فليتذكر كل ما ٌرأ على الحيطان!!

[المهند]

ربما شاهد كثير منا جملا مكتوبة على الحيطان انى مشى فى القلمون او فى الازقة او فى شارع مكان عمله..هذه الجمل كتبتها احيانا ايادي الاطفال ..واحيانا يكتبها مراهق عاشق او ..او ... فليتذكر كل منا ما قرأ وليكتب الجملة التى طالما شاهدها يوميا امام عينه حتى حفظها على صفحة قلبه وفي ذاكرته..سأكون أول من يكتب احدى هذه الجمل..فعلى حائط فى القبة حيث كنت اعمل اول الامر ما زلت احفظ جملة كانت مكتوبة في اسفل حائط في ساحة القبة:"حياتي دالية"..بانتظار جملكم التي طالما عاشت معنا وفي عيوننا يوميا..

[دوكر]

يا هلا بالمعلم المهند ....
واو ...ما شاء الله حلو هل الموضوع......
هلأ ازا بدك في كتير جمل ءاريا ع الحطان.....بس كتار منون ما بينؤلو هوني ههههههههههه و هدولي اكتريتون بالؤبة.......
تبعون الألمون.......في واحدة متزكرة .......ما بعرف كنا أساتا ....حدا يطل يشفلي ياها......
تأريبن ءبال ابو أحمد الحلاء.....
و هيا اسم شخص "غالب الكلية ".....

حدا يشء عليا و يشفلنا كنا أساتا.....
يعطيكن العافية .....
اخوكم دوكر المعوكر.....

[المهند]

شاهدت في ابى سمراء أغرب جملة لزجر الناس الذين يرمون الزبالة في الشارع !!..مكتوبة على يافطة عند الخطاط كمان..ههههههههه..الظاهر اول يافطة انحطت ما نفعت لانو كان مكتوب عليا:"حفاظا على حرمة المسجد يمنع رمى النفايات هنا"..بس تانى يافطة كانت عنيفة جدا لانو الظاهر فى بعض الناس ما فهمت وبقيت عم ترمى الزبالة امام واجهة مسجد الايمان تماما ومقابل الباب ومكتوب عليا :" اتم افتتاح معهد لتعليم الحمير!!العنوان هنا" وحاطين سهم بالاحمر العريض صوب الاسفل نحو الزبالة المرمية بالارض!!هههههههههههههه..هلا بالسيد دوكر المعوكر..

[الزاهر]

ثاقب...........مر من هنا!!!

[مصطفى معتوق]

اهلين بالمهند ومواضيعو الحلوة


اهلين اخي دوكر :

اخر مرة مرقت فيها من جنب بيت خالتي وشفت هالجملة الشهيرة تاعيتك يلي هي حسب ما بذكر

: العامل الكادح غالب كلية في خدمة الشعب العربي ( صهر بسيمة ميناوية )

[دوكر]

يا هلا بالجميع...
في جملة الكل لازم يكون اريا ...
بمحلات كتير كنا نشوفا...
"ممنوع لصق الأعلانات تحت طائلة المسؤولية"...
و جنبا كلشي أعلانات بالدنيا محطوطة...
يعطيكن العافية...
اخوكم دوكر المعوكر...

[دوكر]

يا هلا بالمعلم معتوق...
اه ...هادي هيا...و كان في تحتا كومة زبالة...ههههه...
يعطيكن العافية...
اخوكم دوكر المعوكر...

[مصطفى معتوق]

هادي العبارة كانت مكتوبة على حيط بيت الميناوي جنب الدرج يلي بيطلعك من الطريق العام على الحارة يلي فيها بيت الدكتور هلال ( الله يرحمو )

من راقب الناس مات همن


على فكرة هي مكتوبة بهاد الشكل وكن كل ما اقراها اضحك على النون المنتوعة بالاخر .

[مصطفى معتوق]

عحيط النورث كان مكتوب :


تحيا سوريا

[مصطفى معتوق]

عحيط البرندةتاعت بيت علي الابيض المطل على ساحة القهاوي عبارة مكتوبة باللون البني وعمرها شي 25 سنة :


هذه المقاومة اسلامية وليست وطنية ..... والباقي ممحي من عوامل الزمن

[مصطفى معتوق]

ثاقب...........مر من هنا!!!




يا ريت يا شباب كل واحد يذكر عاي حيط متوبة العبارة


ويا مهند عبارات عحيطان القلمون منو شمكتوب ع حيطان كوسوفو

[مصطفى معتوق]

عحيط بيتن لدوكر !!!!!!!!!


مكتوب نجاة بدور وكنت كل ما مرقت من هونيك انا وصغير كنت اتسائل : هل هناك نجاة بدور غير خالتي المسافرة ؟؟؟؟

[fadi]

في جمله مكتوبه بالنفق تحت الأوتوستراد و هي :
خيبر خيبر يا يهود جيش محمد سوف يعود
و في كتير جمل مكتوبه كمان بس منّي متزكرا

[Nader 3:16]

على حيط السماقة...مكتوب اسمائنا ...كنا كتبناها وئت ما كنا نئوم مناّ!!! كانت كتل بيتنا !!!

ياي ما احلاها هذه الايام:)

[fadi]

الجماعة الإسلامية
الى أين ؟

هذا ما كتب على حيط منزل الدكتور رفعت رحمه الله

[محمد أحمد الفلو]

في جمله بحارتنا ع بركة محاسن مقابل بيت زينون حكم

بوش بغل ( وقتا كان الأب)

[fadi]

كان مكتوب عالمصلى بحارتنا بعد م استشهد رامي حمزه الله يرحموا

حارة الشهيد البطل المغوار رامي سمير حمزة


و لكن يد الغدر محت هادي الجمله

[مصطفى معتوق]

عباب الكراج تاع بيت خداج مكتوب اسماء لاعبي فريق الحارة :

ما بعرف ازا اساتن

وكان مكتوب كمان اسماء لاعبين منتخب المانيا

[الشامي]

السلام عليكم :) كيفكم يا جماعة...

في جملة كانت على حيط هلال الحج القديم (أبو طلعات) ( كلهم كلاب )... مين هادول الله أعلم ...

وكمان جملة تانية كانت على حيط بيت أبو فادي الأيوبي الله يرحمو ...( لا تنتخبوهم إنهم يتاجرون بكم )... كمان عن مين الله أعلم :)...


اخوكم:rolleyes:

[المهند]

واحد شكلو جهلان بنت بطابق عالى بابو سمرا..كاتبلا على الحيط تحت البلكون:"بحبك فهمى" هههههههههههههه وانت يا معتوق لاحقين على جمل الضيعة روء عليي شوى بس

[مصطفى معتوق]

السلام عليكم :) كيفكم يا جماعة...

في جملة كانت على حيط هلال الحج القديم (أبو طلعات) ( كلهم كلاب )... مين هادول الله أعلم ...

وكمان جملة تانية كانت على حيط بيت أبو فادي الأيوبي الله يرحمو ...( لا تنتخبوهم إنهم يتاجرون بكم )... كمان عن مين الله أعلم :)...


اخوكم:rolleyes:


مزبوط ......... هادال يا شامي عمرن من انتخابات 1992 لمن كان في عالم مقاطعة الانتخابات وما بدها تشارك فيها

اسن كان في عبارة تالتة بتقول لا تنتخبوهم فالتجارب علمتنا انهم كذابون

[Nadine]

للاسف ما بقا متذكرة شو مكتوب على الحيطان بالضيعة.

وينك يا اخ زاهر تصرولنا هالحيطان وشو مكتوب عليها.

شكرا لك اخ المهند على الموضوع.

[fadi]

اذا بدّو يصور زاهر شو مكتوب عالحيطان لنا بنصحوا يصور فيديو لأن صارت كل الحيطان بالقلمون مليانا كتيبه

[Mohamad El Hajj]

انا بتذكر جملة كان كاتبها طالب طب اكبر منا على كتاب تصوير الاشعة (طالب طب اكيد) من شدة اليأس و للأسف توفي بحادث سيارة قبل موعد التخرج بشهر,الجملة هي:
لما انتهيت من صنع سفينتي جف البحر
جملة مؤثرة و كلنا تؤثر فينا هنا طلاب الطب في التشيك

[مصطفى معتوق]

عحيط تونال النبعة ما بعرف ازا اساتها كان مكتوب

: لو كان حبي لفلسطين جريمة فيا سيوف خذيني.

[المهند]

مشكورة أخت نادين على المشاركة ولكن لابد مع بعض التركيز الجيد من ان تتذكرى ولو جملة واحدة كانت على منقوشة على حائط ملعب المدرسة مثلا او فى احد الشوارع التى كنتى تمرين بها هنا..لعل هذا العنوان"ذكريات على الحيطان" ان يكون مناسبا لقصيدة قد انظمها مستقبلا ان شاء الله

[المهند]

ان شاء الله حينما تنتهي انت من صنع سفينتك ان تخوض بها عباب بحر هذه الحياة لتخدم بمهنة الطب أبناء المسلمين المشردين في شتى بقاعالارض الذين تنهشهم ماسي الجوع والتشريد والتامر..امين

[Mohamad El Hajj]

بارك الله فيك اخي المهند
الحمد لله خلصت الطب العام و كان عندي اخر امتحان يوم الاربعاء مبارح
مرة شفت بيتين من الشعر عجبوني كتير بس مني متذكر وين,البيتين :
كن كالنسور على الثرى تصغي لوشوشة القمر
اياك ان تكن الغراب يرمم الجيف الحقيرة في الحفر

[ابو عمر]

كمان يا شباب، مكتوب تحت تونيل الأوتوستراد:" الدعوة مفتوحة" و في حدّا سهم بدلّ على بخويش بالحيط....

[دوكر]

يا هلا بالجميع......
اه .......عم تزكرون بحيطان الضيعة .....
هلأ هادا من حيط لي بدي أحكي عنو .......بعتأد الكل بيعرفا .......صخرة بالجبل........صخرة "عبير"........
الحب بيعمل أشياء كتير.....هههههه....
هدا الشب اد ما حبا لعبير.........
طلع ع الجبل .........و كتب أسما ع صخرة صعب مين مكان يكتب بهل المحل..........
يعطيكن العافية ........
اخوكم دوكر المعوكر.....

[محمد الكوسا]

يا شباب مكتوب على حيطان حارة العين بالخط الكبير mkuz

[Nader 3:16]

الاخ كوسا ؤول بالاولى انت و رفقاتك الولاد ...نازعين حيط المكتبة تبعيت حارة العين بأسمائكم العريقة!!!!!! يأطع خملكم صحيح!!!!!!

[المهند]

وانت الصادق يا دوكر زياد نزل rappelعلى الحبال لحتى قدر كتب الاسم على الصخرة.. ومن الحب ما قتل..وانتهى كمان..

[fadi]

صحيح يا نادر نزعولنا الحارة من اول م جو عليا و نزعو و بهدلو كل المعالم الأثريه عنّا بالحارة و من ضمنن المصلى و حيط حئلتنا و كل الحيطان مطيوع حافرن عليا

[جابر دملوك]

هادا يا جماعة الخير بالزمانات إيام ما كان البحر سليخ.
مجموعة من الشباب المصاروة إستأجرو البيت التحتاني و أظن ما كان في غيرو بهاك الإيام " بيتون للشامي بس أبل ما يفقس بسنين "
و هالمصاروة كانوا متل بقية الشعوب العربية و أضرب شوية مسحورين ب " عبد الناصر و خطاباتو "
و بالرغم من إنو كان ميت إيامة إلا إنون كانوا مخططين عبارة ع البلكون التحتاني هلي بيطل ع خط الترين .
و العبارة هي :
" كلنا جمال و جمال في قلوبنا "

[kalamoun_28]

على حيط بيت المعلّم - قصدي المعلّم خداّج - كان مكتوب وفي صورة كمان " الشيخ راغب حرب , شعلة لن تنطفىء".

أسماء لاعبي منتخب ألمانيا مكتوبين على السياج مقابل بيت السيد أبو علي....

أمّا بخصوص أسماء لاعبين منتخب الحارة يا سيد معتوق, أكيد ما زالوا موجودين وتنطبق عليهم أغنيّة السيدة فيروز:

"بكتب اسمك يا حبيبي عالحور العتيق ... بتكتب اسمي يا حبيبي عرمل الطريق

بوكرا بتشتي الدنيا عالقصص المجرّحة .... بيبقى اسمك يا حبيبي واسمي بينمحى"

تكبير سيد معتوق !

100 أهلين بالأبضايات والزغرتيّة كلّهم, سيد معتوق, أخي المهنّد, الزعيم دملوك وحبيب القلب دوكر ...

سلامات, نزيه خداّج ملاّط

[وسيم أحمد الفلو]

"لا تنتخبوهم التجارب علمتنا انهم مخادعون" أنا بعرف مين كاتبا، ومنشان مين إنتكتبت، مهيك يا شامي :)

في جملة إنتشرت عكل الحيطان بالقلمون : " العامل النشيط محمد قوطة ..." مبعرف الكمالة.

[دوكر]

يا هلا بالجميع ............
اه و الله..........هل الموضوع رجعني ع ايام الضيعة ..........الله .......ايام الألمون..............
و زكرتوني اسا ع سيرة الحيطان ........ايام لي كنا نتسابء مع الشباب مين فاي يجمز بالأجرتين ع الحيط الزغير لي أبال المنار..............
يعطيكن العافية ...........
اخوكم دوكر المعوكر...........

[دوكر]

يا هلا بالجميع ............
اه و الله..........هل الموضوع رجعني ع ايام الضيعة ..........الله .......ايام الألمون..............
و زكرتوني اسا ع سيرة الحيطان ........ايام لي كنا نتسابء مع الشباب مين فاي يجمز بالأجرتين ع الحيط الزغير لي أبال المنار..............
يعطيكن العافية ...........
اخوكم دوكر المعوكر...........

[المهند]

وكان سيد الجمز بالاجرتين وسيم القص حفظه الله وأخوه فادي أيضا..

[X-Man]

على حائط الصف أو بالأحرى على حيطان الصفوف بمدرسة الصبيان رأيت رفاقي،قدّ ما كانوا عاقلين هههههه

[محمد أحمد الفلو]

عمر سالم كان كاتب ب صف بالثانويه:
إذا مر الزمان ولم تروني ...... أنا عمر تذكروني