الاستفادة من الوقت الضائع و دفع الملل

[welkass]

كثيرة هي مشاغل الحياة اليوم حتى ان المرء قد لا يجد في بعض الاحيان الوقت الكافي لياكل او ينام. ولكن مهما تكن الظروف و مهما كثرت المسؤليات فلو راقب اي منا وقته سيجد ان هناك ساعات طويلة من هذا العمر القصير تهدر سدى في حين يمكن لصاحبها ان يستفيد منها و يتخلص من الملل الذي قد يصيبه خلال تلك الساعات. فلو كنت تحتاج نصف ساعة لتصل الى عملك كل يوم ونصف ساعة لتعود يمكنك سماع ساعة من القرآن كل يوم و أنت تقود او حتى القراءة إذا لم تكن السائق.


قد تنتظر دورك لساعة أو أكثر عند الطبيب أو في الجامعة أو في أحد المؤسسات الرسمية تنتظر إجراء معاملة و تصاب بالضجر فهل فكرت يوما في الإستفادة من هذا الوقت بقراءة القرآن أو أي موضوع قد يزيدك ثقافة و علما وربما يساعدك في عملك و يفيدك في آخرتك? الأمثلة على ذلك كثيرة. جرب ولو لفترة قصيرة أن تراقب وقتك وسترى كم من الوقت يذهب هدرا وكم من الأشياء المفيدة يمكنك ان تفعل في هذه الأوقات.

[الشامي]

السلام عليكم :) كيفكم يا جماعة ...

نور المنتدى خيي وسيم ... يا هلا والله ...

لفتة جميلة الله يجزيك الخير ... الوقت هو الحياة ...

أخوكم:rolleyes:

[دوكر]

يا هلا بالمعلم ولقص...
اهلا و سهلا فيك بالمنتدى...نورت والله...
موضوع مهم ... و كلام مدوزن...
و سمحلي ضيف ع كلامك ...فنا نسبح بهل الوءت ازا ما كان معنا مصحف و منا حافظين...هادي الكل فاي يعملا و وين مكان..."سبحان الله...الحمد لله...لا اله الا الله ...الله اكبر" ...اديش بيلحأنا حسنات بهل الكلمات البسيطة...
يعطيك العافية...
اخوكم دوكر المعوكر...

[الزاهر]

ولك يا هلا........يا هلا وغلا!!!!

بالمناسبة......قضية جد مهمة!!!!

بأيام كنت بالمدرسة........كنت بالمنار......وأنا ورايح عالمدرسة كل يوم....كوني كنت عطول مأخر....كون وحدي بالطريق.....فطول الوقت عم دمدم......عم دمدم بأجمل صوت يصدر عن انسان......"تكبيرات العيد".......كل يوم وبدون استثناء......

كمان اخي وسيم.....في عندك مشكلة.......طيب......أنا حبيت راقب وقتي واستفاد من الوئت بالتاكسي بالقرائة مثلا.....كل يوم معي ساعة ونص ضجر.....لأيش لضيعهم......جينا بدنا نشتري كتاب مفيد....ما عندك مكتبة عامة بالقلمون........بدك تعتلها من طرابلس.......أما الحل التاني.....إني اطبع الكتب اللي بأراهم عالكمبيوتر.......وأكيد هاد منو حل.......

قضية تانية.....هلأ إذا ناطر معاملة.......المفروض تكون قادر تركز بالقرائة مثلا........لكن اذا كنت بالباص أو التاكسي......أكيد ما رح تقدر.......ففيك تسمع....قرآن.....أو هيك شي.....لكن في خدمة رائعة موجودة بمعظم دول العالم.....إلا عنا......"الكتب المسموعة".......متل من الموقع اللي Creative (http://www.creative.com) عاملة شراكة معو .....أسمو أودبل (http://www.audible.com).....صحيح منو مجاني.....لكن منو غالي......والخدمة رائعة......


ممكن الواحد متل ما آل دوكر يأضيها بالتسبيح.....بالاستغفار......بالذكر........بكتير شغلات.......

لكن بالأول.....المفروض يعرف كيف يأضيه......ما يؤول أنا والله كل يوم بئرا فصل من الكتاب بالباص.....وهو ما يكون عم يستفاد لأن م فيه يركز....ما يضحك عحالو يعني!!!......فلازم يعرف "كيف" بيستغل هالوقت.......والسلام

[welkass]

شكرا على الردود يا إخوة. المنتدى منور بوجودكم أنتم. بالنسبة للأخ زاهر, شراء الكتاب من طرابلس ليس بالمشكلة و حسب علمي الكتب رخيصة في لبنان. كما يمكن تفعيل مبادلة الكتب بين الشباب و هو موضوع قد طرح من قبل على ما أظن. أما بالنسبة للتركيز في الباص أو التاكسي فأنا أخالفك الرأي لأن هناك الكثير من الكتب التي قرأتها و لخصتها في الباص أو التاكسي حتى عندما كنت في لبنان.