل السرعة من السجن؟؟
عارف ايا قصة بلمند بدك بس انا ما فيني شوف او اقرا واحد حابب يعملنا حالو شغلة انو بصير هدي لي بدك تعرفي بس كلشي صاير بي هل الدنية يا الله شو عندك هم اسلامي
الله يضى عليكن ما حدا يقعد يحكيلنا عن امور يمكن تذكرا هو فتح الموضوع و منو مفكر فيا بعمرو
الله يفك كل المحابيس المظلومين

[فيصل]

صلو على النبي
إنو معليش يا كبير ييييييااريس
إنتا رجعت قرأت ما كتبتو و فهمت شي
بس أنا حابب تقرأ ماكتبت بس بلا متشوف إسمك وقول لي شو فهمت
بعدين كل واحد حر يقول ما يتمنى
وإنتا كتوب يلي بخصك وتروك غيرك

[THE TERRORIST]

و الله السؤال أصعب من الجواب... بس أنا رح إحكي بصراحة...
أنا أسأل الله إنو ترجع القلمون خاصة و البلدان العربية عامّة إلى ما كانت عليه سابقاً ... إيام الشيخ رشيد رضا و أمثاله....
و أتمنّى إنو لو ما مات أبي:( (الله يرحمه)...
و أخيراً أدعو ا لله أن يكون هذا المنتدى البداية في تغيير الوضع الحالي المزري إلى الوضع المتطوّر ... و أن يحوّل من فيه من أعضاء يتكلّمون و يشاركون في المنتديات على النت إلى مشايخ و أهل دعوة بإذنه تعالى...و أن يكون البداية في هداية أهل القلمون ... لا بل إلى هداية البشريّة كلّها بإذنه تعالى....

[الريس]

يا معلم فيصل فيك تفهمي شحكيت هلأ
قلي ت شوف ما قلت شي مفيد بالمرة سمحلي قلك ياها

بعدين يا اسراء ما تتزاكي عدلتي المشاركة... قديمة
ليش بندحك دائمن ع حالنا و بنعمل حالنا انو عنا هموم و انو نحنا بدنا نعرف ليش صار هيكا و انو نحنا ازكيا عرفنا انو القصة فيا اشياء مخفية

يا ست اسراء لو قلتي انو الله يفك المحابيس ما كنت حكيت ولا كلمة ما كنت تدخلت بس انو شوفو يابا انا اديش عندي فكر اديش بهمني اعرف ملابسات الحادث ما بحب هل الحكي الواحد دائمن يحكي لي عم يفكر في ما يقعد يصتنع المشاعر و الكلمات

[الزاهر]

لا الحلو إنو الحمد لله......الموضوع حلو......بس سبحان الله.....في ناس بتعرف ما يختلج أنفس الغير!!!!
لوووووووووووووووول!!!!!!

[دوكر]

يا هلا بالشباب.......و الصبايا............

اول شغلة بدي ؤل للمعلم سفتوار....الله يرحم والدك...............
و كمان بنؤلك يا ست نارا الله يعافليك والدك.....................

انا مع الريس مية بالمية .............ليش هل التصنع بالمشاعر و بالحكي.........ما في داعي لو .........انو هلأ بدكن تأنعوني انو في حدا بالعالم بيتمنا انو بس يعرف شصار............
الله يطلعن بالسلامة...........
الله يرض عليكن ..........الواحد منا فايت و عم يحكي لي ع راس لسانو ف ليش ت يكون عم يتعامل مع عالم ما عم يعطو من ألبن......هلأ بدا تطلع الشانزيمر تردلي و تؤلي عم تهاجمنا ........انا عم احكي بشكل عام......................و بيرجع أطر الندى بيطلع و بجي مع ارايبتو ....ليش ؟؟؟لأنا ارايبتو بس ..........هدي ملاحظة انو دائمن جاية معن و لو كان لي عم يحكو غلط؟؟؟؟؟لكن عندك مشكلة بي حياتك....................

اس شكونا بدنا نؤل..................مشاي يعطيكن العافية...................

اخوكم دوكر المعوكر.................

[الزاهر]

يا دوكر......صرلي اشهر عم حارب ظاهرة بالمنتدى......ألا وهي قلب المواضيع لمشاكل شخصية......فيرضى عليك ربي......شيلنا من هالأصص!!!! (كمان يا ريس)

[دوكر]

يا هلا بأطر الندى تكرم عينك.............انا مح انزع الموضوع من شان شي ملو طعمة بالاخر هدا كل واحد هو و عألو ......ازا بحب يدحك ع حلو ...........
خلصة الؤصة عندي انا..........و بدكن ما تواخزونا .....م فيني شوف هيكا اشياء و اسكت...........

[lina k]

سلام,بالنسبة لي فلو قيل لي أنني أستطيع إسترجاع شيء ثمين فقدته,أقول"أميّ".ولو سألوني ألف مرّة نفس السؤال يبقى الجواب"أمي...أمي".فالأم أكبر وأغلى وأعزّ شيء على قلب الإنسان.
موضوع خياليّ ولكنه مميّز.
شكرا جزيلا لك...

[دوكر]

طيب .....من شان نرجع الموضوع لمحلو...........اول الشي بنؤل للكل ما يواخزونا .......

ح شارك..........بالموضوع.................

انا لو سألوني ...............كنت بؤلن ..........رجعوني ع الضيعة.........رجعوني ؤعد بالنبعة...................رجعوني................

[الزاهر]

يا دوكر.....انت ارجع عالنبعة.....وأنا بأكدلك رح اعملك زيارة بشي يوم على رومية!!!!
لووووووووووووووول!!!!

[أيمن غ القلموني]

جمعة رفقاتي المشرشرين بدول العالم


يسلم تمك يا حميطوني


إن شاء الله بس يمكن صعبة

[روعة]

لينا

جمعك الله بها في الجنة

آمين

[a7la 3amoura]

سلام,بالنسبة لي فلو قيل لي أنني أستطيع إسترجاع شيء ثمين فقدته,أقول"أميّ".ولو سألوني ألف مرّة نفس السؤال يبقى الجواب"أمي...أمي".فالأم أكبر وأغلى وأعزّ شيء على قلب الإنسان.
موضوع خياليّ ولكنه مميّز.
شكرا جزيلا لك...


أنا بقدر ظروفك يا أخت لينا يعني صعب كتير الواحد يفقد أمه لأنوا أغلى شي بحياته وانشاءالله بتجتمعوا مع بعض في جنان الخلد

[a7la 3amoura]

يا دوكر......صرلي اشهر عم حارب ظاهرة بالمنتدى......ألا وهي قلب المواضيع لمشاكل شخصية......فيرضى عليك ربي......شيلنا من هالأصص!!!! (كمان يا ريس)



طبعا أنا من مؤيدي الأخ زاهر يعني نحنا أخوة مع بعض في المنتدى و ما لازم نقلب كل موضوع الى مشاكل ومعاكسات شخصية

بتمنى محدا يفهم كلامي غلط

سلام الجميع