المساعد الشخصي الرقمي

مشاهدة النسخة كاملة : مشاريعنا للسنه الجايه


محمد أحمد الفلو
03-01-2008, 01:59 PM
آخر مره بحضر فيا إجتماع كانت من شي 3 سنين مع الأخ رباح
يوما كان ليلة راس السنه واقترح علينا كل واحد يكتب على ورقه مشاريعو للعام القادم
مشان السنه الجايه نراجع نفسنا ونشوق شحققنا من هالأهداف

يلا خلونا نكتب مشاريعنا للسنه الجايه . ونسكر الموضوع بعد أسبوع
والسنه الجايه كل واحد يعلق على مشاركتو و إديش حقق منا
و أنا ببلش بالليل ان شاء الله
fadi
03-01-2008, 03:08 PM
و أنا ناطر مشاريعك الحلوه و العجيبه يا أخ حميطون
محمد أحمد الفلو
03-01-2008, 10:32 PM
والله ما دام ما حدا ناوي يقترح مشاريع ... أنا رح بلش إقترح عليكن مشروع ... و صالح للغالبية القصوى من رواد المنتدى

أكيد ما في ولا واحد منكم إلا وكان حافظ شي كم سورة أو كم جزء من القرآن الكريم ... و هلق نسين أو نسي أكترن !! ليش ؟ قلة مروه عالمراجعة مع إنو الرسول صلى الله عليه وسلم بيقول

"بئسما لأحدهم يقول: نسيت آية كيت وكيت، بل هو نُسي، استذكروا القرآن فلهو أشد تفصِّيًا من صدور الرجال من النعم بعقلها"


وفي سنن أبي داود والترمذي عن أنس مرفوعا ** عرضت علي ذنوب أمتي فلم أر ذنبا أعظم من سورة من القرآن أو آية أوتيها رجل ثم نسيها }


وفي التنزيل { وقال الرسول يا رب إن قومي اتخذوا هذا القرآن مهجورا }

من هالأحاديث والآية بيتبينلنا عظم ذنب نسيان آيات أو سور من القرآن الكريم ... أما المغريات للحفظ فهي كتير كتيره
أولها إنو الرسول صلى الله عليه وسلم بيقول:


أهل القرآن هم أهل الله وخاصته ....

و قال كذلك :


خيركم من تعلم القرآن وعلمه


أما بالنسبة ليلي الله بيوفقوا و بيعينوا يكمل حفظ كل القرآن فالرسول صلى الله عليه وسلم بيقول "مَثَلُ الَّذِي يَقْرَأُ الْقُرْآنَ وَهُوَ حَافِظٌ لَهُ مَعَ السَّفَرَةِ الْكِرَامِ الْبَرَرَةِ" [ البخاري 4556 ] .

و انا متل مني ملاحظ إنو أكترية الأعضاء بالمنتدى مسافرين ... يعني عندن كتير وقت فراغ ... وبلا ما نضيعوا كلو عالشات والفيس بوك ... خلينا نبلش نراجع قرآن ... كان عندي دكتور بالجامعة قلي إنو رحفظ أكتر القرآن ب فرنسا !!

وبعد الخبرة ... وبما إنو القصة منا سهلة بدون مجموعة بتتعاون مع بعضا ... فينا نشكل مجموعة بالمنتدى ... كل واحد بيقول أول شي كم سورة أو جزء حافظ ... وكل ما يراجعلو سورة بيقلنا عالمنتدى ... و هيك منتشجع ببعض.
هلق ما حدا يقلي هادا بيصير رياء !! والله أنا ما باعتقد ... لأن هادا الهدف منو التعاون على البر والتقوى بإذن الله

وبالنسبة ليلي مراجع هلي حافظن ... بيبلش يحفظ شي جديد ... ويلي حافظ كل القرآن ( الله يتقبل مننن) فبيبلش قراءة تفاسير .. وأنا ناوي خلص قراءة في ظلال القرآ ن مع نهاية الدكتوراة

وكل ما خلص جزء بخبركن ... بس بدكن نلقي الظلال بالجامع و يعيرونا ياه .. ونلقي حدا يشجعنا

أنا هادا هلي عندي ... فرجونا شعنكن
دوكر
14-01-2008, 12:22 PM
يا هلا بالجميع...
حلو هل الموضوع ...و كتير مهم...
و يا ريت يا معلم جابر توضحلنا المشروع المطروح اكتر...
يسلمو...
يعطيكن العافية...
اخوكم دوكر المعوكر...
دوكر
16-01-2008, 01:05 AM
يا هلا بالجميع...
يا هلا بالمعلم جابر ...هلا فهمت لي كنت عم تعملو...كتير عجبتني الفكرة....
طيب انا ح بلش معكن ان شا الله....
وينك يا معلم حميطون...شجعنا...
يعطيكن العافية...
اخوكم دوكر المعوكر...
محمد أحمد الفلو
16-01-2008, 01:13 AM
الله يبارك فيك اخ جابر
بس الهيئه إنو ما حدا ناوي يشارك

حتى إنت م خبرتنا إديش حافظ و كنك مراجعن .... يعني مشاركتك بالموضوع ما فهمتا

وضح اكتر


بس و الله غريب كل الشعب شارك بموضوع هشام عن إمتحان العربي وكتب علامتو بس هون لسا ما حدا شارك
محمد أحمد الفلو
19-01-2008, 10:58 PM
يا شباب الأخ جابر هو الوحيد يلي بيقرا قرآن بيناتكن ... والا عم تهربوا من الموضوع

طيب ما دام هيك ما حدا ناوي يشارك ... الأخ جابر عم يكتب شعم يراجع كل يوم من حفظو

إنتو شو ... ولا حدا بيقرا ... ولا حدا كان حافظ قرآن ...

يعني شوفو موضوع هشام عن اللغه العربيه ... كلكن حطيتوا علاماتكن ... مع إنو هو منو عاجبو الإختبار

بس هوني الفكره جديه والله بس ....

على كل الله يثبتك يا أخ جابر

وهي هيك .. قولة أخي خالد ... من كل جيل تنين أو تلاته

الله يثبتنا
Nader 3:16
20-01-2008, 12:45 AM
شباك معصب يا حميطون.......؟؟؟
طول بالك شوية عالشباب.....

معليش شارك معكن انا كل يوم براجع يا اما بالقراءة يا اماّ بالاستماع...و الاثنين مفيدين و مجربين....

مثلاً بالاستماع كل سورة براجعها حسب البشيخ يلي قرأها اجمل شي...
رح اعطيك امثال....

اذا بدي راجع النجم القمر الرحمن بسمع الشيخ شعيشع
اذا بدي راجع الحديد الشيخ صديق المنشاوي
اذا بدي راجع الصافات بسمع الرزيقي
اذا بدي راجع مثلاً الروم او النمل بسمع الحصري......
يعني وهيك و الحمد لله كتييييييير عم استفاد و كمان بنفس الوءت بتكون عم تسمع التجويد صحيح .....

يعني انا هيك طريءتي و الحمد لله عم استفاد...

و بارك الله بالجميع....و ما تآخذنا يا حميطون تأخرنا عليك بالرد ...بس بسيطة
محمد أحمد الفلو
28-01-2008, 01:51 PM
رح كمل المشروع أنا وجابر ... أنا مبارح بلشت الختمه
بخبركن لما تخلص ان شاء الله
أيمن غ القلموني
06-02-2008, 02:04 AM
الحمدلله إني حافظ كمية جيدة من القرآن الكريم ، وإن شاء الله حإبدي راجع من سورة الأنفال وكل ما خلص مراجعة جزء أو أكتر حؤلكون. أدعوا لي بالتوفيق .
يلا يا شباب وصبايا إتشجعوا .
مشكور محمد على الموضوع ، عنجد مميز وخاصة للي مسافرين .