صورة ... وقضية!!!

[kata2eb]

فكرة رائعة يا أخ زاهر والله يبارك فيك

بس إذا فيك تتطرأ إلى صور المناطق القديمة في القلمون والحديث عن تاريخها فذاك أفضل من الصور المدمية للقلوب التي نراها كل يوم أمامنا

[Nader 3:16]

للأسف ما ظهروا الصور عندي....

بس شو رأيك يا زاهر تنوّع بالصور انو مرة صورة حلوة ومرة صورة بشعة ما ضروري تبرز للشعب كل ويلات القلمون....

يا الله مبارح على فكرة طلعت لعندك بدي اعطيك كم صورة بس ما لقيتك بالبيت...

يا الله انتبه عدرسك;)

[الزاهر]

لو بتصلوا في يا حارة العين ... كنا سكتنا ... بس الجماعة مستلمتوا ... ومالو دور


يا محمد الجماعة محتلينو......انتبه عكلامك من هلأ وبالرايح....الله يرضى عليك يعني!!!!

[أبو رياض القلموني]

بس صور الألمون , ولا حيالله صورة وقضية...




http://www.mediafire.com/imgbnc.php/296b3845d8e67dc57447d61618cb3fac2g.jpg\


هذه صورة من احد شوارع دمشق حيث تظهر فيها فتاة في السابعة من عمرها تجلس أمام / بسطة / تبيع عليها بعض الحلويات والبسكويت وتحمل في الوقت نفسه دفترها وكتابها وتحاول تحصيل واجباتها المدرسية وكأنها تقول ولكن بلغة مختلفة : " رغم صعوبة الحياة مازال اليراع يخط دربه نحو مستقبل مشرق "


قال المصور أنه كافح لتصوير الصغيرة لأنها ترفض ذلك وتغطي وجهها بيديها الصغيرتين ,


ما أضطره للابتعاد عنها مسافة 30 متر والتقاط الصورة على حين غفلة منها .






حبيت حط هالصورة بس تيشوفو العالم اديش نحنا عايشين بنعمة , ولم إهلنا كانو يجيبولنا اللؤمة عتمنا ويتعبو علينا تيدرسونا وإحنا بنلبط وما بنأدر النعمة , وإذا واحد تعب شوية بالجامعة ببلش نأ وما بيعيد يخلص , ولك نخرتولنا عضم راسنا إنتو وعم تحكو عن أرف الجامعات , ..كل ما واحد ألن جامعة بيصيرو بيبكو..ولك شوفو كيف هالبنت عم تدرس ..ولك ..حاجة ما بئا بدي إحكي..




وإذا كانت النفوس كباراً *** تعبت في مرادها الأجسام







أخوكم



العم أبو رياض القلموني

[الزاهر]

هلأ صرلك 40 دقيقة.....ومن ارفاق لسرفرات.....لبالأخير ما تزبط معك يا معلم!!!!
معتر ......معتر........أوووووووووووف على المواقع المعفنة!!!!

طيب........هو الأفضل......"الأفضل".....تكون القضية قلمونية!!!!!

سلام........وشكرا عالمشاركة

[الزاهر]

أحي......هادي صورة ابو رياض:

http://www1.mediafire.com/imgbnc.php/257a896d652ec783319db765b9d6c2216g.jpg

[أبو رياض القلموني]

مع مين عم يحكي هادا !!!:1 (74):
شكلك فايء مروبص ..كم مرة آيلك ما تنام بعد العصر !!!

[shanzimer6]

سلامات يا أرايبة....
لنكفي حديثنا شوفي بناية الشقرا كيف صارت ما شاء الله!!!!
مؤ بتبين المينا أبداً ... :1 (43):

[دوكر]

يا هلا بالست شانزيمر سته.....
يعطيكي العفية.......صور حلوة......
بس..........ههههههه......صورلنا شي غير البنايات.......صورلنا ازا في تغيرات بألب الضيعة........شي شجرة أصوا ......شي حيط هدو....شي كرم سيجو........شي صورة للنبعة.......شي عن الكروم او البحر ........
يعطيكن العافية.......
اخوكم دوكر المعوكر......

[shanzimer6]

السلام عليكم:
إن شاء الله.... بس يخلصوا الامتحانات... :1 (80):

[دوكر]

يا هلا بالست شانزيمر سته...
موفءين...الله ينجح الشباب و الصبايا المسلمين...
يعطيكن العافية...
اخوكم دوكر المعوكر...

[shanzimer6]

سلامات.....
من منا لم يذهب إلى " يحشوش" ما شاء الله .. من أجمل المناطق اللبنانية....

[shanzimer6]

صورة 2 لمنظر من " يحشوش"
سبحان الله ! :1 (86):

[دوكر]

يا هلا بالست شانزيمر سته........
واوووووو .....ما شاء الله صور حلوة.........اه ايام.......حلوة يحشوش......

يعطيكي العافية.......و بإنتظار صور حلوة من الالمون.....
اخوكم دوكر المعوكر.........

[shanzimer6]

سلامات...
هادي ان شاء الله آخر صورة من برات الألمون...
بس هالمرة رح اختمن بصورة من " مسبح المنية"... وراه في جبل تربل....
ما شاء الله مرتب وبيجنن... وفي قاعة للمناسبات وووو....

[الزاهر]

ههههههههه.......يحشوش......آل يحشوش آل.......طلعي شوفي كيف صارت!!!!

[Nader 3:16]

السلام عليكم....

آخر مرة طلعنا فيها عيحشوش كانت ابل رمضان بشوية!!!! يعني اعتبروها سيران رمضان و الصور عندي بالبيت .....اذا بدك يا زاهر تحطّهم....

[fadi]

نحنا طلعنا يوم السيران ع يحشوش و هادي هية الصور من فوق

http://www.eyelash.ps/upload/uploads/63bebfa023.jpg

http://www.eyelash.ps/upload/uploads/e62f265b32.jpg

http://www.eyelash.ps/upload/uploads/b54df546a7.jpg

و هل الصورة من البوسطة هيا و ماشية عالطريق

http://www.eyelash.ps/upload/uploads/bf41692e8e.jpg
و اخيراً شبها يحشوش يا زاهر
تصوير : فادي البيضا

[fadi]

صورت هذه الصور في 12-9-2007

يعني بتلاقي نتفة جيه بيحشوش بس منّا متل القلمون

[دوكر]

يا هلا بالمعلم فادي......
و ما شاء الله .....عنجد انك معلم بالتصوير......كتير حلوين....
يعطيك العافية......
و بدنا منك صور حلوة للألمون متل هادي .....
اخوكم دوكر المعوكر......

[Nadine]

شو يا ارايبة وين رحتي؟ للحقيقة مناظر كتير حلوة, بانتظار الصور اللي طلبتن منك.

مشكورة سلفا.

[الزاهر]

عندها امتحان......وين بدها تروح؟؟؟

[أبو رياض القلموني]

الله يوفأ الجميع ... شو إنتا خلصت ؟
كيف عامل ؟

[Nadine]

عندها امتحان......وين بدها تروح؟؟؟

انا قصدي عم تصور من برات القلمون.

على كلن الله يوفأ الجميع

[مصطفى معتوق]

الله يرحم ايام يحشوش

والشك بيحشوش

والسباحة

بس ليش منكن مصورين البحيرة الكبيرة يلي على السد فوق ؟؟

يعطيكن العافية

[shanzimer6]

salam 3alaykom
ma t2e5zini ya 2roybeh
ken lezem 7ot souwar mitl ma 2oltili bass ken fi zourouf ma 5alitni dal 3a tawasel ma3ek
inchallah bass yimchi el 7al bsawerlek w 3a rosi walla
salam
:1 (4):

[Nadine]

بارك الله فيكي يا ارايبة , الصور كانو كتير حلوين , وانا بعدني بانتظار الصور اللي طلبتن منك , ومشكورة.

[shanzimer6]

السلام عليكم:
ان شاء الله بالقريب العاجل رح صور كما طلبتي.... وان شاء الله ما رح طول عليكي....
الله يحفظك ويعطيكي 1000 عافية عالمجهود يلي عم تعمليي عالصفحة....
والله يجعلن في ميزان حسناتك...
سلامات :1 (75):

[fadi]

هادي الصورة جنب السلطان يعني ع مدخل حارة عين الجامع

http://www.mediafire.com/imgbnc.php/609e3ca72c49386b76f046a10219deeb6g.jpg

[fadi]

و هل الصورة ل يلّي مشتاق لزهر القلمون
http://www.mediafire.com/imgbnc.php/b286a4a2f39aa8913bb8fb382d112f7f6g.jpg

[fadi]

م حدى يسئلني ايشودا
http://www.mediafire.com/imgbnc.php/924d03a76e22041768b6cf8164cf3a556g.jpg

[fadi]

شوفو الرقي بالقلمون من قبل بعض الدخلاء على ضيعتنا و من سكان ضيعتنا و البلدية بتعرف مين و كمان ناطرة لتتصلح منّا لحالا
http://www.mediafire.com/imgbnc.php/f9533b8bc776fc6c86ec03cfb30933196g.jpg

[fadi]

هل الزهرة عنّا بالحقلة
http://www.mediafire.com/imgbnc.php/f5c5faffe6933b79d7da5a54f67457386g.jpg

[fadi]

و هنا نرى بدء تزهير الزعرور و اكيد من حقلتنا
http://www.mediafire.com/imgbnc.php/cd08e550b45d524531406fbefaf6412d6g.jpg

http://www.mediafire.com/imgbnc.php/8b4c260f85ccecb669d1aee18b91b6056g.jpg

http://www.mediafire.com/imgbnc.php/5efd9f7c2c7e90093274af2a26fb4e886g.jpg

وينك يا بو صطيف ل تؤولنا اديش بتحب الزعرور اللي اول منّو طالع يعني يكون اخضر صغير

[fadi]

و منبقا بالحقلة عنّا بس هل المرة شجرة الأفودكا اللي م بتطلع شي

http://www.mediafire.com/imgbnc.php/0533ec6a0d964620177fbdff318864ae6g.jpg

[الزاهر]

يا هلا بالفادي!!!

[Nader 3:16]

الله يعطيك العافية يا فادي ....

و يا اهلين!!!!!

[fadi]

دخيلكن حدى يساعدنا من هل التنين
وينيه البلديه يا وسيم شو ناطره اساته تحبسن و تريحنا منن

http://www.eyelash.ps/upload/uploads/53bf2f9177.jpg

شوفو همّة الشباب بالدرس و الله هادي اكبر قضيه كانو عم يفكرو و كل واحد عم يفكر بشغله و اساتني ذاكر انو وسيم كان كتير كتير كتير كتير مبسوط فسئلتو شباك ئلي انو رجع فتح موضوع ل نعنوع و كمان قا انو عم يراقب الأعضاء بالمنتدى شو عم يعملو و قلي انا شو كنت عم اعمل يعني لو قال لمصطفى مكان احسن . في واحد بالمنتدى او برات المنتدة مبيعرف حالو شو عم يعمل
الله يعيننا على عقولن

[Nader 3:16]

هههههههههههههههههه يأطع خملك يا فادي....
بس لا تنسى انو ابو صطيف منا و فينا و منفذ عمليات ضد الادارة الفاقدة للشرعية......
بس انتبه من وسيم مبارح شفت معو كم صورة لاك يمكن يعرضها...
دووووووووووووووووووووووووووووووع

[fadi]

آه كان مبارج معو كميره و شفتو هو وبدو يصورني و قلتلو آه صور بس قلي منشان اطلع بالكاميره بس مرد عليي و مصورني مظبوط و انا ناطرو ليحطن

[ساميا]

السلام عليكم ورحمة الله وبركاته

مشكور أخ فادي على المشاركة، لكن لعلك لاحظت أن الموضوع مدرج في ساحة تسمى "عين على البلدة"، وما يطرح فيها قضايا عامة تهم ّ البلدة ككل ولا مكان للقضايا الخاصة والشخصية...
في السابق فتحت موضوعاً خاصاً بأخبار فادي اليومية، واليوم هل تريد أن تفرد موضوعاً آخر يختص بقضاياه الشخصية؟!!...
على فكرة أنا لا أقول أنه ممنوع عليك أن تشارك بأي فكرة تريد لكن أرجو أن تضعها في مكانها الصحيح...
جزاك الله خيراً

[fadi]

مشكورة يا أخت ساميا
بس انا شفت انو من هل الصورة فينا نعمل قضية و حطيطا تحت موضوع صورة و قضية
و مشكورة مره تانيه

[أيمن غ القلموني]

بدك تعرف القضية إللي بد يعملا فادي .

سهلة بد يخربط الموضوع بتعليقات سخيفة هو وكم واحد من فرقة المِظَليين القلمونية .


يا شباب الهضامة لها موضوع ؛ إذا زدتوا بتصور سآلة.

[محمد الكوسا]

السلام عليكم
اليوم اريد ان اصطحبكم إلى خارج القلمون..
واخرج عن الموضوع قليلا بعد اذن صاحبه و اصطحبكم إلى ارض الكنانة...مصر!!
نصاحب الشيخ مشاري العفاسي...

نزل في فندق خمس نجوم ليجلس على الأرض؟؟؟؟
استحى المقرئ النعينع من استعمال الكرسي!!!!

http://www.alafasy.com/newsite/admin/album/2-5-271.jpg


فعلا
العرب يبقون عرب!!!!

[محمد أحمد الفلو]

http://www3.mediafire.com/imgbnc.php/aed4d6b17225fb60fb1bfa3785ed7bf76g.jpg

م


شعاد صار بهالوزه يا شباب .. ما حدا طل عليا ؟؟

[الزاهر]

شعاد صار بهالوزه يا شباب .. ما حدا طل عليا ؟؟


أف............كيف لكن يا ابن الخالة...........معظم الشباب صارو بيعرفوها!!!!

[Nader 3:16]

مرسي عالصورة يا كوسا بالفعل في ناس...ما بيلبءلهم...
بس اكيد بكون النعينع و العفاسي قاعدين عالاعدة منشان يرندحوا شي شوية...

يا حميطون اللوزة خشبت عالاخر و صرلها فترة و ما حدا نءاها..

[kata2eb]

<a href="http://www.mediafire.com/imageview.php?quickkey=czntyg9rmbe&thumb=4" target="_blank"><img src="http://www.mediafire.com/imgbnc.php/b8b282a9d67039f1d94329c885d8ca9e4g.jpg" border="0" alt="Unlimited Free Image and File Hosting at MediaFire"></a>

[za3a]

dammmmmmmmmretni tedmir chamel souret ldeli 3al7askeh

[Nader 3:16]

طول بالك يا ZA3a و رح نسلملك عالدالي ولا يهمك!!....:)

[الزاهر]

مشاركة من قبل الأخت روعة الفلو عبري





رصاصة قنص إخترقت زجاج غرفة الأشعة في المستشفى الحكومي في القبة

http://zaher.qalamoun.com/rawa/Bullet.jpg

[Nader 3:16]

و هل ستتكرر المأساة؟؟؟؟؟؟

انظر الى الصورة بالمرفقات.

[الزاهر]

نعم ستتكرر


ما دامت الأخوات محرومات من مكان يتسع لهن فستتكرر المأساة!!!

مشكلة أخرى في المسجد البحري بأن له مدخلا رئيسيا واحدا فقط ... فترى المصلين يتدافعون للخروج من المسجد وأحيانا تكون مضظرا للإنتظار ربع ساعة لتستطيع الخروج ... ويكثر الكلام عندها!!!

ويمكن بكل بساطة استحداث مدخل آخر للمسجد من الجهة الغربية منه (مثلا) .... فتنحل المشكلة النذكورة.

أما مشكلة الأخوات ... والخشبات ... فما رأيكم بأن نطرح فكرة أن يتكفل عدد من الإخوة (وأنا أتطوع لذلك إن شاء الله) بإزالة الألواح قبل صلاة الجمعة وإعادتها بعدها؟؟؟ .... لأن السدة ما بتساع ولا رح تصير بتساع بالقريب ورح يحطو الألواح من جديد ورح ترجع تتكرر المشاكل من جديد يوم الجمعة!!!



فشو رأيكم؟؟

[Nader 3:16]

اخ زاهر يا ريت من البقية التفاعل مع الموضوع يعني انا حطيت المشاركة قبل رمضان مو للتسلية و ارجع افتح مشكلة قديمة و انما لأجل تدارك هذه المشكلة قبل رمضان ...فنرجو من الاخوات الحريصات على صلاة التراويح و الجمعة في رمضان داخل المسجد التواصل مع الجهات المختصة ليكلا تتكرر المأساة التي هي بالفعل مأساة و موضوع (ازالة الالواح الخشبية) و ما حصل فيه من مشاكل هو خير دليل على ما اقول.
و رمضان كرييييييييييييييييييييم.:)

[Nader 3:16]

شوفوا هالصورة للقلمون اديش حلوة؟؟؟؟
فهل ستظل هكذا؟؟؟؟؟ ام ان البناء سيقضي على كل خضار فيها؟؟؟؟
http://www.4shared.com/file/58475621/752682e4/100_2191.html (http://www.4shared.com/file/58475621/752682e4/100_2191.html)

[Arsenic]

والله يانادر هالصورة بتجنن عنجد رهيبة ....
والله ديش لي بالالمون مني شايف هيك جمال...

[kata2eb]

**** قطار الذكر ....

سلام الله عليكم

في كل شهر خير

يبدع شباب حارتنا (حارة المسجد الغربي )

بطرق متطورة لإستغلال الوقت في شهر الغفران

وهذا ما قاموا به هذا العام

http://www4.mediafire.com/imgbnc.php/db7ca7af83df7d2169abedc010c274f45g.jpg (http://www.mediafire.com/imageview.php?quickkey=hg3xfxm1xn1&thumb=4)



هو قطار أنشأوه لقراءة القرآن الكريم

ضم 9 من شبابنا

جلسوا بعد صلاة الظهر على هذا النحو

فأعجبتني الفكرة

فأخبرتهم بأني سوف أصورهم

وكذاك فعلت

فما رأيكم

إنضموا إلى هذا القطار
قطار الخير
الموصل
لجنة الفردوس

[أبو عبد العزيز]

عبد الرحمن البيضا

شاب عزيز افتقدناه منذ مده في مساجدنا وحاراتنا ... لا تغادر البسمة محياه ..غاب عنا خلف القضبان..أذكركم به بصورة التقطت له أثناء مرور مسيرة التكبير أمامه.... لا تنسوه وإخوانه من الدعاء


http://images.imagup.com/06/1223566849_1223549397_100_1273.jpg

[محمد أحمد الفلو]

http://photos-836.ll.facebook.com/photos-ll-sf2p/v361/46/104/557331836/n557331836_1374291_9491.jpg

[مصطفى معتوق]

رجعت ايام التدبيس ؟؟!!!

[Nader 3:16]

الله يرجعك الى اهلك يا عبود انتا و بقية الشباب ....
و الله اشتءنالك بالحارة...

و تحية الى عمال التدبيس بقيادة المعلم فرحان.

[سارية الجبل]

بسم الله والحمدلله والله أكبر ::::::::::: سبحانه ما كان اسمه على عسر إلا تيسر ولا شيب لقلب كدر إلا تطهر ولا رمي به عدو إلا تكسر ::::::::::: وصلى الله وسلم على المجاهد الأشجع الأبر الأطهر ذي الجبين الأغر والوجه الأزهر والآل والصحب والتابعين :::::::::::إخوتي في الإسلام :::::: سلام الله عليكم ورحمته وبركاته :::::::::::::::::::::::::: أحبابنا أزف الرحيل:: فزودونا بالدعا ـــ هل بعد ذا من يومنا:: يوما جديدا للقا ::::::::::إني لأعلم منكم :: يا إخوتي حسن الوفا :::::::: فعليكم أبدا سلامي:: في الصباح وفي المسا ::::::::تلك كلمات نرسلها على رياح الحب إلى أخواننا الأسرى علها تكون نصيرا لهم في كربهم :::::: اللهم فرج عنهم وأضيء سجنهم ونور عيون أمهاتهم بلقائهم :::::: وآخر دعوانا أن الحمدلله رب العالمين :::::::::::::::::::

[яiиda]

اللهم آمين ......
سلام :)

[AbouRajaa]

كان بدا شي صورة للعلوم هيي و عم تغرق آخر شتوة !

[Nader 3:16]

مع مرور الزمن . هل ستبقى هذه الأماكن تقليداً للقلمون. ام انها ستختفي وتبقى محفورة في الذاكرة؟


http://www.4shared.com/file/75550008/9ff1323a/100_4864.html?dirPwdVerified=faa4fdc7

[Rami Kozayha]

الاوتستراد, بين الخطين وعند مفرق بيتنا ويلي صار اسمو: مفرق الفيصل.
اذا بـ اليل عم نقطع الطريق و ماشفت تحتك وانت راجع عالبيت! بتموت او بتتكسر

[الزاهر]

عدنا :p
وإن شاء الله هالمرة منرجع عن عطول :)

ومع أولى المشاركات في الجزء الثاني من المسلسل :

فن النحت التشكيلي ...
http://www2.mediafire.com/imgbnc.php/5e9d11f03074d57292a64fa6fddef28beb0ad169346fdb9cce 3a7d2ecbc2482b6g.jpg (http://www.mediafire.com/imageview.php?quickkey=pnru0hd8e9aecro&thumb=4)

الصورة برسم الأخ وجدي طوط لعرض الأمر في المجلس البلدي على امل السعي بحل هذه المشكلة عند الجهات المختصة سواء شركة الكهرباء او من عنده مسؤولية هكذا امر

العامود يشكل خطر على جواره والمارة

الموقع: اقصى الحارة الغربية - قرب فيلا القاضي الطبشة
تاريخ الصورة: 26-05-2011





(http://www.mediafire.com/imageview.php?quickkey=pnru0hd8e9aecro&thumb=4)

[الشامي]

لازم يجيبوا عليه السياح هالعامود ، اكيد ما في منو غير بضيعتنا :)

الله يقويكم ...

[راشد]

يا حرام ع وجدي..شو بدو يعمل ت يعمل..كأنّو مافي غيرو بالبلدية..
الله يبارك فيك خيي زاهر..وفعلا بتمنى تكون رجعتك دائمة..

[محمد]

أول شغلة بس إقرأ بالمنتدى " الإنتقال للوضع المتطور" بحس إني بأبطال الديجيتال (نادر يمكن بيعرف أفلام كرتون تاني)

بعتقد ما تعرف بهالعامود الجامعات برّا بيصيرو يبعتو بعثات يعملو بحوث وستاجات عنا

عطول بيسألونا العالم يلي برا عندكن كذا بلبنان ...
اليوم دوريتنا... هو برج بيزا أحسن صرلو 700 سنة عم يِلْوِء ... يمكن البلدية تترك هالعامود 700 سنة كمان...

[hadid]

بالنسبة للفن التشكيلي .. هيدي اسمها de constructive architecture لو تنعمل دراسة صغيرة لمعرفة قدرة العامود على البقاء هكذا ..وايضا بالنسبة للكهرباء .. فيمكن ابقاء هذه التحفة الفنية مع ان اغلبية المعماريين لا يعتبروها كذلك ..

[وجدي عصام طوط]

تحية طيبة ، وبعد
يقع هذا العامود في منتصف الطريق المؤدية من مفرق أرض الأوقاف الإسلامية " نزلة أبو رياض قزيحة " إلى منطقة النورث ، وتحديداً مقابل مدخل بناء السادة آل زيدان في منتصف الطريق .


اصطدمت – على مايبدو – ناقلة كبيرة ( شاحنة – بيك آب - ..... ) بهذا العامود ليلاً ولم تتبلغ البلدية من الأهالي خبراً عن الموضوع في حين أننا شاهدنا ماحدث في صبيحة اليوم التالي مباشرة خلال الجولات التي نقوم بها في البلدة ، ومباشرة قام رئيس البلدية بالاتصال بشركة الكهرباء وأبلغهم بالأمر طالباً على وجه السرعة أن يتم معالجته وتغيير العامود بشكل فوري نظراً لإمكانية سقوطه ، وعلى الفور تم تقديم طلب رسمي للشركة بهذا الخصوص .


وعلى الفور كذلك تم الاتصال بأحد المتعهدين الذين تقوم الشركة بتلزيمهم هذه الأعمال واستدعائه وتم إطلاعه على المكان ومعاينته بحيث يمكنه التنفيذ مباشرة فور صدور الأمر من الشركة ، ولكن هذا الأمر لم يتم حتى الآن رغم متابعته بشكل دوري ومستمر من قبل البلدية .


لايحق للبلدية أن تقوم بتغيير العامود مباشرة دون الرجوع للشركة حين تأخرها أو تقاعسها ، بل إن الأمر محصور بالشركة التي يحق لها وحدها القيام بهذا العمل في حين يقتصر عمل البلدية على متابعة الأمر مع الشركة وتحمل كلفته المادية وتأمين الوسائل اللوجستية المطلوبة لتسهيل التنفيذ على الوجه المطلوب.


لمزيد من العلم والمعرفة :


فإن بلدية القلمون قد تقدمت و ضمن جملة من المشاريع بطلب لتنظيم الأعمدة على هذا الطريق وذلك بوضعها على خط واحد بخلاف الوضع القائم حالياً ، حتى يتسنى للبلدية تنظيم هذا الطريق الرابط بين القلمون والنورث وذلك بتنفيذ الأرصفة على جانبي الطريق مع مراعات الزراعة بداخلها ، فضلاً عن الإنارة ، وبما يؤمن الدخول إلى العقارات الواقعة على طرفي الطريق بالشكل المناسب ، وقد سلمت شركة الكهرباء البلدية منذ أيام قليلة نسخة عن الدراسة التي تم إعدادها لهذا المشروع للاطلاع عليها .


علماً أن تكلفة الدراسة وجميع الأعمال يتم دفعها من قبل البلدية .


لكن البلدية قد تتأخر قليلاً في التنفيذ وذلك لأننا نرغب أن يكون العمل متكاملاً وليس على الطريقة المعهودة في بلدنا في مختلف المشاريع التي تنفذ من قبل الدولة وذلك لأن هذا الطريق المشار إليه هو من ضمن المشاريع الملحوظة في الموافقات التي حصلت عليها البلدية للتزفيت من وزارة الأشغال وينتظر توقيع وزير أصيل عليه ، لذا فإننا نرغب أن يتم العمل على المشروع بكامله جملة واحدة .


في نهاية المطاف قد تقدم البلدية على تنفيذ المشروع بكامله ، وهذا الأمر متوقف على المعطيات المتوافرة التي تحكم جزءاً أساسياً منه.

[Nader 3:16]

أول شغلة بس إقرأ بالمنتدى " الإنتقال للوضع المتطور" بحس إني بأبطال الديجيتال (نادر يمكن بيعرف أفلام كرتون تاني)

بعتقد ما تعرف بهالعامود الجامعات برّا بيصيرو يبعتو بعثات يعملو بحوث وستاجات عنا

عطول بيسألونا العالم يلي برا عندكن كذا بلبنان ...
اليوم دوريتنا... هو برج بيزا أحسن صرلو 700 سنة عم يِلْوِء ... يمكن البلدية تترك هالعامود 700 سنة كمان...


الانتقال الى الوضع المتطور
سحابة الكلمات الدلالية

(أبطال الديجيتال او بوكيمون)

مشاركتك حلوة متلك يا غبيش!

بس كمانا ما عرفنا مين هالشبين الحلوين بالصورة؟؟؟؟؟؟؟؟؟

اخ وجدي ما تعيط (حاسس حالي عم اؤرا بكتاب مدنيات وءت اريت مشاركتك)...

واهلاً و سهلاً عودة الزاهر القلموني الى ربوع المنتدى الذي احتضنه لسنوات لما ما كان عندو فسقبوك! لكن يا ضيعانك

[محمد]

مشاركتك حلوة متلك يا غبيش!

هذا الحكي يا نادر تركو لغيرك ... :) ... أهلين بالأخ نادر

بس كمانا ما عرفنا مين هالشبين الحلوين بالصورة؟؟؟؟؟؟؟؟؟

هو زاهر رفقاتو الصبيان بيضيعو كتير يعني ...

اخ وجدي ما تعيط (حاسس حالي عم اؤرا بكتاب مدنيات وءت اريت مشاركتك)...

الله يرحم وجدي ايام زمان ... كل ما راح شب يا أخ نادر عم نفزع عحالنا ... وع المصير يلي ناطرنا ...

واهلاً و سهلاً عودة الزاهر القلموني الى ربوع المنتدى الذي احتضنه لسنوات لما ما كان عندو فسقبوك! لكن يا ضيعانك

يا ضيعان الفيسبوك بزاهر؟؟ أو زاهر بالفيسبوك؟؟
أنا بقول يا ضيعان كتير شباب بالفيسبوك وبغيرو... (مانو إعتراض عالفايسبوك، اعتراض عوضع كتير شباب ضايع وهو يعلم طريق الخير)

[الزاهر]

بس كمانا ما عرفنا مين هالشبين الحلوين بالصورة؟؟؟؟؟؟؟؟؟

هو زاهر رفقاتو الصبيان بيضيعو كتير يعني ...




هههههههههههههههههههه .... هادي تعليمة :p ... والبنات ؟ :o

كنت عم فكر احذفلكن مشاركتكن شنها برات الموضوع بس النا سماح خوش اول رجعتي :)