عاقبة التكبّر...!!!

[lina k]

السلام عليكم ورحمة الله وبركاته:

"التواضع"سمة ضرورية فهي أساس في شدّ الروابط بين المسلمين ونشوء المحبة والألفة فيما بينهم.أما "التكبّر" فهو المعنى المعاكس للتواضع.ووجوده في نفوس البعض يولّد أحاسيس الكره والنفور.لذلك فرض علينا ديننا الحنيف التحليّ بصفة التواضع وألاّ يتكبّر أحدنا على الآخر.وعند مسلم من حديث أبي هريرة رضي الله عنه,أنّ رسول الله صلى الله عليه وسلّم قال"ما تواضع أحدُ لله إلاّ رفعه الله".

صفات المتكبّر:

-فاقد التواضع إنما هو حجر على هيأة إنسان,عديم الإحساس,مستهزئ بالناس,وبكبره يرفع الخسيس ويرمي النفيس.

-فاقد التواضع هو مثال للجشع والطمع.وقاموسه مختصر على التكبّر فحسب ولا يحمل أيّة معاني إنسانية راقية.وكلّ ما يحبّه هو السيطرة وخضوع الناس له.قال رسول الله صلى الله عليه وسلم" من أحب أن يتمثل له الرجال قياما أذلاء بين يديه فليتبوأ مقعده من النار".رواه بخاري

-فاقد التواضع هو إنسان منبوذ,ولا يملك أية روابط وعلاقات إجتماعية.فكلّما رأى الناس ثوب تكبّره وإستعلائه,إنفضوا من حوله.

-فاقد التواضع يعتبر نفسه مميّزة ويرى لها الأفضلية على غيرها دائما.وينسى أنّ الله سبحانه وتعالى يميّز المتّقين ويعذّب المتكبرين.ففي حديث شريف"لا يدخل الجنة من كان في قلبه مثقال ذرّة من كبر"

-فاقد التواضع هو إنسان ينازع الله سبحانه وتعالى في صفاته.فالكبرياء والعظمة لله وحده.ويقول سبحانه وتعالى في حديث قدسيّ:{الكبرياء ردائي,والعظمة إزاري,من نازعني واحدا منهم عذّبته}.

-فاقد التواضع يظنّ نفسه دائما على صواب ولا يستمع لنصائح الآخرين.وقد قال تعالى{واذا قيل له اتق الله أخذته العزة بالإثم فحسبه جهنم ولبئس المهاد}.

نصيحة للتذكير:


يا أيها المتكبّر تذكّر جيّدا أنّ الله سبحانه وتعالى طرد إبليس من الجنة بسبب تكبّره حين رفض السجود لآدم عليه السلام.فما مصير تكبّرك أنت؟



وأخيرا,أطلب من كلّ متكبّر التنازل قليلا وقراءة ما كتبت.وبإذن الله يجد الدواء لذلك الداء....
أبعدنا الله وإياكم عنه.....

[مصطفى معتوق]

لطالما شبّهت المتكبر بالدخان يرفع نفسه الى الاعلى وهو مقيت الرائحة سيئ التأثير رخيص القيمة .

ولكن يا انسة لينا علينا التفريق بين التكبر الذي وصفت فأجدت وبين الكبرياء التي يجب ان يتمتع المرئ بحد ادنى منها كي يحافظ من خلالها على ثوابته , ولا يسحقه المتغطرسون .

او عندك رأي تاني ؟

[shanzimer6]

السلام عليكم ورحمة الله وبركاته:

"التواضع"سمة ضرورية فهي أساس في شدّ الروابط بين المسلمين ونشوء المحبة والألفة فيما بينهم.أما "التكبّر" فهو المعنى المعاكس للتواضع.ووجوده في نفوس البعض يولّد أحاسيس الكره والنفور.لذلك فرض علينا ديننا الحنيف التحليّ بصفة التواضع وألاّ يتكبّر أحدنا على الآخر.وعند مسلم من حديث أبي هريرة رضي الله عنه,أنّ رسول الله صلى الله عليه وسلّم قال"ما تواضع أحدُ لله إلاّ رفعه الله".
شو يا لينا....موضوع موفق...بس شو هالتناقض...يعني الواحد بيفوت ليقرا عن التكبر, فبيلاقي تعريف صغير عن التواضع بأول الموضوع,,أما كان من الأنسب اني تكتبي أول شي عن التكبر, وبعدين عن التواضع؟ أو يمكن بطبيعة الموضوع رح ينكتب عن التواضع( لأنو نقيض التكبر, ونحن نبحث دائماً عن النقيض :D ). بلا مؤاخذة!
صفات المتكبّر:

-فاقد التواضع إنما هو حجر على هيأة إنسان,عديم الإحساس,
برأيي, هوا منو عديم الاحساس, لأن ما حدا عديم الاحساس أو المشاعر, بس في تحجر قلوب ( وهذا المكان هوا يلي بترتطم أمواج المشاعر على شاطئه) أو تصخر مشاعر...
مستهزئ بالناس,وبكبره يرفع الخسيس ويرمي النفيس.

-فاقد التواضع هو مثال للجشع والطمع.وقاموسه مختصر على التكبّر فحسب ولا يحمل أيّة معاني إنسانية راقية.وكلّ ما يحبّه هو السيطرة وخضوع الناس له.قال رسول الله صلى الله عليه وسلم" من أحب أن يتمثل له الرجال قياما أذلاء بين يديه فليتبوأ مقعده من النار".رواه بخاري

-فاقد التواضع هو إنسان منبوذ,ولا يملك أية روابط وعلاقات إجتماعية.فكلّما رأى الناس ثوب تكبّره وإستعلائه,إنفضوا من حوله.
من وجهة نظرنا نحنا يلي قلبنا طيب, وبحكي عن حالي اني أرفض فكرة وجود متل هالشخص بحياتي, منو من باب الرفض القطعي, بس عأيش عم يتكبر؟ أو بأيش أحسن من باقي العالم ... أو الحديث معه, بس هوا موجود, وبيتلائم موضوعو مع يلي متلو, بتلاقين نازلين كبس تصديق بحكيو, والله أعلم, لمصالح شخصية وارتباطات خاصة, وتشابه المعاملات والتصرفات أو تناسبها مع بعضا البعض, فبيلاقي المتكبر متل أخو..ماشي معو بنفس التيار ( أكيد ما قصدي السياسي).

-فاقد التواضع يعتبر نفسه مميّزة ويرى لها الأفضلية على غيرها دائما.وينسى أنّ الله سبحانه وتعالى يميّز المتّقين ويعذّب المتكبرين.ففي حديث شريف"لا يدخل الجنة من كان في قلبه مثقال ذرّة من كبر"
هدا مندعيلو: الله يهديه...
-فاقد التواضع هو إنسان ينازع الله سبحانه وتعالى في صفاته.فالكبرياء والعظمة لله وحده.ويقول سبحانه وتعالى في حديث قدسيّ:{الكبرياء ردائي,والعظمة إزاري,من نازعني واحدا منهم عذّبته}.
الله أكبر.
-فاقد التواضع يظنّ نفسه دائما على صواب ولا يستمع لنصائح الآخرين.وقد قال تعالى{واذا قيل له اتق الله أخذته العزة بالإثم فحسبه جهنم وبئس المهاد}.
هدا اذا بعد النصيجة ما ردّ, فما في حل كمان الا انو ندعيلو, خاصة اذا بيعنينا أمرو.

نصيحة للتذكير:


يا أيها المتكبّر تذكّر جيّدا أنّ الله سبحانه وتعالى طرد إبليس من الجنة بسبب تكبّره حين رفض السجود لآدم عليه السلام.فما مصير تكبّرك أنت؟
صح ;)
والله يلي بيكون عيشة التواضع بيكون أهنىء انسان, وأرقى كلام كلامو, وأحسن شي أفعالو, واذا ما لقي بالدنيا, فنصيبو بالآخرة ان شاء الله, وهيك ربنا واعدنا, نحنا علينا نتحلى بهالصفة, ورح نلاقي الكل لايفين علينا, بيحبونا, بيحترمونا, بيقدرونا, وهدا أهم شي, ومن أساس العلاقات القوية بين البشر, التي تجعل من قاعدتها الأساسية: التواضع لله, الحب في الله, البغض والكره في الله,....




وأخيرا,أطلب من كلّ متكبّر التنازل قليلا وقراءة ما كتبت.وبإذن الله يجد الدواء لذلك الداء....
هدي ما عجبتني منك, ليش اذا بدنا نسمعلك بدا تواضع الشغلة :cool: , ولك انت بتموني, يعني قولي المرة الجاية "اذا بمون عليكن اقرولي" أحسن من" تواضعو"!!!
والحمد لله نحنا رح نلاقي دواءنا لما منتّبع القرآن والسنة وبس.
أما سمعتم كلام الله:" واخفض جناحك للمؤمنين"؟
عأيش التكبر؟ عايش على أرض الله, تتنفس من هواءه, عم تأكل من طعامه, وأشياء كتيرة:" وإن تعدوا نعمة الله لا تحصوها".
أبعدنا الله وإياكم عنه....
آمين.
:)

[الزاهر]

جينا بدنا نضيف ملاحظة.....لأينا الأرايبة سابئتنا......المهم......
التكبر......ما ضروري يكون واضح.......ما ضروري نأدر نحنا......نعرف إنو هاد انسان متكبر........حتى أن التكبر يصل (من خفيته) أحيانا إلى أن يخفى عن صاحبه......(كيف أصة الشرك......الشرك الخفي.....كمان التكبر عندو بعض من هالصعوبة باكتشافو........أكيد في حالات جد خاصة.......)........اللهم ان كنا عم نحكي عن انسان يوظف عقله......ويميز الصحيح من الغلط!!!!
التكبر فيه يكون تكبر عالبشر.........عالنعمة........عالنفس (وهادي بدي مجلد لإشرحها)......وحتى ممكن يصل إلى تكبر على الخالق.......بس ساعتها ما بيكون الإنسان سوي......!!!!!!

أما بالنسبة للتواضع..........فكما ذكرت الأرايبة.......اللي هو بيتواضع.......الله بيرفعو........وبدون ما يحس.......بيلائي اعز الناس (بمنظور العامة).........عم يجي لعندو يتذللو لحتى يخدمو خدمة........وما ضروري يطلب بشكل مباشر.......منشان "عزة نفسو" (كيلا نسميها تكبر).......ممكن يبعتلو رسول.........
واللي الله سبحانه وتعالى رفعو........مو متل اللي رفعو الرئيس.......أو الوزير.....أو الأمير.......لالالالالالا........اللي عم يرفعك هون........أمير الأمراء........وملك الملوك......سيد الخلق........يعز من يشاء........ويذل من يشاء..........بيده الأمر..........وهو على كل شيء قدير!!!!!

وما عندي تعليق بعد كلام العكيدة.......كفت ووفت ما شاء الله!!!
السلام عليكم!!!!

[دوكر]

يا هلا بالست لينا ......موضوع كتير مهم....يعطيكي العافية.......

و هلا يالشانزيمر سته......يعطيكي العافية ع لي ضفتاي..............

بس حبيت ؤل هل الشغلة....معي انو؟؟

طيب شكلن هوني ...........ههههههههههه....................

ربنا عز وجل قال بصورة الاعراف " سَأَصْرِفُ عَنْ ءَايَاتِيَ الَّذِينَ يَتَكَبَّرُونَ فِي الْأَرْضِ بِغَيْرِ الْحَقِّ "...................

و هدي الآية يا ريت بنحاول نفهما .....التكبر منو بس انو الواحد يمشي و يعنطز......و ارض اشتدي ما حدا ادي..................في انواع من التكبر كلنا بنواجها..........و من هل الانواع...........و هي انوا الواحد منا يشوف حالو ادام بءيت العالم انو هو احسن منون لأنو متعلم او لأنو متدين.....اه اه اه.......في كتير منا بشوفو بحالن و بيتكير ع رفءاتو ...انا دين اكتر منكن......يمكن ما بؤلا بس من تريءط تصرف بتنعرف................هدي مشكلة كبيرة.................
يعني الواحد ليش ت يتكبر .....خلينا نطع بحالنا....... و نطلع بواحد مشلول ........بأيش نحنا احسن منو ت نشوف حالنا علي؟.......شعاملين اكتر منو ت هو مشلول و نحنا مناح.......شوف الفقير .......ليش انا معي مصريات و هو ما معو؟؟؟
هدا كلو بفضل ربنا ....هو عطيني و هو فاي يوخدون مني.................فا ليش ت شوف بحالي علي؟
و لك حتى الواحد منا بتلاءي ازا انحكلى ادمو عن واحد ما بصلي ....ببلش يسب على......و لك بدل ما نشكر ربنا انو خلانا نصلي........و لك صلاتنا نعمة من ربنا ....هو عطينا هي وهو فاي يوخدا....................

هدي باختصار هي المقارنة بين النعمة لي ربنا ناعم علينا فيا و بننسى مين هو لي انعم و مين هو لي عطينا هل النعمة..........

اسا كمان عنا من الاسباب لي بتخلي الواحد منا يتكبر.......انو الواحد منا بفكر هل النعمة بدا تدلا معوت يموت......هههههههههه......منا عم نفكر انو بي ايا لحظة بتروح النعمة......و لك حتى لو وين ما خبيناها.......عينك ....لهي من النعم .....مفينا نؤل اهم النعم ...لأنو كل نعم ربنا مهمة....و ما فنا نعيش بلاهن................واحد يمرء جنبنك...و يكون معو فرد خرز.....طء طء طء......و ين صارت عينك؟؟؟؟ فا الواحد ما ينغر و يفكر انو هل النعمة بدا تدلا معوت يموت بي ايا لحظة بطير......

من شان ما ؤطلع عن الموضوع و صير بي موضوع شكر الله عزوجل ع انعامه..........بكتفي .......و بؤل.......نحنا لو كل واحد منا بيعرف أدر نفسو ما حدا منا بسترجي يتكبر..................

يعطيكن العافية .....
اخوكم دوكر المعوكر......

[الريس]

يسلم تمك يا ابو الشباب يا دوكر

بتعرف انك جبت صميم الموضوع ، ضربة بالصميم.

[أيمن غ القلموني]

يسلم تمك يا ابو الشباب يا دوكر

بتعرف انك جبت صميم الموضوع ، ضربة بالصميم.




شو هالحبّ في الله



الله يخليكون لبعض

[روعة]

بارك الله بك عزيزتي لينا على موضوعك القيم

وقد قال تعالى{واذا قيل له اتق الله أخذته العزة بالإثم فحسبه جهنم ولبئس المهاد}.

هذه الآية فيها "لام" قبل "بئس"