اسآل مجرب ...

[Ouss]

في كتير موائف بتمرء مع الواحد بيحتار شبدو يعمل , وفي كتير قرارات صعبة لازم ياخدا الواحد بهالدنية ,كتير مهم إنو الواحد يسأل اللي مرأو بهالتجربة تحتى يعرف حالو شلازم يعمل ويتمكن من اختيار القرار اللي بحسو مناسب ....
خصوصي إنو الواحد لا بد إنو يمر بشي مرحلة فيا قرار حاسم متل: اللي بدو يفوت عالجامعة , اللي بدو يشتغل , اللي بدو يتزوج ..
حبيت إطرح هالموضوع بالمنتدى لأنو متل ماني شايف إنو في كتير آراء حلوة , وعالم بتفهم ممكن نستفيد من آرائها وخبرتها بالحياة ...
والحلو أكتر إنو أعضاء المنتدى كل واحد عايش ببلد ...

إذا بتحب إنو أشخاص معينة تجاوب عأسئلتك , اذكرن خلال الرسالة أو وديلن رسالة خاصة ...

[Ouss]

الموضوع:

أنا عندي كتير أسئلة , ميشان هيك رح أنا بلش..
أنا حالياً صرلي شي سنة و 3 شهور عم أشتغل بالسعودية, الحمد لله شغلي بمكتب وعايش مرتاح , ما حدى بيحكي معي عالدوام , أحيان بجي الساعة عشرة (بس أكيد عندي شغل لازم إعملو)وعالغدا بروح وبرجع وأتل بدي , معي كتير رفآ من لبنان وعايشين مبسوطين , خميس وجمعة عنا عطلة , متسجلين بنادي رياضة وعنا ملعب غول للشركة و....ما لي مروة إحكي كل شي..
حابب إني أعمل شي جديد بحياتي , اعمل شي ماستر أنا وعم إشتغل , أو ممكن إني غير الشركة وشوف شغل ببلد تاني أو بنفس البلد خصوصي إنو عم تجي عروضة أحسن...
في كتير إحتمالات براسي , منا :
-هل بيأدم أوس طلب هجرة عكندا ؟!!(أكيد ما رح عيش هونيكا ,بعد ما شفت كيف عايشين,ممكن كم سنة بس ميشان الجنسية) , في كتير من شركتنا إخدو الجنسية ..
-هل بينتإل أوس عشركة جديدة بالإمارات أو بقطر؟!!..أكيد بعرض أحسن ..
-هل بيكمل أوس علمو هوا وعم يشتغل؟!!..PMP, MBA ..في شغلات بدا ستة اشهر , وشغلات بدا سنتين...
-هل بيتزوج أوس وبياعد بيندفس بالسعودية؟!! ..أكيد ماني ناوي عيش كل حياتي بالسعودية ...كم سنة وبنرجع انشالله...
-هل بيجدبا أوس وبيرجع بيشتغل بلبنان؟!!...

مين بتحب يجاوبك عالموضوع: الأخ الشامي , الأخ نزيه خداج , العم جابر..وكل الأعضاء
مين ما بتحب يجاوبك عالموضوع: وسيم فلو , عمار فلو

[الشامي]

السلام عليكم :)... كيفكم يا جماعة ...

موضوع مميز ... ان شاء الله رح جاوبك في وقت لاحق ... بس بدك أجوبة عن كل الأسئلة ;) ؟؟!!

أخوكم:rolleyes:

[Ouss]

مشكور أخي الشامي ..
أكيد منك مجبور تجاوب عكل الأسئلة(بس إذا ما جاوبت علين كلن ما بتاخد عشرين) ...مني عامل مسابقة :)
بس أنا كنت حابب إسمع رأيك بموضوع كندا , و الإمارات بما إنو عندك خبرة وعشت هونيك ..

ومنكم نستفيد

[محمد أحمد الفلو]

مين ما بتحب يجاوبك عالموضوع: وسيم فلو , عمار فلو


:mad:
أكيد مودك تسمع رأين لأن بدن يقولولك روح كمل علمك ... إزا هيك , كان لازم تزيد إسمي كمان :D ...
بس بعتقد وسيم بيقلك رجاع عسنة 3 وعمبل الكترونيك لأن إختصاصك سخيف

بس أنا بقول ... أيبل عشغل بلبنان ولما تلقي شغل رجاع
وإزا بدك تسافر ع كندا تعا عفرنسا .. عميل ماستر .. ومن هون الهجره ع كندا ولا أسهل

[Ouss]

يا الله عهالنسوة ..:eek:
كيف نسيت حط محمد مع عمار و وسيم:confused: :confused:

[Ouss]

ولك وين رحتوا غفيتوا , صاير المنتدى متل مدينة الأشباح تبعيت صاحبنا ....

وينو فشلان , وينو الشامي , .... ولك شبكن خلص البانزين !!!

[أبو رياض القلموني]

معك حق يا أخي أوسّ ..المنتدى صاير متل مدينة
الأشباح ...وكلوا بسبب المشرفين ..ولك صرلي شي أربع ايام عم
عيط ..نبح صوتي ولا حدا منن بين ...

أنا بنصحك يا أخي تدلك بالسعودية , ما بعتإد إنك خاطب إسى ,
خطبلك شي سنة , بتكون جمعتلك كم إرش وصرت مرتاح عوضعك ..بعدين تزوج وأعدلك كم سنة بالسعودية , بركتن بكون
زبط هالوضع عنا وساعتا بترجع عهالبلاد بس يكون جاك كم ولد ..لأنو الأفضل إنو ولادك يتعلمو بلبنان ويربو بلبنان تيطلعوا
حرابيء, لأنو إذا ربيو بالسعودية بيطلعو ما بيعرفو الطيخ من البطيخ...



أخوكم
العم أبو رياض القلموني

[أبو رياض القلموني]

أنا حابب إشتري سيارة جديدة , ومحتار مني عم أعرف شبدي جيب
.. بليز عطونا رأيكن

[الزاهر]

نصيحة......نزيل عند العم مالك....سألو إذا عندو شي حمار.....لأنو اوفر شي......وأقل شي نئ....كيس شعير كل يوم....وبيمشي متل الليرة.....أم السيارة....عبيلها بانزين ......بعد يومين رح تخرب.....لأنو محسوبك البانزين عنا زبالة!!!

[أبو رياض القلموني]

نصيحة......نزيل عند العم مالك....سألو إذا عندو شي حمار.....لأنو اوفر شي......وأقل شي نئ....كيس شعير كل يوم....وبيمشي متل الليرة.....أم السيارة....عبيلها بانزين ......بعد يومين رح تخرب.....لأنو محسوبك البانزين عنا زبالة!!!


والله يا ريت , بس أنا برأيي تفتحلك شي محطة حشيش بالضيعة...بيمشي سوءا منيح...وأنا بوعدك عبّي لجحشي من عندك :mad:

[الشامي]

السلام عليكم :).. كيفكم يا جماعة ...

والله سامحونا يا جماعة بس الله وكيلكم عالقين بتغيير السكن وكركبة الغراض، بس ما عم ننقطع عن المنتدى أبداً...

صار فينا متل أم سفيان صرلها عم تدهن من سنتين ولسا ما خلصت .. ما في غير الأخت نادين كفت أسرع من الجميع ....
بس الرد عليك أكيد جاية ان شاء الله :)...

أخوكم:rolleyes:

[الشبح]

بس الرد عليك أكيد جاية ان شاء الله :)...

أخوكم:rolleyes:

الرد على مين؟؟ طيب مادامو جاية ونحنا مستعجلين عليه بعتو بمرسيدس ستمية شبح :)

[kalamoun_28]

أخي الكريم, Ouss, أعتذر جدا عن عدم الرد لغاية الآن. صدقنّي, اليوم قرأت موضوعك (لا أدخل الى كلّ المواضيع في ساحة شؤون القلمون بسبب كثرة هذه المواضيع ما شاء الله و شي بالشمال وشي بالجنوب :)). المهم يا سيدي, سأرد عليك ان شاء الله في اليومين الجايين (بسيارة الشبح:)).

سلامات, نزيه خداّج ملاّط

[مصطفى معتوق]

نقلة مباركة اخي الشامي
ِ

[Ouss]

مشكورين عالردود ...
مشكور أخ نزيه..
مشكور أخي الشامي..عرياحتك..ولا يهمك..الله ييسرلك أمورك..ومبروك سلفاً
مشكور أخي أبو رياض ..كلامك جواهر..

[Ouss]

أنا حابب إشتري سيارة جديدة , ومحتار مني عم أعرف شبدي جيب
.. بليز عطونا رأيكن




أنا بنصحك تشتري مرسيدس(بس منو شبح) أو BMW إذا كنت بلبنان , لأنا سيارات أوية وبتتحمل..خصوصي إذا كنت بتحب التشفيط.
أما إذا كنت بالسعودية ما فيك تشتري هالسيارات لأن أطعا كتير كتير غالية , أحسن شي بالسعودية الToyota أو الHonda ..
إذا كنت بغير بلاد سآل غيري...

سلام

[أبو رياض القلموني]

يسلموا يا أخ أوس , كلامك درر , ويسلموا عالنصيحة .....بتعجني هالسيارات وأوية متل ما قلت .....
أنا مني وعليي بحب الBM أكتر

Merci Beaucoup

[kalamoun_28]

أخي Ouss,

ما يحدث معك من حيرة باتخاذ قرار وحسم في بعض الأمور هو أمر طبيعي جدا.

سأعطيك رأيي و أحب أن أشدّد على أن رأيي ليس هجوما على أحد (لكي أتجنب الردود القاسيّة التي ستخرجنا عن الموضوع الرئيسيّ) و جوابي ليس بالضرورة أنه ينطبق على وضعي (ليس كلّ ما يتمنى المرء يدركه) ولكن هذا رأيي بكلّ تجرّد بغض النظر عن الشخص.

سأبدأ من آخر احتمال طرحته - العودة الى لبنان - ليس قرار جيدا في ظلّ الظروف الحالية ونسبة الزعران التي تتحكّم في البلد. فان كان الأمر يعود اليك, أنصحك أن تنسى هذا الموضوع.

العلم في الخارج, من ناحية العلم في الخارج, أنا أنصحك (اذا نويت هذا الأمر) أن تبحث عن العلم في أميركا الشماليّة أو بريطانيا --- باختصار ابحث عن العلم في اللغة الانكليزيّة وخاصة اذا كانت لديك نيّة في العودة الى الخليج. في الخليج ينظرون الى الشهادة في العلم من أميركا الشماليّة أو بريطانيا باحترام أكبر.

من حيث الهجرة الى كندا. هنا الموضوع يعود الى الشخص وماذا يريد, هل هو مهتّم بدينه أو بدنياه. يا أخي المعيشة في كندا تغري كثيرا, هناك الكثير من المغريات, تجعلك حتى تنسى أن هناك بلاد عربيّة واسلاميّة أنت مطالب أكثر أن تعيش فيها وتربّي أولادك هناك.

هنا في مونتريال, يوجد جالية اسلاميّة, ولكن شئنا أم أبينا هذه بلاد الغرب و لا تمت الى ديننا بأيّة صلة, وهناك حديث للرسول عليه الصلاة والسلام - بما معناه - (من عاش مع الكفار بدون سبب فهو منهم). ستقول لي مثل ماذا هذه الأسباب, هنا أخي , كلّ مسلم يفسرّ لك الأسباب بما يناسبه لكي يعطي لنفسه عذرا ليبقى في الغرب ولكن طبعا يجب أن نبحث عن أسباب ذات قيمة.

من الحلول المطروحة, يقولون "نعيش بعض السنين, ومن ثمّ نعود" كما قلت تماما, ولكن أخي الكريم, هذا التغيير يتطلب الكثير من الشجاعة والقوّة لتنفيذه ويجب أن تخطط لهذا الأمر منذ وصولك الى الغرب وليس أن تقول بدون وضع أيّة خطّة و مشروع. الكثير من المسلمين يقولون هذا و لكن يقعون ضحية المغريات الغربيّة, و سنة بعد سنة تراه لا يستطيع أن يترك الغرب أبدا ويتحسّر على مرور الزمن.

بخصوص الزواج, صدقنّي هذه من أسهل الأمور لكي تتخذ قرارا :)

ربما لم أعطيك جوابا صريحا, (صراحة أنا رأيي أن تبقى في الخليج و تبحث عن شركات أفضل اذا تلقيت عروض) ... لأنه يا أخي هذه أمور مصيريّة ويجب فعلا على الانسان أن يفكّر فيها مليّا ويالنهاية وكما تعلم (لا يصيبنا الاّ ما كتب الله لنا).

محسوبك خداّج

[الشبح]

الموضوع:

-هل بيأدم أوس طلب هجرة عكندا ؟!!(أكيد ما رح عيش هونيكا ,بعد ما شفت كيف عايشين,ممكن كم سنة بس ميشان الجنسية) , في كتير من شركتنا إخدو الجنسية ..
-هل بينتإل أوس عشركة جديدة بالإمارات أو بقطر؟!!..أكيد بعرض أحسن ..
-هل بيكمل أوس علمو هوا وعم يشتغل؟!!..PMP, MBA ..في شغلات بدا ستة اشهر , وشغلات بدا سنتين...
-هل بيتزوج أوس وبياعد بيندفس بالسعودية؟!! ..أكيد ماني ناوي عيش كل حياتي بالسعودية ...كم سنة وبنرجع انشالله...
-هل بيجدبا أوس وبيرجع بيشتغل بلبنان؟!!...










يا أهلا بالأوس أنا رح جاوبك، هلق بما انو اسمك أوس فخلينا نمشي عالقافية ، أنا رح إختزلك شوي من الخيارات وهيك بسهل عليك القرار، يعني عندك خيار: أوس يكمل علمو وينتبه عالدروس، و عندك خيار: أوس ينضب و ينستر و يشوف عروس ، وعندك خيار أخير: أوس يجدبا ويرجع لبنان بس ساعتها بشخت اوس عالبلوعة بالموس :) فنقي واختار و لا تحتار ، أنا هيدول الخيارات اللي عندي، البندورات بعدين بشفلك ياهن و كمل أنت غرض التبولة بس اذا بترجع لبنان بتكون هبولة.....

[achakik]

السلام عليكم،
ليش غلط يرجع على بلدو اذا وجد شغل؟بالنهايه الواحد ما الو الا بلدو و لو شو ما صار مركزو ببلد غير بلدو،بيضل غريب
الواحد ما الو الا بلدو اذا لقي شغل منيح بلبنان ليش لا؟
تاني شي بلبنان فيك تلاقي شغل اذا عندك شوية علاقات

[kalamoun_28]

كما توقعنا, انظروا أين أصبح الموضوع الرئيسيّ و بماذا نناقش الآن, بعد شوية بصير سحب سلاح. أرجوكم أن نناقش الموضوع بجديّة

[Ouss]

أخي Ouss,





ما يحدث معك من حيرة باتخاذ قرار وحسم في بعض الأمور هو أمر طبيعي جدا.


سأعطيك رأيي و أحب أن أشدّد على أن رأيي ليس هجوما على أحد (لكي أتجنب الردود القاسيّة التي ستخرجنا عن الموضوع الرئيسيّ) و جوابي ليس بالضرورة أنه ينطبق على وضعي (ليس كلّ ما يتمنى المرء يدركه) ولكن هذا رأيي بكلّ تجرّد بغض النظر عن الشخص.


سأبدأ من آخر احتمال طرحته - العودة الى لبنان - ليس قرار جيدا في ظلّ الظروف الحالية ونسبة الزعران التي تتحكّم في البلد. فان كان الأمر يعود اليك, أنصحك أن تنسى هذا الموضوع.


العلم في الخارج, من ناحية العلم في الخارج, أنا أنصحك (اذا نويت هذا الأمر) أن تبحث عن العلم في أميركا الشماليّة أو بريطانيا --- باختصار ابحث عن العلم في اللغة الانكليزيّة وخاصة اذا كانت لديك نيّة في العودة الى الخليج. في الخليج ينظرون الى الشهادة في العلم من أميركا الشماليّة أو بريطانيا باحترام أكبر.


من حيث الهجرة الى كندا. هنا الموضوع يعود الى الشخص وماذا يريد, هل هو مهتّم بدينه أو بدنياه. يا أخي المعيشة في كندا تغري كثيرا, هناك الكثير من المغريات, تجعلك حتى تنسى أن هناك بلاد عربيّة واسلاميّة أنت مطالب أكثر أن تعيش فيها وتربّي أولادك هناك.


هنا في مونتريال, يوجد جالية اسلاميّة, ولكن شئنا أم أبينا هذه بلاد الغرب و لا تمت الى ديننا بأيّة صلة, وهناك حديث للرسول عليه الصلاة والسلام - بما معناه - (من عاش مع الكفار بدون سبب فهو منهم). ستقول لي مثل ماذا هذه الأسباب, هنا أخي , كلّ مسلم يفسرّ لك الأسباب بما يناسبه لكي يعطي لنفسه عذرا ليبقى في الغرب ولكن طبعا يجب أن نبحث عن أسباب ذات قيمة.


من الحلول المطروحة, يقولون "نعيش بعض السنين, ومن ثمّ نعود" كما قلت تماما, ولكن أخي الكريم, هذا التغيير يتطلب الكثير من الشجاعة والقوّة لتنفيذه ويجب أن تخطط لهذا الأمر منذ وصولك الى الغرب وليس أن تقول بدون وضع أيّة خطّة و مشروع. الكثير من المسلمين يقولون هذا و لكن يقعون ضحية المغريات الغربيّة, و سنة بعد سنة تراه لا يستطيع أن يترك الغرب أبدا ويتحسّر على مرور الزمن.


بخصوص الزواج, صدقنّي هذه من أسهل الأمور لكي تتخذ قرارا :)


ربما لم أعطيك جوابا صريحا, (صراحة أنا رأيي أن تبقى في الخليج و تبحث عن شركات أفضل اذا تلقيت عروض) ... لأنه يا أخي هذه أمور مصيريّة ويجب فعلا على الانسان أن يفكّر فيها مليّا ويالنهاية وكما تعلم (لا يصيبنا الاّ ما كتب الله لنا).



محسوبك خداّج


السلام عليكم ورحمة الله

أولاً بحب إتشكر الأخ نزيه عكلامو الجميل...

في شغلة بس كنت حابب أولا أبل ما بلش ,ماني كتير محتار و ماني من النوع اللي بيتردد كتير باتخاذ القرارات والحمد لله, كل مافي الأمر إني طموح شوية وبحب إعمل شغلات جديدة بحياتي(ما بحب عيش حياة روتين , بحس حالي متل الRobot) , فحبيت إستشير الإخوة تشوف نظرتن للحياة اللي عايشينا وإستفيد من خبرتن...

بخصوص السفر عكندا (الهجرة),أنا بأيد الأخ نزيه , لما روي عن رسول الله صلى الله عليه وسلم

حدثنا هناد حدثنا أبو معاوية عن إسماعيل بن أبي خالد عن قيس بن أبي حازم عن جرير بن عبد الله : (ان رسول الله صلى الله عليه وسلم بعث سرية إلى خثعم فاعتصم ناس بالسجود فأسرع فيهم القتل فبلغ ذلك النبي صلى الله عليه وسلم فأمر لهم بنصف العقل وقال أنا برئ من كل مسلم يقيم بين أظهر المشركين قالوا يا رسول الله ولم قال لا ترايا ناراهما).حديث رقم: 1604
سنن الترمذي (http://www.islamweb.org/ver2/archive/showHSKitab.php?BkNo=4) > كتاب السير عن رسول الله (http://www.islamweb.org/ver2/archive/showHsAbwab.php?KNo=22&BkNO=4) > باب ما جاء في كراهية المقام بين أظهر المشركين .

بس إذا الواحد مانو رايح يعيش حياتو هونيكة فما بعتإد إنو في إشكال (إذا رايح يتعلم,أو...)...
إذا حدا عندو رأي تاني أو نظرة تانية يألنا ...



بالنسبة للزواج , ما تعتل همي , محلولة , والزواج ما بعرقلي مشاريعي انشالله..(الله يستر ما تطلعلي شي واحدة بتنأ كتير :confused: !!)


أما بالنسبة للإنتقال عشركة تانية , عندي عروضة تانية بس ناطر الزودة والترقية بشركتي تحتى قرر..


وإذا بدي كفي علمي , رح كفي أنا وعم إشتغل انشالله ...


برجع بتشكر الأخ نزيه عالنصيحة ...

"محسوبك خداج"
ملعوبةهادي:) ..ذكرتني بأخوك أيمن ..كان يأولا ..
صحيح كان يعيط كتير إحنا وعم نلعب غول ..بس والله كان لعّيب..

[Ouss]

البندورات بعدين بشفلك ياهن و كمل أنت غرض التبولة بس اذا بترجع لبنان بتكون هبولة.....

البندورات !!:confused:

أصدك التفاحات يمكن..;)

[Ouss]

بتمنا من الشباب ما يعملوا كتير مشاكل ويخربوا الموضوع متل ما كانوا يخربولنا لعب الغول بالمنار(كان عطول الشقيق و سامر مخربين اللعب ..وعالإين مع بعضن)..
لمن شفت الشقيق كنت بدي غير إسم الموضوع وحطو "سآل مخرب" ...

سلام للشقيق وسامر وأيمن و الشبح وكل الشباب...

[kalamoun_28]

أنا بأمرك يا أخي Ouss, خداّج بأمر الأوادم دايما

أخي أيمن كان لعّيب, هيدي مرح وصولو ياها كرمالك, بس أكيد أيمن كان ومازال لعّيب غصبن عليّ بيرضى ويلي مبيرضى:), يكفيك أنه يشجّع المانشافت.

نعود الى الموضوع, أنا متفق معك أن المعيشة في الغرب من أجل هدف معيّن ليست خطأ, ولكن يجب أن يعرف الانسان ما هو هذا الهدف الذي من أجله يعيش في بلاد الغرب, وكم سنة يتطلب هذا الهدف لتحقيقه والعودة الى بلاد الخليج أو لبنان اذا سمحت الظروف, هل يتطلب سنة, سنتين, 3, 4, 5 ... 10 , لا يمكن ان يكون الهدف غير محدد وتعيش في الغرب, برأيي هنا الطامة الكبرى.

100 وردة لكلّ الأعضاء المشاركين.