تعرف على حياة " الملتزم"....

[shanzimer6]

ماذا تعني لكم كلمة " إلتزام"؟
هل هي: فكرة! مبدأ! منطق! تطبيق للشريعة المحمدية!....
الإلتزام هو منهج حياة!

هو الفكرة التي تنعش الحياة, وتجدّد النفسيّات, وتبعث الطمأنينة في القلوب, والراحة في الصدور....
هو المبدأ الذي تصطفّ على اوراقه أنغام المنطق, ويحمل في طيّات صفحاته ملامح التطبيق...
أحببت في هذه الموضوع أن أتناول الجوانب الإيجابية ( وليس السلبية) من حياة الناس عامّةً, والملتزم خاصّةً. وهذا الموضوع, إضافةً إلى موضوع سابق " مشاكلنا نحن الملتزمون" قد يفتح الآفاق أمام الانسان بشكل محدّد لكي يحدّد أطر وحدود الحياة التي يعيشها, أو التي يختار_ بملىء إرادته_ العيش في ظلالها.
· كيف يقضي الشاب الملتزم / الفتاة الملتزمة الوقت؟ أو كيف هي حياة الملتزمين بشكل عام؟
· ولماذا ينسب الناس تعبير " تعقيد" للملتزم؟

بداية... الملتزم هو من إلتزم بشريعة الله سبحانه وتعالى... هو الانسان الذي يسير على خطى الحبيب المصطفى صلى الله عليه وسلم, هو المسلم الذي سار على الحق, واهتدى بفضل الله عليه ومنّه وجوده وعطائه.... وهو القدوة _ إن شاء الله_ بعد رسول الله صلى الله عليه وسلم, الذي سيؤدّي الأمانة, ويبلّغ الرسالة.
· إنّ عمر الانسان غال وثمين, وكذلك الوقت الذي يقضيه.... فمل هي الأعمال التي يستطيع الملتوم القيام بها, وهي لا تخالف أوامر الله سبحانه وتعالى, وتخضع لضوابط المجتمع الأخلاقية وعاداتهم؟
· في مجتمعنا المسلم, وأخصّ بالذكر المجتمع القلموني, ولأسباب عدّة, سمح للفرد بالقيام ببعض الأعمال, دون تأنيب أو مراقبة أو..... منها:
- الانضمام إلى الجماعات المسلمة أو الأحزاب أو الهيئات أو .... بملىء إرادته, شرط أن لا يذوب في شخصهم, وأن تخلص أهدافهم لوجه الله, وفي سبيل إعلاء كلمته سبحانه وتعالى...
- التنزه في الكروم ( سهل النبعة...).
- السفر بدعي تحصيل العلم, أو العمل...
- الذهاب في رحلات...
- المخيمات ( سواء مع الكشاف أو غيره...).
- القيام بواجبات إجتماعية ( زيارة الأقارب, عيادة المريض, المباركة للناجحين, تهنئة المعتمرين والحجاج,...).
- المشاركة في التنظيم في حفلات إسلامية, أو بشكل عام, المشاركة في أي مشروع خيريّ... من توزيع أضاحي أو كروت معايدة أو....
- المشاركة في أيّ مشروع هادف وبناء....
- الانضمام إلى منتديات, وساحات حوار إسلامية....
- مساعدة الأهل بالواجبات المنزلية ( للفتاة الملتزمة).
- الدراسة.
- مجالسة الصديق ومصارحته ونصحه....
- قراءة القرآن, والتفسير, والمراجعة ( تخصيص ورد)...
- مجالس الذكر والإستغفار....
- قيام الليل في رمضان...
- تعلّم التجويد, وأحكام الدين الفقهية, من خلال الإلتحاق بمعهد القرآن الكريم...
- التمشي والكزدار ( وهي عادات إكتسبها أهل القلمون منذ زمن ليس بقريب).
- التعلم والمعرفة في مختلف المجالات ( الانترنت...).
- إضافةً إلى أعمال أخرى يقوم بها الملتزم ليملأ الفراغ الذي يحيط به من كل جانب.

· قد يقول البعض بأنّ هذه الأعمال قد يقوم بها أيّ إنسان كان, ولكن أقول:
إنّ الملتزم المؤمن خير الإيمان, هو الذي يعلم أهمية الوقت, وهو الذي يستثمره بالطاعة, والعمل النافع والخيّر, الذي يجلب له السعادة وللآخرين, برضى اللع عز وجلّ, وضمن حدود الدين... ويحتسب الأجر من الله وحده سبحانه وتعالى.
فيما أنّ المسلم العادي الذي لا يعلم أو لا يقدّر أهمية العمل الذي قام به أو الذي سيقوم به, لن يحسّ بحلاوة الإيمان في قلبه, أو بطعم هذا العمل, وفوائده, وتبعاته على المجتمع... وبسبب ذلك, قد يفقد حبّ الاندفاع والمبادرة والنشاط تجاه أيّ عمل كان... وهذه هي مقومات وعناصر نجاح العمل_ سواء كان فردياً أو جماعياً_ واستمراريّته..... والذي يهمنا هو العمل, لأن الانسان سيحاسب في النهاية على عمله الدنيوي الذي قام به في سبيل آخرته.
لذلك, فإنّ الملتزم هو الذي يعيش الحياة بطعم مختلف, خاصّةً إذا كانت أخلاقه محمودة, وأعماله وتصرفاته مقبولة...
نتابع إن شاء الله مع كلمة " إلتزام" وما يقابلها من إعتقادات خاصة عند الناس من" تعقيد"... ولماذا هذا التعقيد؟؟؟؟؟

[دوكر]

يا هلا بالست شانزيمر سته .....
وين هل الغيبة؟
يعطيكي العفية ع هل الموضوع المميز و مشكورة ع اشدتك بي موضوعي (لي انا أصرت فاي من ورا ءيلت التفاعل)........
هلأ الكلام مدوزن ......بس عندي تعليء زغير ع هل الجملة....مساعدة الأهل بالواجبات المنزلية ( للفتاة الملتزمة).......ليش حادة بس الفتاة الملتزمة بألب البرانتاز؟......ههههههههه....مين أليك الشباب الملتزم ما بساعد اهلو....ههههههههه........

يعطيكي العافية .......
اخوكم دوكر المعوكر......

[shanzimer6]

السلام عليكم:
الله يبارك فيك أخ دوكر عمرورك الكريم... :1 (43):

[shanzimer6]

لماذا ينسب الناس كلمة " تعقيد " للملتزم؟ ( أو ماسك الدين بالمقلوب).
نلاحظ أن من ينسب هذه الأقوال هم من الأناس غير الملتزمين , وقد يكونون الأهل في أغلب الأحيان ...
فيقولون بأن الملتزم معقد لأن نفسه تترفع عن فعل بعض الأعمال التي أصبحت في أيامنا هذه , وفي إعتقادات البشر , حلالاً...
من هذه الأعمال:
- لا يسمع الأغاني.
- لا يذهب إلى الحفلات.
- لا يسمع أناشيد بإيقاع.
- لا يصافح , لا يتحدث , ولا يجلس قرب النساء.
- لا يشاهد الأفلام العارية , المنافية للأخلاق.
- الذي يستحي.
- في القلمون: ما بيكزر بشارع العشاق.
- لا يسهر مع رفاقه حتى ساعة متأخرة من الليل.
- لا يذهب إلى القهوة.
- لا يدخن .
- لا يكفر , ويبقى مهذباً خلوقاً أمام من يهينه.
- لا يسكر.
- الذي يغض بصره أمام محارم الله سبحانه وتعالى.
...............

[الزاهر]

سؤال..........التعقيد هو تطرف...........ولكن..........التطرف في سوء الأخلاق "تحضر"؟!

كما يقول الشيخ زياد الحج...........في هذا الزمن.........أصبح الغلط صح والصح غلط...........

وأضيف على صفات المعقد.........يطلق لحية.........ينكر منكر ويدعو للخير........يخفض صوته في الشوارع............يحافظ على شروط الادب من نظافة شارعه ونظافة شارعه من سوء قوله!!!!!
ما بيلبط امو بكير هي وعم تفيؤو عالترويئة............ما بيبهدل أمو إذا آلتلو جبلي غرض..........ما بيشلح اهلو بسجن العجزة بس يكبرو...........ما بياكل حق إخواتو من الورثة.........ويصل خير العمل لأهله بالدعاء لهم وتسديد ديونهم وووو!!!

هاد المعقد.........بس الكوول هو يلي بيمشي والأشاط عند الجيران......وشاكل بنت عخصرو عم يمشكح وياها بالشارع..........بيأوص امو ببارودة الحبة لأنها فيئتو ليأوص جردون (هادي صارت!!!!.....بس مش بالقلمون!!!).......بيشرشح امو لأنها آلتلو يا ابني بلالك هالسهر للصبح برات البيت!!!!


بس كمان في عنا فئة ما حكينا عنها..........هي برأيي أم المشاكل...........اللي أنا بسميهم الشياطين الملتحية!!!
الواحد منهم بيكون معتكف..........وأقل كلمة لولد بالمسجد........"ولا جحش............جيب المخدة وتعا لهون!!!"..........هاد اللي عم يحفظ ابني القرآن بالمسجد..........هاد اللي ابني آخدو قدوتو..........هاد اللي ابني عم يتعلم منو انو المدرسة حرام.........وإنو البنت اللي مش منقبة فاسقة......ولازم نلمزها بالكلام ...........هاد اللي بتوئف وراه بالصلا وانت في بقلبك غصة انو لائط المصحف وحافظو..........بس للأسف........طلع متل الشعرة من العجين.........أرينا وحفظنا من هون.........وكبينا بالبحر من هون!!!

شو الحل مع هيك عالم.......؟؟؟

[دوكر]

يا هلا بالست شانزيمر سته ........
كلام كويس......
و يا هلا بالمعلم زاهر.......الله معك يا حج أطر ......حطيت ايدك ع الجرح......هادي المشكلة لي عنا .......لي متخبي ورا لحيتو .....او لي متلفحة و متخبيا ورا الحجاب.....معأني ما بحب هل الحكي بس هادا مشكلة كبيرة عم نواجها بي مجتمعنا .......ما بدنا نهول الؤصة و نؤل كتار ....منون كتار .....هنا ألال.......بس بأثرو ع الواجهة تبعت الملتزمين......
انا ما ح ؤلك عندي حل .....لأنا منا مشكلة زغيرة و ما بتنحل بكلمة و تنين.....حلا بكون بالتربية و لي بتستمر لسنين........دينا منو صلا و صوم .......ولا تجويد ......و لا حج.........بس .......دينا هو قيم ....انما بعثت لأتمم مكارم الاخلاق........و هدولي عبادات .....

هلأ ت نرجع ع الافكار لي حكيتيا....هههههه......
" ياي اديشوا معأد .........ما بحكي معي .......منو مصاحب.....و ليكي كمان ما بيشرب ع راس السنة ........و ما ......و ما ......."
صرنا ازا بدنا نطبء دينا بجي عالم ما بيعرفو كوعون من بوعون بجو بدو يفسرولنا شخصيتنا الاسلامية .....
هادا دينا و لي بدو يؤعد يسمع الناس شبتحكي ما ح يعمل شي بحياتو ....منكن سامعن ؤصة جحا و ابنو و الحمار......ركب علاي هو و ابنو ما عجبون .....ركب ابنو ما عجبون .....و ......
الناس ما بعجبون شي.......

يعطيكن العافية ......
اخوكم دوكر المعوكر......

[shanzimer6]

السلام عليكم:
للصراحة ! الحقيقة بتجرح! بس أحياناً بتعالج موضوع معين وبتفيد وبتخلي الواحد يصحى ويفيء من أوهامو وأحلامو!
لا تعليق عكلامك يا أرايب....
إنا لله وإنا إليه راجعون!!!!
بيعين الله!!! لا حول ولا قوة إلا بالله العلي العظيم....
هدال عنجد مشاكل... مشاكل في جذور هالحياة يلي عايشينا....
بس العالم يا نايمين!
يا فايئين ومادن يعملو شي...
ما بيهمن إلا يحكو عبعضن... ما بيهمن إلا النكد... إلا التجريح... بيلاحقو عيوب غيرن.. ومنن شايفين عيوبن هنة... أو هنة أصدنين عم يتجاهلو هالأخطاء يلي واقعين فيا... مطموس ومختوم عقلوبن...
ولك ما بيهمن مشاعر حدن.... ديرن عمشاكل بين بعضن... وما في رقيب علين....
ولك إذا بين الإخوة ما فيك تصلح... شناطر من العالم!!؟؟؟؟؟؟
ما بعرف إذا في حل... واذا في حل أكيد منو بإيدي ولا بإيدك...
بإيد عالم اسن أكبر وأوعى منا....
والله أعلم...
شكراً عالمشاركة بالموضوع... والسلام عليكم...:1 (64):

[الريس]

بس كمان في عنا فئة ما حكينا عنها..........هي برأيي أم المشاكل...........اللي أنا بسميهم الشياطين الملتحية!!!
الواحد منهم بيكون معتكف..........وأقل كلمة لولد بالمسجد........"ولا جحش............جيب المخدة وتعا لهون!!!"..........هاد اللي عم يحفظ ابني القرآن بالمسجد..........هاد اللي ابني آخدو قدوتو..........هاد اللي ابني عم يتعلم منو انو المدرسة حرام.........وإنو البنت اللي مش منقبة فاسقة......ولازم نلمزها بالكلام ...........هاد اللي بتوئف وراه بالصلا وانت في بقلبك غصة انو لائط المصحف وحافظو..........بس للأسف........طلع متل الشعرة من العجين.........أرينا وحفظنا من هون.........وكبينا بالبحر من هون!!!



هدال هنة يلي عم يهربوا الناس من الجامع ويكرهون بالصلاة والدين ، ما مستعدين يطلعوا برات الجامع ، وما مستعدين يحكوا حدا ، ولا يناقشوا ، خلص هنة الصح ، ولك القصة انو اذا جيت بدك اتناقش بتكون عم تخالف الدين وبدك تجادل في أوامر الله ، وبالتالي انت كافر ، يعني المشكل هي انو لما شخص بفكر عن حالوا انو هو الإسلام وبالتالي مخالفتك له هي مخالفة للإسلام .

والله يرحم المشايخ والعلماء يلي بيفهموا ، لأنهم بيعرفوا انو في شي اسمو خلاف ، وانو العلاقة بين البشر قايمة على أساس الخلاف .

[الزاهر]

يا اهلا بالشباب الطيبة

طيب.....كلنا متفقين على المشكلة العويصة

بس بحب إنو إذا الإسراء عندها شي محضرتو تضيفو أبل ما نبلش نحكي بالتفصيل عن الشياطين الملتحية!!! (الملتزمين بالمفهون العام!!!)

سلام

[دوكر]

يا هلا بالجميع...
تكرم يا معلم زاهر...
بننطر الست شانزيمر سته...شكلا محضرتلنا كتير اشياء....
يعطيكن العافية....
اخوكم دوكر المعوكر...

[مصطفى معتوق]

بهنيكن على الموضوع الحلو والنقاش العاقل

كفيتو ووفيتو

[shanzimer6]

salam 3alaykom
eh walla ya ahla bil chabab el taybeh... choukran 3al 7iwar el labek wil mou7taram w inchallah ydal hayk
el 7amdoulilah l7id halla2 mafi i3tiradet 3al mawdou3.. aslan el mawdou3 bii3tikadi el cha5si innou 3anjad ktir mouhem... w kol we7ed bicherek fi bikoun 3anjad bi7ob el 2almoun w bisahem bi 7al el machekel... mabda2iyan aw 7elian ma 3indi chi zidou... tfadlou balchou bil mawdou3 min wayn ma badkon... w ya hala
salam 3alaykom
bitmana ydal el 7iwar 3al moustawa el matloub... w 3anjad 7atta law marra we7deh ma yitla3 3an ahdefou... wa choukran

[دوكر]

يا هلا بالست شانزيمر سته.....
ههههههه.......بعتءد اني فهت لي كتبتاي....هههههه....(صعبة اللهجة العرنجليزية.....)....
ان شاء الله ح يضل الحوار بهل المستوى .......
بس نحنا وءفنا ناطرين ازا عندك شي محضرتاي .......
و ناطرين الشباب .....
يعطيكن العافية .....
اخوكم دوكر المعوكر.....

[الزاهر]

بلشو.........بلشو يا دوكر واللي بدو يشارك........منرجعلكم يوم الإثنين إن شاء الله........لأن الحمد لله كتير عم لائي وئت!!!!!

[دوكر]

يا هلا بالجميع....
ليش حطيتني ب بوز المدفع يا معلم أطر؟؟؟
طيب ....
هلأ انا سبأ و فتحت موضوع أريب ع هادا......حكيت فاي عن كم شغلة ......
و المعلم الريس لمح ع واحدة من هل الافكار .....عنا نوع من الملتزمين .....بخلو الناس تبطل تجي ع الجامع و بنفرو .......و من الافكار لي بحملوا ....نحنا الصح و غيرنا لأ......او لي افكارو متلنا هوا ع الصح......
هل الفكرة انا بشوفا انا بتدمر كلشي عملو العلماء ....اختلاف العلماء رحمة للناس......و ربنا ما امرك تعمل الناس نسخة عنك.......ربنا امرنا نوجه الناس ع الطريء الصح ......
و في امور خلافية ما علينا نفرضا رأينا ع الناس فيا......

و كنت بالموضوع لي فتحتو ع اساس اني احكي عن النوع التاني من الملتزمين ....بس ما جات الفرصة ....بركا ان شاء الله بنحكي عنو هوني......

يعطيكن العافية ......
اخوكم دوكر المعوكر......

[HARD]

بصراحة الموضوع أجمل من أن يقال عنه جميل ، وهو من المواضيع المهمة النادرة في هذا المنتدى ، وأهميته تكمن -أي بعد طرحه- في حسن الحوار فيه .


تكلم الإخوة زاهر ومعتوق والريس ودوكر عن شياطين ملتحين واعتبروهم مشكلة من مشاكل هذه العصر ، وأنهم ينفرون الناس من الدين و......


ولكن هل يوجد هكذا نماذج فعلا في مجتمعنا ؟؟؟؟؟؟؟؟؟؟؟؟؟؟

أعلم جيدا شباب المسجد ، وهذه العقلية التي تكلمتم عنها لا وجود لها بين أوساط الشباب الملتزم -اللهم إلا بعض الحالات النادرة- ودائما الحاللات النادرة لا تدخل في معالجة المشاكل الإجتماعية العامة .

مشاكل هذا العصر ، ليست كما تتصورون !!!

الحمد لله الشباب على قدر كبير من الوعي ، فهم يزورون المرضى ويشاركون في المسيرات والإحتفالات الإسلامية ، ويأمرون بالمعروف وينهون عن المنكر ويشاركون الناس في جميع شؤون حياتهم الإجتماعية ............. وبفضل الله السنين الأخيرة ، ونسبة الشباب الذي يدخلون المسجد في كل سنة أكبر دليل على ذلك .

لا يفهمن أحد من كلامي خلو الأمر من تقصير ، أو ارتقاء الشباب إلى مرحلة العصمة أو ........... ولكن الفكرة التي تتحدثون عنها هي حالة أقل من يقال لها نادرة نسبة للقلمون .


ولكن على كل ان كان لكم رأيي آخر ، أتمنى عليكم أن توضحوا أكثر ، وأن تبينوا لنا كيف ينفرون الناس من المسجد ويصدونهم عن سبيل الله .

راجع موضع

أصحاب السبت قد عادوا !!! فهو من كلتا يديك !!!!!!!!!!!!!!:1 (71):

[مصطفى معتوق]

تكلم الإخوة زاهر ومعتوق والريس ودوكر عن شياطين ملتحين واعتبروهم مشكلة من مشاكل هذه العصر ، وأنهم ينفرون الناس من الدين و...... .


مع احترامي الشديد للشباب ولآرائهم الا انه وجب التنبيه الى انني لم استعمل قط التعبير المذكور اعلاه والمنسوب الي

ارجو من الاخ وسيم غنو توخي الدقة حين ينسب الأمور او الاقوال !!!
بالاضافة الى اني اكتفيت بالثناء على حسن الحوار دون ابداء رأيي بجوهر الموضوع او الافكار المطروحة .
وانا هنا سأفترض حسن النية لما للاخ وسيم من ايادي بيضاء في الحوار الهادئ ولقناعتي انه ارتكب خطأ سينتبه له سريعاً .

[الشامي]

السلام عليكم :)... كيفكم يا جماعة ...

الله يبارك فيكي أختنا إسراء على هذه المشاركة ... ويبارك بجميع من أدلى بدلوه ...

أُذكر أن الكتابة بغير الأحرف العربية ممنوعة فأرجو محاولة الإلتزام بالأمر ...

أخوكم:rolleyes:

[Nader 3:16]

السلام عليكم و بعد:

للأسف هناك نظرة سيئة عن الملتزمين في عصرنا هذا...وقد تسمّى الملتزم بالمعقد...يعني اذا الواحد عم يطبق الدين صار معقد...حسب رأيهم لازم الواحد يكون ملتزم بس Cool لحتا يرضي الجميع!!!!

انا برأيي السبب هو جهل الناس بحقيقة الإلتزام....

هل الالتزام هو انو الواحد يصلي و يصوم و ما يأذي حدا متل ما بقولوا تلت رباع العالم ...هل هذه الخصال تكفي لكي يكون الانسان ملتزماً؟


اما بالنسبة لكلام زاهر ....يا ريت تنتبه عألفاظك...هلء كيف بدك ياني صدء انو في واحد معتكف و هيك عم يؤول بألب الجامع!!!!!

[أيمن غ القلموني]

كيف نعيش حياة الملتزم؟
عنوان ذا أهمية ، فبارك الله بكل من ساهم في هذا النقاش الهادف .

وتعقيباً على كل ما وردَ ، الأهم أن يعلم الملتزم أنه مرآة ، يرى الناس من خلالِها الإسلام ، فليكن مرآةً ناصعة البياض تعكس صفاء ونقاء ديننا الحنيف.


وليدرك أنه من :

أُمَّةٍ َوقفت وقوف الشامِخِ العَلَمِ

أمّةٍ سطَعت بنورِ العِلمِ والقلمِ

أمّةٍ صَنَعَت حياة العِزِّ للأُمَمِ

أمّةٍ حَفِظَت حقوق الجار والرَّحِمِ

[HARD]

بالنسبة لكلام أخي ربيع ، .


والله إن لم تجد العلاقة فهذه مشكلة

أنا قلت لك راجع هذا الموضوع ( أصحاب السبت ) لأن التناقض في كلامك مبين

أنا مرح قول أو فسر كلامك لأن بالأساس الموضو ع أصحاب السبت مش مفيد .......... لأن المقارنة لم تجلب ولا نوع من الفائدة ........


هلأ لم يظهر لك بعد أن النفاق يؤدي إلى التنفير........

الكذب المخاصمة ...... يا أخي كفي إنت ٫٫٫٫٫
أنا مش فاهم على أي أساس عم تكتب كول مواضيعك .......


عفوا مفني اكتب كتير عربي .........

[shanzimer6]

السلام عليكم:
أتمنى أن لا يخرج الموضوع عن أهدافه.... كي تعالج هذه القضية الهامة من وجهة نظر الدين....
شكراً لكل من شارك بهذا الموضوع...

أول خطوة: يا أخ دوكر... فيك اذا بدك تعطي تعريف للنةع ال2 من الملتزمين....

تاني خطوة: هل عنجد في متل ما قال زاهر؟

تالت خطوة: نحن في هذا الموضوع ان شاء الله وحسب ما بتتذكرو, كنت ناوية اتناول الجانب الايجابي من حياة الملتزم.... لحتى الواحد لما عم يقرا هالموضوع يشوف انو الدّين منو معقد... بالعكس هوا يلي عايش أحلى حياة... ضمن حدود الدين....
وقد يلاقي بعض الانتقادات...
لكن يحاول قدر المستطاع أن يحسّن المحيط الذي يعيش فيه...
والسلام عليكم.

[دوكر]

يا هلا بالست شانزيمر سته....
حبيت علء تعليء حول كلمة "تعريف"...انا ما عم اعطي تعريفات هوني ...انا عم ؤل وجهة نظري....يعني مجرد افكار و يمكن تكون غلط و يمكن يكون في شي منا صح....
النوع التاني لي بدنا نحكي عنو .....نوع يمكن بنشوفو اكتر من النوع الاولاني .....هل النوع هوا "الملتزم الكلاس " او "the cool muslim"...هنا بعدو حالون هيكا ....انو هوا ملتزم بس بيحكي مع كل البنات لي بالجامعة معو ....او بلطش ع كل الصبايا لي معو بالشغل.....بس بيسمع اغاني روك.....هو ملتزم .....بس ما فيا شي ازا سلم ع الصبايا.....هادا النوع في شوية انتشار لو زيادة بمجتمعنا....
هلأ ما احكي كلشي ....بدي اسمع رأيكن ابل ما كفي.....
يعطيكن العافية ....
اخوكم دوكر المعوكر.....

[shanzimer6]

السلام عليكم:

بلا مؤاخذة يا أخ دوكر... ومع كل احترامي لرأيك.... بس أنا ما بلاقي_ ومن وجهة نظري الشخصية_ ان النوع التاني من الملتزمين يلي ذكرتو ( الملتزم الكوول) انو ديّن.... هاد منو ديّن... هاد متديّن.... يحاول أن يتقرب من الديّن ( ويوجد فرق بيّن بين الديّن والمتديّن) ....
صحيح أنو عم يتقرّب من الديّن/ الملتزم أو بيشابهو في بعض التصرفات.... ولكن الديّن منو بس يلي بيصلي كل الأوقات بالجامع, ويلي بيصوم, وبيقرا قرآن....

وهذا المتديّن... إنما يجمع بين أعمال الديّن/ الملتزم, وأعمال الشخص العادي/ الكوول.....
فالملتزم لا يقبل أن يتكلم مع النساء إلا لغرض أو حاجة ماسّة...
ولا يصافح النساء حتى لو قهرته الظروف... ولا يقبل أن يتواجد في مجلس غيبة أو نميمة أو أماكن الاختلاط أو ما شابه.... لأنه لو كان ملتزماً حق الالتزام, لكان سعى ليغيّر هذا الواقع أو الوضع المتفشي بكثرة في مجتمعاتنا, ويسعى من خلال فرض نفسه في المحيط الذي يتواجد فيه, أن ينشر أو يظهر أخلاق الاسلام...ليأمر بالمعروف, وينهى عن المنكر....

وهادا الكوول قد يخطىء, أو يرتكب منكرات, فإذا لم يجد نفسه مخطأً ولم يؤاخذ نفسه,,, فاسمحولي قول انو " ليس بالملتزم"... وأقول له أن يراجع " معنى الالتزام" : لغوياً وعملياً.... فالذي يكتفي بالقول دون العمل فهو متوهّم..... متطلّب.... اتّكالي.... متأمّل... غير موقن... يطلب ولا يجتهد.... ومتردّد.....
وأنا اذا قلت عن حالي مثلاً اني ملتزمة, ومني معقدة, فهاد لا يعني أني كوول! في حدود بالدين لا يمكن تخطيها.... في خطوط حمراء لا يمكن اجتيازها... في أمور معليش اذا الواحد عملا... طالما لا تخالف الدين... بس كمان ما لازم نغفل عن جانب كتير مهم هوا المجتمع يلي عايشين فيه والعادات الحسنة فيه.

والعالم لما بدن يانا نكون كوول, أو بيتحججوا بانا معقدين, فما بيكونوا عم يشوفوا الموضوع إلا من جانب واحد... وغالباً ما بيكون من جهتن, ولمصلحتن.
وهاد أبسط مثل: إذا كنت بمجلس وخيّروك انن يحطوا اما أناشيد بإيقاع أو أغاني... فهل بتختار أناشيد بلا إيقاع؟؟!!!!! ما أصلاً هالاحتمال منو وارد... وما يطلب الواحد المستحيل مع هيك عالم.... يلي هنة بالأصل منن دينين... كوول_ متدينين_ ( يعني متل ما قلت سابقاً بيحاولوا يتقربوا من الديّن طالما ما عقّدلن الأمور)...

يعني باختصار... بكون ليّنة معن طالما منن عم يقربوا عالخط الأحمر... هاد معنى "مني معقدة"... وهالأناشيد البلا إيقاع يلي أنا بحبا أو بفضلا, بغتنم الفرصة بشي مجلس أو رحلة أو.. وبمرّر كم واحدة منن,,, وبعدين بيصيروا متعودين علين نتفة نتفة...
إذن,الأهم يكون الواحد عندو أسلوب لبق ويعرف يتصرف مع كل أجناس العالم لحتى يحببن بالدين, وما يكون هوا السبب بنفورن وابتعادن عن الدين... لأن الدين منو بس عقيدة وعبادة.... هوا أيضاً معاملة وسلوك.... شهامة وأخلاق... ونيّة صافية معقودة عند كل عمل... يعني ما بيجي بقلن: كلو حرام! أو ما بيحكين إلا عن النار!..

كلمة واحدة أو تصرف خاطىء قد يقلب كل الموازين!!!! _ سواء إيجابياً أو سلبياً_.

[دوكر]

يا هلا بالست شانزيمر سته ......
انا بوافءك ع رأيك ....هنا الأمثلة لي ضربتون وصلو الفكرة غلط........
انا لما حكيت ع المسلم الكوول .....ما كان أزضي ع الناس لي عم تحاول تأرب من الدين ......بالعكس تمام........انا كنت عم احكي ع الناس لي بتحاول تتنازل عن شوية من مبادئا الدينية ......و شويا عن الثوابت الاسلامية من شان يرضي الناس .....من شان يواسي المجتمع .......و أظن هادا في منو .......و فنا نضربلك مثل ......زغير ......ما بعرف هادا كنو ح يوصل وجهة نظري .....عنا فرأة أناشيد ......كانو يأنشدو بس بدف.......و عندون أناشيد حلوة و معاني كمان حلوة......بس حسو انو نسبة لي مهتمين بأناشيدون ءلال .....ؤم بلشو يفوتو شوية مسيءا ........و بلش ساعتا يزيد عدد لي بيسمعو .....متل هادولي ع شكل مصغر ...."المسلم الكوول".....كان مربي دأنو .....(بغض النظر كنو الأشياء لي عم ازكرا هيا مقياس للإلتزام ......)....منو داءيء فيا ولا مرة ........سمعو كلما واحد بالجامع ......راح خففا ......ليش؟؟ "يا أخي الناس عم تنفر من لي دؤنن طويلة او لي مربين دؤنن....."
يا أخي انتا ألتزم بالأداب و الأخلاق و ما عليك بكل الناس.......يعني منو عليك انو يرضى عنك الكل ......ما حدا في يرضي العالم .......

و ناطرين بأية الشباب .........و الصبايا نسمع وجهات نظرون......
يعطيكن العافية .....
اخوكم دوكر المعوكر.......

[Nader 3:16]

.....عنا فرأة أناشيد ......كانو يأنشدو بس بدف.......و عندون أناشيد حلوة و معاني كمان حلوة......بس حسو انو نسبة لي مهتمين بأناشيدون ءلال .....ؤم بلشو يفوتو شوية مسيءا ........و بلش ساعتا يزيد عدد لي بيسمعو

ولا يهمك يا دوكر نحنا صامدون عالدف....:)

[RAMADAN]

السلام عليكم و بعد:

اما بالنسبة لكلام الريس...يا ريت تنتبه عألفاظك...هلء كيف بدك ياني صدء انو في واحد معتكف و هيك عم يؤول بألب الجامع!!!!! و اذا كانت الؤصة صايرة قدامك حكيلنا....لأنو عأساس انت صرت ديّن من فترة قريبة و من حسب الافكار يلي كنت تطرحها ما شكلك كنت من رواد المسجد ...قكيف عرفت بهل ؤصص او بالاحرى مين الك!؟؟؟؟

أخ نادر، زاهر هو صاحب الكلام و ليس الريس

[ساميا]

ما هي المعاصي التي تخرج الشاب من الإلتزام ؟؟؟؟؟؟؟؟؟؟

برأيي ، والله أعلم، كل المعاصي تخرج الشاب من الإلتزام لحظة إرتكابها لكنها لا تخرجه من الدين، والحسنات يذهبن السيئات،... ولولا أنكم تخطئون بالليل والنهار لذهب الله بكم وأتى بقوم آخرون يخطئون فيستغفرون فيغفر الله تعالى لهم...

والسؤال الذي كان عليّ أن أسأله بداية ، هل علينا أن نبحث في هذا ونبحث في التزام الناس ؟؟؟؟؟؟؟؟؟


علينا أن نبحث في أعمالنا وأعمال الناس لا في أشخاصهم، نقيّم الفعل فنمدحه ونروّج له أو ننتقده ونحذر منه ... وكل ذلك بضوابط وإطار لا يتجاوز ما أمر به ربنا جل جلاله ووضحه لنا رسولنا صلى الله عليه وسلم..

[دوكر]

يا هلا بالجميع.......
يا هلا بالست ساميا ......
و يا هلا بالمعلم وسيم .....
متل ما ؤال المعلم وسيم .....برأي انو نحنا لازم نطلع ع الشخص و ع العمل .......
و خصوصي بهل الأيام لأنو ما عاد فيك تفرأ العالم من خلال الأعمال بس ....او من خلا الشخصية بس........
و المثل لي عطاي المعلم وسيم من الامثلة انو لازم نطلع ع الشخص و العمل......
بس ع مسألة خروج الشب او الصبية من دائرة الملتزمين فا هادي ما بعرف شبدي ؤل فيا ......بس الاساس لي متفيءين علاي معكن فيا .....أنو الواحد منو بمجرد معصيا بيطلع من نطاء الدين .....بس من نطاء الألتزام ؟؟؟؟

بس ما بظن انو أخطاء زغيرة ح تحول واحد من ملتزم ع غير شي .....

ناطرين نسمع منكم.......

يعطيكن العافية .....
اخوكم دوكر المعوكر......

[ساميا]

فهل توافقين يا أخت ساميا على المشاركة في إحتفال بذكرى المولد النبوي الشريف -فيه مجرد أناشيد عادية وبعض الكلمات عن سيدنا محمد صلى الله عليه وسلّم - قد نظمته جمعية المشاريع ؟؟؟؟؟؟؟؟؟؟
وأنا أحتفظ بحقي في عدم الرد على هذا السؤال الذي يحمل في طياته غمزاً من قنوات كثيرة...
وأدعوك أخي الكريم تركيز النقاش دائماً على الفكرة وعلى المبادئ وعدم ذكر أو التعريض بشخص أو جمعيات محددة بالإسم...
كذلك أرجو أن تننقل بهذا الحوار إلى موضوعك "أصحاب السبت"، فهذا الفرع من ذاك الأصل، حتى لا نحيد بهذا الموضوع عن مساره ونخرج به عن الأطر التي صاغه أصحابه فيها...

[shanzimer6]

السلام عليكم.
دائما ... سبحان الله بيتشربك الموضوع... فبيخرج عن الاطار يلي كان مرسوم فيه.... وبيتضعضع الهدف... وبتضيع الافكار....

ما بعرف.... هوا حلو الواحد ينسق بين المواضيع ويربطن ببعضن , بس الاحسن ما يضيع الفكرة بنقاشات, يكاد يكون الرد عليا شبه مستحيل او في ريبة او....

المهم.... اعيد واكرر بدنا نكمل الجوانب الايجابية بحياة الملتزم_ ولا مانع من ذكر بعض العقبات امامو, لان بطبيعة الاحوال, دائما منذكر نقيض الشيء بحديثنا لنقارن_ فرجع الحديث لقصة الجماعات...
يا اخوة ! في موضوع عن الجماعات والعلاقة معن....

الخلاصة: اذا في شي محدد بتريدو نحكي عنو, تمام...
ما عليكم الا تقولوا او دغري تبلشوا بالحكي...
واذا لا...
فينا نحدد اي فكرة مذكورة او جديدة ونحكي عنا, وحصريا عن حياة الملتزم البسيطة ومنا معقدة, يلي بتسمحلوا يبني علاقات حميمة او محترمة مع العالم , عقواعد واسس دينية, وبتعبر عن اخلاقيات الاسلام.

[دوكر]

يا هلا بالست شانزيمر سته......
هلأ يمكن طلع الموضوع شويا عن الفكرة بس النقاش كتير هادف ......و الواحد فاي يستفاد منو .......
و ايا نقاش دائمن بيتشربك.......بس اهم الشي يضلو بنطاق الأخلاء و الأدب........
و ناطرين ت تطرحي انتي الأفكار .........لي فتحتي الموضوع من شانا ......

يعطيكن العافية ......
اخوكم دوكر المعوكر.......

[shanzimer6]

السلام عليكم:

شو وين صرنا بهالموضوع؟!

اسن كيف فينا نتعرف عحياة الملتزم؟!؟!

[دوكر]

يا هلا بالست شانزيمر سته........
اسا فينا نتعرف ع حياة الملتزم من محلات كتير .....و من زويا اكتر.........
بس ناطرينكن ت تطرحو التكملة لي كنتو راسمينا للموضوع.........
يعطيكن العافية ........
اخوكم دوكر المعوكر........

[shanzimer6]

السلام عليكم:

أنا أكتفي بهذا القدر.... يعني مؤ عندي أفكار جديدة تحتا إطرحا....

بانتظار التعرف ع حياة الملتزم من محلات وزوايا أخرى....

والسلام عليكم

[دوكر]

يا هلا بالست شانزيمر سته........
يا شباب و يا صبايا .....شبكون ؤعدين و ساكتين ؟.........حدا يحكيلي شي كلمة ........يلا ........حدا يؤلنا شي شغلة .......
ما شكلو في حدا بدو يحكي ......طيب هات ت نشوف شفيني ؤل...........
هلأ نحنا هوني عم نحكي ع الملتزم مهيكا.......و انا من وجهة نظري انو الملتزم هوا الداعية .......هو الانسان لي بكون حامل هم الدعوة من خلال ألتزامو ........و هادي اهم افكار الألتزام ........ما عنا انسان ملتزم لحالو .......علاي يوصل لي بيعرفو للناس.............
و من هل المنطلء صار فينا نحكي شوية عن شوية اشياء بتعلء بالملتزم الداعية.........
ألتزام الأنسان و أءتناعو بأيا فكرة ....منو بس انو يؤل انا بفكر هيكا او انا مأتنع بهيكا...........ألتزامو هو تنزيل هل الأفكار ع واءعو .........هيا تطبء للأشياء لي بفكر فيا...........
و كمان انو يحاول يوصلا للناس لي حولو ..........و بدينا .......التوصيل ما بكون بالضرور بس حكي ........او محاضرات بنسفأ للواحد و بنمشي........بكون من خلال التعامل و الحياة اليومية .....اصلا دينا جا ت يظبط المفاهيم عند الناس........في مفاهيم مغلوطة كانت عن الناس جا دينا ت يوجها ..........من شان تصطلح أمور الناس..........
الرسول صلى الله عليه و سلم ......وجهنا لهل النوع من الدعوية لي هيا من خلال تصليح المفاهيم بحياتنا الواءعية ....من خلال كتير أحاديث...........او متل حوارات زغيرة كانت تصير بين الرسول صلى الله عليه و سلم و الصحابة ........متل حديث أتدرون من المفلس.........الصحابة رضوان الله عليهم جاوبو .....من لادرهم له و لا متاع .........ألون لأ..........(بما معناه .....) ......ألون المفلس من .....لأخر الحديث........

ناطرين مشاركاتكن و كلامكن.......
يعطيكن العافية .......
اخوكم دوكر المعوكر..................

[Nader 3:16]

السلام عليكم في فكرة حابب ضيفها...


في مشكلة يقع فيها الملتزمون الجدد...يعني بتلاقي الواحد اول ما بصلي ركعتين بالجامع خلص صار عندو همة عالية جداً...بيطلع عالبيت بدو يكسر التفزيون و يفرض الحجاب عأختو اذا منا متحجبة ...و بروح عالمدرسة بدو يفصل الشباب عن البنات بالصف و من هالاشياء ...


فهل هذا من الصواب؟؟؟


هلء اذا جينا من الناحية الإيجابية هذا شيء طيب و كلنا نسعى اليه كملتزمين لكن على واحد ملتزم حديثاً يعني حبة و حبة...يعني عملياً امّو بدها تلعن الساعة يلي نزل فيها عالجامع , و يلي بيقهر اكتر من هيك انو بتلاقيه بعد فترة من المواظية على العبادة ترك الصلاة و صار من اشد البعيدين عن الدين.....


يعني الواحد وءت بدو يدخل من باب الالتزام لازم يحبب العالم فيه...لازم يتغير اسلوب حياتو شيئاً فشيئاً مو دغري بدو يعمل خلافة اسلامية!!!!!!

بس خلونا نناقش مسألة مهمة...و هي قضية الفتور عند الملتزمين يلي منتشرة في المجتمع هلء...

[دوكر]

يا هلا بالمعلم نادر.......
ملاحظة مهمة .......هاها.....هوني المشكلة .......انتا ؤلتا الواحد اول ما بكون نازل ع الجامع .....بؤم بدو يغير الدنية كلا........هادا الغلط لي كتير منا بيرتكبو ..........اهم الشي الواحد يغير بحالو .......يربي حالو ........و يحاول أد ما فاي يظبط ..........و هل الكلام ما معناتو انو الواحد ينطر ت يوصل لمرتبة الكمال لي محدا فاي يوصلا .....و يبلش يغير بلي حولو لأ......بس بدو يكون عندنا حد ادنا من الحكمة و العلم ت نبلش بلي حولنا ........بداية ....الواحد يصلح بحالو ....كنت اسمع موسيقا .....وءف ....و حاول شيل كل الكاساتات.......كنت ما صلي ....صير بصلي ....اتعلم مع شيخ قرآن ......احضر محاضرات ........ابني نفسي......و اكيد بدا تواجهو مشاكل مع المجتمع و العالم لي حولو .....بدو يتعود ع الصبر .....لأنو هل الطريء......فيا شوك كتير........يعني نحنا بنحكي عن اللذة لي بوصلا الملتزم .....و الحياة الحلوة لي بعيشا......و رياحة الراس لي عندو منا ......بس كمان هادا ما بيجي من فراغ...........الواحد الملتزم بكون في مية مشكلة فوق راسو ......بس لأنو عايش مع ربنا.....و حياتو مرتبطة برينا ....فا بكون لو نظرة تانية للمشكلة و هادا لي بخفف عنو .......و هادي من الأشياء لي لازم نضوي علاي بحاية الملتزم .....(ع السطر لي بعدو هههههههه).......

الراحة النفسية لي بعيشا الملتزم ........
محدا يتخيل انو الواحد بدو يجي يدء باب مكتوب علاي "للملتزمين"....و يفوت لجوا .....تكون الدنية جزا غير....كلا بصط .....و العالم كلون أوادم جوا .......و هيكا ما في معاصي .......و كل العالم جوا مناح......كل الصبايا متحجبين....و الشباب بالجوامع.......اكيد ازا الواحد بدو يفوت ع الألتزام و عندو هل النظرة ما بطول كتير.........
الراحة النفسية و السعادة لي بالألتزام .......الأنسان بعملا لحالو ......وءت الواحد بكون أرتباط ب الله ....كتير من مشاكلو بتهون ......بيعرف كيف بدو يحلا ....عندو نظرة غير للحياة......بشوف انو المشاكل هيا بلاء من ربنا .....ت يختبرو.......بيعرف انو ازا مرض ربنا عم يكفرلو ذنوبو ........بكون محتار بين شغلتين بيستخر........و بيعرف انو ربنا بعتلو الخير .....و لو انو الشكل الخارج للؤصة بيفتكرو هوا انو شر لو ...........بيعرف انو امورو و رزقو عند ربنا .....ما بكون ألبو مرتبط بهل الدنية ..........
حاسس حالي حكيت كتير مهيكا؟...............
طيب وينك ؟.......
ناطرين الشباب و الصبايا .........
يعطيكن العافية .......
اخوكم دوكر المعوكر...........

[shanzimer6]

السلام عليكم:
بارك الله بك أخ دوكر عهالمنطق بالكلام, ورجاحة الفكر, والأسلوب التحليلي...

المهم:

نوّه الأخ نادر إلى فكرة كتير مهمة ألا وهي :" الفتور".....
يا ريت نحكي شوية عنا.... أسبابا, كيفية حلا بما انا مشكلة يعني.... ثم:

وبعدين.. اذا البعض ضجر من هالموضوع.... ففيه يطرح أفكار جديدة... حتى لو ما لها علاقة بالموضوع....

بالمناسبة:
اقتراح:
لما منشوف موضوع.... كثرت النقاشات فيه.... ومتابع من قبل الأعضاء... إلا انو نفس الأشخاص هنة يلي عم يشاركو فيه.... فمنفكر أيشوا السبب الذي يمنع البعض من المشاركة؟

- هل ما عجبن الموضوع؟ ( وما حدا يقول كيف ما عجبني وعم تابعوا؟!!!!... لأنا بتصير) أو قصدي انو أعضاء جداد دخلوا وبلشوا يأروه مثلاً...
- هل منن قادرين يدخلوا بمتل هيك نقاشات_ علماً أنها آراء وأفكار الأعضاء نفسن_ ؟

فالمطلوب... أو يمكن حل أو ما بعرف...
فيه أي عضو ينوّه بهالموضوع, وبعد الطلب من صاحب الموضوع, بإنو يفتح موضوع بألب موضوع .... قد تكون تكملة للموضوع, أو فكرة مشابهة وهيك بيتجدد الموضوع.. وقد يكون أسلوب فعال للمنتدى ككل... كي يبقى متجدداً....

ونورونا إذا غلطنا...

أترككم برعاية الله وحفظه... :)

والسلام عليكم

[Nader 3:16]

طيب خلونا بمسألة الفتور...

خلو حدا يطرح الافكار و نحنا مناقشها...كنت انا طرحتها لكن الان ما معي وءت..

و السلام عليكم

[دوكر]

يا هلا بالست شانزيمر سته.......
يسلمو ع الكلام الطيب........و الله يجعلنا متل ما بتظنو فينا.......
انا أريت جملة المعلم نادر ...معأنو كاتبا بخط زغير..........بس ؤلت ت نسمع رأيكن فيا أبلا .......بس محدا عم يحكي منا عارف ليش.......
من شان هيكا ح انطر الشباب و الصبايا .....رأيون و وجهات نظرون حابب اسمعا......
يعطيكن العافية .......
اخوكم دوكر المعوكر......

[الزاهر]

ولك فرئوني بئا............كل واحد ناطر البقية...........ههههههههههه


المهم...........بدكم نحكي عن الفتور..........رح احكي عن الفتور.........عصبتوني يا عالم!!!
بس ما رح يطلع معي حكي مهم لأني مني بجو بيساعد!!!

المهم........تاني مرة.......الفتور هو قلة مروة ........وسببو قلة الانشغال.........فاللي مشغول بيكون أكتر واحد بينتج.........اللي عطول مشغول بولادو بعيلتو بالعمل بكلشي.........هاد أكتر انسان بينتج ببقية المجالات اللي خارج مجال انشغاله الحالي.........لأنو هالزلمة بيكون صار عندو طريقة معينه في معالجة الأولويات والأعمال بشكل يقوم بالأولى فالأقل أولوية ...........فإذا الفتور سببه قلة الانشغال !!!...........فاشغل نفسك بالخير .........كيلا تشغلك "هي" بالسوء........ولا تقرب الأعمال البئيسة.........ولا تبدأ العمل إلا وأنت مقتنع بأنك قادر عليه وبأنه صحيح وخالص!!!


أما بالنسبة لأسباب الفتور التانية...........ممكن يكون أحد أسبابه إنو كان لك تجربة سابقة مع جماعة أو مؤسسة أو جمعية أو أو أو .........وكانت هي السبب في ابتعادك عن العمل..(وما أكثر هذه الحالات في أيامنا !!!!)...وهذا حله بإصلاح النية!!!

ومن الأسباب أيضا أن يكون هناك من ينغص عليك أعمالك.......ويسعى لإفسادها.........وكمان هاد حلو إنك تكون صاحب عزيمة قوية وما دمت على حق وواثق من نفسك.......فلا تسأل لا عن كلام العالم.....ولا عن حربهم عليك!!!

كمان من الأسباب إنو ممكن يوصل حد الإنشغال فيك لدرجة ما تعاد قادر فيها تحط أولويات حتى.........فبتصير تحس بيأس إنك تكون قادر تعمل كل هاد........فما بتبلش بشي منهم........ولك بلش بواحد وخلصو.........وهي بئي عندك مليون نائص واحد!!!

كمان من الأسباب (خاصة حاليا!!!).........الوضع بهالبلد...........بتفيء عإنفجار بتنام على مشكلة بمجلس النواب ..........بتفيء تاني يوم بيألك البابا صارت اليوم التكاسي بألفين ليرة بترجع عالغدا بتألك الماما صار مجمع الحليب بـ 17000 والسمنة بـ 30000 ودف السنكرز بألف.......والكندر بألف وميتين وخمسين ........والبنزين صار بهالأد ووووووو...........فشبدو يتحمل الواحد!!!


طيب.............شو بيكون موقفي من كل هاد؟؟؟

يا عمي الهمة لها ميزة.........متل الدماغ.......متل العضلات..........زكل ما مرنتها كل ما أويت.......شد همتك وكون هدفك واضح ونيتك صافية ولا أجمل من هيك...........كلو بيصير تمام............

كمان .........بس تحس حالك منك صاحب همة........كون على يقين إنو بكرا رح يكون عندك همة إن شاء الله.........

كمان..........يا زلمة ما تضرب راسك بصخور...........حجر معليش.........بس مو جلمود.......يعني ما تجي بدك تبلش بمشروع محو الأمية بالوطن العربي وحدك.........حط مشاريع على أد حالك والقادر عليه إنت وجماعتك اللي حولك!!!

طيب........أنو شو الفائدة من هالكلام؟؟؟؟

الفائدة :
1-اشغل نفسك ...........تزدد همتك!!!
2-لا تفقد الأمل أبدا
3-حدد أولوياتك
4-اعرف قدرك........ودورك!!!
5-تعلم مما مضى من تجارب (سواء معك أو غيرك) وضع المستقبل نصب عينيك!!!
6-كون جحولك جو (إصدقاء وزملاء وأصحاب ووو) يساعدك على رفع همتك......
7-لا تدور التلفزيون أبدا.........وهادي أهم واحدة!!!


السلام عليكم

[دوكر]

يا هلا بالمعلم أطر......
له له له.....نزعتا .....ما تركتلنا شي نحكاي ما شاء الله.......هههههههههههههه.............
يعطيكن العافية .......
اخوكم دوكر المعوكر........

[الريس]

أهلين بالمعلم مازن ، انت أبو الإلتزام ، بس عنجد من دون تمسخر ، انت ملتزم بشو ، يعني أنا بعرف انو الإنسان بقولوا عنو ملتزم بتجارة بدو يقوم فيها ، أو متلزم بموعد مع ناس بدو يجي عليها ، أو ...

هون عم ينحكا عن الملتزم بأوامر ربنا ، يعني ما بصير انت اتقلي انك ملتزم بأوامر ربنا ، بس في شغلات ما بتتنازل عنها وبتعملها متل الأغاني و.... انو بأيش ملتزم ، فهمنا ؟؟؟؟؟

عنجد ما قصدي لا تجريح ولا شي ، بس خلينا اناقش برواق

[دوكر]

يا هلا بالجميع......
حلو الكلام حول التطبيء عجبني .....هاجا لي نحنا بدنا نوصلو .........بدنا نحاول نكون من الناس لي بؤلو و بيلتزمو بكلامون...........و متل ما ؤال الريس.....الواحد بس يؤل انا ملتزم بشغلة بدو يحاول يكون ملتزم بكول الأشياء المتعلءا فيا......
يعطيكن العافية ........
اخوكم دوكر المعوكر..........

[دوكر]

يا هلا بالجميع.....
هلأ بصير خلصت حياة الملتزم عندكن؟.....
ت نشوف شبدنا نؤل اليوم ........
طيب......ما حكينا عن نوع من طريءة عيش الملتزم.......
الملتزم انسان الدين عندو يغعتبر بالدرجة الاولة .....بنسأ نواحي حياتو .....و عيشتو حسب متطلبات الدين.....الدين عندو هوا اساس الحياة ......اول الشي بأيا مسألة بسألو هوا ايشوا رأي الدين .....شبؤل الأسلام بهل الشغلة ......يعني بنزل الدين ابل ايا شي ع يا عمل بجو يعمل ......الدين هوا الأساس بحاياتو....
يعني بكون مثلا بدو يتفء هوا و الشباب ع طلعة ع الجبل....اه ايام النبعة و السيرانات .......ءام بؤلو بنطلع الساعة أربعة و نص........و هوا بيعرف انو الساعة اربعة و نص و خمسة بأدن العصر.....بؤلن بنصلي العصر و بنطلع..........او بنطلع و بنصلي فوق.........(لأنو في اقول انو الصلا بالبرية لها حسنات زيادة......)............
يعطيكن العافية ........
اخوكم دوكر المعوكر........

[الزاهر]

السلام عليكم ورحمة الله وبركاته.........
كانت عودة للموضوع بعد أن تُرك فترة طويلة........لأنبه إلى قضية أحسها كل يوم.....وأعيشها وإياكم ........ألا وهي "جدار العزل" ما بين الملتزم وغير الملتزم!!!
وكأنما مجتمعنا القلموني هو أحد المجتمعات التي تعيش هذه الظاهرة........فهي منتشرة في كل بلاد المسلمين........ويتكلم عنها الدعاة أنّا سمعت أو قرأت لهم!!!
وبداية أحب أو أقول بأني أحس بأن جيلا فارغا فكريا نشأ في السنوات الماضية.........والمصيبة الأكبر أن الجيل الذي أتى بعده غارق في الشهوات والمعاصي والتسافه وتضييع الأوقات هباء ..........جيل لا تغادر السيغارة بوزه.....جيل لا ينتشل السماعات من أذنيه عن نانسي وهيفا ووائل وغيرهم من المغنيين...........للأسف............لكن من السبب في ذلك؟؟.........تراهم جماعات في الشوارع........"مكوشين على بعضهم عطول"........فما يكون موقفي أنا من أدعي بأني الملتزم.........وهل هذا الجدار حالة طبيعية؟؟....أم هذا بالضبط ما نسعى لكسره!!!
بداية لا بد لنا بأن نذكر بأن الـ "منو ملتزم" هو مسلم.........فكما أشهد بأن لا إله إلا الله فهو يشهد بها......وكما أعلم بأن الصلاة والصيام ووووو من اركان الدين .....فهو كذلك على علم بذلك........لكن هناك ما يمنعه من تطبيق هذه المبادء والعبادات ...........
ومن الملاحظ أن بعضهم عندما تخبره بأنك مسلم وتحدثه عن النوافل وأهميتها .........فتتفاجء برده "شو أنا جاية أدحك عألله يعني؟؟.......بدك ياني اعمل منافق؟؟؟"..........ثم اكثر من ذلك......عندما يشاهد رفيق له ممن يعتبر غير ملتزم يصلي مثلا.......فإنه يبادر دوما إلى قول :"الله ما فيك تدحك عليه.....روح دحاك عغيرو!!!........جاية يصلي آل!!!!"

ثم تراه يظن بأن الأمر واحد من اثنين.........إما تقى وورع وزهد ...........وإما معصية وفسوق ومجون ..........يا أخي لا........لا تساس الأمور هكذا!!!........فأنت ولو كنت غير ملتزم فلا داعي لأن تدعو للمعصية.........لا داعي لأن تروج لها بأن تقوم بها علنا!!!........فما أصعب الرجوع عن المعصية إذا جاهرت بها!!!........خصوصا وأنك صرت مشهورا بها!!!

ومن أهم المصائب التي يواجهها الـ "غير ملتزم" هي استهوانه للمعاصي ......يا أخي مهما كانت المعصية.....فهي غلط......ويجب أن لا تستهين بها!!

وسبحان الله.........ترى أحدهم مستيقظا حتى طلوع الشمس.......(وأنا منهم بالصيف يعني!!!)......ولا يستغل الفرصة ليصلي الصبح حاضرا........أو فرصة انه في الثلث الأخير من الليل فيدعو ربه أو يصلي !!!!...........وهو أحوج الناس لذلك لما عنده من المعاصي ..........فالحسنات تذهب السيئات!!!!

كما أننا يمكن أن نلاحظ بأن الـ "غير ملتزمين" يتفننون في ابتكار الأعذار والأساليب ليبرروا لأنفسهم وليحتالو على الدين......فلو أننا استطعنا أن نسخر هذه الموهبة لصالحنا لحزنا كنزا عضيم!!
طيب يا عمو..........تقول بأنك غير ملتزم وتسعى للالتزام........فمذا تفعل حتى تصل؟؟.......هل تجلس متربع وتنتظر؟؟.........أم تساعد من يمكنه بأن يوصلك ولو بالقليل.......أو أن تساعد في احقاق الحق ومساندة من تعتبره ملتزم..........وهنا تمر على مخيلتي قصة قرأتها يوما....عند فتنة خلق القرآن .........وعندما أخذ الإمام أحمد رحمه الله ليجلد.......التقفه رجل وسأله " أتعرفني؟؟؟" فأجابه بالنفي. ثم قال له أنا أبو اسحاق، لص قاطع طرق .....جلدت وجلدت وجلدت ولم يردعني ذلك......أنا جلدت لسرقة......وأنت تجلد لقولك الحق......فأنت أولى مني بأن تثبت وتصبر!!!!
هذا لص قاطع طرق (مش منو ملتزم وبس!!!!!) يدعم الإمام معنويا وهو ذاهب ليجلد!!!.........فمهما كان لك تاريخ سيء.......يمكن أن تستثمره في أن يكون دليلا ومثالا عمليا واقعيا ........وهذا من أهم الأمور وأكثرها تأثيرا في من كنت من امثالهم يوما!!! (هاد عم احكي عن اللي منو ملتزم بس عارف إنو مغلط وعم يسعى للصلاح!!!.....فهاد صاحبنا سابئ الجماعة اللي بالدرك الاسفل من عدم الالتزام!!!)

طيب..........كيف بتكون علاقتي أنا اللي مدعي إني ملتزم مع اللي منن ملتزمين؟؟.....هل أقاطعهم؟؟.....أم أتقرب منهم؟؟

بداية لنتكلم عن هذا الجدار.....جدار العزل.......لماذا نظن بأن الملتزم في جهة.......وغير الملتززم في الجهة المقابلة........يا أخي لا ..........لا وألف لا..........نحن وإياكم نقف في الجهة نفسها........لكن من يقف في الجهة المقابلة هو من يسعى ليكون هذا الجدار بيننا وبينكم.......هو من يسعى لتفريق الصف الاسلامي.........ولهدم ما تبنيه السواعد الاسلامية!!!
طيب.........شو السبيل أو شو الحل........الحل بأن نتقرب منهم ظاهريا ونكسر هذا الجدار.......فالحب الظاهري يمهد لحب باطني ........ومتل ما هالزلمة محتاج لحدا يمسك ايدو ويسحبو من المستنقع.......فأنت محتاج له لأن يكون ميدان عمل صالح تضعه في كفة ميزان حسناتك.......قال الله سبحانه :" ومن أحسن قولا ممن دعا إلى الله وعمل صالحا وقال إنني من المسلمين" .........ومما قال رسول الله صلى الله عليه وسلم :"ولأن يهدي الله بك رجلا خير لك من حمر النعم" أو كما قال.......

لكن هناك مشكلة بأن الغير ملتزم يملك من الأساليب ما يحطم عزيمتك......فهو دائم السخرية منك...........سواء بالكلام الجارح أو بطرح الشبهات عليك في الاجتماعات ليحرجك أو أو أو ........فهو ماهر ومبدع في ذلك!!!
وأيضا من الجهة المقابلة.......من الممكن أن يولد هذا الجدار نوعا من الكبر والاستعلاء وشوفة الحال عند الملتزم على غير الملتزم!!!.......كما ويفاقم ذلك التصرفات آنفة الذكر!!!.......والأخطر من ذلك أن تؤدي كل هذه الأمور لأن يتوقف الملتزم عن محاولة إصلاح أخيه الغير ملتزم......وبأن يعرض عنه ويبتعد عنه وعن كل ما يختص به.......ويكوكش على اللي من أمثالو من الملتزمين!!!...........يا زلمة!!!.........ولا وين الأمر بالمعروف والنهي عن المنكر!!!


طيب.........فإذا نحن بحاجة .....بل بأمس الحاجة حاليا لأن نحطم هذا الجدار ولأن نعزز اللقاءات والمناقشات والحوارات والجدالات حتى!!!.....فمع بقاء هذا الجدار........الجميع خسران............الملتزم الذي همه الدعوة.......فلم يجد مجالا لها.........والغير ملتزم لأنه لم يُنتشل من المسنقع الذي هو فيه!!

طيب......في أجمل منها هيك لقاء يضم شباب من كل الفئات والتوجهات.........نأعد عرواء نحكي بمواضع......نناقش.......نشوف كل واحد شعندو عالتاني.......هيك الكل بيستفيد.........الملتزم يتعلم ما هي أخطائه وما هي العقبات التي منعته من تحقيق هدفه........والغير ملتزم يعلم بشكل واضح ما هو هدف الجهة المقابلة...........ويجب أن تعم الصراحة في هكذا حوارات.......كما الموضوعية والعقلانية........فإن دلني على خطأ فيّ وكان محقا .........لا أنكر ذلك عن نفسي.....بل أبين له بأني لست معصوم عن الغلط!!!......وأنا في سعي لأصحح ذلك!!!

طيب رح نمر مر سريع عالأسباب اللي بنيت هالجدار:
1 - إنو الملتزم بيظن إنو هو لازم يكره الغير ملتزم لأنو منو عم يطبق الدين .........يا أخي اكره فعلو ما تكرهو هو!!!
2 - أن الملتزم يظن بأنه إن ضرب صحبة واحد غير ملتزم بدو يصير متلو.....وإنو هاد من صحبة السوء....من أجل ذلك يبني جدارا بينه وبينه ليحمي نفسه.....طيب ما دمت ملتزم ما لازم تكون أد حاك وتكون إنت اللي عم تشع نور وإيمان وتعديه........ليش لحتى هو اللي يعديك؟!
3 - تصرفات غير الملتزم المشينة من استهزاء بالملتزمين ومعاداتهم ونشر ذلك بين الناس.......بدكم أكتر ما إنو بجنازة المرحومة أمل البغدادي مر بقربي شاب وأنا واقف أمام المقبرة في مكان مشرف عليها وقال لصاحبه وهو يحاوره:"شايف هادال..........كلن كذابين!!!.......كلن بدون استثناء"
4 - المنغصات التي دسها محاربو العمل الاسلامي الدعوي في كافة وسائل الوصول للشباب سواء كانت ما يشغلهم بشهواتهم أو يشغلهم عن قضاء أوقاتهم بما هو في الصالح العام!!!

وما طلع معي شي أكتر من هيك..........ويعطيكم العافية...ولا بألكم...خلونا نكفي شوية كيف السبيل لكسر الجدار لكن هالمرة شيلونا من ملتزم وغير ملتزم وتحليل جدران وكنكريت وباطون مسلح وغير مسلح!!!.........خلونا بحالنا هلأ.........أنا كيف لازم كون لخلي العالم تستحلي تكون متلي!!!!!....وخلي الناس تتقرب مني!!! كيف لازم حضر حالي لحتا كون عندي مناعة من فيروسات التنكيل!!!.....

بالمشاركة الجاية!!!

[الزاهر]

رح مر على أهم أخلاقيات المسلم.........واللي بيطلع معنا بيطلع ......ومن محل فينا نستفاد منستفاد.....اللهم يسر لي وسدد قولي.....


وأبل ما بلش بحب أول إنو هادي شغلات ما بتجي هيك.........بدك تعلمها لنفسك......صحيح بدها وئت كتير ومثابرة...لكن مع الوئت بيمشي الحال إن شاء الله!!!

الحياء: سبحان الله.......وكأنما الحيي عطول بيكون حي الضمير متواضع بيحب الرواء وشاعري لأقصى الدرجات..........والواحد لازم يستحي من ربنا سبحانه وتعالى بأن لا يعصيه بما نهاه وأن يأتمر بما أمره به لعلمه بأنه خير له .....كما أنه يستحي من رسول الله صلى الله عليه وسلم بأن يطبق سنته ويعيشها ولا يخالف ما وضعه لنا الرسول الأكرم من منهج حياة .........كما أنه (أي المسلم) يستحي من أن يتلفظ لسانه بالكلام النابي ويستحي بأن يتعامل مع الناس على غير خلق الاسلام ويستحي من أن ينشغل في سفاسف الأمور ويترك الكبير منها!!!........واللدي لا يستحي يقع في المعاصي والشبهات إلخ إلخ إلخ..........ولك شبدك بهالأصة يا عمو.......خليك بتستحي أحسنلك!!!

قيل في الحياء:
علي رضي الله عنه :"من كسى بالحياء ثوبه لم ير الناس عيبه"

الرسول صلى الله عليه وسلم :" الإيمان بضع وسبعون شعبة (أو بضع وستون) فافضلها قول لا إله إلا الله وأدناها إماطة الأذى عن الطريق ......والحياء شعبة من الإيمان" (متفق عليه)


الزهرد: الزهد إنك تترك الشغلات اللي بترغبها عادة وليس فيها فائدة إلا فائدة دنيوية........وأن تتوجه إلى ما فيه خير لك في أخراك!!!
طيب كيف هيك يا زلمة.........السبيل لذلك بأن تتيقن بأن الدنيا سريعة الزوال......كم مرة جدك ألك يا جدو عم احكيلك أصة من وئت كان عمري 16 سنة.......بس كأنها صارت مبارح!!!..........وأن تتيقن بأن ما ستناله أعظم وأدوم وأفضل لقاء تركك لملهيات الدنيا!!!

قيل في الزهد:
ابن القيم رحمه الله:"إن الزهد أقسام : زهد في الحرام , وزهد في الشبهات , وزهد فيما لايعني من الكلام والنظر والسؤال واللقاء , وزهد في الناس , وزهد في النفس , وزهد جامع لذلك كلّه : وهو الزهد فيما سوى الله وفي كل ما شغلك عنه"

الله سبحانه وتعالى:"زُيّن للناس حب الشهوات من النساء والبنين والقناطير المقنطرة من الذهب والفضة والخيل المسوّمة والأنعام والحرث ذلك متاع الحياة الدنيا والله عنده حسن الثواب . قل أؤنبئكم بخيرٍ من ذلكم للذين اتقوا عند ربهم جنّات تجري من تحتها الأنهار خالدين فيها وأزواجٌ مطهّرة ورضوان من الله والله بصيرٌ بالعباد " هادال كانو بسورة آل عمران ......بأوائلها


الكرم: الكرم مراتب........تنازليا على الشكل التالي الجود - السخاء - الإيثار - الانفاق وأنو وماشيين.......والكرم من أهم الصفات عند المسلم.......فهو يعطي مما يحب وينفق ويتصدق بسخاء.........لأنه على علم بأن ذلك سيزيد من عطايا الله له (بعكس ما يظن البعض)

قيل في الكرم:
الله جل جلاله:"لن تنالو البر حتى تنفقوا مما تحبون" كمان في عنا "وما أنفقتم من شيء فهو يخلفه "
بالمشبرح.......إنت شيل من جيبتك وفي مين متكفل يحطلك بدالهم أضعاف مضاعفة!!!

الإمام الشافعي:"أجود بموجود ولو بت طاويا *** على الجوع كشحاً والحشا يتألم"


العدل: أنّا ضاع العدل فُقِد الأمن.......ما هيك يا زغرتية؟؟........بدك تعيش مبسوط، اعدل.......في أحلا منها تكون مظلوم وتاخد حأك....طيب تخيلها عاللي بيشتغل عندك.......أو عأولاد أو أزواجك أو أو أو.....يا عمو هاد ميزان.....ميزان ربنا عالأرض..........منشان هيك الميزان هو رمز للعدل.......وو ميزان ربنا لأنو يؤخذ به للضعيف من القوي , والمحقّ من المبطل.........ما هيك؟!.............
طيب.........بدك تكون ممن يظلهم الله في ظله يوم القيامة.......سهلة.......إعدل تكن منهم (إمام عادل.....ذاكرين الحديث؟؟)...........بدك الناس تحبك اعدل.....وما عدلت رح يكرهوك.........لا تعزب راسك!!!!

قيل في العدل:
الله جل وعلا: "إن الله يأمر بالعدل والإحسان........." (النحل)
وقال :"وأقسطوا إن الله يحب المقسطين" (الحجرات)


الصدق: ما أجمل أن يكون الإنسان صادقا.......فهذا مدعاة للطمئنينة........ولعل أحسن الكلام ما كان صدقا نافعا.......فلقد جمع الصحة والنفع!!!........والصدق خلق الأنبياء.........وحجتهم على الناس.......فهلا ترغب بالتشبه بهم؟!!.........ومن الصدق الصراحة........ولا شرأيكم؟؟!!

قيل في الصدق:
الحسن بن علي بن أبي طالب (رضي الله عنهما):" حفظت من رسول الله صلى الله عليه وسلّم . دع ما يريبك إلا مالا يريبك , فإن الصدق طمأنينة , والكذب ريبة "

عمر رضي الله عنه " عليك بالصدق وإن قتلك "

الله تعالى : "واذكر في الكتاب إسماعيل إنّه كان صادق الوعد وكان رسولاً نبيّا" هادي بسورة مريم

رب العزة:"ليس البر أن تولوا وجوهكم قِبَل المشرق والمغرب ولكن البر من آمن بالله واليوم الآخر والملائكة والكتاب والنبيين وآتى المال على حبه ذوي القربى واليتامى والمساكين وابن السبيل والسائلين وفي الرقاب وأقام الصلاة وآتى الزكاة والموفون بعهدهم إذا عاهدوا والصابرين في البأساء والضراء وحين البأس أولئك الذين صدقوا وأولئك هم المتقون" وهادي بسورة البقرة


الأمانة: يا زلمة شو تئـــــــــــيلة............إذا الجبال ما رضيت تحملها!!!!......ولك السماوات والأرض!!!........إنو بس الجبال يعني!!!

إنا عرضنا الأمانة على السماوات والأرض والجبال فأبين أن يحملنها وأشفقن منها وحملها الإنسان إنه كان ظلوماً جهولا (الأحزاب)

ومضيع الأمانة ليس إلا لئيم وجاحد!!!.........ومن آيات المنافق "وإذا أتمن ....خان".........يا زلمة إذا عيلتك أمانة........الشغيلة عندك أمانة.......تلاميذك أمانة.......دراستك أمانة........تأدية عملك أمانة.......جسدك أمانة يا زلمة......وشبك تحمل لتحمل!!!.......

الرسول صلى الله عليه وسلم إئتمنته قريش على أموالهم وهم يحاربونه.......فتخيلوا_يا رعاكم الله_الثقة التي تولدها الأمانة!!!
يا زلمة هو في غير الأمانة تأديها للي منيح معك وللي ظلمك........آه في......هههههه.........العهد وصلة الرحم!!!!..........مدري كيف الأمانة هي عدل وصدق وحفظ سر وإيفاء وعد وأمر بمعروف ونهي عن منكر.........كوكتيل يعني........مين عازمنا عندو اليوم عالكوكتيل؟؟!!

كيف بك تحب من لم يحفظ امانتك.......كيف بدك تعيش ببلد ضُيعت فيه الأمانات والكل همو ما تحت الطالة وكيف يزيدو........موظف دولة بيأبض بالكاد 800 ألف بالشهر عندو فيلا وباث فايندر وولادو بالبلمند........والأمين معتر مشحر.......لكن الفرق......هاد سيحرق بالفيلا والباث فايندر.......وهاداك رح يتنعم !!!!


الحلم: يا زلمة هاد خلق عظيم...............أنك تكون حليم (...::والله شتأنالك يا زلمة::...) معناتو أنك لا تأبه بالذي ينهرك.......واثق بنفسك......تكظم غيظك تعفو وتصبر على الإسائة!!!......وصدق من وصف الحلم بـ "سيّد الأخلاق"..........يا عمي هو سمة وعلامة ودليل وبرهان وبيان لصبر صابر واحتساب محتسب!!!!..........إنك تكون حليم....... معناتو أنك تعفو عن أخيك وتلتمس له الأعذار.......وتدعو له "ولنفسك" بالهداية والصلاح .........وترد نفسك عن الكبر والحسد والسوء!!!........الحليم هو الذي "لا" يعشق الإنتقام ولا يحقد ولا يحمل في قلبه ضغينة!!!

قيل في الحلم:(وهون رح يمر نص تواقيعي......ههههه)

الإمام الشافعي:"يخاطبني السفيه بكل قبحٍ *** فأكره أن أكون له مجيبا
يزيد سفاهةً فأزيد حلماً *** كعودٍ زاده الإحراق طيبا "

كما وقال:"إذا سبني نذل تزايدت رفعـــة *** وما العيب إلا أن أكون مساببــه
ولو لم تكن نفسي عليّ عزيـزة *** لمكنتها من كل نــذل تحـاربـه
ولو أنني أسعى لنفسي وجـدتني *** كثير التواني للذي أنا طــالبــه
ولكنني اسع لأنفع صـــاحبي *** وعار على الشبعان إن جاع صاحبه"


الصبر:هاد التاني كمان........أديش صعب لكن عاقبته روعة!!!.........
يا زلمة بهالدنية في غير المصائب.......المحن.......ولك بهالبلد بتعتل هم الماضي مو بس المستقبل والحاضر.......ولك مين منا ما متلو حبيب ........من منا لم يفارق قريب.....من منا لم يمسه المرض......لكن الصبر للمؤمن علامة......وللراضي بقضاء الله وقدره وسام ..........الصبر، صبر على طاعة ......وصبر على معصية.........وصبر على بلاء........لكن وكما ذكرنا......ما جزاء الصبر إلا جزيل العفو............

فلقد قيل في الصبر:

الله جل جلاله وتقدست أسمائه :"يا أيها الذين آمنوا اصبروا وصابروا ورابطوا واتقوا الله لعلكم تُفلحون " (هادي بآل عمران).........بس بدي تلاحظو ختام هالآية........واللي بعدها

"....وبشّر الصابرين . الذين إذا أصابتهم مصيبة قالوا إنا لله وإنا إليه راجعون . أولئك عليهم صلوات من ربهم ورحمة وأولئك هم المهتدون" (البقرة)...........لاحظتو......عطول للصبر جزيل جزاء !!!

وقال صلى الله عليه وسلم: "ما يصيب المسلم من نصب ولا وصب ولا هم ولا حزن ولا أذى ولا غم , حتى الشوكة يشاكها إلا كفّر الله بها من خطاياه " .......حتى الحديث نوه لهذه القضية!!!

كما وقال:" عجباّ لأمر المؤمن إن أمره كلّه خير وليس ذلك لأحدٍ إلا للمؤمن ........... إن أصابته سراء شكر فكان خيراً له .............. وإن أصابته ضراء صبر فكان خيراً " أو كما قال!!!


التواضع:ما من نتيجة للتواضع غير الرفعة والشرف والاحترام.........فالتواضع عبادة جليلة ، وعادةٌ حميدة .........أن تكون متواضعا يعني أن تكون لينا (لَيِّنًا.....مو لينا!!!).....مع الصغير والكبير......والمسيء والمقصر .......هو الكلمة الحسنة الهادئة الهادفة والابتسامة الصادقة النزيهة والخطوة المتزنة الثابتة .......كما وهو المعامة الاسلامية!!!..........أنت متواضع عندما تساعد أهلك في شؤون بيتك.......وعندما تسلم على الصغير وتبتسم له وتوقر الكبير وتسانده.........


الشورى:الإنسان فقير بنفسه , غنيٌ بإخوانه وأقرانه ............والناس ثلاثة أنواع.......رجل رجل......وهو صاحب الرأي والمشورة.........والرجل نصف الرجل.......وهو صاحب الرأي الذي لا يشاور.......والرجل الذي ليس برجل.......وهو من لم يكن صاحب رأي ولم يشاور.......والمتفرد برأيه لن يجد من يدعمه عندما تلم به نائبات الدهر.......لأنه كره مشورة الناس فكرهوه!!!
ولقد أر ربنا سبحانه وتعالى رسوله الكريم بمشاورة اصحابه "وشاورهم في الأمر" وهو _صلى الله عليه وسلم_ قدوتنا.......فلتكن المشورة منهاجا لنا...........وهنا أضيف بأن الاستشارة والاستخارة من أهم الأمور .........فإن التبس عليك أمر استشر واستخر .........ولن تندم بإذن الله!!!



وأختم إذ أقول:اللهم قد أكرمتنا بالإسلام...... وأتممت به النعمة علينا........ ورضيته لنا ديناً........ اللهم فثبتنا على الإسلام........ وأحينا على الإسلام........ وأمتنا على الإسلام........ واجعلنا من دعاة الإسلام........ ومن جنود الإسلام........ رضينا بك اللهم رباً........ وبالإسلام دينا...... وبمحمد_صلى الله عليه وسلم_ نبيا ورسولا........ اللهم أحينا على سنته........ وأمتنا على ملته........ واحشرنا في زمرته........ وأدخلنا الجنة في معيته........ مع الذين أنعمت عليهم من النبيين والصديقين والشهداء والصالحين........ وحَسُن أولئك رفيقا، واسقنا اللهم من حوضه شربة لا نظمأ بعدها أبدا.

[دوكر]

يا هلا بالمعلم أطر........
عارف شغلة انو مشاركنك هادي ....كأنك عم تؤلنا سكتو....و مؤ حدا يكتب شي........ههههههه.....طيب انو هادا شغل؟.........
يعطيك العافية......
اخوكم دوكر المعوكر......

[دوكر]

يا هلا بالجميع......
ت نرجع شوية ع الفكرة لي ؤلت انا ابلا ........و لي هيا ارتباط وءت الملتزم بالأوءات المقدسة ازا صح التعبير......و كمان بدنا نضيف ارتباط الملتزم بالمحلات و الأماكن المقدسة ...........
الملتزم منو كائن عايش لوحدو و ما ح يدء باب الألتزام و يفوتو ع غرفة فيا ملتزمين و شباب طيبة بس........بدو يعيش بهل الدنية بس منو متلو متل غيرو .......في كتير اشياء بتميز حياة الملتزم ......و منا المحلات لي بتكون حياتو مرتبطا فيا ........بكون عندو ارتباط بالجامع.......بالمكتبة الأسلامية ازا كان فاي .......بمحل تحفيظ القرآن ........و .....و.......بكون عندو نوع بالتميز بالمحلات لي بتلاءاي فيا ..........
و كمان في الأوءات لي بتلاءاي فيا .........بتلاءاي بالجامع وءت الصلا........بتلاءاي ازا في محاضرة بيحاول يكون موجود.........
يعني بأختصار الملتزم عندو ارتباط بأوءات و اماكن .........
هادا غير ارتباطو بأشياء .....و مفاهيم لي هيا بتكون اساس الدين و المفاهيم لي بيحملا و بكون ملتزم فيا ..........

يعطيكن العافية ......
اخوكم دوكر المعوكر........