بلدية ! الله يعين البلدة

[شحتوت]

بسم الله الرحمن الرحيم ،أما بعد : فهذه البلدة يا إخوان ما النا غيرها فلماذا نتركها هكذا المطبات في كل مكان و الجور تملأ ساحات البلدة فما رأيكم يا إخواني هل يجوز هذا الكلام قولوا إلي ،هذه البلدة لها 4 سنوات تعاني من هذا الأمر وسائقي السيارات يعانون مع سياراتهم من تصليحها وما شاكل ذلك فأرجوكم أفيدوني معي حق في الكلام واللا لق قولولي :1 (80):.

[وسيم أحمد الفلو]

السلام عليكم

أخي الكريم معك كل الحق، وإن شاء الله فسوف أقوم أنا والشرطي رأفت الشقرة وبسام زيد بإحصاء أهم الجور، تمهيداً لرفع تقرير إلى الرئيس لعلنا نقوم بترقيع الجور (التزفيت الكامل للقلمون هو صعب جداً من الناحية المادية).

أما المطبات فمن الصعب إزالتها (بل يمكن أن نضع المزيد على الطريق الجديدة جداً ) بسب السرعة الفائقة من البعض.

الرجاء من المشرف نقل هذا الموضوع إلى الساحة البلدية بعد قرائته من الأخ الكريم

[أيمن غ القلموني]

السلام عليكم

أخي الكريم معك كل الحق، وإن شاء الله فسوف أقوم أنا والشرطي رأفت الشقرة وبسام زيد بإحصاء أهم الجور

أما المطبات فمن الصعب إزالتها (بل يمكن أن نضع المزيد على الطريق الجديدة جداً ) بسب السرعة الفائقة من البعض.





لك وسيم ، حتى بالجور في أولويات ؛ معقولة في جور أهم من جور. ولا أصدك مفي إمكانية لترقيع كل الجور ، بسبب عدم توفر المال اللازم.

وميشان المطبات ، ألله وكيلك كان المشوار ياكل من بت ستي لبيتنا بالموتور ٣ دقائق ، فشو بدو يكون الحال إذا زدتو المطبات ، يمكن يصور ياكل ٢ دقائق.:1 (40):

ميشان السرعة ، ضبوطة عن بو جنب ، شو الشغلة سايبة ، خلي إللي بيسرعو يفهمو .

[الشامي]

السلام عليكم ..:)..كيفكم يا جماعة...

يا ريت تشوفولنا كمان قصة الطرقات بمونتريال - كندا .. لأن اللي بيشوفها بيترحم على القلمون ولبنان والصومال ... ما هيك سيد خدااااج ...

فالله يعين البلدية والضيعة ....

أخوكم:rolleyes:

[soulayma]

[quote=شحتوت;35298]بسم الله الرحمن الرحيم ،أما بعد : فهذه البلدة يا إخوان ما النا غيرها فلماذا نتركها هكذا المطبات في كل مكان و الجور تملأ ساحات البلدة فما رأيكم يا إخواني هل يجوز هذا الكلام قولوا إلي ،هذه البلدة لها 4 سنوات تعاني من هذا الأمر وسائقي السيارات يعانون مع سياراتهم من تصليحها وما شاكل ذلك فأرجوكم أفيدوني معي حق في الكلام واللا لق قولولي :1 (80):.[/3anjadd
انا اكيد اوافقك الراي يا اخ شحتوت لقد ضقنا ذرعا بالبلدية وبوعودها الكاذبة . مع كل احتراماتي لرائيس البلدية اقول له انه يجب تحسين الوضع والا فان صورته سوف تتزعزع امام اولاد البلدة كفانا وعودا لا نفع منها ونرجو البدا بعزم وبجدّية وعدم المماطلة ..... والاهتمام بشووننا ولو قليلا !!!!!

[яiиda]

والله كلّ الحق معك يا اخونا شحتوت وألله يجزيك كلّ خير.......... بعدين لعتى بالأماكن يلّي لازم يكون فيها مطبّات منو موجود والعكس صحيح وحتى الجور يلّي متلّيّة الضّيعة كمان ... طيّب يشّيلولن نتفة من هيدي المطبّات الزّايدة و يسكّروا فيها الجور هيدي لأنّو ما معن مصاري (يا حرام بيزعّلو).......... والله انا شايفة انّو ما حدن سئلان عنّا بئا وما حدن غيرنا يلّي بيزعّل................. اففف
سلام:)

[وسيم أحمد الفلو]

السلام عليكم

البلدية لا تنكر إهمالها في موضوع الجور ،لكن الوضع المالي في السنة المنصرمة و الحالية سيئ جدا

النفقات الثابتة هي حوالي ٣٠٠٠٠٠٠٠٠ ليرة في السنة و الواردات في تراجع مستمر وهناك ديون متراكمة من مشاريع سابقة ( الأرصفة ، التملكات ، الطريق الجديدة )

[яiиda]

هلأ صعبت عليّن يحطّو طبّة واحدة او اثنين يعني ............. هيدا منّو حكي!!!!!!!!
سلام:)

[وسيم أحمد الفلو]

أنا قلت أن البلدية مقصرة جداً في موضوع الجور وبعض المطبات، أما كلامي عن الوضع المالي فهو لتوضيح حقيقة وضع البلدية مع العلم أنه ما زلنا نستطيع تزفيت الجور

[яiиda]

طيّب شو ناطرين ...يلا.... وحتّى كمان في محلّ لازم ينحطّ فيه طبّة وانتو بتعرفوا هيدا الشّي لأنّو انطلب منكن هيكة شي ميت مرّة ولكن لاحياة لمن تنادي مع انّو التّهاون بهيدا الموضوع ممكن يسبّب مشكلة.................. اسّاتنا ناطرين اشغالكن.
سلام:)

[وسيم أحمد الفلو]

بحسب معلوماتي فإن هناك عملية ترقيع جور ووضع مطبات قريباً

هل يمكن تزويدي بمكان المطب الذي تشيرين إليه؟

[яiиda]

نعم ممكن..... الطّبّة يلّي عم احكي عنّا انا, هي فوق قرب الاوتوستراد...؟؟؟!!!!!! شووووووو؟؟؟!!!! ما تذكّرتوا؟؟!!!
على كل" ان شاء الله تكون تابعة لعمليّة التّرقيع القريبة...... بسّ ازا قريبا" عندكن يعني بعد شي سنة على الاقلّ............
أرجو انّي كون مغلّطة بهيدا الحكي مع انّي متأكّدة نوعا" ما..ناطريييين!!!!!!!!...
سلام:)

[وسيم أحمد الفلو]

نعم ممكن..... الطّبّة يلّي عم احكي عنّا انا, هي فوق قرب الاوتوستراد...؟؟؟!!!!!! شووووووو؟؟؟!!!! ما تذكّرتوا؟؟!!!


لأ متذكرت (لإنو مبعرف لمين قلتي أصلاً) والرجاء تحديد المكان.

[яiиda]

ازا ما عرفتوا وين ..... بلاها ...........
بترجعوا بتعرفوا

[وسيم أحمد الفلو]

إذا كان أحد الأعضاء يعرف شيأً عن الموضوع فالرجاء إخباري بإسمه لأسأله أو تحديد المكان وشكراً

[яiиda]

لأ....... مشكورين يا أعضاء البلديّة كلّكن على جهودكم المبذولة..... رح ترجعوا تعرفوا ما تفزعوا كتير...... اهلا"
سلام..... بلااااااااااااااااااها هلأ

[وسيم أحمد الفلو]

سأسأل الرئيس والأعضاء بنفسي وشكراً

[وسيم أحمد الفلو]

تم ترقيع معظم الجور ووضع مطبات عند بناية عصام طوط وبناية عبد الوهاب صهيون