إنجاز تزفيت حزام الفلل [الأرشيف]

مشاهدة النسخة كاملة : إنجاز تزفيت حزام الفلل

وسيم أحمد الفلو

25-11-2007, 12:22 PM

أنجزت بلدية القلمون وبالتعاون مع وزارة الأشغال تزفيت حزام الفلل الذي يصل من قرب الفلامنغو إلى منطقة الفلل.

وسوف يتم إقامة بنية تحتية (مجارير، كهرباء، مياه) من خلال المنحة الكويتية (إذا تم تقديمها).

عمار الفلو

25-11-2007, 03:37 PM

ألف مبروك , والله طالعة كتير حلوة

هلء شبدن يسموها ؟

لأن يلي قبلها الطريق للجديدة , فهادي يمكن الطريق الأجدد

HARD

25-11-2007, 04:13 PM

سلام
الف مبروك للضيعة

انا بعتقد انو اسم ((طريق المقاول )) بلبق كتير

الزاهر

25-11-2007, 04:30 PM

لا تعتلو هم الاسم.....اسمها "الطلعة الجديدة"......واللي ابلها "الطريق الجديدة"......الحمد لله.....كلشي عنا صار لو سوفّيكس "الجديدة"......عأبال البلدية!!!!......ليكو ها....الانتخابات الجاية بيحألي صوت.......وبدي علي صوتي كتير!!!

سلام.......ومبروك يا قلمون!!!!

مصطفى معتوق

25-11-2007, 06:26 PM

يعني صارت صالحة للركد ؟؟؟؟

انا نازل جربها بس يخلص عهد فخامة الفراغ

HARD

25-11-2007, 07:46 PM

يعني صارت صالحة للركد ؟؟؟؟

انا نازل جربها بس يخلص عهد فخامة الفراغ

والله انت السادق صارت صالحة للمشي
اه نزيل وجربها ....... بتتحملك تشوف .... قال ركد قال :D

shanzimer6

26-11-2007, 10:59 AM

الحمد لله وألف مبروك للقلمون _ الطريق الجديدة_
حلوة بس نزعولنا الطريق الجديدة!!!!!

محمد أحمد الفلو

26-11-2007, 12:10 PM

ألف مبروك , والله طالعة كتير حلوة

هلء شبدن يسموها ؟

أكيد طريق فلسطين ما هنه قدموا المساعده
بتصير طريق القدس تمر في القلمون

علي القلموني

28-11-2007, 02:34 PM

ألف مبروك للقلمون والبلدية على هذه الطريق الرائعة واعانهم الله على تقديم المزيد من الخدمات الى هذه البلدة العزيزة

Hussein Mallat

22-12-2007, 11:34 PM

وسيم أحمد الفلو

24-12-2007, 12:23 AM

الأخ الكريم "بادبوي" أنا أؤيدك تماماً بأن وضع الطرق في القلمون بات لا يحتمل، وأنا أقترح على الإخوة في الموقع تصوير الجور ووضعها في ركن البلدية هنا لعله وعسى أن نحرك الموضوع في المجلس البلدي لمعالجته.

لا يكفي أن نسمع شكاوى الأعضاء أو بعضهم ويجب تشكيل حالة ضغط لحل هذه المشكلة.

وشكراً

مصطفى معتوق

24-12-2007, 01:18 AM

انو يا دكتور ........

حالة الضغط م بتكون ع المنتدى ...
ازا عنجد انتو جديين بالضغط ...
بتنزل انت والشباب الطيبة ......... وتقطعو الطريق ........ وبتشعلو دواليب ........ او بتمشو على الدارج وبتنصبو خيم تحت بيت الحج طلال وبتعتصمو ........... في غابة صنوبر خرج تخييم ...........

قال صور قال .........

وسيم أحمد الفلو

24-12-2007, 01:35 AM

والله يا معتوق أنا أعتقد أن الإعتراض بالكلمة وبالصورة أجدى من الإعتراض بأي شيء آخر، وفي مطلق الأحوال أنا لست سياسياً ولا زعيم حزب لأقطع طرقات أو أتظاهر.

هناك طرق أخرى في الضغط وهي مجدية أكثر.

والسلام عليكم

محمد أحمد الفلو

24-12-2007, 04:22 AM

ma3leish ya 7maytoun, trekli falastin 3ala janab.... ennou men ellet l2asma2 ma l2it ella hal esem!!!! bile2oula 7alleh ma tkhaf , l3arab ma shatrin bgheir ta2 l7anak, byetla3 ma3on shi esem mahdoum.... bas heik ra7 trou7 rahjet taree2 ljdideh, bas ma bzon kteer, cz tal3a awieh , btet3ab lnes fiya kteer
bas kteer nice lfekra, yalla 3a2bel ma yghatou l7efar yalli bil day3a....bon ili zamen ma sheyef lday3a bas betkhayal lbir yalli 7ad ltawator yalli 7ad bineyet l7aj ghassan 7oblos, 3ala taree2 ljdideh ba3da l7efra hawnik kteeer kbireeeeeeeeeeeeeeeeeeeeee

والله يا باد بوي

هي تسمية فلسطين تمسخر على قصة صارت بالمنتدى عن المنحه وفلسطين والكويت

بس لأنك منك متابع المنتدى ما فهمتا

شي مره بخبرك ياها بالشات

وسلملي على لبنان الأعجوبه إزا شفتو خارج أغاني فيروز

سلام