الافتتاحية

[عمر ملاط]

السلام عليكم ورحمة الله وبركاته....
أيها الإخوة الكرام... نتمنى أن تنال هذه الساحة إعجابكم.. ونرجو من كل من يملك أي معلومة أو أي رابط لأي صفحة تحتوي على شيء من هذا الموضوع أن يضعه هنا ولا يبخل علينا به... وخاصة في مجال النشيد الإسلامي...
يعني أكيد في روابط كثيرة في المنتديات والمواقع الأخرى... ولكن هذا لا يمنع أن يكون هذا المنتدى هو مختصر لكل هذه الصفحات والمواقع...
وإلى محبي المنشد أبو الجود... أبدأ بهذا الرابط
www.aboljoud.com/
وقد تركت الباقي عليكم....

[الزاهر]

إلى أخي العزيز عمر وإلى كل من له اهتمام بالإنشاد والفن الإسلامي
السلام عليكم وبعد:


لماذا لا ندعم الفن الإسلامي في "بلدتنا" (مع المضي بالإنطلاقة الحالية المباركة إن شاء الله)

وأقصد بالفن الإسلامي الإنشاد والرسم والخط والشعر ووووووووووو وكل أشكال هذا الفن وعدم تخصيصه في مجال أو مجالين

وأعتذر إن كانت مشاركتي ردا على الإفتتاحية
وأنا لا أعارض بل أدعمكم بكل ما أملك إن شاء الله والله يوفق ويسدد

والسلام عليكم

[الشامي]

السلام عليكم ..

فقط للتوضيح ... هي ساحة الفن الإسلامي (وهو كل فن في كل مجال ) ..:)

فليشارك كل منا بما عنده

وأنا أؤيد رأي أخونا زاهر بدعم الفن في بلدتنا بكل أشكاله وهذا المنتدى أحد أشكاله لندعم وننشر كل ما يمكن نشره لأصحاب المواهب من أبناء بلدتنا الحبيبة ...


أخوكم:rolleyes:

[HARD]

شكرا اخي عمر ياريت يطور الفن الانشادي في القلمون على يدكم وبأصوات المغردين من الاصدقاء واذكر بالاضافة عليكم الاخ العزيز محمد ملاط والاخ محمد مغيط حفظهم الله كل واحد من مكان عيشه .
والى الاخ زاهر ياريت تخبر محمد ملاط عن المنتدى واكيد سلم عليه كتير

[HARD]

هذا التخطيط قد كنت قد عملته من شى 5 او اربع سنين ، والان انا ناطر الناقد العزيز زاهر لينسف احلامي بتعليقه الجميل ، كيفك خي زاهر :) ؟

[الشامي]

السلام عليكم ..

الله يعطيك العافية على هالتخطيط :) .. جميل ..

والآن نحن بحاجة لأخونا فشلان ليجرب قراءة ما كُتب في هذا التخطيط..

أخوكم:rolleyes:

[فشلان]

أول الشي السلام عليكم...
أنا آسف لأني اتأخرت حتى شارك بهالمنتدى.. الظاهر الكل عرفو فيه قبلي :d
أنا الحقيقة ماني صحبة كتير مع التخطيط... بس يعني سمحلي فيها: بايخة كتير... أول الغيث يتخللها شوية قساوة من القاسي....
أنا هلأ ماني كتير فاضي شارك... بس بوعدكن إني رح شارك بشي كتير حلو...
وأول مشاركة هي رد على عمر ملاط لأنو حط موقع أبو الجود... شو أبو دجانة ضاع حقو؟؟؟؟؟
أنا رأيي أبو دجانة أحلى من أبو الجود
ما بدنا تحيز... صحيح يا أخ عمر إنك كنت من المتابعين للمنشد أبو الجود.. وكنت تزورو ومن هيك شغلات... بس يعني.. مش لهالدرجة... حط شي لأبو دجانة... على فكرة الموقع يلي حطيتو يا سيد عمر المحترم... في مشاهد من فلم إنت مصورو لأبو الجود لما إجا على مدرسة الإيمان... وظاهرة فيه إشارة "الهدى"... يا تسلملي إنت وصاحبك أمين... بس عنجد بحبكن...
لا حدا يفهمها غلط...
مع تحيات المهندس فشلان...

[عمر ملاط]

روقها علينا يا مــــــــهــــــــنــــــــــدس فـــــــــشـــــــــــــــــــــــــــلان
بس حابب أعرف مين إنت......
على كل لا تزعل هادى موقع لأبو دجانة
http://www.nojoomcirta.com/vb/showthread.php?t=4358
بس لازم تكون متسجل بالموقع... على فكرة التسجيل بسيط وسهل.... بس فيها كتير معلومات حلوة عن أبو دجانة.. وفي أشخاص كتير ما بيعرفوها... وإنت أكيد منن يا مــــــــهــــــــنــــــــــدس فـــــــــشـــــــــــــــــــــــــــلان
ونحنا ناطرين مشاركاتك النيرة.... وطالما إنك مانك شاطر بالخط... بشو شاطر؟؟ بالصوت الشجي... أو بالتمثيل الندي؟... أو بالشعر العذب الرقراق؟؟؟؟؟؟؟؟
شاركنا معلمي.....

[فشلان]

روقها علينا معلم عمر...
صحيح أنا فاشل بالخط.. وصوتي مثل الجاروشة.... وبوقف قصب إذا عم مثل.... بس شاطر شوية بالشعر... يعني بيطلع معي من فترة لفترة شوية شعر...
هلأ ماني فاضي مثل ما قلتلك.. على مهلك علي شي يومين... وإنت مثل ما بعرف شاطر بالشعر، وأنا قرأت شعرك بالأستاذ حبيب حليحل.. وعجبني... وأنا رح إعملك شعر خاص فيك....... لعيونك.... وإن شاء الله بيعجبك...